16/01/2025
𝗞𝗔𝗣𝗜𝗡 𝗦𝗔 4𝗠𝗜𝗟 𝗞𝗔 𝗠𝗚𝗔 𝗣𝗔𝗠𝗜𝗟𝗬𝗔 𝗡𝗚𝗔 𝗔𝗣𝗘𝗞𝗧𝗔𝗗𝗢 𝗦𝗔 𝗕𝗨𝗟𝗞𝗔𝗡𝗚 𝗞𝗔𝗡𝗟𝗔𝗢𝗡, 𝗡𝗔𝗛𝗔𝗧𝗔𝗚𝗔𝗡 𝗨𝗚 𝗧𝗔𝗕𝗔𝗡𝗚 𝗦𝗔 𝗢𝗩𝗣
Malipayon nga napaabot ang mga tabang subay sa padayon nga aktibidad sa Bulkang Kanlaon diin gilusan ang nasampit na tabang gikan sa Office of the Vice President (OVP) kagahapong adlawa, Enero 15, 2025 sa Canlaon City, Negros Oriental.
Nasayran nga moabot man sa 4,065 ka pamilya ang nakadawat niini sama sa bugas, tubig ug uban pang mga nag-unang panginahanglanon pinaagi sa pagpanguna usab sa mga sakop sa OVP Disaster Operations Center (DOC), OVP - Panay and Negros Islands Satellite Office, kalakip ang CSWDO sa Canlaon City.
Gihatod ang mga relief sa nagkadaiyang evacuation centers niini diin miabot usab sa 40,650 ka kilo sa special commercial rice ug mga bottled water ang nahatag gikan sa nahabilin nga pondo sa OVP ug mga donasyon sa mga pribadong grupo ug indibidwal.
Magpadayon ang pagpanghatag sa OVP sa nagkadaiya pang lungsod ug syudad sa Negros Occidental nga apektado sa mga mosunod na adlaw.
| with reports from Office of the Philippines via Elmer Sagang, Like Radio Guihulngan News Writer
| Photo by Office of the Philippines
