23/01/2024
Mga mahal kong kapatid,
Ibinahagi ko po ang katotohanan ng magaganap sa sangnilikha na ayon sa Pahayag ng mga lingkod ng Dios na ating Ama na kinasihan ng Banal na Espiritu ng Panginoong Jesucristo, upang makapagbigay ng kasagutan sa mga tanong tungkol sa Rapture at ang Panuntunan ng Dios sa Panghuling Paghuhukom.
Mahalaga na malaman natin ito at marapat na pagnilay-nilayin upang mapaghandaan ang pagdating ng araw ng pagharap natin sa Panginoong Jesucristo.
Ito po ay hango mula sa Salita ng Dios na nakatala sa Banal na Kasulatan na ang Bibliya.
👇👇👇👇👇👇👇👇
👑MASIDHING KAGALAKAN SA PAGBABALIK NI JESUS (Rapture) at ang PANGHULING PAGHUHUKOM SA TRONO NG MAKAPANGYARIHANG DIYOS (White Throne Judgment)
📜Ang Salita ng Dios🔥
Mateo 24📖
👇Rapture👇
☄️29 “Pagkatapos ng kapighatian sa mga panahong iyon, magdidilim ang araw, hindi magliliwanag ang buwan, malalaglag mula sa langit ang mga bituin, at mayayanig ang mga kapangyarihan sa kalawakan.
2 Pedro 3📖
🌻9 Ang Panginoon ay hindi nagpapabaya sa kanyang pangako gaya ng inaakala ng ilan. Hindi pa niya tinutupad ang pangakong iyon alang-alang sa inyo. Binibigyan pa niya ng pagkakataon ang lahat upang makapagsisi at tumalikod sa kasalanan sapagkat hindi niya nais na may mapahamak.
👇God’s White Throne Judgment👇
🌻10 Ngunit ang araw ng Panginoon ay darating tulad ng isang magnanakaw. Sa araw na iyon, ang kalangitan ay biglang mawawala kasabay ng isang malakas na ugong. Matutupok ang araw, buwan at mga bituin. Ang mundo at ang lahat ng mga bagay na naririto ay mawawala.
🌻11 At dahil ganito ang magiging wakas ng lahat ng bagay, mamuhay kayo nang may kabanalan at sikapin ninyong maging maka-Dios
🌻12 habang hinihintay ninyo ang Araw ng Dios. Magsikap kayong mabuti upang madaling dumating ang araw na ang kalangitan ay matutupok at ang mga bagay na naroroon ay matutunaw sa matinding init.
🌻13 Naghihintay tayo ng bagong langit at ng bagong lupa na paghaharian ng katuwiran, sapagkat ganoon ang kanyang pangako.
📜[Isaias 65:17 Ang sabi ng Dios: “Ako ay lilikha ng isang bagong lupa at bagong langit; ang mga bakas ng nakaraan ay ganap ng malilimutan.
Isaias 66:22 “Kung paanong tatagal ang bagong langit at bagong lupa sa pamamagitan ng aking kapangyarihan, gayon tatagal ang lahi mo at pangalan.]
🤔14 Kaya nga, mga minamahal, habang naghihintay kayo, sikapin ninyong mamuhay nang mapayapa, walang dungis at walang kapintasan.
🤭15 Isipin ninyong kaya nagtitimpi ang Panginoon ay upang bigyan kayo ng pagkakataong maligtas. Iyan ang isinulat sa inyo ng kapatid nating si Pablo, taglay ang karunungang kaloob sa kanya ng Dios.
🌁MASIDHING KAGALAKAN (RAPTURE) -
nahuli-paitaas (caught-up);
pag-agaw paitaas sa himpapawid (snatched up in the air) upang salubungin ng mga banal ang pagbabalik ng Panginoong Jesus
1 Mga Taga-Tesalonica 4📖
🌻16 Sa araw na iyon kasabay ng malakas na utos, ng tinig ng arkanghel, at ng tunog ng trumpeta ng Dios, bababâ ang Panginoon mula sa langit. Ang mga namatay na sumasampalataya kay Cristo ay bubuhayin muna.
😇17 Pagkatapos, tayo namang mga buháy pa at natitira ay titipunin sa alapaap kasama ng mga binuhay upang salubungin ang Panginoon sa himpapawid. Sa gayon, makakapiling natin siya magpakailanman.
Pahayag 20📖
👇Millenium Reign of Christ👇
🌻4 At nakakita ako ng mga trono, at ang mga nakaupo doon ay binigyan ng karapatang humatol. Nakita ko rin ang mga kaluluwa ng mga taong pinugutan dahil sa pagpapatotoo tungkol kay Jesus at sa pagpapahayag ng salita ng Dios. Hindi sila sumamba sa halimaw ni sa larawan nito, ni tumanggap man ng tatak ng halimaw sa kanilang noo o kamay. Binuhay sila upang magharing kasama ni Cristo sa loob ng sanlibong taon.
🌻5 Ito ang unang pagbuhay sa mga patay. Ang iba pang mga patay ay bubuhayin din pagkaraan ng sanlibong taon.
🌻6 Mapalad at lubos na pinagpala ang mga nakasama sa unang pagbuhay sa mga patay. Walang kapangyarihan sa kanila ang pangalawang kamatayan; sila'y magiging mga pari ng Dios at ni Cristo, at maghahari silang kasama niya sa loob ng sanlibong taon.
Pahayag 20📖
☮️ANG SANLIBONG TAON
⛓1 Pagkatapos nito'y nakita ko ang isang anghel na bumababa mula sa langit, hawak ang isang malaking kadena at ang susi ng bangin na walang kasing-lalim.
👿2 Sinunggaban niya ang dragon, ang matandang ahas na walang iba kundi ang Diyablo o Satanas, at ginapos ito sa loob ng sanlibong taon.
🔏3 Ito'y inihagis ng anghel sa bangin na walang kasing-lalim, saka isinara at tinatakan ang pinto nito upang hindi siya makalabas at makapandaya pa sa mga bansa hangga't hindi natatapos ang sanlibong taon. Pagkatapos nito'y palalayain siya sa loob ng maikling panahon.
😈7 Pagkatapos ng sanlibong taon ay palalayain si Satanas mula sa kanyang pagkabilanggo.
8 Lalabas siya at dadayain ang mga bansa sa buong mundo, ang Gog at Magog. Titipunin niya ang mga ito at isasama sa pakikipagdigma. Ang hukbong ito ay magiging sindami ng buhangin sa tabing-dagat.
🔱🩸ARMAGEDDON -
ang huling labanan sa pagitan ng mabuti at masama bago ang Araw ng Paghuhukom
☄️9 Kumalat sila sa buong mundo at pinaligiran ang kampo ng mga hinirang ng Dios at ang pinakamamahal na lunsod. Ngunit umulan ng apoy mula sa langit at tinupok ang mga kampon ni Satanas.
♨️10 At ang Diyablong nandaya sa kanila ay itinapon sa dagat na apoy at asupre na pinagtapunan din sa halimaw at sa huwad na propeta; magkakasama silang pahihirapan, araw at gabi, magpakailanman.
🎑11 Pagkatapos nito'y nakita ko ang isang malaking tronong puti at ang nakaupo doon. Naglaho ang lupa't langit sa kanyang harapan, at hindi na nakita pang muli.
🏛GREAT WHITE THRONE JUDGMENT⚖️ -
Panghuling Paghuhukom sa Trono ng Makapangyarihang Dios
📔12 Nakita kong nakatayo sa harap ng trono ang mga namatay, maging dakila at hamak, at binuksan ang mga aklat. Binuksan ang isa pang aklat, ang aklat ng buhay. Hinatulan ang mga patay ayon sa kanilang ginawa, batay sa nakasulat sa mga aklat.
💀13 Iniluwa ng dagat ang mga patay na naroroon. Iniluwa din ng Kamatayan at ng daigdig ng mga patay ang mga nakalagak sa kanila. Hinatulan ang lahat ayon sa kanilang mga ginawa.
☠️14 Pagkatapos ay itinapon din sa lawa ng apoy ang Kamatayan at ang daigdig ng mga patay. Ang lawa ng apoy ay ang pangalawang kamatayan.
♨️15 Itinapon sa lawa ng apoy ang sinumang hindi nakasulat ang pangalan sa aklat ng buhay.
☁️Ang tatlong langit:
Ang Kapaligiran🏞(Atmosphere) ng daigdig o lupa;
ang Kalawakan🌌(Universe);
at ang Paraiso🌁(Paradise) na ang kaharian ng Dios
📜[Isaias 24:1 Ang daigdig ay wawasakin ni Yahweh, sasalantain niya ang mga lupain at pangangalatin ang mga tao.
Genesis 1:8 Langit ang itinawag niya sa kalawakan. Lumipas ang gabi, at sumapit ang umaga—iyon ang ikalawang araw.
Mga Taga-Efeso 6:12 Sapagkat hindi tayo nakikipaglaban sa mga tao, kundi sa mga pinuno, sa mga maykapangyarihan, at sa mga tagapamahala ng kadilimang umiiral sa sanlibutang ito—ang mga hukbong espirituwal ng kasamaan sa himpapawid.
Pahayag 2:7 “Ang lahat ng may pandinig ay makinig sa sinasabi ng Espiritu sa mga iglesya!“Ibibigay ko sa magtatagumpay ang karapatang kumain ng bunga ng punongkahoy na nagbibigay-buhay na nasa paraiso ng Dios.”]
2 Mga Taga-Corinto 12📖
2 May kilala akong isang Cristiano na dinala sa ikatlong langit, labing-apat na taon na ang nakakalipas. Hindi ko lang matiyak kung iyo'y isang pangitain lamang, o tunay na pangyayari; ang Dios lamang ang nakakaalam.
4 Nakarinig siya roon ng mga bagay na di kayang ilarawan ng salita at di dapat bigkasin ninuman.
👉Ang pangatlong langit na ang Paraiso ay ang Kaharian ng Dios na ating Ama at ng Panginoong Jesucristo
👉Iyong langit na una, iyong ikalawang langit ay maaalis para maihayag iyong luklukan ng Dios, na ang Dakilang Trono ng Dios (Great White Throne)
👉Ang panuntunan ng Dios na ating Ama sa Panghuling Paghuhukom na nasa upuan ng paghatol ng Dios, dito ay mamamagitan si Kristo na nakatala sa talata ni Mateo,
📜[Mateo 10:32 “Ang sinumang kumilala sa akin sa harapan ng mga tao ay kikilalanin ko rin naman sa harapan ng aking Amang nasa langit.],
mayroong magtatagumpay at mayroong mapapahiya sa paghuhukom, si Cristo ang magpiprisinta sa Ama ng mga kumikilala at hindi kumilala sa Kanya, ang mga karapat-dapat at hindi karapat-dapat na ayon sa kanilang ginawa noong sila ay nabubuhay pa
Mateo 10📖
😶33 Ngunit ang sinumang ikahiya ako sa harap ng mga tao ay ipapahiya ko rin sa harap ng aking Ama na nasa langit.”
Mateo 7📖
22 Sa Araw ng Paghuhukom marami ang magsasabi sa akin, ‘Panginoon, hindi po ba kami ay nagpahayag ng mensahe mula sa Dios, nagpalayas ng mga demonyo at gumawa ng mga himala sa iyong pangalan?’
23 Ngunit sasabihin ko sa kanila, ‘Hindi ko kayo nakikilala. Lumayo kayo sa akin, kayong mga gumagawa ng kasamaan.’”
👉Bakit sila pinapalayo ng Ama?
Ito ay dahil sa sumpa sa kanila na doon sila dadalhin sa lawa ng apoy sapagkat hindi nila sinunod ang mga Utos ng Dios
Mateo 25📖
41 “Sasabihin naman niya sa mga nasa kaliwa, ‘Lumayo kayo sa harapan ko! Isinumpa kayo sa apoy na di namamatay na inihanda para sa diyablo at sa kanyang mga kampon.
👉Ang Dios na ating Ama ang hahatol sapagkat nasa Kanya ang panghuling pasya
1 Mga Taga-Corinto 15📖
24 At darating ang wakas, kapag naibigay na ni Cristo ang kaharian sa Dios Ama, pagkatapos niyang malupig ang lahat ng paghahari, pamahalaan at kapangyarihan.
25 Sapagkat si Cristo'y dapat maghari hanggang sa malupig niya at lubusang mapasuko ang kanyang mga kaaway.
26 Ang kahuli-hulihang kaaway na kanyang lulupigin ay ang kamatayan.
27 Ganito ang sinasabi ng kasulatan, “Ang lahat ng bagay ay lubusang ipinailalim ng Dios sa kanyang kapangyarihan.” Ngunit sa salitang “lahat ng bagay,” maliwanag na hindi kasama rito ang Dios na siyang naglagay ng lahat ng bagay sa ilalim ng kapangyarihan ni Cristo.
👑28 At kapag ang lahat ay nasa ilalim na ng kapangyarihan ni Cristo, ang Anak naman ang papailalim sa kapangyarihan ng Dios na naglagay ng lahat ng bagay sa ilalim ng kapangyarihan niya. Sa gayon, lubusang maghahari ang Dios sa lahat.
👉Pati ang Anak ay masunurin at mapagpakumbaba sa Ama sa panahon ng Panghuling Paghuhukom, kaya ang Pinal na Hukom ay ang Dios, Siya ang magdedesisyon sa lahat, maaari Siyang maawa at magpatawad mismo sa Araw ng Paghuhukom
Santiago 2📖
13 Walang awa na hahatulan ng Dios ang di-marunong maawa; ngunit ang maawain ay walang dapat ikatakot sa oras ng paghatol.
👉Sa paghuhukom ay gagamit ang Dios ng awa, ang paghuhukom ay walang awa doon sa hindi nagpakita ng awa, pero sa isang panahon ng buhay mo ay nakita ng Dios na naging maawain ka, ang awa ng Dios ay lumuluwalhati sa paghuhukom, ibig sabihin kung naawa ka ay maaaring ang Dios ay gumamit ng awa sa iyo at maaari kang makaligtas sa araw ng paghuhukom
Pahayag 21📖
Ang Bagong Langit🌁at ang Bagong Daigdig🏞
🌻1 Pagkatapos nito, nakita ko ang isang bagong langit at isang bagong daigdig. Wala na ang dating langit at daigdig, wala na rin ang dagat.
🕋2 At nakita ko ang Banal na Lunsod, ang bagong Jerusalem na bumababa mula sa langit buhat sa Dios, gaya ng isang babaing ikakasal. Maganda ang bihis at handa na siya sa pagsalubong sa lalaking kanyang mapapangasawa.
👇Ang lunsod ng mga banal👇
🌻3 Narinig ko ang isang malakas na tinig mula sa trono, “Tingnan ninyo, ang tahanan ng Dios ay nasa piling na ng mga tao! Maninirahan siyang kasama nila, at sila'y magiging bayan niya. Makakapiling nilang palagi ang Dios at siya ang magiging Dios nila.
🌹4 At papahirin niya ang bawat luha sa kanilang mga mata. Wala nang kamatayan, dalamhati, pagtangis, at paghihirap sapagkat lumipas na ang dating mga bagay.”
🌹5 Pagkatapos ay sinabi ng nakaupo sa trono, “Pagmasdan ninyo, binabago ko na ang lahat ng bagay!” At sinabi niya sa akin, “Isulat mo, maaasahan at totoo ang mga salitang ito.”
🌟6 Sinabi pa rin niya sa akin, “Naganap na! Ako ang Alpha at ang Omega, ang simula at ang wakas. Ang sinumang nauuhaw ay bibigyan ng tubig na walang bayad na mula sa bukal na nagbibigay-buhay;
🌹7 ito ang makakamtan ng magtatagumpay. At ako'y magiging Dios niya at siya nama'y magiging anak ko.
🤥☠️♨️8 Subalit malagim ang kasasapitan ng mga duwag, ng mga taksil, ng mga nagpapasasa sa kasuklam-suklam na kahalayan, ng mga mamamatay-tao, ng mga nakikiapid, ng mga mangkukulam, ng mga sumasamba sa diosdiosan, at lahat ng mga sinungaling. Ang magiging bahagi nila'y sa lawa ng nagliliyab na asupre. Ito ang pangalawang kamatayan.”
🌹25 Mananatiling bukás sa buong maghapon ang mga pinto ng lunsod sapagkat hindi na sasapit doon ang gabi.
🌹26 Dadalhin sa lunsod ang yaman at dangal ng mga bansa,
✨27 ngunit hindi makakapasok doon ang anumang bagay na marumi sa paningin ng Dios. Ito'y ang mga gumagawa ng masama at ang mga sinungaling. Ang mga tao lamang na ang pangalan ay nakasulat sa aklat ng buhay na iniingatan ng Cordero ang siyang makakapasok sa lunsod.
SALAMAT SA DIOS 🔥
SA DIOS NA ATING AMA NA NASA LANGIT ANG PINAKAMATAAS NA PAGPUPURI AT KALUWALHATIAN MAGPAKAILANMAN! 🙌
SA PANGALAN NG PANGINOONG JESUCRISTO.
KASAMA NG ESPIRITU SANTO.
AMEN 🙏💖
