Ang Mamamahayag

29/01/2025

𝗣𝗔𝗚𝗕𝗔𝗧𝗜 | 𝗠𝗔𝗕𝗨𝗛𝗔𝗬, 𝗔𝗟𝗦𝗖𝗜 𝗔𝗧𝗛𝗟𝗘𝗧𝗘𝗦

Isang mainit na pagbati sa ating mga atleta sa kanilang matagumpay na laban sa Sarangani Provincial Athletic Association (SPAA) Meet 2025 at sa pagiging SOCCSKSARGEN Regional Athletic Association (SRAA) Qualifiers!

Pinatunayan ninyo na sa sipag, tiyaga, at determinasyon, kayang balansehin ang akademiks at husay sa larangan ng isports. Ipinakita ninyo ang tunay na diwa ng pagiging Tatak AlSci!

Badminton Girl Secondary Singles

Zyne Longinos - Gold Medalist

Badminton Boys Secondary Singles

Lloyd Ledesma - Gold Medalist

Badminton Girls Secondary Doubles

Renne Aguinea - Bronze Medalist
Raphaelle Danira Aguinea - Bronze Medalist


Individual and Team Poomsae

Eesha Ysabel Cunanan - Gold medalist

Kyorugi

Mary Hope Pare - Gold Medalist

Jude Glorie Canuel - Gold Medalist

Inanyo ni Mart Mabasa

22/01/2025

Isang mainit na pagbati sa 'Ang Mamamahayag' sa kanilang matagumpay na pagkapanalo sa Division Schools Press Conference 2025!

Tunay na ipinamalas ninyo ang husay, talino, at dedikasyon sa larangan ng pamamahayag. Ang bawat medalya at sertipiko ay bunga ng inyong pagsisikap, determinasyon, at pagmamahal sa sining ng pagsusulat. Patuloy nating isulong ang makabuluhang kuwento at pagbibigay-inspirasyon sa bawat Pilipino. Mabuhay ang mga Mamamahayag!

Alabel National Science High School - Best Performing School in Secondary Level

SCHOOL PAPER
2nd Place Over-all
1st Place - Pahinang Agham at Teknolohiya
1st place - Pahinang Isports
2nd place - Pahinang Balita
2nd place - Pahinang Lathalain
3rd place - Pahinang Opinyon at Editoryal
3rd place - Layout and Design Section

INDIVIDUAL

Pagkuha ng larawan
1st place - Krystelle Blanche Manlangit
4th place - Christine Julijja Padasas

Pagsulat ng Balita
3rd place - Kurt Lawrence Ciudad
6th place - Mirth Julienne Jusoy

Pagguhit ng Editoryal Kartun
4th place - Alexandria Lexi Ortiz

Pagsulat ng Lathalain
5th place - Kath Ryne Pandarawan

Pagsulat ng Agham at Teknolohiya
3rd place - Deven Dennis Torres

GROUP

Collaborative Desktop Publishing (Secondary) - 1st place
Francine Mae Undray
Angela Senta Biadoma
Diane Kristina Manlapig
Diane Grace Manlapig
Zahara Kate Garidos
John Mart Mabasa
Jake Lawrence Contridas

TV Broadcasting (Secondary Regular) - 2nd place
Raine Audrey Moreno
Angel Anne Tagalog (Best News Anchor)
Vinz Luigi Caligner
CLyrk Ben Daytic
Eisset Dione Fernandez
Shakira Fine Serino
Ralph Luigi Dasmarinas

Online Publishing (Secondary) - 2nd place
Cheska Guilao
Christina Vedra
Samantha Jingco
Althea Marisse Lamoste
Paulynn Guillen

Radio Broadcasting and Scriptwriting (Secondary Regular) - 3rd place
Ayana Maryrose Abecia
Pamellah Oliverio
Almehar Sadavao (Best News Presenter)
Juliana Caspillo
Vince Christian Legas
Zeke Michael Eugenio
Terence Jhon Cuizon

Inanyo ni Mart Mabasa

31/12/2024

𝗗𝗫𝗔𝗦 91.1 𝗥𝗼𝗻𝗱𝗮 𝗘𝘅𝗽𝗿𝗲𝘀𝘀 𝗕𝗮𝗹𝗶𝘁𝗮!

𝑩𝒂𝒍𝒊𝒕𝒂𝒏𝒈 𝒉𝒂𝒕𝒊𝒅 𝒂𝒚 𝑷𝒂𝒈-𝒂𝒔𝒂, 𝑩𝒂𝒍𝒊𝒕𝒂𝒏𝒈 𝑩𝒂𝒈𝒐, 𝑩𝒂𝒍𝒊𝒕𝒂𝒏𝒈 𝑬𝒌𝒔𝒌𝒍𝒖𝒔𝒊𝒃𝒐, 𝑩𝒂𝒍𝒊𝒕𝒂𝒏𝒈 𝒏𝒂𝒈𝒃𝒂𝒃𝒂𝒈𝒂 𝒔𝒂 𝒊𝒏𝒚𝒐𝒏𝒈 𝒎𝒈𝒂 𝒓𝒂𝒅𝒚𝒐.

Halina at pakinggan ang mga maiinit na balita ngayong buwan ng Disyembre.

Patapos na ang taon, ngunit hindi magpapahuli ang mga radio broadcasters upang ipamalas ang kanilang angking galing sa pagsulat at pag-uulat ng mga tapat at walang kinikilingang mga balita.

Nais din ibahagi ng pangkat ang kanilang pursigidong pagsasanay para sa Division Schools Press Conference na ngangahulugang ng kanilang determinasyon at dedikasyon tungo sa tagumpay.

Nawa’y magsilbi ito bilang inspirasyon sa lahat ng mga mamamahayag

𝗔𝗻𝗰𝗵𝗼𝗿𝘀
Pamellah Oliverio
Almehar Sadavao

𝗡𝗲𝘄𝘀 𝗣𝗿𝗲𝘀𝗲𝗻𝘁𝗲𝗿𝘀
Ayana Maryrose Abecia
Juliana Greig Caspillo

𝗜𝗻𝗳𝗼𝗺𝗲𝗿𝗰𝗶𝗮𝗹
Zeke Michael Eugenio
Vince Legas

𝗧𝗲𝗰𝗵𝗻𝗶𝗰𝗮𝗹
Terence John Cuizon

Isang masigasig at matagumpay na taon mga mamamahayag!

23/12/2024

𝐑𝐞𝐚𝐝𝐲, 𝐒𝐞𝐭, 𝐖𝐫𝐢𝐭𝐞!

Narito na ang opisyal na listahan ng mga kalahok na sasabak sa darating na Division Schools Press Conference ngayong Enero!

Ihanda na ang husay at talento para sa mas makulay na laban sa larangan ng campus journalism.

Good luck, mga mamamahayag!

Inanyo ni Zahara Garidos

18/11/2024

𝗣𝗔𝗚𝗕𝗔𝗧𝗜 | 𝗜𝘀𝗮𝗻𝗴 𝗺𝗮𝗶𝗻𝗶𝘁 𝗻𝗮 𝗽𝗮𝗴𝗯𝗮𝘁𝗶 𝘀𝗮 𝗔𝗡𝗦𝗛𝗦 𝗦𝗽𝗲𝗲𝗰𝗵 𝗖𝗵𝗼𝗶𝗿

Isang taos-pusong pagbati sa kalahok ng ANSHS Speech Choir! Ang inyong galing ay tunay na kahanga-hanga! Sa pagkapanalo ninyo ng gintong medalya noong Nobyembre 15, 2024, hindi lamang ninyo ipinakita ang inyong husay sa pagsasalita, kundi pati na rin ang tibay ng inyong pagkakaisa, pagkamalikhain at dedikasyon sa sining. Ang inyong pagtatanghal ng "The Power of Change" ay nagbigay ng bagong perspektibo at inspirasyon sa lahat ng dumalo.

Sa taunang selebrasyon ang buwan ng Nobyembre ay isang espesyal na okasyon ng pagkilala sa halaga ng literasi sa pagbabasa at literatura, at ang inyong grupo ay nagsilbing gabay sa pagpapalaganap ng kahalagahan ng mga akdang pampanitikan . Ang inyong tagumpay ay hindi lamang para sa inyong grupo, kundi para sa buong komunidad ng mga kabataan na nahihikayat unawain ang kahalagahan ng pagbasa at pag-unawa nito.

Ang inyong kapanalunan nawa’y magiging hamon sa lahat ng kabataan na ilabas ang angking talento at kakayahan sa sining. Walang silbi ang aklat at mga bababsahin kung hindi nabigyan ng pagpapahalaga.Ipagpatuloy ninyo ang inyong mga pangarap at magtagumpay sa mga darating pang patimpalak -nawa'y magningning pa kayo sa mga susunod na kumpetesyon!

Walang hanggang pagpupugay sa inyong lahat!

Inanyo ni Angela Biadoma

01/11/2024

𝗔𝗿𝗮𝘄 𝗻𝗴 𝗺𝗴𝗮 𝗣𝗮𝘁𝗮𝘆

Sa gitna ng madilim na kalangitan ng Nobyembre, sumisilay ang liwanag ng Araw ng mga Patay—hindi lamang ito araw ng pagdadalamhati kundi ng paggunita sa mga alaala ng ating mga yumaong mahal sa buhay. Sa bawat ihip ng hangin at kislap ng mga bituin, dama natin ang kanilang presensya. Ang kanilang mga alaala ay patuloy na magiging gabay sa ating paglalakbay. Ngayon, nagpapasalamat tayo sa pagkakataong makasama sila at ipinagdiriwang ang pag-ibig na hindi nagmamaliw.

Inanyo ni Reyanne Alquiza

01/11/2024

𝗔𝗿𝗮𝘄 𝗻𝗴 𝗺𝗴𝗮 𝗦𝗮𝗻𝘁𝗼

Tuwing ika-1 ng Nobyembre, idinadaos ang Araw ng mga Santo ng mga Katoliko kung saan binibigyang-halaga ang buhay ng mga santong natamo ang langit. Ang tradisyong ito ay mahalaga sa ating kultura na siyang nag-aalay ng kamalayan sa kabutihan at pananampalataya na kanilang ginawa.

Ating respetuhin ang pag-alala sa mga banal na santo sa pamamagitan ng pagbisita sa mga sementeryo o mosuleo, pag-alay ng mga bulaklak, kandila, at pagkain kasama ng ating kapamilya. Nang sa gayon, ang pagbigay-pugay sa mga pangyayaring ito ay patuloy na bubuhay at mananatili sa ating puso.

Inanyo ni Angela Biadoma

29/10/2024

𝗕𝗔𝗟𝗜𝗧𝗔 | 𝗡𝗔𝗚-𝗜𝗜𝗦𝗔!

Mainit na balita ang sumalubong kay Rondel Thesius L. Toreta, alumnus ng Alabel National Science High School, matapos niyang makamit ang ika-4 na pwesto sa Metallurgical Engineering Licensure Examination 2024, na may natamong marka na 84.10%.

Inilabas ng Professional Regulation Commision (PRC) ang resulta noong Oktubre 28, 2024, at kapansin-pansin ang naiibang paaralan na kinakatawan ni Toreta sa listahan ng mga topnotcher—ang Mindanao State University–Iligan Institute of Technology (MSU-IIT).

Sa hanay ng 10 nakakuha ng pinakamatataas na marka sa nasabing eksaminasyon, si Toreta ang tanging nagmula sa MSU- IIT habang ang iba ay mula sa Unibersidad ng Pilipinas- Diliman.

Patunay ito na kaya makipagsabayan ng mga pamantasan sa Mindanao sa mga nangungunang institusyon sa bansa, dala ang angking husay at talino ng kanilang mga estudyante.

Ipinakita ni Toreta ang kanyang kakayahan at dedikasyon, na pinanday ng mga kanyang natutunan sa dating mga paaralan.

Binabati ka namin, G. Rondel Thesius L. Toreta, mula sa Ang Mamamahayag!

Artikulo ni Francine Undray
Inanyo ni Kristina Manlapig

21/10/2024

𝗕𝗜𝗡𝗔𝗕𝗔𝗧𝗜 | 𝗬𝗢𝗨𝗡𝗚 𝗜𝗡𝗩𝗘𝗡𝗧𝗢𝗥𝗦 𝗖𝗛𝗔𝗟𝗟𝗘𝗡𝗚𝗘 𝟮𝟬𝟮𝟰 𝗧𝗢𝗣 𝟯𝟭 𝗙𝗜𝗡𝗔𝗟𝗜𝗦𝗧𝗔

Ang Alabel National Science High School ay lubos na ipinagmamalaki ang mga kalahok nito sa YIC sa kanilang pambihirang tagumpay sa pagkakasungkit ng puwesto sa top 31 mula sa 200 napiling koponan sa isang internasyonal na kompetisyon. Ang inyong dedikasyon, talento, at malikhain na diwa ay nagningning sa pandaigdigang entablado.

Ang mga sumusunod na kalahok ay umabot sa top 31 sa pamamagitan ng kanilang pag-aaral na pinamagatang:

Team AUQNA
• Kyzzia Clair J. Pelarco
• Geraldluke S. Faciol
• Arthur D. Baje Jr.
• Hannah G. Wenceslao
• Clyrk Ben B. Daytic

Project DetURINE: An Internet-of-Things Urine Quality-Monitoring Device for Early Risk Detection of Urinary Tract Infection

Nawa'y maging hakbang ang pagkilalang ito tungo sa mas mataas na mga tagumpay. Ang inyong mga nakamit ay nagbibigay-inspirasyon sa aming lahat, at inaabangan namin ang inyong patuloy na tagumpay sa mga darating na taon.

𝗖𝗢𝗡𝗚𝗥𝗔𝗧𝗨𝗟𝗔𝗧𝗜𝗢𝗡𝗦 | 𝗬𝗢𝗨𝗡𝗚 𝗜𝗡𝗩𝗘𝗡𝗧𝗢𝗥𝗦 𝗖𝗛𝗔𝗟𝗟𝗘𝗡𝗚𝗘 𝟮𝟬𝟮𝟰 𝗧𝗢𝗣 𝟯𝟭 𝗙𝗜𝗡𝗔𝗟𝗜𝗦𝗧

Alabel National Science High School is immensely proud of its YIC participants for their remarkable achievement of securing a spot in the top 31 out of 200 shortlisted teams in an international competition. Your dedication, talent, and innovative spirit have shone brightly on a global stage.

The following participants made it to the top 31 with their study titled:

Team AUQNA
• Kyzzia Clair J. Pelarco
• Geraldluke S. Faciol
• Arthur D. Baje Jr.
• Hannah G. Wenceslao
• Clyrk Ben B. Daytic

Project DetURINE: An Internet-of-Things Urine Quality-Monitoring Device for Early Risk Detection of Urinary Tract Infection

May this recognition be a stepping stone to even greater heights. Your accomplishments inspire us all, and we look forward to witnessing your continued success in the years to come.

21/10/2024

𝗠𝗚𝗔 𝗕𝗔𝗚𝗢𝗡𝗚 𝗧𝗜𝗡𝗜𝗚

Sa likod ng bawat pahayagan ay isang grupo ng mga mag-aaral na may dedikasyon sa paghatid ng makatotohanang pamamahayag. Ang mga patnugot at manunulat, na pinalakas ng kanilang husay at sipag, ang siyang nagbibigay-buhay sa bawat salita at nilalaman sa pagbahagi ng balita. Ang mamamahayag ay sama-samang mag-aalay ng makabuluhang impormasyon, malikhaing pananaw, at inspirasyon.

Ang bagong lupon ng patnugot at manunulat ng Ang Mamamahayag ay handang magbigay ng bagong perspektibo, mas malalim na pagsusuri, at makulay na mga kwento para sa taong-panuruan 2024-2025.

Inanyo ni Samantha Jingco

03/10/2024

𝐒𝐚 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐆𝐮𝐫𝐨, 𝐛𝐚𝐥𝐢𝐤𝐚𝐧 𝐧𝐚𝐭𝐢𝐧 𝐚𝐧𝐠 𝐢𝐧𝐲𝐨𝐧𝐠 𝐦𝐠𝐚 𝐩𝐚𝐛𝐨𝐫𝐢𝐭𝐨𝐧𝐠 𝐚𝐥𝐚𝐚𝐥𝐚 𝐤𝐚𝐬𝐚𝐦𝐚 𝐬𝐢𝐥𝐚.

Sa mga g**o na nagsilbing aming pangalawang magulang, nagbigay-gabay, at nagpaabot ng walang sawang pagmamahal—ang bawat aral at pangaral ninyo ang naghubog sa aming mga pangarap at pagkatao. Hinding-hindi namin malilimutan ang inyong mga sakripisyo, malasakit, at dedikasyon. Maraming salamat, cher, ma'am, sir, at isang maligayang pagbati sa inyo sa espesyal na araw na ito!

Inanyo ni Mart Mabasa

**o

22/09/2024

𝗔𝗡𝗨𝗡𝗦𝗬𝗢 | 𝗞𝗮𝗶𝗻𝗮𝗻𝗴 𝗣𝗮𝗺𝗶𝗹𝘆𝗮 𝗠𝗮𝗵𝗮𝗹𝗮𝗴𝗮 𝗗𝗮𝘆

Nilagdaan na ni Executive Secretary Lucas P. Bersamin ang Memorandum Circular blng. 64 noong Huwebes, ika-12 ng Setyembre taong kasalukuyan, kung saan idineklara ang Lunes, ika-23 ng Setyembre taong kasalukuyan bilang “Kainang Pamilya Mahalaga” Day, ito ay upang ipagdiwang ang ika-32 National Family Week.

Suspendido ang lahat ng mga government offices in executive branches’ simula alas-tres ng hapon, ito ay alinsunod sa Proklamasyon Blg. 60 (s. 1902) kung saan isinasaad na ang huling linggo ng Setyembre ay ang Family Week at Blng. 326 (s. 2012) na nagsasabing ang ikaapat na Lunes ng Setyembre magaganap ang “Kainang Pamilya Mahalaga” Day.

Hinihimok ng 'memorandum circular' na ito na i-suspende ang mga trabaho sa lahat ng mga sangay ng gobyerno, 'independent commisions or bodies', at mga pribadong sektor sa lipunan.

Ipinagdiriwang nang Pilipinas ang National Family Week para mas mapatibay at maipakita ang pagkakaisa, 'solidarity’ at katatagan ng pamilyang Pilipino, bilang basic unit ng lipunan.

Artikulo ni Kurt Ciudad
Inanyo ni Zahara Garidos

11/09/2024

𝗟𝗔𝗧𝗛𝗔𝗟𝗔𝗜𝗡 | 𝗠𝗮𝗽𝗮𝗴𝗽𝗮𝗹𝗮𝘆𝗮𝗻𝗴 𝗣𝗮𝗴𝗯𝗮𝗯𝗮𝘀𝗮𝗸𝗮𝗹𝗶: 𝗔𝗻𝗴 𝗢𝗯𝗿𝗮 𝗻𝗮 𝗡𝗮𝗴𝗽𝗮𝗮𝗹𝗮𝗯 𝗻𝗴 𝗟𝗶𝗯𝗼-𝗟𝗶𝗯𝗼𝗻𝗴 𝗥𝗲𝗮𝗸𝘀𝘆𝗼𝗻

Kumikinang na 19.1k reacts at 18.5k shares ang naging reaksyon ng madla sa kaniyang obra maestra ngayong Buwan ng Wika 2024.

“Filipino: Wikang Mapagpalaya.” — ito ang tema ng Buwan ng Wika 2024. Hanggang saan ka nga ba papalayain ng wikang Filipino? Para sa kaniya, na isang alumnus ng Alabel National Science High School (ANSHS), nagawang posible ng Filipino ang pagsasalin ng Periodic Table sa ating katutubong wika. Tinawag niya itong, “Ang Talahanayang Peryodiko: Isang Pagbabakasakali sa Wikang Filipino.”

Bilang estudyante sa STEM, madalas kong ginagamit ang Periodic Table sa aking mga asignatura tulad ng kimika at pisika. Kamakailan, bumili ako ng bagong kopya dahil luma na ang dating kopya ko. Binubuo ito ng 118 na element (elements), talapik at balapik (anions at cations) sa ilalim ng mga elemento, pag-aayos ng mga element (eelectronic configuration), at iba pa.

Sa ginintuang pagkakataon, ay aking nakapanayam ang gumawa ng obrang nagpaalab ng puso ng marami. Sa katunayan nga, mayroon siyang napulot na aral mula sa kaniyang palipas-oras noong pandemya. Aniya, “Malalim din ang impluwensiya ng mga wikang Sanskrit, Español, at maging Ingles sa pagpapangalan nitong mga mulangkap—patunay na, tulad ng wikang Filipino, buhay at dinamiko ang ating mga katutubong wika.”

Ang pagsasalin ng Periodic Table sa Filipino ay nagbigay sa akin ng bagong pananaw kung paano makakatulong ang wika sa pag-unawa ng mga kumplikadong konsepto. Nang makapanayam ko siya, ibinahagi niya ang kanyang inspirasyon: “Ang nag-udyok talaga sa ‘king isalin ‘yon ay ang kakulangan ng mga salin sa ‘ting wika. Actually, late ko na na-realize [eh] na puwede pala tayong magkaroon ng gano’ng terms.”

Ang kanyang obra ay dumaan sa maraming proseso, mula sa kapsyon hanggang sa pag-rebiso ng talahanayan, upang maging tugma sa layuning itaguyod ang ingklusibong wika ng Filipino. Ayon sa kanya, kahit walang pinagkaiba ang Talahanayang Peryodiko sa orihinal na Ingles, umaasa siyang may magpapatuloy sa kanyang gawa.

Nang muli kong tingnan ang bilang ng reacts at shares, napabilib ako sa patuloy na paglago nito. Mula sa ilang libo lamang noong una, umabot na ito sa kahanga-hangang 19.1k reacts at 18.5k shares sa loob lamang ng ilang araw. Napabulalas ako ng, "Grabe.."

Ipinakita ni G. Reid Manares ang pagiging mahusay na katangian ng estudyanteng . Ang talahanayang naisalin sa Filipino, pagtangka man o hindi, ay patuloy na nagsisilbing inspirasyon sa mga mag-aaral sa kasalukuyan. Ito ay sapat na upang muling gisingin ang inner chemists hindi lang ng mga estudyante, pati na rin ng matatanda sa iba't ibang panig ng Pinas.

Ang bilis ng pagkalat at ang dami ng positibong reaksyon sa obra ay nagpapakita ng tunay na interes at pangangailangan para sa ganitong uri ng lokalisasyon ng kaalaman sa agham. Ito ay isang matingkad na halimbawa ng kung paano maaaring maging mapagpalaya ang ating wika – sa pamamagitan ng pagbubukas ng pintuan sa kaalaman para sa mas maraming Pilipino.

Isang hakbang mula sa pagiging progresibo, isa pang hakbang tungo sa mapagpalayang pagbabago!

Artikulo ni Grace Manlapig
Inanyo ni Mart Mabasa

10/09/2024

𝗜𝗦𝗣𝗢𝗥𝗧𝗦 𝗕𝗔𝗟𝗜𝗧𝗔 | 𝗕𝗮𝗶𝘁𝗮𝗻𝗴 12, 𝗞𝗮𝗺𝗽𝗲𝘆𝗼𝗻 𝘀𝗮 𝗣𝗶𝗻𝗼𝘆 𝗘𝗹𝗮𝘀𝘁𝗶𝗸 𝘀𝗮 𝗕𝘂𝘄𝗮𝗻 𝗻𝗴 𝗪𝗜𝗸𝗮 2024

Agosto 30, 2024 – Sa pagdiriwang ng Buwan ng Wika 2024, nagtagumpay ang Baitang 12 sa isa sa mga pinakaaabangang palaro, ang Pinoy Elastik. Bida ang star player na si Ram Erik C. Carcosia — mag-aaral sa baitang 12 matapos niyang ipamalas ang kanyang kahanga-hangang mga talon upang magbigay ng puntos sa kanyang koponan.

Sa kabila ng mahigpit na palitan ng puntos, ipinakita ni Carcosia ang kanyang liksi at husay dahilan upang maisalba niya ang kanyang mga kasama sa mga huling bahagi ng laro. Bawat talon ni Carcosia ay sinuklian ng sigawan at palakpakan mula sa mga manonood, na labis na humanga sa kanyang galing at determinasyon.

Iniangat ni Carcosia hindi lamang ang pisikal na aspeto, kundi pati ang moral ng kanyang mga kasama. Sa isang mahigpit na sitwasyon kung saan tila nahirapan umahon ang koponan, patuloy si Carcosia sa dagdag ng puntos na nagbigay inspirasyon sa kanyang mga kasama upang magpatuloy at magtagumpay.

Ang pagwawagi na ito ay tiyak na mananatili sa mga alaala ng lahat ng nakasaksi, isang patunay na ang disiplina, determinasyon, at dedikasyon ay susi sa tagumpay sa kahit anong hamon.

Artikulo ni Angela Biadoma
Inanyo ni Kristina Manlapig
Kuha ni Krystelle Manlangit

06/09/2024

𝗧𝗜𝗡𝗚𝗡𝗔𝗡 | 𝗥𝗘𝗦𝗨𝗟𝗧𝗔 𝗡𝗚 𝗔𝗪𝗗𝗜𝗦𝗬𝗢𝗡

𝐈𝐭𝐨 𝐧𝐚 𝐚𝐧𝐠 𝐩𝐢𝐧𝐚𝐤𝐚 𝐦𝐚𝐭𝐚𝐠𝐚𝐥 𝐧𝐢𝐲𝐨𝐧𝐠 𝐡𝐢𝐧𝐢𝐡𝐢𝐧𝐭𝐚𝐲—𝐏𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐛𝐚𝐠𝐨𝐧𝐠 𝐦𝐢𝐲𝐞𝐦𝐛𝐫𝐨 𝐧𝐠 𝐀𝐧𝐠 𝐌𝐚𝐦𝐚𝐦𝐚𝐡𝐚𝐲𝐚𝐠!

Ang inyong pagsusumikap, dedikasyon, at talento ay tunay na namutawi, at kami ay nasasabik na ipahayag ang mga pangalan ng mga napili. Sa lahat ng lumahok, maraming salamat sa inyong pagsisikap at tiwala. Ang inyong pag-aantay ay nagbunga, at ngayon ay magsisimula ang inyong paglalakbay sa mundo ng pamamahayag.

Handa na ba kayo para sa mga bagong hamon at pagkakataon? Ang inyong paglalakbay ay mag-uumpisa na ngayon, at kami ay nasasabik na makita ang inyong kontribusyon sa hinaharap!

Inanyo ni Jake Contridas

03/09/2024

𝗕𝗔𝗟𝗜𝗧𝗔 | 𝗠𝗴𝗮 𝗕𝗮𝗴𝗼𝗻𝗴 𝗣𝗮𝗻𝗴𝘂𝗹𝗼 𝗻𝗴 𝗔𝗡𝗦𝗛𝗦 𝗡𝗮𝗻𝘂𝗺𝗽𝗮 𝗻𝗮

Nanumpa na ang mga bagong halal na pangulo ng mga organisasyon ng Alabel National Science High School (ANSHS) sa isinagawang Oath Taking Ceremony noong Agosto 30,2024.

Ipinakita ng mga pangulo ang kanilang sinseridad sa pagganap ng kanilang mga tungkulin at pangako sa pagsisilbi sa kanilang mga kapwa mag-aaral.

Kabilang sa mga organisasyong ito ang Young Researchers Club (YRC), Red Cross Youth (RCY), Samahan ng Kabataang Filipino (SaKaFil), English Club, Mathphiles Club, Computer Students, Technologists, and Entrepreneurs of the Philippines Club (CompSTEP), MAPEH Club, Performing Artists Club (PAC), Youth for Environment School Organization (YES-O), Values Education Club (VEC), Boy Scout of the Philippines (BSP), Girl Scout of the Philippines (GSP), Ang Mamamahayag, at Supreme Secondary Learner Government (SSLG).

Ipinahayag ng bawat pangulo ang kanilang pangako na itaguyod ang kanilang mga layunin at proyekto para sa kapakanan ng kanilang mga miyembro at ng buong paaralan.

Pinangunahan ni Punong G**o I Maximo R. Cabanlit ang seremonya ng panunumpa, na nagbigay-diin sa mahalagang papel ng mga organisasyon sa pagpapaunlad ng mga talento, kakayahan, at pagpapahalaga ng mga mag-aaral sa ANSHS.

Artikulo ni Francine Undray
Inanyo ni Zahara Garidos
Kuha ni Julijja Padasas

26/08/2024

Pambansang Araw ng mga Bayani 2024

Sa bawat patak ng pawis at dugong inialay ng ating mga pambansang bayani, nakatindig ang bansang ito sa kanilang tapang at pagmamahal. Hindi natin malilimutan ang kanilang mga sakripisyo, na nagsilbing gabay upang abutin ang kalayaang tinatamasa natin sa kasalukuyan, kasama na rito ang kalayaang hanapin at ibahagi ang katotohanan sa pamamagitan ng patas at walang kinikilingang pamamahayag. Sa bawat hakbang, patuloy nating dadalhin ang kanilang diwa—isang pangako na hindi kailanman magwawakas.

𝐋𝐚𝐠𝐢'𝐭 𝐥𝐚𝐠𝐢 𝐩𝐚𝐫𝐚 𝐬𝐚 𝐛𝐚𝐲𝐚𝐧!

Inanyo ni Kristina Manlapig

20/08/2024

𝐊𝐎𝐋𝐔𝐌 | 𝐏64: 𝐁𝐈𝐍𝐇𝐈 𝐍𝐆 𝐆𝐔𝐓𝐎𝐌

"You're not food poor if you spend at least P64 daily for meals"—National Economic and Development Authority (NEDA).

Hindi ako sang-ayon sa panukalang gamitin ang P64 bilang pamantayan sa pagtukoy kung ang isang Pilipino ay “food poor” o hindi. Bukod dito, sa taong 2024, napakaliit na ng halaga ng P64 upang ito'y ituring na sapat na badyet para sa pagkain ng mga Pilipino.

Ayon sa isinagawang datos ng Statistica, nangunguna ang Pilipinas sa ika-limang pwesto na may pinakamataas na inflation rate sa Southeast Asia. Hangga't ito ay nabibili, lahat ng uri ng pangangailangan sa bansa ay apektado sa pagtaas ng presyo nito. Kumpara sa tumataas na bayarin ng mga kuryente at tubig, kitang-kita ang pagtaas ng implasyon sa larangan ng pagkain. Sa patuloy na pagtaas ng antas ng implasyon sa bansa, pati pagkain na kinokonsumo ng mga Pilipino ay pinagbabatayan na ngayon sa P64 para maituro kung ang isang indibidwal ay tinaguriang "food poor" o hindi.

Noong nakaraang Martes, ika-13 ng Agosto 2024, nagkaroon ng pagpupulong ang mga senador kasama ang mga naging kinatawan ng National Economic and Development Authority (NEDA) para talakayin ang batayan para masabing mahirap ang isang indibidwal. “As of 2023, a monthly food threshold for a family of five is P9,581, that comes out [to] about P64 per person,” ani NEDA Chief Arsenio Balisacan. Ito raw ang pinagbabasehan ng NEDA para mapag-alaman kung ang isang tao ay kabilang sa “food poor.” Ayon umano sa kanilang pag-aaral, masasabi lamang na ang isang tao ay itinuturing “food poor” kung hindi aabot sa P64 ang kanyang badyet para sa gagastusin sa almusal, tanghalin, at hapunan. Ito ang naging sagot ng chief ng NEDA sa kumpirmasyon ni Senador Nancy Binay.

“Three meals ho iyan, ‘di ba? Parang lumalabas na P20 per person per meal. Sa tingin n‘yo ho ba, that number is sufficient, ‘yung P20?” Ito ang sambit ni Senador Binay nang malaman niyang nasa loob lamang ng P21 ang inilaan na badyet sa bawat pagkain na kinokonsumo ng mga Pilipino. Kabilang niya, hindi rin nasiyahan ang ilang mambabatas na naroroon sa pagpupulong dahil sa sobrang liit ng presyo, tila wala nang mabibili ang mga mamimili nito. Idineklara na rin mismo ng World Bank na ang isang Pinoy na sumasahod ng $2.15 (P122.55 kung ito ay i-convert sa Philippine peso) ay nabibilang sa estado na “extreme poverty.” Napakaliit ng badyet na itinakda ng NEDA na ang mapagkasya lamang sa badyet na ito ay isang kilo ng bigas at itlog. Tulad ng bonsai na tanim na napakamahal ang presyo, tataas at tataas din ang implasyon ng bansa na sa isang pagpikit ng mata, dadating ang panahon na wala na tayong mabibiling pagkain sa halagang ito.

Ang walang katapusang pagtaas ng implasyon ang ilan sa mga naging kadahilanan kung bakit ang halos lahat na trabahador ng Pinas ay lumilipat sa ibang bansa—para sila ay makatanggap ng mas malaking sweldo at oportunidad para tustusin ang kani-kanilang mga pangangailangan. Mula sa isinagawang sarbey noong nakaraang Hulyo 2024, 80% ng mga trabahador na Pilipino ay nais magtrabaho sa ibang bansa. Sa kaso naman ng mga estudyanteng tulad ko, ang P21 ay hindi pa sapat para sa pamasahe na gagastusin sa araw-araw naming pag-aaral.

Nagpahayag naman si Chief Balisacan na matagal na nilang hindi napapalitan ang badyet na inilaan sa larangang ito. Sa gitna ng pagpupulong, nagbigay na suhestiyon si Senador Grace Poe sa NEDA na dahil may ilan pa rin silang mga bagay na kailangang baguhin doon, mainam na kanila itong suriin muli. Ito ang naging solusyon ng NEDA—na muling bisitahin ang naging kinalabasan ng kanilang datos.

Ang halaga ng piso ngayon ay mas maliit na kumpara noon, kaya paano na lamang pagkasyahin ng ating sambayanang Pilipino ang kanilang makakain sa loob ng napakaliit na P64? Napatunayan na ito ng mga nagbebenta na hindi sapat ang badyet na inilaan ng NEDA para sa isang masustansyang pagkain. Habang hinihintay pa ng mga awtoridad ang bagong rebisyon ng NEDA tungkol sa karaniwang badyet ng mga Pilipino pagdating dito, mapipilitan muna tayong makibagay sa iba’t ibang presyo, kahit ito man ay nagsisilbing abala sa ‘ting pag-angkop sa naging kasanayan na pamumuhay. Kung saan tubig at sapat na pangangalaga ang pinakamahalaga sa bonsai, pagkain ang siyang bumubuhay sa mga tao.

Artikulo ni Kristina Manlapig
Dibuho ni Alexandria Ortiz