BACO Public Information Office

12/12/2023

TINGNAN: Upang mapasalamatan ang ating mga g**o bilang mga bayani ng bawat mag aaral at base na rin sa Provincial Ordinance No. 137-2022 : Providing Monetary Incentive to all Public Elementary and Secondary High School Teachers, isinagawa ngayong araw ang " A Thanks Giving Program for the Teachers as Hero" na ginanap sa Baco National High School.

Ang nasabing programa ay dinaluhan ng mga g**o mula sa 34 na paaralan ng elementarya at 8 na pang sekondarya sa bayan ng Baco. Ayon kay Gov. Bonz Dolor, ang Provincial Ordinance No.137-2022 ay isa sa napakagandang ordinansa na naipasa ng Sangguniang Panlalawigan sa pamumuno ni Vice Governor Ejay Falcon. Aniya, alam nila ang sakripisyo ng mga g**o upang maturuan ang mga bata at mapataas ang porsyento ng mga Mindorenyong nakakapag aral.

Sa mensahe naman ni Mayor Allan A. Roldan, lubos ang pasasalamat nya sa Pamahalaang Panlalawigan sa napakagandang pamasko nito sa mga g**o. Ayon dito,alam nya na may magkakaloob ng tulong sa mga g**o sapagkat limitado lang ang badyet ng lokal na pamahalaan para sa mga kahilingan ng mga ito.Sa huli, nagbigay ang Gobernador ng tig isang laptop sa 2 g**o na nagdiriwang ng kanilang kaarawan.

Dumalo naman sa nasabing programa sina Bokal Edilberto Ilano, Bokal Jocy Neria, Bokal Aleli Casubuan-Tan, IPMR Bokal Ahop Agate at EA Miko Atienza bilang kinatawan ni VG Falcon.

Sa huli,taus pusong pasasalamat ang ipinaabot ng mga g**o kay Gov Dolor, sa mga miyembro ng 11th Sangguniang Panlalawigan at kay Mayor Allan Roldan para sa maagang pamasko./ Disyembre 12,2023

12/12/2023

TINGNAN: Pinirmahan na ngayong araw ang Deed of Donation para sa kabuuang sukat na 1,804 square meters na ipinagkaloob ng mga pribadong mamamayan ng Baco para sa Philippine National Police.

Pumirma sa nasabing donasyon ang mga may-ari nito na si G. Joseph D. Magat at Bb. Marilyn M. Morales, PCOL REXTON F SAWI, Force Commander ng Regional Mobile Force Batallion (RMFB,PRO MIMAROPA) bilang kinatawan ng PNP at Mayor Allan A. Roldan.

Ayon kay Bb. Morales, buong puso nila itong ipinagkaloob sa RMFB upang makatulong sa pagpapanatili ng kapayapaan sa ating bayan. Aniya, kapag tahimik sa isang lugar ay mas malaki ang potensyal na dumami ang mamumuhunan dito. Nagpasalamat naman si PCOL SAWI sa mga taong nagkaloob ng lupa sa kanila sapagkat maiituring na ito ay sarili na nila.

Ayon kay Mayor Roldan malaking tulong sa Pamahalaang Bayan na may mga tao na bukas sa pagbibigay ng kanilang ari-arian para sa kapayapaan ng bayan. Nagpasalamat ang Punongbayan sa mga ito sapagkat dito na itatayo ang permanenteng headquarters ng RMFB. Tanging hiling nya sa mga kapulisan na tulungan ang munisipalidad na mapanatili ang katahimikan sa buong bayan ng Baco. / Disyembre 12,2023

12/12/2023

TINGNAN: Matapos ang isang taon at dalawang buwan ng pagsisilbi sa mga Bacoenos, pormal ng pinalitan ang pamunuan ng Baco Municipal Police Station.
Sa pangunguna ni Provincial Director PCOL SAMUEL S DELORINO kasama sina PLTCOL DOMINADOR D MADRID III, Chief, PARMU at Mayor Allan A. Roldan, isinagawa ang Turn Over of Command sa pagitan nina Outgoing Officer-In-Charge PCPT ERMIN C CABANDING at Incoming Acting Chief of Police PMAJ MICHAEL P RIVERA.
Si PMAJ Rivera ay dating naging OIC ng Mansalay MPS at galing sya sa PRO Mimaropa bago ang pagtatalaga sa kanya bilang Acting COP ng Baco MPS. Buong puso nyang tinanggap ang bagong hamon na pamunuan ang kapulisan ng bayan ng Baco at tumugon sa kahilingan ng Punongbayan na maipatupad ang mga batas na nararapat sa mga mamamayan. Hiling din ni Mayor Roldan na mapanatili ang katahimikan sa ating bayan lalo na sa mga panahon na may mga aktibidad.
Lubos ang pasasalamat ni Mayor Roldan kay PCPT Cabanding sa hindi matatawarang serbisyo nito sa mga Bacoenos. Gayundin, kinilala nito ang galing nito sa koordinasyon at pagpapanatili ng seguridad sa ating bayan.
Nagpasalamat naman ang bagong Acting Chief of Police sa mainit na pagtanggap sa kanya ng bayan ng Baco./ Disyembre 12,2023

11/12/2023

Congratulations sa lahat ng kawani ng Pamahalaang Bayan ng Baco na nakapasa sa Licensure Examination for Teachers noong Setyembre 2023.

Nhedy F. Sare - Local Legislative Staff Assistant I
BCC- Batch 2018
Bachelor of Public Administration

Marlou U. Dalisay-Instructor I
BCC- Batch 2022
Bachelor of Public Administration

Rundolp M. Ronquillo- OSAS Director/Instructor 2/ Student Council Adviser
BCC- Batch 2018
Bachelor of Public Administration

Ma. Mylene Q. Najeto- Administrative Aide I
University of Pasay- Batch 2008
Bachelor of Science in Elementary Education

Sharon L. Borja- Baco BIR- Front Desk Clerk
SACCI- Batch 2022
BSED- English

Cindy E. Alban - Registrar's Office
College Registrar
Mindoro State University-Batch 2016
Bachelor of Arts in Psychology

Angelica E. Andrade- GIP-RHU
MinSU- BTVTED- Electronics
Batch 2022/Disyembre 11,2023

11/12/2023

TINGNAN: Nag courtesy call ang bagong Officer-In-Charge ng Baco MPS kay Mayor Allan A. Roldan sa kanyang tanggapan.

Si PMAJ Michael P. Rivera ang pumalit kay PCPT Ermin Cabanding na dating OIC dito sa loob ng mahigit isang taon./ Disyembre 11,2023

11/12/2023

07/12/2023

TINGNAN:Ngayong araw ay dumalo si Mayor Allan A. Roldan sa isang Free Seminar kaugnay ng kampanyang "African Swine Fever: Protect Our Pigs" na may paksang "Retrospective Study on the Epidemiology of African Swine Fever (ASF) Outbreaks in the Philippines" sa pangunguna ng Golden Harvesta, Johnwealth Laboratories Corporation, at Genesus Philippines sa pakikipagtulungan ng Sorosoro Ibaba Development Cooperative (SIDC) na ginaganap sa Dulangan 2, Baco, Oriental Mindoro, ika-7 ng Disyembre 2023.

Bilang Guest Speaker, nagbahagi si Technical Consultant Doc. Romula M. Parayao, DVM, DipPCSP ng impormasyon kaugnay ng estado, kalagayan at kung paano makaiiwas sa naturang sakit sa mga alagang baboy./Disyembre 7,2023

07/12/2023

TINGNAN: Nagsagawa ng pagpupulong ang
Centro Dulangan II Farmers Association sa pangunguna ng kanilang Pangulo na si G. Generoso H. Evora ,dating Kapitan Roberto de Ocampo at Program Manager Ms. Dyrin Politico na dinaluhan ni Mayor Allan A. Roldan

Ang asosasyon ng mga magsasakang ito ay may 86 na miyembro at isa sa limang asosasyon ng mga magsasaka na nabigyan ng Harvester mula sa Department of Agriculture -Philmech na ipinamahagi kasabay ng kaarawan ni Gov. Bonz Dolor .

Kasama ring nabigyan
Malapad Farmers Association,
Centro Dulangan II Farmers Association,
Tabon Tabon Farmers Association at
Water Farmers Association ./ Disyembre 7,2023

06/12/2023

TINGNAN: Nag courtesy calll sa tanggapan ni Mayor Allan A. Roldan ang kapulisan ng PNP Mimaropa sa pangunguna ni PLTCOL EMERSON A. TARAC, Chief, CRMC/ IORC, RCADD at PLTCOL ALFREDO E. LORIN na magsasagawa ng outreach program sa Sitio Tahik Brgy Burbuli.

Magbibigay sila food packs sa mga residente dito na karamihan ay katutubo, magkakaroon din ng feeding program at mamimigay ng mga laruan para sa mga bata. Magsasagawa na rin sila ng seminar para sa mga barangay police.

Kasama rin nila ang mga kinatawan mula sa PSA upang magsagawa ng information dissemination tungkol sa pagkakaroon ng pagkakakilanlan at ipamahagi ang mga birth certificate.

Nagpasalamat si Mayor Roldan na napili nila ang Brgy Burbuli upang bigyan ng pamasko. Aniya,malaking tulong ito sa mga ito at malaking saya ang hatid nito lalo na sa mga bata./Disyembre 6,2023

06/12/2023

TINGNAN: Isinagawa ang 4th Local Health Board meeting ngayon sa tanggapan ni Mayor Allan A. Roldan . Ang pagpupulong ay dinaluhan ng mga Municipal Health Office staff sa pangunguna ni Dr. Isagani Cañete, ABC President Benedicto Manimtim, kinatawan mula sa DOH, BFP at MLGOO Amelia Ramos.

Sa presentasyon ni Dr. Cañete, tinalakay nya ang health status sa ating bayan. Nagkaroon din ng Nutrition Program Updates. Sa ngayon ay nangunguna ang bayan ng Baco sa may pinakamataas na porsyento ng malnutrisyon. Lahat ng bata ay tinimbang na umabot ng halos 81% . May isang bata ang pumasok sa Severe Acute Malnourished na ngayon ay inaalagaan sa Provincial Hospital.

Nakiusap din si Dr. Cañete na kailangang pag usapan ang mga isyu sa mga Barangay Health Worker na tinanggal at nag resign matapos ang barangay election.

Tinalakay naman ni MLGOO Ramos ang Joint Memorandum Agreement ng DILG hinggil sa usapin ng pagpapalit ng mga BHW at BNS . Ayon sa kanya nasa kapangyarihan pa rin ito ng Punongbarangay.

Sa mensahe ni Mayor Roldan, nagpasalamat sya sa MHO at lahat ng kasapi ng LHB. Aniya, hahayaan nya ang mga Punongbarangay na ayusin ang kanilang mga health worker. Ayon dito dapat ding magbigay kurtesiya ang mga BHW/ BNS sa kung sino man ang nanalong Kapitan sapagkat ito ang nararapat./ Disyembre 5,2023

04/12/2023

TINGNAN: Sa bisa ng Sangguniang Bayan Resolution No. 228-2023 na nagbibigay ng kapangyarihan kay Mayor Allan A. Roldan na pumasok sa Memorandum of Agreement sa pagitan ng Lokal na Pamahalaan at Social Security System Luzon South 2 Division na pinamumunuan naman ni G. Antonio S. Argabosio, pormal ng nilagdaan ang nasabing MOA ngayong araw.

Lumagda si Mayor Allan A. Roldan bilang kinatawan ng Pamahalaang Bayan ng Baco at si Gng. Imelda G Familaran bilang kinatawan ng SSS. Lumagda din bilang mga witness sina Municipal Accountant Ardie Dolor at Executive Assistanl Lile Kristine Escueta.

Layunin ni Mayor Roldan na mabigyan ng kasiguraduhan ang kapakanan ng mga kawani sa ilalim ng Contract of Service (COS) at mga Job Order (JO). Aniya, isa ito sa pwedeng maging benepisyo ng mga ito sa panahon ng kanilang pagreretiro. / Disyembre 4,2023

04/12/2023

Sa atin pong mga kababayang Bacoeños, kayo po ay malugod naming inaanyayahan sa mga gagawing pagtatanghal tuwing gabi sa ating municipal ground simula sa Disyembre 6,2023 sa ganap na ika-7:00 ng gabi.

Ito po ang mga naka assigned na departamento tuwing gabi.

Dec.6 - MHO & MPDO
Dec.7 - Assesor & MSWDO
Dec.8 - Accounting & BCC
Dec.9 - Budget & MDRRMO
Dec.10 - Engineering & HR
Dec.11 - BPLO & MCR
Dec.12 - Treasurer & DA

Abangan ang iba pang mga naka assigned simula Disyembre 14 hanggang Disyembre 21.

Maligayang Pasko Bacoeños./ Disyembre 4,2023

04/12/2023

Thank you Mayor Allan AR Roldan sa patuloy na suporta sa ating mga kababayang nagpapa-dialysis.
Ang Hemodialysis Dialyzer po ay ipinamimigay tuwing ikalawang buwan o anim na beses sa isang taon.

Mga pasyente po na ikinuha namin ay ang sumusunod:

Jeffrey Macuha - Putican Cabulo
Feleciano Dizon - Sta.Cruz
Cyril Ilagan - Pulantubig/ Disyembre 4,2023

30/11/2023

TINGNAN: Nagsagawa ng pagpupulong ang
Dalig Farmers Association (DALFA) sa pangunguna ng kanilang Pangulo na si Konsehal Ananias Belen
ng Brgy. Tagumpay na dinaluhan ni Mayor Allan A. Roldan

Ang DALFA ay may 44 na miyembro at isa sa limang asosasyon ng mga magsasaka na nabigyan ng Harvester mula sa Department of Agriculture -Philmech na ipinamahagi kasabay ng kaarawan ni Gov. Bonz Dolor .

Kasama ring nabigyan
Malapad Farmers Association,
Centro Dulangan II Farmers Association,
Tabon Tabon Farmers Association at
Water Farmers Association ./ Nobyembre 30,2023

30/11/2023

TINGNAN: Isinagawa ngayong araw ang Simultaneous conduct of Exit and Graduation Ceremony of 4P's Beneficiaries in Mimaropa Region na may temang Paglalakbay Tungo sa Tagumpay: Pagtatapos ng mga Benepisyaryo ng Pantawid Pamilya na pinangunahan ng DSWD Pantawid Pamilyang Pilipino Program.

Di man nakadalo sa programa si Mayor Allan A. Roldan ,lubos ang pasasalamat nya sa DSWD sapagkat hindi lang basta ayuda ang ibinibigay ng ahensya sa mga mamamayan bagkus ay pag asa at pagiging responsable sa kabila ng kahirapang nararanasan. Hinikayat nya rin ang mga nagtapos sa programa na wag malungkot na wala na silang grant na makukuha sapagkat nandito ang ating pamahalaan na handang umagapay.

Ikinatuwa ng mga nagsipagtapos ang magandang programa ng Punongbayan sapagkat nawalan man sila ng ayuda ay sigurado nilang di sila pababayaan ng ating pamahalaan.
Nasa 180 ang mga Bacoeños na nagtapos ngayon.

Sa mensahe naman ni Provincial Link Pantawid Pamilya Ms.Maridel T. Rodriguez,nakikita nya umano na hindi pababayaan ng pamahalaan ang mga graduates sapagkat konkreto at sigurado si Mayor Roldan sa mga gagawin nya para sa bayan ng Baco.

Nagkaroon din ng Ceremonial Turn Over of Torch at Awarding of Certificates.

29/11/2023

TINGNAN: Bilang bahagi ng kanilang Community Health Nursing Subject , napili ng mga mag aaral ng Luna Goco Colleges Bachelor of Science in Nursing 3rd year students ang Municipality of Baco upang makapagbigay ng karagdagang impormasyon tungkol sa kalusugan ng ating mamamayang Bacoeños.

Ang kanilang komunidad na napili ay ang Barangay Lantuyang at Barangay Bayanan na kung saan naninirahan ang ating mga kapatid na katutubo.

Lubos ang pasasalamat ng mga mag aaral kay Mayor Allan A. Roldan at Municipal Health Office Staff sa kanilang mainit na pagtanggap at pag alalay./ Nobyembre 29,2023

📷 MJ SALAVARIA

28/11/2023

TINGNAN: Sa pangalawang pagkakataon, matagumpay na nasimulan ang Paskong Pinoy sa bayan ng Baco.

Pinasimulan ang programa sa pamamagitan ng Pagpupugay 2023 o pasasalamat sa mga lingkod ng barangay na nagtapos ng kanilang termino at bukas palad na pagtanggap naman sa mga bagong halal na sya namang makakatuwang ng Pamahalaang Bayan para sa pagpapaunlad ng ating bayan.

Sa mensahe ni Mayor Allan A. Roldan, muli nyang pinasalamatan ang mga Bacoenos na nakikiisa sa mga programa ng ating pamahalaan.Aniya, ang mga katulad nitong programa ay inihahandog nya sa kanyang mga kababayan upang kahit paano ay mabigyang kasiyahan ang mga ito.

Isang masayang gabi naman ang inihandog para sa mga mga Bacoenos at dinayo din ng mga kababayan nating Mindorenyo mula sa mga karatig bayan. Rakrakan kasama ang VJOSH Band na unang nag perform kung saan kinawilihan ito ng mga kabataan. Kahit pa nag brownout ay tuloy pa rin ang isinagawang Ceremonial Switch On ng pailaw na sadyang hinintay ng ating mga kababayan. Naka angkla sa “Love the Phillipines” ng Department of Tourism ang tema ng Christmas Village ngayong taon kung saan makikita ang mga tourist attraction mula sa iba ibang rehiyon. Ito ay sa pamamagitan ng sama samang pagtutulungan ng iba’t ibang departamento na pinangunahan ni Mr. Bejay Dimalibot ng Baco Tourism Culture and the Arts.

Sa finale naman ay ang inaabangang SIAKOL Band. Hindi magkamayaw ang libo libong tao ng magsimula ng kumanta ang sikat na banda. Nakisabay sa awitin at sumabay sa sayaw hindi lang ang mga kabataan ngunit ang lahat ng dumalo. Nagtapos naman ang pagdiriwang sa isang magarbong fireworks display.

Maraming salamat sa bawat Bacoenos ..Alay po namin ito sa inyo!/ Nobyembre 28,2023

27/11/2023

TINGNAN: Kinilala ng Pamahalaang Bayan ng Baco sa pangunguna ni Mayor Allan A. Roldan ang mga dating lider na nagsilbi sa kani-kanilang komunidad sa pamamagitan ng isang programa ng pagpupugay.

Nagsimula ang Pagpupugay 2023 sa pamamagitan ng mainit na pagtanggap ni Mayor Roldan sa mga panauhing pandangal at sa lahat ng mga pararangalan. Ayon sa mensahe ng Punongbayan, marapat lamang na parangalan ang mga buhay na bayani ng Bayan ng Baco dahil kaisa sila sa pag-unlad ng kanilang barangay at sa patuloy na pagyabong ng ating munisipalidad.

Matapos namang magbigay ng kanyang mensahe si MLGOO Amelia L. Ramos ipinakilala nya naman ang panauhing pandangal na si SLGOO 7 Dennis Beltran bilang kinatawan ni DILG Provincial Director Maria Victoria J. Del Rosario.

Ayon kay SLGOO Beltran may mga katangiang dapat taglayin ang isang lingkod bayan tulad ng pagiging matapat, mapagkakatiwalaan, masipag at maka-Diyos. Mga katangian na magdadala sa kanila para sa isang maayos na pamumuno.

Nagbigay din ng kanilang mensahe sina ABC President Benedicto Manimtim at si dating PSBK President at ngayon ay Punongbarangay ng Brgy. Water Evangeline Banta bilang pag alalay sa mga bagong halal.

Bilang pagtatapos, tumanggap ng sertipiko ng pagkilala ang mga nagtapos na sa kanilang termino at pagsalubong naman ng administrasyong Roldan sa mga bagong halal na magiging panibagong katuwang sa pag unlad ng bayan ng Baco.
Kinilala din ang Brgy Tagumpay bilang nag iisang barangay na nakatanggap ng SGLG Award for Barangay.

Naging matagumpay ang naturang programa sa tulong ni Baco Tourism, Culture and the Arts Coordinator Bejay C. Dimalibot bilang Master of the Ceremony, MEO staff at Mayor's Office staff.

26/11/2023

https://fb.watch/oyk2cTeFH1/?mibextid=Nif5oz

24/11/2023

𝗣𝗔𝗚𝗣𝗨𝗣𝗨𝗚𝗔𝗬 𝟮𝟬𝟮𝟯

Sama-sama nating pasalamatan at bigyang pagpupugay ang mga natatanging lingkod barangay na nagsilbi nang may dedikasyon, puso, at kahusayan sa larangan ng pamumuno.

Tunghayan ang pagkilala sa mga bagong halal na opisyales ng barangay ngayong ika-27 ng Nobyembre 2023 sa ika-10 ng umaga sa harapan ng Municipal Compound ng Bayan ng Baco.

24/11/2023

TINGNAN: Bumisita ang National Commission for Culture and the Arts sa Graciano Politico dela Chica Mangyan High School para sa Balay Pinoy.

Ito ay kaugnay ng pagdiriwang ng Filipino Values Month 2023 na kung saan ay napili ang nasabing paaralan para gawin ang NCCA Values School Caravan. Sa pamamagitan ng gawaing ito ay ibinabahagi ng mga tagapangasiwa ang 20 Core and Shared Filipino Values.

Layunin nito na pagtibayin at hubugin ang isipan at damdamin ng mga kabataang mag-aaral na katutubo ng pagmamahal sa kanilang sariling kultura, kahalagahan ng kabutihang asal , pagmamahal sa pamilya at lalo’t higit ang edukasyon na kanilang magiging sandata sa paglago ng kani-kanilang buhay.

Kabilang sa mga naging gawain ay ang isang workshop sa sayaw sa pamumuno ni Mr. Anthony Cruz, kung saan ipinakita rito ang iba’t -ibang problema ng ating mga kapatid na katutubo na kinakaharap sa pagpasok sa paaralan.

Bilang karagdagan, isang natatanging bilang mula sa mga katutubong mag-aaral ng Anastacio Dela Chica National High School ang itinanghal sa tulong at pangunguna ni Direk Chavit Zulueta tampok ang mga larong katutubo.

Nagkaroon ng isang maikling program na dinaluhan ng mga stakeholders ng paaralan kabilang ang ating pamahalaang lokal sa pangunguna ni Mayor Allan A. Roldan sa pamamagitan ng kanyang kinatawan na si G. Bejay C. Dimalibot -Tourism, Culture and the Arts Coordinator, mga SB Members- Hon. Arlene Perena at Hon. Jay Lorence Najito, mga kinatawan ng DepEd Division of Oriental Mindoro – Dr. Oscar Linga at Sir Ricky Dalawampu, at Mrs. Francisca Gonzales, at Municipal Police Station Personnel.

Sa mensahe na ipinadala ng ating Punongbayan ay lubos ang kaniyang pasasalamat sa nasabing pagdiriwang. Ipinahayag din niya na ang LGU Baco ay patuloy ang pagsuporta sa mga gawain ng DepEd na may kinalaman sa pagpapaunlad ng kaalaman at pagkatao ng bawat Kabataan ng Baco.

Sa panghuling pananalita ng Teacher-In-Charge ng paaralan na si Dr. Loida S. Pigon ay labis ang kaniyang pasasalamat sa NCCA at sa lahat ng stakeholders sa ibinahaging suporta upang maisakatuparan ang nasabing programa na may magandang adbokasiya sa mga mag-aaral.

22/11/2023

PASKONG PINOY SA BACO, TARA NA AT MAKISAYA!

Isang masiglang pagdiriwang ng Pasko sa Bayan ng Baco! Tampok ang mga piling landmark sa Pilipinas na papalamutihan ng ilaw at iba pang simbolo ng Pasko.

Ipapamalas sa Christmas Display sa Municipal Ground ang mga magagandang tanawin sa ating bansa , ito ay tugon din sa ating pakikiisa sa bagong Tourism brand campaign na “Love the Philippines”.

Tara na at makisaya sa makulay at masiglang pagdiriwang, isang pagtatanghal ng tunay na diwa ng Paskong Pilipino at pagpapakita ng pagmamahal sa ating bansa!

Ito'y isang mainit na paanyaya na inaalok sa lokal na komunidad at sa mga bisita mula sa malayo, na nagbibigay-diin sa pagkakaroon ng pagkakaisa at katuwaan. Ang layuning ito ay hindi lamang upang lumikha ng mga masasayang alaala para sa mga dadalo kundi pati na rin upang itaguyod ang turismo sa Bayan ng Baco.

17/11/2023

Halina't makisaya sa gaganaping Grand Christmas Display Opening na handog ng Lokal na Pamahalaan ng Baco sa pangunguna ni Mayor Allan A. Roldan.

Tunghayan ang inihandang pailaw ng munisipyo sa Nobyembre 27, 2023! Gayundin, tampok sa naturang pailaw ang bandang Siakol at VJosh Tribe na maghahatid ng kasiyahan sa buong bayan na magaganap sa Western Nautical Highway sa harap ng Municipal Compound sa Baco.

Libre 'to, Bacoeños! Kaya naman, isama na ang buong pamilya, kabarkada, at iba pa upang sama-sama nating salubungin ang papalapit na kapaskuhan nang may ningning at kagalakan! Kitakits! 🌟🎄

17/11/2023

TINGNAN: Binasbasan ngayong araw ang isa sa pinakamalaking proyekto sa Bayan ng Baco.

Sa pangunguna nina Congressman Arnan C. Panaligan, Mayor Allan A. Roldan, Brgy.Chairman Lorenzo Cajayon, Jr. at mga Sangguniang Barangay, binasbasan ni Father Raymond Ruga ang bagong gawang kalsada mula Sitio Rubia hanggang Sitio Sta.Ana sa Brgy Bangkatan.

Ang kalsadang ito ay may kabuuang halaga na P19,266,428.54 mula sa pondo ng 1st Congressional District sa pamumuno ni Cong. Arnan C. Panaligan - sa ilalim ng programang AGILA o Aksyon ng Gobyerno at Inisyatibo sa Larangang Lehislatura.
Sa mensahe ng Kongresista, sinabi nya na nasa P803 milyong piso ang proyekto nya sa bayan ng Baco ngayong taon. Ito ay nakalaan sa pagpapagawa ng mga covered court, barangay hall, farm-to-market roads at iba pang mga pagawain. Nasa P1.5 milyong piso naman ang nailaan nila para sa scholarship ng mga kabataan. Aniya, maglalaan pa rin ng pondo ang kanyang tanggapan upang mapadugtong na ang kalsada ng Brgy.Bangkatan at Brgy.Tagumpay.

Lubos naman ang pasasalamat ni Mayor Roldan sa lahat ng proyektong ipinagkakaloob ni Cong. Arnan para sa bayan ng Baco. Ayon dito,maraming barangay ang makikinabang sa kalsadang ito sa panahon ng tag ulan at tag baha. Aniya, halos 40 taong naghintay ang mga mamamayan dito sa pangakong gagawin ang kalsadang ito ngunit ngayon ay isa na itong reyalidad. / Nobyembre 17,2023

17/11/2023

TINGNAN: Bumisita sa Bayan ng Baco ang isa sa kilalang Vlogger na si ForeignGerms na may halos 8 milyong followers.

Masayang tinanggap ang Vlogger at mga kasama nito ni Mayor Allan A. Roldan at Executive Assistant Lile Kristine Escueta. Nagpasalamat din ang Punongbayan na isa ang Bayan ng Baco sa kanyang napiling pasyalan.

Pinuntahan nila ang ilang magagandang resorts dito tulad ng Infinity Farm./ Nobyembre 17,2023

16/11/2023

PABATID: Para po sa ating mga kababayang Hog Raisers, nai renew na po ang ating RAS o Recognition of Active Surveillance on African Swine Fever mula Nobyembre 16 hanggang Pebrero 3, 2024.

Huwag po kayong maniwala sa mga mamimili na magkakaroon ng lockdown ang ating bayan sa paglalabas ng ating mga baboy.

Ugaliing makipag ugnayan sa ating Municipal Agriculture Office./ Nobyembre 16,2023

16/11/2023

PAGDIRIWANG NG 73rd FOUNDING ANNIV NG ORIENTAL MINDORO,NAGING MATAGUMPAY
BAYAN NG BACO AKTIBONG NAKIISA

Baco Oriental Mindoro – Naging matagumpay ang 3 araw na pagdiriwang ng Fiesta Mahal Tana ang ika-73 taong pagkakatatag ng lalawigan ng Oriental Mindoro noong Nobyembre 13-15,2023.

Nagsimula ang pagdiriwang sa Flag and Banner Raising na ginampanan ng mga Punongbayan kasama ang mga Miss Oriental Mindoro candidates. Sinundan ng Miss Oriental Mindoro motorcade, Araw ng Parangal sa Retirees ng kapitolyo, mga natatanging Magsasaka at Mangingisda kung saan awardee dito ang ating mga kababayan, mga mag aaral na nakakuha ng award sa local, national at international competition at ang Mindoro’s Finest – The Outstanding Policemen of Oriental Mindoro na isa sa mga pinarangalan ay si PEMS Wyson D. Bersoto ng Baco Municipal Police Station. Ginanap naman ang LGU Night sa Gloria municipal gymnasium na naging tampok naman ang Hatawanan 2023. Kampeon ang bayan ng Pinamalayan, sinundan ng Roxas at Bulalacao. Mas pinasaya ni Ate Gay at ilang stand up comedian ang gabi na sinundan ng rakrakan tampok ang Shamrock.

Sa pangalawang araw ng pagdiriwang isinagawa ang Oriental Mindoro Quizz Bee, Lutong Mindorenyo: Food and Innovation Festival at hinihintay ng lahat na Miss Oriental Mindoro Coronation Night at ang pag harana ni Tony Labrusca sa mga naggagandahang kandidata. Kinoronahan bilang Miss Oriental Mindoro 2023 si Ms.Naujan Myrea Caccam, Miss Oriental Mindoro Tourism si Jazryl Gayeta ng Calapan City, Miss Oriental Mindoro Mahal Tana Beauty Nicole Losloso ng Bongabong, 1st Runner Up si Rica Pisquera ng Mansalay at 2nd Runner Up si Ma. Sophia Torino ng Baco.

Sa huling araw ng pagdiriwang , nagdaos naman ng Misa ng Sambayanan kasunod ang Parada ng Sambayanan na dinaluhan ng mga kawani ng kapitolyo, Department of Education, mga kapulisan ng Oriental Mindoro Police Provincial Office sa pangunguna ni Provincial Director PCOL Samuel Delorino, mga national agencies at mga Lokal na Pamahalaan. Pinangunahan ni Mayor Allan A. Roldan at Baco Tourism, Culture and the Arts Officer Bejay Dimalibot ang delegado ng Pamahalaang Bayan ng Baco. Gumanap naman bilang Festival Queen si Executive Assistant Lile Kristine Z. Escueta katuwang si Program Manager Xyrin Mortel ng Municipal Registrar Office. Sama sama naman sa Agape Lunch ang lahat ng mga dumalo na ginanap sa Bulwagang Panlalawigan. Tagisan ng galing ng mga mag aaral mula sa iba ibang paaralan sa Tunog Mindoro: Drums and Glockenspiel Competition.

Sa pagtatapos ng pagdiriwang, dinagsa ng libo libong mga Mindorenyo ang Free Concert ng sikat na Ben & Ben na handog ni Governor Bonz Dolor at ng 11th Saggunian sa pangunguna ni Vice Governor Ejay Falcon para sa mga mamamayan. Di napigilan ang pagdagsa ng mga gustong makikanta at makisayaw kahit pa napakalakas ng ulan. Natapos naman ang pagdiriwang sa isang fireworks display.

Lubos ang pasasalamat ni Gov.Dolor sa lahat ng mga Mindorenyong nakiisa lalong higit sa lahat ng Punongbayan na dumalo sa kabila ng kanilang mga busy schedule. Aniya, malaking tagumpay ang pagdiriwang na ito na handog sa bawat isang Mindorenyo./ Nobyembre 16,2023

14/11/2023

https://m.facebook.com/story.php?story_fbid=355511013646939&id=100075641304634&mibextid=Nif5oz

13/11/2023

TINGNAN: Ang isinagawang Flag and Banner Raising Ceremonies na ginampanan ng Miss Oriental Mindoro candidate Ma.Sophia Torino katuwang ang ating Punongbayan Allan A. Roldan bilang opisyal na pagsisimula ng FIESTA MAHAL TANA, The Oriental Mindoro 73rd Founding Anniversary./ Nobyembre 13,2023

11/11/2023

TINGNAN: Pormal ng nanumpa sa katungkulan ang nasa 2,349 na mga bagong halal na opisyal ng barangay mula Punongbarangay, mga Konsehal at SK Chairperson ng unang distrito na lalawigan na ginanap sa Balai Mindoro, Brgy Bayanan I Calapan City.

Sa pangunguna ni 1st District Congressman Arnan C. Panaligan nanumpa ang mga ito kay Senador Atty. Francis Tolentino. Ayon sa Senador, napakalaki ng hamon na kanilang haharapin sa kanilang mga kabarangay. Aniya, lagi nilang basahin ang kanilang sinumpaang tungkulin upang hindi sila malihis sa tamang pamamahala. Maglingkod ng patas at walang kinikilingan para sa mga kabarangay.

Nagbigay din ng kanilang mga mensahe sina Cong.Panaligan, Mayor Allan A. Roldan ng Baco, Mayor Salvador Py ng San Teodoro, Mayor Henry Joel Teves ng Naujan, Mayor Joselito Malabanan ng Victoria, Mayor Nemmen Perez ng Socorro, Mayor Jennifer Cruz ng Pola at Vice Mayor Rommel Bim Ignacio ng Calapan City bilang kinatawan ni Mayor Marilou Morillo./ Nobyembre 10,2023

10/11/2023

Ang mensahe ni Mayor Allan A. Roldan sa mga bagong halal na Sangguniang Barangay at SK Chairperson sa isinagawang Mass Oathtaking sa harap ni Sen Francis Tolentino./ Nobyembre 10,2023

09/11/2023

TINGNAN: Ayon sa itinadhana ng National Youth Commission (NYC) sa ilalim ng Seksyon 27 ng Batas Republika Blg. 10742 o ang SK Reform Act of 2015 na sinusugan ng RA No. 11768 na nagsasaad na ang lahat ng Sangguniang Kabataan Officials at Local Youth Development Council Members ay kinakailangang sumailalim sa mandatory training program na pangungunahan ng Department of Interior and Local Government (DILG).

Sa nasabing training pag aaralan ng mga bagong halal na SK officials ang magiging papel nila sa kanilang barangay. Kung ano ang maiitulong nila sa pagpapaunlad ng ating bayan.

Matapos ang mensahe ni Mayor Allan A. Roldan para sa mga lider kabataan, opisyal nang nagsimula ang nasabing mandatory training program na tatagal ng dalawang araw./ Nobyembre 9,2023