Nueva Ecija News Update

Nueva Ecija News Update Latest News and Current Events Within Nueva Ecija
(2)

NEWS RELEASE14 January 2026*Overall transmission rates down for January 2026 consumers’ electric bills*Power consumers c...
14/01/2026

NEWS RELEASE
14 January 2026

*Overall transmission rates down for January 2026 consumers’ electric bills*

Power consumers can expect a decrease in transmission rates in their January 2026 electric bills.

The overall average transmission rate for the December 2025 billing period, in PhP/kWh equivalent, charged this month, declined by 0.68% to Php1.3455/kWh from Php1.3547/kWh.

Ancillary Services (AS) rate is at Php0.5971/kWh. AS charges pertain to the cost of services sourced from the AS Reserve Market and from providers with bilateral contracts with NGCP.

Meanwhile, NGCP’s transmission wheeling rate, or the fee for delivering electricity through its grid, is at Php0.6058/kWh.

“For the January 2026 electric bill of end consumers, NGCP charges only 60 centavos per kWh for the delivery of its services,” NGCP said, adding that its revenues are revenue-capped and regulated by the Energy Regulatory Commission (ERC).

The transmission rate for the December billing period is billed to end-users through distribution utilities and electric cooperatives. # # #

13/01/2026

BALITA AT IMPORMASYON | JANUARY 14, 2026

13/01/2026

AKUSADO SA STATUTORY R**E SA SAN JOSE MATAGUMPAY NA NAARESTO

MATAGUMPAY na naaresto ang isang Most Wanted Person sa lalawigan sa isinagawang Manhunt Charlie operation noong Enero 12, taong 2026. Ito’y sa ilalim ng pamumuno ni PCOL Heryl “Daguit” L. Bruno, Provincial Director ng Nueva Ecija Police Provincial Office (NEPPO).

Bitbit ang mga warrant of arrest, nagsagawa ng operasyon ang mga tauhan ng San Jose City Police Station na nagresulta sa pagkakaaresto sa isang 31-anyos na lalaki, residente ng Brgy. Abar 1st, San Jose City.

Ang akusado ay nahaharap sa kasong Statutory R**e na walang inirerekomendang piyansa, at paglabag sa Republic Act 7610 o ang Special Protection of Children Against Abuse, Exploitation and Discrimination Act, na may inirekomendang piyansang ₱200,000.00.

Ayon kay PCOL Bruno, nananatiling matatag ang NEPPO sa pagtugis sa mga taong may nakabinbing kaso at sa mahigpit na pagpapatupad ng batas upang masiguro ang kaligtasan ng mamamayan. Dagdag pa niya, lahat ng operasyon ay isinasagawa alinsunod sa Enhanced Managing Police Operations.

Ang operasyong ito ay alinsunod sa adhikaing “Bagong PNP para sa Bagong Pilipinas: Serbisyong Mabilis, Tapat, at Nararamdaman,” at sa direktiba ni PBGEN Ponce Rogelio I. Peñones Jr., Regional Director ng PRO 3, upang mapanatili ang kapayapaan at kaayusan sa buong Central Luzon.











13/01/2026

SYMPOSIUM ON TEENAGE PREGNANCY ISINAGAWA NG CSDWO SA CABANATUAN

PINANGUNAHAN ng Child and Youth Development Division ng Cabanatuan City Social Welfare and Development Office ang isang makabuluhang Symposium on Teenage Pregnancy bilang bahagi ng kanilang patuloy na kampanya para sa pagpapalawak ng kaalaman at kamalayan ng kabataan hinggil sa responsableng pagdedesisyon, tamang ugnayan, at paghahanda para sa mas maayos na kinabukasan.

Ang nasabing symposium, na dinaluhan ng mahigit daang kabataan mula sa iba’t ibang paaralan at organisasyon sa lungsod, ay naglatag ng mga mahahalagang talakayan ukol sa mga sanhi at epekto ng maagang pagbubuntis, ang mga legal at social na implikasyon nito, at mga paraan kung paano ito maiiwasan. Ibinahagi rin ng mga eksperto ang tamang impormasyon tungkol sa reproductive health at kung paano makakagawa ng mga responsableng desisyon sa kabataan.

Lubos na nagpasalamat ang tanggapan kay Ms. Mila B. Manabat, ang naging pangunahing resource speaker, sa kanyang makabuluhan at napapanahong pagbabahagi ng kaalaman na nagsilbing gabay sa mga kalahok. Ang kanyang presentasyon ay nakatutok sa pagpapalakas ng self-esteem ng kabataan, tamang pagbuo ng relasyon, at pagpapahalaga sa sariling pangarap at edukasyon — mga salik na kritikal upang maiwasan ang maagang pagbubuntis.

Taos-pusong nagpahayag ng pasasalamat ang tanggapan kina Mayor Myca Vergara at sa City Government of Cabanatuan sa kanilang walang sawang suporta sa mga programang naglalayong pangalagaan ang kapakanan at kinabukasan ng kabataan. Ayon sa mga lokal na opisyal, ang symposium ay bahagi ng mas malawak na adbokasiya ng lungsod na palakasin ang suporta sa adolescent health and development, isang hakbang na kaakibat ng mga pambansang kampanya laban sa teenage pregnancy at pagpapatibay ng information drives at youth empowerment programs.

Mahalaga ring tandaan na ang isyu ng teenage pregnancy ay isa pa ring kinahaharap ng maraming komunidad sa bansa. Ayon sa Commission on Population and Development at iba pang ahensya, patuloy ang mga programa para palakasin ang reproductive health education, pagpapalaganap ng comprehensive sexuality education sa mga paaralan, at pagsuporta sa mga kabataan para magkaroon ng access sa tamang impormasyon at serbisyo.

Sa pagtatapos ng programa, nanawagan ang mga tagapag-ayos at resource speakers sa mga kabataan na gamitin ang kanilang tinig at potensyal para sa positibong pagbabago at para aktibong maging bahagi ng solusyon sa mga isyung kinahaharap ng kabataang Pilipino.











13/01/2026

HIGH VALUE INDIVIDUAL AT DALAWA PA ARESTADO SA ANTI-ILLEGAL DRUGS OPERATION SA CABANATUAN CITY; BARIL NASAMSAM

NADAKIP ang Tatlong indibidwal, kabilang ang isang High Value Individual (HVI), sa ikinasang anti-illegal drugs buy-bust operation ng Cabanatuan City Police Station (CCPS) noong Enero 10, taong 2026 bandang alas-8:15 ng gabi sa Purok 4, Barangay Mabini Extension, Cabanatuan City.

Ang operasyon ay isinagawa ng Drug Enforcement Unit ng CCPS sa ilalim ng pangangasiwa ni PLTCOL Renato C. Morales, Chief of Police. Sa nasabing operasyon, matagumpay na nakabili ang police poseur-buyer ng isang heat-sealed transparent plastic sachet na naglalaman ng hinihinalang shabu na may timbang na humigit-kumulang 0.17 gramo mula sa dalawang suspek na may edad 64 at 37.

Sa isinagawang protective search, nabawi ng mga operatiba ang marked buy-bust money at nasamsam ang 17 karagdagang sachet ng hinihinalang shabu na may kabuuang timbang na humigit-kumulang 63.21 gramo mula sa pag-iingat ng 64- years old na suspek na kinilalang High Value Individual. Samantala, dalawang sachet naman ng hinihinalang shabu na may timbang na 0.56 gramo ang narekober mula sa 37-anyos na suspek.

Sa kabuuan, ang tinatayang gross weight ng nasamsam at nabiling hinihinalang shabu ay umabot sa 63.94 gramo, na may katumbas na standard drug price na ₱434,792.00. Habang nagpapatuloy ang operasyon, isang ikatlong suspek na 62-taong gulang ang naaresto matapos makumpiskahan ng isang gawang-bahay na kalibre 9mm na baril, kasama ang isang magazine na may apat (4) na bala.

Ang lahat ng ebidensiya ay maayos na minarkahan at isinailalim sa inventory, alinsunod sa itinakdang proseso ng batas. Ang mga suspek ay kasalukuyang nasa kustodiya ng pulisya para sa dokumentasyon at pagsasampa ng kaukulang kaso. Isinasagawa na ang paghahanda ng criminal complaint para sa paglabag sa Republic Act No. 9165 o Comprehensive Dangerous Drugs Act of 2002, na isasailalim sa Inquest Proceedings sa Tanggapan ng City Prosecutor ng Cabanatuan.

Ayon kay PLTCOL Morales, mariing tinututulan ng kapulisan ang anumang uri ng ilegal na droga sapagkat hindi lamang ito paglabag sa batas kundi nagdudulot din ng pagkawasak ng pamilya, karahasan, at pagsasamantala sa mga mahihinang sektor ng lipunan. Patuloy ang paalala ng pulisya sa publiko na pag-isipan ang magiging epekto ng kanilang mga desisyon—hindi lamang sa kanilang sarili kundi sa buong komunidad.











12/01/2026

TOP 1 MOST WANTED SA LICAB, NUEVA ECIJA NASAKOTE SA MAGKASAMANG OPERASYON NG PULISYA

MATAGUMPAY na naaresto ang isang Top Most Wanted Person sa bayan ng Licab, Nueva Ecija ng pinagsanib na puwersa ng kapulisan noong gabi ng Enero 9, taong 2026, bilang bahagi ng pinaigting na kampanya laban sa mga wanted person sa lalawigan.

Ang operasyon ay isinagawa ng Nueva Ecija Police Provincial Office (NEPPO) sa ilalim ng pamumuno ni PCOL Heryl “Daguit” L. Bruno, Provincial Director. Ang suspek ay isang 31-anyos na lalaki, residente ng Sitio Bardias, Barangay Villarosa, Licab, Nueva Ecija.

Ang pag-aresto ay isinagawa ng pinagsamang operatiba ng Licab Municipal Police Station (Lead Unit) at 3rd Forward Operating Base, 2nd Provincial Mobile Force Company – NEPPO, sa bisa ng Warrant of Arrest. Ang akusado ay nahaharap sa kasong Statutory R**e na walang inirekomendang piyansa, at kasalukuyang nakatala bilang Top 1 Most Wanted Person ng Licab.

Pinuri ni PCOL Bruno ang mga operatiba sa kanilang maayos na koordinasyon at dedikasyon na nagresulta sa pagkakadakip ng isang high-profile wanted individual. Hinimok din niya ang lahat ng yunit ng kapulisan na manatiling mapagmatyag at patuloy na ipatupad ang batas upang masiguro ang kaligtasan ng mamamayan at kapayapaan sa lalawigan ng Nueva Ecija.

Ang nasabing operasyon ay alinsunod sa direktiba ni PBGEN Ponce Rogelio I. Peñones Jr., Regional Director ng Police Regional Office 3 (PRO3), na paigtingin ang pagtugis sa mga wanted person sa buong rehiyon bilang bahagi ng adbokasiya para sa isang mas ligtas at mapayapang Central Luzon.














12/01/2026

9 NA KASO NG DENGUE NAITALA SA BARANGAY ADUAS SUR; FOGGING OPERATION ISINAGAWA

NAITALA ang Siyam (9) na kaso ng Dengue sa Barangay Aduas Sur, Cabanatuan City, ayon sa ulat ng mga Barangay Health Workers (BHW) ng Barangay sa pangunguna ni Kagawad sa Kalusugan Orpha T. Manahan.

Batay sa datos, pito (7) sa mga kaso ay mula sa Purok 7, habang dalawa (2) naman ang mula sa Purok 2. Dahil sa patuloy na pagtaas ng kaso ng Dengue, agad na kumilos ang Sangguniang Barangay ng Aduas Sur upang maiwasan ang pagkalat ng sakit.

Bilang bahagi ng hakbang sa pag-iwas at pagkontrol sa Dengue, nagsagawa ang barangay ng fogging operation, nitong lingo, Enero 11, taong 2026, gamit ang fogging machine na binili mula sa pondo ng barangay. Isinagawa ang fogging sa mga sumusunod na oras at lugar, Sa umaga ay ang mga Purok 7, Purok 2, Purok 1, at Purok 3 habang sa hapon ay ang mga Purok 5, Purok 6, Purok 4, at Purok 8.

Nanawagan ang pamunuan ng barangay sa lahat ng residente na makipagtulungan sa nasabing aktibidad, partikular sa pagligpit ng mga sinampay, pagsasara ng mga bintana at pintuan, at pag-iingat sa mga bata at alagang hayop habang isinasagawa ang fogging.

Patuloy rin ang paalala ng barangay na sundin ang 4S kontra Dengue upang tuluyang maiwasan ang pagdami ng lamok na nagdadala ng sakit. Pinangunahan ang hakbang na ito ni Punong Barangay Emiliano Dela Cruz Jr., katuwang ang buong Sangguniang Barangay, bilang pagtitiyak sa kaligtasan at kalusugan ng mga mamamayan ng Aduas Sur.














12/01/2026

NAHULI SA AKTO: CCENRO, UMARESTO NG MGA ILEGAL NA NAGTATAPON NG BASURA SA CABANATUAN CITY

HULI SA AKTO ang Dalawang indibidwal sa iligal na pagtatapon ng basura ng mga tauhan ng Cabanatuan City Environment and Natural Resources Office (CCENRO) bandang 7:36 ng umaga noong Enero 9, taong 2026 sa kahabaan ng Emilio Vergara Highway, Barangay San Isidro, Cabanatuan City.

Ayon sa CCENRO, agad na inaresto ang mga suspek at dinala sa kanilang tanggapan para sa wastong dokumentasyon at paghahanda ng kaukulang kaso. Inihanda at isinumite sa City Prosecutor’s Office ang mga reklamo laban sa mga nahuli para sa inquest proceedings.

Kinasuhan ang mga suspek sa paglabag sa Republic Act No. 9003 o ang Ecological Solid Waste Management Act of 2000, partikular sa Chapter VI, Section 48, paragraph (1) na nagbabawal sa pagtatapon ng basura sa mga pampublikong lugar gaya ng mga kalsada, bangketa, kanal, estero, parke, at iba pang lugar. Bukod dito, nilabag din nila ang City Ordinance No. 052-2015, Article XII, Section 2, paragraph (b) na mahigpit na nagbabawal sa pagtatapon ng basura sa mga pampublikong lugar sa loob ng lungsod.

Sa kasalukuyan, ang dalawang lumabag ay nasa kustodiya ng Philippine National Police (PNP) Cabanatuan City, habang ang sasakyang ginamit sa ilegal na gawain ay nasa pangangalaga naman ng CCENRO. Patuloy namang pinaaalalahanan ng pamahalaang lungsod ang publiko na sumunod sa mga umiiral na batas at ordinansa upang mapanatili ang kalinisan at kaayusan ng kapaligiran sa Cabanatuan City.














11/01/2026

BALITA AT IMPORMASYON | JANUARY 12, 2026

11/01/2026

HARANA SA NAYON | JANUARY 11, 2026
HOST: ELENA QUIJANO

10/01/2026

HARANA SA NAYON | JANUARY 10, 2026
HOST : ELENA QUIJANO

09/01/2026

BABAENG WALANG PAGKAKAKILANLAN, NASAWI SA AKSIDENTE SA FELIPE VERGARA HIGHWAY

NASAWI ang isang babaeng tinatayang nasa edad 30 hanggang 40 taong gulang matapos masagasaan ng isang wing van habang siya ay natutulog sa shoulder ng Felipe Vergara Highway sa Barangay Cinco-Cinco, Cabanatuan City.

Ayon sa paunang ulat, naganap ang insidente habang ang wing van ay pumaparada sa gilid ng kalsada at hindi umano namalayan ng driver ang biktima na nakahiga sa naturang lugar. Dahil dito, nagtamo ang babae ng multiple physical injuries.

Agad na rumesponde ang Cabanatuan City Disaster Risk Reduction and Management Office (CDRRMO) at isinugod ang biktima sa Dr. Paulino J. Garcia Memorial Research and Medical Center (PJGMRMC) upang gamutin. Gayunman, idineklara rin siyang dead on arrival ng mga doktor.

Sa kasalukuyan, nananatiling hindi pa nakikilala ang biktima. Ang tanging pagkakakilanlan lamang sa kanya ay ang suot nitong kulay brown na t-shirt at floral na shorts. Tinatayang may taas ang biktima na 160 sentimetro at may bigat na humigit-kumulang 39 na kilo. Batay sa nakuhang impormasyon mula sa mga residente, ang nasabing babae ay madalas umanong nakikitang palakad-lakad sa Barangay Cinco-Cinco at humihingi ng makakain.

Nanawagan naman ang mga awtoridad sa sinumang may impormasyon o nakakakilala sa biktima o sa kanyang mga kamag-anak na makipag-ugnayan sa Cabanatuan City Social Welfare and Development Office (CSWDO) na matatagpuan sa City Hall Compound, Kapitan Pepe. Maaari ring makipag-ugnayan sa Funeraria de Cabanatuan na matatagpuan sa Purok 1, Barangay San Isidro, Cabanatuan City, o tumawag sa numerong 0918-904-7130. Patuloy naman ang imbestigasyon ng mga kinauukulan kaugnay sa insidente.













Address

Sport Center, Aduas Sur
Cabanatuan City
3100

Website

Alerts

Be the first to know and let us send you an email when Nueva Ecija News Update posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nueva Ecija News Update:

Shortcuts

Share

Category