27/01/2024
TI PAMMATI TI MAYSA NGA UBING
Iti nasulinek a lugar ti Ilocos Sur, adda ubing a grade four ti kanayon a magmagna nga aggapu iti maikatlo a bantay, bumallasiw iti Dua a karayan ken iti napeggad a kalsada a no sadino napegges ti panagpataray dagiti awanan disiplina a drayber.
Kalpasan a madanonna ti highway, bumallasiw ti ubing tapno makastrek laeng iti bassit a kapilya nga agkararag, kanayon nga ar-aramidenna daytoy. Ket kanayon met a buybuyaen isuna ti APO PADI a maay-ayatan iti kinainosente ti ubing.
"Kamusta, Amboy? Mapanka kadin agbasa?"
"Wen Apo PADI ..." nakaisem a sungbat ti ubing ket kanayon a masagsagid ti puso ti pastor, isu a maysa nga aldaw kinasaritana ti ubing.
"Manipud eskwela.." kinuna ti PADI "saanka a bumallasiw iti kalsada a saanka a maitulod iti bangir wen?"
"Wen Apo PADI, agyamanak unay"
"Apay a saanka pay laeng nga agawid no aggapuka iti eskwela ket agsardengka pay laeng ditoy kapilya?"
"kayatko laeng ngamin APO PADI a makisarita iti gayyemko..." Kalpasanna panawanen ti PADI ti ubing ngem limed nga aglemmeng tapno paliiwenna ti pannakisarita ti ubing iti ibagbagana a gayyemna iti sangoanan ti altar."
"Ammom, nagrigat ti Math itatta, ngem saanak a nagsakar iti kaabayko, nagrigat ti mabisbisinan, isu nga adtoy kamote laeng ti balonko, nakurapay kami ngamin isu a daytoy laeng ti maipabalon ni Tatang kaniak.
Agyamanak latta iti kamote, ngem impadawatko iti kaeskwelaak nga awan met balonna, kaasi met isuna isu a nagbingayanmi lattan.
Kitaem gayyem, narunoten ti Sinelas ko, nalabit saka-sakaakton a magmagna no sumaruno, ngem awan problema, Basta agbasaak, nagadun ti agsarsardeng nga agbasa, ngem gayyem tulongannak koma tapno makaturposak.
Ammom, binautnak manen ni Nanang tattay, nasakit ngem okey laeng, Basta adda nanangko... Kayatmo a kitaen? Ammok a kabaelam nga agasan daytoy, adtoy ne, lumablabbasiten... Ammok nga ammom no kasanoak a naaddaan iti kastoy, ngem sapay koma ta dikay makagura ken Nanang, nalabit mariribukan laeng isuna ta agarup awanen ti kanenmi...ken ammom, Crush ko ni Geraldine diay kaabayko diay tugaw, panagkunam magustuannak ngata met? Ay Sige innakon gayyem, mumalem gayamen"
Kalpasanna timmakderen ti ubing,
"APO PADI mabalinnakon a kaduaan a bumallasiw"
Inaldaw a kastoy ket saan a manglangan ni Amboy a mapan iti kapilya.
Maysa nga aldaw napan iti sabali a lugar ni APO PADI ta isapulanna iti mangisponsor ni Amboy.
Adda tallo a Babbaket nga adda iti uneg ti kapilia.
"Kumustakan Gayyem..."
"Sal-it nga ubing, saan a pagay-ayaman ditoy, rumuarkan! Nasao dagitay babbaket...
Nakigtot ni Amboy, "ayanna ni APO PADI LOLA?
Isuna ngamin ti mangitulod kaniak iti bangir ti kalsada... Makisaritaak laeng koma ken Jesus..."
Ngem saan nga inkaskaso isuna dagiti Babbaket, mariribukan a pimmanaw, saanna a nadnadlaw ti napaspas a bus a sumungad. Uray la naipuruak ni Amboy iti kapigsa ti panakadungparna. Natay a dagus.
Inaribungbungan ti adu a tattao ti bangkay ni Amboy. Manipud iti saan a masinunuo a paset, adda simmungad a nakaabito iti puraw a lalaki, naamo ti rupana ngem aglulua nga immasideg ket inarakupna ni Amboy.
"Dakayo kadi ti Amana dayta ubing?"
Simmungbat ti lalaki kabayatan a nakadekket iti barukongna ti daradara a bagi ni Amboy, "Siak ti nasinged a gayyemna..."
Timmakder nga binaggatna ni Amboy, saan a maipalawag dagiti tattao ngem iti apagkirem, nagpukaw a dagus.
Naamoan ti PADIti napasamak isu a nagdardaras a napan iti balayda Amboy.
"Kasano a naamoanyo a natayen ti anakyo?"
"Adda nakaabito iti puraw a nangitulod kaniana ditoy" agsangsangit a sungbat diay Ina.
"Ania ti imbagana?"
Simmungbat ti ama, "awan met unay, nakitami laeng a maladingitan unay kasla nasinged a gayyem ni Amboy.
Inyawatna kaniak ti bangkay ti anakko kalpasanna immisem apagapaman ket imbagana ti gapu iti nakatayanna, inagekanna ni Amboy ket inyarasaasna, - agyamanak iti panaggayyemta, saanka nga agdanag, kanayon ton a kadduaka.
Ammom FATHER saanko a mailawlawag ti riknak, naaddaannak iti kappia ken rag-o. Kasla kayatkon ti umay met iti dayta a SIMBAAN tapno makasaritak met daytoy a tao a kanayon nga umay kasarsarita ti anakko. Kaddua yo met kadi isuna a APO PADI sadiay?"
Nagtigerger dagiti tumeng ti PADI ket agarup paarasaas a simmungbat... "Awan ti sabali a kasarsaritana sadiay mismo sangoanan ti altar no saan a datay aw-awaganna iti GAYYEM... ni Jesus."
NO ADDA PAMMATIM, SHARE MO DAYTOY A POST KET I-TYPE MO TI AMEN. ADDA MASUNGAD A PARABUR ITI BIAGMO!
