CCC The Sentinel Student Publication

Home
Philippines
Calamba
CCC The Sentinel Student Publication

CCC The Sentinel Student Publication The Official Student Publication of the City College of Calamba The Sentinel is the City College of Calamba's official student publication.

The organization guides young journalists of the college to express their freedom of expression.

19/02/2025

𝐍𝐄𝐖𝐒: City College of Calamba (CCC) officially commences its three-day Accreditation Level II Survey Visit for its seven programs—BSED English, BSED Mathematics, BSED Science, Elementary Education, Computer Science, Information Technology, and Accountancy, February 19.

College officials led by the Officer-in-Charge (OIC) Office of the College President (OCP) Dr. Ronald A. Gonzales, Association of Local Colleges and Universities-Commission on Accreditation (ALCUCOA) President, Dr. Raymundo Arcega, and Supervising Accreditor Dr. Elizabeth Montero graced the opening program at Lina-Lajara-Chipeco (LLC) Auditorium.

Program accreditors, faculty members, and students were also present.

“Today marks a significant milestone in our continuous pursuit of quality education…This accreditation process is a testament to our institutional growth and unwavering pursuit of excellence,” Dr. Gonzales, remarked during the opening program.

The three-day accreditation aims to refine programs, strengthen policies, and improve community standards while highlighting the college’s strengths.

Accreditors will assess CCC’s programs and policies while providing recommendations for improvement.

Written by Jilliana Sarmiento
Photo by Miel Vivas

19/02/2025

𝐁𝐀𝐋𝐈𝐓𝐀: Nalimitahan umano ang mga naka-display na artworks sa Open Arts Exhibit ngayong taon ng Silakbo 2025 dahil sa hindi pagpapahintulot na makapagpasa ng n**e arts ang mga artista simula noong Pebrero 12.

Paliwanag ni Prince Angelo Ocampo, pangulo ng CCC Dibujo Creatives, masinsinang pinag-usapan at pinagbotohan ang mga artwork na isasali sa Open Arts Exhibit gayundin ang deliberasyon sa mga nakalantad na mga balat at maseselang bahagi ng katawan na nagresulta sa limitadong likhang sining na itinampok sa naturang exhibit.

"Actually yes (nalimitahan)... siguro ay[u]n din ang one factor kung bakit [kaunti] kasi nga, mostly kahit hindi naman siya too revealing since na filter nga na ano doon sa n**e art [prohibition], 'yon, hindi sila (artworks) nai-display po,” ani Ocampo, ukol sa nasabing nilimitahang display bunga ng pagbabawal sa mga obra na may malalaswang tema.

Marami umano ang nagulat sa mga n**e art na nakadisplay noong nakaraang taon kung kaya't minabuti umanong pag-usapan ito kasama ang mga opisyales ng Supreme Student Council at miyembro ng kanilang organisasyon.

"Napagbotohan ng majority na hindi ia-allow ang n**e art dahil [tayo] ay [nasa] isang academic institution. Na school 'to, bawal ang n**e art. And then last year daw, talagang nabulaga 'yong mga audience lalo na daw 'yong mga old teachers... Syempre let's ano na di pa sila ganoon ka open sa generation natin ngayon na we're open to that kind of art," dagdag pa ni Ocampo.

Dahil sa naging desisyon, maraming artist umano ang nadismaya, na katwiran pa nila, ang n**e art ay isa pa ring uri ng artwork kung kaya’t nananatiling kontrobersyal pa rin ang istilong ito ng sining.

“I believe that artists should be permitted the liberty of expression without unjustifiable restraint, and that entails a right to experiment with various forms of art even if they turn out to be objectionable...The n**e art, having been done with seriousness and thought, can become a most effective vehicle to convey tougher emotions and conceptions. The emphasis should be laid on artistic merit and what has been conveyed and not on censoring style,” opinyon ni Kimberly Rin, 2nd year BSEd English na interesadong magsumite umano ng n**e art sa Open Arts Exhibit.

Isinulat ni Aivy Tagon
Kuhang larawan ng Multimedia and Production Department

18/02/2025

𝐏𝐎𝐄𝐌 | 𝐖𝐚𝐬 𝐢𝐭 𝐥𝐨𝐯𝐞 𝐚𝐭 𝐚𝐥𝐥?

It takes two to tango;
But am I ready to let it go?

Dusk till dawn exchanges, playful and risky;
Path to another heartbreak seems almost likely;
Yet here I wait, patiently and still,
For a love that's true, sincere, and real.

Do you think I’m easy to get?
One sorry, and I’ll forget;
You’re wrong if that’s what you bet;
I pour my heart into love so there are no regrets.

Empty promises they may be,
Affectionate messages, ringing till three;
What was that supposed to mean?
Fooling around, or the love story I dream?

No commitment, no attachment;
Flirting, a warmth that was never meant;
So, it made me question whether it is a disguised pitfall;
To come and go, not to tango—was it love at all?

Written by Colleen
Layout by Gabriel : P

17/02/2025

𝐁𝐀𝐋𝐈𝐓𝐀: Bagamat orihinal na isang araw lamang ang movie screening, napagpasyahan ng Supreme Student Council (SSC) na magkaroon ng pangalawang araw dulot na rin ng natatanggap nilang mga request.

"Marami[ng] nag-request [na] i-extend ang movie screening... mostly students and professors [ang] nag-request kaya pinush through at pinag-usapan namin na magkaroon ulit ng movie screening. ‘Di naman naging burden [ang biglaang 2nd day movie screening] sa mga activities na nakaline-up ng Silakbo,” dagdag ni Ligpitan.

Mas mataas ang kinita sa ticket sales ng movie screening ngayon kumpara noong nakaraang taon, ayon sa tala ng Supreme Student Council (SSC) umabot sa humigit kumulang dalawang libo ang kita nito.

Bumida sa ikalawang araw ang mga pelikula ng ‘10 Things I Hate About You’ at ‘The Wild Robot’, gayundin ang ‘Balota’ na lubos na tinangkilik ng mga estudyante dahil sa temang pampulitika nito.

Ayon kay Kristine Camille Camposanto, 3rd year student, "Nagustuhan ko 'yong [pag] include ng Balota. Nilagay [ang] balota para mas maging aware tayo sa katotohanan beyond election period... may mga true-to-life cases na ganun [ang] nangyayari."

Sinang-ayunan naman ito ni Professor Roden Reuteraz, isa sa mga nanood din ng Balota, "It's very timely [and] naturally happens sa mga sitwasyon [ngayon] na mayroong tao[ng] [i-]pinaglalaban ang karapatan at the same time, may gumagawa ng marumi para lang manalo.”

Samantala, tampok sa unang araw ng movie screening ang ‘20th Century Girl’ at ‘How to Make Millions Before Grandma Dies’ na nagpaiyak sa mga manonood bunsod ng madamdaming kwento nito.

“Naiyak ako kasi ang kwento ng movie ay [ tungkol sa] TOTGA (The One That Got Away) sa kanyang pinakamamahal. Super worth it," ani Jenny Pineda, 2nd year student, isa sa mga nanood sa movie screening.

Isinulat ni Martin Roncales
Kuhang Larawan ng Multimedia and Production Department

𝐓𝐈𝐍𝐆𝐍𝐀𝐍:
𝗔𝗯𝗲𝗿𝘆𝗮 𝘀𝗮 𝗶𝘀𝗸𝗲𝗱𝘆𝘂𝗹, 𝗵𝘂𝗺𝗮𝗱𝗹𝗮𝗻𝗴 𝘀𝗮 𝗽𝗮𝗴𝘁𝘂𝗹𝗼𝘆 𝗻𝗴 𝗠𝗩 𝘃𝗶𝗲𝘄𝗶𝗻𝗴
https://medium.com//aberya-sa-iskedyul-humadlang-sa-pagtuloy-ng-mv-viewing-4034d8a0a375

17/02/2025

𝐁𝐀𝐋𝐈𝐓𝐀: “Napagkasunduan namin na bigyan ng wildcard at isa pang pagkakataon ang kalahok na bahagyang kinulang sa puntos upang makapasok sa final round,” pahayag ni Niko Cañas, PRO BS Computer Science ng Supreme Student Council (SSC) sa pagpapasimula ng wildcard round bilang “plot twist” sa kompetisyon ng Singing Idol ngayong taon, Pebrero 14.

Ayon kay Cañas, ito ay naging inisyatibo upang gawing mas kapana-panabik at masaya ang kompetisyon.

Hinirang ang kalahok na si Claire Deocarez, irregular student mula sa Bachelor of Secondary Education Major in English (BSED English), na may 94.5% na puntos noong screening, ikawalo sa may mataas na iskor, dahilan upang mapili ito na sumabak sa wildcard round.

“Night before the competition po, Niko Cañas messaged me if I wanted to perform again for… [the] final round. In-inform n’ya po ako… [na] magiging surprise plot twist po ako sa competition. Kinabahan po ako and na-pressure, but excited and happy,” kwento ni Deocarez sa muling paanyaya sa kaniya sa finale ng Singing Idol.

Pito mula sa 19 na sumubok ang napiling magpatuloy sa final round sa ginanap na screening noong ika-anim ng Pebrero.

“Lahat naman [nung] 12 contestants na hindi nakapasok sa Final 7 ay karapat-dapat na makabalik at muling mabigyan ng [pagkakataon]… subalit upang maging patas ang pagpili sa [gagawaran] ng wildcard [ay] ginawa naming batayan ang kanilang ranking noong screening,” dagdag ni Cañas sa naging proseso ng pagkonsidera ng wildcard round para sa nagkamit ng ikawalong pwesto.

Naiuwi ni Ma. Shaira Justine Pontilar ang kampeonato sa iskor na 95%, na sinundan nina Glaiza Mae Bacoto (94.5%) at Jessie Riviera (89%).

“Happy ako kasi may mga ganito silang event na nagso-showcase ng talent ng mga student. Makaka-help din kasi ito sa mga student na gustong i-share yung talent na [mayroon] sila like me,” pasasalamat ni Deocareza sa naturang patimpalak.

Isinulat ni Gwen Cervantes
Kuhang Larawan ni Gwen Cervantes

17/02/2025

𝐏𝐀𝐍𝐎𝐎𝐑𝐈𝐍: Patuloy ang selebrasyon ng pagmamahal sa sining sa ika-apat na araw ng Silakbo 2025. Masugid na naganap ang mga booths, mga obrang ipininta, at ang movie screening.

Araw ng movie screening, pinagpatuloy; Hiling ng City Scholars, dininig

Ilang organisasyon mula sa CSL, nagtayo ng iba’t ibang booth bilang suporta sa Silakbo 2025

Obra sa Arts Exhibit, nadagdagan sa ikalawang araw

———

News Anchor: Josh Requinto
News Reporter: Michael De Torres, Vhea Beato, Roxanne Felicilda
Videographer: Miguel Detecio
Video Editor: Michael John Agawin

16/02/2025

𝐁𝐀𝐋𝐈𝐓𝐀: Dahil umano sa pabago-bagong schedule, dalawang grupo lamang mula sa Socio-cultural Development Office (SOCIOS) ang nagrehistro at lumahok sa ginanap na Modern Dance Competition sa Audio Visual Room (AVR), Pebrero 14.

“Nagkaroon kasi ng pangyayari na dalawang beses nabago ang schedule kaya siguro [naka apekto] ‘yon sa pagbuo ng desisyon nila na sumali pa,” saad ni Ashley Ferrer, Vice President for Internal Affairs ng Supreme Student Council (SSC) ukol sa posibleng rason ng pag-unti ng mga sumali sa nasabing kompetisyon.

Dagdag ni Ferrer, kakaunti lamang ang nagpasa ng application na maaaring naging resulta ng maikling oras na naigawad sa paghahanda ng mga kalahok.

Binubuo ang dalawang grupo ng C-KEEP at SIK-LOVE, na parehong may pitong miyembro mula sa Sulong Haraya at Indak Filipiniana.

Ani John Ajerico Domondon, lider ng C-KEEP at presidente ng Indak Filipiniana, naging limitado lamang ang preparasyon nila na inabot lamang ng apat na araw.

“Medyo naging mahirap since nagkaroon nga ng pabago-bago sa schedule [na] supposedly ay last week pa po ng February yung laban. Nagkaroon pa po kami ng kumpiyansa… nakampante pa po kami na matagal pa naman so hindi pa po kami nag-prepare,” saad ni Domondon.

Ayon kay Ferrer, ang mga pagbabago sa iskedyul ay bunsod din ng pabago-bagong mga anunsiyo sa Calendar of Activities (COA) na ibinaba ng institusyon sa Commission on Higher Education (CHED).

“Sobrang thankful kami kasi kahit na gan’on yung mga [naging] circumstances… nagpatuloy pa rin yung… dalawang group,” dagdag ni Ferrer ukol sa naging pag-unawa ng mga grupo.

Itinanghal na Champion ang C-KEEP sa iskor na 96.33%, sinundan naman ng SIK-LOVE sa iskor na 94%.

Isinulat ni Gwen Cervantes
Kuhang Larawan ni Gwen Cervantes

16/02/2025

𝐏𝐀𝐍𝐎𝐎𝐑𝐈𝐍: Sa ikatlong araw ng Silakbo 2025, patuloy pa rin ang pakikilahok ng city scholars sa iba’t ibang konsepto ng A Week of Love for Arts.

Open Arts Exhibit, may bagong pakulo

CSL booths, nakumpleto na; Concessionaires mas naging 'produktibo'

———

News Anchor: Karen Flores
News Reporter: John Michael Demdam, BJ Galang
Videographer: Miguel Detecio
Video Editor: Irish Leyra Tuyay

16/02/2025

𝐁𝐀𝐋𝐈𝐓𝐀: “Ang highlight po talaga ng acoustic night is the official members of the Himig Lakbayan... not the open mic” ito ang naging pahayag ni Maria Paula Paz, Pangulo ng Himig Lakbayan sa ginanap na Acoustic Night, Pebrero 11.

Kamakailan lamang nang hirangin ang mga piling mag-aaral na may talento sa pagkanta noong buwan ng Agosto, kung saan nabigyan sila ng pagkakataon bilang miyembro ng Himig Lakbayan na maipakita ang talento sa entablado.

Bagama’t nagtatanghal na sa mga unang araw pa lamang nang pagiging opisyal na miyembro, nagpapasalamat si Paz dahil naipakita nila ang talento sa mas malaking entablado, “I can say na meron talaga, na they performed well, meron naman na, meron members na meron pa talagang room for improvements and narinig naman natin yun, siguro ano lang, masasabi ko ginawa nila yung best nila ang I am so very grateful and thankful for that.”

Samantala, may ilang mga mag-aaral na umangal sa naging sistema ng HL ukol rito, anila naging ‘unfair’ ito para sa ilang mga iskolar na nais ding umawit sa naturang event.

“Wala naman akong naging problem sa mga nag perform since kapwa scholar din naman sila. About naman sa maikling oras naibigay sa open mic, siguro unfair s'ya dun sa iba na want talagang kumanta that night. Nakakalungkot lang na hindi sila nabigyan ng chance na magperform,” ani Charles Legaspi, 3rd year Mathematics Major sa kanyang pagdalo sa acoustic night.

Tinatayang nasa apat hanggang lima lamang ang nabigyan ng pagkakataon na makapagtanghal sa open mic segment ngunit depensa ni Tricia Garcia, isa sa mga bagong miyembro ng grupo, late nagsimula ang programa kung kaya’t kaunting oras na lamang ang nailaan para sa open mic segment.

Kung ikukumpara ito noong nakaraang taon, mas marami ang nakapagtanghal at nabigyan ng pagkakataon dulot na din ng mas maagang pagsisimula ng programa at mahabang oras na inilaan para dito.

Tagumpay naman na nakapagtanghal ang lahat ng miyembro sa Himig Lakbayan, “yung mga nag-perform sa amin, yes, lahat nakapag-perform, official members,” ani Paz.

Isinulat ni Ma. Therese Elyssa Manimtim
Kuhang Larawan ng Multimedia and Production Department

𝐓𝐈𝐍𝐆𝐍𝐀𝐍:
𝗔𝗰𝗼𝘂𝘀𝘁𝗶𝗰 𝗡𝗶𝗴𝗵𝘁, 𝗱𝗶𝗻𝗮𝗹𝗮 𝘀𝗮 𝗹𝘂𝗺𝗮𝗻𝗴 𝗽𝗹𝗮𝘇𝗮
https://medium.com//acoustic-night-dinala-sa-lumang-plaza-74c0de5c3c52

15/02/2025

𝐁𝐀𝐋𝐈𝐓𝐀: Bilang bahagi ng paggunita sa ika-walong dekada ng anibersayo ng Doce de Pebrero, itinanghal ng mga mag-aaral mula sa Calamba Bayside Integrated School ang ‘mas detalyadong’ dula ng naturang kasaysayan, Plaza Banga, Pebrero 12.

“Mas pinahaba at mas pinalinaw natin ang bawat detalye ng pagtatanghal nang sa gayon ay lahat ng mga hindi alam…kung ano yung mga naganap e malinaw sa kanilang isipan ngayon, at hanggang sa mga susunod na taon pa kung ano ang tunay na kwento ng tinatawag nating Doce de Pebrero,” ani Rafael Nico Marza, isa sa mga nanguna sa nasabing programa.

Batay sa panulat ng yumaong Dr. Eulogio T. Tañala Jr., isang saksi ng karahasan at mga pangyayari ng Doce de Pebrero, ang nasabing dula na binigyang-buhay naman sa direksyon nina Marius D. Bravo at Axzel Ross L. Manalo.

“We were obliged and we were encouraged na [gawin] ito sa mas malaking venue that is why we put creative minds there,” saad ni Bravo, isa sa pangunahing direktor ng pagtatanghal.

Katuwang ng Cultural Affairs, Tourism and Sports Development Office at sa patnubay ng pamahalaang panlungsod ng Calamba, naisakatuparan umano ang mithiin nilang makapagtanghal sa mas malaking entablado.

Dagdag pa ni Marza, ang pagtatanghal sa Banga Plaza ay bahagi ng layunin nilang isalin ang kabuuan ng kwento ng kasaysayan sa bagong henerasyon at upang buksan ito sa mas maraming manonood sa buong lungsod ng Calamba.

Ayon kay Irish Dela Cruz, isa sa mga manonood, kakaiba raw ang ‘energy’ ng performance ng mga mag-aaral ngayon.

“Kinilabutan talaga ako, goosebumps! Nakanood na rin ako dati ng ganto nila pero iba ung emosyon at yo’ng energy nila sa performance this year, talagang bigay todo,” ani Dela Cruz.

Samantala, ang pagtatanghal na ito ang nagbukas din kay Vrian Pamatmat, isang film director, na gumawa ng isang pelikula hinggil rito.

“Naramdaman ko na yung pangangailangan…na gumawa ng isang piece of art na maaring panoorin ng mas maraming tao, maaring panoorin kung kailan mo gusto at maaaring panoorin kahit nasa labas ka ng Calamba, kahit wala ka dito sa Laguna,” pagbabahagi ni Pamatmat.

Kasalukuyang nasa production stage ang naturang pelikula at maaaring mapanood sa Buwan ng Marso mula sa Likha Adarna sa UP Diliman.

Isinulat ni AJ Gannaban
Kuhang larawan nina Gwen Cervantes, AJ Gannaban

14/02/2025

𝚆𝚑𝚊𝚝 𝚒𝚏 𝙸 𝚝𝚘𝚕𝚍 𝚢𝚘𝚞 𝚝𝚑𝚊𝚝 𝙸'𝚟𝚎 𝚏𝚊𝚕𝚕𝚎𝚗? 𝙰𝚗𝚍 𝙸 𝚕𝚒𝚔𝚎 𝚝𝚑𝚎 𝚠𝚊𝚢 𝚢𝚘𝚞 𝚜𝚊𝚢 𝚖𝚢 𝚗𝚊𝚖𝚎.

𝙵𝚊𝚕𝚕𝚎𝚗
𝙻𝚘𝚕𝚊 𝙰𝚖𝚘𝚞𝚛

-

𝐋𝐄𝐈𝐆𝐇

What if I told you that I've fallen? And I like the way you say my name.

"Leigh."
I looked at you when you called my name.

I've always hated my name—not just because it's common, but also because my father was the one who gave it to me. I hate my father. I hate all the lingering memories we had and every haunting scar I got. My name sounds like an echo of him, it carries the weight of his anger, his control—his violence.

I hate my name. I don’t even like writing it. Holding my pen to spell it out feels like death. I hate how it defines me, how it’s the first thing people know about me before anything else. I’ve always preferred my nickname—something given by people I love, something I can actually love.

But you never called me by my nickname.

"Castro, Leigh S... There, I wrote your name on the registration form."
You say my name the way it was meant to be said, just a name. No expectations, no history—weightless.

It doesn’t sound like something I resent. It doesn’t feel like a curse or a weight I have to carry. It doesn't sound like something I want to run from. When you say my name, it feels like mine. And for the first time in my life, I don’t hate it.

“Leigh, are you sure you're okay?”
I nodded to assure you.

I've always wondered how you can treat me so carefully without making me feel fragile, like something easy to break. You say my name like it’s nothing more and nothing less. You never tried to fix me or dig into things I wasn’t ready to share. You take me as I am. You say my name like it isn't tied to my past or anything I’ve tried so hard to run from. You don’t make it heavy—you don’t make it feel like something I should be ashamed of. You make it feel like mine, just mine.

"Leigh, careful."
You remind me to be careful as I walk along the edge of the rooftop.

But what if I told you I had already fallen—even before my feet touched the ground?

Written by Nesh
Layout by Gabriel : 3

14/02/2025

𝙿𝚊𝚛𝚊𝚗𝚐 𝚖𝚊𝚢 𝚑𝚒𝚠𝚊𝚐𝚊𝚗𝚐 𝚗𝚊𝚍𝚊𝚖𝚊
𝙽𝚊𝚗𝚐 𝚝𝚞𝚖𝚊𝚖𝚊 𝚜𝚊 '𝚢𝚘
𝙰𝚗𝚐 𝚊𝚔𝚒𝚗𝚐 𝚖𝚐𝚊 𝚖𝚊𝚝𝚊

𝙹𝚎𝚎𝚙𝚗𝚎𝚢 𝙻𝚘𝚟𝚎 𝚂𝚝𝚘𝚛𝚢
𝚈𝚎𝚗𝚐

-

𝐍𝐄𝐗𝐓 𝐒𝐓𝐎𝐏: 𝐈𝐊𝐀𝐖

Maingay ang kalye, siksikan ang mga pasahero, at nag-uunahan ang mga jeep sa kalsada—karaniwan na ito sa aking pag-uwi. Ngunit ngayong gabi, pakiramdam ko'y mas mabigat ang biyahe. Wala na ata akong pamasahe?

Bagama’t nagdadalawang isip, sumakay pa rin ako sa jeep.

“Bayad po,” ani nung katabi ko.

“Saan ‘to?”

“Home.”

“Para po.” Sabay hinto ng jeep. “Para na po akong t*nga!”

“Dito lang po…. Hanggang dito nalang po tayo.”

Hindi alintana ang ingay sa paligid, patuloy pa rin ako sa pagkapa sa mga barya sa aking bulsa.

“Makikisuyo po ng bayad. Dalawa, kami po ni ganda.” Tila napahinto ako sa aking narinig.

Siya.

Nakangising nakatitig sa akin sabay abot ng bayad sa katabi.

𝚂𝚞𝚖𝚊𝚔𝚊𝚢 𝚊𝚔𝚘 𝚜𝚊 𝚓𝚎𝚎𝚙𝚗𝚎𝚢
𝙸𝚔𝚊𝚠 𝚊𝚗𝚐 𝚗𝚊𝚔𝚊𝚝𝚊𝚋𝚒
'𝙳𝚒 𝚖𝚊𝚔𝚊𝚙𝚊𝚗𝚒𝚠𝚊𝚕𝚊
𝙿𝚊𝚛𝚊𝚗𝚐 𝚖𝚊𝚢 𝚑𝚒𝚠𝚊𝚐𝚊𝚗𝚐 𝚗𝚊𝚍𝚊𝚖𝚊
𝙽𝚊𝚗𝚐 𝚝𝚞𝚖𝚊𝚖𝚊 𝚜𝚊 '𝚢𝚘
𝙰𝚗𝚐 𝚊𝚔𝚒𝚗𝚐 𝚖𝚐𝚊 𝚖𝚊𝚝𝚊,

Naguguluhan man, ngunit ang pintig ng puso ko ay tila mas mabilis pa sa pag-ragasa ng mga sasakyan sa kalsada.

“Gusto mo na umuwi? Sige, basta sa bahay namin.” Dagdag nito na mas nagpamula ng aking mukha. Ngunit biglang nagpreno ang jeep.

𝙱𝚒𝚐𝚕𝚊𝚗𝚐 𝚗𝚊𝚐𝚔𝚊𝚍𝚒𝚔𝚒𝚝
𝙿𝚞𝚜𝚘 𝚔𝚘'𝚢 𝚋𝚒𝚐𝚕𝚊𝚗𝚐 𝚜𝚞𝚖𝚒𝚔𝚒𝚙
𝙰𝚝 𝚗𝚊𝚝𝚞𝚕𝚊𝚕𝚊

Para akong naglalaro ng tong-its at malapit nang matalo—huli na, wala na ‘kong maibaba.

Gwapo, moreno, matangkad, lingunin ng mga tao. Sino mag-aakala na makakasabay ko ang inaakala ko na “hanggang tingin ko na lang”?

Hindi ko alam kung matatawa o kikiligin. Nasa pagitan kami ng "Ang landi mo ha?" at "Sana akin ka na lang."

Hanggang sa huminto na ang jeep sa babaan ko. Pero bakit parang… ayoko nang bumaba?

At sa muli niyang pag-ngiti, alam ko na—mas mahirap palang sumuko sa biyahe kapag may gusto kang makasama sa walang hanggang ikot ng biyahe.

Shet, Ayoko nang pumara.

Isinulat ni Abigail
Disenyo ni Gabriel : 3

14/02/2025

𝐏𝐀𝐍𝐎𝐎𝐑𝐈𝐍: Sa pagdiriwang ng ikalawang araw ng Silakbo 2025: A Week of Love for Arts, sari-saring aktibidad ang inilatag ng Supreme Student Council.

Mga lumahok sa Visual Arts Competition, mas mababa kumpara noong nakaraang taon

Concessionaires, patok sa masa

Acoustic Night, dinagsa ng City Scholars sa kabila ng pabugso-bugsong ulan

___________

News Anchor: Clara Angela Garcia
News Reporters: Dianah Maullon, Michael De Torres Jr., John Michael Demdam
Videographers: Millicent Cruz, Michael John Agawin, Karen Flores
Video Editor: Michael John Agawin

13/02/2025

𝙺𝚊𝚙𝚊𝚐 𝚖𝚊𝚐𝚞𝚕𝚘 𝚗𝚊 𝚊𝚗𝚐 𝚖𝚞𝚗𝚍𝚘
𝙸𝚔𝚊𝚠 𝚊𝚗𝚐 𝚙𝚊𝚢𝚊𝚙𝚊𝚗𝚐 𝚑𝚒𝚗𝚊𝚑𝚊𝚗𝚊𝚙-𝚑𝚊𝚗𝚊𝚙 𝚔𝚘
𝚃𝚞𝚖𝚊𝚔𝚋𝚘 𝚔𝚊 𝚛𝚒𝚗 𝚙𝚊𝚝𝚞𝚗𝚐𝚘 𝚜𝚊'𝚔𝚒𝚗
𝙺𝚊𝚙𝚊𝚐 𝚋𝚞𝚖𝚒𝚋𝚒𝚐𝚊𝚝 𝚗𝚊 𝚊𝚗𝚐 𝚒𝚢𝚘𝚗𝚐 𝚍𝚒𝚋𝚍𝚒𝚋
𝙸𝚔𝚊'𝚢 𝚜𝚊𝚜𝚊𝚕𝚞𝚋𝚞𝚗𝚐𝚒𝚗

𝚂𝚊 𝙱𝚊𝚠𝚊𝚝 𝚂𝚊𝚗𝚍𝚊𝚕𝚒
𝙰𝚖𝚒𝚎𝚕 𝚂𝚘𝚕

-

𝐒𝐚 𝐁𝐚𝐰𝐚𝐭 𝐒𝐚𝐧𝐝𝐚𝐥𝐢

𝔏𝔲𝔫𝔞,
Sa bawat hampas ng alon sa dalampasigan sa tuwing ito'y may dinaramdam. Sa lamig ng hangin sa gabi na sa iyo ay yumayakap kapag ika'y luhaan. Sana alam mo rin na naririto ako para pahirin ang bawat patak ng luha mo kasabay ng pag sambit ng katagang “ika‘y sa akin ay may uuwian.”

Ayokong ako lang ang nakakatagpo ng tahanan sa iyong presensiya, akap, at bisig. Nais kong pati sa akin ay nadarama mo ito. Ayokong sinosolo mo ang bigat ng pasanin kung maaari naman kitang tulungan rito. Hindi ko man mabawasan ang isipin mo ngunit nais kong makinig sa mga bulong ng nasa isipan mo.
𝔑𝔞𝔤𝔪𝔞𝔪𝔞𝔥𝔞𝔩,
𝔖𝔬𝔩

𝔖𝔬𝔩,
Hindi ko man nasasabi ang lahat ng gumulo sa aking isipan ngunit sa iyo ko mismo natatagpuan ang aking kapahingaan. Ayokong isipin mo pa ang mga gumugulo sa akin. Ang nais ko lamang ay ang kaalaman na sa pagtapos ng maghapon ay nariyan ka para ako ay antayin at salubungin ng mga kwento ng iyong mga kaganapan.
ℑ𝔶𝔬𝔫𝔤 𝔩𝔦𝔴𝔞𝔫𝔞𝔤,
𝔏𝔲𝔫𝔞

𝔏𝔲𝔫𝔞,
Hindi mo kailangang magtago kapag ako ang iyong kasama. Alam mong hindi kita huhusgahan dahil tinanggap at minahal ko ang lahat ng sayo. Nais ko lamang na malaman mo na hindi ako mapapagod na antayin kang magsabi dahil alam ko ang mga pagkakataong marami kang nais sabihin ngunit hindi mo magawa sa pag aakalang hindi ka pakikinggan. Kaya naman ako na lamang ang hihilig sa balikat mo at yakapin ka para malaman mong hindi ka nag iisa.
𝔑𝔞𝔯𝔦𝔱𝔬 𝔞𝔨𝔬,
𝔖𝔬𝔩

𝔖𝔬𝔩,
Alam kong ika‘y naririyan palagi. Kaya naman sa bawat sandali handa akong ibigay ang tahanan at pahinga na kaya kong ibigay dahil iyon ang naibibigay mo sa akin. Ang presensiya mo ay walang kahit na anong katumbas dahil mas pipiliin kong sayo laging tumakbo sa tuwina.
𝔑𝔞𝔤𝔪𝔞𝔪𝔞𝔥𝔞𝔩,
𝔏𝔲𝔫𝔞

Isinulat ni Alyssa
Litrato ni Russeth Curzon
Disenyo ni Gabriel : 3

13/02/2025

𝐁𝐀𝐋𝐈𝐓𝐀: Naging dahilan umano ang ‘pabago-bagong schedule’ ng Visual Arts Competition ng Silakbo 2025 upang hindi na tumuloy sa paglahok ang ilang mga interesadong iskolar ng Calamba, Pebrero 11.

Ayon sa isang first year student na nakapanayam, nagbalak siyang sumali sa naturang kompetisyon subalit napilitan na huwag na lamang ituloy sapagkat aniya, kulang siya sa kahandaan noong gaganapin na ang patimpalak.

“Nag-ready po ako no’n and kinondisyon ko na po yung sarili ko for that time and nag-order ng mga bagong art materials [online] dahil akala ko aabot pa by the end of February, pero nung nalaman ko pong nabago na yung sched ‘di na po ako nag-continue,” saad ng nasabing estudyante.

Matatandaang unang nag-anunsyo ang Supreme Student Council (SSC) sa kanilang official page ukol sa Visual Arts Competition noong Enero 27, kung saan nakasaad dito na gaganapin ang kompetisyon sa Pebrero 25.

Subalit noong Enero 31, naglabas muli ang SSC ng opisyal na schedule para sa hanay ng mga aktibidad para sa Silakbo 2025 kung saan nakasaad na sa Pebrero 11 na gaganapin ang naturang kompetisyon.

Batay rin sa isa pang panayam mula sa isang mag-aaral na tumangging magpakilala, malaki ang kanyang panghihinayang matapos niyang hindi makalahok dahil sa pagbabago sa araw ng kompetisyon.

“Una po gusto ko talaga sumali sa live portrait...lumipas yung ilang days nung magre-register na po ako, nakita ko po yung post nila sa page na nagbago na yung sched[ule] and mas napaaga, e’ hindi na po ako free no’n. Sa part ko po, medyo nanghinayang po ako sa opportunity na ma-showcase ung talent ko since ‘di na po s’ya akma don sa inakala kong sched,” saad ng mag-aaral.

Depensa naman ni John Michael Demdam, Vice President for External Affairs ng SSC at kasalukuyang head ng naturang patimpalak, hindi ito ang natatanging rason kung bakit kakaunti lamang ang sumali bagkus ay nakadepende pa rin ito sa ‘willingness’ ng mga nais lumahok sa kompetisyon.

“Marami rin kasing nga nagmessage sa'min na they are interested to join but due to some unforeseen circumstances such as 'yung schedule nila na they don't want to be absent or to be excused, and also due to their health conditions,” ani Demdam.

Dagdag pa niya “we have done our part to inform them as well as persuade them to join, it just so happen that medyo napaaga lang din dahil din sa kaliwa't kanang mga event and adjustments sa calendar of activities ng institution.”

Umabot sa labintatlo ang kabuuang bilang ng mga kalahok sa iba’t-ibang patimpalak ng Visual Arts Competition na live portrait drawing, on-the-spot photography at painting competition, mas kakaunti kumpara noong nakaraang taon.

Isinulat ni AJ Gannaban
Kuhang larawan ng Multimedia and Production Department

13/02/2025

𝐍𝐄𝐖𝐒: The three concessionaire booths were more patronized by city scholars on the opening day of the Love for Arts Booth compared to the booths established by the Council of Student Leaders (CSL) at Rizal Building, February 11.

According to one of the officers of Information Technology Society (ITS), they can say that the concessionnaires have more sales because they have more exposure to students as they are positioned in front of the building, “Siguro kaya ganoon ang nangyari kasi bago sa paningin ng mga estudyante yung paninda nila. Na-excite siguro silang bilhin yung mga pagkain na hindi naman usually nabibili around the campus.” Angelica Cortez, the Information Technology Society Vice President for Internal Affairs, expressed her opinion about the booths.

“Expected na mas tatangkilikin sila since established brand na…siguro mas gusto ng mga isko ng bago at minsan lang sila maka-experience ng ganon kaya siguro mas gusto nilang bilhin,” Soul-Link member Joshua Soriano added.

CSL Chairman Ashley Ferrer explained that they have no control over the likes and interests of the students, “Hindi mo makokontrol yung mga bibilhin ng mga estudyante, hindi ko dini-disregard yung about sa designation ng place pero I think factor din ay yung binebenta nila.”

“Ang pagbebenta nila is about willingness, hindi required ang pagbebenta, opportunity siya kung titignan– para sa kanilang fund-raising,” he emphasized.

However, Soriano stated, “On the side of CSL booths naman syempre nandun sila para mag fund-raising pero in comparison marami ring bumili sa mga CSL booths since isa kami sa lumahok and na-sold out kami sa mga meals na binebenta namin.”

This year marks the first engagement of the Supreme Student Council (SSC) with concessionaires during the celebration of SILAKBO 2025: A Week of Love for Arts, offering opportunities for local businesses.

The participating businesses outside the institution are Old Coast Cafe, Cool Cream & Frankie Cafe, and Ninang’s Callemonade.

“Nung na-invite kami dito, syempre hindi namin tinanggihan. Of course opportunity din ito para mas makilala yung shop namin, yung brand namin dito sa Calamba,” Romnikko Bautista of Old Coast Cafe shared.

Meanwhile, The Sentinel was unable to set up their booth due to manpower constraints resulting in seven out of eight CSL booths present in the said Love for the Arts Booths.

Booths are open until February 13 as part of the week-long celebration.

Written by Chiel Joy Gannaban
Photo by Multimedia and Production Department

12/02/2025

𝐁𝐀𝐋𝐈𝐓𝐀: Binuksan nang muli ang e-Guro Learning Management System (LMS) ng City College of Calamba (CCC) matapos itong i-shutdown noong ika-6 ng Pebrero bunsod ng banta ng cyber attack.

Sa isang panayam kay Dr. Regina Almonte, Direktor ng Management Information Systems Department (MISD), may mga pagbabagong ginawa ang kanilang opisina upang patibayin ang seguridad ng LMS habang ito ay offline.

"Nagkaroon kami ng pagpapalit ng username at password, mapa-student ka, mapa-faculty, obliged ka na palitan ang password—and that should be changed after 30 days...so kapag 'di mo napalitan, ang account mo will be locked."

Dagdag pa ni Dr. Almonte, nagkaroon sila ng upgrade at modifications pagdating sa seguridad ng accounts sa LMS.

Nilinaw niya rin ang matagal na katanungan patungkol sa naganap na cyber attack noong ika-6 ng Pebrero.

"Isang account na na-compromise, nagkaroon ng investigation doon, nakuha ang username at password, so nagkaroon kami ng investigation kung paano nangyari 'yon."

Ipinatawag umano ang estudyanteng apektado at inimbestigahan ang kanyang naging Google activity upang malaman ang ugat ng nangyaring hacking sa kaniyang LMS account.

Ibinahagi rin ni Dr. Almonte ang naging tugon nila matapos ang nasabing cyber attack, "even in the middle of the [night], 24/7 kaming nakabantay, that's why nung nabalitaan ko 'yan...ako mismo yung pumunta, that's how we protect the data...pero upon investigation, it's an isolated case."

Ayon sa MISD, makakaasa ang komunidad ng CCC na ginagawa nila ang lahat ng kanilang makakaya upang maprotektahan ang impormasyon ng mga estudyante at faculty sa kabila ng mga kakulangan.

Isinulat ni Gabriel Sarmiento
Kuhang larawan ni Gwen Cervantes

𝐓𝐈𝐍𝐆𝐍𝐀𝐍:
𝗠𝗜𝗦𝗗 𝗻𝗮𝗸𝗮𝗱𝗲𝗽𝗲𝗻𝗱𝗲 𝘀𝗮 𝗽𝗼𝗻𝗱𝗼 𝗮𝗻𝗴 𝗟𝗠𝗦 𝗨𝗽𝗴𝗿𝗮𝗱𝗲
https://medium.com//misd-nakadepende-sa-pondo-ang-lms-upgrade-af954c94e943

Address

City College Of Calamba
Calamba
4027

Website

https://medium.com/@sentinel_2009

Alerts

Be the first to know and let us send you an email when CCC The Sentinel Student Publication posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CCC The Sentinel Student Publication:

Videos

𝐏𝐀𝐍𝐎𝐎𝐑𝐈𝐍: Patuloy ang selebrasyon ng pagmamahal sa sining sa ika-apat na araw ng Silakbo 2025. Masugid na naganap ang mga booths, mga obrang ipininta, at ang movie screening. Araw ng movie screening, pinagpatuloy; Hiling ng City Scholars, dininig Ilang organisasyon mula sa CSL, nagtayo ng iba’t ibang booth bilang suporta sa Silakbo 2025 Obra sa Arts Exhibit, nadagdagan sa ikalawang araw ——— News Anchor: Josh Requinto News Reporter: Michael De Torres, Vhea Beato, Roxanne Felicilda Videographer: Miguel Detecio Video Editor: Michael John Agawin #TheSentinel #CCCTSSP #Silakbo2025

𝐏𝐀𝐍𝐎𝐎𝐑𝐈𝐍: Sa ikatlong araw ng Silakbo 2025, patuloy pa rin ang pakikilahok ng city scholars sa iba’t ibang konsepto ng A Week of Love for Arts. Open Arts Exhibit, may bagong pakulo CSL booths, nakumpleto na; Concessionaires mas naging 'produktibo' ——— News Anchor: Karen Flores News Reporter: John Michael Demdam, BJ Galang Videographer: Miguel Detecio Video Editor: Irish Leyra Tuyay #TheSentinel #CCCTSSP #Silakbo2025

Silakbo 2025

𝐏𝐀𝐍𝐎𝐎𝐑𝐈𝐍: Sa pagdiriwang ng ikalawang araw ng Silakbo 2025: A Week of Love for Arts, sari-saring aktibidad ang inilatag ng Supreme Student Council. Mga lumahok sa Visual Arts Competition, mas mababa kumpara noong nakaraang taon Concessionaires, patok sa masa Acoustic Night, dinagsa ng City Scholars sa kabila ng pabugso-bugsong ulan ___________ News Anchor: Clara Angela Garcia News Reporters: Dianah Maullon, Michael De Torres Jr., John Michael Demdam Videographers: Millicent Cruz, Michael John Agawin, Karen Flores Video Editor: Michael John Agawin #TheSentinel #CCCTSSP #Silakbo2025

𝐏𝐀𝐍𝐎𝐎𝐑𝐈𝐍: Pinasinayahan ang taunang SILAKBO: 'A Week of Love for Arts' sa pagputok ng bukang-liwayway kahapon, ika-10 ng Pebrero na pinangunahan ng Love, Run, Laban! at sinundan ng Grand Salvo. Love, Run, Laban, tinatayang kinulayan ng 830; ilang mga alituntunin, naantala! SOCIOS, muling nagpamalas ng talento; iba’t ibang konsepto ng pagibig, nagpakilig ___________ News Anchor: Millicent Mae Cruz News Reporter: BJ Galang, Karen Flores, Vhea Beato Videographer: Patrick Miguel Detecio, Irish Leyra Tuyay, Michael John Agawin Video Editor: Irish Leyra Tuyay #TheSentinel #CCCTSSP #Silakbo2025

𝗪𝗮𝘁𝗰𝗵 𝗯𝗶𝗴 𝗾𝘂𝗲𝘀𝘁𝗶𝗼𝗻𝘀 𝗴𝗲𝘁 𝗯𝗶𝗴𝗴𝗲𝗿 𝗮𝗻𝘀𝘄𝗲𝗿𝘀!

𝗪𝗮𝘁𝗰𝗵 𝗯𝗶𝗴 𝗾𝘂𝗲𝘀𝘁𝗶𝗼𝗻𝘀 𝗴𝗲𝘁 𝗯𝗶𝗴𝗴𝗲𝗿 𝗮𝗻𝘀𝘄𝗲𝗿𝘀! Witness College Administrators as they address the issues and concerns the student body raised, point-by-point. Here is the glimpse of the first-ever Institutional Press Conference—bare and bold—in news bits, starting now! #TheSentinel #CCCTSSP #InstitutionalPressConference

𝘼𝙘𝙘𝙚𝙡𝙚𝙧𝙖𝙩𝙚, 𝙚𝙫𝙚𝙧 𝙛𝙤𝙧𝙬𝙖𝙧𝙙!

𝘼𝙘𝙘𝙚𝙡𝙚𝙧𝙖𝙩𝙚, 𝙚𝙫𝙚𝙧 𝙛𝙤𝙧𝙬𝙖𝙧𝙙! This year marks the 15th founding anniversary of the official student publication of the City College of Calamba. As we travel back in time, we recognize the evolution of the publication along with its humble beginnings, milestones, setbacks, turning points, challenges, and how the previous editorial board members paved the way for the establishment of the publication as it stands today. Moving towards the future, The Sentinel will continue to serve its purpose and remain true to its principles. It has been a long travel "carving a crystal path," yet the journey ahead awaits. Together, let us continue to preserve and build up the Sentinel's Legacy. #TheSentinel #KinSentinel #15entinel

𝐏𝐀𝐍𝐎𝐎𝐑𝐈𝐍: Sa pagtama ng STS Kristine, tinatayang nasa isang milyon at anim na raang libong pamilya ang apektado sa kalakhang Luzon. Umabot sa bilang na 26,066 pamilya ang lubhang napuruhan sa bayan ng Calamba, kabilang ang Brgy. Palingon, Lingga, at Sampiruhan. Mga pamilyang apektado sa Brgy. Palingon, pumalo na sa 765; 300 mag-iisang linggo na sa evacuation center Riprap sa San Juan River, nagdulot ng matinding baha; Lalaking lumilikas, patay Hanapbuhay ng mga magsasaka sa Brgy. Lingga, lubhang apektado #TheSentinel #Centro24 #KristinePH

2024 Election

𝐍𝐚𝐫𝐢𝐭𝐨 𝐧𝐚 𝐚𝐧𝐠 𝐂𝐞𝐧𝐭𝐫𝐨 𝐁𝐚𝐥𝐢𝐭𝐚! 𝐏𝐀𝐊𝐈𝐍𝐆𝐆𝐀𝐍: Sa nalalapit na Halalan 2025, marami sa mga kilalang personalidad sa politika, showbiz, at social media ang nakapaghain na ng kandidatura para sa pagkasenador at panlokal na posisyon. Dahil dito, nagkaroon ng samu’t saring komento ang mga tao. 𝐓𝐈𝐍𝐆𝐍𝐀𝐍: Senatorial Survey ngayong taon 2025, hindi patok sa masa Duterte at Robredo, naghain ng kandidatura para sa panlokal na halalan 2025 Kaliwa’t kanang political family, tatakbo para sa nalalapit na eleksyon Political Analyst, kinuwestiyon ang ilang kilalang personalidad na naghain ng COC #TheSentinel #CCCTSSP #Halalan2025

Radio Broadcast

𝐍𝐚𝐫𝐢𝐭𝐨 𝐧𝐚 𝐚𝐧𝐠 𝐂𝐞𝐧𝐭𝐫𝐨 𝐁𝐚𝐥𝐢𝐭𝐚! Sa ika-52 anibersaryo ng pagkadeklara ng Martial Law ni dating Pangulong Ferdinand Marcos Sr., iba’t iba ang naging hakbang ng ating mga kababayan sa paggunita nito. Ito ay nagbigay-diin sa patuloy na paglilingkod para sa mga naging biktima at nagsilbing boses para sa katotohanan at hustisya. 𝐓𝐈𝐍𝐆𝐍𝐀𝐍: Ilang kilusan naglunsad ng mga aktibidad kasunod ng pagdiriwang ng ika-52 anibersaryo ng martial law; tatlong estudyante ng PUP, inaresto Mga tanong ukol sa Martial Law, patuloy na iniilagan ni PBBM Buhay ang Edsa Campaign Network, nagdaos ng paggunita sa Martial Law Freedom Museum sa UP Diliman, itatatag na

Sportsfest 2024

𝐏𝐀𝐍𝐎𝐎𝐑𝐈𝐍: Nasungkit ng DTE Green Dragons ang overall champion title sa nagdaang apat na araw ng Sportsfest 2024, June 25-28. Samantala, iniuwi naman ng DBA Yellow Tigers sa ikaapat na pagkakataon ang sunod-sunod na panalo sa Cheerdance Competition. Kinoronahan din si Sean Castillo ng DAS at Didrei Espiridion bilang bagong Mr. and Ms. Sportsfest 2024. #TheSentinel #CCCTSSP #Sportsfest2024

𝐏𝐀𝐍𝐎𝐎𝐑𝐈𝐍: Tagumpay na naiuwi ng DCI Silver Vikings at DTE Green Dragons ang mga kampeonato sa ginanap na volleyball at basketball championships sa ikatlong araw ng Sportsfest, June 27. #TheSentinel #CCCTSSP #Sportsfest2024

Sporsfest Live Broadcast

𝐏𝐀𝐍𝐎𝐎𝐑𝐈𝐍: Tampok ang Departmental Monikers at Dancesport sa opisyal na pagbubukas ng CCC Sportsfest 2024 alinsunod sa temang "Champions Unite: One Team, One Win, One CCC," Hunyo 25, 2024. #TheSentinel #CCCTSSP #SportsFest2024

CCC The Sentinel Student Publication

19/02/2025

19/02/2025

18/02/2025

17/02/2025

17/02/2025

17/02/2025

16/02/2025

16/02/2025

16/02/2025

15/02/2025

14/02/2025

14/02/2025

14/02/2025

13/02/2025

13/02/2025

13/02/2025

12/02/2025

Address

Website

Alerts

Contact The Business

Videos

Silakbo 2025

𝗪𝗮𝘁𝗰𝗵 𝗯𝗶𝗴 𝗾𝘂𝗲𝘀𝘁𝗶𝗼𝗻𝘀 𝗴𝗲𝘁 𝗯𝗶𝗴𝗴𝗲𝗿 𝗮𝗻𝘀𝘄𝗲𝗿𝘀!

𝘼𝙘𝙘𝙚𝙡𝙚𝙧𝙖𝙩𝙚, 𝙚𝙫𝙚𝙧 𝙛𝙤𝙧𝙬𝙖𝙧𝙙!

2024 Election

Radio Broadcast

Sportsfest 2024

Sporsfest Live Broadcast

Shortcuts

Share

Category