https://www.facebook.com/105406908387905/

Tinig Media, Lias, Marilao, Bulacan (2025)

10/01/2025

𝐊𝐀𝐒𝐔𝐑𝐎𝐆 𝐂𝐎𝐏𝐒 𝐌𝐀𝐆𝐇𝐈𝐇𝐈𝐆𝐏𝐈𝐓 𝐒𝐀 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐆𝐔𝐍 𝐁𝐀𝐍 𝐒𝐀 𝐁𝐈𝐂𝐎𝐋 𝐑𝐄𝐆𝐈𝐎𝐍

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙹𝚊𝚗 10, 2025

Simula Enero 12, 2025, ipatutupad na ang gun ban sa buong bansa bilang paghahanda sa nalalapit na halalan. Sa Bicol Region, nangako ang Kasurog Cops na mas paiigtingin ang kanilang operasyon upang masiguro ang kaligtasan at kaayusan ng rehiyon. Magtatagal ang gun ban hanggang Hunyo 11, 2025.

Ayon kay PBGen. Andre Dizon, Regional Director ng PNP Bicol, mahigpit na ipatutupad ang mga checkpoint sa mga pangunahing kalsada at estratehikong lugar sa rehiyon. Bukod dito, isasagawa rin ang Oplan Katok upang tiyakin na ang mga may-ari ng baril ay sumusunod sa batas, partikular sa pag-renew ng kanilang mga lisensya.

“Ang gun ban ay para sa kapayapaan at kaayusan sa ating rehiyon. Sisiguraduhin namin na walang armas ang magagamit sa anumang ilegal na aktibidad, lalo na’t nalalapit na ang halalan,” ani PBGen. Dizon.

Ang mga pulis ng Bicol Region ay hinikayat din ang publiko na makipagtulungan sa pagpapatupad ng gun ban. Ang sinumang mahuli na lalabag dito ay mahaharap sa mabigat na parusa alinsunod sa Omnibus Election Code.

Nagpaalala rin ang Kasurog Cops sa mga rehistradong gun owners na agad asikasuhin ang pag-renew ng lisensya ng kanilang baril upang maiwasan ang paglabag sa batas. Patuloy namang nananawagan ang mga awtoridad sa mga residente na i-report ang anumang kahina-hinalang aktibidad sa kanilang mga himpilan.

Sa mahigpit na pagpapatupad ng gun ban, layunin ng Kasurog Cops na gawing ligtas at mapayapa ang eleksyon sa Bicol Region.

09/01/2025

COL BUTCHOY GUTIERREZ ISA SA MGA SUSI NG TAGUMPAY PARA SA TRASLACION 2025

𝙿𝚒𝚊 𝙲𝚊𝚍𝚊𝚠𝚊𝚜 | 𝙹𝚊𝚗𝚞𝚊𝚛𝚢 𝟿, 𝟸𝟶𝟸𝟻

Malaki ang naitulong ng mahusay na pamumuno ni Col. Leandro "Butchoy" Gutierrez, Station Commander ng Manila Police District (MPD) Station 3, sa pagpapanatili ng kaayusan at kaligtasan sa Traslacion 2025.

Sa pangunguna ni Col. Butchoy Gutierrez, mahigpit na ipinatupad ang mga seguridad at plano upang maiwasan ang anomang insidente.

Kabilang dito ang pag-deploy ng malaking bilang ng mga pulisya kasabay ng pagsubaybay at pag-iingat sa posibleng banta sa bawat deboto.

Patunay nito ang matagumpay na kooperasyon ng iba't ibang ahensya ng gobyerno, mga pribadong sektor, at maging ng mga deboto upang maisakatuparan ang layunin ng isang maayos at ligtas na pagdiriwang ng Traslacion.

Si Col. Gutierrez kasama ang ilang katao na nagbahagi ng kanilang oras, lakas, at dedikasyon upang gawing ligtas at maayos ang pagdiriwang ay nagbigay ng isang magandang halimbawa ng tunay na serbisyong publiko.

Ang tagumpay na ito ay nagpatunay na sa tamang pagpaplano, pamamahala at kooperasyon, maaaring matupad ang isang malaking kaganapan nang walang aberya.

09/01/2025

𝐋𝐈𝐁𝐔-𝐋𝐈𝐁𝐎𝐍𝐆 𝐃𝐄𝐁𝐎𝐓𝐎 𝐃𝐔𝐌𝐀𝐋𝐎 𝐒𝐀 𝐓𝐑𝐀𝐒𝐋𝐀𝐂𝐈𝐎𝐍 𝟐𝟎𝟐𝟓

𝙿𝚒𝚊 𝙲𝚊𝚍𝚊𝚠𝚊𝚜 | 𝙹𝚊𝚗𝚞𝚊𝚛𝚢 𝟿, 𝟸𝟶𝟸𝟻

Nagsimula na ngayong umaga, Enero 9, 2025, ang Traslacion nang umalis ang Banal na Imahe ni Jesus Nazareno sa Quirino Grandstand dakong 4:41 ng umaga patungo sa Quiapo Church.

Higit isang daang libo ang nagtipon-tipon sa kahabaan ng ruta upang masaksihan at makilahok sa taunang pagdiriwang.

Ayon sa Multi-Agency Coordination Center, umabot na sa 170,000 ang mga dumalo base sa oras na alas-onse ng umaga sa Quiapo pa lamang.

Ang Pahalik o Pagpupugay para sa Imahe ni Jesus Nazareno ay itinigil sa Quirino Grandstand noong alas-dose ng tanghali.

Nagpatuloy ang prusisyon ng bandang 12:55 ng hapon sa kanto ng Palanca Street na umabot sa 2:23 ng hapon sa Castillejos Street sa Maynila.

Mahigpit naman ang seguridad na ipinatupad ng mga kinauukulan upang matiyak ang kaligtasan ng mga deboto. Kabilang dito ang pagbabawal sa pagdadala ng baril, alak, at iba't ibang klase ng matalim na kagamitan.

Maraming mga kalsada sa Maynila ang pansamantalang isinara sa mga motorista upang bigyang-daan ang prusisyon. Nagtayo rin ng mga first aid stations sa kahabaan ng ruta upang agad na makatugon sa mga pangangailangang medikal ng mga deboto.

Wala pang opisyal na datos tungkol sa kabuuang mga deboto na nakilahok sa Traslacion ngayong taon.

Sa kabila ng mga hamon sa buhay, patuloy na ginaganap ang prusisyon taon-taon bilang pagpapakita ng pananampalataya at debosyon.

09/01/2025

PISYESTA NG POONG JESUS NAZARENO

GELIN BERMUNDO I JANUARY 9, 2025

Tila nagmistulang dagat ng tao ang kahabaan ng Quezon bridge dahil sa dami ng debotong nais nakasampa sa Andas ng Poong Nazareno.

Ngayong araw nga ay ipinagdiriwang ang kapistahan ng Mahal na Poong Nazareno. Ito ay ginaganap tuwing ika-9 ng Enero kung saan ipinaparada ang imahe ng p**n mula Bagumbayan hanggang simbahan ng Quiapo.

Ang debosyon sa Itim na Nazareno ay sinasabing pag gunita ng mga debotatnte, kabilang tayong mga Pilipino, sa paghihirap at pagpapasakit ni Kristong anak ng Diyos.

Iniuugnay nila ang kahirapan at araw araw na pakiki baka sa mga sugat at masaklap na karanasan ni Hesus na siyang kinakatawan ng imahe.

08/01/2025

DOH HANDA NA SA PIYESTA NG QUIAPO

AIRRA BORANTES I JANUARY 8, 2024

MAYNILA – Naglatag ang Department of Health (DOH) at Philippine Red Cross ng mga first aid at welfare station sa ruta ng Traslacion para magbigay ng suportang medikal sa milyun-milyong deboto na sasama sa prusisyon sa Huwebes, Enero 9.2025
Ang DOH ay nag lagay ng 201 mga tauhan ng Health Emergency Response Team mula sa 20 ospital sa Metro Manila, kabilang ang mga pasilidad gaya ng Jose R. Reyes Memorial Medical Center at Tondo Medical Center, na handang humawak ng mas malalang mga medikal na kaso.
Nagtatag din ang DOH ng first aid areas sa:
-Quirino Grandstand
-Rizal Park
-SM Manila
-Ayala Bridge
-P. Casal
-Quinta Market
Samantala ang Philippine Red Cross ay nagtatag ng mga istasyon ng pangunang lunas sa mga pangunahing lokasyon, kabilang ang:
-Quirino Grandstand (sa South Drive malapit sa Museo Pambata and on Katigbak Drive near Manila Hotel)
-Roundtable (malapit sa pasukan ng Intramuros at Pamantasan ng Lungsod ng Maynila)
-Finance Road (malapit sa National Museum sa harap ng Philippine Normal University)
-Ayala Bridge (sa San Marcelino Street at sa General Solano Street)
-Arlegui Street corner P. Casal Street
-San Rafael Street (malapit sa SM Manila)
-Quezon Boulevard (malapit sa Quiapo Church)
Ang Traslacion, na nagtatapos sa Enero 9, 2025, ay minarkahan ang pagtatapos ng 10 araw na pagdiriwang ng Pista ni Hesus Nazareno, kung saan milyon-milyon ang inaasahang sasama sa prusisyon mula Quirino Grandstand hanggang Quiapo Church.

08/01/2025

Manila Police District Station 11: Mas Lalong Pinalakas sa 2025

Jaime Claire E. Samonte | Enero 7, 2025

Sa pagsalubong ng taong 2025, mas pinalawak at pinalakas pa ang pwersa ng Manila Police District Station 11 sa ilalim ng pamumuno ng masipag at dedikadong Station Commander, COL. Roberto Mupas.

Sa pangunguna ni COL. Mupas, patuloy na isinusulong ang mas maayos, ligtas, at mapayapang pamayanan para sa mga residente at negosyante sa mga lugar ng Divisoria, Binondo, at Sta. Cruz, Maynila. Kabilang sa mga pangunahing inisyatiba ngayong taon ay ang mas pinaigting na police visibility, regular na checkpoint operations, at mas mahigpit na pagpapatrolya upang tiyaking ang kapayapaan ay mananatili sa mga lugar na ito.

Maliban dito, pinalalakas din ang ugnayan ng kapulisan sa komunidad sa pamamagitan ng iba't ibang programa, tulad ng pagbibigay ng crime prevention tips, barangay consultations, at pakikipag-ugnayan sa mga lokal na lider upang mas mapabilis ang pagtugon sa mga pangangailangan ng publiko.

Sa tulong ng mas pinaigting na mga hakbang at kooperasyon ng komunidad, layunin ng Manila Police District Station 11 na mapanatili ang mababang antas ng krimen at magbigay ng mas ligtas na kapaligiran para sa lahat. Ang dedikasyon ni COL. Mupas at ng kanyang buong hanay ay patunay ng kanilang walang sawang pagseserbisyo para sa bayan.

Mananatili ang kanilang pangakong “Ang kaligtasan ng publiko ay aming prayoridad."

07/01/2025

𝐌𝐀𝐋𝐀𝐊𝐈𝐍𝐆 𝐆𝐈𝐍𝐇𝐀𝐖𝐀 𝐒𝐀 𝐓𝐑𝐀𝐏𝐈𝐊𝐎: 𝐏𝐁𝐆𝐄𝐍 𝐀𝐍𝐃𝐑𝐄 𝐃𝐈𝐙𝐎𝐍, 𝐔𝐌𝐀𝐍𝐈 𝐍𝐆 𝐏𝐀𝐏𝐔𝐑𝐈

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙹𝚊𝚗 07, 2025

Malaking ginhawa ang idinulot ng ginawang aksyon ni PBGen Andre Dizon, PNP Regional Director ng Bicol, sa masikip na daloy ng trapiko sa Andaya Highway ngayong holiday season. Ang naturang kalsada ay kilalang nagiging bottleneck tuwing sabay-sabay ang pag-uwi ng mga motorista, partikular na sa mga panahon ng bakasyon at holiday rush.

Sa ilalim ng direktang pangangasiwa ni PBGen Dizon, agad na nilagyan ng karagdagang presensya ng kapulisan ang highway upang maibsan ang pagsisikip ng trapiko. Ang maagap na pagtutok niya sa sitwasyon ay nagresulta sa mas mabilis na daloy ng sasakyan at mas ligtas na biyahe para sa publiko.

Sa kanyang pasasalamat, mismong si Chief PNP ang nagpahayag ng pagkilala sa naging epektibong aksyon ni PBGen Dizon. Aniya, ang ganitong klaseng dedikasyon at maagap na serbisyo ay patunay ng tunay na malasakit ng PNP para sa kapakanan ng mamamayan.

Dahil dito, maraming motorista at residente ang nagpahayag ng kanilang pasasalamat sa liderato ni PBGen Dizon, na nagpakita ng kahalagahan ng tamang koordinasyon at pagkilos sa mga ganitong uri ng sitwasyon. Isa itong paalala na ang pagtutok at aksyon ng mga lider tulad ni PBGen Dizon ay maaaring magdulot ng malaking pagbabago sa araw-araw na buhay ng mga Pilipino.

05/01/2025

𝐌𝐆𝐀 𝐍𝐄𝐓𝐈𝐙𝐄𝐍𝐒, 𝐍𝐀𝐃𝐈𝐒𝐌𝐀𝐘𝐀 𝐒𝐀 𝐇𝐈𝐍𝐃𝐈 𝐀𝐆𝐀𝐃 𝐍𝐀 𝐏𝐀𝐆𝐊𝐎𝐋𝐄𝐊𝐓𝐀 𝐍𝐆 𝐁𝐀𝐒𝐔𝐑𝐀 𝐒𝐀 𝐌𝐀𝐘𝐍𝐈𝐋𝐀 𝐌𝐀𝐓𝐀𝐏𝐎𝐒 𝐀𝐍𝐆 𝐏𝐀𝐒𝐊𝐎 𝐀𝐓 𝐁𝐀𝐆𝐎𝐍𝐆 𝐓𝐀𝐎𝐍

𝙼𝚒𝚌𝚊 𝙳𝚘𝚖𝚒𝚗𝚐𝚘 | 𝙹𝚊𝚗𝚞𝚊𝚛𝚢 0𝟻, 𝟸0𝟸𝟻

Matapos ang kasiyahan ng Kapaskuhan at Bagong Taon, umani ng batikos ang lokal na pamahalaan ng Maynila mula sa mga netizens dahil sa tambak na basura na naiwan sa mga lansangan. Ang hindi kaagad na pagkolekta ng post-holiday garbage ay nagdulot ng matinding reklamo, partikular na mula sa mga residente at online communities.

Ayon sa mga netizen, nakaaapekto ang hindi kaagad na pagkuha ng basura sa kalinisan ng lungsod at sa kalusugan ng mga mamamayan. Marami rin ang nagpahayag ng pagkabahala sa posibleng pagdami ng pesteng dulot ng mga nabubulok na basura, kabilang na ang masangsang na amoy at panganib sa kalusugan.

“Taon-taon na lang ganito. Sana naman maging proactive na ang lokal na pamahalaan, lalo na’t alam naman na maraming basura pagkatapos ng mga selebrasyon,” ayon sa isang residente na nag-post ng litrato ng tambak na basura sa social media.

Samantala, ipinaliwanag ng City Public Services Department na ang malaking volume ng basura at kakulangan sa manpower ay ilan sa mga pangunahing dahilan ng delay. Tiniyak naman ng mga opisyal na ginagawa nila ang lahat upang maibalik agad ang kaayusan sa lungsod.

Patuloy na nanawagan ang mga residente sa lokal na pamahalaan na magpatupad ng mas maayos na plano sa waste management tuwing piyesta opisyal upang maiwasan ang ganitong sitwasyon sa mga susunod na taon. Ang mga ganitong usapin ay paalala ng kahalagahan ng kooperasyon sa pagitan ng gobyerno at mamamayan para sa mas malinis at ligtas na kapaligiran.

04/01/2025

𝐀𝐒𝐀𝐇𝐀𝐍 𝐀𝐍𝐆 𝐓𝐔𝐋𝐎𝐘-𝐓𝐔𝐋𝐎𝐘 𝐍𝐀 𝐒𝐄𝐑𝐁𝐈𝐒𝐘𝐎 𝐍𝐆𝐀𝐘𝐎𝐍𝐆 2025: 𝐊𝐀𝐒𝐔𝐑𝐎𝐆 𝐂𝐎𝐏𝐒 𝐌𝐀𝐒 𝐏𝐈𝐍𝐀𝐋𝐀𝐊𝐀𝐒

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙹𝚊𝚗. 04, 2025

Asahan ang Tuloy-tuloy na Serbisyo Ngayong 2025: Kasurong Cops Mas Pinalakas

Ngayong 2025, mas paiigtingin pa ng mga Kasurong Cops ang kanilang serbisyo sa publiko sa ilalim ng kanilang layuning tiyakin ang kaligtasan at kapayapaan ng bawat mamamayan sa rehiyon sa pangunguna ni General Andre Dizon Regional Director ng Region 5.

Isa sa mga pangunahing hakbang na kanilang inilunsad ay ang pagpapalakas ng police visibility upang mabilisang tumugon sa anumang insidente at agarang matugunan ang pangangailangan ng komunidad. Ang presensya ng mga pulis sa lansangan ay inaasahang magdudulot ng mas mataas na antas ng seguridad at disiplina sa bawat sulok ng rehiyon.

Kabilang sa mga prayoridad ng Kasurong Cops ngayong taon ay ang mas masinsinang operasyon laban sa mga most wanted criminals at masasamang loob na patuloy na nagbabanta sa kaayusan ng komunidad. Sa tulong ng komunidad at makabagong teknolohiya, pinagsisikapan ng kapulisan na arestuhin ang mga kriminal upang mapanagot ang mga ito sa kanilang mga nagawang kasalanan.

Hindi rin nagpapabaya ang Kasurong Cops sa paglaban sa droga, isa sa mga pangunahing ugat ng kriminalidad. Patuloy ang kanilang operasyon upang sugpuin ang illegal drug trade sa rehiyon sa pamamagitan ng pinaigting na intelligence operations at pakikipagtulungan sa iba’t ibang ahensya ng gobyerno.

Bukod dito, regular na isinasagawa ang mga checkpoint sa iba’t ibang lugar upang matiyak ang seguridad ng mga motorista, mahuli ang mga lumalabag sa batas, at masigurong walang makalulusot na ilegal na aktibidad.

Ayon sa pamunuan ng Kasurong Cops, ang kanilang mga hakbangin ay hindi magtatagumpay nang walang suporta ng komunidad. Kaya’t patuloy nilang hinihikayat ang mamamayan na makipagtulungan sa pamamagitan ng pagbibigay ng impormasyon at pagsunod sa batas.

Ang Kasurong Cops ay nananatiling tapat sa kanilang panata na maghatid ng tuloy-tuloy at mas pinahusay na serbisyo para sa kapakanan ng lahat ngayong 2025. Sa pamamagitan ng kanilang dedikasyon at malasakit, inaasahang magiging mas ligtas at payapa ang bawat tahanan sa rehiyon.

04/01/2025

𝐋𝐈𝐁𝐔-𝐋𝐈𝐁𝐎𝐍𝐆 𝐃𝐄𝐁𝐎𝐓𝐎 𝐃𝐔𝐌𝐀𝐆𝐒𝐀 𝐒𝐀 𝐐𝐔𝐈𝐀𝐏𝐎 𝐂𝐇𝐔𝐑𝐂𝐇 𝐒𝐀 𝐔𝐍𝐀𝐍𝐆 𝐁𝐈𝐘𝐄𝐑𝐍𝐄𝐒 𝐍𝐆 𝟐𝟎𝟐𝟓

𝙿𝚒𝚊 𝙲𝚊𝚍𝚊𝚠𝚊𝚜 | 𝙹𝚊𝚗𝚞𝚊𝚛𝚢 𝟺, 𝟸𝟶𝟸𝟻

Sa nalalapit na Traslacion kanya-kanyang paghahanda ang ginagawa ng mga deboto kagaya na lamang ng pagpunta sa Minor Basilica and National Shrine of Jesus Nazareno kahapon, Enero 3, 2025.

Ayon sa Manila Police District (MPD), mahigit 93,000 deboto ang dumalo sa unang biyernes na misa na ang nasabing bilang ay base sa alas-kwatro ng hapon lamang.

Sa dami ng bilang puspusan na rin ang paghahanda ng pamunuan ng simbahan limang araw bago ang pista sa Enero 9 ngayong taon.

Nagbigay gabay sa mga kalahok ang mga miyembro ng Hijos del Nazareno upang mapanatili ang kaayusan kasabay na tiniyak ng mga tauhan ng MPD ang mahigpit na seguridad sa lugar.

Ilang aktibidad ang nakatakda para sa Pista ng Hesus Nazareno kagaya ng pagbisita sa barangay na nagpapatuloy mula Enero 1 hanggang 6 na may Unang Biyernes na Misa sa Enero 3 at isang espesyal na Misa para sa mga boluntaryo sa Enero 6.

Ang tradisyonal na Pahalik ay magaganap mula Enero 7 hanggang 9. Magsisimula ang magdamag na pagbabantay at programa sa gabi ng Enero 8 at magpapatuloy hanggang umaga ng Enero 9.

Pangungunahan ni Manila Archbishop Jose Cardinal Advincula ang misa sa hatinggabi, Enero 9, bago ang Traslacion.

03/01/2025

𝟏 𝐍𝐀𝐒𝐀𝐖𝐈 𝐀𝐓 𝟏𝟐𝟓 𝐒𝐔𝐆𝐀𝐓𝐀𝐍 𝐃𝐀𝐇𝐈𝐋 𝐒𝐀 𝐏𝐀𝐏𝐔𝐓𝐎𝐊, 𝐃𝐎𝐇 𝐍𝐀𝐍𝐀𝐖𝐀𝐆𝐀𝐍 𝐍𝐆 𝐌𝐀𝐒 𝐋𝐈𝐆𝐓𝐀𝐒 𝐍𝐀 𝐏𝐀𝐆𝐃𝐈𝐑𝐈𝐖𝐀𝐍𝐆 𝐍𝐆 𝐁𝐀𝐆𝐎𝐍𝐆 𝐓𝐀𝐎𝐍

𝙼𝚒𝚌𝚊 𝙳𝚘𝚖𝚒𝚗𝚐𝚘 | 𝙹𝚊𝚗𝚞𝚊𝚛𝚢 0𝟸, 𝟸0𝟸𝟻

Pumalo sa isang nasawi at 125 ang sugatan ngayong Bagong Taon dahil sa mga insidente ng paggamit ng paputok, ayon sa pinakahuling ulat ng Department of Health (DOH). Bagamat mas mababa ang bilang na ito kumpara sa mga nakaraang taon, iginiit ng DOH na ang pagkamatay ng isang indibidwal at ang mga pinsalang natamo ay mga paalala ng peligro ng tradisyunal na paputok tuwing selebrasyon ng Bagong Taon.

Ayon sa DOH, karamihan sa mga biktima ay napinsala sa kamay, braso, at mata, na nagresulta sa pangmatagalang pinsala sa katawan. Ang mga ipinagbabawal na paputok tulad ng “piccolo” at “boga” ang pangunahing sanhi ng mga insidente, kasama na rin ang ilang kaso ng stray firecracker injuries, na dulot ng mga ligaw na paputok sa lugar ng selebrasyon.

“Hindi natin dapat ipagsawalang-bahala ang pinsalang dulot ng paputok. Ang pagkawala ng isang buhay at ang pagkasugat ng 125 ay patunay na kailangan ng mas ligtas na paraan ng pagdiriwang tuwing Bagong Taon,” ayon sa pahayag ng DOH.

Para sa darating na Bagong Taon, muling nanawagan ang DOH na suportahan ang kanilang “Iwas Paputok” campaign. Imbes na gumamit ng delikadong paputok, hinihimok ng ahensya ang publiko na magdaos ng alternatibong selebrasyon tulad ng paggamit ng torotot, tambol, at pagsali sa mga community fireworks displays na pinangangasiwaan ng eksperto.

Ang DOH ay patuloy ding magpapakalat ng impormasyon tungkol sa kaligtasan at pinsala mula sa paputok upang mas lalo pang maitaas ang kamalayan ng publiko. Layunin nilang ganap na mabago ang tradisyong nagdudulot ng peligro at ipalaganap ang mas ligtas at masayang pagdiriwang ng Bagong Taon sa susunod pang mga taon.𝟏 𝐍𝐀𝐒𝐀𝐖𝐈 𝐀𝐓 𝟏𝟐𝟓 𝐒𝐔𝐆𝐀𝐓𝐀𝐍 𝐃𝐀𝐇𝐈𝐋 𝐒𝐀 𝐏𝐀𝐏𝐔𝐓𝐎𝐊, 𝐃𝐎𝐇 𝐍𝐀𝐍𝐀𝐖𝐀𝐆𝐀𝐍 𝐍𝐆 𝐌𝐀𝐒 𝐋𝐈𝐆𝐓𝐀𝐒 𝐍𝐀 𝐏𝐀𝐆𝐃𝐈𝐑𝐈𝐖𝐀𝐍𝐆 𝐍𝐆 𝐁𝐀𝐆𝐎𝐍𝐆 𝐓𝐀𝐎𝐍

𝙼𝚒𝚌𝚊 𝙳𝚘𝚖𝚒𝚗𝚐𝚘 | 𝙹𝚊𝚗𝚞𝚊𝚛𝚢 0𝟸, 𝟸0𝟸𝟻

Pumalo sa isang nasawi at 125 ang sugatan ngayong Bagong Taon dahil sa mga insidente ng paggamit ng paputok, ayon sa pinakahuling ulat ng Department of Health (DOH). Bagamat mas mababa ang bilang na ito kumpara sa mga nakaraang taon, iginiit ng DOH na ang pagkamatay ng isang indibidwal at ang mga pinsalang natamo ay mga paalala ng peligro ng tradisyunal na paputok tuwing selebrasyon ng Bagong Taon.

Ayon sa DOH, karamihan sa mga biktima ay napinsala sa kamay, braso, at mata, na nagresulta sa pangmatagalang pinsala sa katawan. Ang mga ipinagbabawal na paputok tulad ng “piccolo” at “boga” ang pangunahing sanhi ng mga insidente, kasama na rin ang ilang kaso ng stray firecracker injuries, na dulot ng mga ligaw na paputok sa lugar ng selebrasyon.

“Hindi natin dapat ipagsawalang-bahala ang pinsalang dulot ng paputok. Ang pagkawala ng isang buhay at ang pagkasugat ng 125 ay patunay na kailangan ng mas ligtas na paraan ng pagdiriwang tuwing Bagong Taon,” ayon sa pahayag ng DOH.

Para sa darating na Bagong Taon, muling nanawagan ang DOH na suportahan ang kanilang “Iwas Paputok” campaign. Imbes na gumamit ng delikadong paputok, hinihimok ng ahensya ang publiko na magdaos ng alternatibong selebrasyon tulad ng paggamit ng torotot, tambol, at pagsali sa mga community fireworks displays na pinangangasiwaan ng eksperto.

Ang DOH ay patuloy ding magpapakalat ng impormasyon tungkol sa kaligtasan at pinsala mula sa paputok upang mas lalo pang maitaas ang kamalayan ng publiko. Layunin nilang ganap na mabago ang tradisyong nagdudulot ng peligro at ipalaganap ang mas ligtas at masayang pagdiriwang ng Bagong Taon sa susunod pang mga taon.

01/01/2025

𝐌𝐀𝐏𝐀𝐘𝐀𝐏𝐀𝐍𝐆 𝐏𝐀𝐆𝐒𝐀𝐋𝐔𝐁𝐎𝐍𝐆 𝐒𝐀 𝐁𝐀𝐆𝐎𝐍𝐆 𝐓𝐀𝐎𝐍 2025 𝐒𝐀 𝐁𝐈𝐍𝐎𝐍𝐃𝐎 𝐀𝐓 𝐒𝐓𝐀. 𝐂𝐑𝐔𝐙 𝐒𝐀 𝐏𝐀𝐌𝐔𝐌𝐔𝐍𝐎 𝐍𝐈 𝐂𝐎𝐋. 𝐑𝐎𝐁𝐄𝐑𝐓𝐎 𝐌𝐔𝐏𝐀𝐒

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙹𝚊𝚗. 01, 2025

Naging maayos at mapayapa ang pagsalubong sa Bagong Taon 2025 sa Binondo at Sta. Cruz, Maynila, sa pangunguna ni Col. Roberto Mupas. Dahil sa pinaigting na police visibility at mahigpit na pagbabantay, natiyak na walang naganap na bentahan ng ilegal na paputok, na karaniwang nagdudulot ng mga insidente sa mga nakaraang taon.

Ayon kay Col. Mupas, maagang naglatag ng mga checkpoint at naglunsad ng inspeksyon sa mga tindahan ang kanyang hanay upang masigurado na sumusunod ang lahat sa mga batas hinggil sa paputok. "Ang seguridad at kapakanan ng ating mga kababayan ang pangunahing layunin ng aming operasyon. Ayaw naming may masaktan o magbuwis ng buhay ngayong Bagong Taon," pahayag niya.

Bukod dito, nagpatrolya rin ang mga pulis sa iba't ibang lugar upang agad na matugunan ang anumang posibleng insidente. Dahil dito, ramdam ng mga residente at negosyante ang presensya ng kapulisan, na nagbigay ng kapanatagan at kumpiyansa sa kanilang pagdiriwang.

Pinuri ng mga residente ang mga hakbang na isinagawa ni Col. Mupas. "Talagang ramdam namin ang pagbabago at seguridad. Salamat kay Col. Mupas at sa kanyang mga tauhan," ani ng isang residente.

Ang mapayapang pagsalubong sa 2025 ay patunay ng tagumpay ng epektibong pamumuno at kooperasyon sa pagitan ng kapulisan at ng komunidad. Sa direksyon ni Col. Mupas, naging inspirasyon ang Binondo at Sta. Cruz para sa ligtas at masayang pagdiriwang ng Bagong Taon.

31/12/2024

𝐊𝐀𝐒𝐔𝐑𝐎𝐆 𝐂𝐎𝐏𝐒, 𝐇𝐀𝐍𝐃𝐀 𝐍𝐀 𝐒𝐀 𝐏𝐀𝐆𝐒𝐀𝐋𝐔𝐁𝐎𝐍𝐆 𝐍𝐆 𝐁𝐀𝐆𝐎𝐍𝐆 𝐓𝐀𝐎𝐍

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙳𝚎𝚌. 31, 2024

Bicol Region – Sa nalalapit na pagsalubong sa Bagong Taon, puspusan ang ginagawang paghahanda ng Kasurog Cops upang masiguro ang kaligtasan at kaayusan ng komunidad.

Bahagi ng kanilang paghahanda ang paglalagay ng mas pinalakas na police visibility sa mga mataong lugar tulad ng palengke, terminal, parke, at iba pang pampublikong lugar. Layunin nitong magbigay ng proteksyon laban sa anumang uri ng kriminalidad na maaaring mangyari habang abala ang mga mamamayan sa paghahanda para sa pagdiriwang.

Bukod dito, binabantayan din ng kapulisan ang bentahan ng mga paputok upang matiyak na walang iligal o ipinagbabawal na produkto ang makalulusot sa merkado. Mahigpit na ipinapatupad ang mga regulasyon alinsunod sa batas upang maiwasan ang anumang aksidente o sakunang dulot ng mapanganib na paputok.

Ayon kay PBGen. Andre Dizon, Regional Director ng PNP Bicol, patuloy ang kanilang kampanya laban sa ilegal na paputok at patuloy silang nakikipagtulungan sa iba't ibang ahensya ng gobyerno at lokal na pamahalaan. "Responsibilidad nating lahat na gawing ligtas at masaya ang selebrasyon ng Bagong Taon. Hindi lamang ito tungkulin ng kapulisan kundi ng bawat miyembro ng komunidad," aniya.

Hinikayat din ng Kasurog Cops ang publiko na gumamit ng alternatibong paraan ng pagsalubong sa Bagong Taon, tulad ng paglikha ng maingay gamit ang mga torotot o musika, upang mabawasan ang panganib ng sunog at mga aksidente.

Ang mga mamamayan ay inaasahang makipagtulungan sa kapulisan sa pamamagitan ng agarang pag-uulat ng anumang kahina-hinalang aktibidad o bentahan ng ilegal na paputok.

Sa gabay ng Kasurog Cops, asahan ang isang mas ligtas at payapang pagsalubong sa Bagong Taon para sa lahat.

28/12/2024

𝐏𝐀𝐍𝐆𝐔𝐋𝐎𝐍𝐆 𝐌𝐀𝐑𝐂𝐎𝐒 𝐌𝐀𝐒𝐔𝐒𝐈𝐍𝐆 𝐒𝐈𝐍𝐔𝐒𝐔𝐑𝐈 𝐀𝐍𝐆 𝟐𝟎𝟐𝟓 𝐁𝐔𝐃𝐆𝐄𝐓 𝐔𝐏𝐀𝐍𝐆 𝐌𝐀𝐒𝐈𝐆𝐔𝐑𝐎𝐍𝐆 𝐍𝐀𝐀𝐀𝐘𝐎𝐍 𝐒𝐀 𝐒𝐀𝐋𝐈𝐆𝐀𝐍𝐆 𝐁𝐀𝐓𝐀𝐒 𝐀𝐓 𝐏𝐑𝐀𝐘𝐎𝐑𝐈𝐃𝐀𝐃 𝐍𝐆 𝐁𝐀𝐍𝐒𝐀

𝙼𝚒𝚌𝚊 𝙳𝚘𝚖𝚒𝚗𝚐𝚘 | 𝙳𝚎𝚌𝚎𝚖𝚋𝚎𝚛 𝟸8, 𝟸0𝟸𝟺

Ipinahayag ng Malacañang na kasalukuyang masusing sinusuri ni Pangulong Ferdinand Marcos Jr. ang panukalang pambansang budget para sa taong 2025. Layunin nitong matiyak na alinsunod ito sa mga probisyon ng Saligang Batas at natutugunan ang pangangailangan ng bansa.

Ayon kay Executive Secretary Lucas Bersamin, inuuna ng Pangulo ang pagsusuri sa mga pondong nakalaan para sa mga mahahalagang sektor tulad ng edukasyon, kalusugan, imprastruktura, at disaster preparedness. Bukod dito, binibigyang pansin din ang pagiging malinaw ng alokasyon sa bawat ahensya ng gobyerno.

“The President wants to ensure that the budget is compliant with constitutional provisions and that it reflects his administration’s priorities to improve the lives of Filipinos,” paliwanag ni Bersamin.

Sa kabila ng limitadong oras, tinitiyak ng Palasyo na maihahain ang final na bersyon ng pambansang budget na balanse, akma, at makakabuti sa ekonomiya ng bansa. Nananawagan din ang Pangulo sa Kongreso na suportahan ang kanyang administrasyon sa pagsusuri at pagpapatibay ng tamang alokasyon para sa bawat programa.

Ang panukalang pambansang budget para sa 2025 ay inaasahang maglalaro sa trilyong pisong halaga, na mas mataas kumpara sa nakaraang taon. Ang pagsusuri nito ay kritikal upang maipakita ang pangako ng administrasyon ni Marcos na gawing mas maayos at epektibo ang paggasta ng gobyerno.

27/12/2024

𝐂𝐎𝐍𝐆. 𝐑𝐀𝐋𝐏𝐇 𝐓𝐔𝐋𝐅𝐎, 𝐂𝐎𝐍𝐆𝐑𝐄𝐒𝐒𝐌𝐀𝐍 𝐍𝐆 𝐃𝐈𝐒𝐓𝐑𝐈𝐂𝐓 2: 𝐓𝐔𝐍𝐀𝐘 𝐍𝐀 𝐍𝐀𝐆𝐋𝐈𝐋𝐈𝐍𝐆𝐊𝐎𝐃 𝐒𝐀 𝐓𝐀𝐔𝐌𝐁𝐀𝐘𝐀𝐍

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙳𝚎𝚌. 27, 2024

Isang inspirasyon sa District 2 ng Quezon City ang dedikasyon ni Congressman Ralph Tulfo sa pagsisilbi sa kanyang mga kababayan. Sa kanyang patuloy na mga inisyatibo, naipapakita niya ang tunay na kahulugan ng serbisyo-publiko sa pamamagitan ng mga programang may malasakit at aksyon.

Tuwing araw ng Biyernes, idinaraos ni Cong. Tulfo ang “People’s Day,” isang bukas na pintuan para sa lahat ng nangangailangan. Dito ay personal niyang pinakikinggan ang mga hinaing at pangangailangan ng kanyang mga nasasakupan. Sa ganitong paraan, nagiging mas epektibo ang paghahatid ng solusyon sa iba’t ibang isyu ng komunidad.

Bukod dito, regular ang isinagawang Medical Mission na nagbibigay ng libreng konsultasyon at serbisyong medikal. Ito ay napakahalaga, lalo na sa mga pamilyang walang sapat na kakayahang magpagamot. Kasama rin dito ang pamamahagi ng mga guarantee letters para sa mga nangangailangan ng agarang tulong sa mga ospital. Ang serbisyong ito ay tuluy-tuloy at hindi nagmamaliw, isang patunay ng malasakit ni Congressman Tulfo sa kanyang mga kababayan.

Ang kanyang mga programa ay simbolo ng tunay na liderato—hindi lamang sa salita, kundi sa gawa. Para kay Congressman Ralph Tulfo, ang paglilingkod ay hindi lamang tungkulin, ito ay isang pangako sa ikabubuti ng bawat isa sa kanyang distrito.

25/12/2024

𝐌𝐆𝐀 𝐈𝐋𝐋𝐄𝐆𝐀𝐋 𝐍𝐀 𝐏𝐀𝐏𝐔𝐓𝐎𝐊 𝐖𝐀𝐋𝐀𝐍𝐆 𝐏𝐔𝐖𝐀𝐍𝐆 𝐒𝐀 𝐃𝐈𝐕𝐈𝐒𝐎𝐑𝐈𝐀

𝙿𝚒𝚊 𝙲𝚊𝚍𝚊𝚠𝚊𝚜 | 𝙳𝚎𝚌𝚎𝚖𝚋𝚎𝚛 𝟸𝟻, 𝟸𝟶𝟸𝟺

Mahigpit na babantayan ni Col. Roberto Mupas ang mga magbebenta ng mga illegal na paputok na malaking ipinagbabawal mismo sa Divisoria.

Sa nalalapit na pagsapit ng Bagong Taon ang Divisoria ay muli na namang dadagsain ng mga mamimili na kung saan kilala rin ang lugar sa pagbebenta ng iba't ibang klase ng paputok.

Ngunit sa taong ito, mayroong isang malinaw na mensahe mula sa huwarang lider at pinuno ng Station 11 na si Col. Roberto Mupas, Station Commander, bawal ang mga illegal na paputok sa Divisoria.

Pinangunahan ni Col. Mupas ang kampanya laban sa pagbebenta at paggamit ng mga ipinagbabawal na paputok.

Ang mga paputok tulad na lamang ng boga ay nagdudulot ng malaking panganib sa kaligtasan ng publiko lalo na sa mga bata. Dahil dito, mas hihigpitan ng mga awtoridad ang pagpapatupad ng batas laban sa mga illegal na paputok.

Bukod sa panganib sa kaligtasan, nagdudulot din ang mga illegal na paputok ng polusyon sa hangin. Ang mga nakalalason na kemikal na nilalabas ng mga paputok ay nakasasama sa kalusugan lalo na sa mga may sakit sa baga.

Inaasahan na sa pamamagitan ng pagtutulungan ng mga awtoridad at publiko ay magiging isang mas ligtas at mas masaya ang pagdiriwang ng Bagong Taon sa taong ito. Hinimok din ang mga mamimili na maging maingat sa pagpili ng mga paputok na bibilhin at tiyakin na ito ay ligtas at mayroong kaukulang lisensiya.

25/12/2024

𝐏𝐖𝐄𝐑𝐒𝐀 𝐍𝐆 𝐏𝐑𝐎5, 𝐓𝐔𝐌𝐔𝐓𝐔𝐋𝐎𝐍𝐆 𝐒𝐀 𝐌𝐆𝐀 𝐒𝐓𝐑𝐀𝐍𝐃𝐄𝐃 𝐍𝐆 𝐏𝐀𝐒𝐀𝐇𝐄𝐑𝐎 𝐒𝐀 𝐂𝐀𝐌𝐀𝐑𝐈𝐍𝐄𝐒 𝐒𝐔𝐑

𝚁𝚞𝚋𝚢𝚕𝚢𝚗 𝙻𝚘𝚛𝚎𝚗𝚣𝚘 | 𝙳𝚎𝚌. 25, 2024

Sa gitna ng malakas na ulan at pagbaha na naging sanhi ng pagkaantala ng biyahe ng maraming pasahero, mabilis na tumugon ang mga tauhan ng Police Regional Office 5 (PRO5). Nakakalat ang mga pulis sa Andaya Highway at iba pang pangunahing kalsada sa Camarines Sur upang magbigay ng agarang tulong sa mga stranded na biyahero.

Siniguro ng PRO5 na maipapakita ang kanilang dedikasyon sa (Alert, Proactive, Dedicated), na naglalayong maghatid ng serbisyong damang-dama ng publiko. Mula sa paghahatid ng pagkain, pag-aalok ng temporary shelter, hanggang sa pag-aasiste sa pag-aayos ng sasakyan, kitang-kita ang malasakit ng kapulisan para sa kaligtasan at kaginhawahan ng bawat mamamayan.

Ipinakita rin ng PRO5 ang kanilang kakayahang maging maaasahang katuwang sa anumang hamon sa ilalim ng kampanya ng . Kasama sa kanilang misyon ang pagpapanatili ng ligtas at maayos na daloy ng trapiko, pati na rin ang pagbibigay ng tulong sa mga taong nangangailangan sa panahon ng kalamidad.

Ang mga ganitong hakbang ay nagpapatunay na sa ilalim ng liderato ng PRO5, buhay na buhay ang prinsipyo ng at ang pangakong . Pinapakita nito na ang kapulisan ay hindi lamang tagapagpatupad ng batas, kundi tagapaghatid din ng serbisyong tunay na may malasakit sa kapwa.

Sa patuloy na pagbibigay ng serbisyo ng PRO5, sila ay naging simbolo ng na nagtataguyod ng isang maayos, ligtas, at maaasahang serbisyong publiko para sa bawat Pilipino.

Tinig Media

10/01/2025

09/01/2025

09/01/2025

09/01/2025

08/01/2025

08/01/2025

07/01/2025

05/01/2025

04/01/2025

04/01/2025

03/01/2025

01/01/2025

31/12/2024

28/12/2024

27/12/2024

25/12/2024

25/12/2024

Address

Website

Alerts

Contact The Business

Videos

Shortcuts

Share

Category