NOHS - Ang Aninag

Home
Philippines
Bacolod CIty
NOHS - Ang Aninag

Ang Opisyal na Pahayagang Filipino ng Negros Occidental High School Ang Aninag ay ang opisyal na pahayagan sa Filipino ng Negros Occidental High School.

Layunin naming makiisa sa pagprotekta at pagtataguyod ng kalayaan sa pamamahayag, sa pamamagitan ng pagmulat sa mga mag-aaral tungkol sa mga detalye ng iba't ibang mahahalagang kaganapan, usapin, at mga topikong kailangang bigyang pansin at pag-usapan, sa loob at labas ng paaralan.

06/01/2025

BALITANG PAMPAARALAN | Pagdiriwang sa Buwan ng Matematika sinimulan

Ugnayan ng matematika at sining ang binigyang-diin sa pagbubukas ng Buwan ng Matematika kalakip ang temang "Mathematics, Arts, and Creativity", Enero 6.

"Magkaiba ang matematika at sining, ngunit ang dalawa ay mayroong malalim na koneksyon. Halimbawa, kung paano ka manamit ay may kaugnayan sa matematika at sining kung kaya't ang dalawa ay tunay na magkaugnay," ani Ferli Parilla, gurong tagapayo ng Math Club.

Kaugnay rito, kinilala at nanumpa ang mga opisyales ng Math Club ng taong panuruang 2024-2025.

-

Sulat ni: Zyrene Tonete
Kuha ni: Elthea Mercado

03/01/2025

PANOORIN | Samu't saring emosyon, mga bagong pagkatuto mula sa nakaraang bakasyon, at magandang hangarin para sa bagong taon.

Ito ang bitbit ng mga mag-aaral ng Negros Occidental High School sa maagang balik-eskwela, ika-2 ng Enero.

-

Ulat nina: Mavis Terencio at Shainie Magbiray
Kuha ni: Shirge Sagansay
Taga-edit ng bidyo: David Kyle Gila

31/12/2024

MANIGONG BAGONG TAON, NOHSians!

Sa pagpasok ng Bagong Taon, magkakaroon tayo ng pagkakataon upang magsimula muli, magtakda ng mga bagong layunin, at magpatuloy sa pag-abot ng ating mga pangarap. Palaging tandaan na ang buhay ay isang patuloy na paglalakbay, puno ng pagsubok, at puno rin ng mga oportunidad. Sa kabila ng mga paghihirap at pagkatalo, ang bawat hakbang ay nagdadala ng bagong pag-asa.

Kasama ang Patnugutan ng Ang Aninag, ating baybayin ang "Bagong Taon"!

B - Bumangon mula sa mga pagsubok at matutong magpatuloy kahit gaano kahirap, dahil ang tunay na lakas ay makikita sa ating kakayahang bumangon at magpatuloy.
A - Aksyon at determinasyon ang magdadala sa'yo sa tagumpay. Huwag matakot magkamali, dahil lahat ng paglalakbay, ay nagdadala ng aral at nagpapalakas sa atin para sa susunod na pagsubok.
G - Gamitin ang kaniya-kaniyang talento at kakayahan nang sabay natin makamtan ang tagumpay.
O - Oras man ay mahaba, huwag mawalan ng pag-asa sa bawat hakbang ng kwentong isinasabuhay.
N - Ngayong bagong taon, iwan na natin ang takot sa pagsubok ng mga bagong bagay at subukan ang mga ito nang walang pag-aalinlangan.
G - Gaano man kahirap ang paparating na bagong taon, manatili tayong matatag at matiyaga—handang harapin ang anumang hamon ng buhay.

T - Tatagan at ihanda ang sarili sa anumang balakid na maaring makaharap sa bawat araw na tatahakin.
A - Alamin at itakda ang iyong mga mithiin sa bagong taon, isipin ang mga priyoridad upang maging maaliwalas ang paglalakbay ngayong taon.
O - Obserbahan ang mga bagay o kakayahan na sa palagay mo'y makatutulong sa pagpapalawak ng iyong kaalaman.
N - Ngayong bagong taon ay subukan na tuklasin ang sariling talento at pag-aralan ito ng may bukal sa puso at isipan.

Sa paglalakbay natin patungo sa ating pangarap, hindi natin alam kung ano ang naghihintay sa ating daraanan, ngunit isang bagay ang tiyak, ang bawat hakbang ay may kabuluhan. Hawak ang pangarap, ituloy ang paglalakbay, dahil ito ang magiging gabay sa bawat araw na dumaan at sa bawat taon na darating.

Ano ang mga layunin na nais mong makamit sa taong 2025? Handa na ba kayong magsimula muli at yakapin ang bagong yugto ng 2025? Itipa ang iyong mensahe sa pamamagitan ng pagkomento sa ibaba. Maligayang Bagong Taon, NOHSians!

-

Sulat nina: Khyne Ledesma, Ehra Pacificar, Iris Laurel, Ysla Recaido, at Mary Guzon
Sining ni: Denise Noble

30/12/2024

GALERIYA | Sa likod ng Kamera

Iilang pagdiriwang at selebrasyon, sa pagitan ng kapaskuhan at pagsilip ng bagong taon; binibigyang-kulay sa lente ng kamera.

Ngiting 'di matatawaran, pananampalatayang mas napapaigting, tradisyong patuloy na nananalaytay: saang sulok man ng bansa napapahayag ang iisang kaisipan — pagbibigayan at pagpapalaganap ng pag-ibig.

Handog sa lahat ang mga katangi-tanging larawang nakunan; pagsasalaysay sa mga nakagawian tuwing espesyal na araw.

-

Patnubay: Pindutin ang bawat larawan upang mabigyang-kabuluhan ang bawat litratong nakuha.

Sulat ni: Leura Ledesma
Kuha nina: Anicka Tiapon, Kharl Montero, Elthea Mercado, at Latrell Casia
Disenyo ni: Lamont Casia

30/12/2024

DISYEMBRE 30 | Rizal Day: Bayani ng Bayan, Inspirasyon ng Kinabukasan

Isang bihirang halimbawa ng katalinuhan at malasakit sa bayang buong pusong ipinaglaban. Hawak ang plumang umukit ng mga salitang gumawa ng kasaysayang naging inspirasyon sa mga sumunod na henerasyon. Sa kabila nang paglipas ng panahon, nanatili ang mga ideya at adhikain niyang binhi ng rebolusyonaryong pag-asa.

Sa araw na ito, sabay-sabay nating alalahanin ang sakripisyo at bigyang-buhay ang mga aral ng pinakamamahal na pambansang bayani ng ating bansa, Dr. Jose Rizal.

Nawa'y magsilbing gabay ang kaniyang legasiyang naiwan tungo sa paghatak ng landas na makatao at makatarungan. Patuloy na masisilayan ang ningas ng kaniyang layunin at kuwento sa mga pahina; mananatiling buhay ang diwang nanindigan para sa tama.

-

Sulat ni: Samantha Alindog
Sining ni: Angeli Gumban
Disenyo ni: Lamont Casia

29/12/2024

AGHAM AT TEKNOLOHIYA | SCI-yasatin: Siyensya ang magsisiyasat para satin

Cravings satisfied o craving pa rin?
Tuwing may okasyon, hinding-hindi mawawala sa handaan ang Mango Graham Float. Bata man o matanda, siguradong sabik itong matikman kaya ‘di na nakapagtataka na kahit hindi pa man naihahain, naipasok na ito sa tiyan! Umaapaw sa lasa ng bawat ingredient ang sekret diyan! Kakaibang linamnam, dagdagan pa ng tamis na nagpapasarap na siguradong malalasap hanggang lalamunan. Sa bawat kagat, mapapalamon ka sa sarap, at muling magbabalik sa alaala ng masasayang salu-salo ng iyong kabataan. Isang matamis na paanyaya ng Pasko, na maghahatid ng ngiti sa bawat dulo ng mesa ng mga Pilipino.

Ngunit ano nga ba ang mayroon sa tinaguriang isa sa mga “bida ng hapagkainan”?
Alin ba ang pinakagusto mong parte?

-

Sulat nina: Kenjie Francisco, Elliesha Trayfalgar, Nathalie Mirasol, Brilliana Mananquil, Vien Oller
Sining ni: Lustter Lamata

24/12/2024

MALIGAYANG PASKO, NOHSians!

Muling magdadala ng saya at ngiti ang kislap ng mga parol; patuloy na magniningning sa bawat sulok ng tahanan. Sa kabila ng pagod, may mga nakabalot na regalo ang naghihintay upang magtanim ng ala-alang 'di malilimutan.

Sa pag-apak ng kalendaryo sa ika-25 ng Disyembre, sabay-sabay nating ipagdiwang ang araw ng Pasko. Isang patunay ng pagpapahalaga sa araw ng pagmamahalan at pagbibigyan.

Para sa tradisyong ipinagpapatuloy, may mga taong bukas ang kalooban upang magbigay mga regalong puno ng surpresa at mga alaalang babaunin hanggang sa kinabukasan. Bitbit ang ngiti na nakaukit sa ating mga mukha at sayang nararamdaman, nawa'y umusbong satin ang tunay na diwa ng Pasko.

Maligayang Pasko sa inyong lahat, mula sa NOHS Ang Aninag!

-

Sulat ni: James Castro
Sining ni: Liz Ducay
Disenyo ni: Rhowee Ramos

22/12/2024

AGHAM AT TEKNOLOHIYA | SCIyasatin: Siyensya ang magsisiyasat para sa'tin

Sa kalagitnaan ng minamasaheng sentido at nahuhulog na mga mata, iilang agam-agam sa mga nababasa sa harapan ang umuusbong. Libo-libong sites na lumilitaw, sa paggagalugad ng internet, saang pook ka pinakamakakapaghanap ng solusyon?

Dala ang iilang aprubado't kilalang mga plataporma, narito ang iba't ibang impormasyong magsisilbing gabay sa bawat araling pinaghihirapan.

-

Rebyu ni: Kenjie Francisco
Disenyo ni: Lamont Casia

21/12/2024

BALITANG PAMPAARALAN | DIVISION MEET 2024: NOHS, Cluster III muling humakot ng medalya

Muling inangkin ng Cluster III ang titulong Pangkalahatang Kampeon sa nagdaang Division Meet 2024, Disyembre 17-20.

Kabilang sa Cluster III ang mga Munisipalidad ng EB Magalona, Murcia, Siyudad ng Talisay at Negros Occidental High School.

Samantala, nag-uwi naman ang NOHS ng 61 Ginto, 42 Pilak, at 8 Tanso.

Narito ang talaan ng kabuuang mga medalyang nasungkit ng mga koponan ng NOHS:

Athletics – 1 Ginto at 3 Pilak
Arnis – 25 Ginto, 6 Pilak, at 1 Tanso
Badminton – 5 Ginto at 1 Pilak
Boxing – 1 Ginto
Pickleball – 3 Ginto at 2 Pilak
Rhythmic Gymnastics – 5 Ginto at 5 Pilak
Softball – 1 Ginto
Swimming – 22 Ginto, 12 Pilak, at 5 Tanso
Table Tennis – 3 Ginto, 2 Pilak, at 1 Tanso
Taekwondo – 5 Ginto, 11 Pilak, at 1 Tanso

Magsisilbing pasaporte ng NOHS ang pagkapanalo upang umusad sa Provincial Meet at irepresenta ang Division of Negros Occidental, na gaganapin sa ika-29 ng Enero hanggang Pebrero 1.

-
Sulat nina: Erlie Javier at Natasha Monares

21/12/2024

DISYEMBRE 21 | Winter Solstice 2024: Pinakamahabang gabi ng taon

Sa haba ng lamig ng gabi ngayon, kanino mo ito nais sulitin?

Gusto bang maramdaman ang simoy ng hanging Taglamig? O maranasan ang pagbagsak ng niyebe at ang paggawa ng snowman gamit nito? Bagaman hindi nararanasan ang taglamig sa Pilipinas, kasama ang bansa na makakaranas ng pinakamahabang gabi ng taon na nagsisilbing hudyat ng pagsisimula ng panahon ng taglamig batay sa astronomiya.

Sa pagpatak ng orasan sa 5:21 PM PHST ng Disyembre 21, mararanasan natin ang winter solstice ng 2024.

Ayon sa National Geographic Kids, nagaganap ang winter solstice sa araw na ang hilagang hati ng ating mundo ay nakahilig nang pinakamalayo mula sa araw, na siyang nagdudulot ng mabilisang pagsikat ng araw na katumbas ng mas mahabang gabi.

Sa winter solstice, ang arko ng araw, dulot ng pagsikat at paglubog nito, ay nasa pinakamababang posisyon. Halos kasing-linya ito ng horizon, kaya’t nagmumukhang ang araw ay sumisikat at lumulubog sa parehong lugar. Sa ganitong dahilan bakit tinawag itong “solstice,” sapagkat ito’y isang salitang latin nangangahulugang “sun stands still” o “tumigil ang araw.”

Hindi man natin nararanasan ang ginaw ng Taglamig dito sa Pilipinas, nagsisilbing natatanging pagkakataon ang winter solstice upang masaksihan ang hiwaga ng kalikasan. Bagama’t mahaba man ang magiging gabi, magsisilbing paalala ito na gaano man katagal ang kadiliman, muli pa ring sisikat ang araw at magbibigay-liwanag sa lahat.

-

Sulat ni: Ehra Pacificar
Disenyo ni: Lamont Casia

19/12/2024

KOLUM | Kinakailangan sa Kahandaan

Bilang paghahanda, maliban sa kaalaman, nararapat na pagtuunan din ng pansin ang karanasan at kakayahan ng mga mag-aaral sa papasukin nilang larangan.

Ikaapat ng Nobyembre nang mapag-usapan sa 2024 Regional Educational Planning in Asia ang plano ng Kagawaran ng Edukasyon (DepEd) sa Pilipinas ang pagpapababa ng bilang ng mga pangunahing asignatura sa Senior High School (SHS) sa lima o anim na lamang. Pinangunahan ni Sonny Angara, kalihim ng edukasyon, ang paglalahad ng ideyang ito kung saan ipinaliwanag niya na sa paraang ito, mas mabibigyan ng mga mag-aaral ng panahon ang mga work immersion para sa sapat na kakayahan at kahandaan sa pagtrabaho.

Sa ganang akin, mahalaga ang pagkakaroon ng sapat na kaalaman sa larangang papasukin ng mga mag-aaral sa SHS. Matatandaan na ayon sa bagong programa ng K-12, maaari nang magtrabaho ang mga nakapagtapos ng SHS kung kinakailangan. Kung kaya, mahalagang mahulma ang kanilang kahandaan sa pagtrabaho.

Gayunpaman, nararapat din na nagagamit ang mga kaalamang ito sa paghasa ng kakayahan at sa pagpapalawak ng karanasan. Dahil dito, mapapatibay ng pagpapababa ng bilang ng mga asignatura ang kahandaan ng isang mag-aaral sa SHS dahil mapagtutuonan niya rin ng pansin ang ang mga asignaturang mas nalalapit sa kaniyang kurso at ang paghanda para sa pagtrabaho.

Paghahanda sa piniling larangan ang hatid ng SHS. Nasusukat ang kahandaan sa kaalaman kasama ng karanasan at kakayahan. Kung kaya, hindi pag-aaral lamang sa mga aklat ang nararapat pagtuonan ng pansin kundi pati na rin ang pagpapaunlad ng kakayahan at pagpapalawak ng karanasan.

-

Sulat ni: Gwenyth Dela Cruz

19/12/2024

BALITANG PAMPAARALAN | NOHS - Night Class muling kinilala sa ‘24 CIRCLE Awards

Pumangalawa ang Negros Occidental High School - Night Class Department sa kategoryang Most Learning Focused - Flexible Learning Option (FLO) Night High School sa ginanap na 2024 Curriculum and Instruction Regional Champions for Learning Excellence (CIRCLE) Awards‚ Disyembre 18.

“Layunin naming kilalanin ang Night Class bilang isa sa mga programang tampok ng NOHS na maaaring maging kasinghusay ng iba pang curricular offering ng paaralan‚ na bagama’t may mga estudyanteng nagtatrabaho at ang karaniwang mga marka ay hindi ganoon kataas kumpara sa regular at espesyal na mga klase‚” giit ni Liza Asan, Department Head ng Night Class.

Dagdag pa ni Asan‚ bagaman hindi nila nakamit ang kampeonato ngayong taon‚ nagagalak pa rin siya na isa ang nasabing departmento sa tatlong ‘regional awardees’ na pinarangalan sa buong rehiyon.

Iginagawad ng Department of Education (DepEd) ang CIRCLE Awards para kilalanin ang mga institusyon na may pinakamahusay na kurikulum sa buong rehiyon.

Sa karagdagan‚ matatandaan namang nakamit ng nasabing departmento ang pinakauna nitong parangal na kampeonato sa kayegoryang Most Learning Focused Interest Program nakaraang taon.

-

Sulat ni: Sasha Estil
Litrato mula kay Liza Asan

18/12/2024

USAL NG PROBINSYAL | Paskuhang Pulutong

Damang-dama na sa simoy ng hangin at muling pagkalembang ng kampana ang kumakatok na diwa ng kapaskuhan.

Bago pa man magsara ang pintuan ng probinsyal hayskul para sa inaasam na bakasyon, iilang plano na ang namumuo, lahat sa ngalan ng pagdiriwang at pagpapanatili ng tunay na kahulugan ng pasko.

-

Sulat ni: Gwenyth Dela Cruz
Panayam ni: Danna Alegre
Disenyo ni: Lamont Casia

18/12/2024

TINGNAN | Hindi naging hadlang ang buhos ng ulan sa pagbubukas ng Division Athletic Association Meet 2024 sa Panaad Park and Stadium, Disyembre 17.

-
Kaugnay na balita: https://tinyurl.com/3zpzzsmb

Kuha nina: Trishana Patag at Kharl Montero

18/12/2024

TINGNAN | Mahigit 1200 mag-aaral mula ika-10 baitang ng Negros Occidental High School ang nakilahok sa playground demonstration sa pagbubukas ng Division Meet sa Panaad Park and Stadium, Disyembre 17.

-
Kaugnay na balita: https://tinyurl.com/3zpzzsmb

Kuha ni: Elthea Mercado
Kompilasyon ni: David Kyle Gila

17/12/2024

BALITANG PAMPAARALAN | Division Meet '24 sinimulan

Umarangkada sa kabila ng maulang panahon ang pagbubukas ng Division Athletic Association Meet 2024 sa Panaad Park and Stadium, Disyembre 17.

Nagpatuloy ang programa at namayani sa bawat delegado ang Abanseng Negrosanon kahit natigil ang parada ng mga atleta dahil sa malakas na buhos ng ulan.

“Binibigyang-diin ng palarong ito ang diwa ng pagiging patas at pakikisama na nagpapasigla sa mga komunidad ng Negros Occidental,” pahayag ni Gobernador Eugenio V. Lacson na siyang ibinahagi ni Danne Clark M. Uguil, CESE, Assistant Schools Division Superintendent in Charge–South Negros.

Inaliw ng 1200 mga mag-aaral ng Negros Occidental High School ang madla sa kanilang playground demonstration.

Abangan ang matinding harapan ng mga atleta ng bawat 'cluster' sa iba't ibang pampalakasan na gaganapin sa magkakahiwalay na palaruan, Disyembre 18-20.

-

Sulat ni: Niel Dacuba at Jelleanne Lapuz
Kuha ni: Kharl Montero

15/12/2024

BALITANG ISPORTS | 5-PEAT: PH kampeon sa M6 Worlds Championship

Inuwi ng Fnatic ONIC Philippines (FNOP) ang kampeonato sa Pilipinas sa M6 World Championship matapos dominahin ang serye laban sa Team Liquid Indonesia (TLID), 4-1, hudyat ng ikalimang sunod-sunod na panalo ng bansa sa torneyo sa Axiata Arena, Malaysia, Disyembre 15, 2024.

Bumwelta kaagad sa unang laro ang FNOP matapos maglapag ng kalkuladong stratehiya laban sa TLID

Minadali ng FNOP ang Game 2 kung saan kinontrol ng grupo ang buong mapa at tinapos sa halos 12 minuto.

Bumawi sa Game 3 ang TLID sa pamamagitan ng agresibong laro na nagpaatras sa FNOP

Hindi na nagpabawi ang FNOP sa ikaapat na laro kung saan nagtala ito ng 21-1 standing na nagpakuha sa kanila ng ‘championship’ point

Tuluyan na ngang tinapos ng FNOP at nakamit ang kampeonato matapos tapusin ni ‘Gold Standard’ Kelra ang laro sa kaniyang push.

Itinanghal si Grant ‘Kelra’ Pillas bilang M6 Finals Most Valuable Player (MVP) matapos ang kagila-gilalas na pagganap sa serye.

“Nag-Finals MVP ako dahil sa mga kakampi ko at hindi dahil sa sarili ko. Sa aking mga kasamahan, mahal na mahal ko kayo,” saad ni Kelra ukol sa kaniyang pagkapanalo.

Sinimulan ng BREN Esports ang panalo sa Mobile Legends: Bang Bang World Championship o M World Championship noong 2020, na siyang sinundan ng Blacklist International, ECHO Philippines at AP Bren.

-

Sulat ni: Niel Dacuba
Disenyo ni: Lamont Casia
Litrato mula sa Gosu Gamers

09/12/2024

BALITA NGAYON | Itinaas ng Philippine Institute of Volcanology and Seismology (PHILVOCS - DOST) sa Alert Level 3 ang Bulkang Kanlaon bandang 3:03 P.M.‚ Disyembre 9.

Humantong sa pagtaas ng Alert Level ang nasabing bulkan matapos pumutok ang summit vent nito na naging dahilan ng pagtaas nito mula sa Alert Level 2 na ‘increasing unrest’ hanggang sa Alert Level 3 na ‘magma unrest’.

Nagbunga ng napakalaking plume ang bulkan na mabilis na tumaas hanggang 3‚000 metro sa itaas ng vent at naanod sa kanluran-timog-kanluran.

Nangangahulugan ito ng pagsimula ng ‘magmatic eruption’ na maaaring humantong sa karagdagang explosive eruption kung kaya’t pinapayuhan ang lahat ng local government units na lumikas sa 6-km radius mula sa summit ng bulkan at maging handa para sa karagdagang paglikas kung kinakailangan ang aktibidad.

-

Sulat ni: Sasha Estil
Litratro mula kay Miss Ching Lagawing

Address

MW6V+VJC, Paglaum Road, Araneta-Hernaez Sts
Bacolod City
6100

Telephone

+639919490474

Website

https://issuu.com/nohsanganinag

Alerts

Be the first to know and let us send you an email when NOHS - Ang Aninag posts news and promotions. Your email address will not be used for any other purpose, and you can unsubscribe at any time.

Contact The Business

Send a message to NOHS - Ang Aninag:

Videos

PANOORIN | Samu't saring emosyon, mga bagong pagkatuto mula sa nakaraang bakasyon, at magandang hangarin para sa bagong taon. Ito ang bitbit ng mga mag-aaral ng Negros Occidental High School sa maagang balik-eskwela, ika-2 ng Enero. - Ulat nina: Mavis Terencio at Shainie Magbiray Kuha ni: Shirge Sagansay Taga-edit ng bidyo: David Kyle Gila #AngAninag

TINGNAN | Mahigit 1200 mag-aaral mula ika-10 baitang ng Negros Occidental High School ang nakilahok sa playground demonstration sa pagbubukas ng Division Meet sa Panaad Park and Stadium, Disyembre 17. - Kaugnay na balita: https://tinyurl.com/3zpzzsmb Kuha ni: Elthea Mercado Kompilasyon ni: David Kyle Gila #AngAninag

TAO PO? | Hindi Isang Kolek-SHON-g Pambata III (Pahina #4) (𝙋𝘼𝘼𝙇𝘼𝙇𝘼: 𝘼𝙣𝙜 𝙖𝙠𝙩𝙪𝙬𝙖𝙡 𝙣𝙖 𝙡𝙞𝙩𝙧𝙖𝙩𝙤 𝙖𝙣𝙜 𝙜𝙞𝙣𝙖𝙢𝙞𝙩 𝙣𝙖 𝙗𝙖𝙘𝙠𝙜𝙧𝙤𝙪𝙣𝙙 𝙨𝙖 𝙥𝙖𝙜𝙨𝙖𝙨𝙖𝙡𝙖𝙧𝙖𝙬𝙖𝙣.) “May tawo pa da?” Ito ang bumasag sa katahimikan habang kinukunan ni Gabriel ng litrato ang classroom na walang laman. Sanay na siyang maiwan nang mag-isa pagkatapos ng ensayo kaya walang sagot na natanggap mula sa katanungan; hindi kasi tao ang kasama. Alas singko pa lamang ng hapon nang matapos ang pag-eensayo nina Gabriel at mga kaklase sa silid ng Main Building sa Negros Occidental High School. Takot man dahil nag-iisa, determinado siyang gawin ang nakaatas na misyon—tiyaking maayos ang classroom at walang maiwan bago ito isara. (“Wala na gid to ya tawo kay nagpuli naman amon adviser, timprano man kami natapos ti ako na lang gid to ya ang nabilin.”) “Wala na talagang tao dahil umuwi na rin naman ang adviser namin, maaga rin kaming natapos kaya ako na lang talaga ang natira.” Bilang patunay na nailigpit ang silid, kinuha niya ang cellphone saka kinunan ng litrato ang kabuoan nito bago ipasa sa mga kaklase’t guro: maayos ang pagkakahanay ng mga upuan at mesa, nabura ang mga sulat sa pisara, at nakasara na ang mga bintana. (“Kibot na lang ko pagpuli ko, sagay bagting akon cellphone, damo-damo ga message sa akon.”) “Nagulat na lamang ako noong pag-uwi ko, paulit-ulit na tumutunog ang cellphone ko, binaha na ako ng mga mensahe.” Takot sa kung anuman ang nagawang pagkakamali, nanginginig na mga kamay ang ginamit ng binata habang iniisa-isa ang mga mensaheng natanggap. Sa madilim na sulok ng kaniyang kwarto, doon niya lamang mariing natitigan ang larawan at nanindig ang balahibo sa bawat bahagi ng katawan nang makita ang pamilyar na imahe; nakatayo, tila naghihintay na mahagip ng mga mata. Bigla niyang naalal

WEDNESDAY | Hindi Isang Kolek-SHON-g Pambata (Pahina #3) Sa kapayapaan mas lumalakas ang hikbi, napatigil sa pagsusulat sa pisara't napatindig ang balahibo ng gurong nagugulumihanan sa pinanggalingan nito. Pangkaraniwan lamang na nahihinto ang klase tuwing may nag-iingay, iilang saway at makikinig din naman — kung totoong estudyante ang pinagsasabihan. Miyerkules noon at alas diez pa lamang ng umaga, masiglang nagtuturo ang gurong si Bb. 'Lisa' sa ikalawang silid sa gusali ng Antonio Luna. Sa kalagitnaan nito, nakarinig siya ng hindi maipaliwanag na iyak ng bata. Pinapatibay ang sariling paniniwala, inakala niyang isa lamang sa kaniyang mga pilyong mag-aaral ang gumagawa nito. "𝙎𝙞𝙣-𝙤 𝙙𝙖 𝙜𝙖𝙜𝙖𝙝𝙤𝙙 𝙢𝙖𝙣? 𝙎𝙞𝙣-𝙤 𝙙𝙖 𝙜𝙖𝙝𝙞𝙗𝙞-𝙝𝙞𝙗𝙞 𝙨𝙞𝙣𝙮𝙤? 𝘼𝙗𝙞 𝙥𝙖𝙜𝙝𝙞𝙥𝙤𝙨," Sino sa inyo ang nag-iingay diyan? Sino yang umiiyak-iyak? Tumahimik nga kayo," ani Lisa. Kinalaunan, nabigyan ng panandaliang kapayapaan ang kaniyang silid, ngunit dahil dito, mas naestatwa siya nang umalingawngaw ulit ang hagulgol. Sa tindi ng ingay ng pag-iyak, umabot na sa kabilang silid ang himig nito; siyang nagpatulo ng malalamig na pawis sa noo ng mga mag-aaral at guro na naroon. "𝙋𝙖𝙜𝙠𝙖𝙙𝙖𝙨𝙤𝙣 𝙣𝙜𝙖 𝙬𝙚𝙚𝙠, 𝙨𝙖𝙢𝙚 𝙙𝙖𝙮 (𝙬𝙚𝙙𝙣𝙚𝙨𝙙𝙖𝙮) 10 𝙖𝙢 𝙡𝙞𝙬𝙖𝙩, 𝙢𝙖𝙮 𝙣𝙖𝙜𝙝𝙞𝙗𝙞 𝙣𝙖𝙢𝙖𝙣. 𝙋𝙚𝙧𝙤 𝙞𝙣𝙙𝙞 𝙣𝙖 𝙗𝙖𝙩𝙖, 𝙣𝙖𝙣𝙖𝙮 𝙣𝙖. 𝙉𝙖𝙣𝙖𝙮 𝙣𝙖 𝙣𝙜𝙖 𝙙𝙖𝙬 𝙜𝙞𝙣𝙖-𝙨𝙖𝙠𝙞𝙩 𝙠𝙖𝙜 𝙙𝙖𝙬 𝙜𝙖𝙬𝙖𝙣𝙜𝙖𝙡. 𝙏𝙝𝙞𝙨 𝙩𝙞𝙢𝙚, 𝙣𝙖𝙗𝙖𝙩𝙞𝙖𝙣 𝙣𝙖 𝙨𝙖𝙣𝙜 𝙖𝙠𝙤𝙣 𝙨𝙩𝙪𝙙𝙚𝙣𝙩𝙨, 𝙜𝙞𝙣𝙥𝙖𝙢𝙖𝙣𝙜𝙠𝙤𝙩 𝙠𝙤 𝙥𝙖

ANINAG SA SULOK | Saan aabot ang #Masskara budget mo? Balik-yuhum o Balik-yambi? Mula sa makukulay na street dances, lokal na pagkain, at magarbong mga masskara, puno ng sigla at tradisyon ang isa sa mga pinakahinihintay na pagdiriwang sa City of Smiles, ang Masskara Festival! Bacolodnon man o hindi, isa itong taunang pagdiriwang na dapat ninyong maranasan! Sa iba't ibang mga pakulo, tiyak na mapapasabak ang bulsa, kaya ikaw, saan aabot ang #Masskara budget mo? - Sulat at Ulat ni: Jock Livingston Kuha ni: Shirge Sagansay Taga-edit ng Bidyo: Rhowee Ramos #AninagSaSulok #AngAninag

PANOORIN | BALIK-ESKWELA 2024 Positibo ang hangarin at labis ang kahandaan para sa taong panuruan 2024-2025. Ito ang nangingibabaw para sa mga guro't mag-aaral ng Negros Occidental High School sa pagsisimula ng kasalukuyang taong panuruan, Hulyo 29. - Ulat nina: Jans Macariola at Jade Sagun Kuha ni: Shirge Sagansay Taga-edit ng bidyo: David Kyle Gila #AngAninag

ALIW | Baks baks Dalawang tulog na lang! Nakahanda na ba ang iyong katawan at katarungan para sa taong panuruan 2024-2025? - Disenyo ni: Mary Angeli Gumban #AngAninag

Sa dulo ng walang katiyakan

Sa dulo ng walang katiyakan. Blangko—ganito inilarawan ng 'Rank 1' sa taong panuruan 2023-2024 na si John Stepher Sabio mula 12 STEM – Humility ang kaniyang naging akademikong paglalakbay. Bagaman nanguna sa kabuuan ng ika-12 baitang, binigyang-diin ni Sabio ang mga pagdududang naramdaman at kawalan ng kasiguraduhan sa mga posibleng kalalabasan. Iginiit ni Sabio na hindi naaayon sa kagustuhan at inaasahan ang lahat ng mga nangyayari kung kaya't mahalaga ang pagiging handa at preparado. Payo niya sa mga kapwa mag-aaral, kinakailangan ang maiging pag-aaral at asahan ang pagsasakripisyo ng iba't ibang mga bagay kung ninanais ding makamit ang 'With Highest Honors'. - Bahagi rin ng Ang Aninag si Sabio bilang Manunulat ng Isports. Mula sa patnugutan, binabati at ipinagmamalaki ka namin, Sabio! Sulat ni: Czaren Canlog Panayam ni: Leanna Martirez Kuha ni: Shirge Sagansay Taga-edit ng Bidyo: Lamont Casia #AngAninag #PagbigayParangal2024

Pilak na Tagumpay

Pilak na tagumpay. Natumbasan ang lahat ng hirap na dinanas sa kabila ng maraming pagsubok sa natamong gantimpala ni Mariz Ashley Salavante, mag-aaral mula sa 12 ABM - Generosity, na nakakamit ng ‘With Highest Honors’ at pumangalawa sa kabuuan ng ika-12 na baitang. Hindi naging hadlang ang mga hamon sa kanyang kagustuhang makamit ang mga inaasahang layunin. Binuhos niya ang lahat ng pagsisikap hindi lamang sa akademikong aspeto, kundi pati sa ‘extracurricular’ na mga aktibidad katulad ng pamamayagpag sa mundo ng pamamahayag bilang Broadcasting Head ng NOHS - The Reflector at sa larangan ng pamumuno bilang Executive ng Learner's Government on Commission on Elections and Appointments (LG COMEA). Saad pa ni Salavante, hindi sapat ang pagiging matalino lamang para matupad ang mga hinahangad, pagsisikap ang magiging daan upang matamo ang mga mithiin. - Sulat ni: Nathalie Mirasol Panayam ni: Leanna Martirez Kuha ni: Shirge Sagansay Taga-edit ng Bidyo: Lamont Casia #AngAninag #PagbigayParangal2024

Ginintuang pahina sa bagong kabanata. Bilang isang ‘transferee’, panibagong mga pananaw ang bumalangkas sa pagtatapos ng taong panuruan para kay Kenneth Marius Bravo, mag-aaral mula 11 STEM – Kindness, at tanging nakakamit ng pinakamataas na parangal o ‘With Highest Honors’ sa ika-11 baitang. Sa kabila ng mga agam-agam at pagdududa sa sarili, nagbigay-daan ang kaniyang mga naging pinagdaanan upang malampasan ang mga hamong sumasagupa. Payo ni Bravo ayon sa sariling karanasan, mahalaga ang pagsisikap subalit mas makabubuti ang pagbibigay ng buong makakaya kung ninanais na makamit ang kaparehong parangal. Dagdag pa niya, susi ang paghahangad ng panibagong mga kaalaman at pagkatuto sa pag-unlad at paghubog ng pagkatao. - Sulat at Panayam ni: Czaren Canlog Kuha ni: Kharl Montero Taga-edit ng Bidyo: Lamont Casia #AngAninag #PagbigayParangal2024

TINGNAN: IWAG AWARD NOMINEE Sa kabila ng mga hamong dala ng pamamahayag, determinado si Manuella P. Paulino, Tagapamahalang Patnugot ng Negros Occidental High School - Ang Aninag na pakinggan ang mga hinaing ng publiko, magbigay kamalayan, at magsilbing daluyan ng impormasyong maaasahan ng masa. Patuloy na pagsiwalat at pagbahagi ng katotohanan, patuloy na mamamahayag para sa pangkalahatan. IWAG 2024 Nominee Manuella P. Paulino Tagapamahalang Patnugot Negros Occidental High School - Ang Aninag

NOHS - Ang Aninag

06/01/2025

03/01/2025

31/12/2024

30/12/2024

30/12/2024

29/12/2024

24/12/2024

22/12/2024

21/12/2024

21/12/2024

19/12/2024

19/12/2024

18/12/2024

18/12/2024

18/12/2024

17/12/2024

15/12/2024

09/12/2024

Address

Telephone

Website

Alerts

Contact The Business

Videos

Sa dulo ng walang katiyakan

Pilak na Tagumpay

Shortcuts

Share

Category