Arasan

Arasan Media & Daily News Update

https://youtube.com/channel/UC15JqCSYvHVpStB4QjuWFWQ
(2)

இந்திய இராஜதந்திரிகள் - இலங்கை ஜனாதிபதி அனுரகுமார சந்திப்பு...!!இந்தியாவுக்கான மூன்று நாள் உத்தியோகபூர்வ விஜயம் மேற்கொண்...
16/12/2024

இந்திய இராஜதந்திரிகள் - இலங்கை ஜனாதிபதி அனுரகுமார சந்திப்பு...!!

இந்தியாவுக்கான மூன்று நாள் உத்தியோகபூர்வ விஜயம் மேற்கொண்டிருக்கும் இலங்கை ஜனாதிபதி அநுரகுமார திசாநாயக்க வை இன்று (16) இந்திய ஜனாதிபதி திரௌபதி முர்மு மற்றும் பிரதமர் நரேந்திர மோடி ஆகியோர் வரவேற்றனர்.

இந்த சம்பிரதாயபூர்வ வரவேற்பு நிகழ்வு புது டில்லியில் உள்ள இந்திய ஜனாதிபதி மாளிகையில் நடைபெற்றுள்ளது.

இந்திய நிதி மற்றும் நிறுவன அலுவல்கள் அமைச்சர் நிர்மலா சீதாராமன், வெளிவிவகார அமைச்சர் கலாநிதி எஸ்.ஜெய்சங்கர், மற்றும் இந்திய பாதுகாப்பு ஆலோசகர் ஸ்ரீ அஜித் தோவால் ஆகியோரை சந்தித்து கலந்துரையாடியதாக ஜனாதிபதி ஊடக்ப்பிரிவு தெரிவித்துள்ளது.

ஜனாதிபதி அனுர மற்றும் இந்திய நிதி, நிறுவன அலுவல்கள் அமைச்சர் நிர்மலா சீதாராமன் ஆகியோருக்கு இடையிலான சந்திப்பில் , இந்தியா – இலங்கை பொருளாதார ஒத்துழைப்புக்களை பலப்படுத்திக்கொள்ளல் மற்றும் இருநாடுகளுக்கும் இடையிலான முதலீட்டு வாய்ப்புக்களை விரிவுபடுத்திக்கொள்வது தொடர்பில் விரிவாக கலந்துரையாடப்பட்டது.

அதோடு இந்திய சுற்றுலாப் பயணிகளை இலங்கைக்கு அதிகளவில் அழைத்து வருவது மற்றும் இலங்கையின் விவசாய நவீனமயமாக்கல், டிஜிட்டல் உட்கட்டமைப்பு வசதிகள் அபிவிருத்தி குறித்தும் கலந்துரையாடப்பட்டது.

ஜனாதிபதி மற்றும் இந்திய வெளிவிவகார அமைச்சர் கலாநிதி எஸ்.ஜெய்சங்கர் ஆகியோருக்கு இடையிலான சந்திப்பு சிநேகபூர்வமாக இடம்பெற்றதோடு, இலங்கையின் பொருளாதார மறுமலர்ச்சிக்கு இந்தியாவின் மிகப்பெரிய சந்தையை பயன்படுத்திக்கொள்வது குறித்தும் இதன்போது கவனம் செலுத்தப்பட்டது.

இந்நாட்டின் சுற்றுலா, முதலீடு மற்றும் வலுசக்தி துறைகளில் ஒத்துழைப்பு வழங்குவற்கும் கலாநிதி எஸ்.ஜெய்சங்கர் இதன்போது இணக்கம் தெரிவித்தார். மேலும், மீன்பிடித்துறை மற்றும் தேசிய ஒற்றுமை மேம்பாடு உள்ளிட்ட இருநாடுகளுக்கும் அன்னியோன்யமான விடயங்கள் குறித்தும் இதன்போது கவனம் செலுத்தப்பட்டதாகவும் ஜனாதிபதி ஊடகப்பிரிவு தெரிவித்துள்ளது.

மேலும் இந்திய பாதுகாப்பு ஆலோசகர் ஸ்ரீ அஜித் தோவால் ஜனாதிபதி அநுரகுமார திசாநாயக்கவை சந்தித்து வலயத்தின் பாதுகாப்பு குறித்து கலந்துரையாடினார்.

வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத், தொழில் அமைச்சர் மற்றும் பொருளாதார அபிவிருத்தி பிரதி அமைச்சர் பேராசிரியர் அனில் ஜயந்த பெர்னாண்டோ உள்ளிட்டோரும் இதன்போது கலந்துகொண்டனர்.

ஆக்லாந்தில் உள்ள Dairy Shop இல் கொள்ளையில் ஈடுபட்ட இருவர் கைது..!!கடந்த மாதம் ஆக்லாந்தில் உள்ள Dairy Shop ஒன்றில் கொள்ளை...
16/12/2024

ஆக்லாந்தில் உள்ள Dairy Shop இல் கொள்ளையில் ஈடுபட்ட இருவர் கைது..!!

கடந்த மாதம் ஆக்லாந்தில் உள்ள Dairy Shop ஒன்றில் கொள்ளையடித்த இரண்டு இளைஞர்கள் கைது செய்யப்பட்டனர்.

நவம்பர் 30 ஆம் திகதி இரவு 8.30 மணிக்கு முன்னதாக Northcote Dairy Shop இல் இந்த கொள்ளை சம்பவம் இடம்பெற்றதாக பொலிஸார் தெரிவித்தனர்.

குற்றவாளிகள் ஒரு திருடப்பட்ட வாகனத்தில் வந்து ஆயுதங்களுடன் கடைக்குள் நுழைந்ததாக Waitematā CIB இன் டிடெக்டிவ் சார்ஜென்ட் ஜெஃப்ரி பேட்டர்சன் கூறினார்.

கொள்ளையில் ஈடுபட்டவர்களில் ஒருவரை கடந்த வெள்ளிக்கிழமை காலை Papakura வில் திருடப்பட்ட வாகனத்தில் பொலிஸார் கண்டுபிடித்தனர்.

இரண்டாவது நபரை இன்று காலை Ramarama அருகே தெற்கு நெடுஞ்சாலையில், மற்றொரு திருடப்பட்ட வாகனத்தில் கைது செய்தனர். இருவருக்கும் 16 வயது.

இந்நிலையில் கைது செய்யப்பட்டவர்களில் ஒரு இளைஞன் 6 ஜனவரி 2025 அன்று மனுகாவ் இளைஞர் நீதிமன்றத்தில் ஆஜர்படுத்தப்பட உள்ளதாகவும், மற்றையவர் இன்று Waitākere இளைஞர் நீதிமன்றத்தில் ஆஜர்படுத்தப்பட்டுள்ளார்.

செய்தி நிருபர் - புகழ்

இந்தியா: தமிழ்நாடுகாங்கிரஸ் மூத்த தலைவர் ஈ.வி.கே.எஸ் இளங்கோவன் காலமானார் - அரசியல் தலைவர்கள் இரங்கல்!ஈரோடு கிழக்கு தொகுத...
14/12/2024

இந்தியா: தமிழ்நாடு

காங்கிரஸ் மூத்த தலைவர் ஈ.வி.கே.எஸ் இளங்கோவன் காலமானார் - அரசியல் தலைவர்கள் இரங்கல்!

ஈரோடு கிழக்கு தொகுதி எம்.எல்.ஏவும், மூத்த காங்கிரஸ் தலைவருமான ஈவிகேஎஸ் இளங்கோவன் உடல்நலக் குறைவு காரணமாக இன்று காலமானார். 50 ஆண்டுகாலத்திற்கும் மேலான அரசியல் அனுபவம் கொண்ட ஈவிகேஎஸ் இளங்கோவனின் மறைவு காங்கிரஸ் கட்சியினரை மட்டுமல்லாது, அனைத்து தரப்பினரையும் சோகத்தில் ஆழ்த்தியுள்ளது.

தனது மகன் திருமகன் ஈ.வே.ரா. காலமானதை தொடர்ந்து, இடைத்தேர்தலில் வெற்றிபெற்று ஈ.வி.கே.எஸ்.இளங்கோவன் எம்.எல்.ஏ ஆக இருந்தார். காய்ச்சல் மற்றம் சளி தொல்லையால் பாதிக்கப்பட்ட இவர் சென்னையில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டார்.

தொடர் பரிசோதனையில் அவருக்கு நுரையீரல் பகுதியில் பாதிப்பு இருப்பது கண்டுபிடிக்கப்பட்டது. இதனையடுத்து அவருக்கு வெண்டிலேட்டர் உதவியுடன் தொடர்ந்து சிகிச்சை அளிக்கப்பட்டு வந்தது. இளங்கோவனை முதல்வர் மு.க.ஸ்டாலின், காங்கிரஸ் கட்சியின் மாநிலத் தலைவர் செல்வப்பெருந்தகை உள்ளிட்டோர் நேரில் சந்தித்து நலம் விசாரித்தனர்.

இந்நிலையில் மணப்பாக்கத்தில் உள்ள தனியார் மருத்துவமனையில் சிகிச்சை பலனின்றி இன்று காலமானார்.

இவரது மறைவிற்கு அரசியல் தலைவர்கள் அனைவரும் இரங்கல் தெரிவித்து வருகின்றனர்.

ஹொங்கொங்கில் அறிமுகம் செய்யப்பட்ட பேசும் குப்பைத் தொட்டி..!!ஹொங்கொங்கில் பேசும் குப்பைத் தொட்டி ஒன்று அந்த நாட்டில் அறிம...
14/12/2024

ஹொங்கொங்கில் அறிமுகம் செய்யப்பட்ட பேசும் குப்பைத் தொட்டி..!!

ஹொங்கொங்கில் பேசும் குப்பைத் தொட்டி ஒன்று அந்த நாட்டில் அறிமுகம் செய்யப்பட்டுள்ளது.

இந்த குப்பைத் தொட்டி அங்குமிங்கும் நகர்ந்து, மக்களிடம் “நான் குப்பையைச் சாப்பிட விரும்புகிறேன்” என கூறுவதாக தெரிவிக்கப்படுகின்றது.

குப்பையை போட்டவுடன் “ஆ, என்ன சுவையாக இருக்கிறது” என குப்பைத் தொட்டி மகிழ்ச்சியுடன் பதிலளிப்பதாக குறிப்பிடப்படுகின்றது.

மக்கள் தங்கள் குப்பைகளை அப்புறப்படுத்த ஊக்குவிப்பதே இதன் முதன்மையான குறிக்கோளாக இருந்தாலும், இந்த குப்பைத் தொட்டி பலருக்கு பொழுதுபோக்கு சின்னமாகவும் மாறியுள்ளது.

மேலும், இன்ஸ்டாகிராம் பயனர்கள் இதனை ஆக்கப்பூர்வமான முயற்சி என பாராட்டி வருகின்றமை குறிப்பிடத்தக்கது.

Manukau வில் நபர் ஒருவரை கடுமையாக தாக்கிய குற்றவாளியை தேடும் பொலிஸார்..!!கடந்த மாதம் Manukau Institute of Technology இற்...
14/12/2024

Manukau வில் நபர் ஒருவரை கடுமையாக தாக்கிய குற்றவாளியை தேடும் பொலிஸார்..!!

கடந்த மாதம் Manukau Institute of Technology இற்கு வெளியே ஒருவரை கடுமையாக தாக்கிய நபரை பொலிஸார் தீவிரமாக தேடி வருகின்றனர்.

நவம்பர் 28 ஆம் திகதி பிற்பகல் 2.20 மணியளவில் Davies Avenue இல் இந்த சம்பவம் இடம்பெற்றுள்ளது.

பாதிக்கப்பட்டவர் அதிர்ஷ்டவசமாக பலத்த காயமடையவில்லை என பொலிஸார் ஒரு அறிக்கையில் தெரிவித்தனர்.

இந்நிலையில் குற்றவாளி தொடர்பில் தகவல் தெரிந்தவர்கள் 105 என்ற எண்ணில் காவல் துறையை தொடர்புகொள்ளுமாறு கேட்டுக் கொள்ளப்படுகிறார்கள்.

செய்தி நிருபர் - புகழ்

இலங்கை முன்னாள் ஜனாதிபதி மஹிந்தவின் பாதுகாப்புக்கு வருடம் 32 கோடி செலவு செய்த அரசாங்கம்..!!இலங்கையின் முன்னாள் ஜனாதிபதி ...
14/12/2024

இலங்கை முன்னாள் ஜனாதிபதி மஹிந்தவின் பாதுகாப்புக்கு வருடம் 32 கோடி செலவு செய்த அரசாங்கம்..!!

இலங்கையின் முன்னாள் ஜனாதிபதி மகிந்த ராஜபக்சவின் பாதுகாப்பிற்காக மட்டும் பொலிஸாரால் வருடாந்தம் செலவிடப்பட்ட தொகை 32 கோடி 60 இலட்சம் ரூபாவுக்கும் அதிகமாகும்.

இலங்கையின் உயரடுக்கு பாதுகாப்பு அதிகாரிகளை நியமிப்பது தொடர்பில் செயற்படுவதற்கு அரசாங்கத்தினால் நியமிக்கப்பட்ட குழு, முன்னாள் ஜனாதிபதிகளின் பாதுகாப்பை முறையான மதிப்பீட்டின் பின்னரே பாதுகாப்பை குறைத்துள்ளது.

அதன்படி முன்னாள் ஜனாதிபதிகளின் பாதுகாப்பிற்காக ஈடுபடுத்தப்பட்டுள்ள பொலிஸ் உத்தியோகத்தர்களின் எண்ணிக்கை தொடர்பில் தீர்மானம் எடுக்கப்பட்டுள்ளது என பொலிஸ் அறிக்கையில் தெரிவிக்கப்பட்டுள்ளது.

அவ்வப்போது கூடும் குழு, பாதுகாப்பு மதிப்பீடு அறிக்கைகளை வரவழைத்து, பாதுகாப்பிற்காக நியமிக்கப்பட்டுள்ள அதிகாரிகளின் எண்ணிக்கையை திருத்தும் என்றும் போலீசார் தெரிவித்தனர்.

பொலிஸ் உத்தியோகத்தர்கள் மாத்திரம் குறைக்கப்பட்டுள்ளதாகவும், முப்படைகளின் ஆயுதப்படை அதிகாரிகளும் அவர்களின் பாதுகாப்பிற்காக ஈடுபடுத்தப்பட்டுள்ளதாகவும் அந்த அறிவிப்பு சுட்டிக்காட்டுகிறது.

முன்னாள் ஜனாதிபதிகளின் பாதுகாப்பு நீக்கம் தொடர்பில் ஊடகங்களில் வெளியான செய்திகளின் அடிப்படையில், முன்னாள் ஜனாதிபதிகளுக்கான பொலிஸாரினால் மேற்கொள்ளப்பட்ட செலவினங்களும் மீளாய்வு செய்யப்பட்டு வருடாந்தம் 1100 மில்லியன் ரூபாவைத் தாண்டியுள்ளதாக பொலிஸ் தலைமையகம் விசேட அறிவித்தல் ஒன்றை வெளியிட்டுள்ளது.

இந்நிலையில் ஜனாதிபதி மஹிந்த ராஜபக்ஷவின் பாதுகாப்பிற்காக வருடாந்தம் 326 மில்லியனுக்கும் அதிகமான தொகையை செலவிடவுள்ளதாக பொலிஸார் மேலும் அறிவித்துள்ளனர்.

இந்நிலையில் மஹிந்த ராஜபக்ஷ மற்றும் முன்னாள் ஜனாதிபதிகளின் பாதுகாப்பு உத்தியோகத்தர்களின் எண்ணிக்கை 60 ஆக திருத்தப்பட்டு பராமரிக்கப்பட்டுள்ளதாக பொலிஸார் தெரிவித்தனர்.

இரவு முழுவதும் சிறையில் இருந்த நடிகர் அல்லு அர்ஜுன் காலையில் விடுவிப்பு...!!நடிகர் அல்லு அர்ஜுன் நடித்த புஷ்பா 2 திரைப்ப...
14/12/2024

இரவு முழுவதும் சிறையில் இருந்த நடிகர் அல்லு அர்ஜுன் காலையில் விடுவிப்பு...!!

நடிகர் அல்லு அர்ஜுன் நடித்த புஷ்பா 2 திரைப்படம் கடந்த 5-ம் திகதி திரையரங்குகளில் வெளியாகி நல்ல வசூலை பெற்றுள்ளது.

இந்த திரைப்படத்தின் சிறப்பு காட்சி டிசம்பர் 4 -ம் திகதி இரவு ஹைதராபாத்தில் உள்ள திரையரங்கில் வெளியானது. இதனால், திரையரங்கில் மக்கள் கூட்டம் அலைமோதியது.

அப்போது, நடிகர் அல்லு அர்ஜுன் எந்தவொரு முன்னறிவிப்பும் இல்லாமல் தனியார் பாதுகாவலர்கள் பாதுகாப்புடன் திரையரங்கிற்கு வந்துள்ளார்.

அங்கு, அல்லு அர்ஜுனை பார்ப்பதற்காக தள்ளுமுள்ளு ஏற்பட்டு கடும் கூட்ட நெரிசல் ஏற்பட்டது. திரையரங்கின் இரும்பு கேட் சரிந்து விழுந்து பலரும் கீழே விழுந்தனர்.

அதில், 35 வயதுடைய பெண் ஒருவர் கூட்ட நெரிசலில் உயிரிழந்தார். அவருடைய மகனுக்கு படுகாயமும், கணவருக்கு லேசான காயமும் ஏற்பட்டது.

இதையடுத்து, பொலிஸார் தடியடி நடத்தி கூட்டத்தை கலைத்தனர். இந்த சம்பவத்திற்கு முறையான ஏற்பாடுகளை திரையரங்கு நிர்வாகத்தினர் செய்யவில்லை என்றும், நடிகர் அல்லு அர்ஜுன் முன்னறிவிப்பு இன்றி தியேட்டருக்கு வந்ததால் கூட்டத்தை கட்டுப்படுத்த முடியவில்லை என்றும் பொலிஸார் கூறினர்.

பின்னர், காவல் துறை தரப்பில் நடிகர் அல்லு அர்ஜுன், அவரது பாதுகாவலர்கள், திரையரங்கு நிர்வாகம் மீது வழக்குப்பதிவு செய்யப்பட்டது. அதன்படி, திரையரங்கு உரிமையாளர், மேலாளர், ஊழியர் என மூவர் கைது செய்யப்பட்டனர்.

இதனிடையே, உயிரிழந்த பெண்ணின் குடும்பத்திற்கு நடிகர் அல்லு அர்ஜுன் ரூ.25 லட்சம் வழங்குவதாக அறிவித்தார்.

அதேபோல, தன் மீது பதிவு செய்த வழக்கை ரத்து செய்ய வேண்டும் என்றும் உயர்நீதிமன்றத்தில் மனுதாக்கல் செய்தார்.

இந்நிலையில், நேற்று (13) ஹைதராபாத்தில் உள்ள நடிகர் அல்லு அர்ஜுன் வீட்டிற்கு சென்ற பொலிஸார் அவரை கைது செய்தனர். பின்னர், அவருக்கு 14 நாள் நீதிமன்ற காவல் வழங்கி நீதிபதி உத்தரவிட்டார்.

அதன்படி அவர் தெலங்கானாவில் உள்ள சஞ்சல்குடா சிறையில் அடைக்கப்பட்டார். இதனிடையே, ஜாமீன் வழங்கக்கோரி தெலங்கானா உயர்நீதிமன்றத்தில் அல்லு அர்ஜுன் தரப்பில் மனு தாக்கல் செய்யப்பட்டது.

பின்னர், மனுவை ஏற்றுக்கொண்ட நீதிமன்றம் விசாரணைக்கு ஒத்துழைப்பு வழங்க வேண்டும் என்று கூறி இடைக்கால ஜாமீன் வழங்கியது.

இருந்தாலும் முறையான ஜாமீன் ஆவணங்கள் கிடைக்காததால் சிறை அதிகாரிகள் அவரை வெளியில் அனுப்ப மறுத்துவிட்டனர்.

இந்நிலையில், இரவு முழுவதும் சிறையில் இருந்த நடிகர் அல்லு அர்ஜுன் இன்று (டிச 14) காலை 7 மணியளவில் சிறையில் இருந்து வெளியே விடுவிக்கப்பட்டார்.

சர்வாதிகார ஆட்சியின் முடிவை பாரிய பேரணிகளாக கொண்டாடும் சிரியா மக்கள்..!!சிரியாவில் 5 தசாப்தகாலமாக நிலவிய அசாட்டின் சர்வா...
14/12/2024

சர்வாதிகார ஆட்சியின் முடிவை பாரிய பேரணிகளாக கொண்டாடும் சிரியா மக்கள்..!!

சிரியாவில் 5 தசாப்தகாலமாக நிலவிய அசாட்டின் சர்வாதிகார ஆட்சியின் முடிவைக் கொண்டாடும் வகையில் நாடளாவிய ரீதியாக பாரிய பேரணிகள் தொடர்ந்தும் இடம்பெறுகின்றன.

கடந்த ஞாயிற்றுக்கிழமை முஸ்லீம் ஆயுததாரிகள் ஆட்சியைக் கைப்பற்றியதை அடுத்து, தலைநகர் டமஸ்கஸ் மற்றும் பிற நகரங்களில் பொதுமக்கள் வீதியில் இறங்கி இந்த பேரணிகளை மேற்கொண்டு வருகின்றனர்.

ஆயுததாரிகள் டமஸ்கசை கைப்பற்றியதை அடுத்து, முன்னாள் ஜனாதிபதி பஷிர் அல்-அசத் ரஷ்யாவிற்குத் தப்பி சென்ற நிலையில், அவருக்கும் அவரது குடும்ப உறுப்பினர்களுக்கும் அரசியல் தஞ்சம் வழங்கப்பட்டுள்ளது.

இந்தநிலையில் அகமத் அல்-ஷாரா மக்களை சித்திரவதைக்கு உட்படுத்தியதாகச் சந்தேகிக்கப்படும் அதிகாரிகளுக்கு எதிராக உரிய நடவடிக்கை எடுக்கப்படும் என அறிவித்துள்ளார்.

இது தவிர, அசாத்தின் நிர்வாக காலப்பகுதியில், சித்திரவதை கூடமாக உபயோகிக்கப்பட்ட சிறைச்சாலைகளை மூட தீர்மானிக்கப்பட்டுள்ளதாகவும் அவர் குறிப்பிட்டார்.

இந்தநிலையில் சிரியாவில் ஸ்திரத்தன்மையினை ஏற்படுத்தும் நோக்கில் இராஜதந்திர நகர்வுகள் இடம்பெறுகின்றன.

இது தவிர, அமெரிக்க இராஜாங்க செயலாளர் அண்டனி பிளிங்கன், சிரியா தொடர்பாகப் பேச்சுவார்த்தையினை மேற்கொள்ளும் நோக்கில், திட்டமிடாத விஜயம் ஒன்றை மேற்கொண்டுள்ளார்.

லோகேஷின் பென்ஸ் திரைப்படத்தில் நான் நடிக்கவில்லை - நடிகர் மாதவன் விளக்கம்..!!தமிழ் சினிமாவில் முன்னணி இயக்குனராக மாறியுள...
14/12/2024

லோகேஷின் பென்ஸ் திரைப்படத்தில் நான் நடிக்கவில்லை - நடிகர் மாதவன் விளக்கம்..!!

தமிழ் சினிமாவில் முன்னணி இயக்குனராக மாறியுள்ளார் லோகேஷ் கனகராஜ். இவர் இயக்கத்தில் அடுத்ததாக கூலி திரைப்படம் உருவாகி வருகிறது.

இயக்குனராக மட்டுமின்றி தயாரிப்பாளராகவும் சினிமாவில் களமிறங்கியுள்ளார் லோகேஷ் கனகராஜ். இவர் தயாரிப்பில் அடுத்ததாக பென்ஸ் திரைப்படம் உருவாகி வருகிறது.

பாக்யராஜ் கண்ணன் இயக்கும் இப்படத்தில் ராகவா லாரன்ஸ் ஹீரோவாக நடித்து வருகிறார். ஏற்கனவே இப்படத்தில் இருந்து டைட்டில் போஸ்டர் வெளிவந்து ரசிகர்களிடையே நல்ல வரவேற்பை பெற்றது.

தயாரிப்பாளராகவும், இயக்குனராகவும் தமிழ் சினிமாவில் ஜொலித்து கொண்டிருக்கும் லோகேஷின் எல்சியூ திரைப்படமாக பென்ஸ் அமையும் என அறிவிக்கப்பட்டது.

இப்படத்தில் வில்லன் கதாபாத்திரத்தில் நடிகர் மாதவன் நடிக்க உள்ளதாக தகவல் வெளிவந்த நிலையில், தற்போது பென்ஸ் படத்தில் மாதவன் நடிக்கவில்லை என்று கூறி ஒரு பதிவை வெளியிட்டுள்ளார்.

அதில், " இந்த படத்தில் நான் நடிக்கவுள்ளதாக பரவும் செய்திகள் எனக்கு புதிதாக உள்ளது, படத்தில் நடிக்க நான் ஆர்வமாக உள்ளேன். ஆனால் இது குறித்து எனக்கு எந்த தகவலும் தெரியாது" என்று பதிவிட்டுள்ளார்.

அமெரிக்க வரலாற்றில் முதல்முறை - பதவிவிலகவுள்ள அதிபர் பைடன் செய்த செயல்..!!அடுத்த மாதம் பதவி விலக உள்ள அமெரிக்க அதிபர் ஜோ...
14/12/2024

அமெரிக்க வரலாற்றில் முதல்முறை - பதவிவிலகவுள்ள அதிபர் பைடன் செய்த செயல்..!!

அடுத்த மாதம் பதவி விலக உள்ள அமெரிக்க அதிபர் ஜோ பைடன் , ஒரே நாளில் சுமார் 1500 பேரின் தண்டனைகளை குறைத்துள்ளதுடன், 19 பேருக்கு பொது மன்னிப்பு வழங்கியிருக்கிறார் .

இது தொடர்பாக வெள்ளை மாளிகை இன்று அறிவிப்பு வெளியிட்டுள்ளது. அதன்படி கொரோனா பரவல் அதிகரித்தபோது வீட்டுக் காவலில் வைக்கப்பட்டிருந்த சுமார் 1,500 தண்டனை கைதிகளின் தண்டனை குறைக்கப்படுகிறது, வன்முறையற்ற குற்றங்களுக்காக தண்டிக்கப்பட்ட 39 நபர்களுக்கு மன்னிப்பு வழங்கப்படுகிறது.

இதன்மூலம் அமெரிக்க வரலாற்றில் இதுவரை இல்லாத வகையில் ஒரே நாளில் அதிக நபர்களுக்கு கருணை காட்டப்பட்டுள்ளது. ஜனாதிபதி தனது அதிகாரத்தைப் பயன்படுத்தி தண்டனை கைதிகள் திருந்தி வாழ இரண்டாவது வாய்ப்புகளை வழங்க முடியும்.

செய்த தவறுகளுக்கு வருத்தம் தெரிவித்து, சமூகத்தில் மீண்டும் ஒன்றிணைவதற்காக விருப்பம் தெரிவித்தவர்களுக்கு மன்னிப்புகளும் தண்டனைக் குறைப்புகளும் வழங்கப்படுவதாக ஜனாதிபதி ஜோ பைடன் குறிப்பிட்டுள்ளார்.

பைடனின் கருணை நடவடிக்கையை மனித உரிமைக் குழுக்கள், ஜனநாயகக் கட்சி உறுப்பினர்கள் மற்றும் பாதிக்கப்பட்ட மக்களின் குடும்பத்தினர் பாராட்டியுள்ளனர்.

அதேசமயம் அமெரிக்க நீதி அமைப்பில் உள்ள ஏற்றத்தாழ்வுகளை சரிசெய்வதற்கான குறிப்பிடத்தக்க நடவடிக்கையாக பைடனின் இந்த நடவடிக்கை பார்க்கப்படுகிறது.

விமான நிலையத்தில் உணவின்றி சிக்கித் தவித்து வரும் 400 இண்டிகோ பயணிகள் - நடந்தது என்ன?துருக்கில் உள்ள இஸ்தான்புல் விமான ...
14/12/2024

விமான நிலையத்தில் உணவின்றி சிக்கித் தவித்து வரும் 400 இண்டிகோ பயணிகள் - நடந்தது என்ன?

துருக்கில் உள்ள இஸ்தான்புல் விமான நிலையத்தில் சுமார் 400 இண்டிகோ பயணிகள் உணவின்றி சிக்கித் தவித்து வருவதாக தகவல் வெளியாகியுள்ளது.

துருக்கியில் இருந்து டெல்லி மற்றும் மும்பை வரவிருந்த இண்டிகோ பயணிகளே இவ்வாறு அவதிக்குள்ளாகியுள்ளனர்.

முதலில் விமானம் தாமதமாவதாக அறிவிக்கப்பட்ட நிலையில், திடீரென ரத்து செய்யப்பட்டு விட்டது என பயணிகள் தங்களின் எக்ஸ் மற்றும் லின்க்டுஇன் தளங்களில் பதிவிட்டுள்ளனர்.

விமான பயணிகளில் ஒருவர் தனது பதிவில்,

"முதலில் விமானம் இருமுறை தாமதமானது, பிறகு ரத்து செய்யப்படுவதாக அறிவிக்கப்பட்டது. இருப்பினும், 12 மணித்தியாலங்கள் கழித்து விமானம் புறப்பட தயாராகும் என்று அறிவிக்கப்பட்டது.

இதனால் விமான நிலையத்தில் சிக்கித்தவிக்கும் விமான பயணிகளில் சிலருக்கு உடல் உபாதைகள் ஏற்பட்டுள்ளது. மேலும், பயணிகளுக்கு தங்கும் வசதி, உணவு எதுவும் வழங்கப்படவில்லை.

இண்டிகோ விமான நிறுவனம் சார்பில் யாரும் விமான நிலையம் வரவும் இல்லை, பயணிகளை அனுகவும் இல்லை என்றும் அவர் குற்றம்சாட்டியுள்ளார்.

இலங்கை ஜனாதிபதியின் விஜயம் குறித்து இந்திய தரப்பு வெளியிட்ட தகவல்கள்..!!ஜனாதிபதி அநுரகுமார திசாநாயக்க எதிர்வரும் 15ஆம் த...
14/12/2024

இலங்கை ஜனாதிபதியின் விஜயம் குறித்து இந்திய தரப்பு வெளியிட்ட தகவல்கள்..!!

ஜனாதிபதி அநுரகுமார திசாநாயக்க எதிர்வரும் 15ஆம் திகதி முதல் 17ஆம் திகதி வரை ஜனாதிபதி அரசு முறைப் பயணமாக இந்தியாவுக்கு வருகை தருவார் என்று இந்திய வெளியுறவு அமைச்சகம் அறிவித்துள்ளது.

இலங்கையில் நடந்து முடிந்த ஜனாதிபதி மற்றும் நாடாளுமன்றத் தேர்தல்களுக்குப் பின்னர் ஜனாதிபதி திசாநாயக்க இந்தியாவிற்கு மேற்கொள்ளும் முதல் இருதரப்பு விஜயம் இதுவாகும் என இந்திய அமைச்சகம் தெரிவித்துள்ளது.

அநுரகுமார திசாநாயக்க, தனது விஜயத்தின் போது, இருதரப்பு சந்திப்புகள் இந்திய குடியரசுத் தலைவர் இல்லத்தில் நடைபெறும் என தெரிவிக்கப்பட்டுள்ளது.

இதனையடுத்து பரஸ்பர நலன் சார்ந்த இருதரப்பு பிரச்சினைகள் குறித்து பிரதமர் நரேந்திர மோடியுடன் கலந்துரையாடுவார் என கூறப்பட்டுள்ளது.

இந்தியாவிற்கும் இலங்கைக்கும் இடையிலான முதலீடு மற்றும் வணிக தொடர்புகளை மேம்படுத்துவதற்காக புதுடில்லியில் நடைபெறும் வணிக நிகழ்விலும் ஜனாதிபதி திசாநாயக்க பங்கேற்பார் என கூறப்படுகிறது.

மேலும், இந்த விஜயத்தின் ஒரு பகுதியாக அவர் புத்த கயாவுக்கும் செல்வுள்ளார்.

இந்தநிலையில், ஜனாதிபதி திசாநாயக்காவின் இந்திய வருகை இரு நாடுகளுக்கும் இடையிலான பன்முக மற்றும் பரஸ்பர நன்மை பயக்கும் ஒத்துழைப்பை மேலும் வலுப்படுத்தும் என்று எதிர்பார்க்கப்படுகிறது என இந்திய வெளியுறவு அமைச்சகம் தெரிவித்துள்ளது.

மேற்கு ஆக்லாந்தில் ஒருவரை வாகனத்தில் மோதிவிட்டு சென்ற சாரதி கைது..!!நேற்றிரவு மேற்கு ஆக்லாந்தில் ஒருவரை வாகனத்தில் மோதிவ...
14/12/2024

மேற்கு ஆக்லாந்தில் ஒருவரை வாகனத்தில் மோதிவிட்டு சென்ற சாரதி கைது..!!

நேற்றிரவு மேற்கு ஆக்லாந்தில் ஒருவரை வாகனத்தில் மோதிவிட்டு நிறுத்தாது சென்ற சாரதி ஒருவர் கைது செய்யப்பட்டுள்ளார்.

Henderson இல் உள்ள Railside Avenue வில் கார் மோதியதில் ஒருவர் படுகாயமடைந்து மருத்துவமனையில் அனுமதிக்கப்பட்டுள்ளார்.

விபத்தை ஏற்படுத்திய வாகனத்தை பொலிஸார் தற்போது கண்டுபிடித்து கைப்பற்றியுள்ளனர்.

மேலும் 52 வயதுடைய நபர் ஒருவர் கைது செய்யப்பட்டு அவர் மீது குற்றம் சாட்டப்பட்டுள்ளது.

சிறையில் அடைக்கப்பட்ட அவர், திங்கள்கிழமை Waitakere மாவட்ட நீதிமன்றத்தில் ஆஜர்படுத்தப்பட உள்ளதாக பொலிசார் தெரிவித்தனர்.

செய்தி நிருபர் - புகழ்

அரசுக்கு சொந்தமான ஹோட்டலை விலைக்கு கேட்ட விக்னேஷ் சிவன்? அதிர்ச்சி ஆன அமைச்சர்இயக்குனர் விக்னேஷ் சிவன் தற்போது LIK என்ற ...
13/12/2024

அரசுக்கு சொந்தமான ஹோட்டலை விலைக்கு கேட்ட விக்னேஷ் சிவன்? அதிர்ச்சி ஆன அமைச்சர்

இயக்குனர் விக்னேஷ் சிவன் தற்போது LIK என்ற படத்தை இயக்கி வருகிறார். அவர் அஜித்தை வைத்து படம் இயக்க இருந்த நிலையில் அந்த படம் ட்ராப் ஆனது, அதற்கு பின் தான் பிரதீப் ரங்கநாதன் நடிக்கும் லைப் இன்சூரன்ஸ் கம்பெனி என்ற LIK படத்தை தொடங்கி இருக்கிறார்.

மேலும் சமீபத்தில் நயன்தாரா விக்னேஷ் சிவன் திருமண வீடியோ பற்றிய சர்ச்சை பெரிய அளவில் பேசப்பட்டது. நடிகர் தனுஷ் மீது நயன் விக்கி இருவரும் கூறிய குற்றச்சாட்டு சர்ச்சையை ஏற்படுத்தியது.

இந்நிலையில் நேற்று முன்தினம் விக்னேஷ் சிவன் பாண்டிச்சேரிக்கு சென்று இருக்கிறார். அங்கு அவர் சுற்றுலா துறை அமைச்சர் லட்சுமிநாராயணனை சந்தித்து பேசி இருக்கிறார்.

புதுச்சேரி கடற்கரை சாலையில் இருக்கும் சீகல்ஸ் என்ற ஹோட்டலை அவர் விலைக்கு கேட்டதாகவும், அதை கேட்டு அமைச்சர் அதிர்ச்சி ஆனதாகவும் செய்தி வெளியாகி இருக்கிறது.

அது அரசுக்கு சொந்தமான ஹோட்டல் என்றதும், அதை தரமுடியாது என்றும் அமைச்சர் கூறி இருக்கிறார். அதனால் அந்த ஹோட்டலை ஒப்பந்தம் அடிப்படையில் தர முடியுமா சென்றும் விக்னேஷ் சிவன் கேட்டாராம். அதுவும் சாத்தியம் இல்லை என அமைச்சர் கூறிவிட்டாராம்.

தற்போது, இந்த செய்தியைப்பார்த்த ரசிகர்கள் அனைத்திற்கும் காரணம் பணத்திமிர் என்று இணையத்தில் அவர்கள் கருத்துக்களை பகிர்ந்து வருகின்றனர்

தனி விமானத்தில் சென்ற விஜய், த்ரிஷா!! எதற்கு தெரியுமா? - வெளியான வைரல் வீடியோ...!!நடிகை கீர்த்தி சுரேஷ் அவரது 15 வருட கா...
13/12/2024

தனி விமானத்தில் சென்ற விஜய், த்ரிஷா!! எதற்கு தெரியுமா? - வெளியான வைரல் வீடியோ...!!

நடிகை கீர்த்தி சுரேஷ் அவரது 15 வருட காதலர் ஆண்டனியை நேற்று கோவாவில் பிரம்மாண்டமாக திருமணம் செய்துள்ளார். இந்த திருமண நிகழ்ச்சியில் கீர்த்தி சுரேஷுக்கு நெருக்கமான சினிமா துறையினர் பலரும் கலந்து கொண்டிருக்கின்றனர்.

இந்த நிகழ்ச்சியில் நடிகர் விஜய்யும் கலந்து கொண்டு மணமக்களை வாழ்த்தி உள்ளார், அதன் புகைப்படங்களும் இணையத்தில் நேற்று வைரலானது.

அதை தொடர்ந்து, நடிகை திரிஷாவும் கீர்த்தி சுரேஷ் திருமண நிகழ்ச்சியில் கலந்து கொண்ட புகைப்படங்களை அவரது இன்ஸ்டா தளத்தில் வெளியிட்டிருந்தார்.

இந்நிலையில், சென்னையில் இருந்து விஜய் மற்றும் திரிஷா உள்ளிட்டோர் தனி விமானத்தில் கோவாவுக்கு சென்று இருக்கின்றனர். அந்த வீடியோ தற்போது இணையத்தில் வெளியாகி வைரலாகி வருகிறது.

இம்ரான் கானின் மனைவிக்குப் பிடியாணை...!!பாகிஸ்தான் முன்னாள் பிரதமர் இம்ரான் கானின் மனைவி புஷ்ரா பீபியை கைது செய்ய பாகிஸ்...
13/12/2024

இம்ரான் கானின் மனைவிக்குப் பிடியாணை...!!

பாகிஸ்தான் முன்னாள் பிரதமர் இம்ரான் கானின் மனைவி புஷ்ரா பீபியை கைது செய்ய பாகிஸ்தான் நீதிமன்றம் பிடியாணை பிறப்பித்துள்ளது.

சட்டவிரோதமான முறையில் அரச சொத்துக்களை அன்பளிப்பாக விற்பனை செய்த குற்றச்சாட்டிற்காகப் பிடியாணை பிறப்பிக்கப்பட்டுள்ளது.

இம்ரான் கானை விடுவிக்கக் கோரி கடந்த மாதம் பிடிஐ கட்சி நடத்திய போராட்டங்களில் புஷ்ரா பீபி முக்கிய பங்கு வகித்தார் என்பதும் குறிப்பிடத்தக்கது.

லேடி சூப்பர் ஸ்டார் பட்டம் வேண்டாம் - நயன்தாரா ஓபன் டாக்..!!நயன்தாரா இன்று தென்னிந்திய சினிமாவின் லேடி சூப்பர் ஸ்டார் என...
13/12/2024

லேடி சூப்பர் ஸ்டார் பட்டம் வேண்டாம் - நயன்தாரா ஓபன் டாக்..!!

நயன்தாரா இன்று தென்னிந்திய சினிமாவின் லேடி சூப்பர் ஸ்டார் என்று அழைக்கப்படுபவர், தற்போது இவர் ராக்காயி என்ற மிரட்டல் ஆக்‌ஷன் படத்தில் நடித்து வருகிறார்.

இந்நிலையில், நயன்தாரா ஆங்கில செய்தி ஊடகம் ஒன்றுக்கு பேட்டி அளித்துள்ளார். அந்த பேட்டியில் லேடி சூப்பர் ஸ்டார் பட்டம் குறித்து அவரிடம் கேள்வி எழுப்பப்பட்டது.

ஓபன் டாக்
அதற்கு, " லேடி சூப்பர் ஸ்டார் என்ற பட்டத்தால் நான் பல பின்னடைவுகளை சந்தித்து இருக்கிறேன்.

கடந்த 5 ஆண்டுகளாக நான் தயாரிப்பாளர்கள், இயக்குனர்கள் என அனைவரிடமும் டைட்டில் கார்டில் என் பெயரை லேடி சூப்பர் ஸ்டார் என போட வேண்டாம் என்று பலமுறை சொல்லி உள்ளேன்.

அந்த பட்டத்தை பார்க்கும் போதே எனக்கு பயமாக இருந்தது. நான் சிறந்த நடிகை என்று எப்போதும் சொல்லி கொண்டது இல்லை.

ஆனால், இன்று இந்த இடத்திற்கு வருவதற்கு கடுமையாக உழைத்திருக்கிறேன். ரசிகர்கள் என்மீது கொண்ட அன்பால் என்னை இவ்வாறு அழைக்கின்றனர்" என கூறியுள்ளார்.

உலக செஸ் சாம்பியன்ஷிப் தொடரில் வென்ற தமிழக வீரர் குகேஷ்..!!உலக செஸ் சாம்பியன்ஷிப் தொடரில் தமிழக வீரர் குகேஷ் நடப்பு சாம்...
13/12/2024

உலக செஸ் சாம்பியன்ஷிப் தொடரில் வென்ற தமிழக வீரர் குகேஷ்..!!

உலக செஸ் சாம்பியன்ஷிப் தொடரில் தமிழக வீரர் குகேஷ் நடப்பு சாம்பியன் டிங் லிரெனை வீழ்த்தி சாம்பியன் பட்டம் வென்றுள்ளார்.

உலக செஸ் சாம்பியன் ஷிப் போட்டியில் தமிழக வீரர் குகேஷ் மற்றும் நடப்பு டிங் லிரென் கடுமையான போட்டி நிலவி வந்தது.

13ஆவது சுற்று வரை இருவரும் சமபுள்ளிகள் இருந்ததால் டிராவில் முடிவடையும் என எதிர்பார்க்கப்பட்டது.

ஆனால் இன்று நடந்த 14ஆவது சுற்றில் அற்புதமாக விளையாடிய குகேஷ் 58ஆவது நகர்த்தலில் நடப்பு சாம்பியன் டிங் லிரெனை வீழ்த்தினார்.

இதன் மூலம் விஸ்வநாதன் ஆனந்துக்கு பிறகு உலக செஸ் சாமபியன்ஷிப் பட்டம் வெல்லும் இராண்டவது தமிழக வீரர் என்ற பெருமையை குகேஷ் பெற்றுள்ளார்.

Address

Auckland
2019

Telephone

+64225009007

Website

Alerts

Be the first to know and let us send you an email when Arasan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Arasan:

Videos

🔴நேரலை : நல்லூர் கந்தசுவாமி கோவில் உற்சவம்
🔴நேரலை : நல்லூர் கந்தசுவாமி கோவில் உற்சவம்

🔴நேரலை : நல்லூர் கந்தசுவாமி கோவில் உற்சவம்

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)
🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1) LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)
🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1) LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

குவைத் நாட்டில் கட்டிடமொன்றில் ஏற்பட்ட பாரிய தீ விபத்து; 49 பேர் பரிதாபமாக உயிரிழப்பு - (காணொளி)

Mr. SUG Pathmanathan interview on [ARASAN Channel/FB Live]
Mr. SUG Pathmanathan interview on [ARASAN Channel/FB Live]

Mr. SUG Pathmanathan interview on [ARASAN Channel/FB Live] Mr. SUG Pathmanathaninterview on [ARASAN Channel/FB Live] and we would love for you to tune in!❤️❤️

TANZI மற்றும் Arasan NZ Trust இணைந்து வழங்கும் 🤝 🗓️ Date: 4th of May, 11 AM - 4 PM 📍Location: Samoan Assemblies of God Church Hall, 38 Robertson Road, Favona, Auckland 🎟️ டிக்கெட்டுகள் | Tickets ➡️ https://www.trybooking.com/nz/RIX @followers

Panguni uttharam shiva parvathi kalyanam |Auckland Sri Ganesh Temple
Panguni uttharam shiva parvathi kalyanam |Auckland Sri Ganesh Temple

Panguni uttharam shiva parvathi kalyanam |Auckland Sri Ganesh Temple Panguni uttharam shiva parvathi kalyanam |Auckland Sri Ganesh Temple

Jaffna Central College vs Jaffna St.John's College Big Match
Jaffna Central College vs Jaffna St.John's College Big Match

T𝐡𝐞 𝟏𝟑𝐭𝐡 𝐈𝐜𝐨𝐧𝐢𝐜 𝐁𝐚𝐭𝐭𝐥𝐞 𝐨𝐟 𝐇𝐢𝐧𝐝𝐮𝐬 | 𝐉𝐚𝐟𝐟𝐧𝐚 𝐇𝐢𝐧𝐝𝐮 𝐂𝐨𝐥𝐥𝐞𝐠𝐞 🆚 𝐇𝐢𝐧𝐝𝐮 𝐂𝐨𝐥𝐥𝐞𝐠𝐞 𝐂𝐨𝐥𝐨𝐦𝐛𝐨 Live from JHC Day 1 @followers

Jaffna Central College vs Jaffna St.John's College Big Match
Jaffna Central College vs Jaffna St.John's College Big Match

Auckland Sri Ganesh Temple | Jama Eka kumbabishekam & pooja

காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செ…
காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செ…

காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செ… காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செவிமடுத்து, உடனடியாக நடவடிக்கை எடுத்துக் காவல்துறைக்கும் மக்களுக்கும் இடையேயான உறவை வளர்க்குமாறு தமிழ்நாடு காவல் உயர் பயிற்சியகத்தில் நடைபெற்ற பயிற்சி நிறைவு அணிவகுப்பு விழாவில் கேட்டுக்கொண்டேன்.

கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்ட…
கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்ட…

கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்ட… இந்தத் தொகுப்பில், வேளாண்மை மற்றும் உழவர் நலத்துறை சார்பில், 210.75 கோடி ரூபாய் செலவில் புதிய கட்டடங்கள் திறப்பு, சென்னையில் கலைஞர் நூற்றாண்டு பூங்காவுக்கு அடிக்கல், நம்மாழ்வார் விருதுகள் கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்டித் தேர்வு பயிற்சி மையம் கால்நடைப் பராமரிப்புத் துறை சார்பில், கட்டி முடிக்கப்பட்ட கட்டடங்கள் திறப்பு, புதிய கட்டடத்திற்கு அடிக்கல்.

LIVE மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப…
LIVE மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப…

LIVE மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப… மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப்புகளே…. தலைமைத் தொண்டனாய் என்றும் உங்களுக்குத் தொண்டாற்றுவதே நான் செய்யும் நன்றியெனக் கடமையாற்றுவேன்.

Shortcuts

Share

Category

Nearby media companies

Other Media/News Companies in Auckland

Show All