Ezekiel Bijay Mhzn

Ezekiel Bijay Mhzn Live for Others and Others will live for you!!!!! Love Everyone Like God Loved to us.

21/12/2024

सोई सोई... Kirtipur church Youths!
Kirtipur Churches Pre Christmas Celebration!

21/12/2024

भजन ५३१ प्रेमको दिन यो खुसीको दिनको यो।
Churches Fellowship United Youth Ministries - UYM

शीर्षक: बाँदर र किसान"जब बाँदर र लंगुरले थाहा पाए कि मकैबारीबाट तिनलाई लखेट्ने किसान मरेका छन्, उनीहरूले खुसी मनाए।तर अर...
21/12/2024

शीर्षक: बाँदर र किसान
"जब बाँदर र लंगुरले थाहा पाए कि मकैबारीबाट तिनलाई लखेट्ने किसान मरेका छन्, उनीहरूले खुसी मनाए।

तर अर्को वर्ष, मकै नै उब्जेन। त्यसबेला मात्र उनीहरूले दुखद रुपमा बुझे कि जसलाई उनीहरूले आफ्नो दुश्मन सोचेका थिए, त्यही किसान त उनीहरूको खाना उब्जाउने व्यक्ति रहेछन्।

आज तपाईंको कामको महत्त्व धेरैले बुझ्न नसक्लान्, तर जब तपाईं हुनुहुन्न, तब तपाईंको महत्त्व बुझ्नेछन्!

शिक्षा: तपाईको क्षेत्रमा तपाईंले गर्ने योगदानले परिवर्तन ल्याइराख्नुहोस्!"

शीर्षक: १+१+१ जोड्दा ४ हुन्छ। कसरी?एउटा शिक्षकले ६ वर्षका बालकलाई गणित पढाउँदै सोधिन्,“यदि मैले तिमीलाई एउटा स्याउ, अर्...
21/12/2024

शीर्षक: १+१+१ जोड्दा ४ हुन्छ। कसरी?

एउटा शिक्षकले ६ वर्षका बालकलाई गणित पढाउँदै सोधिन्,
“यदि मैले तिमीलाई एउटा स्याउ, अर्को एउटा स्याउ, अनि फेरि अर्को एउटा स्याउ दिएँ भने, तिमीसँग कति स्याउ हुन्छन्?”

केही सेकेन्डपछि बालकले आत्मविश्वासका साथ उत्तर दियो, “चार!”

शिक्षकले सजिलै सही उत्तर (तीन) आशा गरेकी थिइन्।
उनलाई निराशा लाग्यो।
“सायद बालकले राम्ररी नसुनेको होला,” उनले सोचिन्।

शिक्षकले फेरि भनिन्, “अलिक ध्यान दिएर सुन है। यो निकै सजिलो छ।
यदि तिमीले ध्यान दिएर सुन्यौ भने तिमीले सही उत्तर दिन सक्छौ।
यदि मैले तिमीलाई एउटा स्याउ, अर्को एउटा स्याउ, अनि फेरि अर्को एउटा स्याउ दिएँ भने, तिमीसँग कति स्याउ हुन्छन्?”

बालकले शिक्षकको अनुहारमा निराशा देखिसकेको थियो।
उसले फेरि आफ्नो औँलामा गनेर हिसाब गर्‍यो।
तर भित्रभित्रै उसले शिक्षकलाई खुशी पार्ने उत्तर खोज्दै थियो।
यसपटक अलि हिच्किचाएर उसले भन्यो, “चार…”

शिक्षकको अनुहारमा अझै पनि निराशा थियो।
शिक्षकलाई याद आयो कि बालकलाई स्ट्रबेरी धेरै मन पर्छ।
शायद उसलाई स्याउ मन नपरेर ध्यान केन्द्रित गर्न नसकेको हो।

अब शिक्षकले उत्साहित भएर, आँखामा चमक देखाउँदै सोधिन्,
“यदि मैले तिमीलाई एउटा स्ट्रबेरी, अर्को एउटा स्ट्रबेरी, अनि फेरि अर्को एउटा स्ट्रबेरी दिएँ भने, तिमीसँग कति स्ट्रबेरी हुन्छन्?”

शिक्षकलाई खुशी देखेर बालकले फेरि आफ्नो औँलामा हिसाब गर्‍यो।
अब उसमाथि कुनै दबाब थिएन, तर शिक्षकमाथि अलि थियो।
शिक्षकले आफ्नो नयाँ तरिका सफल हुने अपेक्षा गरेकी थिइन्।

हिच्किचाएको मुस्कानका साथ बालकले उत्तर दियो, “तीन?”

शिक्षकको अनुहारमा अब उत्साहित मुस्कान थियो। उनको तरिका सफल भएको थियो।
उनले आफैंलाई बधाई दिन चाहन्थिन्।

तर अन्तिम कुरा बाँकी थियो।
उनले फेरि सोधिन्,
“अब भन, यदि मैले तिमीलाई एउटा स्याउ, अर्को एउटा स्याउ, अनि फेरि अर्को एउटा स्याउ दिएँ भने, तिमीसँग कति स्याउ हुन्छन्?”

झट्ट बालकले उत्तर दियो, “चार!”

शिक्षक छक्क परिन्।
“कसरी… भन त, कसरी?”
उनले अलि कठोर स्वरमा झर्को मान्दै सोधिन्।

बालकले कम स्वरमा हिच्किचाउँदै उत्तर दियो,
“किनकि मेरो झोलामा पहिले नै एउटा स्याउ छ।”

शिक्षा:
जब कसैले तपाईंसँग तपाईंकै अपेक्षा अनुसार फरक उत्तर दिन्छ, त्यो सधैं गलत भन्ने हुँदैन।

सायद त्यहाँ कुनै यस्तो कुरा छ, जुन हामीले बुझ्न नसकेको हुन सक्छ।
हामीले फरक दृष्टिकोणलाई बुझ्न र सम्मान गर्न सिक्नुपर्छ।

धेरैजसो, हामी आफ्ना विचार अरूमाथि थोपर्छौं र सोच्छौं कि गलत के भयो।

अर्को पटक, कसैले तपाईंसँग फरक दृष्टिकोण व्यक्त गर्दा, बस्नुस् र शान्त स्वरमा सोध्नुस्,
“के तपाईं मलाई बुझाउन सक्नुहुन्छ?”

यो लेख पढ्नुभएको लागि धन्यवाद!

शीर्षक: प्रभावकारी प्रचार ( चर्च हल Vs सिनेमा हल)एकजना प्रचारकले मण्डलीमा जति नै राम्रो शिक्षा दिए पनि विश्वासीहरूको जीव...
20/12/2024

शीर्षक: प्रभावकारी प्रचार ( चर्च हल Vs सिनेमा हल)

एकजना प्रचारकले मण्डलीमा जति नै राम्रो शिक्षा दिए पनि विश्वासीहरूको जीवनमा कति पनि काम भएनछ । यो देखेर उनी ज्यादै निराश भए । उनको मण्डलीको छेउमा सिनेमाघर थियो। सिनेमाघरमा मानिसहरू भीडका भीड सिनेमा हेर्न आएको देखेर उनको मनमा कुरा खेल्यो- 'मानिसहरू किन परमेश्वरको वचनप्रति रुचि नभएको तर काल्पनिक कथामा आधारित सिनेमा हेर्न भने मानिसहरू भीडका भीड आउँछन् ?'

एक दिन उनले सिनेमाको नायकसँग भेट्ने मौका पाएछन् र नायकलाई प्रचारकले सोधेछन्- "नायकज्यू ! तपाईंको सिनेमा हेर्न मानिसहरू भीडका भीड आउँछन् । तपाइँको सिनेमा काल्पनिक कथामा आधारित हो तर मैले बाइबलको सत्य वचन प्रचार गर्दा किन मानिसहरू मण्डलीमा नआएको होला ?"

यो सुनेर नायकले मुस्कुराउँदै भनेछ- "म सिनेमामा काल्पनिक कथालाई 'सत्य हो' जस्तै गरेर अभिनय गर्छु, तर तपाईं बाइबलको साँचो कुरालाई 'सत्य होइन' जस्तै गरेर डराउँदै प्रचार गर्नुहुन्छ । अनि मानिसहरूले कहाँबाट तपाईंको प्रचारलाई विश्वास गर्छन् त ?"

यदि कसैले बोल्छ भने परमेश्वरकै वाणीहरूझै गरी बोलोस् ...। (१ पत्रुस ४:११)

शीर्षक: दश गाउँको बलियो व्यक्तिगाउँमा एउटा गरिब र कमजोर केटो थियो । उसलाई गाउँका केटाहरूले हेला र गिल्ला गर्थे। एक दिन य...
20/12/2024

शीर्षक: दश गाउँको बलियो व्यक्ति

गाउँमा एउटा गरिब र कमजोर केटो थियो । उसलाई गाउँका केटाहरूले हेला र गिल्ला गर्थे। एक दिन यो केटोले भर्खर वियाएको गाईको लडिरहेको वाछोलाई उठाएर गोठमा पुऱ्याइदियो । अर्को दिन गोठमा गएर त्यो वाछोलाई आफ्नो पाखुरामा उठायो, सुम्सुमायो र प्यार पोखायो ।

यो काम केटोले दिनदिन गर्यो । थाहा नपाई बाछोको वजन विस्तारै वढिरहेको केटोलाई वास्तै भएन । त्यो बाछो निकै बढ्‌यो, तर यो केटोले प्रत्येक दिन नै उठाउन सक्यो । अब बाछा वलियो र ठूलो डालको भयो, तर यो केटो त्यस्तरी नै बलियो भयो । अन्तमा यो केटाले पूर्ण कदको गोरुलाई नै उचाल्न सक्नेभयो । त्यो केटो दशवटा गाउँहरूको सबैभन्दा बलियो व्यक्ति भयो ।

शीर्षक: बिस्तारै काम गर्दै जानुमा अर्थ छ । जीवनमा यो र त्यो गर्छु भन्नुभन्दा थाहै नदिई विशेष काममा एकोहोरो बढ्नुमा सफलता हुन्छ ।

शीर्षक: उपहारले बुबाको ठाउँ नलेओस्बुबा र सानो छोरा एकअर्कामा साह्रै मिल्थे । वुवा जता जान्थे, छोरो पनि जानुपर्थ्यो । जह...
19/12/2024

शीर्षक: उपहारले बुबाको ठाउँ नलेओस्

बुबा र सानो छोरा एकअर्कामा साह्रै मिल्थे । वुवा जता जान्थे, छोरो पनि जानुपर्थ्यो । जहिले पनि वुवाको काखमा छोरो आएर बस्थ्यो । एक दिन एउटा सानो कुकुरको बच्चा बुवाले सानो छोरालाई उपहार दिने उद्देश्यले ल्याइदियो । कुकुरको बच्चासँग वुवा र छोरा खेल्न र रमाइलो गर्न थाले । दिनहरू बित्दैगए। यो सानो छोरोको ध्यान अब आफ्नो जन्म दिने बुवामा होइन, तर सानो कुकुरको बच्चासँग वढी गाँसियो । आफ्नो बुबाको भन्दा छोरोले रातदिन कुकुरको बच्चाको स्याहार गर्न लाग्यो । उसको लागि आफ्ना बुवाको काखमा नजिकमा वस्ने समय हरायो ।

शिक्षा: उपहारले कतिचोटि हामीलाई आफ्नो स्वर्गीय पितावाट टाढा राख्न सक्छ। सचेत होऔँ।

शीर्षक: स्वैच्छिक कमाराअफ्रिकाको कुनै देशमा एकजना धनी मानिस कमारा किनबेच गर्ने बजारमा गयो । उसलाई कमारा किन्न परेको थियो...
19/12/2024

शीर्षक: स्वैच्छिक कमारा

अफ्रिकाको कुनै देशमा एकजना धनी मानिस कमारा किनबेच गर्ने बजारमा गयो । उसलाई कमारा किन्न परेको थियो । कमाराको बजारमा कमाराहरू साङ्लाले बाँधिएर राखिएका थिए । ती कमाराहरू अत्यन्तै दुःखित थिए, निराश थिए ।

त्यस धनी मानिसको नजर एउटा जवान, बलियो कमारामाथि पर्यो । कमारा किन्न आउने अरू मानिसहरूको पनि नजर त्यही बलियो कमारामाथि परेको थियो। त्यस जवान कमारालाई किन्न चाहने मानिसहरू धेरै भएकाले त्यसको दाम बढाबढ हुन थाल्यो। एउटाले भन्यो- 'म यस कमाराका लागि पचास डलर लगाउँछु।' अर्कोले दाम बढाएर भन्यो- 'म यसका लागि सय डलर लगाउँछु ।' अन्त्यमा उक्त धनी मानिसले त्यस जवान कमाराका लागि तीन सय डलर दाम लगाउन राजी भयो । त्यतिका दाम लगाउने मानिस अरू नभएकाले त्यो कमारो उक्त धनी मानिसको भयो ।

धनी मानिसले त्यस जवान कमारालाई लिएर बजारबाहिर लग्यो । उसको सबै साङ्लालाई खोलिदियो र भन्यो- "जवान मानिस ! मैले तिमीलाई धेरै दाम लगाएर किनेको हुँ । म अब चाहन्छु तिमी स्वतन्त्र होऊ । अबदेखि उसो तिमी कसैको कमारा हुनुपर्दैन !"

यो देखेर जवान कमारो मानिस साहै अचम्म मान्यो । उसले त सोचिरहेको थियो कि यस धनी मानिसले मलाई महँगो दाम लगाएर किन्यो र अब मलाई झनै चर्को काममा लगाउँछ। तर उसले सोचेजस्तो भन्दा ठीक उल्टो भयो । त्यसपछि त्यो कमारो बडो धन्यवादी हुँदै त्यस

धनी मानिसको पाउमा पर्यो र भन्यो- "मलाई तपाईंले महँगो दाम हालेर किन्नुभयो र स्वतन्त्र पार्नुभयो । मेरो अनुरोधलाई अब हजुरले अस्वीकार नगरिदिनुहोला । अब म मेरो आफ्नो स्वेच्छाले तपाईंको कमारो हुनेछु । तपाईंको सेवा गर्नेछु । तपाईंले मलाई ठूलो दाम हालेको कारणले होइन, म कुनै करमा परेर पनि होइन तर म अब तपाईंको भलाइलाई सम्झेर तपाईंको जीवनभर सेवा गर्नेछु ।"

त्यसपछि त्यो जवान कमारो मानिस त्यो धनी दयालु मानिसको जीवनभर कमारो भयो ।

त्यसरी नै हामीहरूलाई पनि प्रभु येशूले आफ्नो बहुमूल्य रगतको दाम तिरेर पापको कमारोपनबाट स्वतन्त्र पार्नुभएको छ ।

तर परमेश्वरलाई धन्यवाद होस् ! तिमीहरू पापका दास थियौ तर पापबाट छुटकारा पाएर तिमीहरू धार्मिकताका दास भएका छौ । (रोमी ६:१७-१८)

तिमीहरू दाम तिरेर किनिएका हौ । यसकारण आफ्नो शरीर र आफ्नो आत्यामा परमेश्वरको महिमा गर, जो परमेश्वरका हुन् । (रोमी ६:२०)

यसकारण भाइहरू हो । परमेश्वरका कृपाहरूद्वारा म तिमीहरूलाई बिन्ती गर्दछुः आफ्ना शरीरहरूलाई तिमीहरूले पवित्र, परमेश्वर लाई मनपर्ने, जिउँदो बलिदानको रूपमा चढाइदेओः यही तिमीहरूको उचित सेवा हो । (रोमी १२:१)

शीर्षक: मृत्युको मुखमा पनि सुसमाचार प्रचार ( टाइटनिक जहाज)१० अप्रिल १९१२ मा टाइटनिक जहाज १०० माइलको रफ्‌तारमा समुद्रमाथि...
19/12/2024

शीर्षक: मृत्युको मुखमा पनि सुसमाचार प्रचार ( टाइटनिक जहाज)

१० अप्रिल १९१२ मा टाइटनिक जहाज १०० माइलको रफ्‌तारमा समुद्रमाथि कुदिरहेको थियो । अँध्यारो रातमा टाइटनिक जहाज हिउँको पहाडमा ठोक्किन कुदिरहेको छ भन्ने कुरा जहाजका कप्तान एडवार्ड स्मिथलाई पत्तो नै थिएन । अचानक जहाज हिउँको पहाडमा ठोक्कियो। ठोक्किनुभन्दा केही समयअघि जहाजका कप्तानले थाहा पाए पनि उनले जहाजलाई मोड्न सकेनन्।

भयङ्कर कम्पनपछि जहाज लगातार चिरिँदै गयो । मानिसहरू अत्तालिंदै जहाजको कौसीमा आए र हिउँको राससँग जहाज ठोक्किएको देखे । मानिसहरू जीवन-नौकामा आफ्नो ज्यान बचाउन तँछाडमछाड गर्दै चढ्न लागे । दुःखको कुरा जीवन-नौकाहरू पचासको ठाउँमा बीसवटा मात्र राखिएको रहेछ । सबैजना जीवन-नौकामा नअटाउने भए।

त्यसै जहाजमा एकजना क्रिस्चियन पादरी पनि रहेछन् । उनले जीवन- नौकामा महिला र केटाकेटीहरूलाई पहिलो प्राथमिकता दिनुपर्नेमा जोड गरे। अनि उनले चिच्याईचिच्याई 'प्रभु येशू खिष्टमाथि विश्वास गर्नुहोस्' भनी सुसमाचार प्रचार गरे । धेरैले त्यस घडी प्रभु येशूलाई विश्वास गरी मुक्ति पाए । जहाजमा साङ्गीतिक टोलीहरूले भजन गाउँदै थिएः

प्रभुको छेउमा आउँदै छु, छेवैमा आउँदै छु क्रूसमा भई तयार पारिएको मेरो गीत प्रभुको छेवमा आउँदै छु, छेवैमा आउँदै छु ।

उक्त दुर्घटनामा ७६० जना महिला तथा बालबालिका बाँचे भने १,५१७ को मृत्यु भएको थियो ।

किनकि म खिष्टको सुसमाचारदेखि लजाउँदिनँ, किनकि विश्वास गर्ने हरेकका लागि..... मुक्तिका निम्ति यो परमेश्वरको सामर्थ्य हो । (रोमी १:१६)

शीर्षक: समय छदै सुसमाछछार प्रचार गरौँकलेजको होस्टेलमा बस्ने एकजना विश्वासी भाइलाई कसैले त्यस होस्टलमा बस्ने एउटा अपाङ्ग ...
19/12/2024

शीर्षक: समय छदै सुसमाछछार प्रचार गरौँ

कलेजको होस्टेलमा बस्ने एकजना विश्वासी भाइलाई कसैले त्यस होस्टलमा बस्ने एउटा अपाङ्ग भाइलाई प्रभुको सुसमाचार सुनाउन भन्यो। त्यो अपाङ्ग ठीकसँग हिँड्न सक्तैनथ्यो ।

भोलिपल्ट त्यो अपाङ्ग केटो खेल मैदानमा भेटियो। अरूले खेलेको हेरेर ऊ थपडी मार्दै खुसी मनाइरहेको थियो । यो देखेर विश्वासी भाइले मनमनै भन्यो- "हेर त ! त्यो केटो कति खुसी छ ! उसलाई पछि कुनै दिन सुसमाचार सुनाउनेछु ।"

कैयौं दिन बिते तर विश्वासी भाइले त्यस अपाङ्ग केटालाई यो वा त्यो कारण देखेर सुसमाचार सुनाउन सकेन ।

एक दिन कलेजमा होहल्ला भयो । के रहेछ भनेर सबैजना त्यो होहल्ला भएको ठाउँमा गए। ती विश्वासी भाइ पनि त्यहाँ गए । त्यहाँ त त्यस अपाङ्ग केटाले आत्महत्या पो गरेको रहेछ !

यो देखेर तत्कालै विश्वासी भाइले सुसमाचार सुनाउन नसकेकामा आँसु बगाउँदै प्रभुसँग क्षमा माग्यो ।

किनकि मैले सुसमाचार प्रचार गरें भने पनि मसित गर्व गर्नुपर्ने कुरा केही छैन, किनकि यो त मैले नगरी नहुने हो, अँ, मैले सुसमाचार प्रचार गरिनँ भनेचाहिँ मलाई धिक्कार छ ! (१ कोरिन्थी ९:१६) मृत्युतिर लगिएकाहरूलाई बचाऊ, र मार्नका निम्ति लगिएकाहरूलाई रोक ! (हितोपदेश २४:११)

शीर्षक: नक्कली आँखामा नक्कली प्रेमअमेरिकाको एकजना धनी मानिसको एउटा आँखो केही कारणले फुटेछ । पछि उसले धेरै रुपियाँ खर्च ग...
19/12/2024

शीर्षक: नक्कली आँखामा नक्कली प्रेम

अमेरिकाको एकजना धनी मानिसको एउटा आँखो केही कारणले फुटेछ । पछि उसले धेरै रुपियाँ खर्च गरेर फुटेको आँखाको ठाउँमा सिसाको आँखो लगाएछ । सिसाको आँखो यति वास्तविक देखिन्थ्यो कि कसैले पनि उक्त आँखो सिसाको कृत्रिम हो भनेर छुट्टयाउन सक्तैनथ्यो । एकचोटि उसले एउटा सानो नानीलाई बोलाएर सोधेछ- "नानी यी मेरा दुई आँखाहरूमध्ये कुनचाहिँ सिसाको कृत्रिम आँखा हो ? लौ चिन त ।"

त्यो सानो नानीले दुवै आँखालाई केहीछिनसम्म नियालेर हेर्दै भनेछ- "योचाहिँ सिसाको आँखो हो ।"

वास्तवमा त्यस नानीले देखाएको आँखो नै कृत्रिम आँखो थियो। यो सुनेर त्यस धनी मानिसले सानो नानीलाई अचम्म मान्दै सोधेछ- "तिमीले कसरी थाहा पायौ कि यही आँखो कृत्रिम हो भनेर ।"

नानीले जवाफ दिएछ- "किनभने यो सिसाको आँखो चम्किरहेको मात्र छ तर त्यसमा मैले प्रेम देखिनँ।"

जसले प्रेम गर्दैन, त्यसले परमेश्वरलाई चिन्दैन, किनकि परमेश्वर प्रेम हुनुहुन्छ । (१ यूहन्ना ४:८)

शीर्षक: दशांश दिने फरक तरिकातीनजना पास्टरहरू एक ठाउँमा भेला भएछन् र दशांशको विषयमा बातचित गर्न थालेछन् ।पहिलो पास्टरले भ...
19/12/2024

शीर्षक: दशांश दिने फरक तरिका

तीनजना पास्टरहरू एक ठाउँमा भेला भएछन् र दशांशको विषयमा बातचित गर्न थालेछन् ।

पहिलो पास्टरले भनेछन्- "म प्रभुलाई पुरा दशांश दिन्छु ।" बाँकी दुई पास्टरले एकै स्वरमा सोधेछन् - "कसरी ?"

पहिला पास्टरले भनेछन्- "म प्रभुलाई दशांश दिनुअघि भुइँमा एउटा गोलो घेरा बनाउँछु । अनि मेरो हातमा सबै कमाइ राखेर भुइँतिर फ्याँक्छु । जति रुपियाँ भुइँको गोलो घेराभित्र पर्छ, सबै म प्रभुलाई दिन्छु । बाहिर परेको म राख्छु ।"

दोस्रो पास्टरले पनि भने- "म पनि प्रभुलाई दशांश दिन्छु ।" "कसरी ?" बाँकी दुई पास्टरले सोधे ।

दोस्रा पास्टरले उत्साहित हुँदै भने- "म पनि प्रभुलाई दशांश दिनुअघि भुइँमा गोलो घेरा कोर्छु । अनि मेरो कमाइजति भुइँमा फ्याँक्छु । जति रुपियाँ गोलो घेरादेखि बाहिर पर्छ, त्यो सबै प्रभुलाई दिन्छु। गोलो घेराभित्र परेको म राख्छु ।"

तेस्रा पास्टरको पालो आयो। तर तेस्रा पास्टर अति नै लोभी रहेछन् र कहिल्यै पनि प्रभुलाई दशांश दिँदैन रहेछन् । तेस्रा पास्टरले चाहिँ बनावटी कुरा गर्दै भने- “म पनि प्रभुलाई दशांश दिन्छु ।"

"कसरी-कसरी ?" बाँकी दुई पास्टरहरू झनै उत्सुक हुँदै सोधेछन् ।

तेस्रा पास्टरले भनेछन्- "मचाहिँ प्रभुलाई दशांश दिनुअघि मेरो हातमा सबै पैसा राब्छ र प्रार्थना गरेर भन्छु 'हे प्रभु ! तपाईंलाई जति पैसा चाहिन्छ लानुहोस्' भनेर आकाशतिर फ्याँक्छु । प्रभुले जति लिनुहुन्छ, लिनुहुन्छ । नलिनुभएको पैसा भुइँमा झर्छ, भुइँमा झरेको रुपियाँचाहिँ म आफै राख्छु ।"

शीर्षक: दुबै छोराको सिकाइ फरक-फरकएउटा मानिस अति नै दुष्ट थियो । ऊ जहिले पनि जाँड पिएर घरमा झगडा गर्दथ्यो । घरमा मात्र हो...
19/12/2024

शीर्षक: दुबै छोराको सिकाइ फरक-फरक

एउटा मानिस अति नै दुष्ट थियो । ऊ जहिले पनि जाँड पिएर घरमा झगडा गर्दथ्यो । घरमा मात्र होइन, छरछिमेकमा पनि अशान्ति गराउँथ्यो ।

त्यस दुष्ट मानिसका दुई छोराहरू थिए। पछि गएर जेठो छोरो यति बदमास भयो कि उसले बदमासी काम गर्नमा उसको बुवालाई पनि उछिन्यो । जेठो छोराले स्कूल पढ्दापढ्‌दै बद्मासी गर्न सुरु गरिसकेको थियो। धेरै अपराध गरेर ऊ धेरैचोटि जेल पनि गयो। उसको जीवन वर्वाद भयो ।

तर त्यस दुष्ट मानिसको कान्छो छोरो भने ज्ञानी भयो । स्कूलदेखि नै राम्रो पढ्दै गयो। कलेजको पढाइ पुरा गरेर ऊ देशको उच्च ओहोदाको कर्मचारी बन्यो । सबैको प्रशंसाको पात्र बन्यो ।

पछि ती दुई भाइ वृद्ध भए। अनि कुनै पत्रकारले ती दुई भाइलाई पालैपालो सोधे- तपाईंहरूको यस्तो जीवन हुनुमा कसको हात थियो ?

जेठोचाहिँको यस्तो जवाफ थियो मेरो बुबा जँड्याहा थियो । दुष्ट काम गर्दथ्यो । मैले सानैदेखि मेरो बुबाको आनीबानी सिकें अनि म बिग्रिएँ। म बिग्रनमा मेरा बुबाको हात छ ।

तर कान्छाको जवाफ चाहिँ यस्तो थियो मेरा बुबा जँड्‌याहा हुनुहुन्थ्यो । गाउँघरमा झगडा गरेर अशान्ति मच्चाउनुहुन्थ्यो । यो देखेर जाँड-रक्सी खानुहुँदैन रहेछ, झगडा गर्नुहुँदैन रहेछ, पढेर ठूलो मान्छे हुनुपर्छ भन्ने मैले ज्ञान पाएँ र अहिले म यस अवस्थामा छु। यो सबै हुनुमा मेरा बुबाको हात छ ।

तर तिमीहरूले खीष्टलाई यसरी सिकेका छैनौ, येशूमा भएको सत्यताअनुसार यदि तिमीहरूले साँच्चि नै उहाँका सुनेका छौ र उहाँद्वारा सिकाइएका छौ भने (एफिसी ४:२०-२१)

शीर्षक: माछा मार्ने र उनको छोराको कथाएउटा सानो छोराले आफ्ना माछा मार्ने बाबुलाई सोध्यो,"बाबा, आफ्ना लक्ष्य र सपना अरूलाई...
19/12/2024

शीर्षक: माछा मार्ने र उनको छोराको कथा

एउटा सानो छोराले आफ्ना माछा मार्ने बाबुलाई सोध्यो,
"बाबा, आफ्ना लक्ष्य र सपना अरूलाई भन्नु ठीक हो कि होइन?"

माछा मार्ने बाबु केहीबेर मौन भए, अनि सोधे,
"तिमीलाई यो किन जान्न चाहिएको हो?"

छोराले जवाफ दियो,
"हो नि, बाबा, मेरा धेरै ठूलो सपना छन्, साँच्चै ठूलो! म आफ्नो पुस्तामा र जीवनका हरेक क्षेत्रमा प्रभाव पार्न चाहन्छु। तर, मलाई थाहा छैन, यी सपना अरूलाई भन्नु पर्छ कि पर्दैन।"

माछा मार्ने बाबु मुस्कुराए र भने,
"थाहा छ, अहिले नदीमा माछा मार्न जाऊँ। अनि, हामी यो कुराकानी त्यहीँ जारी राखौँ, ठीक छ?"

त्यसपछि, बाबु र छोरा माछा मार्ने सामग्री लिएर नदीमा गए। नदीमा उनीहरूले काँटीमा चारा राखे र माछा समात्न काँटी फ्याँके।

केही घण्टापछि, उनीहरूले धेरै माछा समातिसकेका थिए, र उनीहरूको टोकरी लगभग भरिएको थियो। त्यसपछि माछा मार्ने बाबुले टोकरी देखाउँदै छोरालाई भने,
"यी सबै माछा टोकरीमा हेर। यी काँटीले समातिएका छन्, र अब यी माछाको भाग्य नदीमा भएका माछाहरूभन्दा फरक छ। यी माछाहरूले आफ्नो जीवनका सबै कुरा गुमाइसकेका छन्; परिवार, साथीभाइ र घर। दुर्भाग्यवश, अब तिनीहरू दुःख भोग्नुपर्नेछ र दर्दनाक तरिकाले मारिनेछन्। केही त फ्राई गरिनेछन्, केही बेक गरिनेछन्, केही बार्बेक्यु गरिनेछन्, केही ग्रिल गरिनेछन्, केही भापमा पकाइनेछन्। के तिमीलाई थाहा छ, यी माछाहरूलाई यस्तो दुर्भाग्य किन सहनु परेको हो?"

छोराले एकछिन सोच्यो र भने,
"मलाई थाहा छैन, बाबा। मलाई बताउनुस्।"

माछा मार्ने बाबुले लामो सास फेरिदिए र भने,
"यो तिनीहरूले आफ्नो मुख बन्द गर्न नसक्दा हो। भनिन्छ, जस माछाको मुख बन्द हुन्छ, त्यसलाई काँटीले कहिल्यै समात्दैन। त्यो कहिल्यै शिकार बन्दैन।"

त्यसपछि, माछा मार्ने बाबुले छोराको काँधमा हात राखे, मुस्कुराएर भने,
"छोरा, यही कुरा जीवनमा पनि हुन्छ। धेरै मानिसहरू असफल भए र जीवनमा कमाएको सबै कुरा गुमाए, किनभने उनीहरूले आफ्नो मुख धेरै फुकालेर आफ्ना सपना र योजना अरूलाई बताए।
तिमीले आफ्ना लक्ष्य र योजना गोप्य राख्नुपर्ने मुख्य कारण यो हो कि धेरै मानिसहरूले तिमीलाई सफल भएको देख्न चाहँदैनन्। आफ्ना योजनाहरू अरूको ईर्ष्या र तोडफोडबाट बचाउन आफ्नो मुख बन्द गर्नु नै बुद्धिमानी हो।
आफ्ना सपना तबसम्म सुनाउनु हुँदैन, जबसम्म तिनीहरू पूरा हुने नजिक नपुग्दैनन्। धेरै मानिसहरू तिमीलाई असफल बनाउन आफ्नो शक्ति प्रयोग गर्नेछन्।
जसले आफ्नो मुख बन्द गर्छ, उसले कहिल्यै समस्यामा पर्दैन।
आफ्ना ठूल्ठूला कदमहरू गोप्य राख। शान्तिमा अघि बढ। काम गर, अनि नतिजाले सबैलाई चकित बनाउ।"

Newa Isai Bhajan Pucha! & Kingdom FM!
19/12/2024

Newa Isai Bhajan Pucha!
& Kingdom FM!

शीर्षक: डुङ्गामा प्वालएक जना मानिसलाई डुङ्गा रङ गर्न भनियो। उसले आफ्नो रंग र ब्रश ल्यायो र डुङ्गालाई चम्किलो रातो रङ गर...
19/12/2024

शीर्षक: डुङ्गामा प्वाल

एक जना मानिसलाई डुङ्गा रङ गर्न भनियो। उसले आफ्नो रंग र ब्रश ल्यायो र डुङ्गालाई चम्किलो रातो रङ गर्न थाल्यो, जसरी मालिकले उसलाई सोध्यो।
रङ्ग गर्दै गर्दा, उसले डुङ्गामा एउटा सानो प्वाल देख्यो र चुपचाप ठीक गर्यो।
जब उसले रङ्ग लगाउन सके, उसले आफ्नो पैसा लिए र छोड्यो।
भोलिपल्ट, डुङ्गाको मालिकले चित्रकारलाई भेटे र उसलाई ठूलो चेक दिए, चित्रको लागि शुल्क भन्दा धेरै।
चित्रकार छक्क पर्यो र भन्यो, "तपाईले मलाई डुङ्गाको रङ्ग लगाउनको लागि पहिले नै पैसा दिनुभयो, सर!
“तर यो रङ्ग कामको लागि होइन। यो डुङ्गाको प्वाल मर्मत गर्नको लागि हो।"
“ए! तर यो यति सानो सेवा थियो ... पक्कै पनि यो धेरै महत्त्वपूर्ण कुराको लागि मलाई यति ठूलो रकम तिर्न लायक छैन।
"मेरो प्यारो साथी, तिमीले बुझेनौ। मलाई के भयो भनौं:
“जब मैले तिमीलाई डुङ्गा रङ गर्न भनें, मैले प्वाल उल्लेख गर्न बिर्सें।
“जब डुङ्गा सुक्यो, मेरा बच्चाहरू डुङ्गा लिएर माछा मार्ने समुन्द्रमा गए।
"उनीहरूलाई थाहा थिएन कि त्यहाँ प्वाल छ। त्यो बेला म घरमा थिइनँ ।
"जब म फर्केर आएँ र उनीहरूले डुङ्गा लिएर गएको देखे, म हताश भएँ किनभने मैले डुङ्गामा प्वाल भएको याद गरेँ।
“उनीहरूलाई माछा मारेर फर्केको देख्दा मेरो राहत र आनन्दको कल्पना गरे।
“त्यसपछि, मैले डुङ्गाको जाँच गरेँ र तिमीले प्वाल मर्मत गर्नुभएको थाहा पाएँ!
"तिमीले हेर, अब के गर्यौँ? तिमीले मेरा बच्चाहरूको जीवन बचाउनुभयो! मसँग तिम्रो 'सानो' राम्रो काम तिर्न पर्याप्त पैसा छैन।
त्यसोभए कसले, कहिले, वा कसरी, मद्दत गर्न जारी राख्नुहुन्छ, टिकाउनुहुन्छ, आँसु पुछ्नुहोस्, ध्यानपूर्वक सुन्नुहोस्, र तपाईंले फेला पार्नुहुने सबै 'लीकहरू' सावधानीपूर्वक मर्मत गर्नुहोस्। कसैलाई हामीलाई कहिले चाहिन्छ, वा कसैको लागि सहयोगी र महत्त्वपूर्ण हुनको लागि परमेश्वरले हाम्रो लागि सुखद आश्चर्य राख्नुहुन्छ भनेर तपाईंलाई थाहा हुँदैन।
बाटोमा, तपाईंले कति जीवन बचाउनु भएको महसुस नगरी धेरै व्यक्तिहरूको लागि धेरै 'डुङ्गा प्वालहरू' मर्मत गर्नुभएको हुन सक्छ।
फरक पार्नुहोस्...तपाई सबै भन्दा राम्रो बन्नुहोस्...

शीर्षक: धन, सफलता र प्रेम"एकपटक एउटा गाउँमा एउटी महिलाले तीनजना बुढाहरूलाई आफ्नो घरबाहिर बसिरहेको देखे। तिनीहरू त्यहाँ ...
18/12/2024

शीर्षक: धन, सफलता र प्रेम

"एकपटक एउटा गाउँमा एउटी महिलाले तीनजना बुढाहरूलाई आफ्नो घरबाहिर बसिरहेको देखे। तिनीहरू त्यहाँ धेरै बेर बसिरहेका थिए।

महिला बाहिर गएर भनिन्,
‘तिमीलाई चिन्दिन तर मैले देखेँ तिमी यहाँ धेरै बेर बसिरहेकी छौ, भोक लागेको हुनुपर्छ । कृपया भित्र आउनुहोस् र केहि खानुहोस्।'

ती मध्ये एक जनाले सोधे,
'घरमा तपाईको श्रीमान छ ?'

उनले जवाफ दिइन्, 'हुनुहुन्न।'

'त्यसो भए हामी भित्र आउन सक्दैनौं।', उनीहरूले भने।

महिला भित्र पसिन् । साँझ उनको श्रीमान् आएपछि उनले बाहिर बसेका मानिसहरू र के भएको थियो भन्ने कुरा सुनाइन्।

उसले आफ्नी पत्नीलाई गएर ती मानिसहरूलाई भित्र आउन र केही खानेकुरा खान भन्यो।

उनी बाहिर गइन् र उनीहरूलाई भनिन्,
'मेरो श्रीमान घरमा हुनुहुन्छ। उहाँले सबैलाई बोलाउदै हुनुहुन्छ। कृपया भित्र आउनुहोस् र हामीसँग केही खाना खानुहोस्।'

तिनीहरूले जवाफ दिए,
'हामी सँगै घरभित्र जानसक्दैनौं।'

जब उनले किन सोधिन्, एक जना बूढाले भने,
उसले आफ्नो एक साथीलाई संकेत गर्दै भन्यो:
'उसको नाम धन हो।
यदि ऊ तिमीसँग गयो भने तिम्रो घर सधैं धन-सम्पत्तिले भरिनेछ।'

त्यसपछि अर्को बूढो मानिसलाई देखाउँदै उसले भन्यो:
'उनी सफलता हुन्।
यदि उहाँ तपाईंसँग जानुहुन्छ भने, तपाईंले सुरु गरेको कुनै पनि प्रयासमा सधैं सफल हुनुहुनेछ।'

त्यसपछि उनले आफूलाई प्रेम भनेर चिनाइन् ।
'म तिम्रो साथमा गएँ भने तिम्रो घर सधै मायाले भरिनेछ।'

त्यसपछि उनले उनलाई भित्र गएर आफ्नो श्रीमानसँग छलफल गर्न भने कि उनीहरू मध्ये कुनचाहिँ घरमा चाहन्छन्।

उनका श्रीमान् यो कुरा सुनेर खुसी भए र भने,
'धनलाई निम्तो गरौं।
उहाँ आएर हाम्रो घर धन-सम्पत्तिले भरिदिनुहोस्।'

उनकी श्रीमतीले असहमत भइन् र भनिन्, 'हामीले सफलतालाई किन निम्तो दिँदैनौं?'

बुहारीले यो कुरा सुनिरहेकी थिइन् ।
उनी उनीहरूकहाँ आएर सुझाव दिइन्,
‘हाम्रो घरमा प्रेमलाई निम्तो दिँदा राम्रो हुँदैन र ?
तब हाम्रो घर सधैंभरि प्रेमले भरिनेछ।'

श्रीमान श्रीमती सहमत भए ।

महिला फेरि बाहिर गइन् र भनिन्,
'तिमीहरू मध्ये को प्रेम हो ? कृपया भित्र आउनुहोस् र हाम्रो अतिथि बन्नुहोस्।'

प्रेम उठेर घर तिर हिड्न थाल्यो । त्यतिकैमा अरु दुई जना पनि उठेर उनको पछि लागे ।

महिलाले सोधिन्,
‘तिमीले भनेका थियौ कि सबै सँगै आउन सक्दैन ।
मैले प्रेमलाई मात्र निम्तो दिएँ।
तिमीहरू सबै किन आउँदैछौ?'

बुढाले जवाफ दिए,
'धन वा सफलतालाई निम्तो दिएको भए अरु दुई जना बाहिरै बस्ने भए, तर प्रेमलाई निम्तो दिनुभएकोले उहाँ जहाँ जानुहुन्छ, हामी उहाँसँग जान्छौं।'

जहाँ प्रेम छ, त्यहाँ धन र सफलता पछ्याउँछ।"

Address

Kirtipur

Website

Alerts

Be the first to know and let us send you an email when Ezekiel Bijay Mhzn posts news and promotions. Your email address will not be used for any other purpose, and you can unsubscribe at any time.

Videos

सोई सोई... Kirtipur church Youths! Kirtipur Churches Pre Christmas Celebration! @Armiya @Ashma @Sushila

भजन ५३१ प्रेमको दिन यो खुसीको दिनको यो। @Kirtipur Churches Fellowship United Youth Ministries - UYM

Johny johny ... liyana! अब भयो

ख्वाङ्गु ख्वाङ्गु फसे लुमगु....
ख्वाङ्गु ख्वाङ्गु फसे लुमगु....

क्यारोल- चिसो चिसो हावामा न्यानो माया है बोकेर- नेवा भाषामा... किर्तिपुर

Experience Sharing - Nagarkot Retreat! Ps Ganeshman Maharjan & Ps Moses Shrestha - Ps Sushil

Enjoying

Liyana's PT.

Sanju Preaching!

Johny Johny..... #liyana

एक जना व्यक्ति पहिलोपटक सपरिवार एउटा चर्चको आराधना सेवामा गयो। अन्जानमा उसले मोबाइललाई फ्लाइट मोडमा राख्न बिर्सेछ। प्रवचन भइरहेको समयमा उसको मोबाइलको रिङ्टोन पूरा आवाजमा घन्कियो, "माइ नेम इज शिला, शिला कि जवानी!" प्रवचन बोलिरहेका पास्टरले उनलाई प्रवचन विचैमा रोकेर बेस्सरी झपारे। सेवा सकेपछि अन्य बिश्वासीहरूले पनि लेक्चर दिए। घर जाँदै गर्दा उसको श्रीमतीले पनि सातो खाए। छोराछोरीहरूले आँखा तरेर हेर्न थाले। उसको अनुहारमा आत्मग्लानी, शर्म र अपमानको भाव प्रष्टै झल्कन्थ्यो। त्यसदिनदेखि ऊ चर्च जानै छोड्यो। त्यसै साँझ ऊ एउटा डान्स बारभित्र गयो। ऊ बिहानको घटनाले अझै पनि तनावग्रस्त थियो। त्यहाँ पनि अन्जानमै उसको हातबाट गिलास खसेर फुट्यो र भुइँभरि व्हिस्की पोखियो र काँचका टुक्राहरू छरियो। त्यो सफा गर्नैलाग्दा उसको हातमा चोट लाग्यो। तर तुरुन्तै एउट

सान्तवना संगति

Shortcuts

Share

Category