31/12/2023
♥️♥️ स्वागत तथा बिदाई(Welcome & Farewll) ♥️♥️
कार्यक्र भव्य एवम उल्लासपूर्णरूपमा सम्पन्न
आदर्श मावि, लायकु थिमिमा चालु शैक्षिक २०८० मा कक्षा ११ मा भर्ना भएका विद्यार्थीहरूकाे स्वागत (Welcome) तथा गतवर्ष कक्षा १२ अध्ययन गरी पासआउट भएका विद्यार्थी- -हरूकाे बिदाई(Fare well) कार्यक्रम भव्य एवम् उल्लासपूर्ण रूपमा सम्पन्न भएकाे छ । विद्यालयका पूर्व विद्यार्थी समेत रहेका बागमति प्रदेश सभासद भावना श्रेष्ठ प्रमुख अतिथि रहनु भएकाे कार्यक्रममा वि.व्य.स.अध्यक्ष तथा मथिनपाका उपप्रमुख विजयकृष्ण श्रेष्ठ विशेष अतिरहनु भएकाे थियाे । प्रधानाध्यापक बुद्धिकुमार घाेकाे सभापतित्वमा विद्यालयकाे कार्यक्रममा पूर्व शिक्षक श्यामकृष्ण श्रेष्ठ, समाजसेवी कृष्णलाल गाेजा र पूर्व विद्यार्थी डा. शिवशरण श्रेष्ठ लगायत विव्यस सदस्यहरू अतिथिकाे रूपमा रहनु भएकाे थियाे । सपअ हरिबाहादुर श्रेष्ठबाट उपस्थित सबैलाई स्वागत गरिएकाे कार्यक्रमकाे सञ्चालन माध्यमिक तह ईन्चार्ज एवम् शि. कमलप्रसाद भट्टराईले गर्नुभएकाे थियाे । आपचारिक र साँस्कृतिक कार्यक्रम गरी दुई खण्डमा चलेकाे कार्यक्रमकाे शुरूकाे ओैपचारिक कार्यक्रममा देहायका गतिविधि भएकाे थियाे ।
१. यस वर्ष कक्षा ११ मा भर्ना भएका विद्यार्थीहरूलाई
विद्यालयकाे तर्फबाट प्रअ र सप्रअले टीका तथा खाडा लगाई
स्वागत गरियाे ।
२. गतवर्ष कक्षा १२ अध्ययन गरी रा्ष्ट्रिय परीक्षा बाेर्डबाट
सञ्चालित बाेर्ड परीक्षामा उत्कृष्ट नतिजा प्राप्त गर्ने कृति
मानन्धर (3.25 GPA), भाेवन खत्री/राेनिया पाैडेल/सुदिप
लामिछाने( 3.20 GPA) र बिनिता श्रेष्ठ( 3.09 GPA)
आदिलाई पदक तथा उपस्थित सम्पूर्णलाई मायाकाे चिन्ह,
खाडा , टीकाद्वारा सम्मान क्रमशः प्रमुख अतिथि, विशेष
अतिथि तथा प्र.अ. बाट भएकाे थियाे ।
३. मध्यपुर थिमि नगरपालिकाद्वारा हालै आयाेजित दाेस्राे
राष्ट्रपति रनिङ्ग शिल्ड प्रतियाेगिता-२०८० मा ५ स्वर्ण, ९
रजत र ४ कास्य पदक गरी जम्मा १८ पदकसहित सहभागी
३७ विद्यालयहरू मध्य विद्यालयलाई तृतीय स्थान दिलाउन
सफल सम्पूर्ण खेलाडि छात्रछात्राहरूलाई विद्यालयकाे
तर्फबाट सम्मान स्वरूप टीका, खाडा, प्रशंसा पदक तथा
उनीहरूले प्राप्त गरेकाे मेडल तथा प्रमाणपत्र वितरणकाे
काम प्रमुख अतिथि, विशेष अतिथि, प्र.अ. र सप्रअबाट
भएकाे थियाे ।
४. अक्षयकोष स्थापनाकाे घाेषणा र चेक हस्तान्तरण :
कार्यक्रमकाे अर्काे महत्वपूर्ण र विशेष आकर्षण अक्षयकोष
स्थापना रहेकाे छ । विद्यालयका पूर्व विद्यार्थी (२०२६-२८)
रही त्रिविवि सेवा अन्तर्गत ३५ वर्ष प्राध्यापन गरी सेवा
निवृत्त हुनुभएका डा. शिवशरण ध्याकाेदुवा श्रेष्ठले आफ्ना
दिवंगत माता-पिताकाे नाउँमा रू. २,५०,०००।- काे
अक्षयकाेष स्थापना गरी साेकाे ब्याज आयबाट आउँदाे
वर्षदेखि नियमित रूपमा विद्यालयबाट कक्षा १० काे SEE
परीक्षामा उत्कृष्ठ नतिजा हासिल गर्ने दुईजना विद्यार्थीहरू
- लाई छात्रवृत्ति प्रदान गर्दै जाने हेतुले अक्षयकाेष
स्थापनाकाे घाेषणा गर्नु भयाे र साेही अवसरमा उल्लेखित
रकमकाे चेक विद्यालयका प्र.अ. लाई हस्तान्तरण गर्नु
भएकाे थियाे ।
कार्यक्रममा आफ्नाे शुभकामना मन्तव्य राख्दै प्रमुख अतिथि तथा विशेष अतिथिले आफूहरू साेही विद्यालयकाे पूर्व विद्यार्थी रहेकाले विद्यालयकाे शैक्षिक विकासमा आफ्नाे तर्फबाट सक्दाे पहल हुने वचनबद्धतासहित विद्यालयकाे ऐतिहासिक विरासतलाई कायम गर्दै अघि बढ्न सम्पूर्ण शिक्षक तथा विद्यार्थीहरूले अझ लगनकासाथ मेहनत गर्नु पर्ने कुरामा जाेड दिनु भएकाृ थियाे ।
अन्तमा कार्यक्रम सभापतित्व गर्नु भएका प्रअले स्वागातार्थी र सम्मानित हुने सम्पूर्ण विद्यार्थीहरूलाई हार्दिक बधाई ज्ञापन व्यक्त गर्दै पवित्र भावनाले गरिएकाे अक्षयकाेष स्थापनाकाे सह्राना गर्नु भयाे भने कक्षा १० का विद्यार्थीहरूलाई साे अक्षयकाेषबाट पहिलाे पुरस्कार ग्रहण गर्ने व्यक्तित्वकाे रूपमा इतिहासमा दर्ज हुने गरी नतिजा प्राप्त गर्ने हृेतुले आउँदाे SEE काे तयारीमा लाग्न निर्देशन सहित शुभेच्छ व्यक्त गर्नु भयाे । साथै अक्षयकाेष गर्ने व्यक्तित्वलाई विशेष धन्यवाद ज्ञापन गर्दै चिरकाल पर्यन्तसम्म साेकाे सही सदुपयाेग हुँदै जाने विश्वास व्यक्त गर्नु भएकाे थियाे ।
लन्च ब्रेक पछि कार्यक्रमकाे दाेस्राे खण्डमा करीव १.५ घण्टा (अपरान्ह २:३०बजे) सम्म आयाेजककाेरूपमा रहेका कक्षा १२ का विद्यार्थीहरूले आकर्षक गीत/नृत्यसहित विविध साँस्मृतिक कार्यक्रम प्रस्तुत गरिएकाे थियाे ।
