Palpa Bensi

06/08/2022

जिल्ला हस्पिटल धादिङबाट डाइलायसिस सेवा सुरु माननीय मुख्यमन्त्री राजेन्द्र प्रसाद पाण्डे, स्वास्थ मन्त्री निमा लामा, प्रदेश संसद डा रामकुमार अधिकारी र नीलकण्ठ नगर प्रमुख भिम ढुंगानाको उपस्तिथिमा सुरु भएको छ । केही दिनमा ICU सेवा समेत सुरु हुनेछ ।

06/08/2022

अखिल नेपाल धादिङ्गद्वारा SEE उत्तिण विद्यार्थीलाई सम्मान प्रदान गरेको छ ।।

Photo:Royal Foto Records

12/03/2022

आज काठमाडौंमा युएस बंगला विमान दुर्घटना भएको ४ वर्ष पूरा भएको छ । ५१ जनाको ज्यान गएको थियो जसमा अधिकांश मेडिकल विद्यार्थी थिए । तिनीहरूको परिवारलाई सबैबाट थप बल र समर्थन प्राप्त होस्।

24/02/2022

पल शाहले गायिका समिक्षा अधिकारीलाई प्रयोग गरेर नियोजित ढङ्गले षड्यन्त्र गर्ने व्यक्ती हरुको नाम सहित प्रमाण बाहिर ल्याएका छन्। पल शाहले आफ्नो साथी दुर्गेश थापा,ठुल्दाई सरोज ओलि,भाई कृष्ण जोशी र सम्राट चौलागाईले नियोजित ढंगमा समिक्षाको प्रयोग गरेर आफुलाइ फसाएको स्पस्टिकरण प्रमाण सहित फेसबुकमा अपलोड गरेका छन्।यति चाहिँ प्रष्ट भइयो पललाई नजिक कै आफ्ना भनिनेले प्रहार गरेका रैछन्।

03/02/2022

14/01/2022

बैतडीमा अब खोप कार्डविना सरकारी सेवा लिन नपाइने
३० पुष २०७८, शुक्रबार

बैतडी । भारतसँग सीमा जोडिएको बैतडीमा सरकारी सेवा लिनका लागि खोपको पूर्ण मात्रा लगाएको हुनुपर्ने छ । कोरोना भाइरसको जोखिम बढ्दै गएपछि जिल्लामा सरकारी कार्यालयका सेवा प्राप्त गर्न कोरोनाविरुद्धको खोप लगाएको कार्ड अनिवार्य साथमा राख्नुपर्ने भएको छ ।

गृहमन्त्रालयको निर्देशनअनुसार आगामी माघ ७ गतेदेखि सरकारी कार्यालयमा सेवा लिनका लागि पुग्ने नागरिकले अनिवार्य खोपको पूर्ण मात्रा लगाएको खोप कार्ड अनिवार्य साथमा राख्नुपर्ने व्यवस्था गरिएका जिल्ला प्रशासन कार्यालयका सूचना अधिकारी खगेन्द्र भारतीले जानकारी दिनुभयो । उहाँले भन्नुभयो, “कोरोना सङ्क्रमणको जोखिम कम गर्न र खोपमा सबैको पहुँच पु¥याउन खोप कार्ड अनिवार्य गरिएको हो ।” कोरोना भाइरसको नयाँ भेरियन्ट ओमिक्रोन तीव्ररुपमा फैलिएपछि जिल्ला कोभिड सङ्कट व्यवस्थापन केन्द्रले हरेक स्थानीय तहमा आइसोलेसन कक्षको व्यवस्थापन गर्नसमेत आग्रह गरिएको छ ।

सदरमुकाममा जिल्लास्तरीय आइसोलेसन निर्माणका लागि दशरथचन्द नगरपालिकालाई आग्रह गरिएको छ । घर बाहिर वा सार्वजनिकस्थलमा जाँदा, सार्वजनिक यातायातका साधन प्रयोग गर्दा मास्कको प्रयोग अनिवार्य गर्न, भौतिक दूरी कायमलगायतका स्वास्थ्य सुरक्षा मापदण्डको पूर्ण पालना गर्न आह्वान गरिएको छ ।

यस्तै कोरोनाको जोखिम कम गर्नका लागि २५ जनाभन्दा बढी भेला नहुन निर्देशन दिएको छ । सामाजिक दुरी कायम गर्न पनि आग्रह गरिएको छ । कोरोना भाइरसको जोखिम कायमै रहेकाले स्वास्थ्यका मापदण्ड अनिवार्यरुपमा पालना गर्नुपर्ने जिल्ला अस्पतालका प्रमुख डा वशन्तराज जोशीले बताउनुभयो ।

यसैबीच नयाँ भेरियन्ट फैलनसक्ने भन्दै भारतसितको सीमानाका झुलाघाटमा हेल्थ डेस्क स्थापना गरी नेपाल भित्रिने सबै नागरिकको अनिवार्यरुपमा कोरोना परीक्षण गरिँदैछ । झुलाघाट नाकाबाट फर्किने नागरिकको एन्टिजेन विधिमार्फत कोरोना परीक्षण गर्न थालिएको स्वास्थ्य कार्यालयका प्रमुख योगेशप्रसाद भट्टले बताउनुभयो । जिल्लामा हालसम्म कोरोना सङ्क्रमणबाट १९ जनाको ज्यान गइसकेको छ ।

14/01/2022

भारतमा थपिए २ लाख ६४ हजार बढी संक्रमित, ३१५ जनाको मृत्यु
३० पुष २०७८, शुक्रबार

नयाँदिल्ली । छिमेकी राष्ट्र भारतमा पछिल्लो २४ घण्टामा कोरोना भाइरसबाट थप दुई लाख ६४ हजार २०२ जना सङ्क्रमित भएका केन्द्रीय स्वास्थ्य र परिवार कल्याण मन्त्रालयले शुक्रबार जानकारी दिएको छ । यसैसँगै भारतमा कूल सङ्क्रमितको संख्या तीन करोड ६५ लाख ८२ हजार १२९ पुगेको छ ।

सोही अवधिमा थप ३१५ जनाको कोरोना सङ्क्रमणका कारण मृत्यु भएको छ । यसैसँगै भारतमा कोरोनाका कारण ज्यान गुमाउने व्यक्तिको सङ्ख्या चार लाख ८५ हजार ३५० पुगेको मन्त्रालयले थप जानकारी दिएको छ ।

हाल यहाँ पाँच हजार ७५३ ओमिक्रोनका सङ्क्रमित रहेका पनि सो मन्न्त्रालयले शुक्रबार जानकारी दिएको छ । भारतमा अहिले सङ्क्रमित अवस्थामै रहेकाको सङ्ख्या बाह्र लाख ७२ हजार ७३ रहेका छन् । गएको २४ घण्टामा मात्र एक लाख ५४ हजार ५४२ जना सक्रिय सङ्क्रमित थपिएका छन् ।

भारतमा एक लाख ९ हजार ३४५ कोरोनाबाट मुक्त भएका छन् । यसैसँगै कोरोना सुरु भएयता हालसम्म तीन करोड ४८ लाख २४ हजार ७०६ जनालाई कोरोना सङ्क्रमण निको भएको छ । यहाँ कोरोना भाइरस निको हुने दर ९५.२० प्रतिशत रहेको जनाइएको छ ।

कोरोना सुरु भएदेखि हालसम्म ६९ करोड ९० लाखभन्दा बढी व्यक्तिको कोरोना परीक्षण भएको छ । यहाँ सन् २०२१ को जनवरी १६ बाट कोरोना भाइरसविरुद्ध खोप अभियान सुुरु भएको थियो । सो समयदेखि हालसम्म एक अर्ब ५५ करोड ३९ लाखभन्दा बढी डोज खोप लगाइएको छ ।

14/01/2022

एमाले महासचिव पोखरेललाई कोरोना संक्रमण
३० पुष २०७८, शुक्रबार

काठमाडौं । नेकपा एमालेका महासचिव शंकर पोखरेललाई कोरोना संक्रमण पुष्टि भएको छ । महासचिव पोखरेलले कोभिडको तेस्रो लहरबाट आफु अछुतो रहन नसकेको जनाएका छन् ।

‘कोभिडको तेस्रो लहरबाट आफु अछुतो रहन सकिएन । अबको केही दिन आइसोलेसनमा बस्नुपर्ने भो । निर्धारित सवै कार्यक्रम स्थगित गरियो’, महासचिव पोखरेलले शुक्रबार सामाजिक सञ्जाल फेसबुकमार्फत भनेका छन् ।

14/01/2022

प्रधानमन्त्री कप क्रिकेट : पुलिस क्लबकाे लगातार तेस्रो जीत, कर्णाली पराजित
३० पुष २०७८, शुक्रबार

काठमाडाैँ । नेपाल पुलिस क्लबले कर्णाली प्रदेशलाई पराजित गर्दै प्रधानमन्त्री कप टी–ट्वान्टी राष्ट्रिय क्रिकेट प्रतियोगितामा लगातार तेस्रो जीत दर्ता गराएको छ ।

कीर्तिपुरस्थित त्रिवि क्रिकेट मैदानमा आज भएको समूह ‘ए’ अन्तर्गतको खेलमा पुलिस क्लबले कर्णालीलाई ८९ रनले पराजित गरेको हो । पुलिसले यसअघि सुदूरपश्चिम प्रदेशलाई २ रनले तथा त्रिभुवन आर्मी क्लबलाई ४ विकेटले हराएको थियो । जीतसँगै पुलिस सेमिफाइनल नजिक पुगेको छ ।

कर्णाली हालसम्म खेलेका चार खेलमध्ये तीनमा पराजित भएको छ । कर्णालीको सेमिफाइनल पुग्ने सम्भावना समाप्त भएको छ । यसअघि कर्णालीले आर्मी र सुदूरपश्चिमविरुद्धको खेलमा पराजय भोगेको थियो भने प्रदेश नं १ लाई पराजित गारेको थियो ।

आजको खेलमा पुलिस क्लबले दिएको २४५ रनको विशाल लक्ष्य पछ्याउने क्रममा कर्णाली निर्धारित २० ओभरमा ९ विकेट गुमाउँदै १५५ रनमा समेटियो । कर्णालीका लागि प्रकाश जैसीले सर्वाधिक ६८ रनको योगदान गरे । उनले ४७ बल खेल्दै ६ चौका र ३ छक्का हाने । बलिङतर्फ पुलिसका योगेन्द्रसिंह कार्की र दीपेन्द्र सिंह ऐरीले दुई–दुई तथा पवन सर्राफ, कुशल भुर्तेल, करण केसी र गुल्सन झाले एक–एक विकेट लिए ।

त्यसअघि टस जितेर ब्याटिङ गरेको पुलिसले निर्धारित २० ओभरमा ६ विकेट गुमाउँदै २४४ रन बनाएको थियो । पुलिसका लागि ओपनर कुशल भुर्तेलले सर्वाधिक ८२ रनको योगदान दिए । उनले ३९ बलमा ९ चौका र ३ छक्का प्रहार गरे । यस्तै दीपेन्द्रसिंह ऐरीले ६२, दिलीप नाथले ३१, पवन शर्राफले २२, आरिफ शेखले १८ र मञ्जित श्रेष्ठले १९ रन बनाए । बलिङतर्फ कर्णालीका अनुज चुनारा, प्रकाश जैसी र रवीन्द्र शाहीले दुई–दुई विकेट लिए ।

14/01/2022

भैरहवाको बुद्धचोकमा भारतीय ट्रकले ठक्कर दिँदा मोटरसाइकल चालककको मृत्यु

भैरहवा । रुपन्देहीको भैरहवास्थित बुद्धचोकमा ट्रकले मोटरसाइकललाई ठक्कर दिँदा एक जनाको घटनास्थलमै मृत्यु भएको छ । ४२ एटी ४३५२ नम्बरको भारतीय ट्रकले लु १८ प ५७१६ नम्बरको मोटरसाइकललाई ठक्कर दिँदा ओमसतिया गाउँपालिका–१ खुन्साका ४१ वर्षीया जीबराज बस्यालको मृत्यु भएको हो ।

तीब्र गतिमा आएको ट्रकले मोटरसाइकलमा सवार बस्याललाई ठक्कर दिएको थियो । ठक्कर दिनुका साथै ट्रकले केही दूरी परसम्म घिसारेपछि उनको मृत्यु भएको प्रहरीले जनाएको छ । दुर्घटनापछि ट्रकले मोटरसाइकललाई करिब २ सय मिटरसम्म घिसारेको प्रत्यक्षदर्शीले बताए ।

बुद्धचोकबाट ट्रकले मोटरसाइकल घिसार्दै नयाँ सडकस्थित भाटभटेनीको नजिक ल्याएको थियो । दुर्घटनापछि आक्रोशित स्थानीयले ट्रकमाथि ढुंगामुढा गर्दा क्षति पुगेको छ ।

ट्रकको सिसा फुटेको छ । घटनास्थलमा आएको प्रहरीले ट्रकमा थप क्षति हुनबाट जोगाएको थियो । ट्रक र चालक प्रहरी नियन्त्रणमा छन् ।

14/01/2022

निर्वाचन आयोगमा सर्वदलीय बैठक जारी
३० पुष २०७८, शुक्रबार

काठमाडौँ । निर्वाचन आयोगले बोलाएको सर्व दलीय बैठक शुरु भएको छ । आउँदो माघ १२ गते हुने राष्ट्रिय सभा निर्वाचन र वैशाखमा प्रस्ताव गरिएको स्थानीय तहको निर्वाचन तयारीबारे आयोगले प्रमुख दलहरूसँग छलफलका लागि बैठक बोलाएको हो ।

जारी बैठकमा नेकपा एमाले, नेपाली कांग्रेस, नेकपा माओवादी केन्द्र, नेकपा एकीकृत समाजवादी लगायत दलहरुका प्रतिनिधि सहभागी रहेको जनाइएको छ । स्रोतका अनुसार एमालेबाट उपमहासचिव विष्णु रिमाल, कांग्रेसका रमेश लेखक, माओवादी केन्द्रबाट लीलामणि पोखरेललगायत नेताहरु छलफलमा सहभागी छन् ।

स्थानीय तहका जननिर्वाचित पदाधिकारीहरुको कार्यकाल यसै वर्षको अन्तिममा सकिन लागेको छ । समयमै स्थानीय तहको निर्वाचन गर्न भनी आयोगले आगामी २०७९ सालको वैशाखमा स्थानीय तहको निर्वाचन गर्ने प्रस्ताव अघि सारेको छ । यस प्रस्तावमा राजनीतिक दलहरु सहमत हुने नहुनेबारे छलफलबाट निक्र्यौल गरिने जनाइएको छ ।

14/01/2022

कालीकोटमा कोरोना सङ्क्रमण बढ्दो
३० पुष २०७८, शुक्रबार

कालीकोट । कालीकोटमा कोरोना भाइरस सङ्क्रमणको जोखिम बढ्दो छ । राजनीतिक दलका भेला सम्मेलन नरोकिएका कारणले जिल्लामा कोभिड–१९ को सङ्क्रमण बढेको हो ।

कालीकोटमा आज बिहान ११ जनामा एन्टिजेन विधिबाट परीक्षण गर्दा सात जनामा कोभिड–१९ को सङ्क्रमण देखिएको जिल्ला स्वास्थ्य कार्यालय कालीकोटले जनाएको छ ।

कोभिड–१९ को सङ्क्रमण देखिएका सबै राजनीतिक दलको कुनै न कुनै कार्यक्रममा सहभागी रहेको पाइएको जिल्ला स्वास्थ्य कार्यालय कालीकोटले जनाएको छ ।

जिल्लामा कोभिड–१९ सङ्क्रमण तीव्ररुपमा बढेको जिल्ला स्वास्थ्य कार्यालयका निमित्त प्रमुख कटकबहादुर महतले जानकारी दिए । “पछिल्लो चरणमा कोभिड–१९ बाट सङ्क्रमितमध्ये छ महिला र सात पुरुष रहेका छन्”, उनले भने, “विगतको तुलनामा तेस्रो चरणको कोभिड–१९ लहर भयावहरुपमा लिएको छ ।”

कोभिड–१९ का सङ्क्रमित विभिन्न होमआइसोलेसनमा रहेको निमित्त प्रमुख महतले जानकारी दिए । जिल्लामा हालसम्म कोभिड–१९ विरुद्ध पहिलो मात्राको खोप लगाउनेको सङ्ख्या ८१ हजार १८१ रहेको र दोस्रो मात्रा खोप लगाउनेको सङ्ख्या ४६ हजार ३१३ जना रहेको जिल्ला स्वास्थ्य कार्यालय कालीकोटले जनाएको छ ।

हालसम्म कालीकोटमा कूल जनसङ्ख्याको ५० प्रतिशतले पहिलो मात्रा र २८ प्रतिशतले दोस्रो मात्रा तथा १२ वर्षमाथिको लक्षित जनसङ्ख्यामा ६५ प्रतिशतले पहिलो र ३७ प्रतिशतले दोस्रो मात्रा कोभिड–१९ विरुद्धको खोप लगाएको निमिक्त प्रमुख महतले जानकारी दिए ।

14/01/2022

अमेरिकी दूतावासमा रकेट आक्रमण

बगदाद । बगदादमा रहेको अमेरिकी दूतावासलाई बिहीबार संदिग्ध आतङ्कवादी समूहहरूले लक्षित गरी रकेट आक्रमण गरेको छ। रकेट आक्रमणमा एक महिला र एक युवती घाइते भएका छन् ।

दूतावासले ट्विटरमा भनेको छ, “आज साँझ अमेरिकी दूतावास परिसरमा इराकको सुरक्षा, सार्वभौमसत्ता र अन्तरराष्ट्रिय सम्बन्धलाई कमजोर पार्ने प्रयास गर्ने आतंकवादी समूहले आक्रमण गरेको थियो,” स्पुतनिक न्यूजले रिपोर्ट गरेको छ।

यसबाहेक, इराक सुरक्षा बलहरूले भने कि रकेटहरू बगदादको दक्षिणी क्षेत्रबाट प्रहार गरिएको र तथाकथित ग्रीन जोनलाई निशाना बनाइएको थियो जुन कूटनीतिक नियोग प्रशासनिक भवनहरू, र अमेरिकी दूतावास सहित अन्य दूतावासहरू रहेको क्षेत्र हो ।

अमेरिकी दूतावासलाई नियमित रूपमा इराक र सिरियामा आक्रमणको शृङ्खलामा मिसाइलहरूद्वारा निशाना बनाइएको छ जसमा इराकको ऐन अल-असद एयरबेस र सिरियाको ग्रीन भिलेज बेस नजिकै अप्रत्यक्ष रकेट आक्रमणहरू हुने गरेका छन्।

इरानको इस्लामिक रिभोलुसनरी गार्ड कोर्प्सको कुलीन कुड्स फोर्सका कमाण्डर कासिम सुलेमानीको हत्याको दोस्रो वर्षगाँठ अघि र पछि हाल आक्रमणहरू तीव्र पारिएका छन् ।

14/01/2022

कोरोनाविरुद्धको खोप लगाउनेको चाप बढ्न थाल्यो
३० पुष २०७८, शुक्रबार

काठमाडौं । सरकारले माघ ७ गतेबाट सार्वजनिक स्थानमा प्रवेश गर्न कोरोना भाइरसविरुद्धको खोप कार्ड अनिवार्य बनाएपछि केही दिनयता खोप केन्द्रहरूमा खोप लगाउनेको चाप बढ्न थालेको छ ।

सरकारी तथा गैरसरकारी कार्यालय, होटल, रेस्टुरेन्ट, सिनेमा हल, रङ्गशाला, हवाईयात्रा, पार्क आदिमा प्रवेश गर्दा कोभिडविरुद्धको खोप लगाएको कार्ड साथमा राख्नुपर्ने व्यवस्था गरिएपछि खोप लगाउनेको भीड बढेको हो ।

त्यसका साथै कोभिड संक्रमण तीब्र विस्तार भएसँगै खोप केन्द्रमा सर्वसाधारणको चाप बढेको छ । उपत्यकाका अधिकांश खोप केन्द्रमा खोप लगाउनेको भीड निकै बढेको छ ।

केही दिनअघिसम्म खोप केन्द्रहरुमा खोप लगाउनका लागि मानिसहरू आउँदैनथे तर, सरकारले खोप कार्ड अनिवार्य बनाएपछि खोप केन्द्रमा दिनहुँजसो भीड लाग्ने गरेको छ । टेकु अस्पताल, बानेश्वरको सिभिल अस्पताल लगायत खोप केन्द्रमा खोप लगाउने मानिसको पछिल्लो केही दिनयता थामिनसक्नु भीड बढेको हो ।

सरकारले २५ जनाभन्दा बढी भेला नहुनु भनेपनि खोप केन्द्रहरुमा सयौँको संख्यामा मानिसहरु लाईनमा बस्दा त्यहीँबाटै संक्रमण फैलिने जोखिम बढेको छ । सार्वजनिक ठाउँमा खोप कार्ड अनिवार्य भनेर बाध्यात्मक बनाइदिँदा धेरै जना खोपको दायरामा आउने सरकारले लक्ष्य लिएको छ ।

सरकारी अस्पतालमा खोप लगाउनेको भीड बढेपछि निजी अस्पतालमा समेत खोप लगाउन थालिएको स्वास्थ्य मन्त्रालयले जानकारी दिएको छ ।

14/01/2022

01/09/2021

नेपाल र भारतबीच हुने मैत्रीपूर्ण अन्तर्राष्ट्रिय खेलमा दर्शकले प्रवेश पाउने
१६ भाद्र २०७८, बुधबार

काठमाडौं । अखिल नेपाल फुटबल संघ (एन्फा)ले नेपाल र भारतबीच हुने दुई मैत्रीपूर्ण अन्तर्राष्ट्रिय खेलमा दर्शकले प्रवेश पाउने बताएको छ ।

बुधबार (आज) आयोजित पत्रकार सम्मेलनमा (एन्फा)का अध्यक्ष कर्माछिरिङ शेर्पाले दर्शक प्रवेशका लागि नेपाल सरकार र कोभिड–१९ संकट व्यवस्थापन केन्द्र (सीसीएमसी)बाट अनुमति प्राप्त भइसकेको जानकारी गराएका हुन् ।

त्यस्तै, एन्फाका अध्यक्ष शेर्पाले प्रत्येक खेलमा ५ हजार १ सय दर्शकले प्रवेश पाउने र टिकटको बिक्री अनलाइनबाट हुने बताएका छन् । यसका साथै रंगशाला प्रवेशका लागि दर्शकहरुले खोपको दुवै मात्रा लिइसकेको वा पीसीआर परीक्षण गरेको नतिजा पेस गर्नुपर्ने भएको छ ।

यता एन्फाका उपाध्यक्ष तथा मैत्रीपूर्ण अन्तर्राष्ट्रिय खेलका संयोजक उपेन्द्रमान सिंहले आयोजनाका सम्पूर्ण तयारी पूरा भइसकेको बताए । त्यस्तै सरकारले तोकेको सबै स्वास्थ्य आचारसंहिताको पूर्ण पालना गर्ने पनि उनले बताए ।

30/08/2021

श्रीकृष्ण जन्माष्टमीको पावन अवसरमा स्वदेश तथा विदेशमा बस्नुहुने सम्पूर्ण नेपाली दिदीबहिनी तथा दाजुभाइमा सुख, शान्ति, एबं समृद्धिकाे हार्दिक सुभकामना व्यक्त गर्दछु । हामी सबैमा धार्मिक सहिष्णुता, सद्भाव र भाइचारा कायम रहिरहोस ।
हार्दिक शुभकामना ।

28/08/2021

नीलकण्ठ -१४मा श्री कृष्ण मन्दिर बन्दै गरेको अवस्था

26/08/2021

Wishing you a speedy recovery!
Get Well Soon Khadka Badhur Pun(Khabapu)

26/08/2021

Breaking: Dhanusha District Court has decided to give 10 Years 6 Months Jail to Acid attacker Husband in Arati Shah Acid Case. The husband is also asked to pay 6 Lakh 50 thousand as compensation. Earlier, Chief Minister of Province 2 Lalbabu Raut also announced NRs. 5 Lakh to Arati Shah as help.

26/08/2021

प्रदेश १ का मुख्यमन्त्री शेरधन राईले राजीनामा दिनुभएको छ ।

26/08/2021

Huge Achievement by Nepali in International Food Market: Food by Restaurant of Dhurba Subedi "Arooz De Marisco" has been listed as World best Seafood & top 14 best traditional food in the world by prestigious Taste Atlas. This restaurant has outlet in different countries in Europe. ❤️🇳🇵

26/08/2021

Happy birthday to the funniest and talented gamer 4k Gaming Nepal [ Pawan Jung shahi thakuri ] lots of love 😍🥰

26/08/2021

Back to back Record: Popular & emotional Nepali lok song by Bishnu Majhi 'चरि जेलैमा' becomes "Most viewed Nepali song on YouTube in 24 hours". Song gets 11.43 lakhs views in 7th day & breaks the record of Paran song from film A Mero Hajur (10.25 lakhs).
❤️🇳🇵

25/08/2021

नेपाल क्रिकेट सघंले ओमान पुगेको नेपाली राष्ट्रिय क्रिकेट टिमका सबै खेलाडी र अफिसियलहरुको कोभिड १९ नतिजा नेगेटिभ आएको जनाएको छ। ❤🤗
त्यस्तै टिमको Quarantine सकिएसगैं आज पहिलो दिन स्ट्रेन्थ एण्ड कन्डिसनिंग सेशन गरिएको जनाएको छ ।

25/08/2021

Head coach of Nepal National Football Team Abdullah Almutairi has shared through his social media saying, "I am out. Let politics work". The detail regarding his statement is yet to come.

25/08/2021

आजबाट दिइने भनेको भेरोसेलको दोस्रो डोज अब शुक्रबारबाट दिइने
९ भाद्र २०७८, बुधबार

काठमाडौँमा भेरोसेल खोपको दोस्रो डोज अब शुक्रबार (भदौ ११ गते) बाट दिइने भएको छ । कोरोना भाइरसविरुद्ध उक्त चिनियाँ खोप यस भेरोसेलकै पहिलो डोज लगाएकाहरुलाई दिइने स्वास्थ्य कार्यालय काठमाडौंले जनाएको छ ।

यसअघि आज बुधबारबाट उक्त खोप दिइने भनिएको थियो तर बीचमा लगातार बिदा परेकाले पर सारिएको स्वास्थ्य कार्यालयले जनाएको छ । अहिले भदौ ४ गतेदेखि सुरु भएको भेरोसेलको पहिलो डोज नै दिइरहेको छ । जनैपूर्णिमा र गाईजात्रा बिदाका कारण दोस्रो डोजको कार्यतालिका पर सरेको हो ।

शुक्रबारदेखि तीन दिन लगातारा दोस्रो डोज दिइनेछ । पहिलो डोज लगाएको तीन साता भएकाहरु सबैले यस अन्तरगत खोप पाउनेछन् । तर खोप लगाउनका लागि पहिलो डोज लगाएको खोपकार्ड लिएर तोकिएका खोपकेन्द्रहरुमा जानुपर्नेछ ।

25/08/2021

यी हुन्, नेकपा (एकीकृत समाजवादी) दर्ताका लागि हस्ताक्षर गर्ने सांसद र केन्द्रीय सदस्य
९ भाद्र २०७८, बुधबार

काठमाडौं । माधवकुमार नेपालको नेतृत्वको नेकपा (एकीकृत समाजवादी) पार्टी दल दर्ता सनाखतमा ३० संघीय सांसदसहित ५ जना केन्द्रीय सदस्यहरुले हस्ताक्षर गरेका छन् ।

दल दर्ता सनाखतका लागि बुधबार ५५ केन्द्रीय सदस्य र २९ सांसद निर्वाचन आयोग पुगेका थिए । झलनाथ खनालले दिल्लीबाटै दल दर्ताका लागि सनाखत गरेका छन् । दूतावासमार्फत पठाएको पत्रका आधारमा सनाखत गरिएको आयोगले जनाएको छ ।

दल दर्ताका लागि ५६ जनाको नामावली आयोगमा पठाइएको थियो । उनीहरुमध्ये भाष्कर काफ्लेबाहेक ५५ जनाको सनाखत भएको आयोगले जनाएको छ ।

बाँकी हस्ताक्षर नभएका चारजना विक्रम शाही, सोमप्रसाद पाण्डे, रामप्रित पासवान र राजन राईको विषयमा अहिले छलफल जारी भइरहेको छ ।

यी हुन्, सनाखत गर्ने ३० संघीय सांसद
माधवकुमार नेपाल
मुकुन्द न्यौपाने
कल्याणीकुमारी खड्का
विरोध खतिवडा
जीवनराम श्रेष्ठ
रामकुमारी झाँक्री
निरादेवी जैरु
प्रेमबहादुर आले
मेटमणि चौधरी
सरला यादव
भवानी खापुङ
पुष्पाकुमारी कर्ण कायस्थ
समिना हुसेन
कृष्णलाल महर्जन
कृष्णकुमार श्रेष्ठ
कलिला खातुन
हिराचन्द्र केसी
धनबहादुर बुढा
गोपालबहादुर बम
पार्वतीकुमारी विशुंखे
लक्ष्मी चौधरी
विना बुढाथोकी
बेदुराम भुसाल
शेरबहादुर कुँवर
ठगेन्द्रप्रकाश पुरी

उदया शर्मा (पौड्याल)
सिंगबहादुर विश्वकर्मा
नन्दा चपाईं
शान्तिकुमारी अधिकारी जिसी
झलनाथ खनाल (भारतबाट सनाखत)

यी हुन्, सनाखत गर्ने ५५ केन्द्रीय सदस्य
माधव नेपाल
मुकुन्द न्यौपाने
प्रदीप नेपाल
बेदुराम भुसाल
प्रमेशकुमार हमाल
राजेन्द्रप्रसाद पाण्डे
डा विजयकुमार पौडेल
गंगालाल तुलाधर
प्रकाश ज्वाला
नागेन्द्रप्रसाद चौधरी
जयन्ती राई
तुलबहादुर गुरुङ
जगन्नाथ खतिवडा
प्रतापलाल श्रेष्ठ
जीवनराम श्रेष्ठ
धर्मनाथप्रसाद साह
रामचन्द्र यादव
यदुवंश झा
रत्नेश्वर गोइत यादव
श्रीप्रसाद साह

रविन्द्र बैठा धोवी
लक्ष्मण पौडेल
मदनकुमारी शाह ९गरिमा०
विरोध खतिवडा
मेटमणि चौधरी
विश्वनाथ प्याकुरेल
प्रेमलकुमार खनाल
विजय गुरुङ
सावित्रा भुसाल
रामकुमारी झाँक्री
गौरा प्रसाईं कोइराला
रामकुमार ज्ञवाली
खगेन्द्र चुडाल
सरलाकुमारी यादव
सुधिरप्रसाद साह
कल्याणीकुमारी खड्का
शत्रुघन महतो
रामचन्द्र साह
दिनेशकुमार राई
हंशबहादुर शाही
शेरबहादुर केसी
निरादेवी जैरु
प्रेमबहादुर आले
भागवत नेपाली
चुडामणि विक जंगली
घनेन्द्र बस्नेत
राजेन्द्रकुमार राई
बलदेव चौधरी
डा देउमान सम्बाहम्फे
भाष्कर काफ्ले
कृष्णप्रसाद खनाल
मोहम्मद महफुज अन्सारी
हरिप्रसाद पराजुली
केदार न्यौपाने

झलनाथ खनाल (भारतबाट सनाखत)

सनाखत गरेर निर्णय हुन बाँकी सांसदहरु
माया ज्ञवाली
तुलसा थापा
सोमप्रसाद पाण्डे
सरलादेवी सुवेदी

25/08/2021

आयोगले आजै माधव नेपाल समूहलाई नयाँ दल दर्ताको प्रमाणपत्र प्रदान गर्ने
९ भाद्र २०७८, बुधबार

काठमाडौं । निर्वाचन आयोगले माधवकुमार नेपालको नेतृत्वको नेकपा (एकीकृत समाजवादी) पार्टीको दल दर्ताको प्रमाणपत्र आजै दिने भएको छ ।

दल दर्ताको सनाखत भएसँगै अबको प्रमाणपत्र दुई घन्टापछि आयोगले दल दर्ताको प्रमापत्र उपलब्ध गराउने नेकपा (ए.स.) का विरोध खतिवडा बताएका हुन् ।

उनका अनुसार सनाखतका लागि आयोग पुगेर ३० संघीय सांसदसहित ५५ जना केन्द्रीय सदस्यहरुले हस्ताक्षर गरेका छन् ।

दल दर्ताका लागि ५६ जनाको नामावली आयोगमा पठाइएको थियो । उनीहरुमध्ये भाष्कर काफ्लेबाहेक ५५ जनाको सनाखत भएको आयोगले जनाएको छ ।

बाँकी हस्ताक्षर नभएका चारजना विक्रम शाही, सोमप्रसाद पाण्डे, रामप्रित पासवान र राजन राईको विषयमा अहिले छलफल जारी भइरहेको छ ।

25/08/2021

बालकोटको बार्दलीमा उभिएर चर्चामा आउनु गलत हो ? : ओली
९ भाद्र २०७८, बुधबार

काठमाडौं । नेकपा एमाले अध्यक्ष तथा पूर्वप्रधानमन्त्री केपी शर्मा ओलीले बार्दलीमा उभिएर चर्चामा आउनु गलत हो भन्दै सरकारलाई प्रश्न गरेका छन् ।

बुधबार पत्रकार सम्मेलनमा बोल्दै अध्यक्ष ओलीले आफ्नो कार्यकालमा आफूलाई काम गर्न नदिइएको र बार्दलीमा उभिएर चर्चामा आउनु गलत नभएको बताए ।

उनले भने, ‘आफूले बार्दलीमा उभिएर चर्चामा आउनु गलत हो ? हिजोको सरकारलाई काम गर्न दिइएन, अहिलेको सरकारले कामै नगरेर संसद चलेन ।’

आफूले ल्याएको अध्यादेश कुनै पनि दल विभाजन गर्न नल्याइएको पनि उनले सम्मेलनमा भनेका छन् । उनका अनुसार अहिलेको सरकारले पार्टी फुटाउनकै निम्ति राजनीतिक दलसम्बन्धी अध्यादेश ल्याएको छ ।

त्यसपछि माधवकुमार नेपाल नेतृत्वले आयोगमा दर्ता गरेको नयाँ पार्टी एकीकृत समाजवादीले कम्युनिष्ट एकतालाई असर नगर्ने बताए । उलने टुक्राटाक्री जोडेर बनेको पार्टीले एमालेलाई असर नगर्ने र एमाले नै कम्युनिष्टको मूलधार रहेको पनि स्पष्ट पारे ।