18/03/2024
Dilikado!!!
Gipahimangnoan sa Department of Health (DOH) ang publiko batok sa pagkaon sa kinhason gikan sa unom ka lugar sa Kabisay-an ug Mindanao tungod sa paralytic shellfish poison o makahilong red tide.
Ang DOH ug ang Bureau of Fisheries and Aquatic Resources (BFAR) nagkanayon nga ang abiso naglangkob sa tanang matang sa kinhason, lakip na ang tahong, oysters, clams ug tulya nga gikan sa kabaybayonan sa Milagros sa Masbate; Dauis ug Tagbilaran City sa Bohol; Dumanquillas Bay sa Zamboanga del Sur; San Pedro Bay sa Samar; Matarinao Bay sa Eastern Samar; ug San Benito sa Surigao del Norte.
Tambag ni DOH Secretary Ted Herbosa, ang mga pasyente nga makasinati og sintomas homan makakaon og dili luwas nga kinhason dal-on dayun sa pinakaduol nga tambalanan ug isiguro nga nagmonitor kanunay sa abiso nga ipagawas sa BFAR ug sa DOH.
📰
