Online Inaruwa -अनलाईन ईनरुवा

12/08/2024

इनरुवा ६ मधेशा सुनसरी निवासी लुचाई मोचिको श्रीमती र छोरी सविता राम र उपासना कुमारी करीब १५ दिन देखि हराइरहेको हुँदा कसैले भेटेमा वा थाहा पाएमा निजको परिवार वा प्रहरीलाई खबर गरिदिनु हुन अनुरोध छ ।

अनुरोधकर्ता :
श्रीमान् तथा पिता लुचाइ मोचि
सम्पर्क नं :9819395123

11/06/2024

#इनरुवा नगरपालिका भित्र
१. करोडौं तलब हुक्के ढोके चिलिमेहरुलाई बितरण ।
२. चौवालिस लाख भन्दा वढि रकम अपारदर्शी रुपमा आर्थिक
सहायता (कसलाई वितरण गरियो भगवान जानुन् ) ।
३. डाक्टर इन्जिनियर पढाउन छुट्टयाइएको २० लाख रकम
केही हजार खर्च गरि ९ जानालाई कोरियन भाषा सिकाउँदै
कागज मिलाएरै सकाइयो ।
४. करोडौंको डिजल पेट्रोल वितरण र पेट्रोल पम्पबाट तेलको कुपन
दिदै उल्टै नगद रकम बुझिने गरेको जानकारी।
( स्रोत : बर्णामाला दैनिक र सामाजिक संजालहरु ।)
हेलो इनरुवा नगरपालिका कार्यालय-Hello Inaruwa Municipality Office Kedar Bhandari Followers Group

21/04/2024

बेलामा मति आफ्नो बिगारेर फटाहा नेताहरुको दास बन्ने अनि सबै नेताहरु चोर फटाहा भए , देश बर्बाद पारे भन्नलाई हामीलाई लाज हुन्छ कि हुन्न ?
त्यसैले सोच बदलौँ भोट बदलौँ । मत बदलौँ मति वदलौँ ।
आचरण बदलौँ आवरण बदलौँ । प्रवृत्ति बदलौँ परिणाम बदलौँ ।
दलगत उमेदवारहरुलाई जीवनभर हेरिसक्नुभयो ।
यसपटक कुहिएको पार्टीहरुको झोलेलाई हैन
स्वतन्त्र उमेदवारी दिएका भेषराज पोखरेललाई मौका दिएर त हेरौं ।
केही बिग्रन्न बरु पक्कै बदलिनेछ इनरुवाको खानेपानिको इतिहास र,
यहाँका मै हुँ भन्ने पार्टीगत सिण्डिकेटका माफियाहरुको हैसियत ।
जय इनरुवा ! जय स्वच्छ खानेपानी !!

01/04/2024

भण्डरी मियर साब् को अग्लो भियु टावरबाट समेत छेलिएर गरिएको यस्तो अपराधबाट कति पिडित भए होलान् ?

01/03/2024

धर्मको नाउँमा दलालहरुको षड्यन्त्रको चक्रव्यूह ।
इनरुवा नगरपालिका,सुनसरीको वडा नं ५/६/७ को सिमानामा पर्ने यस स्थानमा भूमाफियाहरुले सैयौँ विगाहा खेतीयोग्य उर्वर जग्गा कौडिको भाउमा जग्गाधनीहरुवाट उम्क्याए । जनप्रतिनिधिहरुलाई समेत खरिद गरि उक्त जग्गा वसोवासयोग्य रहेको भनी वडा कार्यालयहरुबाट निर्णय गराउन समेत सफल भए । शारदा माध्यमिक विद्यालयको नाउँको केही जग्गा हुदै जानुपर्ने उक्त कथित ग्रिन सिटि नामाकरण गरिएको स्थानको मुख्य सडक बिद्यालयका व्यवस्थापन समितिका पदाधिकारीहरुले वदनाम हुने डरले बिक्री गर्न नमानेपछि यस काण्डमा संलग्न सबै उपल्ला तहका जनप्रतिनिधि तथा पेशागत व्यक्तिहरु तथा दलालहरुको ग्राण्ड डिजाइनमा सर्प पनि मर्ने र लाठी समेत नभाँचिने जुक्ति स्वरुप यस पाथीभरा देवीको मन्दिर निर्माण गर्ने र मन्दिर जानलाई विद्यालयले वाटो उपलब्ध गराउने गरि सम्झौता भएको स्पष्ट छ ।
करोडौं रकमको चलखेल आशंका गरिएको यस विवादास्पद प्रोजेक्टको स्टल काठमाडौंमा भएको घरजग्गा व्यापार मेलामा समेत केही समय अघि राखिएको थियो । कठ्ठा नै पाइने सो स्थानको जग्गाको मुल्य धुरमा राखि सर्वसाधारणलाई खुल्लमखुल्ला लुट मच्चाउने यस धन्दामा कुन कुन जनप्रतिनिधि तथा पेशागत र स्थानीय कथित समाजसेवीहरुले कति कति रकम बुझेका छन् सो कुराको सूचना पुष्टि भएपछि सबैलाई गराइने छ ।
# जय माता पाथीभरा ।

13/12/2023

इनरुवा नगरपालिकाको सुशासन र भ्रष्टाचार विरुद्धको प्रतिबद्धता :

बिगत करिब १० वर्ष देखि इनरुवा नगरपालिकामा कानूनी सल्लाहकारको रुपमा काम गर्दै आइरहेका अनुभवी कानून व्यवसायीलाई गल्हत्याएर निकाला गर्दै नगरपालिकाले कम्तिमा ७ वर्षको अनुभव भएको व्यक्तिलाई मात्रै परामर्शदाता राख्न पाउने प्रचलित नियम बिपरित २ वर्षको पनि कार्यानुभव नभएका नगरप्रमुखका छिमेकीलाई चरम दवावमा परि नगरपालिकाको कानून नै सच्याएर जागिर खुवाउने प्रपञ्च गरिरहेको भन्ने सुन्नमा आएको छ ।

11/12/2023

अन्त्यमा , हामीले भनेजस्तै सावित हुनेभयो :
सिमित स्वार्थ र चर्चा कमाउने लोभमा तथ्यगत भन्दा प्रायोजित समाचार बनाउन पल्किएका पत्रकारहरुबाट भएको कमजोरीले वास्तविक खोज पत्रकारिता गर्नेहरुको समेत साख गिराउने काम गरेको छ ।

10/12/2023

पोष्ट भएको केही घण्टा भित्रै लाखौं भ्युज र सेयर भएको यस समाचार यदि वास्तविक हो भने उक्त अस्पताललाई कडाभन्दा कडा कारवाही हुनुपर्छ र प्रताप सदालाई मृत घोषणा गर्ने चिकित्सकको प्रमाणपत्र खारेज गरिनु पर्छ । तर यदि उक्त घटनालाई सन्तोष मेहताले भने जस्तै कसैबाट प्रायोजित भई अतिरञ्जित गरिएको रहेछ भने त्यसको जिम्मेवारी कसले लिने ?
इनरुवा निवासी प्रताप सदाको शिघ्र स्वास्थ्य लाभको कामना ।

11/08/2023

अति विश्वस्त श्रोतका अनुसार जिल्ला अस्पतालमा भोलि लिइने मेडिकल अफिसर पदको परिक्षामा अस्पताल नजिकै रहेको र निमित्त मेसु सँग हार्दिक सम्बन्ध रहेको औषधी व्यवसायी र इनरुवा नगरपालिकामा कार्यरत एक कर्मचारीको ज्वाइँ २ जाना उत्तीर्ण हुने सम्भावना । नगरप्रमुखको छोरीलाई भने पूर्वयोजना बमोजिम आफैंले फर्म भर्न लगाइ फेल पारेर इमानदार र नैतिकवान देखिन कलाकारहरुद्वारा रचिएको पपुलिष्ट स्टन्ट मात्रै हो भन्ने व्यापक बजार हल्ला ।

12/07/2023

सबैले ध्यान र समय दिएर पढौँ।
यो जो जससँग सम्वन्धित छ ।
घटना १.
भोक्राहाका ३-४ वर्षको १ बालकलाई गाडीको चक्का (घरमा रहेको टायर) ले किचेर उपचारको लागि अस्पताल ल्याइन्छ र त्यहीँ उपचारको क्रममा निज वालकको मृत्युु हुन्छ ।
घटना २.
इनरुवाका एक अधवैशे व्यक्ति आफै स्कुटरमा सवार भएर सामान्य पेट दुखेको हुदा उपचारको लागि इमर्जेन्सी जान्छन् , त्याहाँ केहि औषधी दिइन्छ सो केही मिनेटमै विरामी पिसाब गर्न त्यहीँ भित्रको सौचालय जान्छन् र सौचालय भित्रै विरामीको मृत्युु हुन्छ ।
घटना ३.
लौकहीकि एक ८ महिनाको गर्भवती महिलालाई ज्वरो आएको कारणले अस्पताल लगिन्छ र त्याहाँ उपचार नहुने भनी तत्काल नोबेल अस्पताल रिफर गरिन्छ ।
घटना ४.
इनरुवा ६ मधेशाकी एक वालिकालाई वाइकले ठक्कर दिदा तत्काल इमर्जेन्सी पुर्‍याईन्छ र सामान्य चोट लागेको उनलाई तत्काल नोबेल विराटनगर रिफर गरिन्छ।
घटना ५.
अस्पतालको व्यापक (कु)प्रचार सुनेर वराहक्षेत्रका एक अति विपन्न वृद्ध ३ घण्टा लगाएर भोकभोकै विमावाट भिडियो एक्सरे गर्न भनी अस्पताल आउँछ ,उनलाई सो दिन नभइ फलानो बार आउनु भनी फर्काईन्छ।
घटना ६.
साहेवगंज (भारतीय वोर्डर छेउ)बाट एक वृद्ध आमा लामो लाईनमा बसेर विमावाट पुर्जी काटेर जाँच गराई अस्पतालको फार्मेसीमा दवाई लिन जान्छिन , त्याहा बिमावाट कुनै दवाई पाईदैन भनी फर्काइन्छ।
घटना ७.
दाँतमा किरा लागेर दुःख पाएका डुम्राहा (इनरुवा ८) का एक विरामी अस्पतालको दाँत जचाउने ठाउँमा जन्छन , उनलाई त्याहाँ दात उखेल्ने वाहेक अर्को काम याहाँ हुदैन बाहिर क्लिनिकमा जानुस भनी पठाईन्छ।
घटना ८.
सर्पले टोकेको आशंकामा इनरुवाका एक विरामीलाई राति करिव ८ बजे ईमर्जेन्सी पुर्‍याईन्छ र अन्धकारमय रहेको कोठामा विरामीको आफन्तले वालेको मोबाइलको टर्चवाट लाईट बालेर जाँच गिरन्छ। ( सो वेला जेनेरेटर बिग्रेको भनी जानकारी दीईएको)
माथिको घटनाहरु केही समय अघि घटेको वास्तविक घटना हुन् तर यस्ता घटनाहरु कहिले समाचारमा आउँदैनन् । तपाईं हामीलाई उनिहरुले त्यहि मात्रै देखाउँछन जसबाट हामीलाई भ्रममा पार्न सकियोस् । वास्तवमा अस्पताल बिषादी नहालेको फल जस्तैः छ वाहिरबाट टिलिक्क र झिलिकमिलिक तर भित्रबाट कुहिएको । बिहान बेलुका चिया पसल र रातपरेपछि भट्टी भट्टी चहारेर अस्पताल सुध्रने भए यो मुलुक उहिले नै सुध्रि सक्ने थियो । सुकिलामुकिलाको चाप्लुसी र बिपन्न र निमुखा प्रति गरेको व्यवहारको हिसाबकिताब समयले अवश्य गर्ने नै छ। यस्तो संस्थाको नेतृत्वमा बसेकाहरुको सार्वजनिक वचन र व्यवहार अनि मातहतका कर्मचारीहरु प्रतिको दृष्टिकोण त छताछुल्ल नै छ ।पक्कै पनि यस्ता बोक्रे भलाद्मीहरुको मुखुण्डो छिटोभन्दा छिटो उत्रिनेछ र सबै चाटुकारहरुको पनि फाइफुइ बन्द हुने नै छ।

12/03/2023

के तपाईहरुलाई थाहा छ ? महिनामा ५-७ दिन पनि कार्यालयमा पूरा काम नगरीकनै मासिक रुपमा दिनको १५००/- काे दरले भत्ता ठटाउने कर्मचारी पनि इनरुवा नगरपालिका भित्रैको कार्यालयमा छन् नि ।
#यसवारेकोविस्तृतलेखनैआउँदैछधैर्यगरौँ।

12/02/2023

हाम्रो नगरका मितव्ययी र उदार जनप्रतिनिधिहरुका इमान्दार नाईकेले गत श्रावण १ गते देखि माघ २३ गतेसम्ममा दिनको करिव २५०००/- अक्षरेपी रुपैयाँ पच्चीस हजार मात्रैको डिजल पेट्रोल खर्च गर्ने गरेका रहेछन् ।
अरु बाँकी क्रमशः

10/02/2023

सनकी शासकहरुको चपेटामा निरीह डक्टरहरु ।
स्रोत : आजको अनलाइनखबर

10/02/2023

खै त यसबारेमा इनरुवाका २-४ भाइहरु त चुइक्क बोल्दैनन् लेखदैनन् त ?

23/01/2023

हाम्रो इनरुवामा ,
आफुलाई डाक्टर हुँ भन्नेहरुले
राजनीति गर्न छाडेर उपचार गर्न थाले भने।
आफुलाई पत्रकार हुँ भन्नेहरुले,
अरुको पुच्छर बनी न्यायाधीशले झैँ फैसला गर्न छाडे भने।
आफुलाई नेता हुँ भन्नेहरुले,
विशुद्ध राजनिती गरि कलाकारिता गर्न छाडे भने।
आफुलाई सामाजिक अभियन्ता हुँ भन्नेहरूले,
परिचालित नभई स्वविवेकी हुने हो भने ।
र अन्त्यमा,
आफुलाई बिद्वान ठान्ने तमाम फेसबुकेहरुले,
लहडमा नलागि बास्तविकता वुझ्न प्रयास गर्ने हो र
फेसबुक नचलाउने हजारौं सचेत नागरिकहरुले पनि
आफ्नोे ठाउँको चासो लिन थाल्ने हो भने, केही दिनमै
सवै समस्या चट् हुन्छ ।
हैन भने धुर्तहरुको स्वार्थ सिद्धिको अखडा भईरहन्छ अनि तपाईं हामी इनरुवा भित्रैका नागरिकहरुलाई यसरी नै जुधाएर रमिते भईरहन्छन् आगन्तुक पाखण्डीहरु।

01/06/2022

यसपटकको स्थानीय निर्वाचनमा देश भरि नै फरक प्रकारको भोटिङ प्याटर्न देखिएको छ जसमा पुराना र बलियो मानिएका दलहरूको कथित "गढ"हरु पनि गर्ल्याम गुर्लुम ढलेका छन्। यसले के संकेत गर्छ भने अब मतदाता कसैको कार्यकर्ता र कसैको मान्छे रहेनन् , उनिहरु सचेत मतदाता भइसके। तर विडम्बना इनरुवा नगरपालिकाको केही वडाहरुमा मतदाताहरुबाट नरुचाईएका व्यक्तिहरुलाई पार्टीले टिकट दिएर हारिसकेपछि त्यसको लाञ्छना निवर्तमान नगर प्रमुख र नेपाली कांग्रेस इनरुवा नगर सभापति राजन मेहतालाई लगाएर उनको यतिका वर्षअघि देखिको राजनीतिक जीवनमा हमला गर्न खोजिदैँछ। जिल्ला समन्वय समितिकाे सभापतिको जिम्मेवारी दिने गरि नेताहरू बिच सहमति भएको चर्चाका सन्दर्भमा केही प्रश्नहरु उव्जिएका छन्।

१. यदि जातीय वा नश्लीयता वादी राजनीति मेहताले गरेको हुन्थे भने गत प्रदेशसभाको निर्वाचनमा तत्कालीन जिल्ला सभापति राजिव कोइरालालाई काँधमा वोकेर अर्का मेहता उमेदवारलाई पराजित गर्न दिनरात नभनी किन लागि पर्थे होलान?

२. के नगर सभापतिको हैसियतमा उनलाई कांग्रेसले इनरुवामा हारेको ति वडाहरुमा कसलाई टिकट दिने भनेर सोधिएको थियोे ?

३. गएको पाँच वर्षमा फेरि मेयर उठ्ने मन्स्थिती र तयारी गरेको उनले मनोनयन गर्ने अन्तिम केही मिनेट मात्रै वाँकि रहेकोमा अन्य कसैले टिकट पाउँदै गर्दा पार्टीको निर्देशनमा तत्काल वडा सदस्यमा उमेदवार हुन किन सहज स्वीकार गरे होलान् ?

४. नगर सभापति र नगर प्रमुख समेतको भूमिकामा रहेको उनले यस निर्वाचनमा नगर र बहुमत वडामा कांग्रेसले जितेको श्रेय पाउने कि नपाउने। त्यसको जस वा श्रेय दिन आनाकानी किन? के केदार भण्डारीले कांग्रेस भन्दा बाहिर रहेर जितेको हो र?

५. टिकट वितरणमा भएको गलत निर्णयको जिम्मेवारी उनले लिने कि टिकट वितरक क्षेत्रीय तह,जिल्ला तह र त्याहा भन्दा माथिल्लो तहका नेताहरूले लिने ?

६. नगर प्रमुख रहि सकेको व्यक्तिलाई वडा सदस्यमा उठाएर गरिएको राजनितीक सहमति पालन गर्न नेतृत्वलाई किन यति गार्‍हो परेको ?

७. यसरी राजनीतिमा गरिएका भद्र सहमतिहरु पालन गरिएनन भने त्यसता नेताहरू प्रतिको आम दृष्टिकोण, उनीहरु प्रतिको विश्वास ,नैतिक आचरण र सोचलाई कसरी मुल्यांकन गर्ने ?

८. कुनै गलत निर्णयले नेताहरुलाई आगामी दिनमा निम्त्याउन सक्ने गम्भीर राजनितीक संकट प्रति सचेत र सजग हुने कि नहुने ? भएमा त्यसको जिम्मेवार को हुने ?

26/05/2022

इनरुवा अस्पतालका विषयमा हिजो र आज भएको घटनाका बारेमा सामान्य आँखाले हेर्दा र बुझ्दा यी कुरा मनन् गर्ने कि नगर्ने ?
१. आफ्नो मातहतको कर्मचारीले(डक्टरले)कुनै गल्ती गरेछ भने कार्यालयको विधि र र कानूनी कारवाहिको प्रक्रिया छ वा छैन् ?
२. छ भने मे.सु आफैले दुनियाँ भिड जम्मा गरेर सार्वजनिक रुपमा भिडियो समेत खिच्न लगाएर आफै समान डक्टरलाई वेईज्जत र निरुत्साहित गर्नु कहाँको महानता र कुशल प्रशासकीय क्षमता हो ?
३. युनिफर्म नलाएको, चप्पल लगाएको जस्ता सानो सानो निहुँ वनाएर वाहियात आरोप लगाउने मेसुले आफुले चाहिँ पोशाक भत्ता बुझेर ड्रेस खै लगाएको ? २४ सै घण्टा अस्पतालमै टाँसिएको घरमा रहने र जतिवेला पनि सहज उपलब्ध हुने डा.अमितले जतिवेलै टाईसुट र जुत्ता लगाएर अस्पताल जान सम्भव होला ? मेसुलाई जुत्ता चाहिएको हो कि उपचार ?
४. इनरुवाका जनता सहनशील र सोझा छन् भन्ने कुराकाे लाभ लिएर हिरोगिरी देखाउने र अरुलाई राजनीतिक रुपमा प्रयोग गरी हाँस्यस्थलको रुपमा अस्पताललाई विवादमा ल्याइदा भएको राजनिती याहाँका वास्तविक जनताले बुझेका छन् भन्नेमा सचेत हुने कि नहुने?
५. वीमाको औषधी खै पाईएको, सुलभ रुपमा खै रिफर सेवा दिएको , भिडियो एक्सरे खै नियमित संचालन गरेको , ल्याव र एक्सरे सेवा खै २४ घण्टा उपलब्ध र व्यवस्थित गराएको ? अस्पतालको गेट आकर्षक र वाटो पिच गरेर २/४ जाना गार्डको सेलुट खाँदैमा अस्पताल सुधार भएको मानिन्छ र ? इनरुवा वासिलाई उपचार चाहिएको हो, सस्तो प्रचारवाजी ,वजारी हल्ला र तडकभडक हैन।
६. अस्पतालमा डक्टरहरुले आफ्नो सहकर्मी माथी भएको दुर्व्यवहार र सार्वजनिक वेईज्जती विरुद्धमा गरेकोे OPD बन्द यस्तै स्वार्थी र सन्की मेसुका कारणले भएको भन्ने कोणवाट पनि वुझ्ने कि नबुझ्ने ?
७. माथि देखाइएको पहिलो फोटो कुनै तानाशाही शाशकले निरीह कारिन्दालाई झम्टिएको झैँ देखिन्छ भने अर्को फोटोमा इनरुवा अस्पतालले पुरुषको समेत गर्भावस्था जाँच गर्न लगाएको प्रमाण वाट अस्पताल र त्याहाँका प्रशासकको वास्तविक रुप उजागर हुँदैन र?
८. सवै सरोकारवालाहरु जिम्मेवार वनौ, सवैको आत्मसम्मानको रक्षा गरौँ, पदिय मर्यादाको ख्याल गरौँ , कसैको स्वार्थ पूर्तिकाे साधन नबनौँ, कसैबाट उपयोग नहौँ, डक्टर अमित इनरुवाकाे नै छोरो र जिम्मेवार चिकित्सक पनि हो जसले जागिर नरहेको वेला पनि स्थानियहरुलाई सेवा दिईरहेको थियोे र दिनेछ भन्ने कोणवाट पनि हेरौं।
हामीलाई सुलभ उपचार चाहिएको छ, अनावश्यक विवाद र राजनीति हैन। जय इनरुवा अस्पताल !!

11/02/2022