https://www.facebook.com/104116715804050/

Adlayag Publication, Sulangan, Cebu, Bantayan (2025)

01/10/2025

Pagyanig ng 6.9 Magnitude na Lindol sa Cebu, 63 Katao Patay

Patay ang mahigit 63 katao matapos yanigin ng 6.9 magnitude na lindol ang ilang bahagi ng Visayas, partikular na sa Cebu, noong Setyembre 30, dakong alas 9:59 ng gabi. Malaking pinsala ang idinulot nito sa iba’t ibang imprastraktura at ari-arian.

Ayon sa Philippine Institute of Volcanology and Seismology (PHIVOLCS), unang naitala ang lakas ng lindol sa magnitude 6.7 bago itaas sa 6.9. Natukoy na ang epicenter ay nasa Bogo City, na nakaapekto rin sa mga karatig-lungsod at probinsya.

Kabilang sa mga apektadong lugar ang Northern Cebu, Bohol, Northern Samar, Eastern Samar, Eastern Visayas, Negros Occidental, Biliran, Leyte, Tuburan, Tabogon, Tabuelan, Medellin, Daanbantayan, San Remigio, Bantayan Island, Santa Fe, Sogod, Mandaue City, Iloilo, Legazpi, Bulan, Masbate Island, Calbayog, Kalibo, Roxas, Panay, Bacolod, Carcar, San Fernando (Cebu), at Negros.

Ayon naman sa ulat ng SunStar Cebu, tatlumpu(30) katao ang naitalang patay sa Bogo City, dalawampu't dalawa (22) naman sa San Remigio, Sampu (10) sa Medellin at isa (1) naman sa Sogod.

Bukod sa mga nasawi, malaki rin ang pinsalang natamo ng ilang estruktura, kabilang ang Archdiocesan Shrine of Santa Rosa de Lima sa Daanbantayan at ang St. Peter & Paul Parish sa Bantayan Island, kung saan gumuho ang ilang bahagi ng simbahan. Nasira rin ang isang kilalang fast food chain sa Bogo City, habang nakaranas ang mga motorista ng malalaking bitak sa kalsada at pagguho ng lupa.

Ayon sa PHIVOLCS, umabot sa 848 aftershocks ang naitala matapos ang lindol, na may lakas mula magnitude 1.4 hanggang 4.8. Inaasahang magtutuloy-tuloy pa ang mga pagyanig sa mga susunod na araw.

Dahil dito, muling pinaalalahanan ng PHIVOLCS at ng mga lokal na awtoridad ang publiko na manatiling kalmado, ligtas, at alerto sa posibleng epekto ng mga susunod pang aftershocks.

✍️ Geralyn Sumalinog

credits to the real owner of the pictures

28/09/2025

Tunay na Huwaran at Modelo ng Kabataan

“Tinawag ako ng Diyos para maging g**o at sa pagtugon ko sa tawag na iyon, natuklasan ko ang aking tunay na layunin sa mundong ito.”

Iyan ang katagang iniwan ni Gng. Amilou Ace Hubahib, isang g**o sa Sulangan Integrated School na ang tanging hangarin ay magbahagi ng wastong kaalaman at magbigay ng inspirasyon sa mga estudyanteng naghahangad ng magandang kinabukasan.

Bata pa lamang siya, pangarap na niyang maging isang ganap na doktor. Subalit, may ibang landas na inilaan sa kanya ang Panginoon, isang landas na humubog nang higit sa kanyang sarili at nagbigay ng mas malalim na kahulugan sa kanyang buhay. Lumipas ang ilang taon at siya ay nakapagtapos ng kursong Bachelor of Secondary Education, Major in English sa University of San Jose-Recoletos. Una siyang nagturo sa Matilda L. Bradford Christian School, Inc. sa loob ng dalawang taon at kalaunan ay lumipat sa Sulangan IS, kung saan niya ipinagpatuloy ang propesyong kanyang tinatahak.

Sa loob ng walong taong paninilbihan niya sa Sulangan IS, hindi naging madali ang kanyang mga pinagdaanan. Dumating siya sa puntong halos sumuko dahil sa mga problemang dumarating sa kanyang buhay. Maraming pagsubok ang humamon sa kanyang katatagan at minsan ay naging dahilan ng kanyang panghihina sa laban na kanyang tinatahak. “Mahirap maging g**o,” wika niya, “hindi lang dahil sa dami ng gawain, kundi dahil bitbit nito ang bigat ng responsibilidad na hubugin ang iba’t ibang katangian ng kabataan.” Ngunit sa kabila nito, patuloy siyang bumabangon at inaalala ang dahilan kung bakit niya sinimulan ang propesyong kanyang minahal, ang kanyang pagpapahalaga sa mga estudyante at sa kanyang bokasyon bilang g**o.

Malaki ang naitulong ng pagtuturo kay Gng. Hubahib dahil nagkaroon siya ng pagkakataong mag-iwan ng marka sa buhay ng ibang tao. Ang bawat estudyanteng natulungan niya ay nagsisilbing patunay na may kabuluhan at halaga ang kanyang ginagawa bilang g**o.

Kaya naman, taos-puso kaming nagpapasalamat sa lahat ng sakripisyong ipinamalas ni Gng. Hubahib at ng iba pang mga g**o. Sa kabila ng mga pagsubok at hamon na inyong hinaharap, patuloy kayong nagtuturo nang may malasakit, dedikasyon, at buong puso. Kayo ang nagbibigay ng pag-asa at lakas ng loob sa mga estudyanteng nangangailangan ng gabay at suporta. Sa araw na ito, kami ay lubos na nagpapasalamat sa inyong serbisyo at pagmamahal.

Maligayang Buwan ng mga G**o, Gng. Amilou Ace Hubahib, at sa lahat ng tunay na huwaran at modelo ng kabataan! Nawa’y ipagpatuloy ninyo ang pagbibigay-inspirasyon at paggabay sa mga kabataan upang sila ay magtagumpay sa kanilang mga pangarap. Muli, taos-puso po kaming nagpapasalamat at Maligayang Buwan ng mga G**o!

✍️ Geralyn Sumalinog

27/09/2025

Hirap ang Tinahak, Para sa Katuparan ng Pangarap

G**o. Isang simpleng salita, ngunit sa likod nito ay nakatago ang daan-daang sakripisyo, walang sawang pagtitiis, at taos-pusong pagmamahal. Sila ang nagsisilbing gabay, huwaran, at haligi ng kaalaman. Sa bawat aralin, kwento, at karanasang kanilang ibinabahagi, unti-unti nilang hinuhubog ang kinabukasan ng bawat kabataang kanilang tinuturuan.

Isa sa kanila ay si G. Mario Rondain, isang g**o sa ikalabing-isang baitang ng Sulangan Integrated School (SIS). Siya ay palaging bubungad nang nakangiti sa ating harapan at lahat ng hirap ay kaniyang titiisin. Taglay niya ay mabuting kalooban at may isang layunin ang matupad ang kanyang tungkulin. Bata palang si G. Rondain hinangad na niyang maging isang taga-ulat sa telebisyon .Ngunit sa paghahangad niyang makuha ang kanyang pangarap hindi mapigilan na ang kalaban ay ang kahirapan. Dahil doon, nagdesisyon siya na pumasok sa mundo ng pagtuturo at pinili ang maging g**o.

Sa loob ng 28 taong paglilingkod bilang g**o, si G. Rondain ay naging saksi at bahagi ng iba’t ibang paaralan, mula sampung taon sa Saint Paul Academy, anim na taon sa Northern Cebu Colleges, dalawang taon sa Hilotongan Integrated School, at halos sampung taon na rin sa Sulangan Integrated School. Hindi biro ang kaniyang naging paglalakbay; bawat taon ay puno ng sakripisyo at pagtitiyaga upang maitaguyod ang kanyang propesyon. Ngunit higit sa lahat, ang kaniyang buhay ay patunay na ang pagiging g**o ay hindi lamang trabaho, kung hindi isang misyon ng puso.

Bata pa lamang siya ay natuto nang magsumikap, mula elementarya hanggang kolehiyo, siya’y kumakayod na para maabot ang pangarap. Walang sumuporta, walang katuwang, ngunit hindi siya natinag. Ang paulit-ulit na sambit niya sa sarili, “Kaya ko ’to,” ang nagsilbing gabay hanggang sa matupad niya ang kanyang mithiin. Ngayon, bilang isang g**o, ang bawat aral na ibinabahagi niya sa kanyang mga estudyante ay bunga ng lakas ng loob at paniniwalang walang imposible para sa taong may pangarap at matibay na determinasyon.

Sa okasyong ito, taas-noo nating ipinagdiriwang ang araw ng mga g**o, at isa na rito si G. Mario Rondain,mga bayani ng bagong henerasyon na ang tanging sandata ay chalk at libro. Sa kanilang mga kamay, hinuhulma ang kinabukasan ng bayan.

Kaya’t sa lahat ng mga g**o, isang taos-pusong pagbati ng “Happy Teachers’ Day!” Salamat sa inyong wagas na pagmamahal, walang hanggang pasensya, at di-matatawarang dedikasyon. Kayo ang tunay na ilaw na gumagabay sa aming landas, at dahil sa inyo, natututo kaming mangarap, magsikap, at maniwala sa sarili.

✍️ Loren May Necesario

26/09/2025

Tulay Tungo sa Magandang Kinabukasan

Mapagmahal, maalaga, at higit sa lahat, mabait,iyan ang mga katangiang taglay ni Gng. Jessica Seville, isang g**o na hindi napapagod at laging handang magturo sa mga estudyanteng sabik matuto. Siya rin ang nagsisilbing inspirasyon sa mga mag-aaral na may mataas na pangarap sa buhay.

Bilang g**o, ang kanyang tanging hangad ay magabayan ang mga mag-aaral sa tamang landas. Nakapagtapos siya ng kursong Bachelor of Secondary Education major in Filipino sa Madridejos Community College.

Bata pa lamang si Gng. Seville, pinangarap na niyang maging isang lawyer at newscaster. Ngunit hindi pinalad ang kanyang mga plano at sa hindi inaasahang pagkakataon ay natagpuan niya ang kanyang tunay na misyon,ang pagtuturo. Hindi naging madali ang kanyang pinagdaanan, ngunit dahil sa inspirasyong nakuha niya sa kanyang g**o noon, mas lalo siyang nahikayat na yakapin ang propesyon. Ani niya: “Pwede pala na maka-inspire ka ng isang tao sa pamamagitan ng pagtuturo.”

Mahigpit si Gng. Seville lalo na sa mga estudyanteng hindi tumutupad sa kanilang responsibilidad. Ngunit sa likod ng kanyang pagiging istrikta, siya rin ay maaasahang kaibigan at itinuturing na pangalawang magulang ng kanyang mga estudyante,isang ilaw na laging handang makinig at umalalay. Ang pinakamalaking kasiyahan para sa kanya ay ang makita ang mga mag-aaral na may natutunan mula sa kanyang pagtuturo.

“Mahirap maging g**o at mahirap magpakag**o. Kung iisipin, lahat ay pwedeng maging g**o, ngunit hindi lahat ay nagtataglay ng hiyas ng pagiging tunay na g**o. Kinakailangan ng determinasyon, pagkalinga, at pagmamahal para maging ganap na g**o. Hindi lamang ito simpleng pagtuturo ng Abakada o ng one plus one,”ayon kay Gng.Seville

Hindi madali ang pagiging g**o, subalit dahil sa kanyang dedikasyon at determinasyon, handa niyang ialay at isakripisyo ang sarili para sa ikabubuti ng kanyang mga mag-aaral.

Higit pa sa kaalaman, itinuturo rin ni Gng. Seville kung paano maging matatag sa oras ng pagsubok at kung paano maging inspirasyon sa kapwa. Sa kanyang husay at malasakit, siya ay naging tulay tungo sa magandang kinabukasan ng kabataan.

Kaya naman sa araw na ito, kami ay taos-pusong nagpapasalamat sa lahat ng kanyang sakripisyo at walang sawang paggabay. Binabati ka namin, Gng. Jessica Seville, ng isang Happy Teacher’s Day!

✍️ Ela Mae Cueva

22/09/2025

Sulangan IS Scribes Sharpen Skills in 5-Day Journalism Training

"Adlaw Sa Paglayag (Adlayag) Publication members at Sulangan Integrated School recently participated in a 5-day intensive Journalism Workshop, centered around the theme "Unleash Your Voice: Journalism For a New Generation."

A total of 28 students from both English and Filipino categories completed the intensive journalism workshop, designed to provide comprehensive training in news gathering, interviewing techniques, and responsible journalism practices.

"Participants were able to explore specialized areas of journalism through dedicated sessions in Feature Writing, News Writing, Column Writing, Science and Technology Writing, Editorial Writing, Editorial Cartooning, Sports Writing, Mobile Journalism, and Radio Broadcasting.

Following the intensive training, School Paper Advisers Mr. Anthony Necesario (English) and Mr. Art Bawiga (Filipino) will work with each student to identify a specific journalistic field, such as feature writing or news reporting, where they can best utilize their newly acquired skills for the school publication.

Each year, the Adlayag Publication's Training Workshop provides a dynamic learning environment where student journalists can learn, adapt, and refine their skills to meet the challenges and opportunities of modern journalism.

According to Cedrick Venz Barcoso, a Grade 7 student and a new journalist,
"It’s nice, though I feel a bit nervous and excited," he said.
"This is where I experienced my happiness," he added.

✍️ Christopher Bueno
📷Rudy Fuentabella

22/09/2025

STUDENTS DIVE DEEP
SCI-MATH Month 2025: Uncovers Hidden Creativity in Science and Math

Bantayan, CEBU - On September 19, 3:00 PM, the school stage buzzed with energy as students gathered for the program of SCI-MATH MONTH Celebration in Sulangan Integrated School, with the theme “Harnessing the Unknown: Powering the Future Through Science and Innovation.”

The event was hosted by Renalyn Aloyan and Arshane Claire B. Lapinez, beginning with the national anthem performed as canned music and a prayer, followed by welcoming remarks from Mrs. Rochelle M. Sayson, the School Head.

The program continued with Mrs. Maricel F. Ofril, the Science Coordinator in Elementary, outlining the judging criteria and introducing the panel of experts for the rocket launching competition. Similarly, Mr. Archeval D. Mandal, the MAPEH Coordinator in JHS, presented the criteria and judges for the Math Sayaw competition, highlighting their expertise in evaluating creativity and mathematical integration.

The event featured an exciting rocket launching competition, where Grade 7 triumphed on their first attempt (1st place), followed by Grade 11 (2nd place) and Grade 10 (3rd place), both also successful on their initial launches, while Grade 12 faced challenges despite multiple attempts.

In addition to the rocket launches, the event showcased the students' diverse talents through a Math Sayaw competition, where Grades 7 to 12 demonstrated their understanding of symbolic mathematical patterns through dance. Grade 9 students further enriched the program with a series of fascinating science experiments.

With anticipation building, Mrs. Maria Fe S. Layese, the JHS Guidance Designate, stepped forward to reveal the results of the Math Sayaw competition, declaring Grade 10 as the champions, followed by Grade 12 in 2nd place, and Grade 8 in 3rd place.

The event drew to a close with insightful closing remarks from Mr. Richard A. Caramelo, the Math Coordinator for the Junior High School.
During the interview, Mr. Richard A. Caramelo, the Secondary Mathematics Coordinator, was asked, "Does this event benefit the students in their future?"

Mr. Richard A. Caramelo responded, "Yes, because this event serves as a practice or training ground for them to develop their skills, especially in math."

✍️ Ashley Marabi
Khate Santos
📷Rudy Fuentabella

22/09/2025

Tagapagsagwan ng katotohanan!
Sa bawat pagsagwan, inspirasyon ang hatid sa sangkatauhan.
Gaano man kalaki ang alon, sanib-puwersang lalaban!

Ito ang ADLAYAG BALITA!

Kulminasyon sa buwan ng siyensya at matematika, umarangkada na!

ADLAYAG Mobile Journalism (MoJo)

News Anchor: Jason Sevilleno
News Reporter: Geralyn Sumalinog
Jayneth Lumontad
Cederick Venz Barcoso
Videographer: Rudy Fuentebella

11/09/2025

CHAMPIONS HONORED
Sulangan Integrated School's Intramurals 2025 Awards Ceremony

Sulangan Integrated School's 2025 Intramurals Awarding Ceremony, with the theme "Beyond Borders: Building Friendship through Games and Culture," was successfully held this Sunday at 1:00 pm.

The ceremony honored the winners of various competitions, with notable recipients including:

Basketball Boys Secondary
- 1st Place: Grade 11
- 2nd Place: Grade 10
- 3rd Place: Grade 8

- Basketball Girls Secondary
- 1st Place: Grade 10
- 2nd Place: Grade 11
- 3rd Place: Grade 12

- Volleyball Boys Secondary
- 1st Place: Grade 11
- 2nd Place: Grade 7
- 3rd Place: Grade 10

- Volleyball Girls Secondary
- 1st Place: Grade 12
- 2nd Place: Grade 9
- 3rd Place: Grade 8

- Billiards 8 balls Secondary
- 1st Place - Jefferson Polestico
- 2nd Place - Daryl Badilla
- 3rd Place - Ryan Aloyan

- Billiards 4 balls Secondary
- 1st Place - Carlz Enrie Gila , Dexter Algoy
- 2nd Place - Jhonmar Layao, Christian Rey Escala
- 3rd Place - Jhon Louie Batis laon, Jeric Despi

- Badminton Singles Secondary Boys
- 1st Place Roldan Villarosa
- 2nd Place John Alren Escanillan
- 3rd Place Priam Kyle Reando

- Badminton Singles Secondary Girls
- 1st Place - Jayniel Singuran
- 2nd Place - Genevieve Alolor
- 3rd Place - Zhycell Khate Santos

-100m Run
- 1st Place - Dejoy Paragsa
- 2nd Place - Jhainell Vinzon
- 3rd Place - John Lloyd Bacanto

- 200m Run
- 1st Place -Jave Laosa
- 2nd Place - Renier Cong Grande
- 3rd Place - Marc Daniel Aronales

- Discus Throw
- 1st Place - Mark David Aloyan
- 2nd Place -Jude Clint Tiongzon
- 3rd Place - Jefferson Polestico

- Javelin Throw
- 1st Place - Geopeter Sarraga Jr.
- 2nd Place - Neljun Sarraga
- 3rd Place - Renier Cong Grande

- Shot Put.
- 1st Place - Jude Clint Tiongzon
- 2nd Place - Lyndon Rosaseña Jr.
- 3rd Place -Jenver Verallo

- Blitz Chess Secondary Boys
- 1st Place - Vladymier Moradas
- 2nd Place - John Alren Escanillan
- 3rd Place - John Mark Escanillan

- Blitz Chess Secondary Girls
- 1st Place - Anna Fay Pahuriray
- 2nd Place - Clerah Umbao
- 3rd Place - Chanley Desabille

- Classic Chess Secondary Boys

- 1st Place - Vladymier Moradas
- 2nd Place - John Alren Escanillan
- 3rd Place - Christopher Bueno

- Classic Chess Secondary Girls

-1st Place Clerah Umbao
-2nd Place - Liza Sarraga
- 3rd Place - Anna Fay Pahuriray

- Most incredible banners
- 1st Place - Grade 7 - Chameleon
- 2nd Place - Grade 10 - Blue Dragon
- 3rd Place - Grade 9 - Red Phoenix

The award ceremony was conducted by Mrs. BJ Anne Diaz, accompanied by Mr. Anthony Necesario, Mrs. Relly Ann Capuras, Ms. Rachell Jumaoas, Mr. Archieval Mandal, and other members of the teaching staff.

" Okay daman ang experience.” I am happy because the training I received from grades 4 to 6 has been put into practice. Anna Fay Pahuriray shared her experience and feelings in a short interview.

✍️Queenie Cervantes
📷Rudy Fuentabella

10/09/2025

Nagpasiklaban ang mga Kandidato sa Mr. & Ms. Intramurals 2025

Matagumpay na sinalubong ng Sulangan Integrated School ang ikalawang araw ng Intramurals 2025, tampok ang pasiklaban ng mga kandidato para sa Mr. & Ms. Intramurals, noong Setyembre 6, bandang alas-2:00 ng hapon sa entablado ng paaralan.

Pinangunahan ni Gng. Corina De Real ang pagbibigay ng pambungad na mensahe para sa mga mag-aaral, g**o, at iba pang kasapi na dumalo sa programa. Kasunod nito, ipinamalas ng mga kandidato at kandidata ng Mr. & Ms. Intramurals 2025 ang kanilang husay sa production number.

Ipinakita ng mga kalahok mula Grade 7 hanggang Grade 12 ang kanilang galing sa pagrampa at tikas sa pagdadala ng kanilang sports attire. Bukod dito, tampok din ang iba’t ibang talento ng mga mag-aaral tulad ng pagsayaw na pinangunahan ng Dance Guild members, pag-awit, at pagbabalak ng mga itinanghal na kampeon sa isinagawang Cultural Competition noong umaga.

Sinubok rin ang talino ng mga nakapasok sa Top 3 finalists sa pamamagitan ng pagbunot ng larawan at pagbibigay ng kani-kanilang opinyon kaugnay nito. Pagkaraan, agad na inanunsyo ang mga nagwagi ng iba’t ibang parangal.

Para sa Mr. Intramurals 2025, pumangalawa si Nathaniel Rabaya ng Grade 7 Chameleon, habang nakamit ni Jude Clint Tiongzon ng Grade 10 Blue Dragon ang unang puwesto at parangal na Best in Sports Attire. Itinanghal namang Mr. Intramurals 2025 si John Francis Jumawan ng Grade 11 Pink Panthers na siya ring nagwagi ng Best in Production Number.

Samantala, para sa Ms. Intramurals 2025, pumangalawa si Rhian Marisse Gabutan ng Grade 8 Yellow Lion, habang nakuha ni Jhade Nichole Vargas ng Grade 9 Red Phoenix ang unang puwesto at parangal na Best in Sports Attire. Kinoronahan namang Ms. Intramurals 2025 si Lhean Mae Necesario ng Grade 12 White Tiger na siya ring nakasungkit ng Best in Production Number.

“Akon na-feel kay lipay kay wa ako nag-expect na ako ang makadaog. Tag-salig lang gayod sa Ginoo ang magtarong pirme sa practice,” ayon kay John Francis Jumawan.

“Akon na-feel happy kay nakadaog. Bahala bisag gikuyawan na sa tunga, gipakita lang gayod ang confidence bisan pa may kuyba,” saad din ni Lhean Mae Necesario.

✍️ Ela Mae Cueva
📷 Rudy Fuentebella

10/09/2025

Pagpasiklab ng Tinig ng mga Mag-aaral

Nagpasiklaban sa husay ng kanilang tinig ang piling mag-aaral mula elementarya hanggang sekondarya sa isinagawang Cultural Competition bilang bahagi ng Intramurals 2025 na ginanap sa entablado ng Sulangan Integrated School noong Setyembre 6, bandang alas-9 ng umaga.

Bilang panimula ng programa, nagbigay ng makabuluhang mensahe si G. Archieval Mandal na nagsilbing inspirasyon sa lahat ng nakibahagi sa nasabing kaganapan. Kasunod nito, ipinaliwanag ni Gng. Sierra May Alde ang pamantayan sa pagbibigay-hatol ng mga hurado, samantalang ipinakilala naman ni Bb. Merrafel Edaño ang mga hurado ng patimpalak.

Ang nasabing pagtatanghal ay hinati sa tatlong kategorya: Vocal Solo para sa elementarya, Balak na Kompetisyon para sa elementarya at sekondarya, at Vocal Duet para sa sekondarya. Tatlo hanggang apat na kalahok mula sa iba’t ibang baitang ang napili matapos ang isinagawang blind audition noong Setyembre 4. Iba’t ibang tinig at talento ang ipinamalas ng mga kalahok na nagbigay ng saya, ngiti, at kasiyahan sa mga manonood.

Sa kategoryang Vocal Solo, itinanghal na kampeon si Precious Althea Umbao, habang pumangalawa si Yzelle Claire Sayson, at pumangatlo naman si Melvie Ilosorio. Sa Balak na Kompetisyon para sa elementarya, nakuha ni Jorence Gila ang unang puwesto, sinundan ni Terenz Fher Layos sa ikalawa, at pumangatlo si Ritchel Desuyo, habang pumuwesto naman sa ikaapat si Ray Caratao. Samantala, sa sekondarya, itinanghal na kampeon si Rhonwelle Dela Torre, pumangalawa si Glaiza Ortega, at pumangatlo si Liza Mae Sarraga.

Sa Vocal Duet para sa sekondarya, nagkampeon sina Geralyn Sumalinog at Jason Sevilleno. Pumangalawa sina Jamaica Daban at Kris John Segobia, pumangatlo sina Stephanie Ompad at Peter Baring, at pumuwesto sa ikaapat sina Jean Rose Nepangue at Ellaine Sevilleno. Lahat ng nagwagi ay tumanggap ng medalya at sertipiko bilang pagkilala sa kanilang ipinamalas na talento.

“At first wa ako sang lain nga na feel kundi kuyba and pressure, hilabi na sara lako nakabalik pag-apil sang ing ani nga competition, but after our presentation, when maam Niña announced the winners, I was so shocked kay wa gyud ako/kami nag-expect nga kami ang ma first” Ayon pa kay Geralyn Sumalinog.

“We didn’t expect kay sa amon presentation nangurugkurug baya gayod kami tungod sa kakuyba, but we give our best and thankful kaayo nga kami ang na first bisan gikuyba na kaayo kami” Saad naman ni Jason Sevilleno.

✍️ Ryzza Landao
📷 Rudy Fuentebella

10/09/2025

Namayagpag ang Husay ng mga Mag-aaral sa Intramurals 2025

Nag-uwi ng medalya at sertipiko ng pagkilala ang mga mag-aaral ng Sulangan Integrated School matapos magpakitang-gilas at masungkit ang mga puwesto sa iba’t ibang kompetisyon sa Intramurals 2025 na ginanap noong Setyembre 7, bandang ala-1:30 ng hapon sa entablado ng paaralan.

Ipinamalas ng mga kalahok mula sa sekondarya ang kanilang talento at disiplina sa iba’t ibang palaro gaya ng Basketball (Boys & Girls), Volleyball (Boys & Girls), Billiards (8 Balls at 9 Balls), Athletics (100m run, 200m run, discus throw, javelin throw, at shot put), Badminton (singles boys & girls), at Chess (classical at blitz boys & girls).

Sa Basketball Boys, itinanghal na kampeon ang Grade 11 Pink Panthers, pumangalawa ang Grade 10 Blue Dragon, at pumangatlo ang Grade 8 Yellow Lion. Para sa Basketball Girls, naghari ang Grade 10 Blue Dragon, sinundan ng Grade 11 Pink Panthers, at nagtapos ang Grade 12 White Tiger sa ikatlong puwesto.

Sa larangan ng Volleyball Boys, nasungkit ng Grade 11 Pink Panthers ang kampeonato, habang pumangalawa ang Grade 7 Chameleon at pumangatlo ang Grade 10 Blue Dragon. Sa Volleyball Girls, nagwagi ang Grade 12 White Tiger, sinundan ng Grade 9 Red Phoenix, at nakamit ng Grade 8 Yellow Lion ang ikatlong puwesto.

Nagningning din ang mga indibidwal sa mga rakrakan ng mesa at atletikong laro. Sa Billiards 8 Balls, nagkampeon si Jefferson Polestico, pumangalawa si Daryl Badilla, at pumangatlo si Ryan Aloyan. Sa Billiards 9 Balls (doubles), wagi sina Carlz Enric Gila at Dexter Algoy laban kina Jhonmar Layao at Christian Rey (2nd), at Jhon Louie Batisla-on at Jeric Despi (3rd).

Sa Athletics 100m run, nanguna si DeJoy Paragsa, kasunod sina Jhainell Vinzon at John Loyd Bacanto. Sa 200m run, nagkampeon si Jave Laosa, pumangalawa si Renier Cong Grande, at pumangatlo si Marc Daniel Aronales. Sa discus throw, pinangunahan ni Mark David Aloyan, sinundan ni Jude Clint Tiongzon at Jefferson Polestico. Sa javelin throw, itinanghal na kampeon si Geopeter Sarraga Jr., pumangalawa si Neljun Sarraga, at pumangatlo si Renier Cong Grande. Sa shot put, wagi si Jude Clint Tiongzon, kasunod sina Lundon Rosaceña Jr. at Jenver Verallo.

Sa Badminton Singles Boys, humakot ng unang puwesto si Roldan Villarosa, sumegunda si John Alver Escanillan, at pumangatlo si Priam Kyle Reando. Sa Girls Singles, nanguna si Jayniel Singuran, sinundan nina Genevieve Alolor at Zhycelle Khate Santos.
Hindi rin nagpahuli ang mga masters ng chess. Sa Chess Classical Boys, pinangunahan ni Vladymier Moradas, habang pumangalawa si John Alren Escanillan at pumangatlo si Christopher Bueno. Sa Classical Girls, nagkampeon si Clerah Jane Umbao, sinundan ni Liza Mae Sarraga, at pumangatlo si Anna Fay Pahuriray. Sa Blitz Boys, muling naghari si Vladymier Moradas, kasunod sina John Alren Escanillan at John Mark Escanillan. Para sa Blitz Girls, nanguna si Anna Fay Pahuriray, sinundan nina Clerah Jane Umbao at Chanley Desabille.

Bukod sa mga palaro, tampok din ang patimpalak sa Pinakamagandang Banner. Unang gantimpala ang Grade 7, pumangalawa ang Grade 10 Blue Dragon, at pumangatlo ang Grade 9 Red Phoenix.

Sa pagtatapos, pinarangalan ang lahat ng nagwagi ng medalya at sertipiko ng pagkilala bilang patunay ng kanilang sipag, dedikasyon, at walang humpay na suporta sa diwa ng palakasan at pagkakaisa na ipinamalas sa Intramurals 2025.

✍️ Geralyn Sumalinog
📷 Rudy Fuentebella

Adlayag Publication

01/10/2025

28/09/2025

27/09/2025

26/09/2025

22/09/2025

22/09/2025

22/09/2025

11/09/2025

10/09/2025

10/09/2025

10/09/2025

Address

Website

Alerts

Contact The Business

Shortcuts

Share

Category