Radio Smart 107.8Mhz

13/04/2024

12/04/2024

शुभकामना शुभकामना शुभकामना

यही २०८० सालको विदाई कार्यक्रम
एण्ड २०८१ सालको आगमन गर्दै सबैमै हार्दिक शुभकामना व्यक्त गर्दछु।

यही बरथवा नगरपालिका 10 अन्तर्गत सितापुर हनुमान चौक स्थित हनुमान मन्दिर २०८० सालको विदाई कार्यक्रम त्यसैमा २०८१ सालको आगमन गर्दै आदानप्रदान र शुभकामना व्यक्त गर्दछु। विशेष अतिथिको रूपमा बरथवा नगरपालिका वडा नं १७ को वडा अध्यक्षज्यू रामविश्वास राई ज्यू सर्लाही जिल्ला अध्यक्ष युवा श्री रामनाथ महत्वज्यूको अन्तर्गतमा हामी सबैजना मिलेर शुभकामना आदानप्रदान गरिएको छ। दीप प्रज्ोजन गरेर हामीले शुभकामना व्यक्त गरेको छु। सबैमा २०८१ सालको शुभकामना व्यक्त गर्दछु। सबैको २०८१ साल सफल २०८१ सालको शुभकामना।🙏🙏🙏🙏

12/04/2024

शुभकामना शुभकामना शुभकामना

यही २०८० सालको विदाई कार्यक्रम
एण्ड २०८१ सालको आगमन गर्दै सबैमै हार्दिक शुभकामना व्यक्त गर्दछु।

यही बरथवा नगरपालिका 10 अन्तर्गत सितापुर हनुमान चौक स्थित हनुमान मन्दिर २०८० सालको विदाई कार्यक्रम त्यसैमा २०८१ सालको आगमन गर्दै आदानप्रदान र शुभकामना व्यक्त गर्दछु। विशेष अतिथिको रूपमा बरथवा नगरपालिका वडा नं १७ को वडा अध्यक्षज्यू रामविश्वास राई ज्यू सर्लाही जिल्ला अध्यक्ष युवा श्री रामनाथ महत्वज्यूको अन्तर्गतमा हामी सबैजना मिलेर शुभकामना आदानप्रदान गरिएको छ। दीप प्रज्ोजन गरेर हामीले शुभकामना व्यक्त गरेको छु। सबैमा २०८१ सालको शुभकामना व्यक्त गर्दछु। सबैको २०८१ साल सफल २०८१ सालको शुभकामना।🙏🙏🙏🙏

11/04/2024

बारा परवानीपुरका २ जना मोटरसाइकल चोर पक्राउ

बारा प्रहरीले मोटरसाइकल चोरी गर्ने समूहका २ जनालाई पक्राउ गरेको छ । प्रहरीले बाराको परवानीपुर गाउँपालिका वडा नम्बर ४ चैनपुर बिर्ता टोल स्थितवाट ना ६५ प ६६५६ नम्बरको सुपर स्पलेण्डर मोटरसाईकल चोरी गरी भागेकोमा अनुसन्धान गर्दै जाने क्रममा उक्त दुर्ई जनालाई पक्राउ गरेको हो ।

पक्राउ पर्नेमा जिल्लाको परबानीपुर गाउँपालिका वडा नम्बर ४ चैनपुर बिर्ता टोल बस्ने अन्दाजी २१ वर्षीय बली साह सोनार र सोही ठाउँमा बस्ने अन्दाजी २५ वर्षीय रामनिवाश राउत भेडियर रहेको प्रहरीले जनाएको छ ।

मंगलवार बेलुका अन्दाजी ८ बजेको समयमा जिल्लाको परवानीपुर गाउँँपालिका वडा नम्बर ५ गण्डक नहर स्थित हुलाकी राजमार्ग सडक खण्डमा चोरी भएको मोटरसाईकल सहित दुबै जनालाई फेला पारेको थियोे ।

मोटरसाइकल सहित दुबै जनालाई नियन्त्रणमा लिई चोरी मुद्दामा जिल्ला अदालत बाराबाट ७ दिन म्याद लिई अन्य अनुसन्धान कार्य भई रहेको बाराका प्रवक्ता एवम् प्रहरी नायब उपरीक्षक दधिराम न्यौपानेले जानकारी दिएका छन् ।

11/04/2024

दूधकोसीमा पौडी खेल्ने क्रममा डुबेर २ जनाको मृत्यु

भोजपुरको आमचौक गाउँपालिका-१० स्थितमा दूधकोसी नदीमा पौडी खेल्ने क्रममा डुबेर २ जनाको मृत्यु भएको छ ।

बुधबार दिउँसो १ बजे आमचोक-६ देवानटारका २० वर्षीय सुदिप दर्जी र १८ वर्षीय अजय राई दूधकोसी नदीमा पौडी खेल्ने क्रममा डुबेका थिए ।

दुई जना डुबेको खबर पाएपछि इलाका प्रहरी कार्यालय घोडेटारबाट प्रहरीको टोली घटनास्थल पुगेको थियो ।

दुवै जना मृतकको शव पोष्टमार्टमका लागि धरान घोपा पठाइएको प्रहरीले जनाएको छ ।

11/04/2024

तरकारी बोक्ने गाडीबाट ५४४ केजी गाँजा बरामद

धनकुटाको साँगुरीगढी गाउँपालिका–६, भेडेटारबाट प्रहरीले तरकारी बोक्ने गाडीबाट ५ सय ४४ केजी गाँजा बरामद गरेको छ ।

धनकुटाबाट धरानतर्फ सब्जी लिएर जाँदै गरेको को १ ख ३२९४ नम्बरको मिनी ट्रक चेकजाँचका क्रममा आइतबार राति प्रहरीले उक्त परिमाणको गाँजा बरामद गरेको हो । तरकारीको बोराभित्र १८ वटा पोकामा राखिएको गाँजा बरामद भएको इलाका प्रहरी कार्यालय भेडेटारका इन्चार्ज जीवन कार्कीले जानकारी दिए ।

मिनीट्रक प्रहरीको नियन्त्रणमा छ । शंकास्पद रहेको गाडी चेक गर्ने क्रममा चालक फरार भएपछि खोजतलास गर्दा फेला पर्न नसकेको कार्कीले बताए । उनको खोजी कार्य जारी रहेको बताइएको छ । गत महिना पनि भेडेटारबाट पेट्रोलियम पदार्थ बोक्ने ट्यांकर तथा अटोलगायतका सवारी साधनबाट समेत ठूलो परिमाणमा गाँजा बरामद गरिएको प्रहरीको भनाइ छ ।

11/04/2024

दुग्ध किसानको रु ४८ करोड भुक्तानी बाँकी

सर्लाही - मकवानपुर जिल्ला दुग्ध उत्पादक सहकारी सङ्घले दुग्धजन्य उद्योगसँग रु ४८ करोड भुक्तानी लिन बाँकी रहेको जनाएको छ । सङ्घले किसानलाई सो बराबरको रकम समयमै भुक्तानी नभए आफूहरू आन्दोलनमा जाने चेतावनी दिएको छ ।

गत फागुनमा केन्द्रीय दुग्ध सहकारी सङ्घ र नेपाल सरकार कृषि मन्त्रालयअन्तर्गत दुग्ध विकास संस्थान तथा निजी डेरीबीच भएको सम्झौताअनुसार चैत २१ गतेसम्म पुस मसान्तसम्मको दूधको भुक्तानी गर्ने सहमति भएको थियो । तर सो समयमा सम्झौताअनुसार भुक्तानी नभएको भन्दै सङ्घले आन्दोलन गर्ने चेतावनी दिएको हो ।

सङ्घका अध्यक्ष हरिप्रसाद कँडेलले सम्झौताअनुसार दूधको भुक्तानी चैत मसान्तभित्र गरिसक्नुपर्ने र बाँकी भुक्तानी निरन्तर दिने व्यवस्था गर्नुपर्ने, किसानबाट उत्पादित दूध निरन्तर बिक्री हुने व्यवस्था मिलाउनुपर्ने बताए । उनले दुग्ध उत्पादक किसानलाई दिँदै आएको लिटर अनुदानलाई निरन्तर दिने व्यवस्था गरिनुपर्ने र पशु बीमालाई सहकारी संस्थामार्फत गर्ने व्यवस्था गरिनुपर्ने माग गरे ।

अध्यक्ष कँडेलले दुग्ध उत्पादक किसानका समस्याप्रति बेवास्था गर्ने सरकार र निजी दुग्ध उद्योगीविरुद्ध निर्णायक आन्दोलनमा सहभागी हुनुपर्ने अवस्था आएको बताए । उनले सम्पूर्ण दुग्ध उत्पादक किसानलाई आन्दोलनको तयारी अवस्थामा रहन निर्देशन दिइएको जानकारी बाग्मती प्रदेश खानेपानी, ऊर्जा तथा सिँचाइमन्त्री एकालाल श्रेठलाई गराइएको बताए । मन्त्री श्रेष्ठ यसै क्षेत्रबाट चुनाव जित्नुभएकाले समस्या समाधानमा लागिदिन आग्रह गरिएको उनको भनाइ छ ।

11/04/2024

मन्त्री सिंहद्वारा प्रादेशिक अस्पताल मलंगवाको अनुगमन, सेवा प्रवाह प्रभावकारी बनाउन निर्देशन

मधेस प्रदेशका स्वास्थ्य तथा जनसंख्या मन्त्री सत्रुधन प्रसाद सिंहले मलंगवास्थित प्रादेशिक अस्पतालको आज अनुगमन गर्नु भएको छ ।

सेवा प्रवाहको अवस्था र व्यवस्थापकीय समस्या बुझ्ने उद्देश्यले स्वास्थ तथा जनसंख्या मन्त्री सत्रुधन प्रसाद सिंहले अस्पतालको अनुगमन गर्नु भएको हो । अनुगमनको क्रममा उहाँले प्रादेशिक अस्पताल मलंगवाको सेवा प्रवाह प्रभावकारी बनाउने कार्यमा बाधक हुने जो कोहीलाई कारबाही गर्ने चेतावनी दिनु भएको छ।

सोही क्रममा ड्युटीमा रहेका चिकित्सक र कर्मचारीहरुलाई बिरामीको उपचारमा कुनै पनि प्रकारको लापरबाही सह्य नहुने बताउँदै उहाँले सेवा प्रवाहमा ध्यान दिन निर्देशन दिनु भयो । सरकारी सेवा सुविधा लिने डाक्टरहरुले सरकारकै काम गर्नुपर्ने उनको भनाइ थियो । प्रादेशिक अस्पतालले गुमाएको साख जोगाउनका लागि डाक्टरसहित अन्य कर्मचारीहरु पनि प्रतिबद्ध भएर काम गर्नुपर्नेमा उनको जोड थियो ।

11/04/2024

रौतहटमा पहिलो पटक कालो गहुँ उत्पादन
रौतहट,फतुवाविजयपुर नगरपालिका-८ बस्ने श्रीभगवान यादवले व्यवासायिक रुपमा कालो गहुँको उत्पादन गरेका छन् । २० विघा जग्गा भाडामा लिइ यसैवर्ष देखि व्यवसायिक खेती शुरु गरेका छन् । उनी नयाँ किसिमले अलग प्रजातिको अर्थात कालो गहुँ ,आलु,काउली र मकै उत्पादन शुरु गरि चर्चामा आएका छन् । कालो गहुँमा सेतो गहुँ भन्दा बढि फाइबर,मिनरललगायत तत्व पाइने किसानको भनाइ छ ।

11/04/2024

वीरगन्ज नाकाबाट ६ लाख रकमसहित एक महिला पक्राउ

भारतसँग सीमा जोडिएको वीरगन्ज नाकाबाट सशस्त्र प्रहरीले श्रोत नखुलेको ६ लाख नेपाली रुपैयाँसहित एक महिलालाई पक्राउ गरेको छ। पक्राउ पर्नेमा वीरगन्ज महानगरपालिका-१६ नगवाकी ३७ वर्षीया मालतीदेवी सोनारिन् रहेकी छन्।

सोमबार भारतको रक्सौफबाट पैदल वीरगन्ज आउँदै गरेकी सोनारिन्लाई वीरगन्ज-१६ स्थित शंकराचार्य गेट नजिकै सशस्त्र प्रहरीले शंका लागेर चेकजाँच गरेको थियो।त्यसक्रममा उनको साथबाट श्रोत खुलाउन नसकेको नेपाली १ हजार दरको नोट ६ सय थान अर्थात ६ लाख रुपैयाँ बरामद भएको पर्साका सशस्त्र प्रहरी उपरीक्षक किशन कर्मचार्यले बताए।

महिलाको साथबाट बरामद रकम हुण्डीको कारोबारमा प्रयोग गरिएको रकम रहेको सशस्त्र प्रहरीको आशंका छ। रकमसहित नियन्त्रणमा लिइएकी सोनारिन्लाई आवश्यक कारबाहीका लागि सोमबार नै वीरगन्ज भन्सार कार्यालयमा बुझाइएको सशस्त्र प्रहरी उपरीक्षक कर्मचार्यले जानकारी दिए।

11/04/2024

कैलालीका विभिन्न ठाउँबाट तस्करीको सामान बरामद

कैलालीका विभिन्न ठाउँबाट प्रहरीले तस्करीको सामान बरामद गरेको छ। जिल्लाको धनगढी उपमहानगरपालिका–४ बसपार्क, भजनी नगरपालिका–३ ठेकीपुल, भजनी–५ जुठाघाट, भजनी–६ थापापुर र भजनी–८ जनकपुरबाट भारतबाट तस्करी गरेर ल्याएको सामान बरामद गरेको छ।

तस्करी गरेर ल्याएको अन्दाजी एक लाख ३१ हजार ८ सय मुल्य बराबरको प्याज, चिनी, मोबायलका विभिन्न सामान, बिडी, छिद्रा माछा लगायतका सामान बुधबार प्रहरी टोलीले फेला पारी नियन्त्रणमा लिएको जिल्ला प्रहरी कार्यालय कैलालीले जनाएको छ।

11/04/2024

मुस्लिम धर्मावलम्बी आज ईद मनाउँदै, देशभर सार्वजनिक बिदा
मुस्लिम धर्मावलम्बीहरूले आज ईद उल फित्र (ईद) पर्व हर्सोल्लासका साथ मनाउँदै छन् । ईद इस्लामिक पात्रोअनुसार मनाइने सबैभन्दा ठूलो पर्वमध्ये एक हो ।
ईद पर्व महिना दिनसम्म व्रत र प्रार्थना गरिने रमजान महिनाको अन्त्यसॅंगै मनाइन्छ । ईद उल(फित्रको अर्थ पनि व्रत समाप्त गर्ने पर्व भन्ने लाग्छ।
हिजरी संवतको रमदान महिनाभर रोजा (व्रत) बसेका इस्लाम धर्मावलम्बी सौव्वाल महिनाको पहिलो तारिखमा ईद मनाउँछन् ।
ईद पर्वमा अल्लाह (भगवान) का नाममा विशेष नमाज (प्रार्थना) गर्ने इस्लाम परम्परा छ ।
चन्द्रमाको गतिका आधारमा तय गरिने ईद पर्व रमदान सकिएपछि सुरु हुने शुक्लपक्षमा पहिलोपटक चन्द्रमा देखिएपछि त्यसको भोलिपल्ट मनाउने परम्परा छ ।
ईदका दिन इस्लाम समुदायको मुख्य धार्मिक ग्रन्थ कुरान मोल्वी (धर्मगुरु)ले वाचन गरेर सदविचार र सत्कर्ममा रहन प्रेरित गर्छन् ।
धार्मिक परम्परामा यो मुख्य पर्व भएको हुँदा नयाँ लुगा लगाउने, सेवइ (गहुँको पिठोबाट बनाइएको खाद्यवस्तु) को खिर र मिष्ठान्न परिकार खाने–खुवाउने चलन छ ।
ईदको अवसरमा सरकारले आज देशभर सार्वजनिक बिदा पनि दिएको छ ।

11/04/2024

संसदको गति अवरोध चाँडै अन्त्य हुन्छ : प्रधानमन्त्री प्रचण्ड

प्रधानमन्त्री पुष्पकमल दाहाल ‘प्रचण्ड’ले प्रतिनिधिसभामा देखिएको गति अवरोध अन्त्यका निम्ति राजनीतिक तहमा संवाद सुरु भएको बताएका छन् ।

विराटनगरमा बिहीबार पत्रकारहरुसँग संक्षिप्त कुराकानी गर्दै प्रधानमन्त्री प्रचण्डले संसदको गतिरोध चाँडै अन्त्य हुने बताएका हुन् । पछिल्लो गतिरोधको समाधान राजनीतिक संवादबाटै हुने र त्यसका लागि राजनीतिक तहमा संवाद थालिएको उनले जानकारी दिए ।

प्रधानमन्त्री प्रचण्डले सहकारीसँग सम्बन्धित समग्र विषयको अलगै र राष्ट्रिय स्वतन्त्र पार्टीका अध्यक्ष एवं गृहमन्त्री रवि लामिछाने विषय अलगै अध्ययन गरेर समस्याको समाधान गर्न सकिने विश्वास व्यक्त गरे । उनले रवि लामिछानेलाई नै केन्द्रमा राखेर माग गरिएको समितिको कुनै औचित्य नरहेको स्पष्ट पारे ।

प्रतिपक्ष दलले सहकारी क्षेत्रमा देखिएको समस्या समाधान गर्नेभन्दा पनि गठबन्धन फेरिएपछि उक्त विषयलाई राजनीतिक मुद्दा बनाइएको उल्लेख गरे ।

उनले पछिल्लो समय राजनीतिक समीकरण भत्काउन गरिएको प्रयास सफल नहुने धारणा समेत व्यक्त गरे ।

11/04/2024

रोकिराखेको सिटी सफारीमा ठोक्किँदा मोटरसाइकल चालकको मृत्यु, पक्राउ परे सिटी चालक

मोरङको बूढीगंगा गाउँपालिकामा रोकिराखेको सिटी सफारीमा मोटरसाइकल ठोक्किएर दुर्घटना भएको छ ।

बुधबार (आज) बिहान बूढीगंगा-१ टपुटोलमा भएको दुर्घटनामा मोटरसाइकल चालकको मृत्युु भएको छ ।

मृतकको पहिचान भने खुलेको छैन ।

आज बिहान ८:३० बजेतिर पोठियाबाट विराटनगरतर्फ जाँदै गरेको प्र १-०२-०५०प ६९७३ नम्बरको मोटरसाइकलले रोकिराखेको को २ ह २०८ नम्बरको सिटी सफारीलाई ठक्कर दिएको थियो ।

दुर्घटनामा गम्भीर घाइते बनेका मोटरसाइकल चालक अन्दाजी २४/२५ वर्षीय पुरुषको उपचारका क्रममा विराट मेडिकल टिचिङ अस्पतालमा मृत्यु भएको प्रहरीले जनाएको छ ।

आज बिहान ८:५५ बजेतिर उनको मृत्यु भएको मोरङ प्रहरी प्रमुख नवराज कार्कीले जानकारी दिए ।

उनका अनुसार सिटी चालक बूढीगंगा-१ का ४२ वर्षीय बनारसी साहलाई नियन्त्रणमा लिइएको छ ।

11/04/2024

ईतिहासमा पहिलो पल्ट जनप्रतिनिधि को आभास काठमाडौ का जनताले मेयर बालेन शाह मार्फत अनुभुती गरे!
देशको सपुत भनेर खम्बामा यसरी बालेनको फोटो टासिएको छ ।
सपुतको अर्थ सु- पुत्र 🇳🇵हो है ...

11/04/2024

अर्घाखाँची पाणिनी गाउँपालिका–८ को कोलडाँडामा भएको कार दुर्घटनामा परी एक बालकको मृत्यु भएको छ । ७ जना गम्भीर घाइते भएका छन् ।

अर्घाखाँचीबाट पोखरातर्फ जाँदै गरेको ग ३ च ४५७४ नम्बरको कार घुम्ती–पाल्पा सडक खण्डको कोलडाँडाको ओरालोमा दुर्घटना हुँदा भूमिकास्थान नगरपालिका–८ किमडाँडाका ६ वर्षीय आरम्भ क्षेत्रीको मृत्यु भएको प्रहरीले जनाएको छ । उनको उपचारको क्रममा अर्घाखाँची अस्पतालमा मृत्यु भएको हो ।

दुर्घटनामा घाइते हुनेमा चालक ३४ वर्षीय ईश्वरी क्षेत्री, उनकी श्रीमती ३० वर्षीय सम्झना, उनकी छोरा इभान्स घाइते भएका छन् । त्यस्तै पोखरा उपमहानगरपालिका–१२ की ३० वर्षीय सविता अधिकारी, वर्ष १५ का प्रजोल कँडेल र ४२ वर्षीय गीता कँडेल र १० वर्षीय जेसन बस्नेत रहेको प्रहरी निरीक्षक दीपेन्द्र रावलले बताए । सबै घाइतेको अर्घाखाँची अस्पतालमा उपचार भइरहेको छ ।

तीव्र गतिको कार अनियन्त्रित भई दुर्घटना हुँदा सडकबाट दुई सय मिटर तल खसेको छ । घटनाको थप अनुसान्धान भइरहेको उनले बताए ।

11/04/2024

उर्लाबारीस्थित लामपाते सिमसारमा डुबेर बालकको मृत्यु

मोरङको उर्लाबारी–२ स्थित लामपाते सिमसारको पोखरीमा डुबेर एक बालकको मृत्यु भएको छ । सालबारी सामुदायिक वन उपभोक्ता समूहले संरक्षण गरेको सिमसार सो पोखरीमा साथीहरूसँग नुहाउन गएका ११ वर्षीय बालक सूर्य गौतमको नुहाउने क्रममा पोखरीमा डुबेर मृत्यु भएको ईलाका प्रहरी कार्यालय उर्लाबारीले जनाएको छ ।

इलाका प्रहरी कार्यालय उर्लावारीका प्रहरी निरीक्षक देवेन्द्र दासका अनुसार मोरङको पथरीशनिश्चरे–१ हनुमानचोकमा हजुरबा हजुरआमासँग बस्दैआएका गौतम ९ जना साथीका साथमा पौडी खेल्न पोखरीमा पुगेका थिए । पथरीबाट ४ किलोमिटर पूर्वउत्तरमा रहेको पोखरीमा पौडी खेल्नेक्रममा उनको मृत्यु भएको दासले बताए ।

बालकको शव पोष्टमार्टमका लागि उर्लाबारीको मदन भण्डारी अस्पताल एण्ड ट्रमा सेन्टरमा राखिएका र घटना बारेमा थप अनुसन्धान भइरहेको प्रहरी निरीक्षक दासले बताए ।

बालक पथरीमा रहेको पञ्चायत माध्यमिक विद्यालय कक्षा ५ मा अध्ययनरत थिए ।

11/04/2024

सुनसरीमा गोली प्रहार गरी ५ लाख रुपैयाँभन्दा बढी रकम लुटपाट गर्ने गिरोहका दुई जनालाई प्रहरीले पक्राउ गरी सार्वजनिक गरेको छ

जिल्ला प्रहरी कार्यलयले लुटपाटमा संलग्न सप्तरी हनुमान कंकालिनी-३ का २९ वर्षीय इब्रान मन्सुरी मियाँ र सुनसरीको भोक्राहा नरसिंह-४ का ३६ वर्षीय उमेश मुखियालाई पक्राउ गरी सोमबार सार्वजनिक गरेको हो ।

उनीहरुको साथबाट प्रहरीले लुटपाटमा प्रयोग भएको एउटा मोटरसाइकल र नगद १ लाख २ हजार रुपैयाँ समेत बराबद गरेको छ । उनीहरुले गत बुधबार दिउँसो इनरुवा-९ स्थित नहरको डिलमा सुनसरी हरिनगर-२ का ६१ वर्षीय साहिरा मियाँ र उनकी नाती आसिफ अन्सारी माथि गोली प्रहार गरी ५ लाख ३५ हजार रुपैयाँ लुटपाट गरेका थिए ।

जग्गा बिक्री गरेर ५ लाख ३५ हजार रुपैयाँ लिएर घर फर्किरहेका उनीहरुको साथबाट लुटिएको १ लाख २ हजार रुपैयाँ मात्र बरामद भएको जिल्ला प्रहरी कार्यलयका सुचना अधिकारी प्रहरी नायब उपरिक्षक नबिनकृष्ण भण्डारीले जानकारी दिए । लुटपाटमा संलग्न अन्य एक जनाको पहिचान भइसकेको र बाँकी रकम समेत चाँडै बरामद गरिने भण्डारीले जानकारी दिए ।

पक्राउ परेका उनीहरुलाई अदालतबाट ६ दिनको म्याद थप गरी अनुसन्धान भइरहेको प्रहरीले जनाएको छ ।

11/04/2024

हावाहुरीका कारण हवाई उडान प्रभावित

प्रतिकूल मौसमका कारण मुलुकको हवाई उडान प्रभावित भएको छ। बिहीबार दिउँसो आएको हावाहुरीका कारण त्रिभुवन अन्तर्राष्ट्रिय विमानस्थलबाट हुने आन्तरिक र दुवै उडान प्रभावित भएको विमानस्थलका प्रवक्ता सुवास झाले बताएका छन्।

उनका अनुसार आन्तरिक उडानका जहाज ‘डाइभर्ट’ भएका छन् भने अन्तर्राष्ट्रियतर्फ केही जहाज आकाशमा फन्को लगाउने ‘होल्ड’ हुनका साथै केही जहाज विभिन्न गन्तव्यमा डाइभर्ट भएका छन्।

नेपालगञ्जबाट काठमाडौं आउदै गरेको बुद्ध एयरको जहाज भैरहवा फर्किएको थियो भने सिमराबाट काठमाडौं आइरहेको सोही कम्पनीको जहाज सिमरा नै डाइभर्ट भएको छ। काठमाडौँबाट पोखरा जान लागेको यती एयरलाइन्सको जहाज काठमाडौं नै फर्किएको छ। कतार एयरलायन्सको जहाजले भने ओभरसुट गरेको थियो।

11/04/2024

सुरक्षाकै टाउको दुखाइ ‘घुमुवा’ प्रहरी
महोत्तरीको इलाका प्रहरी कार्यालय गौशालाका घुमुवा प्रहरी शिवजनम यादव साइकलमा सामान ल्याएबापत १५ हजार मासिक उठाउँथे। मासिक रूपमा शिवजन यादवले भोला महतोसँग बुझ्ने गरेका थिए। तर, होली अगाडि एक बोरा चामल ल्याउँदै गर्दा उनलाई प्रहरीको घुमवा टोलीले पक्राउ गर्‍यो। पक्राउ गरेर जिल्ला पुर्‍याउनु पर्नेमा रामगोपालपुर पुर्‍यायो। त्यहाँ केही समय राखेपछि मात्रै राति जिल्ला पुर्‍याइयो। दुई लाखबाट सुरु भएको ‘बार्गेनिङ’ नमिलेपछि मात्रै राति जिल्लामा बुझाइएको थियो। भोलिपल्ट पनि मानिस, मोटरसाइकल र समान छोड्न रकमको लामो ‘बार्गेनिङ’ चल्यो। बार्गेनिङमा चित्त नबुझेपछि महतोलाई छाडेर मोटरसाइकल र सामान भन्सार कार्यालयमा बुझाइयो।

महोत्तरीका तत्कालीन प्रहरी उपरीक्षक प्रकाश मल्लले शिवपुजन यादवलाई कारवाही गर्दै जिल्लामा तानेका थिए। तर, उनी जिल्ला सरुवा भएको दुई दिन नबित्दै र नयाँ प्रहरी उपरीक्षक श्यामकुमार राई आउनु पूर्व नै पुरानै ठाउँमा फर्किएका थिए। गत फागुन ८ गते जिल्ला प्रहरी कार्यालय धनुषाबाट खटिएको सादा पोशाकका प्रहरी (घुमुवा) ले जनकपुरधामबाट एक व्यापारीको ३१ थान मोबाइल नियन्त्रणमा लिएको थियो। नियन्त्रणमा लिएको मोबोइल जिल्ला प्रहरी कार्यालय हुँदै आवश्यक अनुसन्धानका लागि सामान भन्सार कार्यालयमा दाखिला गर्नुपर्ने हो। तर, घुमुवा प्रहरीले सामान पक्राउ गरेको सूचना नै लुकाए। उनीहरूले सूचना मात्रै लुकाएनन्, जिल्ला प्रहरी कार्यालयको आँखा छल्न पनि सफल भए। व्यापारीसँग तीन लाखका रुपैयाँ लिएरसमेत मोबाइल छाडेनन्।

घुमुवा प्रहरी बताउने जिल्ला प्रहरी कार्यालय धनुषाबाट खटिएका सहायक हवल्दार दीपेन्द्रकुमार राज र प्रहरी जवान रोशनकुमार यादवले मोबाइल नछोडेपछि ती व्यापारीले प्रदेश प्रहरी कार्यालयमा उजुरी गरे। त्यसपछि डीआईजी यज्ञविनोद पोखरेलको निर्देशनपछि कारबाहीको प्रक्रिया अगाडि बढाइएको थियो।

11/04/2024

नेशनल मेडिकल कलेजमा छापा, एमडी र ल्याब प्रमुख पक्राउ

वीरगन्ज — नेशनल मेडिकल कलेज तथा शिक्षण अस्पतालको प्रयोगशाला (ल्याब) मा म्याद गुज्रिएको केमिकल प्रयोग भएको पाइएपछि कलेजका एमडी र ल्याब प्रमुखलाई प्रहरीले पक्राउ गरेको छ ।

वीरगन्ज महानगरपालिका– १५ स्थित शिक्षण अस्पतालमा विशेष सूचनाको आधारमा औषधि विभाग, महानगरपालिका र प्रहरीको टोलीले सोमबार अपराह्न छापा मारेको थियो ।

छापामारीको क्रममा ल्याबबाट म्याद गुज्रिएको केमिलक बरामद भएपछि मेडिकल कलेजका प्रबन्ध निर्देशक शाहनवाज हुसेन र ल्याब प्रमुख सन्जय साहलाई प्रक्राउ गरिएको प्रहरी उपरीक्षक कुमोध ढुंगेलले बताए ।

म्याद नाघेका केमिकलका सम्बन्धमा थप अनुसन्धान अगाडि बढाइएको उनले जनाए । प्रहरी स्रोतका अनुसार सन् २०२१ मै म्याद सकिएको केमिकल समेत ल्याबबाट बरामद भएको छ ।

11/04/2024

बेनी जाँदै गरेको बस पोखरामा दुर्घटना, ७ जना घाइते

काठमाण्डौबाट बेनीतर्फ जाँदै गरेको बस पोखरा महानगरपालिका २५ स्थित सुइखेतमा दुर्घटना हुँदा ७ जना घाइते भए ।

कास्की प्रहरीका अनुसार राति करिब ३ बजे ग २ ख १६३० नम्बरको बस दुर्घटना हुँदा ७ जना घाइते भएका हुन् ।

घाइते हुनेहरूमा बागलुङको तमानखोला गाउँपालिका ३ तमान बस्ने २५ वर्षीया रीता घर्ती, म्याग्दीको मालिका गाउँपालिका वडा ५ देवीस्थान बस्ने ३० वर्षीय भिम कुमार बुढा, सोही गाउँकै ६ वर्षी निश्चल फगामी, २७ वर्षीया निर्मला फगामी, ४६ वर्षीया सुमित्रा फगामी रहेका छन् ।

यसैगरी, मालिका गाउँपालिका १ दरवाङ् बस्ने ७२ वर्षीय नर बहादुर पुन र सोही वडाकै ६५ वर्षीया कृष्णकुमारी पुन रहेकी छिन् । घाइते सबैलाई उपचारका लागि पोखरा स्वास्थ्य विज्ञान प्रतिष्ठान लगिएको छ ।

कास्की प्रहरीले चालकको लापरबाहीका कारण दुर्घटना भएको भन्दै म्याग्दीको बेनी नगरपाकिला ६ बस्ने ३२ वर्षीय बस चालक राजकुमार गैरेलाई नियन्त्रणमा लिई थप अनुसन्धान भइरहेको जनाएको छ ।

11/04/2024

डोल्पा डढेलोः घाइते अर्का सैनिक आशिष बुढाको पनि मृत्यु

डोल्पामा डढेलो निभाउने क्रममा घाइते अर्का सिपाहीको पनि मृत्यु भएको छ । मंगलबार भएको आगलागी निभाउन जाने क्रममा घाइते भएका आशिष बुढा मगरको पनि निधन भएको जनाइएको छ । उनको नेपालगञ्ज अस्पतालमा उपचारका क्रममा मृत्यु भएको जनाइएको छ ।

यसअघि जुम्ला तातोपानी ४ स्थायी घर भई देविदत्त गुल्म दुनैमा कार्यरत २८ वर्षीय हेमन्त रावतको पनि मृत्यु भएको थियो ।

जिल्ला प्रहरी कार्यालयका अनुसार डोल्पा जिल्ला अस्पतालमै उपचाररत काभ्रे जिल्ला घर भएका ३८ वर्षीय जम्दार केशरबहादुर मगरको अवस्था चिन्ताजनक रहेको छ । उनीहरूलाई उपचारका लागि नेपालगञ्जको भेरी अस्पताल लैजान आएको हेलीकोप्टर रात परेपछि सदरमुकाममै रहेको प्रहरी जनाएको छ। त्यस्तै अर्का घाइते विजय कोइरालाको उपचार भइरहेको छ ।

वनमा आइतबार दिउँसोदेखि लागेको डढेलो अत्यधिक हावाहुरीका कारण नियन्त्रणभन्दा बाहिर गए पछि देवीदत्त गुल्मका १६ जना नेपाली सेनाका सिपाहीहरु आगो नियन्त्रणका लागि गएका थिए । ती मध्ये यी चार जना गम्भीर घाइते भएका थिए भने अन्य १२ जना सामान्य घाइते भएका छन् ।

11/04/2024

देश रित्तिदै : त्रिभुवन बिमानस्थलमा देश छोडनेको भिड !!!

11/04/2024

काठमाण्डौबाट पश्चिम म्याग्दीको दरबाङका लागि छुटेको बस कास्कीको सुइखेतमा दुर्घटना भएको छ । ग २ ख १६३० नम्बरको बस .....

11/04/2024

एनसेल टावरमा बम विस्फोट

सिन्धुलीको कमलामाई नगरपालिका–४ स्थित एनसेल टावरमा कुकर बम विस्फोट भएको छ । बुधबार राति करिब १ बजेतिर विस्फोट भएको प्रहरीले जनाएको छ ।

विस्फोटबाट टावरका तारहरू जलेको र अहिले आसपासको क्षेत्रमा एनसेलको सेवा अवरुद्ध भएको जिल्ला प्रहरी कार्यालय सिन्धुलीका एसपी विनोद शर्माले जानकारी दिए ।

विस्फोट गरिएको ठाउँ वरपर जनमुक्ति सेना नेपालको पर्चा भेटिएको एसपी शर्माले बताए । विस्फोट गर्नेहरू अहिलेसम्म पक्राउ परेका छैनन् ।

यसअघि २ चैतमा पनि सिन्धुलीकै सुनकोशी गाउँपालिका–१ दुम्जामा नेपाल टेलिकमको टावरमा विस्फोट भएको थियो ।

11/04/2024

आज एकै दिन मा ३ वाटा अ-विवाहित केटी गरे #फासो लागाएर #आत्महत्या , #गढीमाई नगरपालिका, #कटहरिया नगरपालिका , #बृन्दावन नगरपालिका।
थप विवरण आउन बाकि....?

11/04/2024

Breaking: ईद मनाएर आफन्त कहाँ जादै गरेका बाराको कलैया उपमहानगरपालिका वडा नं २० बसतपुर बस्ने मसरुफ अंसारी ईटियाही र चिलझप्टीको बिचमा दुर्घटनामा परी गम्भीर घाइते भएका छन्। घटना स्थलमा पुगेका स्थानियहरुले उनलाई उपचारको लागि वीरगन्ज लगेका छन्। आफन्तलाई खबर गरिदिनु हुन यसै पोष्ट मार्फत जानकारी गराउदछौं।

11/04/2024

काठमाण्डौसहित देशका केही ठाउँमा वर्षा : प्रदूषण र डढेलोबाट केही राहत

अहिले काठमाण्डौसहित बाग्मती, कोशी प्रदेशका पहाडी भेगमा पानी परिरहेकाे छ । केही भागमा चट्याङसहितको वर्षा भइरहेको जल तथा मौसम पूर्वानुमान महाशाखाका मौसमविद् राजु प्रधानाङ्गले जानकारी दिनुभयो । अहिले ठूलै पानी परे पनि राति भने कम वर्षा हुने उहाँले बताउनुभयो ।

भोलि दिउँसो पनि वर्षाको सम्भावना रहेको छ । अहिले पश्चिमी र स्थानीय वायुको प्रभाव रहेकाले प्रि–मनसुन फेरि शुरु भएको देखिएको मौसमविद् प्रधानाङ्गले जानकारी दिनुभयो । केही दिनयता काठमाण्डौमा बढेको वायु प्रदूषण पानी परेपछि कम हुँदै जाने उहाँले बताउनुभयो । यस्तै डढेलो पनि वर्षाले निभाएको छ ।

वर्षा नहुँदा मङ्गलवार र बुधवार उपत्यकामा वायु प्रदूषण बढ्दा काठमाण्डाै विश्वकै पहिलो प्रदूषित शहर बनेकाे थियाे । 'एअर क्वालिटी इन्डेक्स' का अनुसार बुधवार दिउँसो वायु गुणस्तर सूचकाङ्क (एक्यूआई) दुई सय ६५ सम्म पुगेकाे थियाे ।

11/04/2024

भारतकाे हरियाणामा स्कुल बस दुर्घटना हुँदा छ जना बालबालिकाकाे ज्यान गयाे

भारतको उत्तरी राज्य हरियाणामा स्कुल बस दुर्घटना हुँदा कम्तीमा छ जना बालबालिकाको ज्यान गएको छ । दुर्घटनामा २० जनाभन्दा धेरै विद्यार्थी घाइते भएका स्थानीय प्रहरीले जनाएको छ ।

जी .एल पब्लिक स्कुलका झन्डै ४० जना विद्यार्थी बोकेको बस आज दिउँसो कानिना क्षेत्रमा दुर्घटना भएको हो । चालकले जाँड–रक्सी खाएको र तीव्र गतिका कारण बस दुर्घटना भएको प्रारम्भिक अनुसन्धानमा खुलेको छ ।

हरियाणा राज्यका मुख्यमन्त्री नायब सिंह सैनीले दुर्घटनामा दुःख व्यक्त गर्नुभएको भारतीय सञ्चारमाध्यमले जनाएका छन् ।