08/01/2026
𝙁𝙄𝙇𝙋𝙄𝙉𝙊 -𝘼𝙈𝙀𝙍𝙄𝘾𝘼𝙉 𝙉𝘼𝙆𝙄𝙏-𝘼𝙉 𝙎𝘼 𝙇𝙐𝙂𝘼𝙍 𝙎𝘼𝙉𝙂 𝙀𝙉𝙂𝙆𝙒𝙀𝙉𝙏𝙀𝙊 𝙎𝘼 𝙏𝙐𝙉𝙂𝘼 𝙎𝘼𝙉𝙂 𝙈𝙄𝙇𝙄𝙏𝘼𝙍 𝙆𝘼𝙂 𝙉𝙋𝘼 𝙎𝘼 𝙈𝙄𝙉𝘿𝙊𝙍𝙊.
ll By: Chito Mabaquiao Berjit Jr. ll
Ang Filipino-American nga lider sang komunidad nga si Chantal Anicoche nasapwan nga buhi sang mga soldado sang 203rd Infantry “Bantay Kapayapaan” Brigade sang Huwebes, Enero 8, 2026 sang hapon, nga nagtapos sa isa ka semana nga pagpangita pagkatapos sang Enero 1 nga operasyon militar sa Barangay Cabacao, Abra de Ilog, Occidental Mindoro.
Suno kay BGen. Melencio Ragudo, commander sang 203rd Brigade, si Anicoche nasapwan mga alas 2 sang hapon nga nagapanago sa isa ka mababaw nga guab nga mga 500 metros ang kalayuon halin sa ginluntaran sang engkwentro sa tunga sang militar kag New People's Army (NPA) sa Sitio Mamara. Ang lugar ginseguro na sang mga pwersa militar pagkatapos sang operasyon, nga ginlaragway sang AFP bilang sabat sa ginreport nga aktibidad sang NPA.
“Ang amon mga tropa nagahiwat sang clearing operations kag nagapatrolya sa palibot sang nakita nila ang mga senyales nga may tawo malapit sa ginluntaran sang inaway,” pahayag ni Ragudo.
Dugang ni Ragudo nga nasapwan nila si Anicoche sa isa ka natago nga lugar, kag makita sa iya hitsura ang kakapoy.
Si Anicoche nahamulag sa iya mga kaupod sa tion sang Enero 1 nga aerial bombardment kag pagpang-istraping, nga nag resulta sang paghalin sang 188 ka pamilya kag nagresulta man sa pagkapatay sang tatlo ka bata nga Mangyan kag estudyante nga researcher nga si Jerlyn Rose Doy Dora. Nagapanglakaton sia kaupod si Doy Dora agud idokumento ang kahimtangan sa mga komunidad sang mga tumandok kag mangunguma kag agud hibaloon ang mga ugat sang kinagamo sa rehiyon.
Ginpahayag sang militar nga si Anicoche indi target sang operasyon kag sa karon ginahatagan sia sang bulig medikal kag gina imbestigahan para makatipon sang impormasyon parte sa mga natabo. Ang mga grupo sang human rights pareho sang Migrante USA kag Karapatan nanawagan para sa isa ka independent nga imbestigasyon sa insidente kag para mangin transparent parte sa eksperyensya ni Anicoche sa tion sang iya pagkadula.
Si Anicoche yata sa karon nagapabilin sa isa ka temporaryo nga shelter sa Mamburao, Occidental Mindoro, sa diin nagabaton sia sang medical check-ups kag counseling halin sa isa ka team nga gin-organisa sang Migrante Philippines kag Philippine Red Cross. Suno sa iya mga kaupod, nagapahuway sia kag nagahanda nga magpakigkita sa mga legal kag human rights representatives agud isugid ang iya nga istorya parte sa mga natabo nga nagdul-ong sa iya pagkadula kag pagkasalbar.
Ang mga grupo nga nakabase sa US nagkoordinar man sa Philippine Consulate General sa Los Angeles agud maghatag sang bulig kag magpasilitar sang komunikasyon sa pamilya ni Anicoche sa Maryland. ll ANB NEWS ll 🎥 courtesy of 203rd Infantry ll # # #
゚viralシfypシ゚viralシalシ
#
