What are the opening hours?

Monday 7am - 6pm Tuesday 7am - 6pm Wednesday 7am - 6pm Thursday 7am - 6pm Friday 7am - 6pm

https://www.facebook.com/101354286297697/

Ang Banaag

Ang Opisyal na Pampaaralang Pahayagan sa Filipino ng Dr. Vicente F. Gustilo Memorial National High School

29/01/2025

𝗠𝗴𝗮 𝗮𝘁𝗹𝗲𝘁𝗮𝗻𝗴 𝗩𝗶𝗰𝗲𝗻𝘁𝗶𝗻𝗶𝗮𝗻, 𝘀𝗮𝘀𝗮𝗹𝗮𝗻𝗴 𝗻𝗮 𝘀𝗮 𝗣𝗮𝗹𝗮𝗿𝗼𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝟮𝟬𝟮𝟱
✒️: Ichiro Niño T. Desuyo

Bago tuluyang umabante ang mga atletang Vicentinian sa Palarong Panlalawigan 2025 ngayong linggo, pormal muna silang binigyan ng isang taimtim na pagsaludo sa ginanap na Send-off Ceremony nitong Lunes, ika-27 ng Enero, 2025, sa DVFGMNHS Dome.

Sinimulan ang programa sa entrada ng mga atleta, g**o at kawani ng paaralan, at pagpasok ng mga watawat, na sinundan ng isang panalangin at pagkanta ng pambansang awit. Nagbigay naman ng pambungad na mensahe si G. Revie B. Almodiel, ang sports coordinator ng paaralan. Pagkatapos ng unang bahagi, pinailawan ni Lovic C. Javier, isang mag-aaral ng ikalabing-dalawang baitang at manlalaro ng badminton, ang sulo— ang simbolo ng pagkakaisa, kapayapaan at diwang pampalakasan. Sunod, ang pagpapakilala sa mga atleta ng bawat patimapalak, at upang lalong mapasigla ang programa, sinabayan ito ng TikTok dance challenge kasama ang kani-kanilang tagapagsanay.

Pagkatapos ng pagkukuha ng mga litrato, ibinahagi ni G. Dindo M. Ampalla, punongg**o ng paaralan, ang "Words of Challenge and Encouragement" upang subukin ang katatagan ng mga atleta at buong-tapang harapin ang hamon na naghihintay sa kanila. Tinanggap ng mga atleta ang hamon sa pangunguna ng kani-kanilang team captain, at saka nag-alay ng isang institusyunal na panalangin si Gng. Wilma F. Montaño para sa kanila.

Nagtapos ang seremonya sa pangwakas na mensahe ni Gng. Edna Gabayeron, Puno ng Kagawaran ng MAPEH, kung saan binigyang-diin niya ang kahalagahan ng pagiging ligtas ng mga atleta mula sa ano mang panganib na maaring dumating, at sinundan ito ng pag-awit ng Alma Mater song. Pagkatapos niyan, nagkaroon ng simpleng salusalo ang mga atleta na inihanda ng mga g**ong Vicentinian sa panguguna ng Faculty and Staff Club (FASC).

Ang mga atleta ay siyang kakatawan sa buong lungsod sa 2025 Palarong Panlalawigan ngayong January 29 hanggang Pebrero 1, sa lungsod ng Bacolod.

Dahil sa kanilang walang humpay na pag-eensayo, di mapapantayang kakayahan at dedikasyon sa larangan ng pampalakasan, at sa tulong ng kanilang mga tagapagsanay, tiyak na iuuwi nila ang kampeonato at magbibigay karangalan sa ating dibisyon, lalong lalo na sa ating paaralan. Papatunayan nila na ang diwa ng isang Vicentinian, ay diwa ng isang tunay na kampeon. Sa kanilang pagsalang sa kani-kanilang paligsahan, dala-dala at papatunayan nila ang motto ng paaralan na "Basta Vicentinian, Tanan Masarangan! Tanan Masarangan, Basta Vicentinian!"

Mabuhay at pagpalain nawa kayo, mga atletang Vicentinian!

📷: Bb. Fahrene Lazaro

16/01/2025

Maligayang kaarawan, Ichiro!

Binabati ka namin sa iyong kaarawan! 🎉 Nawa'y bigyan ka pa ng mahabang buhay. 🫂Ipagpatuloy mo lang ang iyong pagiging mabait, masunurin na anak, mabuting kaibigan, at pagiging lider. Salamat sa pagiging maunawain at matapat na Punong Patnugot ng Banaag. 💌 Ang iyong dedikasyon, tiyaga, at kakayahan ay tunay na kahanga-hanga. Sana ay mapuno ng saya ang kaarawan mo! 😊

Sa muli, maligayang kaarawan aming Punong Patnugot, Ichiro Niño Desuyo. 🥳

- Banaag Fam

31/12/2024

𝐁𝐚𝐠𝐨𝐧𝐠 𝐭𝐚𝐨𝐧, 𝐛𝐚𝐠𝐨𝐧𝐠 𝐬𝐢𝐦𝐮𝐥𝐚!

Maligayang pagdating, 2025!🎇 Isa na namang pagkakataon upang mangarap, magsikap, at magtagumpay. Habang iniiwan natin ang nakaraang taon, dalhin natin ang mga aral na nagpatibay sa ating loob at nagpatatag sa ating pagkatao.

Ngayong 2025, harapin natin ang bawat araw nang may buong puso, pag-asa, at positibong pananaw. Gamitin natin ang lakas na nakamit sa bawat hamon upang magpatuloy sa pag-abot ng ating mga pangarap. Magpatuloy tayo sa pagiging inspirasyon sa iba, sa paggawa ng mabuti, at sa pagbibigay ng pag-asa sa mga nawawalan nito. Maghari nawa ang kapayapaan at pagmamahalan hindi lamang sa ating mga tahanan kundi sa buong mundo. Sama-sama tayong bumuo ng mas masaya, mas mapayapa, at mas maunlad na bukas para sa lahat.🎉🎇

Manigong Bagong Taon sa ating lahat! Nawa’y ang 2025 ay magdadala ng mas maraming biyaya, pagmamahal, at kasiyahan sa ating mga buhay. Salubungin natin ito nang may pasasalamat at pag-asa para sa mas magandang bukas!💛🧡

----
Anyo | Sean Uriel Rosal
Kapsyon | Danise Zussane Torres

30/12/2024

𝐒𝐢𝐧𝐨 𝐧𝐠𝐚 𝐛𝐚 𝐬𝐢 𝐃𝐫. 𝐉𝐨𝐬𝐞 𝐑𝐢𝐳𝐚𝐥?

Si Dr. José Protacio Rizal Mercado y Alonzo Realonda (Jose Rizal), ay isang kilalang Pilipinong bayani at isa sa mga pangunahing tagapagtaguyod ng reporma sa Pilipinas sa panahon ng pananakop ng mga Kastila. Tinanghal at kinilala siya bilang isa sa mga pinakadakilang pambansang bayani ng Pilipinas ng Lupon ng mga Pambansang Bayani.

Sa mismong araw na ito, inialay ni Jose Rizal ang kanyang buhay para sa bayan. Mula sa kanyang bilangguan sa Fort Santiago, naglakad siya patungo sa Bagumbayan upang harapin ang kanyang kamatayan sa kamay ng firing squad.

Tuwing ika-30 ng Disyembre taon-taon, ipinagdiriwang ng mga Pilipino ang Araw ng Kabayanihan ni Dr. Jose Rizal bilang isang pambansang okasyon. Ginugunita ang Rizal Day bilang pagsaludo sa kabayanihan at sakripisyo ni Dr. Jose Rizal, na naging isang mahalagang bahagi sa kilusan para sa kalayaan ng Pilipinas sa kamay ng mga Kastila. Ang pagdiriwang ng araw na ito ay isang paraan ng pagpaparangal sa kanyang mga kontribusyon sa pakikibaka para sa kalayaan at sa pagpapalaganap ng pagmamahal sa bayan, na hindi dapat makaligtaan ng henerasyon ngayon at ng mga susunod pa.

• Mga sanggunian:

https://youtu.be/XFXHJD8PApE?si=fGcSy2uRAGpQGgod

https://epa.culturalcenter.gov.ph/3/82/2284/

-----
Anyo | Athea Zette Santillan at Iana Jean Pasilan
Kapsyon | Ynah Lorraine Tapada

25/12/2024

Sa panahon ng Pasko, nawa'y magningning ang ating mga puso sa liwanag ng pagmamahalan, pagbibigayan, at pagkakaisa. Ito ang panahon upang magbalik-tanaw sa lahat ng biyaya at pagmamahal na ating natanggap sa buong taon, at upang magbigay ng pasasalamat hindi lamang sa Diyos kundi pati na rin sa mga taong naging bahagi ng ating buhay.

Sa gitna ng ating kasiyahan, huwag natin kalimutan na ang Pasko ay isang pagkakataon upang ipakita ang ating pagmamalasakit hindi lamang sa ating pamilya at mga kaibigan, kundi pati na rin sa mga nangangailangan ng tulong, pag-asa, at saya. Sa bawat yakap, ngiti, at salita ng pagmamahalan, tayo’y nagiging daluyan ng biyaya ng Diyos. Ang kumikislap na mga bituin at ilaw sa paligid ay nagsisilbing paalala sa atin ng liwanag ng pag-asa at pagmamahal na dapat nating ipalaganap sa mundo.

Maligayang Pasko sa inyong lahat! Nawa'y maging masaya, makulay, at puno ng biyaya ang pagdiriwang ng Pasko para sa ating lahat.

17/12/2024

𝗗𝗶𝘀𝘁𝗿𝗶𝘁𝗼 𝟭𝟬, 𝗻𝗮𝗺𝗮𝘆𝗮𝗴𝗽𝗮𝗴 𝘀𝗮 𝟮𝟬𝟮𝟰 𝗣𝗮𝗹𝗮𝗿𝗼𝗻𝗴 𝗣𝗮𝗻𝗱𝗶𝗯𝗶𝘀𝘆𝗼𝗻
✒️: Ichiro Niño T. Desuyo

Matapos ang tatlong araw na bakbakan sa pagitan ng iba't ibang distrito ng Lungsod ng Cadiz, muli na namang inuwi ng Distrito 10 ang kampeonato sa kategoryang sekundarya sa ginanap na 2024 Palarong Pandibisyon, na may temang "Nurturing Champions Beyond Sports" nitong ika-11 hanggang ika-13 ng Disyembre.

Nakalikom ang distrito ng umaapaw na 179 na medalya; 92 rito ay ginto, 57 ay pilak, at 26 ay tanso.

Pumangalawa ang Distrito 8 na nakakuha ng 22 na ginto, 32 na pilak, at 22 na tanso, 76 sa kabuuan. Habang nakuha naman ng mga Pribadong Paaralan ang ikatlong puwesto na may 14 na ginto, sampung pilak, at 12 na tanso, 36 sa kabuuan.

Naging kinatawan ng distrito sa halos lahat ng paligsahan ang mga atleta mula sa Dr. Vicente F. Gustilo Memorial National High School, kung kaya dinaluhan at sinuportahan ng mga mag-aaral ng DVF ang lahat ng laro ng mga ito. Ipinakita nila na sa pagtutulungan ng mga Vicentinian, walang imposible.

Hindi rin matatawaran ang gabay at suportang ibinigay ng mga g**ong Vicentinian sa mga atleta, na nagsilbi ring mga tagapagsanay nila at tagapagdaloy ng naturang kaganapan, lalong-lalo na ng punongg**o ng paaralan na si G. Dindo M. Ampalla at Puno ng Kagawaran ng MAPEH na si Gng. Edna Gabayeron.

Ating natunghayan ang galing, determinasyon at liksi ng mga atletang Vicentinian na buong-pusong ibinigay ang lahat ng kanilang makakaya upang iwagayway ang ating bandera. Ibinahagi nila sa lahat na ang diwang Vicentinian ay diwa ng isang tunay na kampeon — may taglay na kakayahang ipanalo at lampasan ang lahat na ipapaharap sa atin ng mundo. Totoo ngang "Basta Vicentinian, Tanan Masarangan!"

Ang mga nanalong atleta ay aarangkada at ang kakatawan sa buong lungsod sa Palarong Panlalawigan sa susunod na taon.

14/12/2024

𝗗𝗩𝗙 𝗠𝗮𝗿𝗮𝘆𝗻𝗼𝗻 𝗦𝗲𝗰𝗼𝗻𝗱𝗮𝗿𝘆 𝗕𝗮𝘀𝗸𝗲𝘁𝗯𝗮𝗹𝗹 𝗚𝗶𝗿𝗹𝘀 𝗻𝗴 𝗗𝗶𝘀𝘁𝗿𝗶𝘁𝗼 𝟭𝟬, 𝘄𝗮𝗴𝗶 𝗹𝗮𝗯𝗮𝗻 𝘀𝗮 𝗗𝗶𝘀𝘁𝗿𝗶𝘁𝗼 𝟵, 𝟴𝟱-𝟭𝟯
✒️: Ichiro Niño T. Desuyo

Tila natigilan ang kanilang mga kalaban sa bagsik na ipinamalas ng Secondary Basketball Girls mula sa Dr. Vicente F. Gustilo Memorial National High School na kumakatawan sa buong Distrito 10 sa kanilang laro laban sa Burgos National High School ng Distrito 9 na may iskor na 85-13, sa ginanap na 2024 Palarong Pandibisyon sa Cadiz City Arena nitong Huwebes, ika-12 ng Disyembre.

Unang kwarter pa lang bigay-todo na ang DVF sa panguguna ni Princess Rose M. Liberato na agad nagpaulan ng sunod-sunod na maiinit na two-point shots. Patuloy na nanguna ang DVF at hindi na nabigyang pagkakataon ang kabilang koponan na makabawi at walang kahirap-hirap nilang winakasan ang kwarter na may napakalaking agwat sa iskor na 29-4.

Umalingawngaw sa buong arena ang sigaw ng mga tagahanga, lalo na ng mga g**o at mag-aaral ng DVF na naglaan ng kanilang oras upang suportahan ang paaralan at paalabin ang diwang Vicentinian. Sabi ng isang tagahanga, "Ambot ah, paos na ko. DVF!"

Sa simula ng ikalawang kwarter, agad na nakapuntos ang BNHS na nagpaangat sa kanilang iskor, 29-7. Di kalaunan, sinalubong ang bawat pangkat ng walang tigil na mga foul at violation, dagdag pa ang mga kinapos na three-point shots ng DVF, na kumain ng halos tatlong minuto ng kwarter hanggang tuluyang nakaiskor si Jane B. Molina ng DVF. Ngunit, matapos ang ikalawang matagumpay na tira sa kwarter na ito, muling nagpatuloy ang mga violation ng DVF na naging daan upang muling magkapuntos ang ikasiyam na distrito. Ito'y naging dahilan upang manumbalik ang lakas at liksi ni Angel Naparate mula pa rin sa DVF, patungo sa huling tira niyang free throw na nagbigay sa kanila ng lamang sa ikalawang kwarter na may iskor na 39-10.

Bumida naman si Bea Lorraine Araquel ng DVF na nagpalabas ng mga malabulalakaw na shots na nagpataas at nagpataas ng iskor ng pangkat, subalit sa hindi inaasahang pangyayari ito'y naudlot dahil nagka-injury ito. Mabilis naman siyang tinulungan ng mga kagrupo, mga Boy Scouts, at nakahandang mga medic sa laro. Hindi ito inalintana ni Vlaizza C. Javier mula sa parehong koponan, upang dominahin ang ikatlong kwarter. Sa tulong ng depensa ng kasama nilang si Alexa Fernandez at sa higit na lumalakas na determinasyon ni Naparate, tinuldukan ang ikatlong kwarter sa iskor na 61-13.

Sa huling kwarter, lalong nag-ingay ang mga manonood dahil sa malinis na three-point shot ni Liberato, at ito'y hindi na huminto at sinabayan pa ng mga matagumpay na tira nga mga kakampi niyang sina Lara Joy Macabenta at isa pang three-point shot ni Molina, na naging mitsa ng kanilang pagwagi at pagtatapos ng laro sa iskor na 85-13.

Pagkatapos ng pagkapanalo, parang hindi na makaimik at hindi na maalis ang abot-langit na ngiti sa mukha ng mga tagapagsanay ng DVF na sina G. Alberto S. Mission, Bb. Ella Mae V. Ilaya, at G. Dennis M. Bacomo dahil sa ipinakitang determinasyon at tapang ng grupo.

Maya-maya lang, hinirang bilang Best Player si Princess Rose Liberato. "I am overwhelmed with joy and excitement in our victory for today's match and I am very grateful for each and every one who lend us their support during the game, especially the DVF community and my family who watched and cheered on for the DVF team. It was a very satisfying match for me because we were able to execute our plays with less flaws and we were able to secure the win, making all of our efforts pay off," saad ng atleta.

Ang pagkapanalo nila ay patunay na kailanman ay hindi naging batayan ang kasarian sa kakayahan ng indibidwal na mangibabaw sa larangan ng basketbol at iba pang isports. Ang pagwagi ng DVF Girls ay nagpasigla sa buong Distrito 10 at sila'y aabante sa Palarong Panlalawigan sa susunod na taon.

📷: Amiel Nathan Ilaya

11/12/2024

𝘿𝙞𝙫𝙞𝙨𝙞𝙤𝙣 𝘼𝙩𝙝𝙡𝙚𝙩𝙞𝙘 𝙈𝙚𝙚𝙩 𝟮𝟬𝟮𝟰, 𝙈𝙖𝙩𝙖𝙜𝙪𝙢𝙥𝙖𝙮 𝙣𝙖 𝙎𝙞𝙣𝙞𝙢𝙪𝙡𝙖𝙣
✒️: Lylah Joy Castro at Jaycent Ives Selarta

Umarangkada na ang Division Athletic Meet 2024 nitong Martes, Disyembre 10, sa Dr. Vicente F. Gustilo Memorial National High School Field, na may temang “Nurturing Champions Beyond Sports.”

Binuksan ito sa pamamagitan ng isang parada ng mga atleta mula sa District 1-10 at mga pribadong paaralan kasabay ang kani-kanilang tagapagsanay.

Sa mensahe ni G. Dindo Ampalla, punongg**o ng DVFGMNHS, binigyang-diin niya ang kahalagahan ng palakasan sa paghubog ng disiplina at determinasyon ng mga kabataan, higit pa sa pisikal na lakas.

Buong sigla ring isinagawa ang pagtataas ng mga watawat ng bawat distrito na pinangunahan ni Gng. Arlene G. Bermejo, CESO V, Schools Division Superintendent, at G. Michell L. Acoyong, CESO VI Assistant Schools Division Superintendent.

Nagkaroon din ng mga pagtatanghal ng mass dance, Inagta Ng Mahidaiton Dance Troup, at Grade 12 Pink Phoenix, ng DVFGMNHS na nagbigay ng aliw at inspirasyon sa mga kabataan na magtagumpay hindi lamang sa larangan ng palakasan, kundi maging sa iba pang aspeto ng kanilang buhay.

Bilang pagtatapos, nagbigay si Gng. Bermejo, ng kaniyang mga salita ng karunungan sa bawat kalahok. Aniya, "I know that you have prepared for all, for your competitions, so without much further I say, the virtue of the authority vested upon me, I hereby declare this 2024 Division Athletic Meet, Open!"

Gaganapin ang nasabing palaro sa loob ng tatlong araw, Disyembre 11-13. Abangan ang pagtatampok sa iba't ibang larangan ng isports tulad ng basketball, volleyball, table tennis, at marami pang iba, sa kani-kaniyang pagdarausan.

📷: Klei Rihann Sazon at Karylle Fuentes

05/11/2024

❤️‍🔥Sa pagdiriwang ng Negros Day, ating ginugunita ang mayamang kultura at kasaysayan ng Negros Island. 📜Ang araw na ito ay mahalaga para sa lahat ng Negrense, bilang simbolo ng ating pagkakaisa at pagmamalaki. Ito ay pagkakataon upang muling balikan ang mga sakripisyo ng ating mga ninuno. Ang mga kwento ng kanilang laban para sa kalayaan ay nananatiling inspirasyon sa ating mga puso. Sa bawat pagdiriwang, naipagmamalaki natin ang ating sariling pagkakakilanlan bilang mga Negrense.✊

Idinaraos taon-taon ang Negros Day bilang pagbabalik-tanaw sa mga makasaysayang pangyayari ng ating lalawigan, partikular ang paghiwalay ng Negros Occidental mula sa Negros Oriental noong 1890, na nagbigay-diin sa ating sariling pagkakakilanlan at pamahalaan. Isang mahalagang kaganapan ang pagsali ng mga Negrense sa kilusang Katipunan at ang kanilang tagumpay sa pag-aaklas noong Nobyembre 5, 1898, sa ilalim ng pamumuno nina Heneral Aniceto Lacson at Juan Araneta. 🇵🇭Ito'y nagwakas sa mahigit 300 taon ng dayuhang pananakop. Ang tagumpay na ito ay hindi lamang isang lokal na kaganapan kundi bahagi ng mas malawak na pakikibaka ng mga Pilipino para sa kalayaan. Ang mga sakripisyo ng mga rebolusyonaryo ay nananatiling simbolo ng tapang at determinasyon ng mga Negrense sa paghubog ng ating kasaysayan at hinaharap. ✨🫂

✍️: Danise Zussane Torres
🖼️: Athea Zette Santillan at Iana Jean Pasilan

29/10/2024

Vicentinians, narito na ang listahan ng mga nakapasa sa pagsasalang sa brodkasting. Pagbati!❤️‍🔥

26/10/2024

Palarong Vicentinian 2024, Umarangkada!
✒️: Amiel Nathan Ilaya at Jayde Matthew Apuhin

Lungsod ng Cadiz– Bilang bahagi ng taunang Palarong Vicentinian, na may temang “Unleashing the Boundless Spirit of Excellence: The Vicentinian Way to Golden Achievements,” sa Dr. Vicente F. Gustilo Memorial National High School, isinagawa ang pambukas na palatuntunan noong hapon ng Oktubre 9, 2024.

Sinimulan ang selebrasyon sa isang parada na pinangunahan ng mga traffic enforcer, at buong pagmamalaki namang isinunod ang Palarong Vicentinian banner. Sinundan naman ito ng watawat ng Pilipinas at watawat ng DVF na hawak ng mga miyembro ng Vicentinian Engaged Scouts Association (VESA).

Ginabayan ng Drum and Lyre ng DVF ang daan para sa mga susunod na maglalakbay sa kanilang nakakasiglang tugtugan. Nagmartsa nang may naka-ukit na ngiti sa labi si G. Dindo M. Ampalla, Punongg**o ng Paaralan, at ito ay sinundan ng mga Kawani ng Administration Office at Utilities.

Sumunod sa parada ang iba’t ibang baitang ng mga mag-aaral mula ika-7 baitang hanggang ika-12 baitang, na pinangungunahan ng kanilang Chairperson, Vice Chairperson, Girl Scouts, Boy Scouts, at mga g**o ng bawat baitang.

Sinalubong ng masigabong himig ng Ritmo Vicentinian ang mga nagparada sa Senior High School Field. Naging Puno ng Palatuntunan naman sina Bb. Shanaia Pamintuan at G. Aaron Prado na kasabay rin sa pagbati ng mga paparating pa na mag-aaral. Ang programa ay sinimulan sa pagpasok ng mga watawat at pag-uumpisa ng preliminari.

Nagbigay ng pambungad na mensahe si Gng. Edna Gabayeron, Department Head ng Kagawaran ng MAPEH, na sinundan naman ni G. Dindo Ampalla.

"We are wearing our t-shirt, 'Gurong Vicentinian,' as a manifestation that we are one with you in making our Palarong Vicentinian a very successful event. Kay ngaa man, we will give again right to our tagline: Ako Vicentinian, May Ikasarang! Basta Vicentinian, Tanan Masarangan! Tanan Masarangan, Basta Vicentinian! So, let our tagline frontier the hard waves as we do our Palarong Vicentinian 2024. Mabuhay ang bawat Vicentinian! Long live, Dr. Vicente F. Gustilo Memorial National High School! God bless us all,” ayon kay G. Ampalla sa kanyang mensahe.

Nag-alay naman ng sayaw ang mga mag-aaral ng Senior High School sa kanilang “Mass Dance.” Naging tampok at kinaaliwan ng mga Vicentinians ang simbolikong sayaw na “Inagta” na nanguna sa pagpapasa ng apoy, na sinundan ng Chairperson ng bawat Organisasyon. Kalaunan, ito ay pinasa kay Heather Villar, isang pambansang atleta, na pinasa niya naman ito kay G. Ampalla at Bb. Khea Marie Dela Cruz, pangulo ng Vicentinian Supreme Student Learner Government (VSSLG), upang pailawin ang sulo na sumisimbulo ng magandang asal sa palakasan.

Isinagwa ang ‘Oath of Sportsmanship’ at ‘Oath of Officiating Officials’ sa pangunguna nina Bb. Kristin Grace Ong, pambansang atleta, at G. Revie Almodiel, Technical Chairperson, na nagbigay-diin sa kahalagahan ng disiplina, patas na laro, at respeto sa bawat isa na dapat umiral sa bawat palaro.

Matapos ang mga isinagawang pangako, pormal nang idineklara ni G. Ampalla ang pagbubukas ng Palarong Vicentinian para sa taong ito. Kasunod nito ay ang Banner Raising na pinangunahan ni G. Ampalla sa pagtaas ng watawat ng paaralan. Sunod naman ay ang pagtataas ng watawat ng Palarong Vicentinian sa pamumuno nina Gng. Edna Gabayeron at Bb. Angelian Learp Carlos, Palit-pangulo ng VSSLG. Pagkatapos nito, itinaas din ang watawat ng VSSLG sa tulong nina Bb. Dela Cruz at Gng. Katrina Faith Bacharo, tagapayo ng VSSLG. Sumunod naman ay ang pagtaas ng watawat ng mga Organisasyon sa pangunguna ng kani-kanilang mga Chairperson.

Nagdiwang ang bawat Vicentinian sa pagtatapos ng programa at sabay-sabay na nagsalo-salo sa mga pagkaing inihanda ng mga g**o para sa bawat Organisasyon.

📷: Talidhay Club

24/10/2024

Banta ng Bagyong Kristine, Huwag Balewalain
✒️: Alleyah Rose Mahinay at Ashley Nicole Ybiernas

Handa ba ang lahat sa hagupit ng Kristine?

Nitong ika-21 ng Oktubre, 2024 ng umaga, pumasok ang Tropical Depression Kristine, na may international name na "Trami", sa Philippine Area of Responsibility (PAR), at matapos nga ang ilang araw na paglalakbay sa PAR, ang bagyo ay naging ganap nang Severe Tropical Storm at tinatayang maaabot ang kategorya ng pagiging "typhoon" bago makalabas sa PAR ng Biyernes, Oktubre 25.

Ang malupit na bagyong ito ang siyang nagpapahirap ngayon sa Pilipinas. Sumasalanta ang Bagyong Kristine at kasalukuyang nagdadala ng malalakas na bugso ng hangin at matitinding ulan na nagiging sanhi ng maraming pinsala sa halos lahat ng dako ng bansa. Mula sa pagbaha hanggang sa landslide, ito ay masasabing isa na sa mga mapaminsalang bagyo ngayong taon na nagdulot ng labis na pangamba sa lahat ng Pilipino.

Dahil malapit ang Pilipinas sa ekwador, ito ay nalalantad sa mainit na tubig-dagat na nagbibigay enerhiya sa mga bagyong maaring mabuo — ang karaniwang temperatura ng tubig sa Kanlurang Pasipiko, kung saan matatagpuan ang Pilipinas ay 28°C o 82.4°F. Ang Karagatang Pasipiko ay nagdadagdag rin para mas maging matibay ang mga bagyo bago sila mag-landfall.

Sa malalim na pagsusuri, ang pagkabuo nito ay dahil sa pagtaas ng mahalumigmig na hangin, dahilan ng pagtaas ng temperatura ng dagat kaya nagdudulot ng mababang presyon malapit sa ibabaw. Habang ang hangin ay patuloy na umaangat, ito ay lumalamig at nagko-condense, na nagreresulta sa pagkabuo ng mga ulap at pag-ulan. Kalaunan, sisimulang umikot ang sistema ng panahon na ito dahil sa Coriolis Effect — ang Coriolis Effect ay isang epekto ng pag-ikot ng mundo na dahilan kung bakit umiikot ang mga bagyo sa magkaibang direksyon depende sa hemispero. Habang lumalakas ang mababang presyon, mas maraming hangin ang hinihigop papaloob, na mas nagpapalubha sa bagyo.

Ang Pilipinas rin ay naka posisyon sa tinatawag ng mga meteorologist na "Typhoon Belt" na nagsisimula sa 10° hanggang 40° latitud. Ang lokasyon nito na nasa Western Pacific Basin ay kilala na nakararanas ng pinakamapanganib na mga bagyo.

Sa madaling sabi, ang mga salik tulad ng mataas na halumigmig, angkop na pattern ng hangin, at kakaunting wind shear ang mga pangunahing nag-aambag sa paglakas ng bagyo bago ito makarating sa kalupaan.

Habang tumatagal, patuloy na lumalakas ang mga bagyo na nananalasa sa Pilipinas, gaya na lamang ng Bagyong Kristine. Kahit hindi na isang bagong konsepto sa atin ang mga malulubhang bagyo, bilang ika-11 na na pumasok ang Bagyong Kristine ngayong taong 2024, mahalagang maghanda ang publiko upang mabawasan ang pinsalang maaaring idulot nito. Kailangan pa rin nating maging handa sa panahon ng sakuna, dahil ligtas ang may alam.

✴️Mga sanggunian:
https://newsinfo.inquirer.net/1994785/tropical-depression-kristine-enters-par-to-intensify-into-a-typhoon

https://fulgararchitects.com/references/two-reasons-why-the-philippines-is-prone-to-typhoon/

https://www.pagasa.dost.gov.ph/information/about-tropical-cyclone

https://www.pagasa.dost.gov.ph/tropical-cyclone/severe-weather-bulletin #:~:text=Stay%20in%20safe%20houses%20until

https://scijinks.gov/coriolis/

20/10/2024

Mainit na pagbati, Vicentinians!❤️‍🔥🙌

Matapos ang ilang araw ng paghihintay, narito na ang resulta ng pagsasalang!

Ikinagagalak naming ipakilala sa inyo ang mga bagong kasapi ng Ang Banaag para sa Taong Panuruan 2024-2025!✨

Lubos naming kinikilala at pinupuri ang kanilang hindi matatawarang dedikasyon at pagmamahal sa larangan ng pamamahayag. 🗞️Nawa'y ipagpatuloy ninyo ang paglilingkod sa bawat Vicentinian sa pamamagitan ng paghahatid ng tamang impormasyon at makabuluhang balita.✊

Taos-pusong nagpapasalamat ang "Ang Banaag" sa lahat ng mga mag-aaral na nakiisa sa pagsasalang. Hanggang sa muli, mga Vicentiniang Mamamahayag!🤩

‼️PAALALA: Ang resulta ng brodkasting ay kasalukuyan pang sinusuri at binubusisi ngunit ito ay i-aanunsyo sa lalong madaling panahon.

09/10/2024

Sa paghahanap ng mga bagong Vicentiniang mamamahayag🗞️, idinaos ang isang pagsasalang nitong ikapito hanggang ikawalo ng Oktubre sa silid 18-A at 19-A. ❤️‍🔥

Ito ay dinaluhan ng mga Vicentiniang nagnanais ipamalas ang kanilang angking galing sa pamamahayag. ✍️🗣️

Ang "Ang Banaag" ay nagagalak at taos-pusong nagpapasalamat sa inyong pagdalo, Vicentinians! Abangan lang ang resulta ng pagsasalang!❤️‍🔥✨

📷: Klei Rihann Sazon at Amiel Nathan Ilaya

07/10/2024

‼️Sa mga hindi nagkaroon ng pagkakataon kanina para sa pagsasalang, ipinagbibigay alam na magkakaroon tayo ng karugtong bukas✨, Oktubre 8 sa parehong silid, 18-A, at oras para sa mga nagnanais na sumali. Kita kits tayo!❤️‍🔥

07/10/2024

‼️Paalala‼️
Gaganapin ang pagsasalang sa Ang Banaag ngayong alas 3:30 ng hapon. Para sa mga kalahok, sundan ang mga sumusunod na silid kung saan naitalaga ang inyong kategorya.

Silid 18-A Pagsulat ng Balita, Pagsulat ng Isports, Pagsulat ng Kolum, at Copyreading
Silid 19-A Pagsulat ng Editoryal, Pagsulat ng Agham at Teknolohiya, Pagsulat ng Lathalain, Pagkuha ng Larawang Pampahayagan

06/10/2024

𝙊𝙆𝙏𝙐𝘽𝙍𝙀 𝟳 𝙉𝘼 𝘽𝙐𝙆𝘼𝙎? 𝙏𝙊𝙏𝙊𝙊 𝘽𝘼!?!

Vicentinians, bukas na ang pagsasalang!❤️‍🔥 Kasabay niyan, kailangan ninyong maghanda at maging preparado. ✨💪

‼️Ito ang mga kailangang dalhin sa bawat kategorya:

✍️ 𝗣𝗔𝗚𝗦𝗨𝗟𝗔𝗧:
1. papel
2. bolpen
3. lapis

✍️ 𝗣𝗔𝗚𝗗𝗜𝗕𝗨𝗛𝗢:
1. number 2.0 na lapis
2. papel
3. pambura

🖼️ 𝗣𝗔𝗚-𝗔𝗡𝗬𝗢:
1. selpon o kahit anong gadyet
2. sapat na mobile data/internet

📷 𝗣𝗔𝗚𝗞𝗨𝗛𝗔 𝗡𝗚 𝗟𝗔𝗥𝗔𝗪𝗔𝗡:
1. DSLR, digital camera o selpon

🗣️𝗕𝗥𝗢𝗗𝗞𝗔𝗦𝗧𝗜𝗡𝗚 :
1. laptop (para lamang sa teknikal)

🤔Sino-sino kaya ang mga magiging bagong kasapi ng Ang Banaag?! Abangan!🫵❤️‍🔥

05/10/2024

Opisyal na Pahayag ng Ang Banaag

Nais humingi ng Ang Banaag ng taos-pusong paumanhin sa kamakailang pagkakamali sa isang kapsyon na lumitaw sa aming inilathalang tabloid. Ang kapsyong “Mga Nagbabalatkayong Anghel,” ay hindi sinasadyang nagdulot ng negatibong reaksyon sa mga miyembro ng Church of the Latter-day Saints.

Nililinaw din na hindi kailanman intensyon ng pahayagan na makasakit o magdulot ng anumang pagkaunawa sa sinuman, lalo na sa mga miyembro ng Simbahan. Ang aming tunay na intensyon ay ang magamit ang tayutay na "Angels in disguise," na tumutukoy sa mga taong may mabubuting puso at kaluluwa.

Lubos naming kinikilala ang pagkakamali at ang epekto nito. Nagsisikap kaming maging mas maingat at responsable sa aming mga ilalabas sa hinaharap. Tinitiyak namin na ang pagkakamaling ito ay hindi na mauulit.

Muli, taos-puso kaming humihingi ng paumanhin sa anumang sakit o pagkaunawa na dulot ng nasabing kapsyon. Salamat sa inyong pag-unawa.

Address

Cadiz City

Opening Hours

Monday	7am - 6pm
Tuesday	7am - 6pm
Wednesday	7am - 6pm
Thursday	7am - 6pm
Friday	7am - 6pm

Telephone

+639774927535

Website

facebook.com

Alerts

Be the first to know and let us send you an email when Ang Banaag posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ang Banaag:

Videos

Sa panahon ng Pasko, nawa'y magningning ang ating mga puso sa liwanag ng pagmamahalan, pagbibigayan, at pagkakaisa. Ito ang panahon upang magbalik-tanaw sa lahat ng biyaya at pagmamahal na ating natanggap sa buong taon, at upang magbigay ng pasasalamat hindi lamang sa Diyos kundi pati na rin sa mga taong naging bahagi ng ating buhay. Sa gitna ng ating kasiyahan, huwag natin kalimutan na ang Pasko ay isang pagkakataon upang ipakita ang ating pagmamalasakit hindi lamang sa ating pamilya at mga kaibigan, kundi pati na rin sa mga nangangailangan ng tulong, pag-asa, at saya. Sa bawat yakap, ngiti, at salita ng pagmamahalan, tayo’y nagiging daluyan ng biyaya ng Diyos. Ang kumikislap na mga bituin at ilaw sa paligid ay nagsisilbing paalala sa atin ng liwanag ng pag-asa at pagmamahal na dapat nating ipalaganap sa mundo. Maligayang Pasko sa inyong lahat! Nawa'y maging masaya, makulay, at puno ng biyaya ang pagdiriwang ng Pasko para sa ating lahat.

Ang Banaag

29/01/2025

16/01/2025

31/12/2024

30/12/2024

25/12/2024

17/12/2024

14/12/2024

11/12/2024

05/11/2024

29/10/2024

26/10/2024

24/10/2024

20/10/2024

09/10/2024

07/10/2024

07/10/2024

06/10/2024

05/10/2024

Address

Opening Hours

Telephone

Website

Alerts

Contact The Business

Videos

Shortcuts

Share

Category