03/05/2024
๐ช๐๐๐ต๐ ๐ฆ๐ฎ๐ป๐ฑ๐ฎ ๐บ๐๐น๐ฎ ๐๐ฎ๐บ๐ฎ๐ฟ๐ถ๐ป๐ฒ๐ ๐ฆ๐๐ฟ, ๐๐ฎ๐บ๐ฝ๐ฒ๐ผ๐ป ๐๐ฎ ๐ฃ๐ฎ๐น๐ฎ๐ฟ๐ผ๐ป๐ด ๐๐ถ๐ธ๐ผ๐น ๐ฎ๐ฌ๐ฎ๐ฐ
Nakamit ng lalawigan ng Camarines Sur ang Overall Champion sa larong Wushu Sanda na umani ng kabuuang 5 Gold, 1 Silver at 2 Bronze na medalya sa Palarong Bikol 2024 na ginanap sa Tabaco Northwest Central School, Tabaco City mula Abril 28 Hanggang Mayo 4.
Si Charles Dastin B. Albao kasama ang dalawang mag-aaral ng Baao NHS na sina Rafael Bolo (Grade 11) at Carl William Colarina ng Grade 7 Bartolome (Jennifer Sabularse - Tagapayo) ay nakasungkit ng medalyang ginto sa kategoryang Boys. Samantalang kinuha naman ni Leo C. Molina ang pilak, at si Gabriel A. Abanto ang tanso.
Sa kategoryang Girls, dalawang gintong medalya at isang tanso ang naiuwi ng koponan mula sa Camarines Sur. Nagwagi sa gintong medalya sina Josa P. Saba at Francisca P. Baesa, habang si Ahngie N. Enojosa, mag-aaral ng Baao NHS mula sa ika-9 na baitang (Helen Grace Bricenio - Tagapayo) ang nag-uwi ng medalyang tanso.
Sa kabuuang bilang, nakuha ng koponan ng Camarines Sur ang limang gintong medalya, isang pilak, at dalawang tanso.
Ang tagumpay na ito ay dahil sa gabay ng mga tagapagsanay mula sa Camarines Sur na sina Maria Arminda V. Conrado para sa Wushu Boys at Darrell P. Lomeda para sa Wushu Girls na matatandaang sa ilalim ng kaniyang pagsasasanay ay patuloy na namamayagpag hanggang nasyonal sa loob ng 4 na taon ang mga kabataang atleta mula sa CamSur.
Bukod dito, kinilala rin ang mga nagtaguyod sa tagumpay ng koponan na sina Michelangelo A. Aguila, Jeffrey B. Mendez, at Geremi Kyle P. Regala. Si Marinel S. Deris naman ang nagsilbing chaperon.
Sa pagtatapos ng Palaro, ang tagumpay at husay ng mga atleta mula sa Camarines Sur sa larangan ng Wushu Sanda ay patuloy na magpapakita ng kanilang natatanging gilas, lakas, at determinasyon sa bawat laban patungo sa susunod na laban.
โ๏ธ: Apple Mae Inocencio
๐ธ: Marinel S. Deris (Chaperon - WUSHU Girls)