Bagwis-Agham

15/01/2025

𝐉𝐔𝐒𝐓 𝐈𝐍 | 𝗖𝗹𝗮𝘀𝘀𝗲𝘀 𝘀𝘂𝘀𝗽𝗲𝗻𝗱𝗲𝗱 𝗮𝗺𝗶𝗱 𝗶𝗻𝘁𝗲𝗻𝘀𝗲 𝗿𝗮𝗶𝗻𝗳𝗮𝗹𝗹

In light of ongoing rainfall and strong winds affecting Davao City and nearby provinces, the Philippine Science High School - Southern Mindanao Campus (PSHS-SMC) has suspended classes today, January 15, 2025.

This action follows a public advisory from Barangay Sto. Niño, which mandates the suspension of operations for all public and private educational institutions in the barangay.

As of now, all students are thereby advised to leave campus by 9:00 AM for safety.

🖼️ Pubmat by: Riana Carrillo, Yannah Fajardo, and Matthew Guinocor
🖋️ News by: John Bedez

10/01/2025

𝗣𝗮𝗴𝗯𝗮𝘁𝗶, 𝗕𝗮𝘁𝗰𝗵 𝟮𝟬𝟯𝟭! 🥳

🎉 𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 𝘁𝗼 𝘁𝗵𝗲 𝗡𝗖𝗘 𝗣𝗮𝘀𝘀𝗲𝗿𝘀! 🎉

Hon. Renato U. Solidum Jr., Secretary of the Department of Science and Technology and Chairman of the PSHS System Board of Trustees, proudly announces the successful qualifiers of the Philippine Science High School System (PSHSS) National Competitive Examination (NCE) for School Year 2025-2026! 🌟

The qualifiers excelled in the one-step screening conducted last November and December 2024. ✏️📚💡

📋 OFFICIAL LISTS OF THE NCE 2024 PASSERS AS GROUPED ALPHABETICALLY:
https://url.pshs.edu.ph/2024-NCE-Results-A-D
https://url.pshs.edu.ph/2024-NCE-Results-E-N
https://url.pshs.edu.ph/2024-NCE-Results-O-Z

📰 The official list of names of the NCE 2024 passers will also be published in the newspaper on Sunday, January 12, at the Philippine Star and the Manila Bulletin.

📌 Important Reminder:
Successful qualifiers must contact the Registrar or Campus Director of their respective PSHS campuses IMMEDIATELY to confirm their slots:
🔹 Main Campus qualifiers: Deadline is 14 February 2025
🔹 Regional Campus qualifiers: Deadline is 28 February 2025

Stay tuned as PSHS campuses will announce the schedules for other enrollment activities soon. Once again, congratulations and welcome to the family! 🎓✨💙

31/12/2024

𝗠𝗔𝗡𝗜𝗚𝗢𝗡𝗚 𝗕𝗔𝗚𝗢𝗡𝗚-𝗧𝗔𝗢𝗡 𝗠𝗨𝗟𝗔 𝗦𝗔 𝗕𝗔𝗚𝗪𝗜𝗦-𝗔𝗚𝗛𝗔𝗠 🪽

Taos-puso kaming nagpapasalamat para sa inyong walang sawang suporta nitong nakaraang taon. Sa pagpasok ng 2025, asahan niyong mananatiling mahusay, matapat, at makabuluhan ang aming pamamahayag para sa ikabubuti ng buong komunidad.

Nawa’y mapuno ng kasiyahan, pagpapasalamat, at pagmamahal ang ating susunod na yugto. Ito’y para sa mas maraming kuwento ng tiyaga, tagumpay, at katotohanan sa bagong taon! 🥂🤎

🎨: Anne Kyle Mantilla

30/12/2024

𝗡𝗚𝗔𝗬𝗢𝗡𝗚 𝗔𝗥𝗔𝗪 | 𝗔𝗿𝗮𝘄 𝗻𝗶 𝗥𝗶𝘇𝗮𝗹

Maging sa huling sandali, inialay ni Rizal ang kaniyang buhay para sa bayan. “Consummatum est!” huli niyang sinabi bago siya binaril sa Bagumbayan noong ika-30 ng Disyembre, taong 1896. Sa oras na iyon, tila'y nagtapos na ang kaniyang misyon—na pukawin ang pagkamakabayan ng kaniyang mga kapwa Pilipino.

Makalipas ang 128 taon, nananatili pa ring mahalaga ang mga mensaheng ipinahihiwatig ni Rizal sa kaniyang mga akdang katulad ng Noli Me Tangere at El Filibusterismo. Kaugnay nito, nakikiisa ang Bagwis-Agham sa paggunita ng ating pambansang bayaning ginamit ang kaniyang mga salita upang sindihan ang mitsa ng pagbabago sa bansa.

Bilang mga iskolar at mamamayan, ating gawing huwaran si Rizal nang sa ganito'y magagamit natin ang ating kaalaman sa pagbibigkis ng komunidad, paglutas ng mga isyung panlipunan, at pag-abot ng dakilang minimithi.

🎨: Anne Kyle Mantilla

25/12/2024

𝗡𝗚𝗔𝗬𝗢𝗡𝗚 𝗔𝗥𝗔𝗪 | 𝗗𝗜𝗪𝗔 𝗡𝗚 𝗞𝗔𝗣𝗔𝗦𝗞𝗨𝗛𝗔𝗡

Higit sa pagkabit ng kumikinang na mga parol at hapag sa Noche Buena, sa pamilya nakasentro ang Pasko ng Pilipino. Gayundin, nagbibigay ito ng pagkakataong magnilay kalakip ng kapanganakan ni Hesus. Malamig man ang simoy ng hangin, ramdam naman natin ang yapos ng ating pamilya.

Mula sa amin sa Bagwis-Agham, binabati namin ng isang Maligayang Pasko ang ating buong komunidad. Nawa’y maging instrumento ang diwa ng Pasko upang mapatibay ang ugnayan sa ating pamilya at kapwa.

𝐌𝐮𝐥𝐚 𝐬𝐚 𝐁𝐚𝐠𝐰𝐢𝐬-𝐀𝐠𝐡𝐚𝐦, 𝐌𝐚𝐥𝐢𝐠𝐚𝐲𝐚𝐧𝐠 𝐏𝐚𝐬𝐤𝐨!

🖋: Fiona Mikaela Galendez
🖌: Julia Michaela Cervantes

14/12/2024

𝗣𝗔𝗦𝗞𝗢 𝗦𝗔 𝗣𝗜𝗦𝗔𝗬-𝗗𝗔𝗩𝗔𝗢 | 𝗡𝗶𝗻𝗴𝗻𝗶𝗻𝗴 𝗻𝗴 𝗣𝗮𝗴𝗸𝗮𝗸𝗮𝗶𝘀𝗮

Kasabay ng pagyakap ng malamig na simoy ng hangin, nagliliwanag ang mga kalsada tulad ng mga bituin sa kalangitan. Ang mga parol at bumbilyang nakasabit sa mga gusali ay nagpapaalala sa bawat isa na papalapit na ang pagdiriwang na inaabangan ng lahat—ang Kapaskuhan.

Sa pagsapit ng ika-13 ng Disyembre, nagbigay-liwanag sa puso ng mga mag-aaral ang pagsindi ng tanyag na Christmas tree ng Pisay-Davao. Binigyang diin ni Dr. Jonald Fenecios, Campus Director, na ang pagsindi ng mga ilaw ay simbolo ng pag-asa at pagkakaisa, “The glow of these lights reminds us that even in the darkest nights, there’s always light to guide our way."

Sa naturang kaganapan, ikinatuwa rin ng mga dumalo ang pangaroling ng Glee Club, pagpapakitang-gilas ng Oasioas Dance Troupe, at pag-indak ng mga piling kawani. Tiyak na nadama ng bawat isa ang ningning ng pagkakaisa habang sila'y nagsama-sama upang ipagdiwang ang diwa ng Kapaskuhan.

🖊️: Faith Hamchelle Leong at Alexandrea Gamale
📷: Christine Gomez, Kryst Irle Toledo, Denzel Heart Hontanosas, Francis Gabriel Dangoy, at Maria Keiarra Yutig
🎨: Anne Kyle Mantilla

12/12/2024

10/12/2024

𝗔𝗻𝗴 𝗴𝘂𝘀𝘁𝗼 𝗸𝗼 𝗹𝗮𝗻𝗴 𝗽𝗮𝗿𝗮 𝘀𝗮 𝗣𝗮𝘀𝗸𝗼 𝗮𝘆... ̶𝗶̶𝗸̶𝗮̶𝘄̶ 𝟭.𝟬𝟬! 🎁

Nawa'y galingan natin ang ating mga pagsusulit ngayong linggo. Ipakita natin ang ating kaalaman at kasanayan sa iba't ibang asignatura.

Mag-aral tayo nang maigi, magdasal, at tandaang mahusay tayo anuman ang mangyari.

Ngunit, huwag nating kalimutang matulog, kumain, at magpahinga dahil sa huli, ang kalusugan natin ang tanging puhunan para sa hinaharap.

𝐊𝐚𝐲𝐚 𝐧𝐚𝐭𝐢𝐧 '𝐭𝐨!

🎨: Alexandrea Gamale at Anne Kyle Mantilla

06/12/2024

𝗠𝗮𝗹𝗶𝗴𝗮𝘆𝗮𝗻𝗴 𝗸𝗮𝗮𝗿𝗮𝘄𝗮𝗻, 𝗗𝗿. 𝗢𝗿𝘁𝗲𝘇𝗮!

Lubos kaming nagpapasalamat sa inyong walang sawang dedikasyon at kahusayan bilang Executive Director ng Philippine Science High School System.

Ang inyong pamumuno ay naging mahalagang bahagi ng pagpapaunlad ng siyensiya sa ating bansa, nagbigay-inspirasyon sa libo-libong kabataan na abutin ang kanilang mga pangarap sa STEM, at nagpatibay sa kalidad ng edukasyon.

Nawa’y maging masaya at makabuluhan ang araw na ito bilang simula ng isa pang taon ng tagumpay sa pagsulong ng agham at teknolohiya sa kabataan ng bayan.

🖋️: Sil Vennxae Necesito
🎨: Frezhia Eunice Minoy

06/12/2024

𝐌𝐄𝐌𝐎 | Campaign to End VAW DP Frame

In support of the 𝟏𝟖-𝐃𝐚𝐲 𝐍𝐚𝐭𝐢𝐨𝐧𝐰𝐢𝐝𝐞 𝐂𝐚𝐦𝐩𝐚𝐢𝐠𝐧 𝐭𝐨 𝐄𝐧𝐝 𝐕𝐢𝐨𝐥𝐞𝐧𝐜𝐞 𝐀𝐠𝐚𝐢𝐧𝐬𝐭 𝐖𝐨𝐦𝐞𝐧, we encourage all members of the Pisay-SMC Community to join the effort by using the DP Frame down below!

𝐃𝐏 𝐅𝐫𝐚𝐦𝐞:
https://www.twibbonize.com/pshssmcendvaw2024

𝐂𝐚𝐩𝐭𝐢𝐨𝐧:

[START OF CAPTION]

🧡 𝐌𝐚𝐤𝐞 𝐭𝐡𝐞 𝐯𝐨𝐰 𝐭𝐨 𝐞𝐧𝐝 𝐕𝐀𝐖! 🧡

Hi! I’m [Your Name], and together with Pisay SMC, we stand united in the fight to end 𝐕𝐢𝐨𝐥𝐞𝐧𝐜𝐞 𝐀𝐠𝐚𝐢𝐧𝐬𝐭 𝐖𝐨𝐦𝐞𝐧 (VAW).

Guided by this year’s theme, "𝐕𝐀𝐖 𝐁𝐢𝐠𝐲𝐚𝐧𝐠 𝐖𝐚𝐤𝐚𝐬, 𝐍𝐠𝐚𝐲𝐨𝐧 𝐧𝐚 𝐚𝐧𝐠 𝐎𝐫𝐚𝐬," we reaffirm our commitment to creating a safer space for all women by raising awareness and advocating for meaningful change.

Be part of the movement! Support the cause by joining our DP blast below:

👉 https://www.twibbonize.com/pshssmcendvaw2024

Learn more about the Campaign to End VAW through this link:

👉 https://pcw.gov.ph/18-day-campaign-to-end-vaw/

In this 18-day campaign, let’s make our voices heard and fight for a society free from violence and abuse! 🧡





Frame and Caption by: Angeli Elizalde Panal

[END OF CAPTION]

05/12/2024

𝗣𝗔𝗕𝗔𝗧𝗜𝗗 | 𝗜𝘀𝗸𝗼𝗹𝗮𝗿 𝗻𝗴 𝗣𝗶𝘀𝗮𝘆-𝗗𝗮𝘃𝗮𝗼, 𝗽𝗮𝘀𝗼𝗸 𝘀𝗮 𝗨𝗦 𝗰𝗼𝗹𝗹𝗲𝗴𝗲 𝗽𝗿𝗲𝗽 𝗽𝗿𝗼𝗴𝗿𝗮𝗺

Mula sa humigit-kumulang 300 aplikante sa buong bansa, natanggap sa US Embassy College Prep Program ang isang mag-aaral ng ika-11 baitang sa Philippine Science High School Southern Mindanao Campus.

Sa ikaapat na cohort, si Sil Vennxae Necesito lamang sa 15 miyembro ang nanggagaling sa rehiyon ng Davao.

Ang US Embassy College Prep Program ay isang programang handog ng EducationUSA Philippines upang mabigyan ng intensibong suporta ang mga estudyanteng nais mag-aral sa Amerika.

𝐁𝐢𝐧𝐚𝐛𝐚𝐭𝐢 𝐧𝐠 𝐁𝐚𝐠𝐰𝐢𝐬-𝐀𝐠𝐡𝐚𝐦 𝐚𝐧𝐠 𝐚𝐦𝐢𝐧𝐠 𝐊𝐚𝐭𝐮𝐰𝐚𝐧𝐠 𝐧𝐚 𝐏𝐚𝐭𝐧𝐮𝐠𝐨𝐭 𝐩𝐚𝐫𝐚 𝐬𝐚 𝐤𝐚𝐧𝐢𝐲𝐚𝐧𝐠 𝐤𝐚𝐭𝐚𝐧𝐠𝐢-𝐭𝐚𝐧𝐠𝐢𝐧𝐠 𝐭𝐚𝐠𝐮𝐦𝐩𝐚𝐲! 𝐍𝐚𝐰𝐚'𝐲 𝐩𝐚𝐭𝐮𝐥𝐨𝐲 𝐦𝐨𝐧𝐠 𝐥𝐢𝐧𝐚𝐧𝐠𝐢𝐧 𝐚𝐭 𝐢𝐩𝐚𝐤𝐢𝐭𝐚 𝐚𝐧𝐠 𝐢𝐲𝐨𝐧𝐠 𝐤𝐚𝐡𝐮𝐬𝐚𝐲𝐚𝐧𝐠 𝐧𝐚𝐠𝐬𝐢𝐬𝐢𝐥𝐛𝐢𝐧𝐠 𝐢𝐧𝐬𝐩𝐢𝐫𝐚𝐬𝐲𝐨𝐧 𝐩𝐚𝐫𝐚 𝐬𝐚 𝐧𝐚𝐤𝐚𝐫𝐚𝐫𝐚𝐦𝐢.

🖋️: Alexandrea Gamale
📷: Rhaizyll Clyte Giltendez
🎨: Frezhia Eunice Minoy

01/12/2024

𝗩𝗜𝗩𝗔 𝗦𝗘𝗡𝗜𝗢𝗥𝗦
𝗡𝗼𝘀𝘁𝗿𝗮 𝗙𝗶𝗲𝗿𝗮, 𝗻𝗮𝗴𝗹𝗶𝗹𝗶𝘆𝗮𝗯 𝗯𝗶𝗹𝗮𝗻𝗴 𝗸𝗮𝗺𝗽𝗲𝗼𝗻; 𝗞𝗮𝗹𝗮𝘀𝗮𝗴 𝟮𝟬𝟮𝟰, 𝗼𝗽𝗶𝘀𝘆𝗮𝗹 𝗻𝗮 𝗻𝗮𝗴𝘁𝗮𝗽𝗼𝘀

Napuno ng hiyawan at palakpakan ang Gymnasium ng Philippine Science High School Southern Mindanao Campus (PSHS-SMC) noong ika-29 ng Nobyembre nang itinanghal ang Grade 12 "Nostra Fiera" (Batch 2025) bilang Overall Champion ng Kalasag 2024.

Pagkatapos ng mahigit dalawang buwan ng paghahanda at pagsusumikap, nakamit nila ang kanilang inaasam-asam na kampeonato sa naturang kaganapang pinangungunahan ng Sports Club.

"We started preparing as early as October, knowing how busy we were as we juggled academics, college entrance exams, and other responsibilities. For us, time management was really important. The key element that brought us to this moment was our teamwork and dedication—everyone worked hard, supported one another, and stayed focused on our shared goals," paliwanag ni Rei Dawn Gamboa, Governor ng Batch 2025.

Dikit ang naging labanan para sa korona ngayong taon sapagka’t tatlong puntos lamang ang naging kalamangan ng Fiera kontra sa Grade 10 "Azul Mayari," 244-241.

"Our batch feels incredibly happy and relieved. Winning this title has been a significant goal for us since last year, and it’s especially meaningful as it’s our final year. This victory showcases the culmination of months of hard work, determination, and unity," ani Gamboa.

Samantala, nakamit naman ng Grade 11 "Regalis Salvia" ang ikatlong puwesto (196 puntos); Grade 9 "Kasai Kaisers" ang ikaapat na puwesto (135 puntos); Grade 8 "Xanthous Hathors" ang ikalimang puwesto (126 puntos); at Grade 7 "Verdant Vespids" ang ikaanim na puwesto (64 puntos).

Kaugnay ng pagtatapos ng Kalasag 2024, nagdagdag ng isang pabilin ang Batch 2025 Governor, “Always prioritize respect and kindness in everything you do. Work hard, but remember that growth comes from reflecting on your experiences and taking accountability for your actions. Aim to create a positive and inclusive environment, and focus on building memories and learning from every step of the journey.”

𝘾𝙡𝙤𝙨𝙞𝙣𝙜 𝙘𝙚𝙧𝙚𝙢𝙤𝙣𝙮

Sa ginanap na Closing Ceremony, unang nagpakitang-gilas ang Sports Club sa kanilang Special Intermission Number, kung saan nagkaroon sila ng pasabog na entrance habang nakalulan sa isang sasakyan at sumayaw sila sa iba-ibang pop songs.

Sunod na binigyang-parangal ang mga nagwagi sa Minor Events na Chess, Tetris, Patintero, Hatakan ng Lubid, Table Tennis, Badminton, 4x100 Relay, at 50-Meter Dash.

Bago naman kinilala ang mga podium finisher sa Major Events, ginanap muna ang kauna-unahang takbo ng Theme Dance sa Kalasag: “engineers” ang Grade 8, “physicists” ang Grade 9, “chemists” ang Grade 10, “doctors” ang Grade 11, at “architects” ang Grade 12.

Pagkatapos ginantimpalaan ang mga nanaig sa Major Events, itinakda naman ang mga Overall Winner ng Kalasag 2024.

Sinundan ito ng talumpati ni Julius Benedict Rios, Presidente ng Sports Club, tungkol sa diumanong matagumpay na pagtatapos ng Kalasag 2024 na ginanap mula noong ika-27 hanggang ika-29 ng Nobyembre.

"Cheers to everyone's efforts—students, batch governors, and most especially to our dear Sports Club. From the bottom of my heart, I would like to say thank you for the success of this year's Kalasag," aniya.

Nag-iwan naman ng mensahe si Dr. Jonathan Mancao, ang Tagapayo ng Sports Club, hinggil sa pakikilahok ng komunidad ng PSHS-SMC.

"Thank you to our supportive teachers... Sa ating management for giving the fundings and reviewing the proposal... To our advisers na walang sawang nagbabantay sa inyo during practices... Sa ating mga parents na nandito hanggang ngayon... And of course, sa aking Sports Club... Pasensiya na ako sa mga limitations namin sa pagco-calls. I'm challenging everyone, this even goes to the management, to the teachers, if gusto niyong hawakan ang Kalasag, welcome po kayo… Hopefully, maging lesson sa atin ang Kalasag, at higit sa lahat, nag-enjoy kayo and gained a friend or two. Lahat tayo ang panalo," pahayag niya.

𝙃𝙖𝙣𝙜𝙜𝙖𝙣𝙜 𝙨𝙖 𝙢𝙪𝙡𝙞

Ang Kalasag 2024 ay isang palatandaan sa ating mga prinsipyo bilang mga mag-aaral at indibidwal at sa mga bagay na maaari pang pagbutihin sa susunod—bago tayo pumili ng mga desisyon, atin munang siyasatin at kilatisin ang ating mga nais sabihin o gawin. Isa rin itong oportunidad upang maipamalas natin ang kakayahan ng mga iskolar na lumago sa isports at sining.

Higit sa lahat, binabati ng Bagwis-Agham ang lahat ng mga nakilahok at nagwagi sa Kalasag 2024, lalo na sa Batch 2025 para sa kanilang maalab na pagtatapos sa kompetisyon. Maraming salamat din sa mga nag-antabay sa aming page para sa mga update ng iba’t ibang isports. Nawa'y magkikita-kita tayo muli sa Kalasag 2025.

📷: Kryste Irle Toledo, Christine Gomez, Rhaizyll Clyte Giltendez, Denzel Heart Hontanosas, Francis Gabriel Dangoy, at Zyescha Kiz Lim
🎨: Anne Kyle Mantilla at Frezhia Eunice Minoy

30/11/2024

𝗡𝗚𝗔𝗬𝗢𝗡𝗚 𝗔𝗥𝗔𝗪 | 𝗔𝗿𝗮𝘄 𝗻𝗶 𝗕𝗼𝗻𝗶𝗳𝗮𝗰𝗶𝗼

Nakikiisa ang Bagwis-Agham sa paggunita kay Andres Bonifacio ngayong araw, ika-30 ng Nobyembre 2024.

Kinikilala bilang "Ama ng Himagsikan" at isa sa mga bayani ng bayan, isa siyang ehemplo ng kagitingan at paninindigan para sa katarungan at katuwiran.

Nawa'y maging pagganyak ang araw na ito upang tayo ay maging matapang sa pagharap sa mga hamong hatid ng buhay.

🎨: Frezhia Eunice Minoy

30/11/2024

𝗠𝗘𝗡’𝗦 𝗩𝗢𝗟𝗟𝗘𝗬𝗕𝗔𝗟𝗟 | 𝗔𝘇𝘂𝗹 𝗠𝗮𝘆𝗮𝗿𝗶, 𝗽𝗶𝗻𝗮𝘆𝗮𝗻𝗶𝗴 𝗮𝗻𝗴 𝗡𝗼𝘀𝘁𝗿𝗮 𝗙𝗶𝗲𝗿𝗮 𝘀𝗮 𝗠𝗲𝗻’𝘀 𝗩𝗼𝗹𝗹𝗲𝘆𝗯𝗮𝗹𝗹 𝗙𝗶𝗻𝗮𝗹𝘀

Namayani ang determinasyon ng Azul Mayari (Grade 10) nang nakamit nila ang kampeonato laban sa Nostra Fiera (Grade 12) sa iskor na 15-10 sa ikatlong set ng Men's Volleyball Finals ngayong Kalasag 2024.

Bagaman sinimulan ang laban sa pagpapaulan ng service errors mula sa parehong pangkat, naitawid ng Grade 12 ang unang set sa tala na 25-17.

Subalit, hindi ito naging dahilan para sa Grade 10 na tuluyang mawalan ng motibasyon para manalo sapagkat nasungkit nila ang pangalawang set sa iskor na 25-16.

"I got disappointed because we lost [the set] pero it only pushed me para ma-motivate pa ang team [sapagkat] bumaba ang morale namin," paliwanag ng Azul Mayari Team Captain Hyisham Emberga.

Patuloy na pinaliyab ng Azul Mayari ang natitirang bahagi ng laro nang nanaig sila bilang kampeon laban sa Nostra Fiera sa tala na 15-10 sa ikatlong set.

Pinatunayan ng Mayari na kinakailangang mamayagpag ng determinasyon upang tagumpay, "I think because na-spread ko [ang motibasyon] throughout my team para lumaban pa," dagdag ni Emberga.

Bigo man ang Nostra Fiera sa pagsungkit sa inaasam nilang gantimpala, "I played with four out of seven of them in varsity and expected a good game, and I did," saad ni Derek Persigas, manlalaro mula Grade 12.

🖋️: Fiona Mikaela Galendez
📷: Denzel Heart Hontanosas
🎨: Frezhia Eunice Minoy

30/11/2024

𝗪𝗢𝗠𝗘𝗡’𝗦 𝗕𝗔𝗦𝗞𝗘𝗧𝗕𝗔𝗟𝗟 | 𝗔𝘇𝘂𝗹 𝗠𝗮𝘆𝗮𝗿𝗶, 𝗽𝗶𝗻𝗮𝗯𝗮𝗴𝘀𝗮𝗸 𝗮𝗻𝗴 𝗡𝗼𝘀𝘁𝗿𝗮 𝗙𝗶𝗲𝗿𝗮 𝘀𝗮 𝗪𝗼𝗺𝗲𝗻’𝘀 𝗕𝗮𝘀𝗸𝗲𝘁𝗯𝗮𝗹𝗹 𝗙𝗶𝗻𝗮𝗹𝘀

Nangibabaw ang Azul Mayari (Grade 10) kontra Nostra Fiera (Grade 12) sa isang blowout game, 13-3, upang masungkit ang kampeonato sa Kalasag 2024 Women’s Basketball Finals kaninang ika-29 ng Nobyembre sa PSHS-SMC Gymnasium.

Nagkapit-bisig sina Rohanna Angel Cortez at Sofia Nicole Gaston matapos silang nagtala ng kabuuang 10 puntos at 13 rebounds upang buhatin ang koponan sa tagumpay.

Matapos ang laro, isinaad ng buong koponan ng Azul Mayari ang kanilang saya sa kanilang pagwawagi, na naging dulot ng kanilang walang tigil na paghahanda para sa Kalasag.

Malakas ang naging simula ng Azul Mayari matapos nagpakawala ng mga jump shots sina Cortez at Elijah Princess Dy upang maagang lumamang sa girian, 3-0.

Nagtala naman ng isang free throw si Chynna Abella upang bigyan ang Nostra Fiera ng kanilang unang punto ng laro, 3-1, subalit rumesponde naman ang Azul Mayari ng kanilang pick-and-roll plays upang mapalawak ang agwat, 5-1.

Bago matapos ang unang bahagi ng laro, biglang sumagot ng mabibilis na puntos sina Faith Hamchelle Leong at Karina Dañganan matapos ang dalawang magkasunod na transition layups sa loob lamang ng iilang segundo, 5-3.

Subalit, hindi na muli nagkaroon ng pagkakataon ang Nostra Fiera na bumawi sa laro matapos hindi hinayaan ng Azul Mayari na makapuntos muli ang kanilang oposisyon, na naging dahilan ng isang 8-0 run na buhat nina Cortez, Gaston at Jealei Kim Eltagonde ng Mayari upang maipako ang kampeonato, 13-3.

Sa panalong ito, nakamit ng Batch 2027 ang kanilang kauna-unang titulo sa larangan ng Kalasag Women’s Basketball matapos masungkit ang ikatlong puwesto sa nakaraang taon.

Magkakaroon muli ng pagkakataon ang Batch 2027 na depensahan ang kanilang kampeonato sa susunod na Kalasag sa taong 2025 bilang parte ng ika-11 na baitang at binabandera ang kulay lila.

🖋️: Castor Troy Cordova
📷: Francis Dangoy, Zyescha Kiz Lim, at Christine Gomez
🎨: Frezhia Eunice Minoy

30/11/2024

𝗨𝗟𝗧𝗜𝗠𝗔𝗧𝗘 𝗗𝗜𝗦𝗖 | 𝗡𝗼𝘀𝘁𝗿𝗮 𝗙𝗶𝗲𝗿𝗮, 𝗺𝘂𝗹𝗶𝗻𝗴 𝗻𝗮𝗴𝗵𝗮𝗿𝗶 𝘀𝗮 𝗨𝗹𝘁𝗶𝗺𝗮𝘁𝗲 𝗗𝗶𝘀𝗰

Pinatumba ng Nostra Fiera (Grade 12) ang Azul Mayari (Grade 10) sa isang madikit na bakbakan, 6-3, sa Kalasag 2024 Ultimate Disc Finals upang masungkit ang kampeonato, kaninang ika-29 ng Nobyembre sa PSHS-SMC Oval.

Matapos ang mga pagdodomina ng Nostra Fiera sa Elimination at Semi-Finals round, nagsisilbi ang tatlong puntos ng Azul Mayari bilang tanging mga puntos na nakuha ng buong oposisyon kontra Batch 2025 sa Kalasag 2024, kung saan ipinapakita nito na maaaring dumugo ang mga kampeon.

“As usual, our games started very slow to the point that our opponents led during halftime. But we were able to pick it up really quick and play with our strengths and against their weaknesses”, saad ni Nostra Fiera Team Captain Kai Ryan De Guzman.

Nagsimula ang laro sa isang mabilis na puntos para sa Nostra Fiera matapos bumirada si Carlos Joaquin Herrera sa isang deep cut patungo sa endzone upang maisalo ang 40-footer forehand pass ni De Guzman, 1-0.

Hindi naman nagpatinag ang Azul Mayari kontra Nostra Fiera matapos nilang ipinamalas ang kanilang matibay at maharas na depensa upang mapuwersa ang mga turnover sa oposisyon na sumiklab ng dalawang magkasunod na fast break transition plays upang nakawin ang kalamangan, 1-2.

Mabagsik ang naging pagpapalitan ng puntos ng dalawang koponan sa huling dalawang minuto ng unang bahagi, buhat ng hammer pass ni Julius Benedict Rios tungo kay Audrey Chic Albarillo at forehand pass ni Matthew Guttierez tungo kay De Guzman, 2-3.

Muling pinatuloy ng Azul Mayari ang kanilang matibay na depensa sa unang tatlong minuto ng ikalawang bahagi ng girian, kung saan hindi lumampas sa 30 feet ang distansiya ng opensa ng Nostra Fiera sa middle line, dala ng mga interceptions ni Rios at Paul Jared Aladin.

Subalit, biglang nawasak ang buong defensive line ng Azul Mayari matapos rumatsada ng isang fast break give-and-go transition play sina Gutierrez, De Guzman, Joses Sajenes at Kara Sacramento upang muling itabla ang laro, 3-3.

Mula rito, hindi na muling nagkaroon ng pagkakataon ang Azul Mayari na makapuntos sa laro matapos pinatuloy ng Nostra Fiera ang kanilang “run and gun strategy” na nagdulot ng tatlong magkasunod na transition points, 6-3.

Sa tagumpay na ito, muling nadepensahan ng Batch 2025 ang kanilang titulo bilang kampeon sa Kalasag Ultimate Disc, na dati din nilang nasungkit kontra Orange Timewalkers (Batch 2024) sa nakaraang Kalasag 2023.

🖋️: Castor Troy Cordova
📷: Rhaizyll Clyte Giltendez
🎨: Anne Kyle Mantilla

30/11/2024

𝗠𝗘𝗡’𝗦 𝗩𝗢𝗟𝗟𝗘𝗬𝗕𝗔𝗟𝗟 | 𝗞𝗮𝗶𝘀𝗲𝗿𝘀, 𝗻𝗮𝘀𝘂𝗻𝗴𝗸𝗶𝘁 𝗮𝗻𝗴 𝘁𝗮𝗻𝘀𝗼𝗻𝗴 𝗺𝗲𝗱𝗮𝗹𝘆𝗮, 𝟯𝟭-𝟮𝟭

Sinelyuhan ng Kasai Kaisers (Grade 9) ang ikatlong gantimpala laban sa Xanthous Hathors ( Grade 8 ) sa larangan ng Men's Volleyball sa Kalasag 2024 ngayong ika-19 ng Nobyembre, 2024.

Naging madikit ang laro sa unang mga punto kalakip ng pagpapakitang-gilas ng liksi mula sa parehong pangkat.

Datapwa't, patuloy na pinangunahan ng Kaisers ng Hathors sa natitirang bahagi ng set gamit ang kanilang maayos at madiskarteng depensa.

Nang natapos ang switch courts, walang-humpay na bumanat ang Kaisers, hindi naantala sa liksi ng Hathors, hanggang nakamit ang tagumpay sa tala na 31-21.

Bunga ng kanilang determinasyon, sinigurado ng Kaisers ang tansong medalya laban sa Hathors.

🖋️: Fiona Mikaela Galendez
📷: Denzel Heart Hontanosas
🎨: Frezhia Eunice Minoy at Anne Kyle Mantilla

30/11/2024

𝗪𝗢𝗠𝗘𝗡'𝗦 𝗕𝗔𝗦𝗞𝗘𝗧𝗕𝗔𝗟𝗟 | 𝗛𝗮𝘁𝗵𝗼𝗿𝘀, 𝗻𝗮𝗻𝗴𝘂𝗻𝗮 𝗸𝗼𝗻𝘁𝗿𝗮 𝗞𝗮𝗶𝘀𝗲𝗿𝘀 𝘀𝗮 𝗙𝗙𝟯, 𝟯-𝟮

Pagkatapos ng isang mainit na labanan kontra Kasai Kaisers, nakamit ng Xanthous Hathors ang tansong medalya sa Kalasag Women's Basketball noong ika-29 ng Nobyembre 2024 sa Philippine Science High School Gymnasium.

Habang maagang nakapuntos ang Kaisers matapos ang isang transition pick-and-roll, agad na binura ng Hathors ang kalamangang ito sa pamamagitan ng magkasunod-sunod na lay-up drives na pinangunahan ni Xiandee Mesch Warguez, 1-3.

Sinubukan ng Kaisers na bumawi, ngunit naubusan sila ng oras dahil sa liksi ng Hathors sa depensa at pagnakaw ng bola, 2-3.

Sa tagumpay na ito, nasungkit ng Hathors ang kanilang kauna-unahang at natatanging podium finish sa isang major sport sa Kalasag 2024.

🖋️: Alexandrea Gamale
📷: Zyescha Kiz Lim
🎨: Christine Gomez, Francis Gabriel Dangoy, at Zyescha Kiz Lim