Payo Lang Kapatid

07/01/2025

Lagi kong iniisip na makakaya ko ang lahat ng mga mangyayari kung sasabihin ng Diyos ang kahihinatnan nito. Alam ko na gumagawa ang Diyos para sa ating ikabubuti,pero mas magiging matatag ako sa pagharap sa mga problema kung alam ko agad ang magandang ibubunga nito. Pero hindi naman karaniwang ipinapakita ng Diyos sa atin ang kahihinatnan ng mga nangyayari. Gusto ng Diyos na magtiwala tayo sa Kanya. Katulad ito ng pagmamaneho sa gabi. Ang nakikita lang natin ay ang abot ng liwanag ng ilaw sa unahan ng sasakyan. Pero kahit ganoon,hindi tayo humihinto. Sapat ang liwanag ng ilaw para makarating tayo sa ating patutunguhan. Ang Salita ng Diyos ay parang ilaw sa unahan ng sasakyan. Ito ang siyang liwanag natin sa pagharap sa mga problema. Punong-puno ng mga pangako ang Salita ng Diyos sa kabila ng mga hindi magagandang nangyayari sa atin. Sinabi ng Panginoon na para sa ating ikabubuti ang lahat ng Kanyang plano para sa atin. Kung pakiramdam natin ay para tayong nagmamaneho sa madilim na daan,isipin natin ang Panginoon. Ang Diyos ang ilaw na gagabay at mag-iingat sa atin.
Hindi tayo madadapa sa dilim kung lumalakad tayo sa liwanag ng Salita ng Diyos.

23/09/2024

Ang galit ay hindi kalooban ng Diyos.

17/05/2024

Ang pagtitiwala sa Diyos sa panahon ng problema ay itinuturo sa Bibliya. May mga nakalista sa Hebreo 11 na mga taong nagtiwala sa Diyos nang namoroblema sila. Ginamit nila ang mga problema bilang pagkakataon para lalong magtiwala sa Diyos at para maranasan ang pagtulong at kabutihang - loob ng Diyos. Mayroon sa kanila na nakalupig ng kaharian,nakapamuhay ng matuwid, nakatanggap ng mga pangako, nakapagtikom ng bibig ng leon, hindi napaso sa nagliliyab na apoy, nakaligtas sa kamatayang dulot ng espada, nagtagumpay sa digmaan. Mahihina silang lahat pero pinatatag sila ng Diyos.

28/03/2024

Mga kapatid, kung kuntento tayo, pakiramdam natin ay hindi tayo kinukulang pero kung hindi tayo kuntento, pakiramdam natin ay lagi tayong gipit.
Kawikaan 30:8
" Huwag po Ninyo akong pagyamanin o paghirapin, bigyan N'yo lang ako ng sapat."
May ibang pananaw sa pagyaman ang isang lalaki sa Biblia na nagngangalang Agur. Makikita natin ito sa kanyang dalawang kahilingan sa Diyos. Una ay hiniling niya na huwag sana siyang maging sinungaling. Kung wala tayong itinatago at namumuhay tayo ng tapat, nagiging panatag ang ating kalooban. Ikalawang kahilingan niya ay huwag sana siyang yumaman o maging napakahirap. Sapat lang daw sana ang ibigay ng Diyos sa Kanya.
Sinabi pa ni Agur na ang Diyos ang naglagay ng mga hangganan sa mundo, Siya ang kanlungan ng mga nagtitiwala sa Kanya.
Ang pamumuhay nang may katapatan at ang pagiging kuntento ay maituturing na mga kayamanan na nanggagaling sa Panginoon. Masaya ang Diyos na bigyan ang sinumang hihingi nito sa Kanya.

27/03/2024

Mga Awit 139:13-18
13 Ang anumang aking sangkap, ikaw, O Diyos, ang lumikha,
sa tiyan ng aking ina'y hinugis mo akong bata.
14 Pinupuri kita, O Diyos, marapat kang katakutan,
ang lahat ng gawain mo ay kahanga-hangang tunay;
sa loob ng aking puso, lahat ito'y nakikintal.
15 Ang buto ko sa katawan noong iyon ay hugisin,
sa loob ng bahay-bata doo'y iyong napapansin;
lumalaki ako roong sa iyo'y di nalilihim.
16 Ako'y iyong nakita na, hindi pa man isinilang,
batid mo kung ilang taon ang haba ng aking buhay;
pagkat ito'y nakatitik sa aklat mo na talaan,
matagal nang balangkas mong ikaw lamang ang may alam.
17 Tunay, Yahweh, di ko kayang maabot ang iyong isip,
ang dami ng iyong balak ay hindi ko nababatid;
18 kung ito ay bibilangin, ay sindami ng buhangin,
sasaiyo pa rin ako kung umaga na magising.

21/03/2024

Mangangaral 4:9-12
"Ang dalawa ay mabuti kaysa isa; mas marami ang bunga ng anumang gagawin nila. Kapag nabuwal ang isa, maitatayo siya ng kanyang kasama. Kawawa ang nag-iisa sapagkat walang tutulong sa kanya kapag siya ay nabuwal. Kung malamig ang panahon, maaari silang magtabi sa higaan upang parehong mainitan. Ngunit saan siya kukuha ng init kung nag-iisa siya? Kung ang nag-iisa'y maaaring magtagumpay laban sa isa, lalo na ang dalawa. Ang lubid na may tatlong pilipit na hibla ay hindi agad malalagot. "

19/03/2024

Si Jesus ay maihahalintulad sa pinto na nagsisilbing proteksyon natin sa mga masasama. Nang magkwento si Jesus tungkol sa pastol na nag - aalaga ng mga tupa, sinabi Niya na kapag pumasok ang mga tupa sa pintuan ng kanilang kulungan, protektado na sila sa mga magnanakaw at mababangis na hayop. Ganoon din ang mga nagtitiwala kay Jesus, maaari nilang makalimutan ang lahat ng panganib. Ligtas sila doon. Masaya sila dahil pinoprotektahan sila ng kanilang Mabuting Pastol na si Jesus.

08/02/2024

05/02/2024

Turuan ang bata sa dapat daanan ngunit tiyaking doon ka rin lumalakad.

02/02/2024

Merong mas mahalaga.
Sana ay ating makita❤️🙏
Juan 1:1-2
" Nang pasimula ay naroon na ang Salita; ang Salita ay kasama ng Diyos, at ang Salita ay Diyos. Sa pasimula ay kasama na ng Diyos ang Salita."
Josue 1:8-9
" Huwag mong kalimutang basahin ang Aklat ng Kautusan. Pagbulay-bulayan mo ito araw at gabi para malaman mo kung paano mo matutupad nang mabuti ang lahat ng nakasulat dito. Kung gagawin mo ito, uunlad ka at magtatagumpay. "

29/01/2024

Sa gitna ng kahirapan, naalala ni David kung sino ang Diyos at dahil dito nagpasalamat siya sa Kanya.
Ganun din naman tayo mga kapatid, maging mapagpasalamat tayo sa Diyos, alalahanin natin palagi ang mga kabutihang ipinagkaloob ng Diyos sa ating buhay, may mga pagsubok man tayong kinakaharap, pero kailanma'y hindi tayo pinabayaan ng ating Panginoong Diyos, patuloy lang tayong magtiwala at manalig sa Kanya ng buong puso.

26/01/2024

Celebrating my 1st year on Facebook. Thank you for your continuing support. I could never have made it without you. 🙏🤗🎉
One year na po pala? 😊

12/01/2024

Kung minsan hindi natin maiwasang isipin o alalahanin ang tungkol sa mga bagay na pwedeng mangyari sa buhay natin, lalo na sa mga oras na humaharap tayo sa mga pagsubok sa buhay. Ngunit hindi natin nalalaman na ito pala ang isa sa nagpapahina ng loob natin, kung kaya't hindi natin nagagawa ng maayos yung makakatulong sa atin para magkaroon tayo ng kapanatagan.
Kaya napakaganda ng sinasabi sa verse na ito, na ang magandang balita'y may dulot na kasiglahan. Ang pangako ng Diyos sa atin ay dapat nating pagkatiwalaan. Napakahalagang basahin natin ang Bibliya upang ating malaman ang mga pangako ng Diyos sa atin. Makakatulong din ito upang higit nating makilala ang Diyos na laging handang magmahal at magbigay ng pagpapala sa bawat isa sa atin na nagtitiwala sa Diyos na Makapangyarihan sa lahat.
Mapagpalang araw po sa ating lahat. Dalangin ko po na patuloy tayong ingatan ng Panginoong Diyos. 🙏❤️