Arasan

Media & Daily News Update

https://youtube.com/channel/UC15JqCSYvHVpStB4QjuWFWQ

22/01/2025

மகன் தவெக VS மகள் திமுக!! - சத்யராஜ் வீட்டில் சூடுபிடித்த அரசியல் களம்..!!

முன்னனி நடிகராக திகழ்ந்து தற்போது குணச்சித்திர ரோலில் நடித்து பிஸியாக இருந்து வருபவர் நடிகர் சத்யராஜ். மேடைகளில் பெரியார் பற்றி பேசியும் வருகிறார். அவர் ஒரு பக்கம் இருக்க அவரது மகன் சிபி ராஜ் ஒருசில படங்களில் நடித்தும் மகள் திவ்யா சத்யராஜ் ஊட்டச்சத்து நிபுணராக பணியாற்றி வருகிறார்.

இந்நிலையில் சத்யராஜின் மகள் திமுக கட்சியில் இணைந்து நான் ஒரு ஊட்டச்சத்து நிபுணர், நான் எப்போதும் ஆரோக்கியத்திற்கு முக்கியத்துவம் கொடுப்பேன். திமுக ஆரோக்கியத்திற்கு முக்கியத்துவம் கொடுக்கும் கட்சி, அதற்கு உதாரணமாக காலை உணவுத்திட்டம்.

அதேபோல் பெண்களுக்கு திமுக மரியாதை அளிக்கும் கட்சி, அதற்கு புதுமைப்பெண் திட்டம். மகள் திமுக கட்சியில் இணைந்துள்ள நிலையில் சத்யராஜ் அதற்கு வாழ்த்துக்களையும் தெரிவித்திருந்தார். அதேபோல் சத்யராஜின் மகன் சிபிராஜ், இன்ஸ்டாகிராம் பக்கத்தில் தமிழக வெற்றிக் கழகத்தின் தலைவர் விஜய்யின் புகைப்படத்தை பகிர்ந்து வருகிறார்.

அவர் தவெக கட்சியில் இணையவுள்ளார் என்றும் கூறப்படுகிறது. ஒரே வீட்டில் மகள் திமுகவிலும், மகன் தவெகவிலும் இணையப்போவதால் குடும்பத்தில் சலசலப்பு ஏற்படுமோ என்றும் கருத்துக்கள் எழுந்து வருகிறது. தமிழக சட்டமன்றத்தேர்தல் இன்னும் 14 மாதங்கள் மட்டுமே இருக்கும் நிலையில் சத்யராஜ் வீட்டில் அரசியல் களம் சூடுபிடித்துள்ளது.

22/01/2025

கேஜிஎப் யாஷ், நயன்தாரா நடிக்கும் படத்திற்கு வந்த சிக்கல் - அதிரடி காட்டிய அரசு..!

கன்னட திரையுலகில் பிரபலமான நடிகராக இருந்த யாஷ், கேஜிஎப் படத்தின் மூலம் உலகளவில் பிரபலமானார். இதற்குமுன் ஏராளாமான படங்களில் இவர் நடித்திருந்தாலும், கேஜிஎப் படம்தான் மக்கள் மத்தியில் வரவேற்பை ஏற்படுத்தியது.

இதை தொடர்ந்து வெளிவந்த இப்படத்தின் இரண்டாம் பாகமும் மாபெரும் வெற்றியடைந்தது. உலகளவில் ரூ. 1200 கோடிக்கும் மேல் வசூல் செய்தது என்பது குறிப்பிடத்தக்கது.

கேஜிஎப் யாஷ் நடிப்பில் தற்போது உருவாகி வரும் திரைப்படம்தான் டாக்சிக். இப்படத்தை கீது மோகன்தாஸ் இயக்கி வருகிறார். நயன்தாரா, கியாரா அத்வானி, ஹுமா குரேஷி ஆகியோர் முக்கிய நடித்து வருகிறார்கள்.

சமீபத்தில் இப்படத்தின் டீசர் வெளிவந்து இணையத்தில் வைரலானது. இப்படத்தின் படப்பிடிப்பு தற்போது கர்நாடகாவில் பல்வேறு இடங்களில் நடைபெற்று வருகிறது. இந்த நிலையில், படப்பிடிப்பின்போது, பெங்களுருவில் உள்ள வனப்பகுதியில் நூற்றுக்கணக்கான மரங்கள் சட்டவிரோதமாக வெட்டப்பட்டுள்ளதாக புகார்கள் எழுந்துள்ளன.

இதன் அடிப்படையில் விளக்கம் கேட்டு படத்தின் தயாரிப்பு நிறுவனத்திற்கு கர்நாடக அரசு நோட்டீஸ் அனுப்பியுள்ளனர். அரசு அனுப்பியிருக்கும் இந்த நோட்டீஸிற்கு படக்குழு அளிக்கும் பதிலை வைத்துதான் அவர்கள் மீது நடவடிக்கை எடுக்கப்படும் என தகவல் வெளியாகியுள்ளது.

22/01/2025

1,500 க்கும் மேற்பட்டோருக்கு பொது மன்னிப்பு வழங்கிய டிரம்ப்..!!

அமெரிக்க ஜனாதிபதியாக பதவியேற்ற டொனால்ட் டிரம்ப் , 2021ம் ஆண்டு நடைபெற்ற அமெரிக்க நாடாளுமன்ற தொடர்பாக வழக்குப்பதிவு செய்யப்பட்ட 1,500 க்கும் மேற்பட்டோருக்கு பொது மன்னிப்பு வழங்கியுள்ளார். இதற்கான உத்தரவை ஜனாதிபதி டிரம்ப் பிறப்பித்தார்.

இதையடுத்து, சிறைகளில் உள்ளவர்கள் விரைவில் விடுதலை செய்யப்படலாம் என எதிர்பார்க்கப்படுகிறது. அமெரிக்க ஜனாதிபதி தேர்தல் கடந்த 2020ம் ஆண்டு நடைபெற்றது.

இதில், ஜோ பைடன் வெற்றிபெற்றார். தேர்தலில் அப்போது ஜனாதிபதியாக இருந்த டொனால்டு டிரம்ப் தோல்வியடைந்தார். அதேவேளை, தேர்தலில் முறைகேடு நடந்துள்ளதாகவும் ஆதரவாளர்கள் தனக்கு உறுதுணையாக இருக்கும்படி டிரம்ப் கூறினார்.

இதையடுத்து, 2021 ஜனவரி 6ம் தேதி அமெரிக்க நாடாளுமன்றத்திற்குள் டிரம்ப் ஆதரவாளர்கள் புகுந்து தாக்குதலில் ஈடுபட்டனர். நாடாளுமன்ற அலுவலகங்கள், அறைகளை சூறையாடினர்.

இந்த சம்பவம் தொடர்பாக 1,500க்கும் மேற்பட்டவர்கள் மீது வழக்குப்பதிவு செய்யப்பட்டு விசாரணை நடைபெற்று வருகிறது. இதில் சிலர் சிறைகளில் உள்ளனர். இவர்களுக்கு தான் தற்போது டொனால்ட் டிரம்ப் பொது மன்னிப்பு வழங்கியுள்ளார்.

22/01/2025

ஜெர்மனி அதிபர் திறமையற்ற முட்டாள்; எலான் மாஸ்க் விமர்சனம்..!!

ஜெர்மனி அதிபர் ஓலாப் ஸ்கோல்ஸ் திறமையற்ற முட்டாள் என்றும், ஜனநாயகத்துக்கு எதிரான கொடுங்கோலன் என்றும் உலகின் முன்னணி தொழில் அதிபரான எலான் மஸ்க் சர்ச்சைக்குரிய கருத்துக்களை தெரிவித்துள்ளமை பரபரப்பை ஏற்படுத்தியுள்ளது.

ஜெர்மனி அதிபராக இருக்கும் அதிபர் ஓலாப் ஸ்கோல்ஸ் என்பவர் கடந்த 2021 ஆம் ஆண்டு நடந்த தேர்தலில் வெற்றி பெற்று ஆட்சி செய்து வருகிறார். அவர் கொண்டு வந்த பொருளாதார சட்டங்களுக்கு பெரும் எதிர்ப்பு ஏற்பட்டது.

இதையடுத்து அவர் முன்கூட்டியே தேர்தல் நடத்த திட்டமிட்டுள்ளதாகவும், வரும் பிப்ரவரி மாதம் ஜெர்மனியில் தேர்தல் நடைபெற உள்ளதாகவும் கூறப்படுகிறது.

இந்த நிலையில், உலகின் முன்னணி பணக்காரரான எலான் மஸ்க், ஜெர்மனி அதிபர் ஓலாப் ஸ்கோல்ஸ் திறமையற்ற முட்டாள் என்றும், ஜனநாயகத்துக்கு எதிரான கொடுங்கோலன் என்றும் தெரிவித்துள்ளார்.

மேலும் அவர் ஜெர்மனியின் வலதுசாரி கட்சிக்கு அவர் தனது ஆதரவை தெரிவித்துள்ளார்.

இதுகுறித்து ஜெர்மனி அதிபர் அதிபர் ஓலாப் ஸ்கோல்ஸ் கூறிய போது, ஜெர்மனியில் பேச்சு சுதந்திரம் இருப்பதால் தான் கோடீஸ்வரர் முதல் சாதாரண ஆட்கள் வரை விமர்சனம் செய்ய முடிகிறது என பதிலடி கொடுத்துள்ளார்.

யாரும் விரும்பியதை பேசலாம், ஆனால் வலதுசாரிகளை ஆதரித்தால் பேச்சு சுதந்திரம் பறிபோகும், எனவே அதை ஏற்க முடியாது என எலான் மஸ்க் கருத்துக்கு ஜெர்மனி அதிபர் கண்டனம் தெரிவித்தார்.

22/01/2025

Whangārei எரிபொருள் நிரப்பு நிலையத்தில் ஊழியரை தாக்கி கொள்ளை..!!

Whangārei எரிபொருள் நிரப்பு நிலையத்தில் ஊழியர் ஒருவர் தாக்கப்பட்டு கொள்ளையடிக்கப்பட்ட சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.

இன்று (22) நள்ளிரவு இரண்டு திருடப்பட்ட வாகனங்கள் கென்சிங்டனில், காமோ சாலையில் உள்ள எரிபொருள் நிரப்பு நிலையதிற்கு வந்தன.

ஒரு குழுவினர் வாகனங்களை விட்டு வெளியேறி, அந்த நேரத்தில் அங்கு இருந்த ஊழியரை தாக்கிவிட்டு பல பொருட்களை எடுத்துக்கொண்டு அங்கிருந்து தப்பிச்சென்றதாக துப்பறியும் மூத்த சார்ஜென்ட் ஷேன் பில்மர் கூறினார்.

இந்நிலையில் விசாரணை நடந்து வருவதாகவும், இதற்கு பொறுப்பானவர்களை அடையாளம் காண நாங்கள் பணியாற்றுவோம் என்றும் பில்மர் மேலும் கூறினார்.

செய்தி நிருபர் - புகழ்

22/01/2025

இந்தியா தமிழ்நாடு

கள் விடுதலை மாநாடு; கள் குடித்து சீமான் ஆதரவு - புதிய பெயர் வைக்கனுமாம்..!!

விழுப்புரம், பூரிக்குடிசை பகுதியில் கள் விடுதலை மாநாடு நடைபெற்றது. இதில் நாம் தமிழர் கட்சியின் தலைமை ஒருங்கிணைப்பாளர் சீமான் பங்கேற்றார்.

தொடர்ந்து செய்தியாளர்களை சந்தித்த அவர், கள்ளுக் கடைக்கு அனுமதி அளித்தால் டாஸ்மாக் வியாபாரம் குறைந்து விடுமோ என்று அச்சத்தில் தமிழக அரசு கள்ளுக்கு தடை விதித்துள்ளது. தேசிய பானமான கள்ளுக்கு தமிழகத்தை தவிர்த்து இந்தியாவின் அனைத்து மாநிலங்களிலும் அனுமதி இருக்கிறது.

கள்ளுக்கடைகளை திறக்க அரசு ஏன் மறுக்கிறது? வேளாண்மை போல் இதுவும் ஒரு விவசாயம்தான் டாஸ்மாக் கடைகளில் அரசு மது விற்பனை செய்கிறது. ஆனால் கள் பானத்தை தடை செய்கிறது. கள் பதநீர் இறக்க அனுமதி வழங்க வேண்டும். கள் என்ற பெயர் தான் பிரச்சனையெனில் அதை பணைபால் மூலிகை சாறு என கூறலாம்.

தெருவுக்கு தெரு டாஸ்மாக்கை திறந்து வைத்தால் சட்டம் ஒழுங்கு எப்படி சரியாக இருக்கும்? இவ்வாறு அவர் தெரிவித்தார்.

மேலும் பண ஓலையில் கல் அருந்தி தனது ஆதரவை தெரிவித்தார்.

22/01/2025

முன்னணி ஹீரோவிற்கு இணையான சம்பளம் கேட்கும் பிரதீப் ரங்கநாதன்..??

கோமாளி படத்தின் மூலம் இயக்குநராக அறிமுகமாகி, பின் லவ் டுடே படத்தின் மூலம் ஹீரோவாகவும் என்ட்ரி கொடுத்தவர் பிரதீப் ரங்கநாதன்.

கோமாளி படத்தின் வெற்றி இவருக்கு நல்ல இயக்குநர் என்ற பெயரையும், விருதுகளையும் வாங்கி கொடுத்தது. ஆனால், லவ் டுடே படத்தின் மூலம் ஹீரோவாக இளைஞர்களின் மனதில் இடம்பிடித்துவிட்டார்.

இப்படத்தின் வெற்றியை தொடர்ந்து இவர் நடிப்பில் LIK மற்றும் dragon ஆகிய இரண்டு திரைப்படங்கள் உருவாகியுள்ளது. இதில் அஸ்வத் மாரிமுத்து இயக்கத்தில் உருவாகியிருக்கும் Dragon திரைப்படம் வருகிற பிப்ரவரி 21ஆம் தேதி வெளிவரவுள்ள நிலையில், விக்னேஷ் சிவன் இயக்கத்தில் உருவாகி வரும் LIK படத்தின் படப்பிடிப்பு இன்னும் நடந்து வருகிறது.

இந்த நிலையில், தமிழ் சினிமாவில் முக்கிய ஹீரோவாக மாறியுள்ள பிரதீப் ரங்கநாதன், ஒரு படத்தில் ஹீரோவாக நடிக்க கேட்கும் சம்பளம் குறித்து தகவல் வெளியாகியுள்ளது.

அதன்படி, இவர் ஒரு படத்தில் நடிக்க ரூ. 18 கோடி சம்பளம் கேட்பதாக பிரபல பத்திரிகையாளர் பிஸ்மி கூறியுள்ளார். தமிழ் சினிமாவில் பல முன்னணி ஹீரோக்கள் வாங்கி வரும் சம்பளத்திற்கு இணையாக பிரதீப் ரங்கநாதன் சம்பளம் கேட்கிறார் என திரை வட்டாரத்தில் பேசப்பட்டு வருகிறது.

22/01/2025

10 நாட்களில் மதகஜராஜா திரைப்படம் செய்துள்ள வசூல் - எவ்வளவு தெரியுமா..??

பொங்கல் பண்டிகைக்கு வெளிவந்து வசூலில் வேட்டையாடி வரும் திரைப்படம் மதகஜராஜா. 13 ஆண்டுகளுக்கு பின் வெளிவந்தாலும், மக்கள் மத்தியில் மாபெரும் வரவேற்பை பெற்றுள்ளது.

இயக்குநர் சுந்தர் சி இயக்கத்தில் உருவான இப்படத்தில் விஷால், சந்தானம், வரலக்ஷ்மி சரத்குமார், அஞ்சலி உள்ளிட்ட பலரும் நடித்திருந்தனர். மேலும் மறைந்த திரையுலக பிரபலங்கள் மணிவண்ணன் மற்றும் மனோபாலாவை மீண்டும் திரையில் பார்க்க வாய்ப்பும் கிடைத்தது.

அரண்மனை 4 படத்தின் மூலம் 2024ஆன் ஆண்டின் முதல் வெற்றியை பதிவு செய்த இயக்குநர் சுந்தர் சி, மதகஜராஜா படத்தின் மூலம் இந்த ஆண்டின் முதல் வெற்றியை தமிழ் சினிமாவிற்கு தேடி கொடுத்துள்ளார்.

10 நாட்களை வெற்றிகரமாக பாக்ஸ் ஆபிஸில் கடந்திருக்கும் இப்படம் உலகளவில் இதுவரை எவ்வளவு வசூல் செய்துள்ளது என்பது குறித்து தகவல் வெளியாகியுள்ளது.

அதன்படி, மதகஜராஜா உலகளவில் 10 நாட்களில் ரூ. 46 கோடிக்கும் மேல் வசூல் செய்துள்ளது. கடந்த வாரம் வரை வசூல் உச்சத்தில் இருந்த நிலையில், இந்த வாரம் சற்று பின்னடைவை சந்தித்துள்ளது. ஆனாலும், படம் ப்ளாக் பஸ்டர் ஹிட் என்பது குறிப்பிடத்தக்கது.

22/01/2025

துருக்கியில் விடுதியொன்றில் ஏற்பட்ட பாரிய தீ விபத்து - 66 பேர் பரிதாபமாக பலி..!!

துருக்கியில் விடுதி ஒன்றில் ஏற்பட்ட பயங்கர தீ விபத்தில் சிக்கி 66 பேர் உயிரிழந்துள்ளதாக அந்நாட்டு ஊடகங்கள் செய்தி வெளியிட்டுள்ளன.

குறித்த சம்பவம் நேற்று முன்தினம் (21) இடம்பெற்றுள்ளதாக அந்நாட்டு ஊடகங்கள் செய்தி வெளியிட்டுள்ளன.

சம்பவம் தொடர்பில் மேலம் தெரியவருகையில், துருக்கி நாட்டின் வடமேற்கு பகுதியில் உள்ள போலு மாகாணத்தில், சுமார் 12 மாடிகளைக் கொண்ட உணவு விடுதி மற்றும் பனிச்சறுக்கு விடுதி அமைந்துள்ளது.

தற்போது துருக்கியில் இரண்டு வாரம் பள்ளி விடுமுறை விடப்பட்டுள்ளதால் அங்கு சுற்றுலா பயணிகளின் வருகை அதிகரித்து காணப்பட்டது.

இந்த விடுதியில் எதிர்பாராத விதமாக பயங்கர தீ விபத்து ஏற்பட்டுள்ள நிலையில் விபத்தில் இதுவரை 66 பேர் உயிரிழந்துள்ளதுடன் 51 பேர் படுகாயமடைந்துள்ளனர்.

இந்தநிலையில், தீ விபத்து ஏற்பட்ட சமயத்தில் விடுதியில் சுமார் 238 பேர் தங்கியிருந்ததாக தெரிவிக்கப்பட்டுள்ளது.

அத்தோடு, தீ விபத்து ஏற்பட்டதை அறிந்து விடுதியில் தங்கியிருந்தவர்கள் சிலர் ஜன்னல் வழியாக வெளியே குதித்து தப்பிக்க முயன்றதாகவும் அதில் சிலர் கீழே விழுந்து உயிரிழந்ததாகவும் உயிர் பிழைத்தவர்கள் தெரிவித்துள்ளனர்.

குறித்த தீ விபத்து ஏற்பட்டதை அறிந்து பல்வேறு மந்திரிகள் சம்பவ இடத்திற்கு விரைந்துள்ளனர்.

தற்போது தீ முழுமையாக கட்டுக்குள் கொண்டு வரப்பட்டதாக தகவல் வெளியாகியுள்ளதுடன் இந்த தீ விபத்திற்கான காரணம் குறித்து தீவிர விசாரணை நடத்தப்பட்டு வருவதாகவும் மற்றும் இதில் தொடர்புடையவர்கள் மீது கடுமையான நடவடிக்கை எடுக்கப்படும் என்றும் துருக்கி ஜனாதிபதி எர்டோகன் தெரிவித்துள்ளமை குறிப்பிடத்தக்கது.

22/01/2025

அதிபராக டிரம்ப் பதவியேற்ற சில மணித்தியாலங்களில் பதவி விலகிய விவேக் ராமசாமி..!!

அமெரிக்க அதிபராக டொனால்ட் டிரம்ப் பதவியேற்ற சில மணித்தியாலங்களிலேயே அவர் உருவாக்கிய DODGE துறையின் இணை தலைவராக நியமிக்கப்பட்ட விவேக் ராமசாமி (39 வயது) பதவி விலகியுள்ளார்.

அரசின் செயல்திறனை மேம்படுத்தும் முகமை DODGE. புதிதாக உருவான இந்த துறையின் தலைவர்களாக உலக பணக்காரரான எலான் மஸ்க் மற்றும் விவேக் ராமசாமி நியமிக்கப்பட்டனர்.

இருவரும் நடந்து முடிந்த அமெரிக்க அதிபர் தேர்தலில் டிரம்புக்கு ஆதரவாக தீவிரமாக செயல்பட்டனர்.

இவர்களின் ஆதரவை அங்கீகரிக்கும் விதமாகவே டிரம்ப் DODGE துறையை உருவாக்கி இவர்களை தலைவர்களாக்கினார். ஆனால் தற்போது விவேக் ராமசாமி பதவி விலகுவதாக அறிவித்துள்ளார்.

இது தொடர்பில் தனது எக்ஸ் பக்கத்தில் பதிவிட்டுள்ள ராமசாமி,

DOGE ஐ உருவாக்க உதவும் வாய்ப்பு, எனக்கு கிடைத்த மரியாதை. அரசாங்கத்தை சீரமைப்பதில் எலான் மஸ்க் & குழு வெற்றிபெறும் என்று நான் நம்புகிறேன்.

ஓஹியோவில் எனது எதிர்காலத் திட்டங்களைப் பற்றி நான் மிக விரைவில் கூறுவேன். மிக முக்கியமாக, அமெரிக்காவை மீண்டும் சிறந்ததாக மாற்ற அதிபர் டிரம்பிற்கு உதவ நாங்கள் அனைவரும் தயாராக இருக்கிறோம்! என்று தனது பதிவில் குறிப்பிட்டுள்ளார்.

22/01/2025

பதவியேற்பு விழாவில் வாளுடன் நடனமாடிய டிரம்ப் ; சமூக வலைத்தளங்களில் வைரலான வீடியோ

அமெரிக்க ஜனாதிபதியாக டிரம்ப் பதவியேற்ற பின் பதவியேற்பு விழா கொண்டாட்டத்தில் நடனமாடி கேக் வெட்டிய வீடியோக்கள் சமூக வலைத்தளங்களில் வைரலாகி வருகிறது.

அமெரிக்க ஜனாதிபதித் தேர்தலில் வெற்றி பெற்ற டொனால்ட் டிரம்ப் கடந்த 20 ஆம் திகதி ஜனாதிபதியாகப் பதவியேற்றுக்கொண்டார்.

பதவியேற்ற சில மணி நேரங்களுக்குப் பிறகு இசை நிகழ்ச்சியில் கலந்து கொண்டார். இதில், 70களின் டிஸ்கோ ஹிட் பாடல்கள் மீதான அவரது ஆர்வம் முழுமையாக வெளிப்பட்டது.

கேக் வெட்டும் விழாவில் டிரம்பிற்கு ஒரு வாள் வழங்கப்பட்டது. அவர் கையில் வாளுடன் நடனமாடத் தொடங்கியபோது, அங்கிருந்த பலரும் பாடலின் தாளங்களுக்கு ஏற்ப நடனமாடத் தொடங்கினர்.

டிரம்ப் கையில் இராணுவ வாளுடன் நடனம் ஆடிக்கொண்டு, கேக் வெட்டிய வீடியோக்களும் புகைப்படங்களும் சமூக வலைத்தளங்களில் வைரலாகி வருகிறது.

அத்துடன், பதவியேற்றுக்கொண்ட உற்சாகத்தில் அவர் தன்னுடைய மனைவி மெலனியா டிரம்ப் உடனும் கைகோர்த்து ஜோடியாக நடனம் ஆடினார். குறித்த வீடியோவும் தற்போது சமூக வலைத்தளங்களில் வைரலாகி வருகிறது.

22/01/2025

இந்தியா தொடர்பில் இலங்கை ஜனாதிபதி அநுர வெளியிட்ட அறிவிப்பு..!!

இலங்கை பொருளாதாரத்தை முன்னோக்கி கொண்டு செல்ல வெளிநாடுகளுடன் வலுவான தொடர்புகளை ஏற்படுத்த வேண்டும், மேலும் இலங்கையின் நெருங்கிய அண்டை நாடாக இந்தியா இருப்பது மிகவும் முக்கியமானது என்று ஜனாதிபதி அநுர குமார திசாநாயக்க ஞாயிற்றுக்கிழமை ஒரு பொதுக் கூட்டத்தில் உரையாற்றும்போது தெரிவித்தார்.

"நாம் சொந்தமாக நிற்க முடியாது" என்று தெரிவித்த ஜனாதிபதி "எனவே நாம் மற்ற நாடுகளுடன் வலுவான தொடர்புகளை ஏற்படுத்த வேண்டும். "இதில் மிக முக்கியமானது இந்தியா. இது வரலாற்று உறவுகளைக் கொண்ட ஒரு நாடு. எங்களுக்கு நெருக்கமான கலாச்சார உறவுகள் உள்ளன. விரைவான பொருளாதார வளர்ச்சியை அடைந்த நாடு."

"அவர்கள் அருகில் உள்ளதால், அவர்கள் பொருளாதார வளர்ச்சிக்கான பாதையில் எங்கள் நண்பர்கள்." தேர்தலில் தேர்ந்தெடுக்கப்பட்ட உடனேயே, புதிய நிர்வாகம் உறவுகளை வலுப்படுத்த நடவடிக்கை எடுத்தது என்று அவர் கூறினார்.

இலங்கை தொடருந்து பாதை மாஹோ-அநுராதபுரம் பிரிவில் ஒரு சமிக்ஞை அமைப்பை நிறுவ இந்தியா 14.9 மில்லியன் டொலர் கடனை மானியமாக அளித்தது. கிழக்கு மாகாண மக்களின் பொருளாதார நிலைமைகளை மேம்படுத்தவும் இந்தியா நிதி வழங்கி வருகிறது.

இதற்கு முன்பு விவசாயம் மற்றும் கால்நடை வளர்ப்புக்கு அதிக வளர்ச்சி உதவி கிடைக்கவில்லை என்றும் அவர் கூறினார்.

சம்பூர் சூரிய மின் நிலையத்தை கட்டுவதற்கு இலங்கையும் இந்தியாவும் தலா 50 சதவீத உரிமையுடன் ஒரு நிறுவனத்தை உருவாக்கும் என்றும், அதன் பிறகு இலங்கை ஒரு யூனிட்டுக்கு 5.97 அமெரிக்க சென்ட் விலையில் உற்பத்தி செய்யப்படும் மின்சாரத்தை வாங்கும் என்றும் அவர் தெரிவித்தார்.

22/01/2025

தெற்கு Canterbury இல் இடம்பெற்ற கோர விபத்து - ஒருவர் பலி..!!

தெற்கு Canterbury இல் இரண்டு வாகனங்கள் மோதுண்டு விபத்துக்குள்ளானதில் ஒருவர் உயிரிழந்தார்.

இன்று மதியம் 12.40 மணியளவில் Temuka இற்கு அருகில் உள்ள Milford Clandeboye சாலையில் கோர விபத்து இடம்பெற்றுள்ளது.

இந்த விபத்தில் ஒருவர் சம்பவ இடத்திலேயே உயிரிழந்ததுடன் மேலும் ஒருவர் பலத்த காயங்களுடன் மருத்துவமனையில் அனுமதிக்கப்பட்டுள்ளார்.

இந்நிலையில் விபத்தை தொடர்ந்து Milford Clandeboye சாலை மூடப்பட்டமை குறிப்பிடத்தக்கது.

செய்தி நிருபர் - புகழ்

21/01/2025

வாழ்க்கை சிறியது... - அஜித் குமார் எமோஷனல்..!!

தமிழ் சினிமாவில் முன்னணி நடிகராக இருப்பவர் அஜித். இவர் நடிப்பில் தற்போது உருவாகியுள்ள விடாமுயற்சி படம் பிப்ரவரி 6ஆம் தேதி வெளிவரவுள்ளது.

சமீபத்தில் படத்தின் ட்ரைலர் வெளியாகி மக்கள் மத்தியில் நல்ல வரவேற்பை பெற்றது. இதனால், படத்தின் மீது பெரும் எதிர்பார்ப்பு ரசிகர்கள் மத்தியில் எழுந்துள்ளது. விடாமுயற்சி படத்தை தொடர்ந்து குட் பேட் அக்லி படமும் ரிலீஸுக்கு தயாராகி வருகிறது குறிப்பிடத்தக்கது.

தற்போது, கார் ரேஸிங்கில் அஜித் கவனம் செலுத்தி வரும் நிலையில், சமீபத்தில் தனது அணியுடன் இணைந்து துபாயில் 24 மணி நேரம் நடைபெற்ற கார் ரேஸில் பங்கேற்றார்.

இந்த கார் ரேஸில் 911 GT3 R என்ற பிரிவில் அஜித் குமாரின் அணி 3வது இடத்தை பிடித்து. gt4 பிரிவில் Spirit of the race என்ற விருதை பெற்றுள்ளனர்.

இந்நிலையில், அப்போது வெற்றி பெற்ற பின் அஜித் பேசிய விஷயங்கள் பலரின் கவனத்தை ஈர்த்துள்ளது. அதில், " எனக்கு விளையாட்டினை அறிமுகப்படுத்தியதே என் அப்பா தான். ஆனால், அவர் இப்போது இல்லை.

அப்பாவின் நண்பர் விமல் ஷா அங்கிள் ரேஸராக இருந்தார். அவரிடம் இருந்து தான் எனக்கு ரேஸிங் மீது ஆர்வம் ஏற்பட்டது. 18 வயதில் வந்த கனவு இன்று 53 வயதில் நிஜமாகிவிட்டது.

நான் ஆசீர்வதிக்கப்பட்டவன். மக்கள் அவர்களது பணியை சரிவர செய்தால். வாழ்க்கையில் அவர்களுக்கு கிடைக்க வேண்டியது, கண்டிப்பாக கிடைக்கும். வாழ்க்கை மிகவும் சிறியது, அதனால் பிடித்தது போன்று வாழுங்கள், எதையும் சீரியஸாக எடுத்து கொள்ளாதீர்கள்" என்று கூறியுள்ளார்.

21/01/2025

விசாரணைக்கு வர மறுக்கும் தென்கொரிய அதிபர்..!!

தென்கொரியாவில் கைதுசெய்யப்பட்ட அதிபர் யூன் சுக் இயோல் இனி எந்தவொரு விசாரணைக்கும் வரமாட்டார் என்று அவரது வழக்கறிஞர்கள் கூறியுள்ளனர்.

நேற்று விசாரணைக்கு வர திரு யூன் மறுத்ததை அடுத்து இன்று காலை அவர் விசாரணைக்கு வரவேண்டும் என்று அதிகாரிகள் மீண்டும் உத்தரவிட்டனர்.

திரு யூன் இப்படியே தொடர்ந்து ஒத்துழைக்காமல் போனால் அதிகாரிகள் அவரைப் பலவந்தமாக அழைத்துவரவேண்டிய நிலை ஏற்படலாம் என்று எதிர்பார்க்கப்படுகிறது.

இல்லாவிட்டால் சோல் தடுப்புக் காவல் நிலையத்தில் அதிகாரிகள் திரு யூனிடம் நேரில் சென்று விசாரணை நடத்தக்கூடும் என்றும் கூறப்படுகிறது.

ராணுவச் சட்டத்தை அறிவித்ததன் தொடர்பிலான ஆதாரங்களைத் திரு யூன் அழித்துவிடலாம் என்ற காரணத்தால் கடந்த புதன்கிழமையிலிருந்து அவர் தடுப்புக்காவலில் வைக்கப்பட்டுள்ளார்.

21/01/2025

WHO இல் இருந்து வெளியேறிய அமெரிக்கா..!!

உலக சுகாதார அமைப்பில் இருந்து அமெரிக்கா விலகும் உத்தரவில் புதிய அமெரிக்க ஜனாதிபதி டொனால்ட் டிரம்ப் கையெழுத்திட்டுள்ளார்.

கொவிட் தொற்றுநோய் மற்றும் பிற சர்வதேச சுகாதார நெருக்கடிகளை உலகளாவிய சுகாதார அமைப்பு தவறாகக் கையாண்டுள்ளதாக அமெரிக்க ஜனாதிபதி அந்த உத்தரவில் தெரிவித்துள்ளார்.

இந்த நடவடிக்கையானது 12 மாதங்களில் ஐக்கிய நாடுகளின் சுகாதார அமைப்பில் இருந்து அமெரிக்கா விலகும் மற்றும் அதன் பணிக்கான அனைத்து நிதி பங்களிப்புகளையும் நிறுத்தும் என கூறப்படுகின்றது.

WHO இன் மிகப்பெரிய நிதி ஆதரவாளராக அமெரிக்கா உள்ளது, அதன் மொத்த நிதியில் 18% ஆகும்.

டிரம்ப் தனது முதல் பதவிக் காலத்தில் உலக சுகாதார அமைப்பில் இருந்து விலகும் செயல்முறையைத் தொடங்கினார், பின்னர் ஜனாதிபதியாக தேர்ந்தெடுக்கப்பட்ட பைடன், தனது பதவிக்காலத்தின் முதல் நாளிலேயே அந்த முடிவை இரத்து செய்திருந்தார்.

இந்நிலையில், மீண்டும் அமெரிக்க அதிபராக டிரம்ப் பதவியேற்றுள்ள நிலையில் WHO இல் இருந்து அமெரிக்கா வெளியேறியுள்ளது.

21/01/2025

நாக சைதன்யாவை தொடர்ந்து திருமணத்திற்கு ரெடியான அகில் அக்கினேனி.. எப்போது தெரியுமா?

நடிகர் நாகார்ஜூனாவின் மகன் நாக சைதன்யா, நடிகை சமந்தாவை விவாகரத்து செய்த பின், நடிகை சோபிதா துளிபாலா உடன் காதலில் இருந்து பின் திருமணம் செய்து கொண்டார்.

இவர்கள் திருமணத்தை நாகார்ஜூனா முன் நின்று நடத்தி வைத்தார். இவர்களது திருமணம் ஹைதராபாத்தில் உள்ள அன்னபூர்ணா ஸ்டூடியோவில் அரங்கம் அமைக்கப்பட்டு நடைபெற்றது. நாக சைதன்யா இரண்டாம் திருமணத்தில் மிக நெருக்கமானவர்கள் மட்டுமே கலந்து கொண்டு வாழ்த்தினர்.

அதை தொடர்ந்து, நாகார்ஜூனா மற்றும் அமலா ஜோடியின் மகனான அகில் அக்கினேனி திருமண நிச்சயமும் கடந்த ஆண்டு நடைபெற்றது.

அகில் லண்டனை சேர்ந்த Zainab Ravdjee என்பவரை திருமணம் செய்ய இருக்கிறார். Zainab ஒரு ஆர்ட்டிஸ்ட் என்பது குறிப்பிடத்தக்கது.

இந்நிலையில், அகில் திருமண தேதி குறித்து தகவல் வெளியாகி உள்ளது. அதன்படி, அகில் அக்கினேனி திருமணம் மார்ச் 24, அன்று ஹைதராபாத்தில் உள்ள அன்னபூர்ணா ஸ்டுடியோவில் நடக்க இருப்பதாக கூறப்படுகிறது. அதன் பின், வெளிநாட்டில் மீண்டும் ஒருமுறை திருமணம் செய்யவுள்ளதாகவும் தகவல் வெளியாகி உள்ளது.

21/01/2025

தொடந்து வீழ்ச்சியடையும் சீனா மக்கள் தொகை..!!

சீனாவின் மக்கள் தொகை தொடர்ந்து 3வது ஆண்டாக வீழ்ச்சியடைந்துள்ளதாக அந்நாட்டு அரசு தெரிவித்துள்ளது.

ஒரு காலத்தில் உலகில் அதிகப்படியான மக்கள் தொகை கொண்ட நாடு என்ற இடத்தில் இருந்த சீனா, பல்லாண்டுகளாக மேற்கொள்ளப்பட்ட கடுமையான நடவடிக்கைகள் மூலம் மக்கள் தொகை பெருக்கத்தை கட்டுப்படுத்தியுள்ளது.

இந்தியாவுக்கு அடுத்தபடியாக உலகளவில் 2வது மக்கள் தொகை கொண்ட நாடான சீனாவில், குழந்தை பிறப்பு விகிதம், கடந்த சில ஆண்டுகளாக சரிந்து வருகிறது.

குழந்தைப் பராமரிப்பு மற்றும் கல்விக்கான அதிகச் செலவு, வேலையின்மை தான், சீனா இளைஞர்கள் குழந்தைகள் பெற்றுக் கொள்வதை தவிர்ப்பதற்கான காரணம் என மக்கள்தொகை ஆய்வாளர்கள் கூறுகின்றனர்.

சீனாவில் கடந்த 2023ம் ஆண்டு 140 கோடியே 90 லட்சமாக இருந்த மக்கள்தொகை, இதில் 2024ம் ஆண்டில், 13 லட்சத்து 90 ஆயிரம் குறைந்துள்ளது.. 2023ம் ஆண்டு சீனாவில் 90 லட்சம் குழந்தைகள் பிறந்துள்ளன.

2024ம் ஆண்டில் 95 லட்சத்து 40 ஆயிரம் குழந்தைகள் பிறந்துள்ளன. 2023ம் ஆண்டில் ஆயிரம் பேருக்கு 6.39 ஆக இருந்த குழந்தை பிறப்பு விகிதம் 2024ம் ஆண்டு ஆயிரம் பேருக்கு 6.77 சதவீதமாக அதிகரித்துள்ளது.

2023ம் ஆண்டில், மொத்தம் இறந்தவர்கள் எண்ணிக்கை ஒரு கோடியே 11 லட்சமாக இருந்தது. 2024ம் ஆண்டில் ஒரு கோடியே 93 லட்சமாக இருந்தது.

Address

Auckland
2019

Telephone

+64225009007

Website

http://www.arasan.news/

Alerts

Be the first to know and let us send you an email when Arasan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Arasan:

Videos

🔴நேரலை : நல்லூர் கந்தசுவாமி கோவில் உற்சவம்

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1) LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

குவைத் நாட்டில் கட்டிடமொன்றில் ஏற்பட்ட பாரிய தீ விபத்து; 49 பேர் பரிதாபமாக உயிரிழப்பு - (காணொளி)

Mr. SUG Pathmanathan interview on [ARASAN Channel/FB Live]

Mr. SUG Pathmanathan interview on [ARASAN Channel/FB Live] Mr. SUG Pathmanathaninterview on [ARASAN Channel/FB Live] and we would love for you to tune in!❤️❤️

TANZI மற்றும் Arasan NZ Trust இணைந்து வழங்கும் 🤝 🗓️ Date: 4th of May, 11 AM - 4 PM 📍Location: Samoan Assemblies of God Church Hall, 38 Robertson Road, Favona, Auckland 🎟️ டிக்கெட்டுகள் | Tickets ➡️ https://www.trybooking.com/nz/RIX @followers

Panguni uttharam shiva parvathi kalyanam |Auckland Sri Ganesh Temple

Panguni uttharam shiva parvathi kalyanam |Auckland Sri Ganesh Temple Panguni uttharam shiva parvathi kalyanam |Auckland Sri Ganesh Temple

Jaffna Central College vs Jaffna St.John's College Big Match

Auckland Sri Ganesh Temple | Jama Eka kumbabishekam & pooja

காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செ…

காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செ… காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செவிமடுத்து, உடனடியாக நடவடிக்கை எடுத்துக் காவல்துறைக்கும் மக்களுக்கும் இடையேயான உறவை வளர்க்குமாறு தமிழ்நாடு காவல் உயர் பயிற்சியகத்தில் நடைபெற்ற பயிற்சி நிறைவு அணிவகுப்பு விழாவில் கேட்டுக்கொண்டேன்.

கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்ட…

கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்ட… இந்தத் தொகுப்பில், வேளாண்மை மற்றும் உழவர் நலத்துறை சார்பில், 210.75 கோடி ரூபாய் செலவில் புதிய கட்டடங்கள் திறப்பு, சென்னையில் கலைஞர் நூற்றாண்டு பூங்காவுக்கு அடிக்கல், நம்மாழ்வார் விருதுகள் கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்டித் தேர்வு பயிற்சி மையம் கால்நடைப் பராமரிப்புத் துறை சார்பில், கட்டி முடிக்கப்பட்ட கட்டடங்கள் திறப்பு, புதிய கட்டடத்திற்கு அடிக்கல்.

LIVE மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப…

LIVE மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப… மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப்புகளே…. தலைமைத் தொண்டனாய் என்றும் உங்களுக்குத் தொண்டாற்றுவதே நான் செய்யும் நன்றியெனக் கடமையாற்றுவேன்.

LIVE |"Independent singer and composer Sam P Keerthanமனம் திறந்து

LIVE |"Independent singer and composer Sam P Keerthanமனம் திறந்து அன்பார்ந்த அரசன் நேயர்களே! எமது RJ ஷீலா ரமணன் தொகுத்து வழங்கும் உங்கள் அபிமான "மனம் திறந்து" நிகழ்ச்சியில் சிறப்பு விருந்தினராக கலந்து கொள்ள உள்ளார் "Independent singer and composer Sam P Keerthan" அவர்கள்.

Arasan

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

22/01/2025

21/01/2025

21/01/2025

21/01/2025

21/01/2025

21/01/2025

Address

Telephone

Website

Alerts

Contact The Business

Videos

🔴நேரலை : நல்லூர் கந்தசுவாமி கோவில் உற்சவம்

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

🔴LIVE : யாழ்ப்பாணம் நல்லூர் கந்தசுவாமி கோவில் கொடியேற்றத்திருவிழா நேரலை - 09.08.2024 (Day-1)

Mr. SUG Pathmanathan interview on [ARASAN Channel/FB Live]

Panguni uttharam shiva parvathi kalyanam |Auckland Sri Ganesh Temple

Jaffna Central College vs Jaffna St.John's College Big Match

காவல்நிலையத்துக்கு வரும் பாதிக்கப்பட்டோரிடம் ஆறுதலாகப் பேசி, அவர்கள் கோரிக்கைகளுக்குச் செ…

கிராமப்புற மாணவர்கள் போட்டித் தேர்வுகளுக்குத் தயாராக, கலைஞர் நூற்றாண்டு ஒருங்கிணைந்த போட்ட…

LIVE மாரியென வாழ்த்துகளைப் பொழிந்த அனைவருக்கும் நன்றி! பேரன்பொழுக என்னை வாழ்த்த வந்த உடன்பிறப…

LIVE |"Independent singer and composer Sam P Keerthanமனம் திறந்து

Shortcuts

Share

Category