03/09/2022
Ang wika ay kaluluwa ng bansa, pagkakakinlan at tulay sa pagpapadaloy ng kultura. Ang bawat buwan ng Agosto sa bawat paaralan sa Pilipinas ay itinakda na bilang buwan ng wikang pambansa. Ngayon taon namasentro ang tema sa "Filipino at mga Katutubong Wika Kasangkapan sa Pagtuklas at Paglikha."
Bagaman may hamon na kinaharap sa halos dalawang taon at sa pagbubukas ng taong panuruan 2022-2023. Ang mataas na paaralan ng Pantuyan National High School ay nakiisa sa pagdiriwang ng buwan ng wika. Kalakip sa unang gawain ay pagbuo at pagbuhay sa Samahan Ng Filipino Club na naglalayong isulong at paunlarin ang wikang Filipino at asignaturang Filipino sa paaralan.
Bagkus sa pagkakabuo ng mga opisyal ng FILIPINO CLUBkung saan ang Pangulo ay si Jade Monday mag-aaral ng ika-labindalawang baitang. Agad na nagpulong at nagplano ng mga gagawin para sa pampinid na palatuntunan at mga gawaing angkop sa Psychosocial na aspeto ng mag-aaral at palaganapin pa ang masidhing pagmamahal at pagpapalawak pa ng kaalaman sa Wikang Filipino.
Sa huli ay naisagawa nag mga gawain gaya ng
pagsulat ng "Sanaysay", pagguhit ng Poster at Islogan. sa huling araw ay ang Tagisan Ng Talino, LARO ng Lahi at pagtugtog ng Katurubong instrumento. Bakas sa mga mukha ng bawat mag-aaral ang kasiyahan at dama nila ang kagandahan ng Wikang Filipino at ang yaman ng kultura ng Mandaya bilang integrasyon.
Tunay ngang ang wika ay nagiging kasangkapan ng mga ninuno natin sa pagpapadaloy ng kaugalian, naging kasangkapan rin ito upang mapanatili ang mga natuklasang kaugalian na lumikha ng napakagandang pamana sa mga kabataan. at ang pagsagot sa hamon ng pagpapanatili at pagpapayaman sa Wika kahit na sa gitna ng Pandemya at iba pang mga sakuna.
