Mallu Junction New Zealand

16/07/2024

വാട്സാപ്പ്(Whatsആപ്പ്) ഇനി സൂപ്പർആപ്പ് ആകും

സാങ്കേതിക വിദ്യ ഓരോ ദിവസവും വളരുമ്പോൾ വാട്സ് ആപ്പിലും ശ്രദ്ധേയമായ മാറ്റങ്ങളാണ് വന്നുകൊണ്ട് ഇരിക്കുന്നത്. വോയ്‌സ് നോട്ടുകൾ ഇനി ആപ്പ് തന്നെ കേട്ടെഴുതി തരുന്ന ഫീച്ചറാണ് പുതിയതായി മെറ്റ അവതരിപ്പിച്ചിട്ടുള്ളത്. . എല്ലാ ആൻഡ്രോയ്‌ഡ‍് യൂസർമാർക്കും വൈകാതെ ഫീച്ചർ ലഭ്യമാകും. നിലവിൽ ഫീച്ചർ ലഭ്യമായിട്ടുള്ളത് ഗൂഗിൾ പിക്സൽ ഫോണുകൾക്കാണ്.

ഇംഗ്ലീഷ്, ഹിന്ദി, സ്‌പാനിഷ്, പോർച്ചുഗീസ്, റഷ്യൻ ഭാഷകളിലാണ് ആദ്യം ഈ സൗകര്യം ലഭ്യമാകുക. കൂടുതൽ ഭാഷകളിലേക്കും അധികം വൈകാതെ ഫീച്ചർ ലഭിക്കുമെന്നാണ് റിപ്പോർട്ടുകൾ. സ്വകാര്യത ഉറപ്പാക്കിക്കൊണ്ടായിരിക്കും പുതിയ ഫീച്ചർ ലഭ്യമാക്കുക എന്ന് മെറ്റ വ്യക്തമാക്കിയിട്ടുണ്ട്.

അടുത്തിടെ മെറ്റ എഐ ഉൾപ്പടെ നിരവധി പുതിയ ഫീച്ചറുകളാണ് വാട്സ് ആപ്പിൽ അവതരിപ്പിച്ചത്. പല പുത്തൻ ഫീച്ചറുകളുടെയും ബീറ്റ പരീക്ഷണം നടക്കുന്നുണ്ട്. വാട്‌സ്ആപ്പിന് ഉള്ളിൽ വച്ചുതന്നെ ഫോട്ടോകൾ എഡിറ്റ് ചെയ്യാൻ കഴിയുന്ന എഐ സംവിധാനം പരീക്ഷിച്ച് വരുന്നുണ്ട്. വാട്‌സ്ആപ്പിൻറെ 2.24.14.20 ബീറ്റാ വേർഷനിലാണ് ഇമേജ് എഡിറ്റിംഗ് ആൻഡ് അനലൈസിംഗ് ടൂൾ പരീക്ഷിക്കുന്നത്.

05/07/2024

ആരാണ് സ്റ്റാർമർ? എന്താണ് സ്റ്റാർമറിസം?

ബ്രിട്ടനിൽ ലേബർ പാർട്ടി അട്ടിമറിവിജയം നേടിയിരിക്കുകയാണ്. 650 സീറ്റുള്ള ബ്രിട്ടീഷ് പാർലമെന്റിൽ 412 സീറ്റുകളില്‍ ലേബർ പാർട്ടി വിജയിച്ചിരിക്കുന്നു. ഋഷി സുനക്കിന് പകരം പ്രധാനമന്ത്രിസ്ഥാനത്തെത്താൻ പോകുന്ന കെയിർ സ്റ്റാർമർ ആരാണ്? 1962ൽ ഒരു ദാരിദ്ര്യത്തിൽ ഉഴലുന്ന ഒരു തൊഴിലാളിവർഗ കുടുംബത്തിലെ നാലുമക്കളിൽ ഒരാളായി ജനിച്ച സ്റ്റാർമർ എങ്ങനെ ബ്രിട്ടീഷ് പ്രധാനമന്ത്രി സ്ഥാനത്തെത്തി? സ്റ്റർമറിന്റെ രാഷ്ട്രീയ ജീവിതം എങ്ങനെ രേഖപ്പെടുത്താം?
ലേബർ പാർട്ടിയെ താൻ അടിമുടി മാറ്റിയെന്നും, ബ്രിട്ടീഷ് ജനതയ്ക്കും ബ്രിട്ടന്റെ പരിവർത്തനത്തിനും വേണ്ടി താൻ പോരാടുമെന്നുമാണ് പ്രചാരണവേളയിൽ കെയിർ സ്റ്റാർമർ എക്‌സിൽ കുറിച്ചത്. തിരഞ്ഞെടുപ്പ് ഫലം പുറത്തു വരുമ്പോൾ ബ്രിട്ടൻ ജനതയും ആ പരിവർത്തനം ആഗ്രഹിച്ചിരുന്നു എന്നാണ് വ്യക്തമാകുന്നത്.
ജെറമി കോർബിൻ ലേബർ പാർട്ടിയുടെ നേതൃത്വത്തിലുള്ള സമയത്ത് തന്നെ സ്റ്റാർമർ പതുക്കെ പാർട്ടിയുടെ മുഖമായി മാറുന്നുണ്ടായിരുന്നു. 2019ൽ തിരഞ്ഞെടുപ്പ് തോൽവിയെ തുടർന്ന് ജെറമി കോർബിനെ പാർട്ടിയിൽ നിന്ന് താൽക്കാലികമായി പുറത്താക്കിയപ്പോൾ പൂർണമായും ലേബർ പാർട്ടി സ്റ്റാർമറിന്റെ കയ്യിലേക്ക് വന്നു. 2015ൽ ബ്രിട്ടീഷ് പാർലമെന്റിലേക്ക് തിരഞ്ഞെടുക്കപ്പെട്ട സ്റ്റർമാർ 2020ൽ പാർട്ടിയുടെ നേതൃത്വത്തിലേക്ക് വരികയും ചെയ്തു.
2019 പൊതുതിരഞ്ഞെടുപ്പിലെ പരാജയത്തിന് ശേഷം ലേബർ പാർട്ടിയുടെ തിരിച്ചുവരവിന് കാരണക്കാരനായ നേതാവാണ് കെയിർ സ്റ്റാർമെർ. ബ്രിട്ടനിലെ ഇന്ത്യക്കാരെ കണക്കിലെടുക്കാൻ സാധിക്കാത്തതും 2019ലെ തിരഞ്ഞെടുപ്പ് പരാജയത്തിന്റെ കാരണമായി കണക്കാക്കപ്പെട്ടിരുന്നു. എന്നാൽ ഇത്തവണ അകന്നു നിന്ന ഇന്ത്യൻ ജനതയെ വീണ്ടും ഒപ്പം നിർത്താൻ സാധിച്ചു എന്നതും വിജയത്തിൽ നിർണായകമായി.
ലേബർ പാർട്ടി നേതൃസ്ഥാനത്തേക്ക് മത്സരിക്കുന്ന സമയത്ത് സ്റ്റാർമർ നിരവധി ഉറപ്പുകൾ പാർട്ടി പ്രവർത്തകർക്ക് നൽകിയിരുന്നു. അതിൽ റെയിൽ, ഊർജ്ജ മേഖലയിലും ജലസേചനത്തിലുമെല്ലാം വരുത്താൻ ഉദ്ദേശിക്കുന്ന മാറ്റത്തെ കുറിച്ച് പറഞ്ഞിരുന്നെങ്കിലും ഇപ്പോൾ മിക്ക ഉറപ്പിൽ നിന്നും സ്റ്റാർമർ പുറകോട്ടുപോയി.
സ്റ്റാർമറിന് കിട്ടിയ കയ്യടികളും വിമർശനവും
ബ്രിട്ടൻ ഇപ്പോൾ അനുഭവിക്കുന്ന സാമ്പത്തിക ബുദ്ധിമുട്ടുകളുടെ കാരണമായി കെയിർ സ്റ്റാർമർ കാണുന്നത് ബ്രെക്സിറ്റും കോവിഡും യുക്രെയിൻ യുദ്ധവുമാണ്. ഈ മൂന്നു കാര്യങ്ങൾ കാരണമുണ്ടായ സാമ്പത്തിക ബുദ്ധിമുട്ടുകൾ പരിഹരിക്കുന്നതിനാണ് താൻ അധികാരത്തിലെത്തിയാൽ പ്രഥമ പരിഗണന നൽകുക എന്ന് സ്റ്റാർമർ പറഞ്ഞിട്ടുള്ളതും, ലേബർ പാർട്ടിയുടെ തിരഞ്ഞെടുപ്പ് പ്രകടനപത്രികയിൽ ഉണ്ടായിരുന്നതുമാണ്. റെയിൽവേ ദേശസാൽക്കരിക്കും എന്നതാണ് മറ്റൊരുറപ്പ്. സമ്പന്നരായവരുടെ നികുതി വർധിപ്പിക്കുമെന്ന വാഗ്ദാനത്തിൽ നിന്നും, കാലാവസ്ഥ മേഖലയിൽ 280 കോടി പൗണ്ടിന്റെ നിക്ഷേപം നടത്തുമെന്ന നിലപാടിൽ നിന്നും പിന്നീട് സ്റ്റാർമർ പിൻവാങ്ങി.
ഇടതുപക്ഷസ്വഭാവം കൂടുതലുള്ള സ്ഥാനാർത്ഥികളെ പുറത്താക്കുക എന്ന നയമാണ് സ്റ്റാർമർ എപ്പോഴും സ്വീകരിച്ചത്. അതുമാത്രവുമല്ല ഗാസയ്ക്കുമുകളിൽ ഇസ്രയേൽ നടത്തുന്ന ആക്രമണത്തിൽ പലസ്തീനൊപ്പം നിൽക്കുന്നവർക്കെതിരായിരുന്നു സ്റ്റാർമർ. ഗാസയെ അക്രമിക്കാനുള്ള അവകാശം ഇസ്രയേലിനുണ്ട് എന്നതായിരുന്നു സ്റ്റാർമറിന്റെ അഭിപ്രായം. നിലവിൽ പാർലമെന്റ് അംഗങ്ങളായ ഇടതുപക്ഷ സ്വഭാവമുള്ളവരെ വീണ്ടും മത്സരിക്കാൻ സാധിക്കാത്ത തരത്തിൽ വിലക്കുകയായിരുന്നു. ഇടതുപക്ഷ സ്വഭാവമുള്ളവരെ ഇല്ലാതാക്കുകയാണ് സ്റ്റാർമറിന്റെ ലക്ഷ്യമെന്ന് ബ്രിട്ടനിലെ ആദ്യത്തെ കറുത്തവർഗക്കാരിയായ വനിത എംപി ഡയാന അബോട്ട് പറഞ്ഞിരുന്നു.
ഒരു ദരിദ്രകുടുംബത്തിലെ നാലുമക്കളിൽ ഒരാളാണ് കെയിർ സ്റ്റാർമെർ. സ്കൂൾ കാലഘട്ടത്തിനു ശേഷം അദ്ദേഹം നിയമം പഠിച്ചു. അടിസ്ഥാനവർഗവുമായി നിരന്തരം ചേർന്ന് പ്രവർത്തിച്ചിട്ടുള്ള, മനുഷ്യാവകാശ വിഷയങ്ങൾ കൈകാര്യം ചെയ്ത അഭിഭാഷകനെന്ന രീതിയിൽ ജനങ്ങൾക്കിടയിൽ വലിയ സ്വീകാര്യതയുണ്ടാക്കാൻ കെയിർ സ്റ്റാർമറിന് സാധിച്ചു. അതിനു ശേഷമാണ് അദ്ദേഹം രാഷ്ട്രീയത്തിലേക്കിറങ്ങുന്നത്.

പ്രസിദ്ധമായ മാക്ഡൊണാൾഡ്‌സ് കമ്പനിക്കെതിരെ നടത്തിയ കേസിലൂടെ അദ്ദേഹം പ്രസിദ്ധനായി. കമ്പനി പരിസ്ഥിതിക്ക് ദോഷം ചെയ്യുന്നു എന്നായിരുന്നു വാദം. 2003-ൽ അയർലണ്ട് പൊലീസിങ് ബോർഡിൽ മനുഷ്യാവകാശ ഉപദേശകനായി നിയമിക്കപ്പെട്ടതാണ് അദ്ദേഹത്തിന്റെ പൊതുജീവിതത്തെ സംബന്ധിച്ച് നിർണായകമായ സംഭവം. പിന്നീട് 2008ൽ ക്രൗൺ പ്രോസിക്യൂഷൻ സർവീസിന്റെ (സിപിസി) ഡയറക്ടർ ഓഫ് പ്രോസിക്യൂഷൻ ആയി നിയമിക്കപ്പെട്ടു. സിപിഎസിന്റെ ഭാഗമായിരുന്ന സമയത്ത് തനിക്ക് ജനങ്ങളുടെ പ്രശ്നങ്ങൾ കൂടുതൽ അടുത്ത് നിന്ന് മനസിലാക്കാൻ സാധിച്ചു എന്നദ്ദേഹം പിന്നീട് പറഞ്ഞിട്ടുണ്ട്.
സിപിഎസിന്റെ നിയമങ്ങളുടെ ഭാഗമായി ലൈംഗികാതിക്രമകേസുകളിൽ അതിജീവിതരുടെ ഭാഗം പരിഗണിച്ചുകൊണ്ട് മാത്രമേ സമിതി പ്രവർത്തിക്കാൻ പാടുള്ളു എന്നാണ് നിയമം. അത്തരത്തിൽ തന്റെ നിലപാടുകൾ രൂപപ്പെടുത്തുന്നതിൽ സിപിഎസിന്റെ ഭാഗമായി നിന്നകാലം വലിയ രീതിയിൽ മാറ്റംവരുത്തിയതായും അദ്ദേഹം പറയുന്നു. തെറ്റായ ആരോപണങ്ങളുടെ പേരിൽ എംപിമാർക്കെതിരെ നടപടിയെടുത്തെന്ന വിമർശനവും അദ്ദേഹത്തിനെതിരെയുണ്ട്. 2010ലെ വിദ്യാർത്ഥി പ്രക്ഷോഭത്തിനെതിരെ നിലപാടെടുത്തതും വിമർശനങ്ങൾക്ക് കാരണമായി.
2009ലെ ജി20 ഉച്ചകോടിക്കെതിരെ പ്രതിഷേധിച്ചവരിൽ ഉൾപ്പെട്ട ആളെന്ന് തെറ്റിദ്ധരിച്ച് ജീൻ ചാൾസ് ഡി മെനൻഡസ് എന്ന വ്യക്തിയെ പോലീസ് വെടിവച്ച് കൊന്ന സംഭവത്തിൽ പോലീസിനെതിരെ നടപടിയെടുത്തില്ല എന്ന വിമർശനവും സ്റ്റാർമറിനെതിരെ ഉണ്ടായിരുന്നു. ലണ്ടനിലെ ജയിലിൽ കഴിയുകയായിരുന്ന വിക്കിലീക്സിന്റെ സ്ഥാപകനെ അമേരിക്കയ്ക്ക് കൈമാറാൻ മുൻകയ്യെടുത്തതും സ്റ്റാർമറായിരുന്നു.
സ്റ്റാര്‍മറിസം
പ്രത്യേകിച്ച് ഒരു പ്രത്യയശാസ്ത്രമില്ലെന്നതാണ് സ്റ്റാർമർ നേരിടുന്ന പ്രധാനവിമർശനം. ടോമി ബ്ലെയറുമായാണ് അദ്ദേഹത്തെ പലപ്പോഴും താരതമ്യം ചെയ്തിട്ടുള്ളത്. കോർബിനു ശേഷം ലേബർ പാർട്ടിയെ സ്റ്റർമാർ പുനരുജ്ജീവിപ്പിക്കാൻ മുൻപന്തിയിൽ വന്ന സാഹചര്യത്തിലാണ് ഈ താരതമ്യമുണ്ടായത്.
എന്നാൽ ടോമി ബ്ലെയറിൽ നിന്ന് വ്യത്യസ്തമായി തൊഴിലാളികളുടെയും ട്രേഡ് യൂണിയനുകളുടെയും സമരങ്ങളും അവകാശപോരാട്ടങ്ങളും മുഖവിലയ്‌ക്കെടുക്കുന്ന നേതാവുകൂടിയാണ് സ്റ്റാർമർ എന്നത് അദ്ദേഹത്തിന്റെ പ്രത്യേകതയാണ്. ഇടതുപക്ഷമെന്ന പൊതുധാരയുടെ ഭാഗമാണ് ഈ നിലപാടെങ്കിലും തീവ്രഇടത് നിലപാടുകളെ എതിർക്കുന്ന ലിബറൽ കാഴ്ച്ചപ്പാടാണ് ഇദ്ദേഹം മിക്കപ്പോഴും പ്രകടിപ്പിച്ചിട്ടുള്ളത്.

തൊഴിലാളികൾക്ക് വേണ്ടി പുതിയ നയപരിപാടികൾ അവതരിപ്പിക്കുക എന്ന നിലപാടുമായാണ് അദ്ദേഹം തിരഞ്ഞെടുപ്പിനെ അഭിമുഖീകരിച്ചത്. തൊഴിലാളികളുടെ അവകാശങ്ങൾക്കുവേണ്ടി നിലകൊള്ളുമ്പോൾ തന്നെ, പൊതുമേഖലാ വ്യവസായങ്ങളെ ദേശസാൽക്കരിക്കുക എന്നതും വ്യവസായത്തിലേക്ക് കൂടുതൽ പണം ചിലവഴിക്കുക എന്നതും ഇദ്ദേഹത്തിന്റെ നയമാകുന്നിടത്താണ് വ്യവസ്ഥാപിത ഇടതുപക്ഷ ചിന്തയിൽ നിന്നും ഒരു ലിബറൽ വഴിയിലേക്ക് അദ്ദേഹം മാറുന്നു എന്ന വിമർശനം ഉയരുന്നത്. കാലാവസ്ഥ പ്രശ്നങ്ങളിൽ കാര്യമായ ഇടപെടൽ നടത്തണമെന്ന് പറയുന്ന നേതാവാണ് അദ്ദേഹം. ഹരിത വ്യവസായസംരംഭങ്ങൾ സജീവമാക്കുക എന്നതും അദ്ദേഹത്തിന്റെ പ്രഖ്യാപിത നയമാണ്. ഇടതിനോട് ചേർന്ന് നിൽക്കുന്ന ഒരു മിതവാദനിലപാടാണ് സ്റ്റാർമറിന്റെ പ്രത്യേയശാസ്ത്രം. ആളുകൾ അതിനെ സ്റ്റാർമറിസം എന്ന് വിശേഷിപ്പിക്കുന്നു. അതിൽ സാമ്പത്തിക സ്ഥിരത, തൊഴിലാളികളുടെ അവകാശങ്ങൾ, പരിസ്ഥിതി വിഷയങ്ങൾ ഭാഗമാണ്. രാജ്യത്തിന്റെ സാമ്പത്തികാവസ്ഥ പ്രത്യേകിച്ച് മാറ്റങ്ങളൊന്നുമില്ലാതെ തുടരുകയും ആരോഗ്യമേഖല തകർന്നുകൊണ്ടിരിക്കുകയും ചെയ്യുന്ന സാഹചര്യത്തിൽ സ്റ്റാർമറിസം എന്ത് ചലനമാണുണ്ടാക്കുക എന്നതാണ് കണ്ടറിയേണ്ടത്.

30/05/2024

WARNING ‼️ KINGS BIRTHDAY WEEKEND

22/05/2024

'പക‍ർപ്പവകാശ നിയമം ലംഘിച്ചു', മഞ്ഞുമ്മൽ ബോയ്സിന് വക്കീൽ നോട്ടീസയച്ച് ഇളയരാജ

മലയാള ചലച്ചിത്ര മേഖലയിൽ വമ്പൻ ഹിറ്റായി മാറിയ മഞ്ഞുമ്മൽ ബോയ്സ് സിനിമക്ക് പണിയായി ‘കണ്മണി അൻപോട്’ഗാനം. ബോക്സോഫിസിലെ എക്കാലത്തെയും വമ്പൻ പണം വാരിപടമായ മഞ്ഞുമ്മൽ ബോയ്സിൽ ഈ ഗാനം ഉൾപ്പെടുത്തിയത് അനുമതി തേടാതെയാണെന്ന് കാട്ടി സംഗീത സംവിധായകൻ ഇളയരാജ നിർമ്മാതാക്കൾക്ക് വക്കീൽ നോട്ടീസ് അയച്ചു. ‘കണ്മണി അൻപോട് ’ഗാനം ഉൾപെടുത്തിയതിന് അനുമതി തേടിയിരുന്നില്ലെന്ന് വ്യക്തമാക്കിയ ഇളയരാജ, ടൈറ്റിൽ കാർഡിൽ പരാമർശിച്ചത് കൊണ്ടു മാത്രം കാര്യമില്ലെന്നും വ്യക്തമാക്കിയാണ് വക്കീൽ നോട്ടീസ് അയച്ചത്. 15 ദിവസത്തിനകം നഷ്ടപരിഹാരം നൽകണമെന്ന് ഇളയരാജ ആവശ്യപ്പെട്ടിട്ടുണ്ട്.

പകർപ്പവകാശ നിയമം ലംഘിച്ചെന്നതാണ് ഇളയരാജ വക്കീൽ നോട്ടീസിൽ പ്രധാനമായും ചൂണ്ടികാട്ടിയിരിക്കുന്നത്. ഒന്നുകിൽ അനുമതി തേടണമെന്നും അല്ലെങ്കിൽ ഗാനം ഒഴിവാക്കണമെന്നും അദ്ദേഹം വ്യക്തമാക്കിയിട്ടുണ്ട്. 15 ദിവസത്തിനകം നഷ്ടപരിഹാരം നൽകണമെന്നും ഇല്ലെങ്കിൽ നിയമനടപടിയുമായി മുന്നോട്ടു പോകുമെന്നും ഇളയരാജ വക്കീൽ നോട്ടീസിൽ വ്യക്തമാക്കിയിട്ടുണ്ട്.

22/05/2024

മലിന രക്തം കുത്തിവച്ച സംഭവം; സംഭവിച്ച അനീതിക്ക് മാപ്പിരന്ന് ബ്രിട്ടീഷ് പ്രധാനമന്ത്രി, നഷ്ടപരിഹാരം പ്രഖ്യാപിച്ചു

മലിന രക്തം കുത്തിവച്ച സംഭവത്തിലെ ഇരകൾക്ക് നഷ്ടപരിഹാരത്തിന്റെ ആദ്യഗഡു പ്രഖ്യാപിച്ച് യുകെ സർക്കാർ. നടപടി അന്വേഷണ റിപ്പോർട്ടിലെ കണ്ടെത്തലുകൾക്ക് പിന്നാലെ. മലിന രക്തം കുത്തിവച്ചതിനെത്തുടർന്ന് എച്ച്ഐവിയും ഹെപ്പറ്റൈറ്റിസും ബാധിച്ച് മരിച്ച 3000 ത്തിലേറെ പേരുടെ ആശ്രിതർക്കാണ് നഷ്ടപരിഹാരം ലഭിക്കുക.
1970 മുതൽ 1990വരെ മൂവായിരത്തിലധികം പേരാണ് മലിന രക്തം കുത്തിവച്ചതിനേ തുടർന്ന് കൊല്ലപ്പെട്ടത്. ഇടക്കാല ആശ്വാസമായാണ് നഷ്ടപരിഹാരമെന്ന് വ്യക്തമാക്കിയാണ് ചൊവ്വാഴ്ച നഷ്ടപരിഹാരം സംബന്ധിച്ച് മന്ത്രി ജോൺ ഗ്ലെന്നിന്റെ പ്രഖ്യാപനം പാർലമെന്റിലുണ്ടായത്. ആശ്രിതർക്ക് 2.5 കോടി രൂപയോളമാണ് ഇടക്കാല ആശ്വാസമായി നൽകാൻ തീരുമാനമായിട്ടുള്ളത്.

മലിന രക്തം കുത്തി വച്ചത് മൂലം മരണത്തിന് കീഴടങ്ങിയവരോടുണ്ടായ അനീതിക്ക് ക്ഷമാപണം നടത്തുന്നതായി ബ്രിട്ടീഷ് പ്രധാനമന്ത്രി ഋഷി സുനക് വ്യക്തമാക്കിയതിന് ഒരു ദിവസത്തിന് പിന്നാലെയാണ് നഷ്ടപരിഹാര പ്രഖ്യാപനം എത്തുന്നത്. സംഭവത്തിൽ വിവിധ സർക്കാരുകൾ വീഴ്ച മറച്ചുവച്ചുവെന്ന റിപ്പോർട്ട് പുറത്ത് വന്നതിന് പിന്നാലെയാണ് ഋഷി സുനക് പരസ്യമായി ക്ഷമാപണം നടത്തിയത്.

22/05/2024

അപൂർവങ്ങളിൽ അപൂർവമായ സംഭവത്തിൽ, ലണ്ടനിലെ ഹീത്രൂ വിമാനത്താവളത്തിൽ നിന്ന് ഇന്നലെ തിങ്കളാഴ്ച്ച സിംഗപ്പൂരിലേക്ക് പറന്നുയർന്ന എസ്‌ക്യു 321 എന്ന വിമാനം വഴിമധ്യേയുണ്ടായ ആകാശചുഴിയിൽ (AIR POCKET ) വീഴുകയും കടുത്ത പ്രക്ഷുബ്ധത (TURBULANCE ) മൂലം വെറും അഞ്ചു മിനിറ്റുള്ളിൽ 37000 അടിയിൽ നിന്നും 31000 അടിയിലേക്ക് കൂപ്പുകുത്തുകയും , അതിഭീകരമായി അലറി കരഞ്ഞു ഭയന്നുപോയ യാത്രക്കാരിൽ 73 കാരനായ ഒരു ബ്രിട്ടീഷുകാരൻ സംഭവത്തിനിടെ ഹൃദയാഘാതം മൂലം മരണമടയുകയും, തലയ്ക്ക് പരിക്കേറ്റ ഏഴ് പേർക്ക് ഗുരുതരമായി പരിക്കേൽക്കുകയും 30 പേർക്ക് പരിക്കേൽക്കുകയും ചെയ്തു. ബാങ്കോക്കിലെ സുവർണഭൂമി അന്താരാഷ്ട്ര വിമാനത്താവളത്തിലേക്ക് വഴിതിരിച്ചുവിട്ട വിമാനം ചൊവ്വാഴ്ച ഉച്ചകഴിഞ്ഞ് 3.45 ന് (പ്രാദേശിക സമയം) ലാൻഡ് ചെയ്തു.
ബോയിംഗ് 777-300 ഇആർ വിമാനത്തിൽ 211 യാത്രക്കാരും 18 ജീവനക്കാരും ഉണ്ടായിരുവെന്നും ക്യാബിൻ ക്രൂ പ്രഭാതഭക്ഷണം വിളമ്പുന്നതിനിടെയാണ് വിമാനം ആകാശചുഴിയിൽ വീണതെന്നും റിപ്പോർട്ടുകൾ പറയുന്നു . കാലാവസ്ഥാ റഡാറിൽ നിന്നുള്ള വിവരങ്ങൾ പ്രക്ഷുബ്ധതയൊന്നും കാണിക്കാത്തതിനാൽ പൈലറ്റിന് മുൻകൂർ മുന്നറിയിപ്പ് നൽകാൻ കഴിയാതെ വരുമെന്നും, യാത്രക്കാർ സീറ്റ് ബെൽറ്റ് ധരിക്കാത്ത സാഹചര്യത്തിലാണ് ഇത്തരം പരിക്കുകൾ സംഭവിക്കാറുള്ളതെന്നും വ്യോമയാന വിദഗ്ധർ പറയാറുണ്ട് . കഴിഞ്ഞ വർഷം മേയിൽ ഡൽഹി-സിഡ്‌നി എയർ ഇന്ത്യ വിമാനത്തിൽ പ്രക്ഷുബ്ധത മൂലം നിരവധി യാത്രക്കാർക്ക് പരിക്കേറ്റിരുന്നു.

നിങ്ങൾ വിമാന സഞ്ചാരിയെങ്കിൽ, സീറ്റിലുരുന്നാൽ ദയവുചെയ്ത് സീറ്റ് ബെൽറ്റ് ധരിക്കുക..യാത്രക്കിടയിൽ അത്യാവശ്യത്തിനല്ലാതെ യാതൊരു കാരണവശാലും സീറ്റ് ബെൽറ്റ് അഴിക്കരുത്.. ഇനി ഏതെങ്കിലും ആവശ്യത്തിന് സീറ്റിൽ നിന്നും എഴുന്നേൽക്കണം എന്ന് തോന്നിയാൽ ആദ്യം വിമാനം കുലുങ്ങാതെ പറക്കുന്നുണ്ടെന്നും സീറ്റ് ബെൽറ്റ് അടയാളം കാണിച്ചിട്ടില്ലെന്നും ഉറപ്പു വരുത്തുക ..! എന്തൊക്കെയായാലും മറ്റുള്ള സൗകര്യങ്ങളെക്കാൾ ഇന്നും ലോകത്തിലെ ഏറ്റവും സുരക്ഷിതമായ യാത്ര സൗകര്യമാണ് വിമാനയാത്രകൾ ... !

22/05/2024

മലയാളത്തിന്റെ മഹാനടന് ജന്മദിനസമ്മാനം.. മുഴുവൻ മലയാളികൾക്കുമായി ഒരു മലയാളം ഫോണ്ട്..
A10 ഫോണ്ട് – മോഹന്‍ലാലിന്‍റെ കയ്യക്ഷരം ഡിജിറ്റൽ ഫോണ്ടായി പ്രേക്ഷകരിലേക്ക് എത്തുന്നു

ലാലേട്ടന്റെ കൈയക്ഷരം ഇനി ഡിജിറ്റൽ ഫോണ്ട് രൂപത്തിൽ ഇനി നമ്മുക്ക് ലഭ്യമാകും ഈ ഫോണ്ട് വഴി .സിനിമ ചരിത്രത്തിൽ ആദ്യമായാണ് ഒരു താരത്തിന്റെ കയ്യക്ഷരം ഡിജിറ്റൽ ഫോണ്ടായി പ്രേക്ഷകരിലേക്ക് എത്തുന്നത് . A 10 എന്നായിരിക്കും ഈ ഫോണ്ട് അറിയപ്പെടുക.

മോഹന്‍ലാലിന്‍റെ പിറന്നാൾ ആഘോഷവേളയിൽ ഏഷ്യാനെറ്റ് പ്രഖ്യാപിച്ച ഒരു ഡിജിറ്റൽ ഫോണ്ട് ആണിത് , മോഹൻലാലിന്റെ കൈയക്ഷരം ഒറ്റ ഫോണ്ടില്‍ ലഭ്യമാകുന്നു എന്നതാണ് ഇതിന്റെ പ്രത്യേകത.

21/05/2024

അച്ഛൻ ബ്രോ ❤️
ഫാ. വിപിൻ കുരിശുതറ..

21/05/2024

21/05/2024

ലാലേട്ടാ.. ജന്മദിനാശംസകൾ.. ❤️😘

18/05/2024

😉😀

16/05/2024

കോവിഷീല്‍ഡ് വാക്‌സിന്‍ രക്തം കട്ടപിടിക്കുന്ന അസുഖത്തിന് കാരണമാകും; മറ്റൊരു പഠനംകൂടി പുറത്ത്!!

കോവിഡിനെതിരെ ഇന്ത്യയില്‍ ഏറ്റവും കൂടുതല്‍ പേര്‍ സ്വീകരിച്ച വാക്‌സിനാണ് കോവിഷീല്‍ഡ്. പുനെയിലെ സീറം ഇന്‍സ്റ്റിറ്റ്യൂട്ടാണ് അസ്ട്രസെനകയുമായി സഹകരിച്ച് വാക്‌സിന്‍ കോവിഷീല്‍ഡ് എന്ന പേരില്‍ ഇന്ത്യയില്‍ വിപണയിലെത്തിച്ചത് . ന്യൂ ഇംഗ്ലണ്ട് ജേണല്‍ ഓഫ് മെഡിസിനില്‍ ഓസ്‌ട്രേലിയയിലെ ഫ്‌ലിന്റേഴ്‌സ് യൂണിവേഴ്‌സിറ്റിയിലെ ശാസ്ത്രജ്ഞര്‍ പ്രസിദ്ധീകരിച്ച ഗവേഷണ പ്രബന്ധത്തിലാണ് പുതിയ കണ്ടെത്തൽ. വാക്‌സിന്‍ ഇന്‍ഡ്യൂസിഡ് ഇമ്മ്യൂണ്‍ ത്രോംബോസിറ്റോപേനിയ ആൻഡ് ത്രോംബോസിസ് (വിഐടിടി) എന്നാണ് ഈ അസുഖത്തിന് പേര് നല്‍കിയിരിക്കുന്നത്.

2021-ലെ കോവിഡ് മഹാമാരി കാലത്ത് അസ്ട്രസെനക വാക്‌സിന്‍ ഉപയോഗിച്ചശേഷമാണ് ഈ അസുഖം കണ്ടുതുടങ്ങിയതെന്നാണ് റിപ്പോര്‍ട്ടില്‍ പറയുന്നത്. പ്ലേറ്റ്‌ലെറ്റ് ഫാക്ടര്‍ 4 (പിഎഫ് 4) എന്ന പ്രോട്ടീനിനെ ബാധിക്കുന്ന ഹാനികരമായ ഓട്ടോ ആന്റിബോഡിയാണ് വിഐടിടിക്ക് കാരണമാകുന്നതെന്നാണ് കണ്ടെത്തല്‍.

2023-ലും സമാനമായ ഗവേഷണഫലം പുറത്തുവന്നിരുന്നു. രോഗപ്രതിരോധ സംവിധാനം ഉല്‍പ്പാദിപ്പിക്കുന്ന ഒരു തരം ആന്റിബോഡിയാണ് ഓട്ടോ ആന്റിബോഡി. ഇത് പുറത്തുനിന്നുള്ള അക്രമകാരികളാണെന്ന് കരുതി സ്വന്തം ശരീരത്തിലെ കോശങ്ങളെ തന്നെ പ്രതിരോധിക്കുന്നു. ഇത് രക്താര്‍ബുദം അടക്കമുള്ള ഓട്ടോ ഇമ്മ്യൂണ്‍ രോഗങ്ങളിലേക്ക് നയിച്ചേക്കാം. സ്വന്തം ശരീരഭാഗത്തിനെതിരെ ശരീരത്തിലെ തന്നെ രോഗപ്രതിരോധ സവിധാനം പ്രതികരിക്കുന്നത് മൂലം ഉണ്ടാകുന്ന അവസ്ഥയാണ് ഓട്ടോഇമ്മ്യൂണ്‍ രോഗങ്ങള്‍. രോഗബാധിതര്‍ക്കു പലപ്പോഴും തലച്ചോറിലോ ഉദരത്തിലോ അസാധാരണമായ സ്ഥലങ്ങളില്‍ രക്തം കട്ടപിടിക്കുന്നു. അവരുടെ രക്തത്തില്‍ ഡി-ഡൈമര്‍ എന്ന പദാര്‍ത്ഥത്തിന്റെ ഉയര്‍ന്ന അളവുമുണ്ടാകും.

ഫ്ലിന്‍ഡേഴ്സ് യൂണിവേഴ്സിറ്റിയില്‍ വികസിപ്പിച്ചെടുത്ത ഒരു നൂതന രീതി ഉപയോഗിച്ചുള്ള ഈ പുതിയ പഠനം കാണിക്കുന്നത് വൈറസുകളിലും വാക്സിനുകളിലും ഉള്ള ഒരു പൊതുഘടകം ഈ ദോഷകരമായ ആന്റിബോഡികളെ ഉത്തേജിപ്പിക്കുന്നു എന്നാണ്.
കോവിഷീല്‍ഡ് സ്വീകരിച്ച നാല് മുതല്‍ 42 വരെയുള്ള ദിവസങ്ങള്‍ക്കിടയിലാണ് ഇത് സംഭവിക്കുക. കഠിനമായ തലവേദന, കാഴ്ച വ്യതിയാനങ്ങള്‍, വയറുവേദന,ഛര്‍ദ്ദി, നടുവേദന, ശ്വാസതടസം, കാലുവേദന, നീര്‍വീക്കം തുടങ്ങിയവയാണു രോഗത്തിനുള്ള ലക്ഷണങ്ങള്‍.

16/05/2024

നന്ദി.. സുനിൽ ഛേത്രി.. ❤️

30/04/2024

കാത്തിരിപ്പിന് അവസാനം, മലയാളി താരം സഞ്ജു സാംസണ്‍ ട്വന്റി 20 ലോകകപ്പിനുള്ള ഇന്ത്യന്‍ ടീമില്‍.😍😍

താരത്തിന്റെ കരിയറിലെ ആദ്യ ലോകകപ്പാണിത്. സുനില്‍ വല്‍സന്‍, എസ് ശ്രീശാന്ത് എന്നിവർക്ക് ശേഷം ലോകകപ്പ് ടീമില്‍ ഇടം നേടുന്ന ആദ്യ മലയാളികൂടിയാണ് സഞ്ജു.

ജൂണ്‍ രണ്ടിന് അമേരിക്കയിലും വെസ്റ്റ് ഇന്‍ഡീസിലുമായി ആരംഭിക്കുന്ന ടൂർണമെന്റിലേക്കുള്ള 15 അംഗ ടീമിനെ സമയപരിധി അവസാനിക്കാന്‍ ഒരു ദിവസം മാത്രം ബാക്കി നില്‍ക്കെയാണ് ബിസിസിഐ പ്രഖ്യാപിച്ചത്.

രോഹിത് ശർമ നയിക്കുന്ന ടീമില്‍ യശസ്വി ജയ്‌സ്വാള്‍, വിരാട് കോഹ്ലി, സൂര്യകുമാർ യാദവ് എന്നിവരാണ് മുന്‍നിര ബാറ്റർമാർ. ഋഷഭ് പന്താണ് ടീമിന്റെ ഒന്നാം വിക്കറ്റ് കീപ്പര്‍. രണ്ടാം വിക്കറ്റ് കീപ്പറായാണ് സഞ്ജു ഇടംപിടിച്ചത്. ഹാർദിക്ക് പാണ്ഡ്യ, രവീന്ദ്ര ജഡേജ, ശിവം ദൂബെ, അക്‌സര്‍ പട്ടേല്‍ എന്നിവരാണ് ടീമിലെ ഓള്‍ റൗണ്ടർമാർ.

T20 World Cup Squad : INDIA 🇮🇳😍

24/04/2024

Lest We Forget..
ANZAC DAY 🌸

22/04/2024

ആശുപത്രികളിൽ നഴ്സുമാരുടെ ഒഴിവുകൾ ഏറെക്കുറെ നികത്തപ്പെട്ടതിനാൽ ഹെൽത്ത് ന്യൂസിലാൻഡ് ചെലവ് കുറയ്ക്കാനായി കൂടുതൽ നടപടികൾ സ്വീകരിക്കുന്നതിന്റെ ഭാഗമായുള്ള പുതിയ നിർദ്ദേശങ്ങൾ താഴെ ചേർക്കുന്നു. മുഴുവൻ നിർദ്ദേശങ്ങൾ നടപ്പിലാകുമോ എന്ന് തുടർന്ന് വരും മാസങ്ങളിൽ മാത്രമേ അറിയുവാൻ സാദിക്കുകയുള്ളൂ.

1. ഡബിൾ ഷിഫ്റ്റ് അവസാനിപ്പിക്കും.

2. കഴിഞ്ഞ 12 മാസമായി ലീവ് എടുക്കാത്തവരെയും, വാർഷിക ലീവ് അധികമായി ബാലൻസുള്ളവരും ആയ ജീവനക്കാരെ കണ്ടെത്തും. അതോടൊപ്പം കൂടുതലായി സിക്ക് ലീവ് എടുക്കുന്നവരുടെ വിവരങ്ങൾ അന്വേഷിക്കും.

3. കഴിയുന്നത്ര ജീവനക്കാരെ പബ്ലിക് ഹോളിഡേകളിൽ വാർഷിക അവധി എടുക്കാൻ പ്രോത്സാഹിപ്പിക്കും.

4. പബ്ലിക് ഹോളിഡേ ദിവസങ്ങളിൽ ആവശ്യം ഉള്ളതിലും അധികമുള്ള ജീവനക്കാരെ ഒഴിവാക്കും.

5. ഉച്ച ഭക്ഷണത്തിന്റെ സമയം ജോലി ചെയ്താൽ പേ ലഭിക്കില്ല.

6. രാത്രി ഷിഫ്റ്റുകൾ ഒഴികെയുള്ള ജീവനക്കാരുടെ കുറവ് ഉണ്ടായാൽ ആ ഒഴിവ് താത്കാലികമായി നികത്തില്ല.

7. ഉന്നതാധികാരികളുടെ അംഗീകാരമില്ലാതെ ജൂലൈ 1-ന് മുമ്പ് നോൺ-ക്ലിനിക്കൽ റോളിൽ പുതിയ നിയമനം കൊടുക്കരുത്.

വാർത്തയായതിന് പിന്നാലെ ഹെൽത്ത് ന്യൂസിലൻഡ് നിയമനനിരോധനം ഇല്ല എന്നറിയിച്ചെങ്കിലും കൂടുതൽ നിയമനങ്ങൾ ഉണ്ടാവാനുള്ള സാധ്യത വളരെ കുറവാണ്.

കൂടുതൽ വാർത്തകൾക്കായി ഈ പേജ് ഫോളോ ചെയ്യൂ Mallu Junction New Zealand

19/04/2024

ഒരു നിമിഷം ശ്രദ്ധിക്കൂ..‼️ എവറസ്റ്റ് ഫിഷ് കറി മസാലയിൽ കീടനാശിനിയുടെ അംശം; ഉത്പന്നം വിപണിയിൽ നിന്ന് തിരിച്ചുവിളിച്ചതായി സിംഗപ്പൂർ ഫുഡ് ഏജൻസി

ഇന്ത്യയിൽ നിന്ന് ഇറക്കുമതി ചെയ്യുന്ന ഫിഷ് കറി മസാലയിൽ കീടനാശിനിയുടെ അംശം കണ്ടെത്തിയതായി സിംഗപ്പൂർ അധികൃതർ. എവറസ്റ്റ് ഫിഷ് കറി മസാല എന്ന ഉത്പന്നത്തിലാണ് എത്തിലീൻ ഓക്സൈഡ് എന്ന കീടനാശിനി കണ്ടെത്തിയത്. ഇതിന്റെ അടിസ്ഥാനത്തിൽ ഈ ഉത്പന്നം വിപണിയിൽ നിന്ന് തിരിച്ചുവിളിച്ചതായി സിംഗപ്പൂർ ഫുഡ് ഏജൻസി പുറത്തിറക്കിയ പ്രസ്താവനയിൽ പറയുന്നു. ഏപ്രിൽ 18നാണ് ഇത് സംബന്ധിച്ച അറിയിപ്പ് വന്നത്. സിംഗപ്പൂർ ഫുഡ് ഏജൻസിയുടെ ഔദ്യോഗിക വെബ്സൈറ്റിലും പ്രസ്താവന പ്രസിദ്ധീകരിച്ചിട്ടുണ്ട്.

ഇന്ത്യയിലെ എസ്.പി മുത്തയ്യ ആന്റ് സൺസ് പ്രൈവറ്റ് ലിമിറ്റഡ് എന്ന കമ്പനിയാണ് എവറസ്റ്റ് ഫിഷ് കറി മസാല സിംഗപ്പൂരിൽ ഇറക്കുമതി ചെയ്യുന്നത്. ഇതിൽ അടങ്ങിയിരിക്കുന്നതായി കണ്ടെത്തിയ എത്തിലീൻ ഓക്സൈഡ് എന്ന കീടനാശിനി മനുഷ്യ ഉപയോഗത്തിന് ഒട്ടും അനിയോജ്യമായ പദാർത്ഥമല്ല. അനുവദനീയമായ പരിധിക്കപ്പുറം ഇതിന്റെ അളവ് എവറസ്റ്റ് ഫിഷ് കറി മസാലയിൽ കണ്ടെത്തിയതായി സിഗപ്പൂർ ഫുഡ് അതോറിറ്റിയുടെ അറിയിപ്പിൽ പറയുന്നു. ഈ കാരണം കൊണ്ടുതന്നെ ഉത്പന്നം വിപണിയിൽ നിന്ന് പിൻവലിക്കാൻ ഫുഡ് സേഫ്റ്റി അതോറിറ്റി നിർദേശം നൽകിയതായി അധികൃതർ അറിയിച്ചു. ഇറക്കുമതി ചെയ്യുന്ന കമ്പനിക്ക് ഇതിനുള്ള നിർദേശവും അധികൃതർ നൽകിയിട്ടുണ്ട്.

കാർഷിക ഉത്പന്നങ്ങളിൽ സൂക്ഷ ജീവികൾ വളരുന്നത് തടയാൻ ഉപയോഗിക്കുന്ന കീടനാശിനിയാണ് എത്തിലീൻ ഓക്സൈഡ്. പുകയ്ക്കാൻ വേണ്ടി ഉപയോഗിക്കുന്ന ഇവ ഭക്ഷ്യ ഉത്പന്നങ്ങളിൽ ഉപയോഗിക്കുന്നതിന് കർശന നിരോധനമുണ്ട്. സിംഗപ്പൂരിലെ നിയമമനുസരിച്ച് സുഗന്ധവ്യജ്ഞനങ്ങളിൽ അനുവദനീയമായ അളവിൽ അധികം എത്തിലീൻ ഓക്സൈഡ് കണ്ടെത്തിയ സാഹചര്യത്തിൽ ഉപഭോക്താക്കളുടെ ആരോഗ്യത്തിന് എവറസ്റ്റ് ഫിഷ് കറി മസാല ഭീഷണിയാണെന്നും സിംഗപ്പൂർ അധികൃതർ പറ‌ഞ്ഞു

18/04/2024

മോക്‌പോളില്‍ ബിജെപിക്ക് അധികവോട്ട് ‼️പരിശോധിക്കാൻ നിർദേശിച്ച് സുപ്രീംകോടതി.

ലോക്‌സഭ തിരഞ്ഞെടുപ്പിന് മുന്നോടിയായി നടന്ന മോക്‌പോളില്‍ ഇലക്ട്രോണിക് വോട്ടിങ് മെഷീനുകളില്‍ (ഇവിഎം) ബിജെപിക്ക് അധികവോട്ട് രേഖപ്പെടുത്തിയെന്ന ആരോപണം പരിശോധിക്കാന്‍ തിരഞ്ഞെടുപ്പ് കമ്മിഷനോട് നിര്‍ദേശിച്ച് സുപ്രീംകോടതി. കാസര്‍കോട് മണ്ഡലത്തിലെ മോക്‌പോളിനെക്കുറിച്ച് അന്വേഷിക്കാനാണ് നിര്‍ദേശം.

ഇവിഎം- വിവിപാറ്റ് കേസിന്റെ വാദത്തിനിടെ, മാധ്യമവാർത്ത ശ്രദ്ധയില്‍ പെടുത്തിയപ്പോഴാണ് സംഭവം അന്വേഷിക്കാൻ ജസ്റ്റിസുമാരായ സഞ്ജീവ് ഖന്നയും ദിപാങ്കര്‍ ദത്തയുമടങ്ങുന്ന ബഞ്ച് വാക്കാല്‍ ഉത്തരവിട്ടത്.

കുറഞ്ഞത് നാല് ഇലക്ട്രോണിക് മെഷീനുകളെങ്കിലും ബിജെപിക്ക് അനുകൂലമായി അധിക വോട്ട് രേഖപ്പെടുത്തിയെന്ന് എല്‍ഡിഎഫും യുഡിഎഫും കാസർക്കോട് കലക്ടര്‍ക്ക് നല്‍കിയ പരാതിയില്‍ പറയുന്നു. എല്‍ഡിഎഫ് സ്ഥാനാര്‍ഥി എം വി ബാലകൃഷ്ണന്‍, യുഡിഎഫ് സ്ഥാനാര്‍ഥി രാജ്‌മോഹന്‍ ഉണ്ണിത്താന്‍ എന്നിവരുടെ ഏജന്റുമാരാണ് കലക്ടര്‍ക്ക് പരാതി നല്‍കിയത്

18/04/2024

ലോകത്തെ ഏറ്റവും വലിയ ഉപഭോക്തൃ - ഉത്പന്ന ബ്രാൻഡായ നെസ്‌ലെയുടെ നവജാത ശിശുക്കൾക്കായി പുറത്തിറക്കുന്ന പാൽ ഉത്പന്നങ്ങളിൽ പഞ്ചസാരയുടെ അളവ് കൂടുതലെന്ന് കണ്ടെത്തൽ. സ്വിറ്റ്സർലാന്റ് ആസ്ഥാനമായുള്ള പബ്ലിക് ഐ എന്ന അന്വേഷണ ഏജൻസിയാണ് ഇക്കാര്യം ചൂണ്ടിക്കാട്ടുന്നത്.

14/04/2024

Happy Vishu ❤️

13/04/2024

നിങ്ങൾക്ക് നിങ്ങളുടെ എക്സ്പീരിയൻസ് ഇമ്മിഗ്രേഷൻ ന്യൂസിലൻഡിന് മുൻപിൽ തെളിയിക്കാൻ ഉള്ള നാല് വഴികൾ

1️⃣ മുൻകാല എംപ്ലോയർമാരിൽ നിന്നുള്ള റഫറൻസ് ലെറ്റർ
2️⃣ സർട്ടിഫിക്കറ്റ് ഓഫ് എംപ്ലോയ്മെന്റ്
3️⃣ സാലറി സ്ലിപ് / ബാങ്ക് സ്റ്റേറ്റ്മെന്റ്സ്
4️⃣ ടാക്സ് സർട്ടിഫിക്കറ്റ്

‼️ ദയവായി ശ്രദ്ധിക്കൂ..
CV / Resume നിങ്ങളുടെ തൊഴിൽ പരിചയം തെളിയിക്കാൻ ഉള്ള രേഖയായി ഇമ്മിഗ്രേഷൻ ഓഫീസർ സ്വീകരിക്കുന്നതല്ല.
——————
കൂടുതൽ ന്യൂസീലൻഡ് വാർത്തകൾക്കായി ഈ പേജ് ഫോളോ ചെയ്യൂ Mallu Junction New Zealand

11/04/2024

നിങ്ങൾ 5 വർഷത്തെ അക്രഡിറ്റഡ് എംപ്ലോയർ വർക്ക് വിസ നോക്കുന്നവരാണോ❓എങ്കിൽ താഴെ പറയുന്നവ ശ്രദ്ധിക്കു..

❗️നിങ്ങളുടെ ജോലി ANZCO ലെവൽ 1 അല്ലെങ്കിൽ 2 അല്ലെങ്കിൽ 3 യിൽ ഉൾപ്പെട്ടതോ ഒപ്പം നിലവിലെ മീഡിയൻ വേജ് എങ്കിലും സാലറിയായി ലഭിക്കുകയും വേണം.
❗️ നിങ്ങളുടെ ജോലി ഗ്രീൻലിസ്റ്റിൽ പെടുന്നതും അതോടൊപ്പം നിലവിലെ മീഡിയൻ വേജ് എങ്കിലും സാലറിയായി ലഭിക്കുകയും വേണം.
❗️നിങ്ങളുടെ ജോലിക്ക് മീഡിയൻ വെജിന്റെ 1.5 മടങ്ങ് സാലറി ഉണ്ടായിരിക്കണം.
❗️നിലവിൽ അക്രഡിറ്റഡ് എംപ്ലോയർ വർക്ക് വിസ കൈവശം ഉള്ളവരും അതോടൊപ്പം നിലവിലെ മീഡിയൻ വേജ് എങ്കിലും സാലറിയായി ലഭിക്കുകയും വേണം.

** ഇത് ഒരു ഇൻഫർമേഷൻ മാത്രമാണ് കൂടുതൽ വിവരങ്ങൾ ഇമ്മിഗ്രേഷൻ ന്യൂസീലൻഡുമായി പരിശോധിക്കുക.

കൂടുതൽ വാർത്തകൾക്ക് ഈ പേജ് ഫോളോ ചെയ്യൂ Mallu Junction New Zealand

10/04/2024

❤️

09/04/2024

സ്കിൽഡ് റെസിഡൻസി പോളിസിയിൽ മാറ്റങ്ങൾ വരുത്തി ന്യൂസീലൻഡ് ‼️

ന്യൂസീലാൻഡ് 2024 ഏപ്രിൽ 7 മുതൽ സ്കിൽഡ് റെസിഡൻസി വിസ പോളിസിയിൽ പുതിയ മാറ്റങ്ങൾ നിലവിൽ വരുത്തി. ഈ മാറ്റങ്ങൾ പ്രകാരം ചില ജോലികൾ ഗ്രീൻ ലിസ്റ്റ് എന്ന സ്പെഷ്യൽ ലിസ്റ്റിൽ നിന്നും ഒഴിവാക്കുകയും ചില ജോലികൾ കൂട്ടിച്ചേർക്കുകയും ചെയ്തു.

ന്യൂസീലൻഡിലെ സെക്കൻഡറി സ്കൂൾ ടീച്ചേഴ്സിന് മെയ് മുതൽ റസിഡന്റ് വിസക്ക് അപേക്ഷിക്കാം എന്നതാണ് ഏറ്റവും സുപ്രധാനമായ മാറ്റം. വർക്ക് ടൂ റെസിഡൻസിയിലൂടെ കറക്ഷൻ ഓഫീസർ ആയി ജോലി ചെയ്യുന്നവർക്ക് അവരുടെ ജോലി 2 വർഷം പൂർത്തിയാവുന്ന മുറക്ക് റെസിഡൻസി വിസക്ക് അപേക്ഷിക്കാൻ സാധിക്കും.

ട്രാൻസ്പോർട്ട് സെക്ടറിലെ പല ജോലികളും റസിഡൻസി യോഗ്യതയിൽ നിന്നും ഒഴിവാക്കപ്പെട്ടു.

ഒഴിവാക്കപ്പെട്ട ജോലികൾ
————————————
- ബസ്സ് ഡ്രൈവർ
- ട്രക്ക് ഡ്രൈവർ
- ടാങ്കർ ഡ്രൈവർ
- ടോ ട്രക്ക് ഡ്രൈവർ
- എയർക്രാഫ്റ്റ് refueller
- ഫർണീച്ചർ റിമൂവലിസ്റ്റ്

കൂട്ടിച്ചേർക്കപ്പെട്ടവ
—————————
- ഏവിയേഷൻ എഞ്ചിനീയർ
- നേവൽ ആർക്കിടെക്റ്റ്
- ഡാറ്റാബേസ് ആൻഡ് സിസ്റ്റം അഡ്മിനിസ്ട്രേറ്റർ
- മെക്കാനിക്കൽ എഞ്ചിനീയറിംഗ് ടെക്നീഷ്യൻ
- എയർക്രാഫ്റ്റ് മൈന്റനൻസ് എഞ്ചിനീയർ
———————————————————————
കൂടുതൽ ന്യൂസീലാൻഡ് വാർത്തകൾക്കായി ഈ പേജ് ഫോളോ ചെയ്യൂ Mallu Junction New Zealand

———————————————————————

08/04/2024

അക്രഡിറ്റഡ് എംപ്ലോയർ വർക്ക് വിസ മാറ്റങ്ങൾ‼️

❗️നിങ്ങൾ ഒരു AEWV യ്ക്ക് അപേക്ഷിക്കുകയാണെങ്കിൽ, നിങ്ങളുടെ പ്രവൃത്തി പരിചയത്തിൻ്റെയോ യോഗ്യതയുടെയോ തെളിവുകൾ കാണിക്കേണ്ടതുണ്ട്. തൊഴിലുടമ നിങ്ങൾക്ക് ജോലി ഓഫർ ചെയ്യുന്നതിനുമുമ്പ് തീർച്ചയായും ജോലിക്ക് അപേക്ഷേച്ചിരിക്കുന്നയാൾ തൊഴിലിൽ വേണ്ടത്ര പരിചയം ഉള്ള ആളാണ് എന്ന് ഉറപ്പുവരുത്തേണ്ടതാണ്.

❗️നിങ്ങളുടെ റോൾ ഗ്രീൻ ലിസ്റ്റിൽ പെടുന്നതോ അല്ലെങ്കിൽ ശരാശരി വേതനത്തിൻ്റെ ഇരട്ടിയെങ്കിലും ശമ്പളമായി ലഭിക്കുകയോ ചെയ്തില്ലെങ്കിൽ, നിങ്ങൾക്ക് താഴെപ്പറയുന്നകാര്യങ്ങൾ ബാധകമാണ്:
കുറഞ്ഞത് 3 വർഷത്തെ പ്രസക്തമായ പ്രവൃത്തിപരിചയം, അല്ലെങ്കിൽ
ന്യൂസിലാൻഡ് ക്വാളിഫിക്കേഷൻസ് ആൻഡ് ക്രെഡൻഷ്യൽസ് ഫ്രെയിംവർക്കിൻ്റെ (NZQCF) ലെവൽ 4 അല്ലെങ്കിൽ അതിനു മുകളിലുള്ള പ്രസക്തമായ യോഗ്യത. കൂടാതെ നിങ്ങളുടെ യോഗ്യത ബാച്ചിലേഴ്സ് ഡിഗ്രിക്ക് താഴെയാണെങ്കിൽ ഒരു ഇൻ്റർനാഷണൽ ക്വാളിഫിക്കേഷൻ അസസ്മെൻ്റ് (IQA) നടത്തി അതിന്റെ റിപ്പോർട്ട് നൽകേണ്ടതാണ്.
പ്രവർത്തിപരിചയത്തിനായി നൽകുന്ന രേഖകൾ നിങ്ങളുടെ കഴിഞ്ഞകളിലെ എംപ്ലോയർ നൽകുന്നതായിരിക്കണം. ഇനിമുതൽ സ്വയം സാക്ഷ്യപ്പെടുത്തിയ പ്രവർത്തിപരിചയ രേഖകൾ സ്വീകാര്യമല്ല.

❗️തൊഴിൽ വിസകൾക്ക് ഇനിമുതൽ ഇംഗ്ലീഷ് പരിജ്ഞാനം ആവശ്യമാണ്. അതായത് ielts മുതലായ പരീക്ഷകളിൽ മിനിമം 4 എന്ന രീതിയിൽ സ്കോർ ആവശ്യമാണ്. എന്നാൽ ഇത് നിലവിലെ അപേക്ഷകർക്കോ അവരുടെ പങ്കാളികൾക്കോ മക്കൾക്കോ ബാധകമല്ല.

❗️ANZSCO level 4/ 5 ജോലികൾക്കുള്ള വിസ കാലാവധി 2 വർഷം ആയി കുറച്ചിരിക്കുന്നു. എന്നാൽ പുതിയ ജോബ് ചെക്കിന് അപേക്ഷിച്ച് ഒരു വർഷം കൂടി വിസകാലവധി നീട്ടാൻ സാധിക്കും.

❗️AEWV വിസയിൽ പരമാവധി ന്യൂസീലൻഡിൽ ചിലവഴിക്കാൻ സാധിക്കുന്ന സമയം 3 വർഷമായി കുറച്ചിരിക്കുന്നു. നിങ്ങളുടെ വിസ കാലാവധി തീരുന്നമുറക്ക് നിങ്ങൾ ന്യൂസീലൻഡിൽ നിന്നും പുറത്ത് പോവുകയും പിന്നീട് മിനിമം ഒരു വർഷത്തിനുശേഷം മാത്രമേ പുതിയ വിസക്ക് അപേക്ഷിക്കാൻ സാധിക്കുകയും ഉള്ളൂ.

❗️ഈ നിയമങ്ങൾ ഏപ്രിൽ 7 മുതൽ പ്രാബല്യത്തിൽ വന്നിരിക്കുന്നു.

08/04/2024

ന്യൂസിലൻഡിൽ ഇനി മുതൽ വർക്ക് വിസക്കും ഇംഗ്ലീഷ് ടെസ്റ്റ് നിർബന്ധം
സ്കിൽ ലെവൽ 4,5 എന്നിവക്ക് താഴെ പറയും പ്രകാരം സ്കോർ ആവശ്യം ആണ്.

IELTS - 4 overall
TOEFLiBT - 31 overall
PTE academic - 29 overall
OET - Grade D or higher in all 4 skills

06/04/2024

Don’t Forget to Fall Back 😉

01/04/2024

ബഹിരാകാശത്ത്‌ ഇനി കിവികളും.. ന്യൂസിലൻഡ് പ്രതിരോധ സേന ഉപഗ്രഹം വിക്ഷേപിച്ചു ❤️😍

വിർജീനിയയിലെ വാലോപ്‌സ് ലോഞ്ച് കോംപ്ലക്‌സ് 2 ൽ നിന്ന് റോക്കറ്റ് ലാബ് ഇലക്‌ട്രോൺ റോക്കറ്റിൽ ഒരു പരീക്ഷണ ആശയവിനിമയ ഉപഗ്രഹം വിക്ഷേപിച്ചുകൊണ്ട് ന്യൂസിലാൻ്റ് ഡിഫൻസ് ഫോഴ്‌സ് (NZDF) ഔദ്യോഗികമായി "ബഹിരാകാശ മത്സരത്തിലേക്ക്" പ്രവേശിച്ചു.

30/03/2024

കൂട്ടത്തിൽ നിന്നും 30 വെള്ളിനാണയങ്ങൾക്കായി ഒറ്റ്കൊടുത്തവനെയും ചേർത്തുള്ള പെസഹ കഴിഞ്ഞു.. തന്നെ വധിക്കാനുള്ള കഴുമരവും ചുമന്ന് ദൂരങ്ങൾ താണ്ടി.. പീഡസഹനവും കുരിശുമരണവും.. ജീവിതത്തിൽ പിതാവിനോട് ഇതായിരുന്നോ പിതാവെ അങ്ങ് എന്നെ ഈ ഭൂമിയിലേക്ക് അയച്ചത് എന്ന് ദൈവികഭാവത്തേക്കാൾ മനുഷ്യഭാവത്തിൽ തന്റെ നിസ്സഹായത വിളിച്ചുപറഞ്ഞുകൊണ്ട് മനുഷ്യനായ ദൈവം തന്റെ കർത്തവ്യം അവസാനിപ്പിച്ചു.. ഇനി ഉയിർപ്പാണ്.. ജഡമായതിൽ നിന്നും അനശ്വരതയിലേക്ക് ഉയർന്നുപൊങ്ങുന്ന യഥാർത്ഥ ദൈവികത മാനവരാശിയെ ബോധ്യപ്പെടുത്തി താൻ ആരെന്ന് വെളിപ്പെടുത്തിയ ദിവസം.. നശ്വരതയുടെ മനുഷ്യൻ ആണെന്ന് കരുതിയവൻ അനശ്വരതയിൽ ദൈവമായി മാറുന്ന ദിവസം.. ഈ ലോകചരിത്രത്തിൽ മറ്റാർക്കും മുൻപിൽ വെക്കാൻ സാധിക്കാത്ത ദൈവസങ്കല്പത്തിന്റെ പൂർണ്ണത.. യേശു എന്ന ഇശോ മിശിഹ..

ഏവർക്കും ഉയിർപ്പ് തിരുന്നാൾ മംഗളങ്ങൾ..

25/03/2024

🤩