Khandbari Fm 105.8 Mhz Sankhuwa Sabha, Khandbari-1 dursanchar tole Sankhuwa Sabha, Khandbari (2025)

Q: What is the address?

Khandbari-1 Dursanchar Tole Sankhuwa Sabha

20/12/2024

संखुवासभा पौष ५

जिल्लाको पहिलो रेडियो सामुदायिक रेडियो खाँदबारी एफएम संचालक समितिका सदस्य चित्ररेखा अधिकारी बरुण बहुमुखि क्याम्पसको प्रमुखका रुपमा नियुक्त हुनुभएको छ ।

पौष ४ गते बसेको बरुण बहुमुखि क्याम्पस ब्यवस्थापन समितिको निर्णयबाट वहाँ क्याम्पस प्रमुखका रुपमा नियुक्त हुनुभएको क्याम्पस प्रशासनले जनाएको छ । खाँदबारी एफएममा बिगत १७ बर्षदेखि निरन्तर संचालक समितिको सदस्यका रुपमा रही संचार क्षेत्रका बिकासमा क्रियाशिल रहनुभएका अधिकारी लामोसमय देखि बरुण बहुमुखी क्याम्पसको प्राध्यापक, सहायक क्याम्पस प्रमुखका रुपमा जिम्मेवारीमा रहनुभएको थियो ।

वहाँको यो नियुक्ति संगै जिल्लाको पहिलो महिला क्याम्पस प्रमुखको रुपमा अधिकारीले क्याम्पसको कार्यकारी अधिकार प्राप्त गर्नूभएको हो । आफुलाई जिल्लाकै प्रतिष्ठित क्याम्पसको प्रमुखका रुपमा जिम्मेवारी दिएकोमा ब्यवस्थापन समिति लगायत सिंगो क्याम्पस परिवारलाई अधिकारीले धन्यबाद ज्ञापन गर्नूभएको छ । बिहिबार एक कार्यक्रमका बिच बरुण बहुमुखी क्याम्पसका ब्यवस्थापन समिति अध्यक्ष दीर्घध्वज चापागाईंले अधिकारीलाई शुभकामना सहित क्याम्पस प्रमुखमा नियुक्त गर्नूभएको हो ।

आफ्नो कार्यकाललाई स्वर्णिम बनाउन क्याम्पसको शैक्षिक उन्नयनमा आफुले सकेसम्मको योगदान दिने नवनियुक्त क्याम्पस प्रमुख चित्ररेखा अधिकारीले प्रतिवद्धता जनाउनुभएको छ ।

20/12/2024

खाँदबारी हालखबर
२०८१ पौष ५ गते शुक्रबार

20/12/2024

सामुदायिक रेडियो खाँदबारी एफएमका संचालक समिति सदस्य चित्ररेखा अधिकारी ज्यु जिल्लाकै प्रतिष्ठित बरुण बहुमुखी क्याम्पसकाे प्रमुखको रुपमा नियुक्त हुन सफल हुनुभएकाेमा वहाँकाे सफल कार्यकालकाे शुभकामना ब्यक्त गर्दछौ ।

19/12/2024

खाँदबारी हालखबर
२०८१ पौष ४ गते बिहिबार

18/12/2024

बरिष्ठ साहित्यकार तथा बरुण बहुमुखी क्याम्पसका पुर्व क्याम्पस प्रमुख उपेन्द्र कोरंङ्गी दाजु गुरुङ्गद्वारा लिखित निरजोया उपन्यासको आज परिचर्चा कार्यक्रम सम्पन्न भएको छ ।
मकालु साहित्यिक समाज संखुवासभाको संयोजना तथा बरुण बहुमुखी क्याम्पस संखुवासभाको आयोजनामा भएको कार्यmक्रमको अध्यक्षता बरुण बहुमुखी क्याम्पसका प्रमुख चित्ररेखा कार्की अधिकारी रहनुभएको थियो भने कार्यक्रमको प्रमुख आतिथ्यता खाँदबारी नगरपालिकाका प्रमुख महेश थपलियाले गर्नूभएको थियो ।
कार्यक्रममा दाजु गुरुङ्गद्वारा लिखित निरजोयाको साहित्यकार कृष्ण चापागाईं, लक्ष्मी ढुंगाना, तारा बहादुर बुढाथोकीले समालोचना गर्नूभएको थियो । कार्यक्रममा लेखक तथा साहित्यकार उपेन्द्र कोरंगीं दाजु गुरुङ्गले प्रवासमा रहँदा नेपालीहरुले भोग्नपरेका कथा ब्यथा र मायाँ प्रेमका कुरा जस्ताको तस्तै चित्रण गर्न खोज्नुभएको समालोचकहरुले टिप्पणी गरेका ििथए । कार्यक्रममा मकालु साहित्यसमाजका अध्यक्ष ताराबहादुर बुढाथोकीले घर्कँदो उमेरका बिच दाजु गुरुङ्गले देखाउनुभएको साहित्यिक रुचि र लेखकले उजागर गर्न खोज्नुभएको लेखकिय गुण अद्भुत र नेपाली जनजिवनको अनुकरणीय चित्रण भएको बताउनु भएको थियो । कार्यक्रममा आफ्नो भनाई राख्नुहुँदै खाँदबारी नगरपालिकाका प्रमुख तथा प्रमुुख अतिथी महेश थपलियाले दाजु गुरुङ्गको निरजोया उपन्याँस धेरै नेपालीको बास्तवीक चित्रण भएको भन्दै लेखक साहित्यकारहरुको पहिचान, प्रवर्धन र सम्मानमा राज्यले बिषेस ध्यान पुर्याउनु आवश्यक रहेकोमा जोड दिनुभएको थियो । दाजु गुरुङ्गद्वारा लिखित निरजोयाले वर्तमान समाज र गरिबिका कारण बिदेशिनुपरेको युवाको भावनालाई मुखरित गरेको वहाँको धारणा थियो । वहाँले बढ्दो उमेरमा समेत उत्तीकै जोस जाँगरका साथ निरन्तर साहित्यिक यात्रालाई निरन्तरता दिनुभएकोमा लेखक तथा साहित्यकार गुरुङ्गप्रति हौसला थप्दै वहाँद्वारा लिखित लायसी, टाँकिका फुलहरु र निरजोयो साहित्य प्रवासमा रहेका नेपालीको वर्तमान अवस्थीति भएको प्रष्ट्याएका थिए ।
निरजोया उपन्यासको परिचर्चा कार्यक्रमका सन्दर्भमा कार्यक्रमका अध्यक्ष बरुण बहुमुखी क्याम्पसका प्रमुख चित्ररेखा अधिकारीले कृति समालोचनाका हिसावले पुर्वक्याम्पस प्रमुख कोरंगी सफल साहित्यकार भएको टिप्पणी गर्नूभएको थियो । कार्यक्रममा बिभिन्न बाध्यताले बिदेशिनु पर्ने अवस्था, बिदेशमा रहँदा नेपालीहरुले भोग्नुपर्ने सुख दुख र पिर ब्यथालाई उपन्यासकारले राम्ररी संम्बोधन गर्नूभएको भन्दै लेखक तथा साहित्यकार गुरुङ्गको यस अघिका कृतिहरु समेत उत्तिकै सफल र समाज रुपान्तरणका लागि महत्वपुर्ण रहेको बिचार ब्यक्त गर्नूभएको थियो । बरुण बहुमुखी क्याम्पसका प्राध्यापक छत्रमणी पन्तले संंचालन गर्नूभएको कार्यक्रममा समाजसेवी जिवनाथ खनाल, पुर्व क्याम्पसप्रमुखहरु कृष्ण बहादुर अधिकारी, किरण शाक्य, नेपाल पत्रकार महासंघ संखुवासभाका अध्यक्ष कृष्णराज शाक्य, उपाध्यक्ष मेघराज तामाङ्ग लगायतको उपस्थीति रहेको थियो । समालोचकहरुको बिश्लेषणको प्रशंसा गर्दै लेखक तथा साहित्यकार दाजु गुरुङ्गले निरजोया उपन्याँसले प्रवासको जिवन, त्यहाँ नेपालीहरुले भोग्नपरेका सुख दुखका क्षणलाई नेपाली स्थान बिषेसमा प्राशंगिक ढंगले उतार्ने प्रयास गरेको खुलासा गरेका थिए । साहित्यकार उपेन्द्र कोरंगी दाजु गुरुङ्गले निरजोया उपन्यासको परिचर्चा कार्यक्रम सम्पन्न गर्न सहयोग गरेकोमा बरुण बहुमुखी क्याम्पस र संयोजनकारी भुमिका निर्वाह गरेकोमा मकालु साहित्यीक समाज संखुवासभाका सिंगो परिवारलाई धन्यबाद प्रकट गर्नूभएको थियो ।

17/12/2024

नगरिक चासो, खेवाहाङ मेवाहाङ
संखुवासभाको खाँदबारी नगरपालिका–४ स्थित भगीवन्त रंगशालामा सम्पन्न आठौं आमन्त्रित पांमा कप फुटबल प्रतियोगिताको उपाधी सेकाहाले हात पारेको छ । सोमबार भएको फाइनल खेलमा हेकाहाले सित्तलपाटी लाई १–० गोल अन्तरमा विजयी भएको हो ।
फाइनल खेलमा सेकाहा सामुदायिक विकास क्लव सेकाहाले सित्तलपाटी फुटबल क्वललाई शुन्य गोलका विरुद्ध १ गोल अन्तरले पराजित गर्दै सेकाहा विजेता बनेको हो । पहिलो हाफसम्म ०–० गोल रहेको खेलको दोस्रो हाफमा सेकाहाले १ गोल गर्दै फुटबल प्रतियोगिताको उपाधी हात परेको छ । खेलको ६१ औं मिनेटमा गरेको निर्णायक गोले गरेर सेकाहालाई विजयी बनाउने संजय धिमाले म्यानअफद म्याच घोषित भए ।
विजेता सेकाहाले नगद २ लाख दुई हजार दुई सय २२ रुपैयाँ, ट्रफि, मेडल, प्रमाण पत्र प्राप्त गरेको छ । उपविजेता सित्तलपाटीले नगद एक लाख १ हजार एक सय १ रुपैयाँमा चिक्त बुझाएको छ । सेमिफाइनलिष्ट दुई टिम आर्दश क्लव झापा र तुम्लिङटार स्पोटिङ क्लवले नगद २५/२५ हजार रुपैयाँ प्राप्त गरेका छन् । प्रतियोगितामा विभिन्न विधामा समेत ट्रफि, मेडल, प्रमाण पत्रले सम्मान गरिएको आयोजकले जनाएको छ ।
विजयीहरुलाई कोशी प्रदेश सरकारका भौतिक पुर्वाधार विकास तथा स्वास्थ्य मान्त्री भुपेन्द्र राईको प्रमुख आतिथ्यतमा प्रतियोगिताको समापन कार्यक्रम भएको हो । विजयीहरुलाई प्रमुख अतिथि राई, खाँदबारी नगरपालिकालका मेयर महेश थपलिया लगायतका अतिथिहरुले पुरस्कार तथा प्रमाणपत्र वितरण गरे ।
विहिबारबाट सुरुभएको फुटबल प्रतियोगितामा कोशी प्रदेशका विभिन्न जिल्लाका १० क्लबको सहभागिता रहेको प्रतियोगिता संयोजक ध्यान सिंह राईले जानकारी दिए ।
तस्वीर: श्याम राई

15/12/2024

खाँदबारी हालखबर
२०८१ मंसिर ३० गते आइतबार

14/12/2024

पत्रकार महासङ्घ सङ्खुवासभा शाखाको अध्यक्षमा शाक्य ।

सङ्खुवासभा । नेपाल पत्रकार महासङ्घ सङ्खुवासभा शाखाको अध्यक्ष पदमा कृष्णराज शाक्य निर्वाचित भएका छन् ।
नयाँ कार्यसमितिका लागि शुक्रबार सम्पन्न निर्वाचनमा कार्यसमितिको उपाध्यक्षमा मेघराज तामाङ, सहसचिव खुल्ला दुर्गामणि पौडेल,समावेशी सहसचिव सुजन बज्राचार्य र कोषाध्यक्षमा अनिष विष्ट निर्विरोध निर्वाचितभएको निर्वाचन अधिकृत पदम अधिकारीले जानकारी दिए ।
यसैगरी सदस्यमा सुरेन शाक्य,खेवाहाङ मेवाहाङ,दुर्गा बहादुर कटुवाल र जनक चापागाईँ निर्वाचित भएका छन् । प्रदेश परिषद् सदस्यमा गंगा विष्ट,समिक्षा मगर,माधव सुवेदी र ध्यान बहादुर राई निर्विरोध निर्वाचित भए । यस्तै, केन्द्रीय परिषद् सदस्यमा मोहनकुमार राई निर्विरोध निर्वाचित भएका छन् ।

11/12/2024

U-14 जलजले स्कुल कप मदरल्याण्डको पोल्टामा ।
जलजले इङलिस स्कुल चैनपुर नगरपालिका वडा नं. ५ ले आयाेजना गरिएकाे जिल्ला स्तरीय अन्तर विद्यालय U-14 Jaljale School Cup २०८१ २१ गते देखि २३ गते सम्म सञ्चालन रहेकाे तीनदिने कार्यक्रम पुर्व माननीय काेशी प्रदेश आर्थिक मामिला तथा योजना मन्त्री तुलसी नेउपाने ज्यु बाट सम्उद्घाटन भएकाे थियोे । यस प्रतियोगितामा जम्मा १४ विद्यालय सहभागी भएका थिए । उक्त प्रतियोगितामा ३-० काे अर्गता कायम गर्दै उपाधि Motherland English Boarding ले हासिल गर्न सफल भएका थिए भने दितिय पुरस्कार सरश्वती मा.वि मैदाने हासिल गरे । उक्त प्रतियोगिताकाे सेमिफाइनलिस्ट थिए सिंहेश्वरी आदरभुत विद्यालय ताङलेवा र गाेल्डेन स्टार इङलिस बोर्डिङ स्कुल । उक्त कार्यक्रम जलजले इङलिस स्कुलका प्रिन्सिपल सञ्जय शेर्पाको सम्योजक्तामा सम्पन्न भएकाे थियोे ।

08/12/2024

Yamaha Exchange
Mangsir 24-28

04/12/2024

खाँदबारी हालखबर
२०८१ मंसिर १९गते बुधवार

30/11/2024

नेपाल अर्बूद रोग निवारण संस्था संखुवासभाको २३ औं जिल्ला सभा तथा अधिवेशन सम्पन - शाक्यको अध्यक्षतामा ९ सदस्यीय नयाँ कार्यसमिति चयन ।
मंसिर १५
नेपाल अर्बूद रोग निवारण संस्थाको २३ औं जिल्ला सभा तथा अधिवेशन आज खाँदबारीमा सम्पन्न भएको छ । आज सम्पन्न अधिवेशनले कृष्णराज शाक्यको सभापतित्वमा ९ सदस्यीय नयाँ कार्यसमिति चयन गरेको छ । समितिको उपाध्यक्षमा निरन्जन श्रेष्ठ, सचिवमा सुरेन शाक्य, सहसचिवमा लेलिन श्रेष्ठ, कोषाध्यक्षमा मेनुका श्रेष्ठ, सदस्यहरुमा क्रमस अनुपयुश शाक्य, सुजन बज्राचार्य, सुजन श्रेष्ठ, मिलन श्रेष्ठ निर्वाचित भएका छन् । खाँदबारी नगरपालिकाका प्रमुख महेश थपलियाको प्रमुख आतिथ्यता तथा अर्बूदका केन्द्रिय महासचिव तथा निर्वाचन अधिकृत दीपेन्द्र वान्तवाको बिशिष्ठ आतिथ्यतामा भएको कार्यक्रममा संखुवासभा उद्योग बाणिज्य संघका अध्यक्ष कृष्ण भगत प्रधान, नेपाल मानव अधिकार तथा शान्ति समाजका जिल्ला अध्यक्ष लोकदर्शन शाक्य, नेपाल पत्रकार महासंघ शाखा संखुवासभाका अध्यक्ष ईन्द्र गिरी, नेपाली काँग्रेसका पुर्व जिल्ला सभापति तथा अर्बूदका आजिवन सदस्य दीपनकुमार श्रेष्ठ लगायतको उपस्थीति रहेको थियो । उपस्थीत महानुभावहरुलाई संस्थाका सदस्य सुरेन शाक्यले मन्तब्य मार्फत स्वागत गरेका थिए । कृष्णराज शाक्यको सभापतित्वमा भएको उद्घाटन समारोह तथा खुल्ला सत्रलाई सम्वोधन गर्दै प्रमुख अतिथी खाँदबारी नगरपालिकाका प्रमुख महेश थपलियाले क्यान्सर रोग नेपालमा भयावय अवस्थामा रहेको र यसको न्युनिकरण र नियन्त्रणका लागि आवश्यक जनचेतना फैलाउन नेपाल अर्बूद रोग निवारण संस्था शाखा संखुवासभाले खेलेको भुमिका महत्वपुर्ण रहेको धारणा राख्नुभएको थियो ।
सुर्तिजन्य पदार्थ सेवनका कारण उत्पन्न क्यान्सर रोग र यसले पारिवारीक रुपमा भित्राएको गरिवी भयावह रहेको नगरप्रमुख थपलियाको भनाई थियो । नेपाल अर्बूद रोग निवारण संस्थाको संस्थागत बिकास र क्षमता अभिबृद्धिका लागि सकेको आर्थिक तथा भौतिक सहयोगका लागि नगरपालिका सँधै तत्पर रहेको बताउँदै नेपाल अर्बूद रोग निवारण संस्थाको भवन निर्माणका लागि जग्गा उपलब्ध गराउने बिषयमा आफुले छलफल शुरु गर्ने प्रतिवद्धता जनाए ।कार्यक्रममा नेपाल अर्बूद रोग निवारण संस्थाका केन्द्रिय महासचिव तथा निर्वाचन अधिकृत दीपेन्द्र बान्तवाले अर्बुद रोग निवारण संस्थालाई सरकारले साँझेदार र सहयोगि संस्थाका रुपमा भुमिका दिने तैयारी गरेको खुलासा गरे ।

अहिले नेपालमा बर्षेनी ३० हजार बढिमा क्यान्सर रोग देखिने गरेको र त्यसमध्ये १५ हजार बढिले ज्यान गुमाईरहेको तथ्यांङ्गक प्रस्तुत गर्दै बान्तवाले क्यान्सर रोग रोकथाम, नियन्त्रण र न्युनिकरणका लागि संस्थाले क्यान्सर पिडितका पक्षमा वकालत गर्दैआएको जनाए । उनले १४ बर्षभन्दा मुनिका क्यान्सर रोग पिडित बालबालिकाको निशुल्क उपचारको ब्यवस्था गरेकोमा स्वास्थ्मन्त्री प्रदिप पौडेललाई धन्यबाद दिँदै नेपाल अर्बूद रोग निवारण संस्थाकै पहलमा रोयल नेपाल एयरलाईन्सले बिदेशमा उपचारका लागि जानपरेमा क्यान्सर पिडित बिरामी र एक जना कुरुवा समेतलाई निशुल्क हवाई टिकटको सरकारले ब्यवस्था गरेको जानकारी दिए ।खुल्ला सत्रलाई सम्बोधनका क्रममा संखुवासभा उद्योग बाणिज्य संघका अध्यक्ष कृष्ण भगत प्रधानले सुर्तिजन्य बस्तुको उपभोग र मिसावट युक्त बिषादी सेवनका कारण क्यान्सर रोग फैलँदै गएको बताउँदै गाउँ गाउँ सम्म जनचेतना फैलाउन आवश्यक भएकोमा जोड दिए ।

कार्यक्रममा नेपाली काँग्रेसका पुर्व जिल्ला सभापति तथा अर्बूद रोग निवारण संस्था संखुवासभाका आजिवन सदस्य दीपन कुमार श्रेष्ठले क्यान्सर रोग प्राणघातक भन्ने गरिएपनि समयमा उपचार सेवा पाउन सके क्यान्सर रोग निको हुने धारणा राखेका थिए । उनले समयमा उपचार नपाएका कारण क्यान्सर पिडितको सिंगो परिवारले धनजनको क्षति ब्यहार्न परिरहेको बताएका थिए ।नेपाल अर्बूद रोग निवारण संस्थाका सचिव निरञ्जन श्रेष्ठले संचालन गरेको कार्यक्रममा नेपाल पत्रकार महासंघ संखुवासभाका अध्यक्ष ईन्द्रकुमार गिरीले क्यान्सर रोग बारे जनचेतना फैलाउन अर्बूद रोग निवारण संस्था शाखाले खेलेको भुमिका महत्वपुर्ण रहेको बताए । उनले स्थानीय सरकारले क्यान्सर पिडितको सहयोगका लागि बिषेस कोष स्थापना गर्नूपर्ने बताएका थिए ।
कार्यक्रममा नेपाल मानव अधिकार तथा शान्ति समाज नेपालका जिल्ला अध्यक्ष लोकदर्शन शाक्यले स्वास्थ्य सम्वन्धी अधिकार संबिधानत हरेक नागरिकको मौलिक हक भएकाले, जटिल र दिर्घ रोगिको उपचारका लागि सरकारले बिषेस ध्यान दिन जरुरी रहेकोमा जोड दिएका थिए ।

30/11/2024

केन्द्रीय सदस्य प्रवीण श्रेष्ठ सम्मानित ।
जिल्ला भलिवल संघ संखुवासभाले भलिबल खेललाई व्यवसायिक बनाउन र जिल्लाको भलिबल विकासमा कुशल खेल प्रदर्शन गर्ने खेलाडी मात्र नभई खेलकूदको संस्थागत विकासमा प्राविधिक एमव् व्यवस्थापकीय जिम्मेवारी निर्वाह गरिसक्नुभएका नेपाल भलिवल संघका केन्द्रिय सदस्य प्रविण श्रेष्ठलाई सम्मान गरेको छ ।
छोटो समयमा खेलकर्मीको रुपमा जिल्लाको प्रोफाईल निर्माणमा राष्ट्रिय स्तरका कार्यक्रम सफल बनाउन नेतृत्वदायी र संयोजनकारी भूमिका निर्वाह गर्नुहुने कुशल नेतृत्व, क्षमतायुक्त युवा, जिल्लाको प्रतिनिधित्व गर्दै नेपालको भलिबलको सर्वोच्च निकाय नेपाल भलिबल संघको केन्द्रीय सदस्यको रुपमा निर्वाचित भई जिल्लामा राष्ट्रिय भलिबल प्रतियोगिता आयोजना गर्न समन्वय गर्दै प्रतियोगिता संयोजकको जिम्मेवारी कुशलतापूर्वक निर्वाह गर्दै भलिबलको माध्यमबाट जिल्लाको खेलकूद विकास र जिल्लाको पहिचान राष्ट्रिय अन्तर्राष्ट्रिय स्तरसम्म स्थापित गर्न पुर्याउनुभएको अतुलनीय योगदानको उच्च कदर सम्मान गरेको हो ।

30/11/2024

नवीन गिरुङ, नयाँ पत्रीका ।
यू–२० महिला राष्ट्रिय भलिबल टिमकी क्याप्टेन जेनिशा विश्वकर्मालाई गृहजिल्ला संखुवासभामा सम्मान गरिएको छ । खाँदबारी नगरपालिकाले शनिबार आफ्नै कार्यालयमा भलिबल खेलाडी जेनिशालाई नगद ५१ हजार, सम्मानपत्रद्धारा सम्मान गरेको हो ।

खाँदबारी नगरपालिकाका मेयर महेश थपलिया, उपमेयर महेश्वरा श्रेष्ठ बज्राचार्य र प्रमुख प्रशासकीय अधिकृत भक्तबहादुर खड्काले संयुक्त रुपमा नगदसहित सम्मान गरेका हुन् । जेनिशा खाँदबारी नगरपालिका—८ का स्थायी बासिन्दा हुन् । उनी भलिबलका साथै बिधालय अध्यन गर्दै आएकी छिन् । जेनिशा न्यू डाइमण्ड एकेडेमीमा आबद्ध भई भलिबल खेल्दैै आएकी छिन् ।

खाँदबारी नगरपालिकाका मेयर थपलियाले खाँदबारीकी जेनिशाले भलिबल मार्फत राष्ट्रियस्तरमा भिन्न पहिचान बनाउन सफल भएको बताए । उनले नगरपालिकाले सधैं सम्मान र सकेको सहयोग गर्ने प्रतिबद्धता जनाए ।

जेनिशालाई शनिबारनै खाँदबारी नगरपालिकाका साथै खाँदबारी युथ क्लब, नमस्ते विहानी क्लबले समेत सम्मान गरेको थियो । जेनिशा खाँदबारी नगरपालिका–५ माल्टामा आयोजित अन्तरपालिका स्तरीय भलिबल प्रतियोगिता खेल्न संखुवासभा आएकी हुन् ।

प्रशिक्षक कुमार राई सम्मानित
खाँदबारी–५ माल्टा घर भई हाल काठमाडौ न्यू डाइमण्ड एकेडेमीका संस्थापक तथा भलिबल प्रशिक्षक कुमार सम्मानित भएका छन् ।
उनलाई खाँदबारी युथ क्लब, नमस्ते बिहानी क्लबले सम्मानपत्रद्धारा सम्मानित गरेको हो ।

28/11/2024

खाँदबारी हालखबर
२०८१ मंसिर १३ गते बिहिबार

28/11/2024

रोजगारको सुवर्ण अवसर ।
सम्पर्क 029590880
9863167372
New Paradise Restaurant
Khandbari 9 Tumalingatar

27/11/2024

खाँदबारी हालखबर
२०८१ मंसिर १२ गते बुधवार

Khandbari Fm 105.8 Mhz Sankhuwa Sabha

20/12/2024

20/12/2024

20/12/2024

19/12/2024

18/12/2024

17/12/2024

15/12/2024

14/12/2024

11/12/2024

08/12/2024

04/12/2024

30/11/2024

30/11/2024

30/11/2024

28/11/2024

28/11/2024

27/11/2024

Address

Telephone

Website

Alerts

Contact The Business

Shortcuts

Share

Category

Our Story