Arjun hitang

23/12/2023

रबि दाईले खोईला पाए नि पोखरामा,

12/12/2023

14/04/2023

पाल्पाको तिनाउ–३ झुम्सामा अवस्थित भुत खोलामा डुबेर रुपन्देहीका एक युवाको मृत्यु भएको छ । नयाँ वर्ष मनाउन शुक्रबार रुपन्देहीको भैरहवाबाट भुतखोला पोखरी हेर्न पुगेका सिद्धार्थनगर–१२ बेलहियाका अन्दाजी ३० वर्षीय शिभम जैशवालको मृत्यु भएको प्रहरी चौकी दोभानले जानकारी दिएको छ ।

शुक्रबार विहान करिव साढे १० बजेको समयमा पोखरी हेर्न पुगेका शिभम ढुङ्गामा चिप्लिएर पोखरीमा खसेका थिए । साथीहरुसँगै घुम्न गएका उनलाई उद्दार गरी बुटवलको लुम्बिनी प्रादेशिक अस्पतालमा ल्याइएपनि त्यसअघिनै उनको मृत्यु भैसकेको अस्पतालले जानकारी दिएको थियो । घटना बारे थप अनुसन्धान अघि बढाइएको प्रहरीले जनाएको छ ।

पछिल्लो समय पर्यटकीय स्थलको रुपमा प्रचार प्रशार तथा संरचनाहरु निर्माण गरिएको भुतखोलामा केही समयअघि रुपन्देहीबाटै घुम्न गएका अर्का एक युवाको पनि डुबेर ज्यान गएको थियो ।

14/04/2023

14/04/2023

https://www.facebook.com/100004902697815/posts/2531763996996999/?app=fbl

20/03/2023

20/03/2023

बागलुङको बाङ्गेचौर र पर्वतको अदुवारी जोड्ने संसारकै लामो झोलुङे पुल छेउबाट भीरमा खसेकी बागलुङ नगरपालिका–२ बस्ने १५ वर्षीया अप्सरा खातुनको मृत्यु भएको छ । पर्वतको कुश्मा नगरपालिका–१ पाङ अदुवारीको भिरमा लडेर बागलुङकी अप्सराको मृत्यु भएको हो ।

लामो पुल घुम्न परिवारसहित पुलको पूर्वतर्फ पर्ने अदुवारी पुगेकी खातुन तस्बिर खिच्ने बेला भीरमा खसेकी थिइन् ।
पुलको पूर्वतर्फको चौरमा राखिएको नेपाल टेलिकमको बोर्ड नजिकै तस्बिर खिच्ने क्रममा चिप्लिएर खातुन भीरमा लडेको पर्वतका प्रहरी प्रमुख मधुसूदन न्यौपानेले बताउनुभयो ।

न्यौपानेका अनुसार खातुनलाई अचेत अवस्थामा उद्धार गरिएको थियो । उद्धारपछि उपचारका लागि धौलागिरि अस्पताल पुर्याउँदै गर्दा खातुनको मृत्यु भएको हो । घटनाको विषयमा थप अनुसन्धान भइरहेको प्रहरीले जनाएको छ ।

17/03/2023

पोखराको चिप्लेढुङ्गामा नगरबसले ठक्कर दिँदा युवतीको मृत्यु भएको छ ।

शुक्रबार बिहान ७ः१५ बजे सिद्धार्थचोकबाट न्यूरोडतर्फ आउँदै गरेको ग १ ख ७१०८ नम्बरको पोखरा नगरबसले ग १८ प ९९८९ नम्बरको स्कूटरलाई ठक्कर दिएको थियो । घटनामा झापाको दमक नगरपालिका वडा नं. ४ घर भएकी २४ वर्षीया दीक्षा कार्कीको घटनास्थल मै ज्यान गएको हो । उनी पोखरा-५ पर्स्याङ बस्दै आएकी थिइन् ।

प्रहरीले नगरबस र चालकलाई नियन्त्रणमा लिई अनुसन्धान अगाडि बढाएको जनाएको छ ।

08/03/2023

बालिकाको मृत्यु

रौतहटको राजदेवी नगरपालिकास्थित आगलागीमा परेर ६ महिने बालिकाको मृत्यु भएको छ । मंगलबार साँझ राजदेवी नगरपालिका–४ बसन्तपुर (गडहिया) का भिखर राउतको खरको छाना भएको घरमा आगलागी हुँदा सुतिरहेकी उनको ६ महिनाकी छोरी सिल्फी राउतको जलेर मृत्यु भएको जिल्ला प्रहरी कार्यालय रौतहटले जनाएको छ ।

राउतको घरबाट सल्किएको आगोले छिमेकीद्वय रामकिसुन साह र सुजय साहको घर जलेर नष्ट भएको थियो । आगलागीबाट राउतको घर तथा अन्न लताकपडा गरी ७५ हजार तथा छिमेकीहरूको ५०–५० हजार गरी कुल एक लाख ७५ हजार बराबरको क्षति भएको प्रहरीले जनाएको छ ।

25/02/2023

पोखराको मालेपाटनस्थित कालिका पेट्रोल पम्प नजिकै अचेत अवस्थामा भेटिएका एक युवकको उपचारका क्रममा मृत्यु भएको छ ।

शरीर भरि चाेटै चाेट लागेकाे अवस्थामा भेटिएका ती पुरुषलाई उपचारका लागि पश्चिमाञ्चल क्षेत्रीय अस्पताल लगिएकोमा उपचारका क्रममा बिहान ८:३० बजे मृत्यु भएको जनाइएको छ । मृतकको पहिचान नखुलेपछि प्रहरीले हुलियाको वर्णन गर्दै सूचना जारी गरेको छ । प्रहरीले मृत्युको कारणबारे भने कुनै जानकारी दिएको छैन ।

प्रहरीका अनुसार मृतकको उमेर अन्दाजी ३५ -३६ रहेको छ भने उचाई करिब ५ फिट ४ इन्च रहेको छ । पुरुषले खरानी रङको हाफपैन्ट र खैरो रङको कोठे स्वेटरभित्र कालो टिसर्ट लगाएको जनाइएको छ । मृतकको घाँटीमा kellin लेखिएको ट्याटु, देब्रे नाडीको हत्केला पछाडी ताराको ट्याटु र दुवै पाखुरादेखि नाडीसम्मै विभिन्न ट्याटु पनि खोपिएको प्रहरीले जनाएको छ ।

घटनाको बारे थप अनुसन्धान भइरहेको पनि प्रहरीले जनाएको छ । आज बिहान करिब ५:३० बजे युवक फेला परेको प्रहरीको भनाई छ ।

25/02/2023

बाग्लुङ जिल्लाको ढोरपाटन नगरपालिकामा ट्याक्टरले ठक्कर दिदा बालकको मृत्यु भएको प्रहरीले जानकारी दिएको छ ।

शनिबार दिउँसो करिब २ बजे भएको घटनामा ढोरपाटन नगरपालिका-६ चामिदवारमा बस्ने १३ वर्षीय लक्ष्मण विकको घटनास्थल मै मृत्यु भएको हो । विकलाई ठक्कर दिने ध १ त ५११ नम्बरको ट्याक्टर र चालकलाई नियन्त्रणमा लिइएको प्रहरीले बताएको छ ।

घटनाका विषयमा थप अनुसन्धान भइरहेको इलाका प्रहरी कार्यालय बुर्तिबाङले जानकारी दिएको छ ।

22/02/2023

सुदूरपश्चिम प्रदेशको बाजुरा जिल्लालाई केन्द्रविन्दु बनाएर ५.२ रेक्टर स्केलको भुइँचालो गएको छ ।
अाज
बुधबार अपरान्ह १:४५ मिनेटकाे समयमा बाजुराको बिछ्या आसपास केन्द्रबिन्दु बनाएर ५.२ रेक्टर स्केलकाे धक्का महसुस भएको भूकम्प मापन केन्द्रले जनाएको छ । भुकम्प सुदूरपश्चिमका अन्य पहाडी जिल्लामासमेत महसुस गरिएको थियो । भुकम्पबाट कुनै क्षतिको विवरण भने आएको छैन ।

पछिल्लो समय पश्चिम नेपालका विभिन्न जिल्लामा लगातार भुकम्पको धक्काहरु महसुस भइरहेको छ । यसरी ससाना भुइँचालो जानू ठूलो भुइँचालोको संकेत भएकाले सचेत बस्न विज्ञहरुले जानकारी दिएका छन्।

21/02/2023

पोखरा महानगरपालिका वडा नम्बर ५ पस्र्याङमा स्थित पोखरीमा डुबेर बालकको मृत्यु भएको छ । घर नजिकै रहेको पोखरीमा डुबेर ४ वर्षीय सुहौन केसीको मृत्यु भएको हो ।

सोमबार बेलुका घर नआएपछि खोजी कार्य गर्दै जाँदा पोखरीमा डुबेको अवस्थामा फेला परको जिल्ला प्रहरी कार्यालय कास्कीले जनाएको हो । घर अगाडी रहेको खुडेपोखरीमा खेल्ने क्रममा डुबेको हुन सक्ने प्रहरीको प्रारम्भिक अनुसन्धानबाट खुलेको छ । ‘हिजोबाट घरमा नआएपछि खोजीकार्य जारी थियो ।

मंगलबार बिहानै घर नजिकैको पोखरीमा खोजी कार्य गर्दा डुबेको अवस्थामा मृत भेटिएका हुन्,’ वडा नम्बर ५ की पूर्व वडा सदस्य अञ्जु क्षेत्रीले जानकारी दिनुभएको हाे। घर पर्वत भएपनि धारापानीमा बस्दै आएका थिए ।

21/02/2023

कप्तान रोहित पौडेलले उत्कृष्ट पारी खेलेसँगै नेपालले आइसिसी विश्वकप लिग २ अन्तर्गत लगातार आफ्नो चौथो खेलमा पनि जीत हासिल गरेको छ ।

आज त्रिभुवन विश्वविद्यालयको मैदान भएको निकै रोचक खेलमा नेपालले स्कटल्याण्डलाई २ विकेटको झिनो अन्तरले हराएको हो । खेलमा टस हारेर ब्याटिङमा उत्रेको स्कटल्याण्डले आक्रामक शुरूवात गरेको थियो । स्कटिस ओपनर जर्ज मुन्सीले ५० बलमै आक्रामक ६० रन बनाएपछि टोलीले १४ ओभर मै ८९ रन बनाएको छ । तर १४ ओभर अन्तिम दुई बलमा सन्दीपले मुन्सीलाई क्लीन बोल्ड तथा त्यसपछि आएका रिची बेरिङटनलाई शून्य रनमै पवेलियन फर्काएपछि नेपाल खेलमा फर्केको थियो ।

स्कटल्याण्डका लागि म्याथ्यु क्रसले ४२ र ब्रेन्डन म्याकमुलनले ३१ रनको योगदान दिए । क्रीस्टोफर म्याकब्राइड र ओपनर काइल कोत्जरले समान २२ रन बनाउँदा त्यसबाहेक खेलाडीले दोहोरो अङ्कमा रन बनाउन सकेनन् । बलिङतर्फ नेपालका लागि सन्दीप लामिछानेले चार, करन केसीले तीन तथा कुशल मल्ल र ललित राजवंशीले एक-एक विकेट लिए ।

प्रतिउत्तरमा स्कटल्याण्डले कसिलो बलिङ गरेपछि नेपाली ब्याटिङ दबाबमा देखिएको थियो । ११४ रनमा सात विकेट गुमाउँदा लक्ष्य निकै टाढा देखिएपनि कप्तान पौडेलले निकै संयमतापूर्वक ब्याटिङ गर्दै टोलीलाई जीतसम्म डोहोर्याएका थिए ।

19/02/2023

पोखराको डाँडाकोनाकमा यात्रुवहाक बस दुर्घटना भएको छ । लेखनाथबाट पोखरा आउदै गरेको ग १ ख ६७४७ नम्बरको बस पृथ्वीराजमार्गबाट खोल्सामा खसेको हो ।
दुर्घटनामा करिब ४० जना घाइते भएको जिल्ला प्रहरी कार्यालय कास्कीका प्रमुख एसपी अजय केसीले बताए । ‘दुर्घटनामा परेका सबैको उद्धार गरेर अस्पताल लगिएको छ।
चालकलाई नियन्त्रणमा लिएको प्रहरीले जानकारी दिएकाे छ । ब्रेकफेल भएर दुर्घटना भएको हुन सक्ने अनुमान गरिएकाे छ।
प्रहरीका अनुसार बसमा पोखरा विश्वविद्यालयमा अध्ययनरत विद्यार्थी र सर्वसाधरण सवार थिए ।

18/02/2023

दलित भन्दै मन्दिरमा पुजा गर्न राेक

ओखलढुंगाकाे सिद्धिचरण नगरपालिका वडा नं ४ स्थित रुम्जाटारको शिव मन्दिरमा शिवरात्रीको अवसरमा पूजा गर्न दलित समुदायका व्यक्तिलाई अवरोध गरिएको छ। शिव मन्दिरको रेखदेख गर्दै आएका लक्ष्मण गुरुङलगायतले अवरोध गरेका हुन्।


पूजा गर्न पुगेका अन्य समुदायका व्यक्तिलाई सहजीकरण् गरेका उनले दलित समुदायका व्यक्ति आउनासाथ मिल्दैन भनेर रोक लगाएको स्थानीयले बताए। शिक्षिका कृष्णकुमारी गजमेरका अनुसार उनकी आमालाई पूजा गर्न दिएका थिएनन्। आमाले किन नपाउने भनेर प्रश्न गरेपछि कृष्णकुमारी समेत पुगेकी थिइन्।

उनले समेत प्रतिवाद गरेर मन्दिर प्रवेश गरेपछि गुरुङले मन्दिरको गेट लगाएका थिए। उनले समितिको निर्णय अनुसार नदिएको भन्दै गेट लगाएपछि सञ्चारकर्मीलाई खबर गर्ने बताएपछि गेट खोलेको कृष्णकुमारीले बताइन्। यो घटनाको नजिकबाट नेपाल प्रहरीका सुरक्षाकर्मीहरुले हेरिरहेपनि कुनै प्रतिक्रिया नदिएको स्थानीयको गुनासो छ।

दलितलाई पूजाआजामा अवरोध गरेको विषयमा गुरुङले आफुहरुले त्यसरी नरोकेको दावी गरेका छन्। पूजारीलाई जुठो परेकोले पूजाआजा नभएको तर मन्दिरमा ताला नलगाएको भन्दै पन्छिएको पत्रकार तथा दलित अधिकारकर्मी राज दयालले बताए। यसबारे प्रतिक्रिया लिन पटक पटक फोन गरे पनि गुरुङले संवाददाताको फोन काटेका छन्।

यसबारे कानुनी उपचार खोज्ने पीडित पक्षले बताएका छन्। ‘पटक पटक यसरी हामीलाई अमानवीय व्यवहार भएको छ, अहिलेसम्म सह्यौं अब सहन सकिँदैन’ शिक्षिका गजमेरले भनिन् । पत्रकारले यो विषय सोधीखोजी गर्दा प्रहरी समेत मन्दिरमा पुनः पुगे पनि स्थानीय र वडा अध्यक्षले यस्ता विषय समाजमा मिल्नु पर्ने भनेको स्थानीयको भनाइ छ

18/02/2023

नेपालको लगातार तेस्राे जित

आइसिसी विश्वकप लिग २ मा लगातार तेस्रो जीत हात पार्ने क्रममा नेपालले नामिबियालाई ३ विकेटले पराजित गरेको छ ।

खेलमा टस हारेर ब्याटिङमा उत्रिएको नामिबियालाई नेपाली स्पीनरले शुरूवात चरणमा कसिकसाउ बलिङ गर्दै दबाबमा राखेका थिए । खेलको ४० औं ओभरसम्म १५८ रन मात्र बनाएको नामिबियाले त्यसपछि भने आक्रामक ब्याटिङ गरेको थियो । नामिबियाका लागि ओपनर लोहान लरेन्सले ४१ रन बनाए भने पिक्की याफ्रान्सले ४९ रन बनाए । जेन ग्रीनले सर्वाधिक ७५ रन बनाउँदा रुबेन ट्रम्पलम्यानले ७ बलमै २४ रन बनाए ।

बलिङतर्फ नेपालका लागि सन्दीप लामिछानेले उत्कृष्ट प्रदर्शन गर्दै १० ओभरमा ४६ रन दिएर ३ विकेट लिए । करन केसीले एक विकेट लिँदा नामिबियाका दुई खेलाडी रनआउट भएका थिए । करन केसी ९ ओभरमै ७४ रन खर्चदै निकै महँगो सावित भए सोमपाल कामीले पनि ९ ओभरमा ५३ रन खर्चिए । दीपेन्द्र सिंह ऐरीले भने कसिकसाउ बलिङ गर्दै १० ओभरमा ३७ रन मात्र दिए ।

२७५ रन पछ्याएको नेपालले संयमित शुरूवात गर्यो । कुशल भुर्तेललाई एक रनमै गुमाए पनि दोस्रो विकेटका लागि नेपालका आसिफ सेख र ज्ञानेन्द्र मल्लले एक सय ३७ रनको साझेदारी गरे । सेख व्यक्तिगत ८१ रनको स्कोरमा आउट भए भने मल्लले ६५ रन बनाए । त्यसपछि आएका कुशल मल्लले पनि आक्रामक ६२(४९) रन बनाएपछि नेपालको जीत सहज बनेको थियो । नेपालका लागि कप्तान रोहित पौडेलले पनि ३९ रनको योगदान दिए ।

नेपालले त्रिकोणात्मक सिरिजअन्तर्गत यस अघिका दुई खेलमा नामिबिया र स्कटल्याण्डलाई पराजित गरिसकेको छ । हाल क्रिकेट विश्वकप लिग २ अन्तर्गतका खेलहरु नेपालको त्रिभुवन विश्वविद्यालयको मैदानमा भइरहेको छ । अब नेपालले अन्तिम खेल स्कटल्याण्डसँग मङ्गलबार खेल्नेछ ।

17/02/2023

आइसिसी क्रिकेट विश्वकप लिग २ मा स्कटल्याण्डले दिएको २७५ रनको चुनौतीपूर्ण लक्ष्यलाई पछ्याउँदै नेपालले तीन विकेटको ऐतिहासिक जीत हासिल गरेको छ ।

खेलमा टस हारेर पहिले ब्याटिङ गरेको स्कटल्याण्डका लागि माइकल लिस्कले शतक प्रहार गरेपछि स्कटल्याण्डले निर्धारित ५० ओभरमा ९ विकेटको क्षतिमा २७५ रन बनाएको हो । स्कटल्याण्डका लागि ओपनर क्रिस्टोफर मेकब्राइडले २२ र रिची बेरिङटनले १९ रन बनाए । यसैगरी टोमस म्याकिन्टसले १९ तथा ब्रेन्डन म्याककुलनले २२ रनको योगदान दिए । क्रीस ग्रीभ्सले पनि १६ रन बनाए ।

एक समय स्कटल्याण्ड ६ विकेट गुमाउँदै एक सय १९ रनको स्थितिमा रहेपनि लिस्कले उत्कृष्ट खेल प्रदर्शन गर्दै टोलीलाई चुनौतीपूर्ण लक्ष्यसम्म पुर्याएका थिए । लिस्कले अविजित १०७ रन बनाउँदा ज्याक जार्भिसले २६ रन बनाउँदै उनलाई गतिलो साथ दिए । मार्क वाटले पनि २० रन बनाए ।

बलिङतर्फ नेपालका लागि सन्दीप लामिछानेले तीन, कुशल मल्लले दुई र कुशल भुर्तेलले एक विकेट लिएका छन् । सोमपाल कामी र दीपेन्द्र सिंह ऐरीले पनि एक-एक विकेट लिएका हुन।

17/02/2023

मकवानपुरको मनहरी गाउँपालिका-६ रामडाँडामा ट्रकले स्कुटरलाई ठक्कर दिँदा कास्की घर भएकी स्कुटर चालक अमृता परियारको मृत्यु भएको छ ।

आज बिहान करिब साढे ६ बजे चितवनबाट मनहरीतर्फ जाँदै गरेको ना ५ ख ३५५७ नम्बरको ट्रकले विपरीत दिशाबाट आएको ग १५ प ३९६९ नम्बरको स्कुटरमा ठक्कर दिएको थियो । घटनामा कास्कीको निर्मल पोखरी-२ बस्ने ३८ वर्षीया अमृता परियारको घटनास्थलमै मृत्यु भएको प्रहरीले जनाएको छ ।

प्रहरीले ट्रक चालकलाई नियन्त्रणमा लिएर थप अनुसन्धान भइरहेको पनि जनाएको छ

15/02/2023

मुस्ताङको जोमसोमबाट पोखराका लागि आउँदै गरेकाे बस बुधबार बिहान कालीगण्डकी नदीमा खसेको छ ।

बेनी जोमसोम कोरला सडकअन्तर्गत थासाङ-३ धम्पुमा ना ७ ख ७४४० नम्बरको यात्रुबाहक बस नदीमा खसेको हो । बिहान करिब साढे ८ बजेतिर भएको दुर्घटनामा १७ जना घाइते भएका छन् । घटनामा सामान्य घाइते ८ जनाको स्थानीय लेते स्वास्थ्य चौकीमा उपचार भइरहेको छ भने गम्भीर घाइते ९ जनालाई गण्डकी अस्पताल पोखरा रिफर गरिएको प्रहरीले जनाएको छ ।

घटनाको खबर पाएलगत्तै जोमसोमबाट प्रहरी नायब उपरीक्षक रविन्द्रनाथ पौडेलको नेतृत्वमा प्रहरी र नेपाली सेनाको टोलीले घटनास्थलमा पुगी घाइतेको उद्धार गरेको थियो । बसमा मुस्ताङ घुम्न गएका भारतीय र नेपाली पर्यटकलगायत स्थानीयहरु रहेको जनाइएको छ ।

बस सडकबाट करिब ४० मिटर तल नदीमा खसेकाे छ । बसलाई डोजरका सहायताले तानेर नदी किनारसम्म ल्याइएको छ । घटनाका विषयमा थप अनुसन्धान भइरहेको प्रहरीले जनाएको छ ।

13/02/2023

पर्वतमा भ्यान दुर्घटना हुँदा चालकको मृत्यु भएको छ ।
कुश्मा नगरपालिका–२ खुर्कोट लाम्पाटामा आफैले चलाएको ध १ ज ११२३ नम्बरको इको भ्यान दुर्घटनाग्रस्त हुँदा ४० वर्षीय बालकृष्ण पौडेल उपाध्यायको मृत्यु भएको हो । आइतबार साँझ भएको दुर्घटनापछि पौडेललाई उपचारका पर्वत अस्पतालमा पुर्याइए पनि उपचारकै क्रममा आइतबार बेलुकी नै उनको मृत्यु भएको हो ।

प्रहरीका अनुसार घटनामा अन्य दुई जना सामान्य घाइते भएका थिए । घाइते २१ वर्षीया मनीषा दर्जी र ३३ वर्षीया सलिना विक उपचारपश्चात घर फर्किसकेको प्रहरीले जनाएको छ ।

04/02/2023

* सन्दीप लामिछाने र क्यानलाई बहिष्कार गर्न माग गर्दै प्रदर्शन
* माधव नेपालको प्रतिवेदनमाथि १० समूहमा छलफल हुने
* गुल्मीमा भारतीय नागरिकको हत्या आरोपमा श्रीमान–श्रीमती पक्राउ
* एमालेले राष्ट्रपतिको उम्मेदवार खल्तीबाट निकाले स्वीकार्य हुन्न : गगन थापा
* बरहथवाका तीन गाउँका बासिन्दा दुई महिनादेखि अन्धकारमा
* बलात्कारको अभियुक्तलाई कुनै खालको उन्मुक्ति सह्य हुँदैन : पूर्णबहादुर खड्का
* सत्ता गठबन्धनभित्रको समस्या छिटै समाधान हुन्छ : प्रचण्ड

04/02/2023

सत्ता गठबन्धनभित्रको समस्या छिटै समाधान हुन्छ : प्रचण्ड

प्रधानमन्त्री पुष्पकमल दाहालले गृह मन्त्रालयका कारण सत्ता गठबन्धनमा उत्पन्न भएको विवाद समाधान हुने बताएका छन्
शनिबार माओवादी केन्द्रको स्थायी समितिको बैठकपछि पार्टी कार्यालय पेरिसडाँडामा पत्रकारले सोधेको प्रश्नको जवाफमा उनले भने, ‘अहिले मेरो कुरा हुँदैछ, समस्या समाधान हुन्छ ।’
राष्ट्रिय स्वतन्त्र पार्टीका सभापति रवि लामिछानेले आफूलाई पुन गृह मन्त्रालय दिन माग गरिरहेका छन् । तर प्रचण्डले रविलाई गृह मन्त्रालय दिन चाहेका छैनन् । यही कारण सत्ता गठबन्धनभित्र विवाद बढेको छ ।राष्ट्रिय स्वतन्त्र पार्टीले गृह मन्त्रालय आफूलाई नदिए सरकारबाट बाहिरिने चेतावनी दिएको छ । बिहीबार बसेकाे उसको बैठकले प्रधानमन्त्रीलाई दुई दिनको समय दिने निर्णय गरेको थियो, जुन आज सकिँदैछ ।