25/06/2024
सामाजिक दायित्व हेतु जानकारी !
अजिनोमोटोलाई यसको रासायनिक नाम, मोनोसोडियम ग्लुटामेटले पनि चिनिन्छ। यसको संक्षिप्त रुप MSG हो। अजिनोमोटो कम्पनीको मुख्य कार्यालय चुओ, टोकियोमा अवस्थित छ । यसाले २६ देशहरूमा ब्रान्च विस्तार गरेको छ । यो मुख्यतया खानाको स्वाद बढाउनको लागि प्रयोग गरिन्छ ! जापानिज र चाईनिज हरेक खानेकुरामा यसको प्रयोग गरिन्छ।
पहिले, हामी घरको खाना खान्थ्यौं, तर अहिले मानिसहरू अजिनोमोटो प्रयोग गर्ने चिप्स, पिज्जा र म्यागी खान रुचाउँछन् । डिब्बामा बन्द भएका फास्ट फूड, सोया सस, टमाटर सस, संरक्षित माछा, र अन्य संरक्षित खाद्य उत्पादनहरूमा यसको बढी मात्रामा प्रयोग गरिन्छ।
अजिनोमोटो पहिलो पटक सन् १९०९ मा जापानी बायोकेमिस्ट किकुने इकेडाले पत्ता लगाएका थिए । उनले यसको स्वाद उमामी किसिमको छ भनेर भनेका थिए अर्थात मीठो, अमिलो, नुनिलो र तीतो सहितको एक मिश्रीत स्वाद । समग्रमा यसको स्वाद स्वादिलो छ भनेर भनियो । जापानीज सूपहरूमा यसको प्रयोग धेरै गरिन्छ । यसको स्वाद केही हदसम्म नुन जस्तै हुन्छ र सानो, चम्किलो क्रिस्टलको रूपमा देखिन्छ। यसमा प्राकृतिक रूपमा एमिनो एसिड हुन्छ।
यद्यपि, आज संसारभरका हरेक कुकले खानाको स्वाद बढाउन यसको प्रयोग गर्छन् । MSG प्रयोग गर्न सजिलो मानिन्छ । यसको प्रयोग पहिले चिनियाँ भान्सामा लोकप्रिय थियो, तर अब यसले विस्तारै हाम्रो घरको भान्छामा पनि प्रवेश गरेको छ । समय बचाउनको लागि, हामी इन्स्ट्यान्ट चाउचाउ जस्ता धेरै खाद्य उत्पादनहरू उपभोग गर्छौं, जुन २ मिनेटमा तयार हुन्छ र यसमा अजिनोमोटो हुन्छ, जसले हाम्रो शरीरलाई बिस्तारै हानि पुर्याउँछ ।
यो केहि हदसम्म मानिसको लतको रूपमा विकास हुन्छ ! यो एक प्रकारको नशा जस्तो भएको छ; एकपटक तपाईंले अजिनोमोटो युक्त खाना खानुभयो भने, तपाईं यसलाई नियमित रूपमा खान चाहनु हुन्छ । यसको सेवनले शरीरमा इन्सुलिनको मात्रा बढाउँछ । जब तपाइँ एमएसजी युक्त उत्पादनहरू उपभोग गर्नुहुन्छ, रगतमा ग्लुटामेटको स्तर बढ्छ, जसले शरीरमा गम्भीर प्रभाव पार्न सक्छ ।
MSG लाई स्लो पोईजन को रूपमा पनि लिईएको छ । यसले आँखाको रेटिनालाई नोक्सान पुर्याउँछ र थाइराइड र क्यान्सर जस्ता रोगहरू निम्त्याउन सक्छ। अजिनोमोटो भएको खानेकुराको नियमित सेवनले टाउकोको एक छेउमा हल्का टाउको दुख्ने अर्थात माइग्रेन हुन सक्छ ।
MSG को अत्यधिक खपतले मानिसमा मोटोपनको खतरा निम्त्याउँछ। हाम्रो शरीरमा रहेको लेप्टिन हर्मोनले धेरै खानेकुरा रोक्न मस्तिष्कमा संकेत पठाउँछ। अजिनोमोटोको उपभोगले यसलाई असर गर्न सक्छ, जसले हामीलाई धेरै खाने र चाँडै मोटो हुन जान्छ। अजिनो युक्त खाना यसको स्वादको कारण मानिसले साविक खानाको तुलनामा केहि बढी नै खाने गर्दछन जसको कारण मोटोपनमा बृद्धी हुन्छ !
प्राय: सबैले अहिले फास्ट फूड खाने गर्दछन ! बर्गर, पिज्जा, मोमो, चाउमिन, चटपटे लगायत लगभग ९९% बाहिरी खानामा यसको प्रयोग गरिएको हुन्छ ! तसर्थ सावधान हुन जरूरी छ !
