Shout out to my newest followers! Excited to have you onboard! Corazon Tabigue Gonzaga, Mel Alcala, Rhian Matildo Bayeta
Malooy an Ginoo, makaayabat na nan humay an mga sakop sa Alambique Farmer Irrigators Association kuman na tuig tingtanum.
Sumaya pa ni G. Balacio Ragas kanhi presidente sa kapunungan nan mga nagbasak sa Alambique nakaabot ra gajud an tubig sukad nahuman an proyekto nan 1989.
Nakatilaw pa sija nan tubig sa irigasyon jadton na tuiga pero pagkasunod tuig bagan ihi rakan nan kapre an nakaabot sa Hinangbujan.
Isigoaugat an mga miyembro nan kapunungan dili mamati nan polisiya sa katurnuhan sa ila kaawasan.
Hataas na katuigan sila nag-antus sa Alambique way ni isa ka konsehal na notunga sa ila miting dakan unta makatabang sa ila problema.
Hangtud tagbakwi nan NIA an pagmaneho sa irigasyon gikan sa CLABAGIPLA Farmers, Irrigators Association.
Jadton nuagi na buyan nagboluntaryo an mga sakop sa Alambique Farmers, Irrigators Association sa pagpanguyo ni G Roberto Digol na madajaw an ila kanal sa tubig.
Kuman na buyan 35 ka tuig sukad natawo an irigasyon, dahuja na an tubig sa Hinangbujan sanan Kanlagsik. Makatanum na sila kaupat sa isa ka tuig.
Ari ta anay sa mga miya na punto ka mga sipat. Mga payasagdahon na way makalabaw.
Sa pagutlan nan tingkaon amo jaon an ila huygo mamagbanding kunuhay.
Amo ra nan mga senior kon tingmiting aja pagbunaji dakan mangatindir
Pero kon jao'y karajawan aja gihapon pagbunaji kay namaghagudhod di magpasagda.
Hinuon dili tanan.
Kahamuki mamag-ingkod.
An iban mga paya-una dili mamati lang-on, "linya, linya!"
Mamagbagutbut kon kasultihan armora nan mga miya panahon ting-uyag🤣
Sugod kuman Enero 2024, ilusad an 'catch up Friday' nan Departamento sa Edukasyon.
Natawo ini na programa agi pagtubag sa problema sa mga bata na hinay sa klase.
Kada Biyernes paningkamutan nan eskuylahan na makaapas an hinajon na mga bata labi na jaon dili pa makabasa.
Pero pagkamingaw palandungon suyod sa mil anyos hangtod sa amo pagretiro, may mga bata na dili gihapon makabasa nakaabut sa Grade 10.
Tungod sa kahamok na trabahoon nan maestra sanan konsentidor na mga ginikanan o mga oya papasaron rakan an bata na dili makabasa.
An DepEd sab sa amo panahon waya hatagi nan importansya an kalidad sa edukasyon kay naghamok an mga contest na way kalabutan sa kahibayo nan mga bata.
Pananglit, Gulayan sa Paaralan na nakahatag nan kalabad sa maestra sanan eskuylahan.
Iton pa jaon mga athletic meet, "press conference(?), na bijaan an klase hapit mosemana kay magcoach an maestra sa "bright" na mga bata.
Usik karajaw an panudlanan sa eskuylahan kay dili man gihapon nakabasa an mga bata.
Bagan an mga bolok nusamot kabulok an mga bright nusamot kabrayet.
Looy karajaw an mga bolok kay bagan bola sa volleyball itugpotugpo da nan mga maestra.
Sa San Isidro ES pa 'ko, nuhangjo ako sa isa ka sinaligan nan division office na dili paentrahon an Parang sa mga contest dakan tibo ra kami sa klasrom.
Nanay, division an natuman, nakalusot an mga bata na dili kabasa!
Dugay na man ini na problema waya man gihapon masulbad!?
Tagreklamo ko na ini sa isa ka sakop sa Sangguniang Bayan kagan-o sija mismo nakakita lima na ka tuig nulabay.
Sa mga taga SURNECO waya isab makahangad kay waya'y sab seguro nagreklamo na taga simbahan.
Delikado ini kon kusog an hangin panahon ting-uyan kay molatay an kuryenti ngadto sa lupa.
Simbako may makuryentihan! Dili na unta huyaton na may madisgrasya.
Mahamok mangagihay nan ini na dayan delikado kon matum-an na mabali an sanga kay gabok na.
An sanga sa kahoy mapatay kon pikitan nan alipaypay hangtod magabok.
Nakabagat na sab nan grabahan inin mga nanginabuhi.
An nakalisod lamang kay ini sila nagkabot mga singko metros gikan sa taghimo na dike sanan Magallanes-Kinabutan bridge na ginastuhan gikan sa 20% development fund nan kapitolyo.
Sumaya sa DENR administrative order section 79, tagtugot an quarrying isa ka kilometro ra an distansya gikan sa tulay hampan isa ka metro an kalayom nan kabot.
Pero an nahitabo dinhi nagkabot sila nan subra sa isa ka metro.
An nahitabo sa tulay na Baoy kuman amoy isab mahitabo dinhi.
__________________
Arang na kapaso an politika sa Gakit human sa caravan nan Team Bonite
nan Lunes Marso 28.
Human sa hinagitay kon sin-oy pinakahamok sanan pinaka_ nan-gawas an kaalibuyboy sa mga panumboy, jagajaga, saway diri, saway didto.
Ato lamang ipadumdum sa matag dumadapig an pagbaton nan kalinaw sanan kahapsay sa dyagan sa politika sa Gakit.
Likajan ta an pagtamay sanan panumboy sa mga tawo na nudapig sa kada pikas nan kampo sa mga kandidato.
Ipatigbabaw ta an gugma sa isigkadumadapig kay ila 'ton katungod kon hain sila mosuportar.
Dili na unta mahitabo an pagkaguba sa relasyon nan pagkaamigo tungod lamang sa managlahi an tagdapigan.
Dumdumon ta an kauswagan labaw sa tanan nan lungsod dili kon para sa personal ta na panginahanglan.
Pinaagi sa sinabtanay sanan panaghiusa, makab-ot nato an karajawan para sa Bag-ong Gigaquit!
News updates inside Gigaquit
