24/01/2025
𝐎𝐅𝐅𝐈𝐂𝐈𝐀𝐋 𝐒𝐓𝐀𝐓𝐄𝐌𝐄𝐍𝐓
Gibalita nila ang pagsuwat sa CIDG ngadto sa Department of Justice nga ipakiha kuno ako ug murder, kalabot sa nahitabong pagpatay sa usa ka tawo niadto pang 2016.
Dili ko mahadlok o matarog niini. I am not bothered by this. Kay kung sad-an ko, nganong wa man ko kasohi kaniadto sa pagkamatay 9 years ago, nganong karon na man lang? Ang kiha kabahin sa pagpatay pila na ka tuig ang nilabay, wala koy labot, ug gani na dismiss man. Ang ilang ‘witness’ kunuhay karon, duha na ka buwan naa sa Crame, nganong wala nila i-surrender sa husgado? Kay aron ila ma pressure, aron ila maipit, aron papirmahon nila nga ako ang nagpapatay. Wa man koy makuha kung akong ipapatay. Akoa kunong gipapatay kay supporter sa akong kontra. Wa man gani nako patya ang akong kontra? Kana na hinuon nga di nako kontra.
Akong kontra pwerte na gyud ka nerbyoso, mahadlok na gyud nga mapildi siya. Pagkadaghan na sa ilang gihimo nako. Gipa-oppose akong pagtransfer sa Isabel. NI-file si Lucy ug cancellation sa akong COC. Wala sila nagmalamposon. Ug kay dili man ko nila mapa-disqualify, ila nalang kong samukon.
Karon, ang CIDG nidawit kanako sa insidenteng pagpatay sa usa ka Anthony Nuñez niadtong Jan. 2016.
Pero hinumduman nato nga ang CIDG, si Richard Gomez, Tabango Mayor Benjo Remandaban ug uban pa, gikiha pila ka buwan ang nilabay og conspiracy, grave threats ug grave coercion. Tungod ni sa ilang pagpamugos sa igsuon ni anhing Anthony Nuñez, nga si Darlito, nga mo-issue ug affidavit aron idawit ako sa kaso. Nibalibad si Darlito, bisan pa man sa gihaylo kaniya nga P5 million, kay dili siya gustong mamakak. Sa kahadlok ni Darlito, iyang gisasay ang nahitabo didto ni Manlawaan, Tabango Barangay Captain Albert Murilla, kinsa gihatagan ni Darlito ug special power of attorney nga mosang-at sa kaso batok sa CIDG ug nila ni Richard Gomez.
Karon, ang CIDG nipadala ug suwat sa DOJ. Dili ma-consider nga official “complaint” ang suwat sa CIDG. Anaa sa Rules of Criminal Procedure nga ang complaint must be filed by the police in the area where the offense was committed, or by an offended party.
Usa pa sad, suma pa sa CIDG, ang testigo nila niangkon kuno niadtong August 2015 sa iyang “participation in the crime.” Giunsa man niya pag-angkon sa krimen nga wala pa nahitabo? Si Anthony gipatay Jan. 2016 na man!
Ang usa ka testigo kunuhay, si Richan Pernis, nadakpan pinaagi sa warrant of arrest kay dunay kaso sa San Miguel. Obligado ang nakadakop sa pag turn over kaniya sa nearest police station pero gidala nila sa Crame ug hangtod karon naa pa sa ilaha. Daku kanang tulobagon nila sa balaod.
Ang DOJ usa ka appellate court, o sa ato pa, siya ang mo-review sa mga appeals gikan sa prosecutors’ office. So kaning suwat sa CIDG ngadto sa DOJ, i-refer kani sa Leyte Prosecutors Office. Ila kining gipaagi ug suwat sa DOJ for publicity purposes.
But I am not worried about this. At the end of the day, my contest with Richard Gomez will be decided not by a case, but by the people.
