26/12/2024
TAN-AWA|| LOMOLOPYO SA BRGY.UNO, KATIPUNAN ZN, MIHANGYO NGATO SA TAG-IYA SA BARKO NGA MAKUHA NA GUMIKAN NAKAHATAG KANILA SA KABALDA UG KAGUOL NGA NANGAGUBA ANG ILANG PADER SA BALAY
Nagahangyo si Mr. Samuel Tubil, 57 anyos lakip na ang tanang lomolopyo sa Brgy.Uno, Katipunan, Zamboanga del Norte ngadto sa tag-iya sa duha ka barko nga napadpad sa kabaybayonan sa naasoy'ng lugar nga makuha na unta ang mga barko, atol sa paghinabe sa DXDR-RMN Dipolog, bag-ohay pa lamang, Desyembre 26 ning tuiga.
Dakong kaguol ang natagamtaman sa mga lomolopyo sa nahisgutang lugar gumikan sa grabing hampak sa balod gikan sa kabaybayonan nga muhampak sa barko lahos sa kilid nga bahin sa matag lomolopyo sa naasoy'ng lugar nga maayong pagkahampak sa balod, rason nga nangaguba ang matag pader sa ilang panimalay.
Saysay pa ni Tubil nga mag-tulo (3) na ka tuig ang mga barko nga natambay sa maong lugar nga naabot sa punto nga nangataya ug nangaguba na. Matod pa niya nga ang usa ka barko nasandig na sa pantalan nga angay na kuhaon ug ang usa hapit na mudasmag sa balay nga nakahatag og kabalaka sa mga lomolopyo.
Kahibaloan nga na Tulfo in Action na ang problema sa nahisgutang lugar gumikan ang gikabalak-an nila mao ang kargamento sa barko nga posibling kargado ug chemical nga kung matandog, kuyaw sa mga lomolopyo. Busa gisubay kini sa pipila sa kauban ni Tulfo aron matagaan ug askyon, apan karon nagpabilin pa sa maong lugar.
Sa katapusang pamahayag ni Tubil nga unta dunggon na ang ilang yangongo may kalabutan na sa mga barko nga napadpad sa naasoy'ng lugar.
