01/09/2024
पल शाहद्वार भद्दा मजाक
पल शाह अभिनित फिल्म रावायण केही दिनमै प्रदर्शन हुदै छ, उनलेे उक्त फिल्मको प्रचारप्रसारको क्रममा निकै गैरजिम्मेवार, हास्यास्पद र अपाच्य अभिव्यक्ति दिएका छन् ।
पलको अनुसार तत्कालीन समय (2078 फागुन) मा उनी पक्राउ पर्दा फिल्म उद्योगको कसैले पनि उनलाई साथ दिएनन् रे, त्यस समय उनलेे एक्लो महशुस गरेका थिए, उनलाई चलचित्र विकास बोर्ड, कलाकार संघ, निर्माता संघ र सबै फिल्मि संघसंस्थाले उनको न्यायको लागि बोल्नु पर्थ्याे अरे ।
तर,,,
उक्त घटना सामान्य थिएन, नाबालिक माथि यौन दुराचारको बिषय थियोे, यति सेन्सेटिभ बिषयमा सच्चाई नबुझी कसैले अभिव्यक्ति दिनु आफैमा अपराध हो, दोस्रो कुरो अदालतमा रहेको मुद्दामा कसैले पनि अभिव्यक्ति दिनु गलत मानिन्छ, त्यसमाथि त्यति गम्भीर बिषयमा एक नाबालिक पनि एक पक्ष रहेको अवस्थामा सबै कलाकारले पलको लागि न्याय माग्नु भनेको ती नाबालिकालाई आत्महत्या तर्फ दुरुत्साहन गर्नु हो । किनभने दुबै पक्षले फिल्मकर्मी र आम जनताको समर्थन चाहिरहेकाे अवस्थामा मुद्दा एकतर्फी हुनुभनेको न्याय र कानुन माथिको अविश्वास हो । र अदालत बाट नभई पब्लिक ट्राएलबाट मुद्दाको छिनोफानो गर्न खोज्नु हो । हुन त नेपाली कानुन र न्याय प्रणालीमा मेरो स्वयंको विश्वास छैन, तर पनि उक्त बिषयमा न्यायालयबाट कुनै पनि गलत निर्णय हुने अवस्था थिएन, उक्त घटनाबाट पलले उन्मुक्ति पाउनुको पछाडि पनि गायिकाले गरेको आत्मसमर्पणनै होे, कुनै मुद्दा कमजोर भएर हैन । त्यसमाथि उक्त बिषयमा विदेश आईएनजिअो हरुले पनि खेल खेल्न थालेपछि र स्वयं गायिका माथि यो समाजले अस्वभाविक र अपराधजन्य टीका टिप्पणी गर्न थालेपनि उनले अदालतमा भन्दा कठोर लडाइँ समाज सँग लड्नु पर्ने आवश्यकता बुझेर अदालती लडाइँमा स्वय हारेको घोषण गरेकि थिईन् । अहिले उनले समाजलाई जितेकि छिन् समाजमा महिला माथि हुने हिंसाको पछाडि यहि समाज जिम्मेवार हुने छ, किनभने जुन पिडा नाबालिकले भोगिन् यश समाजबाट, त्यो पिडा पचाउन अन्य नाबालिक त के महिलाले पनि सक्दैनन् । त्यो पिडा शारीरिक हिंसा भन्दा पनि कष्टकर हुन्छ र अन्ततः उनिहरु उक्त हिंसा मनमै दबाएर बस्नेछन् । समाजबाट मानसिक रुपमा कत्लेआमा हुनबाट वच्न उनिहरु हिंसा सहन बाध्य हुनेछन् र भैरहेका छन् पनि । आपसी समझदारीमै केन्द्रित घटनालाई आफ्नै अकर्मण्यताको कारण अदालत सम्म जानू पर्ने कारण पल स्वयं थिए । तर अदालतले सफाइ दिईसकेपछि पलले भिक्टिम कार्ड प्रयोग गर्न थालेका छन्, जुन सरासर गलत छ । जुन अस्वीकार्य छ, उनले यसरी खुलेयाम समर्थन माग्नु भनेको अरुको स्वविबेक माथि ईमोसनल ब्ल्याकमेल गर्नु हो, उनले बिस्तारै उक्त मुद्दामा आफुलाई भिक्टिमको रुपमा देखाउदै छन्, अदालतले सफाय दिएको कारण अब उनले जिन्दगीभर आफुलाई यसरीनै दयाको पात्रको रुपमा प्रस्तुत गर्ने छन् । उनले र उनका समर्थकले नाबालिक माथि गरेको मानसिक अत्याचार र अपराधको कुनै हिसाब हुनेछैन । तर ती गायिकालाई यो समाजले बिस्तारै बुझ्दै छ, उनी कतिठूलो युद्ध जितेर जिउँदै छिन् भन्ने यो समाजले बिस्तारै बुझ्दै छ । हिजो अपशब्द सहित गायिकालाई गाली गर्ने हरु महान् नारी भन्दै तारिफ गरिरहेका छख् । यो बेसरम समाजहो,यिनिहरुकाे लागि थुकेको थुक चाट्नु कुनै ठूलो कुरा हैन ।
