04/12/2025
बागमती प्रदेश रामेछाप जिल्ला अन्तर्गतको उमाकुण्ड गाउँपालिका स्तरीय छैटौं राष्ट्रपति रनिङ शिल्ड प्रतियोगिता २०८२ सफलतापुर्बक सम्पन्न भएको छ । यहि मिति २०८२ मंसिर १५ गतेदेखि १७ गतेसम्म उमाकुण्ड गाउँपालिका वडा नं.३ कुबुकाँस्थलीमा सञ्चालन भएको यस प्रतियोगितामा सहभागी ७ वटा विद्यालयहरू मध्ये ११ स्वर्ण ८ रजत ६ कास्य गरी २५ पदक सहित सर्वप्रथम श्री कैलेश्वर माध्यमिक विद्यालय उमाकुण्ड-६ गुप्तेश्वर, १० स्वर्ण ८ रजत १ कास्य गरी १९ पदक सहित सर्वद्वितीय श्री चण्डेश्वरी माध्यमिक विद्यालय उमाकुण्ड ४ प्रीति, ६ स्वर्ण ३ रजत ९ कास्य गरी ८ पदक सहित सर्वतृतीय श्री जनता माध्यमिक विद्यालय उमाकुण्ड-३ कुबुँकास्थली, २ स्वर्ण ४ रजत ३ कास्य गरि ९ पदक सहित सर्वचतुर्थ श्री कास्थेम माध्यमिक विद्यालय उमाकुण्ड-७ भुजी भएको छ । त्यस्तै गरी १ स्वर्ण ४ रजत ९ कास्य गरी १४ पदक सहित सिद्धेश्वर माध्यमिक विद्यालय उमाकुण्ड-२, बाम्ती पाँचौ, २ रजत २ कास्य गरी ४ पदक सहित श्री सरस्वती माध्यमिक विद्यालय उमाकुण्ड-५, प्रिती छैटौं र १ रजत ४ कास्य गरी ५ पदक सहित श्री महालंगुर माध्यमिक विद्यालय उमाकुण्ड-१, गुम्देल साताैं स्थान हुन सफल भएको छ । लगातार तीन पटक विजेता भन्दै श्री चण्डेश्वरी माध्यमिक विद्यालय उमाकुण्ड-४, प्रितिले गतवर्ष रनिङ शिल्ड आफ्नो बनाएको थियोे भने यस पटक भने कडा प्रतिस्पर्धाकाे बाबजुद श्री कैलेश्वर माध्यमिक विद्यालय उमाकुण्ड-६ गुप्तेश्वरले उमाकुण्ड गाउँपालिका स्तरीय छैटौं राष्ट्रपति रनिङ शिल्ड प्रतियोगिता २०८२ जित्न सफल भएको छ । समग्रमा रनिङ शिल्ड विजेता विद्यालयलाई रू. २०,०००/ (बीस हजार), द्वितीय हुने विद्यालयलाई रू. १५,०००/ (प्रन्ध हजार) र तृतीय हुने विद्यालयलाई रू. १०,०००/ (दश हजार) नगद पुरस्कार प्रदान गरिएको छ । त्यस्तै गरी भलिबल तथा कबड्डी खेलमा उत्कृष्ट हुने खेलाडीहरूलाई ट्रफी समेत प्रदान गरिएको छ।
