Viva Señor Network

Viva Señor Network Welcome to the official page of Santo Niño de Molino Parish for online evangelization.

VSN is a collaborative work of the Parish Evangelization Team (PET) and the Ministry on Social Communication (MPK) of Santo Niño de Molino.

19/01/2025

Bumabati po ang Parish Evangelization Team ng Maligayang Kapistahan sa ating Mahal na P**ng Santo Niño, at sa komunidad ng ating parokya.

Samahan po ninyo kami sa pagninilay sa pag-ibig at pag-asa na dala sa atin ng Panginoon, ang Banal na Bata na lagi nating kasama sa paglalakbay ng buhay.

Señor Santo Niño, gabayan po Ninyo kami, at maawa po Kayo sa amin!

15/01/2025

Marahil ay narinig niyo na ang terminong Apocrypha, pero mayroong mas tamang salita para pangalanan ang iilang libro ng Bibliya tulad ng Sirach, Wisdom, First and Second Maccabees, at iba pa.

Ang mas mainam na salitang ito ay Deuterocanon.

Kung ngayon niyo pa lang narinig ang "Deuterocanon," ito ay hango sa salitang Latin na "deuteros" na ang ibig sabihin ay "second." Kahit "ikalawa" ang kahulugan ng salitang-ugat na ito, dapat ay maging malinaw na kapantay lang ng ibang libro ng Bibliya ang pagka-kanonikal ng Deuterocanon. Tuwirang ipinahayag ng Konseho ng Trent ang pagka-kanonikal na ito.

Maliban sa pagtatakdang 'yan, matagal nang bahagi ng Septuagint ang mga libro ng Deuterocanon—ang Septuagint ay ang pinakaunang salin ng Lumang Tipan sa wikang Griyego, na ginamit ng mga Hudyo sa Alexandria, at tinuturing nang lehitimong teksto bago pa dumating si Kristo.

Ito, at ang iba pang mga detalye tungkol sa Deuterocanon ang tinatalakay sa episode na ito, upang lalong mapalalim ang kaalaman ng lahat tungkol sa Bibliya, na siyang naglalaman ng Salita ng Diyos.

Ikaw, may tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

08/01/2025

Sa unang tingin, parang hindi magkatugma ang mga sinasabi ng siyensiya, at ng aklat ng Genesis.

Kung ganun nga, paano na lang tayong mga Katoliko na nakatanggap rin naman ng pagtuturo mula sa siyensiya? Ano ang dapat nating tanggapin bilang katotohanan?

Pakinggan natin ngayon ang sagot ni Father Conrad Amon, kura paroko ng Santo Niño de Molino, para mabigyang-linaw tayo sa mga dapat nating maunawaan.

Ito ang pinakamahalagang punto—hindi magkaaway ang siyensiya at ang Genesis, o ang siyensiya at ang Diyos.

Minsan ay tinitingnan natin ang Genesis bilang isang historical account o historical document, kaya natin nasasabing hindi ito totoo. Pero ang aklat ng Genesis, lalo na ang Genesis 1-11, ay katekesis—itinuturo nito sa atin kung ano ang ating lugar sa mundo, at kung ano ang ating relasyon sa Diyos na lumikha sa atin.

Ang tinuturo ng Genesis ay hindi mga datos na katulad ng datos ng siyensiya. Sa halip, ipinapakita ng aklat na ito ang mga katotohanang kahit kailan ay hindi dapat natin malimutan: na naroroon na ang Diyos sa simula pa lamang, na tayo'y nilikha ng Diyos at Siya ang ating Ama, at dahil sa Kanyang pagmamahal ay lagi natin Siyang kasama. Ang tatlong aral na ito, at ang mga iba pa, ang siyang tunay na laman ng unang aklat ng Bibliya.

Sa tuwing babasahin natin ang Genesis, sana tayo'y magalak. Dito inihahayag na ang buhay natin ay hindi aksidente, at dahil tayo'y nilikha sa imahe ng Diyos, sa simula pa lamang ay mayroon na tayong dignidad at halaga.

Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

01/01/2025

"The Bible is inspired by God."

Ano nga ba ang ipinahahayag natin sa tuwing sinasabi natin ang pangungusap na ito?

Sa tuwing sinasabi nating ang Bibliya ay kinasihan ng Diyos, parang inihahayag na rin natin sa lahat ang ating pagtitiwala na ang ating Ama ay hindi maaaring magkamali, at dahil sa dulo ng lahat ay Siya rin naman ang may akda ng lahat ng nasa Bibliya, maaari nating pagkatiwalaan ang mga nakapaloob rito bunsod ng ating pananampalataya sa Kanya.

'Yan ang turo ng Simbahan. Bagamat ginamit ng Diyos ang mga tao upang mabuo ang mga laman ng Bibliya, lahat ng mga taong ito ay gumalaw lamang ayon sa udyok ng Espiritu Santo, at walang idinagdag o ibinawas nang hindi naaayon sa kalooban ng Diyos.

At dahil ang nais lamang ng Diyos ay ang ating kaligtasan at pakikilahok sa Kanyang buhay at kabutihang-loob, lahat ng nasa Bibliya ay may pakinabang sa atin—para sa pagtuturo ng katotohanan, sa pagsaway sa kamalian, sa pagtutuwid sa mga likong gawain, at sa pagsasanay para sa matuwid na pamumuhay.

Ang nasa loob ng Bibliya ay ang Salita ng Diyos, at ang Kanyang Salita ay palaging magdadala sa atin patungo sa kapayapaan, liwanag, at pag-ibig.

Ikaw, may tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

24/12/2024

Mula po sa Parish Evangelization Team, bumabati po kaming lahat ng Maligayang Pasko sa buong komunidad ng Parokya ng Santo Niño de Molino.

Nakatatak po sa aming puso ang inyong mga panalangin, at ang inyong suporta sa aming gawain. Nawa po ay pagpalain tayong lahat ng Diyos na sa ati'y laging nagmamahal.

Magdiwang ang lahat, sapagkat isinilang na ang ating Manunubos at Tagapagligtas. Kasama natin ang Diyos!

18/12/2024

Sa taong 2025 ay ipagdiriwang ng Simbahan ang Jubilee Year, na may temang "Pilgrims of Hope." Ang simbahan ng Santo Niño de Molino ay isa sa 20 pilgrim churches na itinalaga ng Diyosesis ng Imus.

Pero para maintindihan ang kahalagahan ng pagiging pilgrim church ng Molino, dapat muna nating unawain kung ano nga ba ang ibig sabihin ng Jubileo, at ng mga indulhensiya. Para ipaliwanag ang mga ito, narito ang Obispo ng ating Diyosesis—Lub. Kgg. Reynaldo G. Evangelista, D.D. O.F.S., para sa special episode na ito ng Tanong Lang Pads.

Ang Jubileo ay naka-ugat sa mga gawain ng mga Israelita. Sa kanilang mga gawi naka-angkla ang ating pananampalatayang Kristiyano. Sa madaling salita, ang Jubileo ay ang pagtatagpo ng ating mga kahinaan at kasalanan, at ng dakilang habag at awa ng Diyos.

'Yan ang diwa ng Jubileo—higit sa anumang kasalanan ay ang pag-ibig at pagyakap sa atin ng Ama, na siyang nagmamahal sa atin sa lahat ng sandali ng ating buhay. At ang instrumento ng pag-ibig na ito, lalo na tuwing Jubileo, ay ang mga indulhensiya plenarya o plenary indulgence.

Sa ating pagtanggap ng plenary indulgence, nililinis at tuluyang pinapawi ang lahat ng batik at markang iniiwan sa atin ng kasalanan. Bagamat napapatawad tayo sa tuwing tayo ay nagkukumpisal, mayroon pa rin tayong temporal punishment na kailangan nating pagbayaran. Ang temporal punishment ang pinapawi ng mga indulhensiya plenarya.

Mayroon tayong mga kailangang gawin upang matanggap ang plenary indulgence. Ang mga 'yan ay matutunan natin sa episode na ito.

Pero ito ang pinakamahalaga: ang Jubileo ay hindi natin dapat makita bilang minsanang pagdiriwang lamang. Oo, espesyal ang Jubileo. Pero ang diwang bumubuhay dito—ang awa at habag ng Diyos para sa atin na Kanyang bayan—ay dapat nating dalhin sa araw-araw.

11/12/2024

"White lies lang naman po eh. Okay lang po kaya?"

Maging malinaw tayo: iisa lang ang turo ng Simbahan, at 'yan ay lagi tayong maging makatotohanan. Nakapaloob ito sa Katesismo: may tungkulin tayong alamin, ipahayag, at panindigan kung ano man ang totoo. Ang tungkuling ito ang diwa sa likod ng sagot ngayon ni Father Conrad Amon, ang kura ng Santo Niño de Molino.

Tayo lamang mga tao ang gumawa ng klasipikasyong "white lies." Ito ay tinuturing nating mga maliliit na kasinungalingan, upang maprotektahan natin ang ating mga sarili, o kaya'y hindi tayo makasakit sa ating kapwa.

Pero para sa Simbahan, walang kasinungalingang maliit, o maaaring payagan. Ang laging hinihingi sa atin ng Diyos at ng Simbahan ay maging totoo tayo, sa atin mang mga sarili, o sa iba.

Pwedeng tayo'y makasakit dahil sa pagsasabi ng totoo. Pero kailangan pa rin natin itong gawin—samahan na lang natin ng panalangin na sana'y maunawaan tayo ng ating pagsasabihan, o kakausapin.

Mahirap man para sa atin na magsabi ng totoo, o masakit man para sa makakarinig, tandaan pa rin natin na mas mahalagang kalugdan tayo ng Diyos, kaysa unahin natin sa pagsisinungaling ang ating "ginhawa." Hindi kailanman magiging ginhawa para sa atin ang mapalayo sa ating Ama.

Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

11/12/2024

Bakit nga ba may dress code sa simbahan?

Ganito mo isipin: kapag pumupunta ka sa simbahan, sino nga ba ang kinatatagpo mo?

'Yon bang mga ibang maninimba? Si Father, na magmi-Misa? Mga altar servers ba? O 'di kaya yung mga ibang lingkod? Bagamat makikita mo nga sa simbahan ang lahat ng mga ito, isa lang naman talaga ang kinatatagpo mo.

Kapag pumasok ka sa simbahan, pumapasok ka sa tahanan ng Diyos. At ang kinatatagpo mo ay ang Ama na lumikha sayo, si Kristo na nagligtas sayo, at ang Espiritu Santo na araw-araw ay kasama mo.

'Yan ang rason para sa dress code. Nananamit ka nang maayos hindi dahil espesyal na gusali ang simbahan, o dahil nautusan ka ng mga magulang mo, o dahil iniipit ka ng mga tradisyong mula pa sa nagdaang panahon. Kaya mo inaayos ang sarili mo bago pumunta sa simbahan ay dahil alam mong nando'n ka para sa Diyos.

Ang pagsunod sa dress code—damit at kaayusan na malinis at disente—ay isa sa mga paraan ng pagparangal at pag-respeto sa Diyos na iyong haharapin.

Pero ito ang higit na mahalaga: oo, pumunta ka sa simbahan nang maayos ang gayak, pero di hamak na mas importanteng suriin mo rin ang iyong puso. Walang saysay ang maayos na damit kung hindi ka handang magpakumbaba, humingi ng tawad, magmahal, at iharap ang iyong buong sarili sa Diyos, nang may pagtitiwala sa Kanyang habag at pagkalinga sayo.

Ikaw, may tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

27/11/2024

Ang Apostles' Creed at Nicene Creed ay parehong kayamanan ng Simbahan. Malimit nating naririnig ang Nicene Creed sa pagpapahayag ng ating pananampalataya sa Misa, habang ang Apostles' Creed naman ay mas naririnig tuwing Sakramento ng Binyag.

Iisa lang naman talaga ang ipinapahayag ng dalawang Kredong ito: ang ating pagsampalataya sa Ama, Anak, at Espiritu Santo.

Pero kung iisa lang naman ang diwa ng dalawang Kredo, bakit hindi na lang isa ang gamitin, at hindi na dalawa?

Pakinggan natin ang paliwanag ni Father Conrad Amon, kura paroko ng Santo Niño de Molino.

Ang dalawang Kredo ng Simbahan ay hindi parang kagamitan lamang. Hindi dapat itapon ang isa dahil lang meron tayong ipapalit. Bagamat iisa ng ipinapahayag, may matututunan pa rin tayong mga importanteng bagay galing sa dalawang Kredo.

Oo, ang Apostles' Creed ay maikling buod ng ating pananampalataya. Siguro nga'y mas mainam ito kung nais nating maintindihan sa maiksing paraan ang ating sinasampalatayanan. Pero mas nililinaw ng Nicene Creed ang pagiging Diyos ni Kristong ating Panginoon—ang ganitong pagpapaunawa ay laging may halaga at saysay.

Para sa ating lahat, ang dalawang Kredo ng Simbahan ay hindi lang mga salita, at hindi dapat ituring na gano'n na lamang. Tinuturo ng dalawang Kredo ang mga katotohanang dapat nakatatak sa ating mga puso, hindi upang mapuno lamang ang ating mga utak, kundi para maintindihan natin ang Diyos na siyang ugat ng ating buhay.

At pagkatapos nating makilala ang Diyos, dapat nating ipahayag sa mundo ang pagkilalang ito.

Tandaan nawa natin ang unang mga salita ng mga Kredo, at lagi natin itong sabihin sa lahat: "Sumasampalataya ako."

Ikaw, may mga tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

20/11/2024

Ang araw ng Linggo ay nakalaan upang tagpuin at sambahin natin ang Diyos sa pamamaraan ng Banal na Misa. Ngunit ano nga ba talagang rason para sa ating pagdalo sa Misa sa araw na ito? Bakit natin ito kailangang gawin?

Una sa lahat, ang kahalagahan ng Linggo ay galing sa utos ng Diyos sa Banal na Kasulatan. Makikita natin sa aklat ng Exodo na itinakda ng Diyos ang ikapitong araw para sa Kanya, at ito ay Araw ng Pamamahinga. Ikalawa, nakapaloob sa turo ng Simbahan ang araw ng Linggo bilang pinakauna sa mga "days of obligation" nating mga Katoliko.

Maliban sa bawat Linggo, mayroon ding ibang mga "days of obligation" kung saan kinakailangang dumalo ang mga mananampalataya sa Misa. Ang mga "days of obligation" na ito'y nakapaloob sa Code of Canon Law, ngunit maaaring masupil o mailipat sa araw ng Linggo ang iilan, batay sa pagtatakda ng mga lokal na kumperensya ng mga obispo sa iba't-ibang lugar.

Hindi natin dapat isipin na ang araw ng Linggo o iba pang "days of obligation" ay pamimilit ng Simbahan sa atin. Bagkus, makita sana natin ang mga araw na ito bilang regalo—mga oportunidad upang katagpuin ang Diyos, at makakita ng pahinga sa Kanyang piling.

Bawat Linggo, bawat "day of obligation," at bawat araw ng ating buhay ay tinatawag tayo ni Kristo papalapit sa Kanya. Lagi nawa tayong sumagot ng "oo" sa ating Panginoon, na wala namang ibang nais kundi ibahagi sa atin ang Kanyang kapayapaan at pag-ibig.

Ikaw, may mga tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

13/11/2024

Ang binyag ay isa sa mga pinakadakilang biyaya sa atin ng Diyos. Sa pamamagitan nito, nahuhugasan ang ating kasalanang mana, nabibigyan tayo ng grasyang magpapabanal sa atin, at ibinabalik nito ang ating dangal bilang mga anak ng Diyos.

Dahil sa kahalagahan ng Sakramento ng Binyag, mainam na maunawaan natin kung ano nga bang mangyayari, kung ang isang tao'y pumanaw nang hindi nabibinyagan. Pakinggan natin ang sagot ni Father Conrad Amon, kura paroko ng Santo Niño de Molino.

Una sa lahat—nais ng Diyos na lahat ng tao'y maligtas. Kailangan nating tandaan ito. Kaya para sa mga walang pagkakataong mabinyagan, dahil wala silang tyansang marinig ang Mabuting Balita, tayo'y mananalig sa dakilang awa ng Ama. Gayundin para sa mga bata na pumanaw nang hindi nakakatanggap ng binyag. Mamumuhay tayong nagtitiwala sa pagmamahal ng Diyos, para sa mga taong ito.

Ngunit paano ang mga hindi na bata, at nagkaroon na ng pagkakataong marinig ang Mabuting Balita, pero tinalikuran pa rin ang paanyaya ng Diyos na magpabinyag, at matanggap ang Kanyang grasya? Ang mga taong ito ay tumatalikod na rin sa kanilang kaligtasan.

Ano ngayon ang panawagan sa lahat, makatapos nating malaman ang halaga ng binyag?

Pinaaalalahanan ang lahat ng mga magulang sa kanilang obligasyon na pabinyagan ang kanilang mga anak. Ito'y responsibilidad, para sa kaligtasan ng kanilang mga anak na maaaring wala pa sa edad para mag-desisyon.

Dito rin pinaaalalahanan ang lahat ukol sa halaga ng ebanghelisasyon. Responsibilidad nating lahat na maglapit ng ating kapwa sa Diyos, upang kung may kakayanan na sila, ay sila mismo ang mag-desisyon na manalig sa Ama, magpabinyag, at manampalataya bilang parte ng sambayanang Kristiyano.

Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

Inaanyayahan po ang lahat na dumalo sa linggo-linggong pagdedebosyon sa mahal na patron ng ating parokya, si San Ezekiel...
12/11/2024

Inaanyayahan po ang lahat na dumalo sa linggo-linggong pagdedebosyon sa mahal na patron ng ating parokya, si San Ezekiel Moreno. Ito po ay ginaganap tuwing Huwebes. Nawa po ay maging malapit ang ating mga puso kay San Ezekiel—ipagdasal po natin ang ating pamilya, mga kaibigan, at ang buong komunidad, lalo na ang mga may sakit na kanser, at may mga malulubhang karamdaman.

San Ezekiel Moreno, patron ng aming parokya, ipanalangin mo kami!

06/11/2024

"Ang pinakamahusay at ang pinaka-dakila."

Ito'y iilan lamang sa mga salita ni Pope John Paul II ukol sa Banal na Misa. Sa episode na ito, tatalakayin natin ang Eukaristiya—ang tinatawag ng Lumen Gentium bilang pinagmulan, at tuktok ng buhay Kristiyano.

Ikinatatagpo natin ang Diyos sa Banal na Misa, habang tayo'y nakikiisa sa mga parteng nakapaloob dito. Ang Misa ay may dalawang bahagi—ang Liturhiya ng Salita, kung saan ipinapamahagi at pinagninilayan natin ang Salita ng Diyos, at ang Liturhiya ng Eukaristiya, kung saan natin mararamdaman ang tunay na presensya ni Kristo, na nag-alay ng Kanyang sarili para tayo'y iligtas.

Ang mga bahagi ng Misa ay ginaganap upang maging patotoo at paalala ng iisang katotohanan: kailanma'y hindi tayo iniiwan ng Diyos. Patuloy natin Siyang kalakbay sa buhay. Sa tuwing tayo'y nasa Misa, ipinapaalala sa atin na ang Kanyang Salita't pag-gabay ay hindi lumalayo sa Kanyang bayan, at ang pagliligtas ni Kristo ay wala ring humpay, para sa ating mga nananampalataya at namumuhay nang may pag-asa sa Kanyang pag-ibig.

Ikaw, may mga tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team!

30/10/2024

Paparating na ang Araw ng mga Patay. Siguro ay naghahanda ka na, o ang iyong pamilya, para bumisita sa mga puntod ng mga yumaong mahal sa buhay.

Pero naiintindihan mo ba talaga kung anong nagagawa mo para sa mga namayapa na, sa tuwing ipinagdarasal mo sila?

Ang ating pagdarasal para sa mga patay ay hindi lamang pagpapanatili ng koneksyon. Sa pamamagitan ng ating mga panalangin, meron tayong tulong na konkretong ipinaaabot—tumutulong tayong linisin ang batik ng kasalanan sa kanilang kaluluwa, upang isang araw ay maging karapat-dapat na silang makisalo sa kaluwalhatian ng Ama.

Ang mga yumao'y wala nang magagawa para sa kanilang mga sarili. Kaya't misyon natin—bilang mga miyembro ng Simbahang narito pa sa lupa—na tulungan ang ating mga kapatid na namatay na.

'Yan ang panawagan sa ating lahat. Ipagdasal natin ang mga hindi na makapagdarasal para kanilang mga sarili, at pati ang mga nalimutan na dahil sa paglipas ng panahon. Sa bisa ng ating mga panalangin, at ating pag-aalay ng Banal na Misa, maaari tayong makatulong sa kanilang paglilinis-kaluluwa.

Ikaw, may tanong ka rin ba para kay Pads? I-comment sa baba, o mag-message sa Viva Señor Network, para makita ng Evangelization Team, at mabigyan ni Father Conrad ng sagot.

At tandaan po ng lahat—nakikiisa ang Parish Evangelization Team sa pananalangin para sa mga kaluluwa sa Purgatoryo, lalo na ang mga labis na nangangailangan sa dakilang awa ng Diyos.

23/10/2024

Siguro natanong mo na ito sa sarili mo, sa gitna ng pagdarasal ng Rosaryo: "Hala, pang-ilang Hail Mary na ba? Nasaan na 'ko?"

Hindi natin maikakailang paulit-ulit ang mga dasal ng Rosaryo, pero ang pag-uulit na ito'y may mahalagang rason: dahil dito, lalong tumatatak sa ating puso ang mga dasal, at para bang lalo nating minamahal sa bawat nagdaraang segundo sina Hesus at Maria.

Ang pangunahing dahilan ng pag-uulit ng mga dasal ay upang madala tayo sa estado ng meditasyon. Habang inuulit natin ang mga kataga, lalo nating dinaramdam ang diwa ng mga ito, at lumalalim ang ating pokus. Sa dulo, maaaring mawala na ang mga salita, at mauwi na lang tayo sa panalanging sinasambit ng puso: ang contemplative prayer, o ang pananatili sa lubos na katahimikan, kasama ang ating Diyos.

Ito ang dapat tandaan—hindi tayo nag-uulit ng dasal para umulit lamang. Pagdating sa pagdarasal, ang pag-uulit ay pag-ibig. Pwedeng sa simula, umuulit tayo dahil 'yon ang porma, 'yon ang kailangan. Pero mababaw na pag-iisip 'yan. Sana ay maintindihan natin kung ano ang tunay na mahalaga: sa tuwing umuulit tayo, kung ginagawa natin ito ng tama, iisa lang naman talaga ang ating sinasabi.

Paulit-ulit, paulit-ulit: "Heto ako, aking Ama. Heto ako, mahal Kita."

O, ikaw, may tanong ka ba tungkol sa ating pananampalataya? I-comment sa baba, o mag-message sa Viva Señor Network, para makita ng Evangelization Team. Baka sa susunod, tanong mo na ang nasa Alam Ba Niño!

20/10/2024

29th Sunday in Ordinary Time

First Reading
Is 53:10-11

Responsorial Psalm
Lord, let your mercy be on us, as we place our trust in you.

Second Reading
Heb 4:14-16

Gospel
Mk 10:35-45

20/10/2024

BANAL NA MISA
Ika-29 Linggo sa Karaniwang Panahon

Unang Pagabasa
Isaias 53, 10-11

Salmong Tugunan (Slm 32)
"P**n, pag-asa ka namin, pag-ibig mo'y aming hiling"

Ikalawang Pagbasa
Hebreo 4, 14-16

Mabuting Balita
Marcos 10, 35-45

16/10/2024

May dalawang misteryo na mabuting unawain natin.

Una rito ang Pasko—ang unang pagdating ng Panginoon, o ang Incarnation. Ito ang pagkakatawang-tao na dinarasal natin sa Angelus: "And the Word was made flesh." Bakit nga ba Siya nagkatawang-tao? Ito ay upang tuparin ang pangako ng Diyos sa Lumang Tipan, na Siya'y magpapadala ng Tagapagligtas natin mula sa kasalanan, at magdadala sa atin patungo sa buhay na walang hanggan.

Kung ang unang pagdating ng Panginoon ay tungkol sa kaligtasan, paano naman ang Second Coming—ang Kanyang ikalawang pagdating?

Tuklasin natin ngayon kung ano ang turo ng Simbahan tungkol dito, sa pamamagitan ng sagot ni Father Conrad Amon, kura paroko ng Santo Niño de Molino.

Ang technical term para sa Second Coming ay "parousia."

Ano ang sentro ng turo ng Simbahan patungkol dito? Dalawang bagay: una, darating ang Panginoon upang magbigay-hatol sa mga buhay at sa mga patay. Ang turong ito ay nakapaloob sa Kredo. Pangalawa, bagamat totoo na darating muli ang Panginoon, hindi natin alam kung kailan ito magaganap.

Mababasa sa Bibliya kung ano ang mga senyales ng Ikalawang Pagdating. Pero dahil walang nakakaalam kung kailan ito mangyayari, ano ang panawagan sa atin?

Tandaan natin ang Talinghaga ng Sampung Birhen: dapat tayong maging handa, sapagkat hindi natin alam kung anong araw at oras ng pagdating ng Panginoon. Dahil dito, lagi sana tayong manatili sa kabutihan, kabanalan, at sa pagmamahal sa Diyos at sa ating kapwa.

Siguradong darating muli si Kristo. At sa araw na iyon, maging handa sana tayo sa ating isipan, sa ating puso, at sa ating buong katauhan.

Ikaw, may tanong ka rin ba para kay Pads? I-comment sa baba, o mag-message sa Viva Señor Network, para makita ng Evangelization Team!

Address

42 Avenida Rizal
Bacoor
4102

Website

Alerts

Be the first to know and let us send you an email when Viva Señor Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Viva Señor Network:

Videos

PET Reflection for Fiesta Niño 2025
PET Reflection for Fiesta Niño 2025

Bumabati po ang Parish Evangelization Team ng Maligayang Kapistahan sa ating Mahal na Poong Santo Niño, at sa komunidad ng ating parokya. Samahan po ninyo kami sa pagninilay sa pag-ibig at pag-asa na dala sa atin ng Panginoon, ang Banal na Bata na lagi nating kasama sa paglalakbay ng buhay. Señor Santo Niño, gabayan po Ninyo kami, at maawa po Kayo sa amin! #ParishEvangelizationTeam #SNDMPET #FiestaNino2025

Alam Ba Niño, Episode 15 | ABN 15 – Ano ang Deuterocanon?
Alam Ba Niño, Episode 15 | ABN 15 – Ano ang Deuterocanon?

Marahil ay narinig niyo na ang terminong Apocrypha, pero mayroong mas tamang salita para pangalanan ang iilang libro ng Bibliya tulad ng Sirach, Wisdom, First and Second Maccabees, at iba pa. Ang mas mainam na salitang ito ay Deuterocanon. Kung ngayon niyo pa lang narinig ang "Deuterocanon," ito ay hango sa salitang Latin na "deuteros" na ang ibig sabihin ay "second." Kahit "ikalawa" ang kahulugan ng salitang-ugat na ito, dapat ay maging malinaw na kapantay lang ng ibang libro ng Bibliya ang pagka-kanonikal ng Deuterocanon. Tuwirang ipinahayag ng Konseho ng Trent ang pagka-kanonikal na ito. Maliban sa pagtatakdang 'yan, matagal nang bahagi ng Septuagint ang mga libro ng Deuterocanon—ang Septuagint ay ang pinakaunang salin ng Lumang Tipan sa wikang Griyego, na ginamit ng mga Hudyo sa Alexandria, at tinuturing nang lehitimong teksto bago pa dumating si Kristo. Ito, at ang iba pang mga detalye tungkol sa Deuterocanon ang tinatalakay sa episode na ito, upang lalong mapalalim ang kaalaman ng lahat tungkol sa Bibliya, na siyang naglalaman ng Salita ng Diyos. Ikaw, may tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #AlamBaNino #ABNEpisode15 #VivaSenorNetwork #ParishEvangelizationTeam #SNDMPET

Tanong Lang Pads, Episode 15 | TLP 15 – Bilang taong naturuan ng siyensiya, paano dapat natin intindihin ang aklat ng Genesis?
Tanong Lang Pads, Episode 15 | TLP 15 – Bilang taong naturuan ng siyensiya, paano dapat natin intindihin ang aklat ng Genesis?

Sa unang tingin, parang hindi magkatugma ang mga sinasabi ng siyensiya, at ng aklat ng Genesis. Kung ganun nga, paano na lang tayong mga Katoliko na nakatanggap rin naman ng pagtuturo mula sa siyensiya? Ano ang dapat nating tanggapin bilang katotohanan? Pakinggan natin ngayon ang sagot ni Father Conrad Amon, kura paroko ng Santo Niño de Molino, para mabigyang-linaw tayo sa mga dapat nating maunawaan. Ito ang pinakamahalagang punto—hindi magkaaway ang siyensiya at ang Genesis, o ang siyensiya at ang Diyos. Minsan ay tinitingnan natin ang Genesis bilang isang historical account o historical document, kaya natin nasasabing hindi ito totoo. Pero ang aklat ng Genesis, lalo na ang Genesis 1-11, ay katekesis—itinuturo nito sa atin kung ano ang ating lugar sa mundo, at kung ano ang ating relasyon sa Diyos na lumikha sa atin. Ang tinuturo ng Genesis ay hindi mga datos na katulad ng datos ng siyensiya. Sa halip, ipinapakita ng aklat na ito ang mga katotohanang kahit kailan ay hindi dapat natin malimutan: na naroroon na ang Diyos sa simula pa lamang, na tayo'y nilikha ng Diyos at Siya ang ating Ama, at dahil sa Kanyang pagmamahal ay lagi natin Siyang kasama. Ang tatlong aral na ito, at ang mga iba pa, ang siyang tunay na laman ng unang aklat ng Bibliya. Sa tuwing babasahin natin ang Genesis, sana tayo'y magalak. Dito inihahayag na ang buhay natin ay hindi aksidente, at dahil tayo'y nilikha sa imahe ng Diyos, sa simula pa lamang ay mayroon na tayong dignidad at halaga. Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #TanongLangPads #TLPEpisode15 #VivaSenorNetwork #ParishEvangelizationTeam #SNDMPET

Alam Ba Niño, Episode 14 | ABN 14 – Ano ang ibig sabihin ng Biblical inspiration?
Alam Ba Niño, Episode 14 | ABN 14 – Ano ang ibig sabihin ng Biblical inspiration?

"The Bible is inspired by God." Ano nga ba ang ipinahahayag natin sa tuwing sinasabi natin ang pangungusap na ito? Sa tuwing sinasabi nating ang Bibliya ay kinasihan ng Diyos, parang inihahayag na rin natin sa lahat ang ating pagtitiwala na ang ating Ama ay hindi maaaring magkamali, at dahil sa dulo ng lahat ay Siya rin naman ang may akda ng lahat ng nasa Bibliya, maaari nating pagkatiwalaan ang mga nakapaloob rito bunsod ng ating pananampalataya sa Kanya. 'Yan ang turo ng Simbahan. Bagamat ginamit ng Diyos ang mga tao upang mabuo ang mga laman ng Bibliya, lahat ng mga taong ito ay gumalaw lamang ayon sa udyok ng Espiritu Santo, at walang idinagdag o ibinawas nang hindi naaayon sa kalooban ng Diyos. At dahil ang nais lamang ng Diyos ay ang ating kaligtasan at pakikilahok sa Kanyang buhay at kabutihang-loob, lahat ng nasa Bibliya ay may pakinabang sa atin—para sa pagtuturo ng katotohanan, sa pagsaway sa kamalian, sa pagtutuwid sa mga likong gawain, at sa pagsasanay para sa matuwid na pamumuhay. Ang nasa loob ng Bibliya ay ang Salita ng Diyos, at ang Kanyang Salita ay palaging magdadala sa atin patungo sa kapayapaan, liwanag, at pag-ibig. Ikaw, may tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #AlamBaNino #ABNEpisode14 #VivaSenorNetwork #ParishEvangelizationTeam #SNDMPET

MERRY CHRISTMAS, EVERYONE!
MERRY CHRISTMAS, EVERYONE!

Mula po sa Parish Evangelization Team, bumabati po kaming lahat ng Maligayang Pasko sa buong komunidad ng Parokya ng Santo Niño de Molino. Nakatatak po sa aming puso ang inyong mga panalangin, at ang inyong suporta sa aming gawain. Nawa po ay pagpalain tayong lahat ng Diyos na sa ati'y laging nagmamahal. Magdiwang ang lahat, sapagkat isinilang na ang ating Manunubos at Tagapagligtas. Kasama natin ang Diyos! #VivaSenorNetwork #ParishEvangelizationTeam #SNDMPET

Tanong Lang Pads, Special Episode 1 | TLP SE: 1 – Ano ang Jubileo, at ano ang indulhensiya?
Tanong Lang Pads, Special Episode 1 | TLP SE: 1 – Ano ang Jubileo, at ano ang indulhensiya?

Sa taong 2025 ay ipagdiriwang ng Simbahan ang Jubilee Year, na may temang "Pilgrims of Hope." Ang simbahan ng Santo Niño de Molino ay isa sa 20 pilgrim churches na itinalaga ng Diyosesis ng Imus. Pero para maintindihan ang kahalagahan ng pagiging pilgrim church ng Molino, dapat muna nating unawain kung ano nga ba ang ibig sabihin ng Jubileo, at ng mga indulhensiya. Para ipaliwanag ang mga ito, narito ang Obispo ng ating Diyosesis—Lub. Kgg. Reynaldo G. Evangelista, D.D. O.F.S., para sa special episode na ito ng Tanong Lang Pads. Ang Jubileo ay naka-ugat sa mga gawain ng mga Israelita. Sa kanilang mga gawi naka-angkla ang ating pananampalatayang Kristiyano. Sa madaling salita, ang Jubileo ay ang pagtatagpo ng ating mga kahinaan at kasalanan, at ng dakilang habag at awa ng Diyos. 'Yan ang diwa ng Jubileo—higit sa anumang kasalanan ay ang pag-ibig at pagyakap sa atin ng Ama, na siyang nagmamahal sa atin sa lahat ng sandali ng ating buhay. At ang instrumento ng pag-ibig na ito, lalo na tuwing Jubileo, ay ang mga indulhensiya plenarya o plenary indulgence. Sa ating pagtanggap ng plenary indulgence, nililinis at tuluyang pinapawi ang lahat ng batik at markang iniiwan sa atin ng kasalanan. Bagamat napapatawad tayo sa tuwing tayo ay nagkukumpisal, mayroon pa rin tayong temporal punishment na kailangan nating pagbayaran. Ang temporal punishment ang pinapawi ng mga indulhensiya plenarya. Mayroon tayong mga kailangang gawin upang matanggap ang plenary indulgence. Ang mga 'yan ay matutunan natin sa episode na ito. Pero ito ang pinakamahalaga: ang Jubileo ay hindi natin dapat makita bilang minsanang pagdiriwang lamang. Oo, espesyal ang Jubileo. Pero ang diwang bumubuhay dito—ang awa at habag ng Diyos para sa atin na Kanyang bayan—ay dapat nating dalhin sa araw-araw. #TanongLangPadsSpecialEpisode1 #TLPSE1 #VivaSenorNetwork #ParishEvangelizationTeam #SNDMPET

Tanong Lang Pads, Episode 14 | TLP 14 – Ano ang turo ng Simbahan tungkol sa white lies?
Tanong Lang Pads, Episode 14 | TLP 14 – Ano ang turo ng Simbahan tungkol sa white lies?

"White lies lang naman po eh. Okay lang po kaya?" Maging malinaw tayo: iisa lang ang turo ng Simbahan, at 'yan ay lagi tayong maging makatotohanan. Nakapaloob ito sa Katesismo: may tungkulin tayong alamin, ipahayag, at panindigan kung ano man ang totoo. Ang tungkuling ito ang diwa sa likod ng sagot ngayon ni Father Conrad Amon, ang kura ng Santo Niño de Molino. Tayo lamang mga tao ang gumawa ng klasipikasyong "white lies." Ito ay tinuturing nating mga maliliit na kasinungalingan, upang maprotektahan natin ang ating mga sarili, o kaya'y hindi tayo makasakit sa ating kapwa. Pero para sa Simbahan, walang kasinungalingang maliit, o maaaring payagan. Ang laging hinihingi sa atin ng Diyos at ng Simbahan ay maging totoo tayo, sa atin mang mga sarili, o sa iba. Pwedeng tayo'y makasakit dahil sa pagsasabi ng totoo. Pero kailangan pa rin natin itong gawin—samahan na lang natin ng panalangin na sana'y maunawaan tayo ng ating pagsasabihan, o kakausapin. Mahirap man para sa atin na magsabi ng totoo, o masakit man para sa makakarinig, tandaan pa rin natin na mas mahalagang kalugdan tayo ng Diyos, kaysa unahin natin sa pagsisinungaling ang ating "ginhawa." Hindi kailanman magiging ginhawa para sa atin ang mapalayo sa ating Ama. Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #TanongLangPads #TLPEpisode14 #VivaSenorNetwork #ParishEvangelizationTeam #SNDMPET

Alam Ba Niño, Episode 13 | ABN 13 – Bakit may dress code sa simbahan?
Alam Ba Niño, Episode 13 | ABN 13 – Bakit may dress code sa simbahan?

Bakit nga ba may dress code sa simbahan? Ganito mo isipin: kapag pumupunta ka sa simbahan, sino nga ba ang kinatatagpo mo? 'Yon bang mga ibang maninimba? Si Father, na magmi-Misa? Mga altar servers ba? O 'di kaya yung mga ibang lingkod? Bagamat makikita mo nga sa simbahan ang lahat ng mga ito, isa lang naman talaga ang kinatatagpo mo. Kapag pumasok ka sa simbahan, pumapasok ka sa tahanan ng Diyos. At ang kinatatagpo mo ay ang Ama na lumikha sayo, si Kristo na nagligtas sayo, at ang Espiritu Santo na araw-araw ay kasama mo. 'Yan ang rason para sa dress code. Nananamit ka nang maayos hindi dahil espesyal na gusali ang simbahan, o dahil nautusan ka ng mga magulang mo, o dahil iniipit ka ng mga tradisyong mula pa sa nagdaang panahon. Kaya mo inaayos ang sarili mo bago pumunta sa simbahan ay dahil alam mong nando'n ka para sa Diyos. Ang pagsunod sa dress code—damit at kaayusan na malinis at disente—ay isa sa mga paraan ng pagparangal at pag-respeto sa Diyos na iyong haharapin. Pero ito ang higit na mahalaga: oo, pumunta ka sa simbahan nang maayos ang gayak, pero di hamak na mas importanteng suriin mo rin ang iyong puso. Walang saysay ang maayos na damit kung hindi ka handang magpakumbaba, humingi ng tawad, magmahal, at iharap ang iyong buong sarili sa Diyos, nang may pagtitiwala sa Kanyang habag at pagkalinga sayo. Ikaw, may tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #AlamBaNino #ABNEpisode13 #VivaSenorNetwork #ParishEvangelizationTeam #SNDMPET

Tanong Lang Pads, Episode 13 | TLP 13 – Bakit hindi na lang isang Kredo ang ating gamitin?
Tanong Lang Pads, Episode 13 | TLP 13 – Bakit hindi na lang isang Kredo ang ating gamitin?

Ang Apostles' Creed at Nicene Creed ay parehong kayamanan ng Simbahan. Malimit nating naririnig ang Nicene Creed sa pagpapahayag ng ating pananampalataya sa Misa, habang ang Apostles' Creed naman ay mas naririnig tuwing Sakramento ng Binyag. Iisa lang naman talaga ang ipinapahayag ng dalawang Kredong ito: ang ating pagsampalataya sa Ama, Anak, at Espiritu Santo. Pero kung iisa lang naman ang diwa ng dalawang Kredo, bakit hindi na lang isa ang gamitin, at hindi na dalawa? Pakinggan natin ang paliwanag ni Father Conrad Amon, kura paroko ng Santo Niño de Molino. Ang dalawang Kredo ng Simbahan ay hindi parang kagamitan lamang. Hindi dapat itapon ang isa dahil lang meron tayong ipapalit. Bagamat iisa ng ipinapahayag, may matututunan pa rin tayong mga importanteng bagay galing sa dalawang Kredo. Oo, ang Apostles' Creed ay maikling buod ng ating pananampalataya. Siguro nga'y mas mainam ito kung nais nating maintindihan sa maiksing paraan ang ating sinasampalatayanan. Pero mas nililinaw ng Nicene Creed ang pagiging Diyos ni Kristong ating Panginoon—ang ganitong pagpapaunawa ay laging may halaga at saysay. Para sa ating lahat, ang dalawang Kredo ng Simbahan ay hindi lang mga salita, at hindi dapat ituring na gano'n na lamang. Tinuturo ng dalawang Kredo ang mga katotohanang dapat nakatatak sa ating mga puso, hindi upang mapuno lamang ang ating mga utak, kundi para maintindihan natin ang Diyos na siyang ugat ng ating buhay. At pagkatapos nating makilala ang Diyos, dapat nating ipahayag sa mundo ang pagkilalang ito. Tandaan nawa natin ang unang mga salita ng mga Kredo, at lagi natin itong sabihin sa lahat: "Sumasampalataya ako." Ikaw, may mga tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #TanongLangPads #TLPEpisode13 #VivaSenorNetwork #ParishEvangelizationTeam #SNDMPET

Alam Ba Niño, Episode 12 | ABN 12 – Bakit kailangan nating dumalo ng Misa tuwing Linggo?
Alam Ba Niño, Episode 12 | ABN 12 – Bakit kailangan nating dumalo ng Misa tuwing Linggo?

Ang araw ng Linggo ay nakalaan upang tagpuin at sambahin natin ang Diyos sa pamamaraan ng Banal na Misa. Ngunit ano nga ba talagang rason para sa ating pagdalo sa Misa sa araw na ito? Bakit natin ito kailangang gawin? Una sa lahat, ang kahalagahan ng Linggo ay galing sa utos ng Diyos sa Banal na Kasulatan. Makikita natin sa aklat ng Exodo na itinakda ng Diyos ang ikapitong araw para sa Kanya, at ito ay Araw ng Pamamahinga. Ikalawa, nakapaloob sa turo ng Simbahan ang araw ng Linggo bilang pinakauna sa mga "days of obligation" nating mga Katoliko. Maliban sa bawat Linggo, mayroon ding ibang mga "days of obligation" kung saan kinakailangang dumalo ang mga mananampalataya sa Misa. Ang mga "days of obligation" na ito'y nakapaloob sa Code of Canon Law, ngunit maaaring masupil o mailipat sa araw ng Linggo ang iilan, batay sa pagtatakda ng mga lokal na kumperensya ng mga obispo sa iba't-ibang lugar. Hindi natin dapat isipin na ang araw ng Linggo o iba pang "days of obligation" ay pamimilit ng Simbahan sa atin. Bagkus, makita sana natin ang mga araw na ito bilang regalo—mga oportunidad upang katagpuin ang Diyos, at makakita ng pahinga sa Kanyang piling. Bawat Linggo, bawat "day of obligation," at bawat araw ng ating buhay ay tinatawag tayo ni Kristo papalapit sa Kanya. Lagi nawa tayong sumagot ng "oo" sa ating Panginoon, na wala namang ibang nais kundi ibahagi sa atin ang Kanyang kapayapaan at pag-ibig. Ikaw, may mga tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #AlamBaNino #ABNEpisode12 #VivaSenorNetwork #ParishEvangelizationTeam #SNDMPET

Tanong Lang Pads, Episode 12 | TLP 12 – Ano ang mangyayari sa taong namatay nang hindi bininyagan?
Tanong Lang Pads, Episode 12 | TLP 12 – Ano ang mangyayari sa taong namatay nang hindi bininyagan?

Ang binyag ay isa sa mga pinakadakilang biyaya sa atin ng Diyos. Sa pamamagitan nito, nahuhugasan ang ating kasalanang mana, nabibigyan tayo ng grasyang magpapabanal sa atin, at ibinabalik nito ang ating dangal bilang mga anak ng Diyos. Dahil sa kahalagahan ng Sakramento ng Binyag, mainam na maunawaan natin kung ano nga bang mangyayari, kung ang isang tao'y pumanaw nang hindi nabibinyagan. Pakinggan natin ang sagot ni Father Conrad Amon, kura paroko ng Santo Niño de Molino. Una sa lahat—nais ng Diyos na lahat ng tao'y maligtas. Kailangan nating tandaan ito. Kaya para sa mga walang pagkakataong mabinyagan, dahil wala silang tyansang marinig ang Mabuting Balita, tayo'y mananalig sa dakilang awa ng Ama. Gayundin para sa mga bata na pumanaw nang hindi nakakatanggap ng binyag. Mamumuhay tayong nagtitiwala sa pagmamahal ng Diyos, para sa mga taong ito. Ngunit paano ang mga hindi na bata, at nagkaroon na ng pagkakataong marinig ang Mabuting Balita, pero tinalikuran pa rin ang paanyaya ng Diyos na magpabinyag, at matanggap ang Kanyang grasya? Ang mga taong ito ay tumatalikod na rin sa kanilang kaligtasan. Ano ngayon ang panawagan sa lahat, makatapos nating malaman ang halaga ng binyag? Pinaaalalahanan ang lahat ng mga magulang sa kanilang obligasyon na pabinyagan ang kanilang mga anak. Ito'y responsibilidad, para sa kaligtasan ng kanilang mga anak na maaaring wala pa sa edad para mag-desisyon. Dito rin pinaaalalahanan ang lahat ukol sa halaga ng ebanghelisasyon. Responsibilidad nating lahat na maglapit ng ating kapwa sa Diyos, upang kung may kakayanan na sila, ay sila mismo ang mag-desisyon na manalig sa Ama, magpabinyag, at manampalataya bilang parte ng sambayanang Kristiyano. Ikaw, may tanong ka ba para kay Pads? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #TanongLangPads #TLPEpisode12 #VivaSenorNetwork #ParishEvangelizationTeam #SNDMPET

Alam Ba Niño, Episode 11 | ABN 11 – Ano ang nangyayari sa loob ng Banal na Misa?
Alam Ba Niño, Episode 11 | ABN 11 – Ano ang nangyayari sa loob ng Banal na Misa?

"Ang pinakamahusay at ang pinaka-dakila." Ito'y iilan lamang sa mga salita ni Pope John Paul II ukol sa Banal na Misa. Sa episode na ito, tatalakayin natin ang Eukaristiya—ang tinatawag ng Lumen Gentium bilang pinagmulan, at tuktok ng buhay Kristiyano. Ikinatatagpo natin ang Diyos sa Banal na Misa, habang tayo'y nakikiisa sa mga parteng nakapaloob dito. Ang Misa ay may dalawang bahagi—ang Liturhiya ng Salita, kung saan ipinapamahagi at pinagninilayan natin ang Salita ng Diyos, at ang Liturhiya ng Eukaristiya, kung saan natin mararamdaman ang tunay na presensya ni Kristo, na nag-alay ng Kanyang sarili para tayo'y iligtas. Ang mga bahagi ng Misa ay ginaganap upang maging patotoo at paalala ng iisang katotohanan: kailanma'y hindi tayo iniiwan ng Diyos. Patuloy natin Siyang kalakbay sa buhay. Sa tuwing tayo'y nasa Misa, ipinapaalala sa atin na ang Kanyang Salita't pag-gabay ay hindi lumalayo sa Kanyang bayan, at ang pagliligtas ni Kristo ay wala ring humpay, para sa ating mga nananampalataya at namumuhay nang may pag-asa sa Kanyang pag-ibig. Ikaw, may mga tanong ka ba tungkol sa ating pananampalataya? Mag-message lang sa Viva Señor Network, o i-comment mo ang iyong tanong sa baba, para makita ng Parish Evangelization Team! #AlamBaNino #ABNEpisode11 #VivaSenorNetwork #ParishEvangelizationTeam #SNDMPET

Shortcuts

Share

Category