Ing Siuala

23/08/2024

𝐍𝐀𝐆𝐁𝐀𝐁𝐀𝐆𝐀𝐍𝐆 𝐁𝐀𝐋𝐈𝐓𝐀 | Isang Magnitude 3.8 na lindol ang naitala sa bayan ng Bamban, Tarlac ngayong gabi 8:48pm ika-23 ng Agosto 2024.

𝐌𝐀𝐍𝐀𝐓𝐈𝐋𝐈 𝐏𝐎 𝐓𝐀𝐘𝐎𝐍𝐆 𝐋𝐈𝐆𝐓𝐀𝐒!

Earthquake Information No.1
Date and Time: 23 August 2024 - 08:48 PM
Magnitude = 3.8
Depth = 013 km
Location = 15.49°N, 120.61°E - 002 km N 81° E of City Of Tarlac (Tarlac)

Reported Intensities:



Instrumental Intensity:
Intensity III - Bamban, TARLAC

https://earthquake.phivolcs.dost.gov.ph/2024_Earthquake_Information/August/2024_0823_1248_B1.html

23/08/2024

𝗦𝗜𝗚𝗔𝗪 𝗡𝗚 𝗣𝗨𝗚𝗔𝗗 𝗟𝗔𝗪𝗜𝗡 (𝗘𝗟 𝗚𝗥𝗜𝗧𝗢 𝗗𝗘 𝗥𝗘𝗕𝗘𝗟𝗟𝗜𝗢𝗡)

Punto De Vista ni Prudencio:

Kay layo na ng aming nilakbay na mga katipunero. Bitbit ang aming mga mabibigat na armas, mga iilang gamit, at ang sedulang halos mapunit ko na sa pagkahahawak kong sobrang higpit. Mahigit isang libong mga katipunero kaming naghihintay sa bakuran ng aming itinuturing na ina ng katipunan, si Ginang Melchora Aquino.

Palubog na ang araw at malamig na rin ang simoy ng hangin, hindi na rin maipinta ang bawat itsura ng aking mga kasamahan sa paghihintay kay Andres Bonifacio ang ama ng hukbong ito.

Hindi ko na mawari ang aking nararamdaman, nag-aalab ang puso kong ipaglaban ang ating karapatan kaya hindi ako nag-alinlangan sa pagsali sa magaganap na himagsikan. Natutuliro, nangangamba, at ako'y natatakot hindi ko itatangging kaunting parte pa rin sa akin ang naduduwag, ngunit nang aking pagmasdan ang sedula, umaapoy sa galit ang puso ko para sa aking kapwa mamamayang Pilipino.

Umingay nang kaunti at ako'y napaangat ng tingin.

"𝗡𝗮𝗿𝗶𝘆𝗮𝗻 𝗻𝗮 𝘀𝗶 𝗔𝗻𝗱𝗿𝗲𝘀 𝗕𝗼𝗻𝗶𝗳𝗮𝗰𝗶𝗼!"

Seryoso ang mukha ni Andres at dala ang kaniyang sedula. Natahimik ang lahat at nagsilapit sa pagdating niya.

"Pagmasdan ninyo ang inyong sedula! Pagmasdanan ninyo ang papel na umaalipin sa atin!" ang sigaw ni Andres ay may halong lungkot, p**t, at katapangan.

"Katipunan, nararapat na nating wakasan ang ilang daang pananakop ng espanya. Mas lamang man sila sa mga armas, mas marami man ang kanilang hukbo. Hindi nila tayo mapipigilan dahil tayo'y lalaban, hanggang sa ating huling hininga!"

Ako'y naluluha, para sa kinabukasan ng bansang Pilipinas.

"Tayo ang may karapatan dahil tayo ang mga anak ng bayan! Sa atin ang lupain at ipaglalaban natin ang ating karapatan pagkat sa atin ang bansang ito! 𝗣𝗨𝗡𝗜𝗧𝗜𝗡 𝗔𝗡𝗚 𝗦𝗘𝗗𝗨𝗟𝗔!"

Walang pag-aalinlangang pununit namin ang sedula hudyat nang pagsisimula ng aming rebelyon.

"𝗠𝗔𝗕𝗨𝗛𝗔𝗬 𝗔𝗡𝗚 𝗣𝗜𝗟𝗜𝗣𝗜𝗡𝗔𝗦! 𝗠𝗔𝗕𝗨𝗛𝗔𝗬 𝗔𝗡𝗚 𝗞𝗔𝗧𝗜𝗣𝗨𝗡𝗔𝗡!"

Nawala na ang aking takot at pangamba at desidido na pagkat bubuo kami ng kasaysayan na makapagpapalaya sa ating bansa.

Ipaglalaban kita Pilipinas,
sapagkat tapat akong naglilingkod saiyo,
at minamahal kita nang buong puso.

𝑀𝑔𝑎 𝑠𝑎𝑙𝑖𝑡𝑎 𝑛𝑖: 𝐻𝑎𝑛𝑛𝑎 𝑆𝑎𝑛𝑐ℎ𝑒𝑧
𝐿𝑎𝑦𝑜𝑢𝑡 𝑛𝑖: 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

22/08/2024

Ang 𝐍𝐢𝐧𝐨𝐲 𝐀𝐪𝐮𝐢𝐧𝐨 𝐃𝐚𝐲 ay isang pambansang non-working holiday sa Pilipinas na taon-taong ipinagdiriwang tuwing 𝐢𝐤𝐚-𝟐𝟏 𝐧𝐠 𝐀𝐠𝐨𝐬𝐭𝐨 bilang paggunita kay dating Senador 𝐁𝐞𝐧𝐢𝐠𝐧𝐨 "𝐍𝐢𝐧𝐨𝐲" 𝐀𝐪𝐮𝐢𝐧𝐨, 𝐉𝐫., ang asawa ni 𝐂𝐨𝐫𝐚𝐳𝐨𝐧 𝐀𝐪𝐮𝐢𝐧𝐨, na kalaunan ay naging ikalabing-isang Pangulo ng Pilipinas.

Ito rin ay nagsisilbing taunang paalala ng patuloy na pakikibaka para sa tunay na demokrasya at ang pangangailangan para sa pagbabantay sa pagprotekta sa mga kalayaang pinaghirapan. Bilang pagpupugay sa alaala ni Ninoy Aquino, atin ding gunitain ang ating paninindigan sa mga mithiin na kanyang ipinag tagumpay.

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐩𝐚𝐫𝐚 𝐬𝐚'𝐲𝐨 𝐍𝐢𝐧𝐨𝐲 𝐀𝐪𝐮𝐢𝐧𝐨!

𝑀𝑔𝑎 𝑆𝑎𝑙𝑖𝑡𝑎 𝑛𝑖: 𝐽𝑎𝑑𝑒 𝐷𝑢𝑙𝑖𝑛
𝐿𝑎𝑦𝑜𝑢𝑡 𝑛𝑖: 𝐹𝑎𝑖𝑡ℎ 𝑅𝑜𝑠𝑎𝑙𝑒𝑠
𝐼𝑤𝑖𝑛𝑎𝑠𝑡𝑜 𝑛𝑖: 𝐽𝑎𝑛𝑛𝑎ℎ 𝑅𝑒𝑠𝑝𝑖𝑐𝑖𝑜

21/08/2024

𝐓𝐚𝐲𝐨 𝐧𝐚’𝐭 𝐢𝐛𝐚𝐡𝐚𝐠𝐢 𝐚𝐧𝐠 𝐭𝐚𝐥𝐞𝐧𝐭𝐨 𝐚𝐭 𝐬𝐞𝐫𝐛𝐢𝐬𝐲𝐨! 🌟

Hanggang bukas po ang MEMBERSHIP DRIVE para sa mga organisasyon sa ating paaralan, makibahagi ka na! ✅

20/08/2024

𝗛𝗔𝗟𝗜𝗡𝗔'𝗧 𝗦𝗨𝗠𝗔𝗟𝗜 𝗦𝗔 𝗣𝗔𝗡𝗜𝗕𝗔𝗚𝗢𝗡𝗚 𝗣𝗔𝗛𝗜𝗡𝗔 𝗡𝗚 𝗜𝗡𝗚 𝗦𝗜𝗨𝗔𝗟𝗔!

Ikaw ba ay may natatanging taglay na talento sa pagsulat? May utak na naghahangad ng karunungan at kaalaman? At pusong may paninindigan sa katotohanan?

Ating paalabin ang iyong pagka-pilipino, makiisa sa 𝑰𝒏𝒈 𝑺𝒊𝒖𝒂𝒍𝒂: 𝑰𝒏𝒈 𝑪𝒂𝒎𝒖𝒍𝒂𝒕𝒂𝒏 𝑸𝒖𝒊𝒏𝒈 𝑪𝒂𝒕𝒖𝒕𝒖𝒂𝒏. Ang opisyal na pahayagang Filipino ng San Roque National High School.

Kaisa ang SRNHS SSLG at ang iba pang mga organisasyon ng San Roque National High School, gaganapin ang Membership Drive sa ilalim ng punong akasya mula ika-20 hanggang ika-22 ng Agosto. 8:00 hanggang 11:00 ng umaga at 1:00 hanggang 4:00 ng hapon.

Ang mga sumusunod ay ang mga kategoryang maaari ninyong salihan:
- Pagsulat ng Editoryal (Editorial Writing)
- Paglalarawang Tudling (Editorial Cartooning)
- Pagsulat ng Balita (News Writing)
- Pagsulat ng Lathalain (Feature Writing)
- Pagsulat ng Kolum (Column Writing)
- Pagsulat ng Balitang Pampalakasan (Sports Writing)
- Pagsulat ng Agham ( Science Writing)
- Pagkuha ng Larawang Pampahayagan (Photojournalism)
- Pagwawatso ng Sipi at Pag-uulo ng Balita (Copyreading & Headline Writing)
- Balitang Panradyo (Radio Broadcasting)
- Balitang Pantelebisyon (TV Broadcasting)
- Collaborative Desktop Publishing

𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐧𝐠 𝐢𝐛𝐢𝐛𝐢𝐠𝐤𝐚𝐬, 𝐤𝐚𝐭𝐨𝐭𝐨𝐡𝐚𝐧𝐚𝐧 𝐚𝐧𝐠 𝐢𝐥𝐚𝐥𝐚𝐛𝐚𝐬, 𝐇𝐀𝐋𝐈𝐊𝐀 𝐍𝐀 𝐒𝐀 𝐈𝐍𝐆 𝐒𝐈𝐔𝐀𝐋𝐀!!

𝑀𝑔𝑎 𝑠𝑎𝑙𝑖𝑡𝑎 𝑛𝑖: 𝑅𝑜𝑎𝑛 𝐷𝑒𝑙𝑎 𝐶𝑟𝑢𝑧
𝐿𝑎𝑦𝑜𝑢𝑡 𝑛𝑖: 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

19/08/2024

"𝐒𝐀 𝐏𝐀𝐆𝐊𝐔𝐇𝐀 𝐍𝐆 𝐌𝐆𝐀 𝐋𝐀𝐑𝐀𝐖𝐀𝐍 𝐀𝐘 𝐍𝐀𝐊𝐔𝐊𝐔𝐇𝐀 𝐃𝐈𝐍 𝐀𝐍𝐆 𝐏𝐔𝐒𝐎 𝐍𝐆 𝐌𝐆𝐀 𝐓𝐀𝐎."

Tuwing 𝐢𝐤𝐚-𝟏𝟗 𝐧𝐠 𝐀𝐠𝐨𝐬𝐭𝐨 ay ipinagdiriwang ang 𝐖𝐨𝐫𝐥𝐝 𝐏𝐡𝐨𝐭𝐨𝐠𝐫𝐚𝐩𝐡𝐲 𝐃𝐚𝐲, bilang pagkilala sa mga mahuhusay na mga photographer. Kaya sa araw na ito ay mas lalong hinihikayat ang mga photographer sa buong mundo na ipakita ang mga larawang nakuhanan sa lahat ng sangkatauhan upang maengganyo ang mga tao at mapahalagahan ito.

Ayon kay 𝐂𝐨𝐮𝐫𝐭𝐧𝐞𝐲 𝐌𝐚𝐧𝐚𝐫𝐚𝐧𝐠 na isang photojournalist, "𝐊𝐚𝐭𝐨𝐭𝐨𝐡𝐚𝐧𝐚𝐧" ang tumatatak sa kaniyang isipan sa bawat pagkuha ng larawan, sa kadahilanang gustong maghatid ng katotohanan at walang kasinungalingan, at maglingkod sa mga mamamayan upang malaman ang mga nangyayari sa kapaligiran at sa komunidad. Katulad ni Courtney ay may dahilan din ang mga ibang photographer sa pagkuha ng larawan maaaring para maglingkod, para sa sariling kasiyahan, propesiyon nila at marami pang iba.

"𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐌𝐆𝐀 𝐌𝐀𝐇𝐔𝐇𝐔𝐒𝐀𝐘 𝐍𝐀 𝐏𝐇𝐎𝐓𝐎𝐆𝐑𝐀𝐏𝐇𝐄𝐑 𝐍𝐀 𝐊𝐈𝐍𝐔𝐊𝐔𝐇𝐀𝐍𝐀𝐍 𝐀𝐍𝐆 𝐆𝐀𝐍𝐃𝐀 𝐍𝐆 𝐀𝐓𝐈𝐍𝐆 𝐌𝐔𝐍𝐃𝐎 𝐀𝐓 𝐈𝐏𝐈𝐍𝐀𝐏𝐀𝐀𝐋𝐀𝐋𝐀 𝐍𝐀 𝐏𝐀𝐇𝐀𝐋𝐀𝐆𝐀𝐇𝐀𝐍 𝐀𝐍𝐆 𝐁𝐀𝐖𝐀𝐓 𝐌𝐀𝐇𝐈𝐊𝐀 𝐒𝐀 𝐁𝐀𝐖𝐀𝐓 𝐏𝐀𝐆𝐊𝐀𝐊𝐀𝐓𝐀𝐎𝐍."

𝑀𝑔𝑎 𝑠𝑎𝑙𝑖𝑡𝑎 𝑛𝑖: 𝑁𝑖𝑐ℎ𝑜𝑙𝑒 𝐷𝑒𝑙𝑎 𝑃𝑒ñ𝑎
𝐿𝑎𝑦𝑜𝑢𝑡 𝑛𝑖: 𝐿𝑎𝑑𝑦 𝐹𝑒𝑟𝑛𝑎𝑛𝑑𝑒𝑧

28/07/2024

𝗪𝗢𝗥𝗟𝗗 𝗛𝗘𝗣𝗔𝗧𝗜𝗧𝗜𝗦 𝗗𝗔𝗬!

Ngayong 𝗶𝗸𝗮-𝟮𝟴 𝗻𝗴 𝗛𝘂𝗹𝘆𝗼 𝟮𝟬𝟮𝟰 ay ipinagdiriwang ang World Hepatitis Day upang itaas ang kamalayan tungkol sa hepatitis. Ang hepatitis ay isang sakit na nagdudulot ng pamamaga sa liver cells at impeksiyon sa atay.

Ayon sa artikulo ng World Health Organization (WHO), ang araw ng Hulyo 28 ang napili upang gunitain ang kaarawan ng isang Nobel-prize winning scientist na si Dr. Baruch Blumberg, na nakadiskubre ng Hepatitis B at ang unang gumawa ng bakuna para malabanan ang sakit na ito.

Ang World Hepatitis Day ay naglalayong hikayatin ang mas marami pang tao na magpasuri, magpabakuna, at magkaroon ng sapat na kamalayan ukol sa pag-iwas at paggamot ng sakit. Binibigyan nitong diin ang kahalagahan ng pagtutulungan upang labanan ang hepatitis at
protektahan ang kalusugan ng bawat isa.

Samahan niyo kami ngayong ika-28 ng Hulyo sa pagpapataas ng kamalayan para sa panganib na dala ng sakit na hepatitis.

𝑆𝑎𝑙𝑖𝑡𝑎 𝑛𝑖: 𝐽𝑎𝑚𝑒𝑙𝑎 𝑀𝑎𝑒 𝐶. 𝐺𝑎𝑟𝑐𝑖𝑎
𝐼𝑛𝑖𝑤𝑎𝑠𝑡𝑜 𝑛𝑖: 𝐽𝑎𝑛𝑛𝑎ℎ 𝑅𝑒𝑠𝑝𝑖𝑐𝑖𝑜
𝑃𝑜𝑠𝑡𝑒𝑟 𝑛𝑖: 𝐹𝑎𝑖𝑡ℎ 𝑅𝑜𝑠𝑎𝑙𝑒𝑠

27/07/2024

𝗗𝗲𝗽𝗮𝗿𝘁𝗮𝗺𝗲𝗻𝘁𝗼 𝗻𝗴 𝗔𝗴𝗵𝗮𝗺, 𝗻𝗮𝗴𝗹𝘂𝗻𝘀𝗮𝗱 𝗻𝗴 𝗟𝗲𝗮𝗱𝗲𝗿𝘀𝗵𝗶𝗽 𝗧𝗿𝗮𝗶𝗻𝗶𝗻𝗴

Isang leadership training camp ang idinaos para sa mga mag-aaral na nais maging bahagi ng organisasyong YES-O nitong ika-23 ng Hulyo sa San Roque National High School.

Layon ng seminar na linangin ang kasanayan sa pamumuno ng mga estudyante at magbigay ng kaalaman sa tamang pangangalaga ng kalikasan.

Pinamagatan ang programa na "𝗕𝘂𝗶𝗹𝗱𝗶𝗻𝗴 𝗟𝗲𝗴𝗮𝗰𝗶𝗲𝘀: 𝗣𝗶𝗼𝗻𝗲𝗲𝗿𝗶𝗻𝗴 𝗟𝗲𝗮𝗱𝗲𝗿𝘀𝗵𝗶𝗽 𝗮𝗻𝗱 𝗨𝗻𝘄𝗮𝘃𝗲𝗿𝗶𝗻𝗴 𝗦𝘁𝗲𝘄𝗮𝗿𝗱𝘀𝗵𝗶𝗽 𝗶𝗻 𝗘𝗻𝘃𝗶𝗿𝗼𝗻𝗺𝗲𝗻𝘁𝗮𝗹 𝗮𝗻𝗱 𝗦𝗰𝗶𝗲𝗻𝘁𝗶𝗳𝗶𝗰 𝗣𝘂𝗿𝘀𝘂𝗶𝘁𝘀."

Sinimulan ang seminar sa pangunguna nina Bb. Miracle Faith L. Tuazon at Bb. Clarise Angel T. Lising ang pagbubukas ng gawain kasunod ng pag-awit ng Lupang Hinirang na isinagawa ni Gng. Karren Quiambao.

Itinuro naman ni Bb. Angela Joy C. Victoria ang mga katangian na dapat at kailangan taglayin ng isang lider.

Kasunod nito, ipinaliwanag naman ni Bb. Melanie Grace M. Bantula ang mga konstitusyon at mga batas ng YES-O.

Sa pamamagitan ng programang ito nagkaroon ang mga lider at mga potensyal na lider ng pagkakataon upang maipamalas at mahasa ang kanilang angking galing sa iba't ibang aspeto sa pamamagitan ng pakikilahok sa iba't ibang mga aktibidad.

𝑀𝑔𝑎 𝑠𝑎𝑙𝑖𝑡𝑎 𝑛𝑖: 𝐽𝑒𝑟𝑙𝑒𝑛 𝐺𝑎𝑟𝑐𝑖𝑎
𝑀𝑔𝑎 𝑙𝑖𝑡𝑟𝑎𝑡𝑜 𝑛𝑖𝑛𝑎: 𝐸𝑙𝑗𝑎𝑦 𝑅𝑜𝑗𝑎𝑠 𝑎𝑡 𝐴𝑠ℎ𝑎𝑛𝑡𝑖 𝐵𝑒𝑟𝑛𝑎𝑟𝑑𝑜
𝐿𝑎𝑦𝑜𝑢𝑡 𝑛𝑖: 𝐴𝐽 𝑀𝑎𝑙𝑙𝑎𝑟𝑖
𝐼𝑛𝑖𝑤𝑎𝑠𝑡𝑜 𝑛𝑖: 𝐽𝑎𝑛𝑛𝑎ℎ 𝑅𝑒𝑠𝑝𝑖𝑐𝑖𝑜

26/07/2024

𝐒𝐑𝐍𝐇𝐒, 𝐧𝐚𝐤𝐢𝐛𝐚𝐡𝐚𝐠𝐢 𝐬𝐚 𝐍𝐚𝐭𝐢𝐨𝐧𝐚𝐥 𝐋𝐞𝐚𝐫𝐧𝐢𝐧𝐠 𝐂𝐚𝐦𝐩

Inilunsad ang National Learning Camp (NLC) sa San Roque National High School na programa ng Department of Education (DepEd) bilang voluntary learning recovery para sa mga mag-aaral.

Umabot ng 148 na Roqueans ang masigasig na sumali sa naturang programa na nagsimula nitong ika-2 ng Hulyo at nagtapos ng ika-18 ng Hulyo ng taong kasalukuyan.

Sa pagsisimula ng proyekto, ibinahagi ng San Roque National High School ang plano at layunin ng DepEd sa programang ito sa mga mag-aaral at mga magulang.

Binuo ito upang makabangon ang mga kabataang Pilipino mula sa pandemic-related learning losses.

Nakatuon ito para sa mga Grade 7 hanggang Grade 10 upang mapalalim at madagdagan pa ang kanilang kaaalaman sa asignaturang English, Science at Mathematics.

May tatlong bahagi ang NLC, dito malalaman ng mga g**o kung saan nabibilang ang isang mag-aaral batay sa kaniyang pangangailangan.

Ito ang Enhancement, Intervention at ang Consolidation camp na tutuon sa mga pangangailangan sa pagkatuto ng mga mag-aaral.

Masayang nagsipagtapos ang mga mag-aaral kasama ang kanilang magulang at mga g**o.

Tunay ngang malaking tulong ang NLC, sa mga mag-aaral upang maging handa sila sa susunod na yugto ng kanilang pag-aaral.

𝑀𝑔𝑎 𝑠𝑎𝑙𝑖𝑡𝑎 𝑛𝑖: 𝐽𝑎𝑑𝑒 𝐷𝑢𝑙𝑖𝑛
𝑀𝑔𝑎 𝑙𝑖𝑡𝑟𝑎𝑡𝑜 𝑛𝑖𝑛𝑎: 𝐽𝑒𝑝𝑠𝑦 𝑂𝑟𝑙𝑎𝑧𝑎 𝑎𝑡 𝐶𝑜𝑢𝑟𝑡𝑛𝑒𝑦 𝑀𝑎𝑛𝑎𝑟𝑎𝑛𝑔
𝐿𝑎𝑦𝑜𝑢𝑡 𝑛𝑖: 𝐾𝑎𝑡𝑙𝑦𝑛 𝐵𝑎𝑟𝑟𝑖𝑜𝑛
𝐼𝑛𝑖𝑤𝑎𝑠𝑡𝑜 𝑛𝑖: 𝐽𝑎𝑛𝑛𝑎ℎ 𝑅𝑒𝑠𝑝𝑖𝑐𝑖𝑜

24/07/2024

𝗦𝗥𝗡𝗛𝗦 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 '𝟮𝟰, 𝘂𝗺𝗮𝗿𝗮𝗻𝗴𝗸𝗮𝗱𝗮 𝗻𝗮

Opisyal nang inilunsad ang Brigada Eskwela 2024 nitong ika-22 ng Hulyo sa SRNHS, na may temang "Bayanihan para sa Matatag na Paaralan", sa pangunguna ng mga mag-aaral, magulang at mga g**o ng paaralan.

Pinangunahan ni Gng. Karren Quaimbao ang panalangin kasunod ng pag-awit ng Lupang Hinirang na isinagawa ni Bb. Exie Dee Grace Medina.

Ipinaliwanag ni G. Laurel Medina ang Regional Memorandum No. 474 s. 2024 at ang mga kailangang gawin ng bawat isa sa pag-arangkada ng Brigada mula Hulyo 22 hanggang Hulyo 27.

Inabisuhan naman nina Gng. Rowena Manipon at G. Laurel Medina ang mga mag-aaral at magulang ukol sa mga namumuno ng programa, para sa mga may karagdagang katanungan.

Hindi na pinahaba pa ni Gng. Leonida Desierto ang kanyang panghuling mensahe upang ilaan ng karamihan ang kanilang oras sa paglilinis at pagpapanatili ng kaligtasan ng bawat isa sa paaralan.

𝑆𝑎𝑙𝑖𝑡𝑎 𝑛𝑖: 𝐴𝑢𝑏𝑟𝑒𝑦 𝐴𝑙𝑓𝑜𝑛𝑠𝑜
𝐿𝑎𝑦𝑜𝑢𝑡 𝑛𝑖: 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑
𝑃ℎ𝑜𝑡𝑜𝑗𝑜𝑢𝑟𝑛𝑎𝑙𝑖𝑠𝑡: 𝐶𝑜𝑢𝑟𝑡𝑛𝑒𝑦 𝑀𝑎𝑛𝑎𝑟𝑎𝑛𝑔

16/07/2024

Nitong 𝗶𝗸𝗮 -𝟭𝟱 𝗻𝗴 𝗛𝘂𝗹𝘆𝗼 ay pinagdiriwang ang 𝗪𝗼𝗿𝗹𝗱 𝗬𝗼𝘂𝘁𝗵 𝗦𝗸𝗶𝗹𝗹𝘀 𝗗𝗮𝘆 na may temang "𝗬𝗼𝘂𝘁𝗵 𝗦𝗸𝗶𝗹𝗹𝘀 𝗳𝗼𝗿 𝗣𝗲𝗮𝗰𝗲 𝗮𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁."
Ito ay upang bigyang diin ang mahahalagang papel na ginagampanan ng mga kabataan sa pagbuo ng kapayapaan at paglutas ng mga salungatan.

Ang mga marahas na karanasan na nakakaapekto sa edukasyon, at ang hindi pagkapantay-pantay sa ekonomiya ay naglilimita sa mga oportunidad na nararapat sa karamihan na lubos na nakakaapekto sa mga kabataan. Sa pagpapamalas ng talento at kakayahan, suporta ang kailangan lalo na ng mga kabataan. Imbis na sabihing “ hindi ito praktikal “ bakit hindi natin sila bigyan ng pagkakataong maipakita kung anong magandang epekto nito sa kanilang buhay?

Sa World Youth Skills Day, magkaisa tayo sa pagkilala sa potensyal ng mga kabataan bilang mga ahente ng kapayapaan at mangako sa pagbibigay sa kanila ng mga kasanayan at pagkakataon upang tugunan ang mga hamon at makibahagi sa isang mapayapa, maunlad, at napapanatiling kinabukasan.

𝑆𝑎𝑙𝑖𝑡𝑎 𝑛𝑖: 𝐽𝑎𝑑𝑒 𝐷𝑢𝑙𝑖𝑛
𝑃𝑜𝑠𝑡𝑒𝑟 𝑛𝑖: 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

11/07/2024

𝗠𝗔𝗟𝗜𝗚𝗔𝗬𝗔𝗡𝗚 𝗔𝗥𝗔𝗪 𝗡𝗚 𝗣𝗢𝗣𝗨𝗟𝗔𝗦𝗬𝗢𝗡

Bata, bata, gising kana ba?
Mga mata mo'y mulat na ba?
Tulad ng iyong inang ginigising ka sa umaga kinakailangang tap*kin ka pa ba?
Mga napapahong isyu sa bansa ngayon, alam mo na ba?
Kung hindi pa, ipapaliwanag ko. Hayaan mong ikuwento ko sayo at ipaalala ang mga mahahalagang isyu.

Kung kukumustahin mo man ang mundo, puno pa rin ito ng diskriminasyon marami pa rin sa mga kapwa natin ang nagtatago sa aparador at hindi maipakita ang tunay na katauhan dahil marami sa kanila ang hindi tanggap ng lipunan. Marami pa rin ang inosente at hindi alam ang kahalagahan ng reproductive health, maraming mapupusok na kabataan ang walang sapat na kaalaman sa tuwing umiinit ang katawan. Marami pa rin ang pumapasok sa yungib ng tukso nang hindi alam ang tamang pagplaplano sa pagbuo ng pamilya, kaya naman sa dulo mga tao sa mundo'y mala nagsisiksikang sardinas sa lata. 2024 na nga at marami pa rin ang pinipiling maging mapagsawalang bahala. Pagiging iresponsable sa mga kalat, mga kanal tuloy barado at bumabaha,
mga puno ay tinutumba, mga sasakyan na tila ba sing-itim ng black magic ang usok,
climate change ay nagkalabo-labo,
mas uminit ang klima at ang daloy ng panahon ay hindi na tulad ng dati.

At kapag sobrang dami ng populasyon natin, ano? Mga isyu sa mundo ay hindi matapos-tapos. Mula sa walang hanggang pangunahin nating pangangailangan kay hirap na ring tugunan, mga tao sa mundo ay hindi na magkaintindihan, marami ang pinipili na lang magbulag-bulagan sa isyu ng lipunan.

Ngayong araw ng World Population,
inaalala natin ang kahalagahan ng ating mga layunin at tungkulin para pangalagaan ang ating kalikasan at maging isang responsableng mamamayaman.

Simulan mo ito sa pagbukas ng iyong isipan, subukang hanapan ng solusyon ang misteryo ng mundo, at higit sa lahat umaksyon patungo sa pag-unlad at pagbabago.
Kaya huwag kang mapusok! Pag-isipan ang mga desisyon dahil hindi paurong ang takbo ng oras para magbulagbulagan sa isyu ng lipunan. Hindi pa huli para limitahan ang kaalaman, hindi pa huli para makiisa at humanap ng solusyon sa problema ng mundong dapat may samahan.

Maligayang Araw ng Populasyon para sa mga taong binubuksan, inaalam at hindi nagsasawang makamit ang hustisya mula sa maliit hanggang sa malaking problema. Maligayang Araw ng Populasyon, dahil mas pinili mong tanggapin ang pait ng katotohanan at gumawa ng paraan para sa mas magandang kinabukasan.

𝑆𝑎𝑙𝑖𝑡𝑎 𝑛𝑖: 𝐻𝑎𝑛𝑛𝑎 𝑆𝑎𝑛𝑐ℎ𝑒𝑧
𝑃𝑜𝑠𝑡𝑒𝑟 𝑛𝑖: 𝐹𝑎𝑖𝑡ℎ 𝑅𝑜𝑠𝑎𝑙𝑒𝑠

11/07/2024

Iniaabot ng Ing Siuala mainit na suporta, 𝗶𝗽𝗶𝗻𝗮𝗴𝗺𝗮𝗺𝗮𝗹𝗮𝗸𝗶 𝗻𝗮𝗺𝗶𝗻 𝗸𝗮𝘆𝗼!

𝑃𝑜𝑠𝑡𝑒𝑟 𝑛𝑖𝑛𝑎: 𝐽𝑎𝑒𝑚𝑒𝑒 𝑇𝑜𝑟𝑟𝑒𝑠 𝑎𝑡 𝐾𝑎𝑡𝑙𝑦𝑛 𝐵𝑎𝑟𝑟𝑖𝑜𝑛

08/07/2024

𝐈𝐊𝐀-𝟗 𝐍𝐆 𝐇𝐔𝐋𝐘𝐎 | 𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍 🥳

Maligayang kaarawan sa katuwang na tagapayo at tagapagsanay ng 𝐈𝐧𝐠 𝐒𝐢𝐮𝐚𝐥𝐚 na si 𝐆. 𝐑𝐍 𝐀𝐧𝐮𝐧𝐜𝐢𝐚𝐜𝐢𝐨𝐧!

𝒜𝓃𝑔 ℐ𝓃𝑔 𝒮𝒾𝓊𝒶𝓁𝒶 𝒶𝓎 𝓁𝓊𝒷ℴ𝓈 𝓃𝒶 𝓃𝒶𝑔𝓅𝒶𝓅𝒶𝓈𝒶𝓁𝒶𝓂𝒶𝓉 𝓈𝒶 𝒾𝓎ℴ𝓃𝑔 𝓌𝒶𝓁𝒶𝓃𝑔 𝓈𝒶𝓌𝒶𝓃𝑔 𝓈𝓊𝓅ℴ𝓇𝓉𝒶 𝒶𝓉 𝑔𝒶𝒷𝒶𝓎 𝓈𝒶 𝒶𝓂𝒾𝓃𝑔 𝓂𝑔𝒶 𝒷𝒶𝓉𝒶𝓃𝑔 𝓂𝒶𝓂𝒶𝓂𝒶𝒽𝒶𝓎𝒶𝑔. 𝒢. ℛ𝒩!

07/07/2024

"PITONG LETRANG GINTO"

"LANGGA, SORRY!! MAHAL KITA!!"

Hagulgol at pasigaw na iyak ng babae sa harap ng nakaratay at payapang mukha ng lalaki na sumakabilang buhay. Halos utal-utal ang mga salitang lumalabas sa kaniyang bibig dahil sa sakit na nararamdaman.

Hayyyyy....Kung makaiyak akala mo ay trinato nito nang maayos ang asawa. Araw at gabi ay sinisigawan niya ito dahil sa pagkakamali. Kulang lang ang naibigay na pera ay halos hiwalayan niya na ito.

"PA! BAKIT!? PATAWARIN MO'KO!"

P**a at maga ang mata ng isang dalagang babae habang papalapit sa kabaong. Mabigat ang bawat hakbang nito dahil sa kirot ng puso dulot ng sakit.

Tsk tsk tsk! Noong nabubuhay pa ang ama, hindi naman naging mabuting anak. Hindi lang naibigay ang gustong materyal na bagay, puro sumbat na ang ginawa. Kung sagut-sagutin ang ama ay para bang may napatunayan na.

"PARE! PASENSYA! BUMALIK KA NA!"

Sa pagbagsak ng kaniyang luha ay kasabay nito ang pagbagsak ng kaniyang tuhod sa malamig na semento. Pabulong na lamang ang mga salitang binibitawan nito.

Teka?....Nasaan ba ito noong nangangailangan ng tulong? Siya pala ang lalaking hindi marunong lumingon sa pinanggalingan. Siya ang kaibigan na nariyan kapag may kailangan, pero pag ikaw ang nangailangan...wala!

-------------------------------

"Boss, hindi pa ba tayo aalis?"

Napatigil ako sa pakikinig ng mga mensahe nang tawagin ako ng aking empleyado.

"LUISITA FUNERAL SERVICE"

Bahagya akong napatingin muli sa uniporme ng aking empleyado...."Si nanay." Bulong ko.

Kami ang nag-asikaso ng funeral service nitong namayapang lalaki. Huling gabi na nito kaya naman nagbibigay mensahe ang mga ito.

Dati ko nang naramdaman ang sitwasyon na meron sila ngayon. Noong nawala si inay, wala ni katiting na luha ang lumabas sa aking mata. Hindi dahil hindi ko siya mahal, kundi dahil hindi ako karapatdapat sa kaniya. Puro masasakit na salita at sumbat lang ang natanggap ni nanay sa akin. Reklamo at galit ang naiparamdam ko sa kaniya. Hindi ko nakita ang mga sakripisyo niya sa akin.

"Kapag ako'y namatay, huwag na kayong magbigay ng mensahe dahil ang mga mensaheng 'yan ay dapat sinabi na noong nabubuhay pa ako."

Ito ang minsan nang sinabi ng aking nanay. May kirot sa puso ko noong narinig ko ito.

"KUNG ANG DIYOS NAGPAPATAWAD PWES AKO HINDI!"

Ang salitang hindi ko malilimutan at habang buhay na pagsisisihang nabitawan kong salita sa aking ina.

Hindi pa huli ang lahat para sabihing—"𝗣𝗔𝗧𝗔𝗪𝗔𝗗."

𝑆𝑎𝑙𝑖𝑡𝑎 𝑛𝑖: 𝑅𝑒𝑖𝑛𝑒 𝐼𝑙𝑎𝑔𝑎𝑛
𝑃𝑜𝑠𝑡𝑒𝑟 𝑛𝑖: 𝐾𝑎𝑡𝑙𝑦𝑛 𝐵𝑎𝑟𝑟𝑖𝑜𝑛

04/07/2024

𝗦𝗥𝗡𝗛𝗦 𝗜𝗻𝘁𝗲𝗿𝗯𝗮𝘁𝗰𝗵 𝗕𝗮𝘀𝗸𝗲𝘁𝗯𝗮𝗹𝗹 𝗟𝗲𝗮𝗴𝘂𝗲 𝗡𝗲𝘄 𝗦𝗲𝗮𝘀𝗼𝗻 𝟮𝟬𝟮𝟰

Matagumpay na isinagawa ang opening parade ng Interbatch Basketball League New Season 2024 nitong ika-30 ng Hunyo na dinaluhan ng iba’t-ibang kalahok sa San Roque National High School.

Pinangunahan ang naturang programa nina Ginoong June Vital bilang Overall Batch Coordinator at Sir Ricalito Payad bilang Overall Head Organizer.

Ang mga manlalaro ay ang mga dating mag-aaral ng SRNHS na mula sa batch 1994 - 2019.
Nasa dalawampu't limang batch ng mga Roqueans ang nagtagisan sa palarong ito kaya't mababakas sa kanilang mukha ang kaba ngunit mas nangingibabaw ang tuwa dahil mula silang nagsama-sama.

𝑆𝑎𝑙𝑖𝑡𝑎 𝑛𝑖: 𝑃𝑟𝑒𝑐𝑖𝑜𝑢𝑠 𝐿𝑦𝑘𝑎 𝑃𝑎𝑙𝑒𝑠
𝐿𝑎𝑦𝑜𝑢𝑡 𝑛𝑖: 𝑅𝑜𝑎𝑛 𝐷𝑒𝑙𝑎 𝐶𝑟𝑢𝑧

03/07/2024

𝗣𝗔𝗦𝗔𝗦𝗔𝗟𝗔𝗠𝗔𝗧 𝗔𝗧 𝗣𝗔𝗚𝗣𝗨𝗣𝗨𝗚𝗔𝗬 𝗦𝗔 𝗜𝗡𝗬𝗢𝗡𝗚 𝗟𝗔𝗛𝗔𝗧!

Pagkilala sa ating mga matatapang na estudyanteng mamamahayag na nagpamalas ng kanilang mga natatanging akda at kontribusyon sa likod ng paghahatid ng makatotohanan at maaasahang balita.

Salamat sa paggamit ng inyong pag-ibig sa pagsusulat sa larangan ng pamamahayag upang bigyang liwanag ang katotohanan. Ang inyong mga naihatid na balita ay nagbigay ng kamulatan at kamalayan sa bawat indibidwal.

Ating kilalanin ang mga mahuhusay na estudyanteng bumuo ng Ing Siuala para sa taong 2023-2024. Pagpupugay sa inyong pagpapamalas ng inyong mga angking galing sa likod ng mga maaasahang balitang naihahatid sa mga tao.

𝗜𝗣𝗜𝗡𝗔𝗚𝗠𝗔𝗠𝗔𝗟𝗔𝗞𝗜 𝗡𝗔𝗠𝗜𝗡 𝗞𝗔𝗬𝗢!

𝑆𝑎𝑙𝑖𝑡𝑎 𝑛𝑖: 𝐽𝑒𝑟𝑙𝑒𝑛 𝐺𝑎𝑟𝑐𝑖𝑎
𝑃𝑜𝑠𝑡𝑒𝑟 𝑛𝑖𝑛𝑎:𝑅𝑜𝑎𝑛 𝐷𝑒𝑙𝑎 𝐶𝑟𝑢𝑧 𝑎𝑡 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

02/07/2024

𝗪𝗢𝗥𝗟𝗗 𝗦𝗣𝗢𝗥𝗧𝗦 𝗝𝗢𝗨𝗥𝗡𝗔𝗟𝗜𝗦𝗧 𝗗𝗔𝗬

Ngayong ika-2 ng Hulyo ay ipinagdiriwang ang espesyal na araw ng mga manunulat sa larangan ng isports sa buong mundo. Sila'y ating bigyang pugay sa kanilang tagumpay at kanilang pagpapatuloy sa pagsisikap at pagpapalaganap ng kaalaman tungkol sa balitang pampalakasan.

Ang pagpapahayag ng balitang isports ay 'di biro. Nangangailangan ito ng tiyaga, dedikasyon, at kalidad sa pagpapahayag ng tiyak at walang mintis na balita. At dahil dito milyon-milyon ding mga tagahanga sa buong mundo ang nagkakaroon ng kamalayan sa bawat piling larangang isports.

Sa inyong serbisyo, kami ay tunay na humahanga. Nawa'y ipagpatuloy ninyo ang kahusayan, kasipagan, at katapatan sa pagpapahayag ng balitang pampalakasan! Saludo kami sa inyo!

𝑆𝑎𝑙𝑖𝑡𝑎 𝑛𝑖: 𝐼𝑣𝑎𝑛 𝐹𝑎𝑗𝑎𝑟𝑑𝑜
𝑃𝑜𝑠𝑡𝑒𝑟 𝑛𝑖: 𝐿𝑎𝑑𝑦 𝐹𝑒𝑟𝑛𝑎𝑛𝑑𝑒𝑧

25/06/2024

𝗠𝗔𝗠𝗨𝗟𝗔𝗧. 𝗠𝗔𝗞𝗜𝗔𝗟𝗔𝗠. 𝗠𝗔𝗞𝗜𝗕𝗔𝗞𝗔

ATIN ANG WEST PHILIPPINE SEA!!

Bilang isang mamamayang Pilipino marapat lamang na tayo'y maging MAPANURI at MAKIBAHAGI ukol sa mga isyung kinahaharap ng ating bansa.
Sa kasalukuyan, ang ating bansa'y humaharap sa krisis laban sa Tsina. Sa patuloy na pag-aangkin ng bansang Tsina sa ating karagatan, maraming Pilipino na ang naaapektuhan. Sila'y nakararanas ng mga paglabag sa karapatang pantao mula sa kamay ng mga Tsino.

Ang labang ito ay hindi lamang laban ng gobyerno ngunit laban ito ng bawat mamamayang Pilipino. Gamitin natin ang ating boses upang maibahagi ang adhikaing protektahan ang West Philippine Sea . Nawa'y sama-sama nating ipagtanggol ang ating karagatan. Ipakita natin ang mga Pilipinong hindi magpapalupig kahit kanino. Ang mga Pilipinong walang takot na lalaban para sa ating bayan. Huwag nating hahayaang tayo'y mawalan ng karapatan sa sarili nating teritoryo.

Ang West Philippine Sea ay kailanma'y hindi magiging South China Sea, ito'y bahagi ng ating bansa. Bahagi ng ating nakaraan at patuloy na magiging bahagi ng ating kinabukasan.

𝗦𝗔 𝗠𝗚𝗔 𝗠𝗔𝗡𝗔𝗡𝗔𝗞𝗢𝗣 𝗔𝗬 𝗛𝗜𝗡𝗗𝗜 𝗧𝗔𝗬𝗢 𝗣𝗔𝗣𝗔𝗦𝗔𝗞𝗢𝗣.



Mga salita ni: Precious Lleana B. Pales
Poster ni: Katlyn Barrion

20/06/2024

𝗩𝗣 𝗦𝗮𝗿𝗮 𝗗𝘂𝘁𝗲𝗿𝘁𝗲, 𝗻𝗮𝗴𝗯𝗶𝘁𝗶𝘄 𝘀𝗮 𝗸𝗮𝗻𝘆𝗮𝗻𝗴 𝗺𝗴𝗮 𝗽𝗼𝘀𝗶𝘀𝘆𝗼𝗻

Nagbitiw nitong Miyerkules si Vice President Sara Duterte bilang kalihim ng Department of Education (DepEd) at vice chairperson ng National Task Force to End Local Communist Armed Conflict (NTF-ELCAC).

Nilinaw ni VP Sara Duterte na ang kanyang pag-alis sa Deped ay hindi umano dulot ng kahinaan kundi malasakit sa mga g**o at mag-aaral.

"Hindi man ako tumatayong kalihim ng edukasyon, mananatili akong isang ina - isang ina na nagmamatyag at titindig para sa kapakanan ng bawat g**o at bawat mag-aaral sa Pilipinas para sa isang matatag na Pilipinas," pahayag nito sa isang press conference pagkatapos magbitiw sa kanyang posisyon.

Ayon naman kay Presidential Communications Office (PCO) Secretary Cheloy Garafil, tinanggap ni PBBM ang pagbitiw ni VP Sara Duterte sa kanyang mga posisyon.

Lubos ang pasasalamat ni VP Sara Duterte sa kanyang mga naging katuwang na sumuporta sa kanya upang maipatupad ang mga programa niya sa edukasyon.

Sa kasalukuyan, hindi pa malinaw kung sino ang papalit sa kanyang binitawang posisyon.

𝑆𝑎𝑙𝑖𝑡𝑎 𝑛𝑖: 𝐴𝑢𝑏𝑟𝑒𝑦 𝐴𝑙𝑓𝑜𝑛𝑠𝑜
𝑃𝑜𝑠𝑡𝑒𝑟 𝑛𝑖: 𝐿𝑎𝑑𝑦 𝐹𝑒𝑟𝑛𝑎𝑛𝑑𝑒𝑧

16/06/2024

𝗠𝗔𝗟𝗜𝗚𝗔𝗬𝗔𝗡𝗚 𝗔𝗥𝗔𝗪 𝗡𝗚 𝗠𝗚𝗔 𝗔𝗠𝗔!

Ngayong 𝗶𝗸𝗮-𝟭𝟲 𝗻𝗴 𝗛𝘂𝗻𝘆𝗼 ay ipinagdiriwang ang espesyal na araw para sa lahat ng ama o haligi ng tahanan na kung tawagin. Ito ay upang magbigay pugay sa lahat ng tatay, papa, dada, itay, daddy, dad, erpats sa mundo dahil sa kanilang pagbibigay ng tatag at suporta sa bawat tahanang kanilang kinabibilangan.

Ang mga ama na hindi alintana ang kanilang pagod masig**o lamang ang magandang kinabukasan na inaasam nila para sa kanilang mga anak. Ang kanila ring walang humpay na pagpapakita ng kanilang pagmamahal at aruga sa araw-araw na pagtaguyod ay hinding hindi mapapantayan ng kahit sinuman.

𝗜𝘀𝗮𝗻𝗴 𝗺𝗮𝗹𝗶𝗴𝗮𝘆𝗮𝗻𝗴 𝗽𝗮𝗴𝗽𝘂𝗽𝘂𝗴𝗮𝘆 𝗽𝗮𝗿𝗮 𝘀𝗮 𝗹𝗮𝗵𝗮𝘁 𝗻𝗴 𝗵𝗮𝗹𝗶𝗴𝗶 𝗻𝗴 𝗯𝗮𝘄𝗮𝘁 𝘁𝗮𝗵𝗮𝗻𝗮𝗻! 𝗠𝗮𝗿𝗮𝗺𝗶𝗻𝗴 𝘀𝗮𝗹𝗮𝗺𝗮𝘁 𝗽𝗼 𝗮𝘁 𝘀𝗮𝗹𝘂𝗱𝗼 𝗸𝗮𝗺𝗶 𝘀𝗮 𝗶𝗻𝘆𝗼!

𝑆𝑎𝑙𝑖𝑡𝑎 𝑛𝑖: 𝐴𝑢𝑏𝑟𝑒𝑦 𝐴𝑙𝑓𝑜𝑛𝑠𝑜
𝑃𝑜𝑠𝑡𝑒𝑟 𝑛𝑖: 𝑅𝑜𝑎𝑛 𝐷𝑒𝑙𝑎 𝐶𝑟𝑢𝑧

15/06/2024

Ngayong 𝗶𝗸𝗮-𝟭𝟱 𝗻𝗴 𝗛𝘂𝗻𝘆𝗼 ay ipinagdiriwang ang 𝗪𝗼𝗿𝗹𝗱 𝗘𝗹𝗱𝗲𝗿 𝗔𝗯𝘂𝘀𝗲 𝗔𝘄𝗮𝗿𝗲𝗻𝗲𝘀𝘀 𝗗𝗮𝘆 na may temang "𝗦𝗽𝗼𝘁𝗹𝗶𝗴𝗵𝘁 𝗼𝗻 𝗢𝗹𝗱𝗲𝗿 𝗣𝗲𝗿𝘀𝗼𝗻𝘀 𝗶𝗻 𝗘𝗺𝗲𝗿𝗴𝗲𝗻𝗰𝗶𝗲𝘀."

Ito ay naglalayong magbigay ng kamalayan na may mga taong may edad na ang nakararanas ng pang-aabuso kung kaya't bilang parte ng kanilang buhay, protektahan natin sila at alagaan sa lahat ng pagkakataon lalo na't sila naman ang may kailangan ng ating tulong.

𝑆𝑎𝑙𝑖𝑡𝑎 𝑛𝑖: 𝐽𝑎𝑑𝑒 𝐷𝑢𝑙𝑖𝑛
𝑃𝑜𝑠𝑡𝑒𝑟 𝑛𝑖: 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

13/06/2024

Kumusta, Roqueans? 🤗
Kami ay may handog na magandang balita sa inyo!

Alam n'yo na ba? 🤔
Ang Ing Siuala ay bukas sa pagtanggap ng mga 𝗟𝗔𝗬𝗢𝗨𝗧 𝗔𝗥𝗧𝗜𝗦𝗧 na interesadong sumali upang makibahagi sa pagsisiwalat ng mga impormasyong pawang katotohanan lamang.

Kaya't ano pang hinihintay mo? 𝗦𝗮𝗹𝗶 𝗻𝗮 𝘀𝗮 𝗜𝗻𝗴 𝗦𝗶𝘂𝗮𝗹𝗮! 𝗔𝗻𝗴 𝗢𝗽𝗶𝘀𝘆𝗮𝗹 𝗻𝗮 𝗣𝗮𝗵𝗮𝘆𝗮𝗴𝗮𝗻 𝘀𝗮 𝗙𝗶𝗹𝗶𝗽𝗶𝗻𝗼 𝗻𝗴 𝗦𝗮𝗻 𝗥𝗼𝗾𝘂𝗲 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹.

𝑆𝑎𝑙𝑖𝑡𝑎 𝑛𝑖𝑛𝑎: 𝐸𝑙𝑗𝑎𝑦 𝑅𝑜𝑗𝑎𝑠 𝑎𝑡 𝐴𝑢𝑏𝑟𝑒𝑦 𝐴𝑙𝑓𝑜𝑛𝑠𝑜
𝑃𝑜𝑠𝑡𝑒𝑟 𝑛𝑖𝑛𝑎: 𝑅𝑜𝑎𝑛 𝐷𝑒𝑙𝑎 𝐶𝑟𝑢𝑧 𝑎𝑡 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

12/06/2024

"𝗕𝗔𝗧𝗔𝗡𝗚 𝗕𝗔𝗧𝗔 𝗞𝗔 𝗣𝗔"

"Bato, bato, p*k! Ikaw ang taya!"

Rinig ang bawat ingay at sigawan dito sa plaza. Nagsisipaghabulan ang mga bata. Kita sa kanilang mga maamong mukha ang ngiti at saya na kanilang nararamdaman. Sama-sama ang buong pamilya na nagkakasiyahan.

"Dahan-dahan kayo!"

Wika nang nag-aalalang ina habang pinagmamasdan ang kaniyang mga anak na nagbibisikleta.

"Tara doon tayo maglaro!"

Aligaga nitong sinabi sa kaniyang kaibigan at hinila papunta sa iba't ibang uri ng palaruan. Takbo rito, takbo roon ang kanilang ginawa.

"8, 7, 6, 5, 4, 3, 2, 1, Yess!"

Bilang ng isang grupo ng magkakaibigan na sumasayaw upang gayahin ang mga nauuso ngayong panahon. Masayang nagtatawanan ang mga ito nang panoorin ang kanilang sarili sa bidyo.

Sa isang sulok naman ay masayang nagtatampisaw ang mga bata sa tubig na galing sa fountain. Hindi alintana ang sermon na aabutin sa kanilang magulang dahil sa basang kasuotan.

Hayyyy...ang sarap maging batang malaya. Napakasayang pagmasdan ng mga ito. Ang kanilanng maamong mukha ang nagpapaaliwalas ng kapaligiran.

------------------------

"Kuya, pabili nga po ng isang lobo"

Napahinto ako sa pagmunimuni nang kalabitin ako ng batang halos kasing-edad ko lamang upang bumili ng tinitinda kong lobo. Binigyan ko ito at sinundan ng tingin nang siya ay makaalis pabalik sa kaniyang mga kaibigan.

Ako'y isa ring batang katulad nila...ngunit ibang iba sa kanila. Hindi ko nagagawa ang mga ginagawa nila, hindi ako nakapaglalaro tulad nila. Para sa akin ang magkaroon ng malaking kita sa isang araw ang aking kasiyahan, hindi tulad ng kasiyahan nila. Malayang-malaya silang gawin ang kanilang gusto at mag saya kasama ang kanilang pamilya at kaibigan.

Paano naman kami?? Paano kaming mga batang namulat sa kahirapan ng buhay. Kinailangang magsakripisyo at kumayod. Paano kami lalaya sa isang kadenang pilit na humihila sa aming kalayaang maging normal na bata?

Kailan kami makikita at aalalahanin ng nakararami??

𝗜𝗸𝗮-𝟭𝟮 𝗻𝗴 𝗛𝘂𝗻𝘆𝗼 𝟮𝟬𝟮𝟰 - 𝗪𝗼𝗿𝗹𝗱 𝗗𝗮𝘆 𝗔𝗴𝗮𝗶𝗻𝘀𝘁 𝗖𝗵𝗶𝗹𝗱 𝗟𝗮𝗯𝗼𝗿

Hanggang dito nalang ba talaga kami?? Ang maging malaya bilang batang manggagawa ang tanging mithiin. Batang bata pa para maranasan ang ganito.

𝑆𝑎𝑙𝑖𝑡𝑎 𝑛𝑖: 𝑅𝑒𝑖𝑛𝑒 𝐼𝑙𝑎𝑔𝑎𝑛
𝑃𝑜𝑠𝑡𝑒𝑟 𝑛𝑖: 𝑅𝑜𝑎𝑛 𝐷𝑒𝑙𝑎 𝐶𝑟𝑢𝑧

12/06/2024

Ngayong ika-12 ng Hunyo ay ipinagdiriwang ang isa sa pinakamahalagang pangyayari sa kasaysayan ng ating bansa, ito ang ika-126 na anibersaryo ng 𝗔𝗿𝗮𝘄 𝗻𝗴 𝗞𝗮𝗹𝗮𝘆𝗮𝗮𝗻 na may temang “ Kalayaan. Kinabukasan. Kasaysayan. " Ang selebrasyon ay naganap kaninang alas-otso ng umaga sa Rizal Park, Luneta, Manila na sinimulan sa pagtaas ng bandila ng Pilipinas na pinangunahan ni Pangulong Ferdinand Marcos Jr.

Noong 1898 ay idineklara ang kalayaan ng Pilipinas mula sa 333 taong pananakop ng mga Kastila. Ang kalayaan na ngayo’y ating nararanasan ay buhat sa katapangan, kagitingan at buhay ng maraming Pilipinong nagsakripisyo para sa Inang Bayan.

Kasabay ng paggunita sa Araw ng Kalayaan, ating tanungin ang ating mga sarili, "𝗛𝗮𝗻𝗴𝗴𝗮𝗻 𝘀𝗮𝗮𝗻 𝗮𝗻𝗴 𝗸𝗮𝘆𝗮 𝗻𝗮𝘁𝗶𝗻𝗴 𝗶𝘀𝗮𝗸𝗿𝗶𝗽𝗶𝘀𝘆𝗼 𝗽𝗮𝗿𝗮 𝘀𝗮 𝗮𝘁𝗶𝗻𝗴 𝗸𝗮𝗹𝗮𝘆𝗮𝗮𝗻?"

𝑆𝑎𝑙𝑖𝑡𝑎 𝑛𝑖: 𝐸𝑙𝑗𝑎𝑦 𝑅𝑜𝑗𝑎𝑠
𝑃𝑜𝑠𝑡𝑒𝑟 𝑛𝑖: 𝑍𝑒𝑎𝑛 𝐶𝑎𝑠𝑖𝑛𝑑𝑎𝑑

02/06/2024

Isang masigabong palakpakan para sa mga mag-aaral ng taong panuruan 2024!

Pagbati sa lahat ng mga mag-aaral na nagsipagtapos at nagsipagtaas-antas nitong ika-29 ng Mayo. Lubos ang aming tuwa sa inyong mga naging sakripisyo at pagsusumikap hanggang sa araw na ito.

Ang Ing Siuala rin ay ipinapa-abot ang mainit na pagbati para sa ating mga mamamahayag na kasali sa mga nagsipagtapos at nagsipagtaas-antas. Ang buong Ing Siuala ay lubos kayong ipinagmamalaki dahil sa ipinakita ninyong kasipagan, katapangan at mahusay na pagpapahayag ng katotohanan, kayo ay paniguradong magiging inspirasyon sa karamihan.

Sa inyong pagtahak sa magiging panibagong hamon ng buhay, nawa'y itatak ninyo sa inyong puso't isipan ang mga napulot at natutunan ninyong aral.

Muli, binabati namin kayo ng Maligayang Pagtatapos at Matagumpay na Pagsisipagtaas-antas sa inyong lahat! 🥳

Mga salita ni: Aubrey Alfonso
Poster nina: Roan Dela Cruz at Zean Casindad

23/05/2024

Pagbati sa iyo, Bb. Christine Joy R. Miranda!
Ipinagmamalaki namin ang iyong nakuhang karangalan, nagagalak ang buong ING SIUALA sa iyong tagumpay! 😎😍

🎯Ikaanim na Pwesto sa Editorial Cartooning Filipino, REGIONAL SCHOOLS PRESS CONFERENCE

Ing Camulatan Quing Catutuan
ING SIUALA! ❤️

Poster by: Roan Dela Cruz

22/05/2024

Iniaabot ng Ing Siuala ang mainit na suporta, ipinagmamalaki ka namin Bb. CJ!

14/05/2024

Ngayong ika-14 ng Mayo taong 2024 ay sinimulan ang Online Election ng Supreme Secondary Learner Government (SSLG) Officers ng San Roque National High School para sa susunod na taong panuruan. Ang dalawang partido ay pinangungunahan ni Jericko Alphonse Aguila De Leon para sa Tanglaw Partylist at Alexander D. Agustin naman para sa Voice Partylist.

Ang pagboto ay huwag gawing bingo, kilalanin, alamin, at siguraduhin kung sino nga ba talaga ang karapatdapat na mamuno para sa susunod na taong panuruan. Nawa'y mamutawi ang patas at totoong halalan para sa ating paaralan dahil ang bawat boto ay may epekto!

Mga salita ni: Eljay Rojas
Poster ni: Zean Paulo Casindad

11/05/2024

Hindi mapapantayan ng kahit ano mang bagay ang sakripisyo, pagmamahal, at kalingang pinaramdam nila para sa kanilang pamilya. Ngayong araw ay ipinagdiriwang ang espesyal na araw para sa lahat ng ilaw ng bawat tahanan, ang Araw ng mga Ina. Tunay ngang hindi rin matatawaran ang kanilang ipinakitang pagsisikap at suporta magkaroon lamang ng magandang kinabukasan ang kanilang mga anak. Sa lahat ng mga Ina, na patuloy na ipinapamalas ang kanilang nag-uumapaw na aruga at hindi masusukat na pag-uunawa, Maligayang Araw ng mga Ina sa inyong lahat! Maraming salamat po at saludo po kami sa inyo!

Mga salita ni: Aubrey Alfonso
Poster ni: Roan Jade Dela Cruz