Det Norske Samlaget

Hjem
Norge
Oslo
Det Norske Samlaget

Vi har gitt ut kvalitetslitteratur på nynorsk i over 150 år. Samlaget er eit kulturforlag som i over 150 år har fremja nynorsk språk og litteratur.

Engasjerte forfattarar og tilsette i forlaget bidreg til eit stort mangfald av utgivingar av høg kvalitet. Barn og ungdom er ei viktig målgruppe for forlaget.

24/01/2025

Dagbladet trillar femmar på terningen til Sigri Sandberg og Det året eg vakna 🥳

Marius Wulfsberg skriv: «Det året eg vakna er (derfor) annerledes enn de fleste bøkene om klimakrisen jeg har lest. Sandberg skriver ikke forskningsbasert, som Dag O. Hessen i Verden på vippepunktet. Heller ikke skriver hun reportasjer som Marit Beate Kasin i Naturparadokset. I stedet skriver hun personlige og kåserende, fortellende og essayistisk. Hun kan skifte mellom poetiske skildringer av snø som faller og reflekterende tekster om filosofenes forståelse av naturen. Hun forteller en historie om hvordan hun er i ferd med å forvandle seg fra feiging til klimaaktivist.»

Gratulerer, Sigri! ❤️

23/01/2025

Skamlaus bruk av søt katt i marknadsføring, del II 🐱

(Foto: Kristin Tinmannsvik)

23/01/2025

Aina Basso er tilbake! Denne gongen har ho skrive ein historisk ungdomsroman om skam, urett og overtru.Josefa er femten år gammal då faren ror henne over fjorden der ho skal gå i teneste på storgarden Li. Trass i saknet etter familien trivst Josefa blant tenestefolka på garden, og særleg Sara blir ein nær ven. Men alt er ikkje like fint som det verkar, på Li, og snart får Josefa erfare kva det er som ligg og ulmar under overflata. Før det blir morgon handlar om å vere ei ung jente i Noreg på 1700-talet. Basso skildrar historia på ein sanseleg og truverdig måte. Det er noko tidlaust over måten ho skriv om kjenslene, tankane og draumane til Josefa på. Samstundes viser ho fram ein røyndom der dei fleste menneske var prisgitt overmakta.I sal no!

22/01/2025

Hurra 🥳 Therese Garshol Syversen er nominert til Uprisen 2025 for romanen Eg skal rive deg i filler!

Vi gratulerer med den gjeve nominasjonen og kryssar fingrane for at boka går heilt til topps hos juryen 🤞

22/01/2025

Apropos Kvitleik … 🥹

Henta frå Et år med læsning og skriving (2024) av Jeppe Krogsgaard Christensen.

22/01/2025

🤌🏼Utan tvekan ett mästerverk🤌🏼

For ein start den svenske utgåva av Kvitleik har fått! Svenska Dagbladet, Dagens Nyheter, Sveriges Radio, Expressen og Göteborgs-Posten har så fine lesingar av den vesle forteljinga til Jon Fosse.

Er du ikkje passasjer på Fosse-toget enno? Start med Kvitleik! Då rekk du å bli fan før fyrste bok i Vaim-universet kjem til hausten 💌

22/01/2025

Tommy Olsson har lese Vegen heim til Svartskog – og er veldig begeistra ❤️‍🔥

21/01/2025

Er du 44 år? Korleis er livet, i så fall?

Kjenner du deg att i overskriftene ovanfor? Då vil me høyre frå deg! Send oss ei direktemelding 💌

20/01/2025

Sputnik «intervjuar» Jon Fosse 🤭

Henta frå Rikets røst på TV 2, 18. oktober 2007.

20/01/2025

Arild Rein og Geir Egil Bergjord har gått saman for å lage fotoromanen Vegen heim til Svartskog.

Dei folketomme og urovekkande nattfotografia i denne boka viser ein by i transformasjon, der betraktaren beveger seg gjennom gater, torg og kaiar. I dette underlege og destruerte byrommet møter me ein namnlaus 14-årig forteljar, som etter ein kollisjon med bilen full av tjuvegods kjem bort frå storebroren Billy på 19. Storebroren kjem ikkje tilbake til det vesle huset dei har leigd nær Stavanger sentrum, og i desperasjon går veslebroren ut i den ukjende byen og leitar etter han. Gjennom ein indre monolog under den klaustrofobiske nattevandringa får me innsikt i historia hans frå barndommen og fram til tjuveriturneen i oljebyen. Eit sår opnar seg, og i situasjonen tyr hovudpersonen til rusmiddel. Rusen påverkar sanseopplevinga, der han i jakta på storebroren ravar rundt i eit slags delirium og glimtvis observerer eit dekonstruert byrom.

Vegen heim til Svartskog er blitt til i samarbeid mellom bildekunstnar Geir Egil Bergjord og forfattar Arild Rein. I boka dannar bildematerialet og teksten – kvar for seg sjølvstendige element – eit nytt og tredje narrativ.

I sal no.

19/01/2025

Dette har me trua på 💌

19/01/2025

Vekas søndagsdikt er Kom ikkje med heile sanningi av Olav H. Hauge ☁️

18/01/2025

Sjå kor fint Bokmagasinet er i dag ❤️ På innsida har Eivind Myklebust skrive så fint om jubilanten vår. Hurra for Einar Økland!

17/01/2025

Vår kjære forfattar Einar Økland fyller 85 år i dag!

Sidan debuten Ein gul dag i 1963 har han gitt ut over åtti bøker innanfor dei aller fleste sjangrar, og vore ei kjelde til enorm leseglede for folk i alle aldrar.

I den nyaste utgivinga hans, Andre tider (2023), skriv Økland leikne, fabelaktige og fabulerande dikt som framhevar det sjølvopplevde som verdifullt. Som her, i Når eg er ein engel:

Når eg er ein engel
slår eg vengjene saman
og går med hendene
djupt i lomma og føtene
litt over jorda bortover
dit heilt gjennomsiktige skuggar flyt
på lyset mellom låge greiner
som svingar til sides og slepper meg inn
i skogen der eg forsvinn
og er forsvunnen som alle andre
englar før meg.

Gratulerer så mykje med dagen, gode Einar ❤️

(Foto: Tove K. Breistein)

17/01/2025

Eirik Riis Mossefinn i Morgenbladet er begeistra for Anno asen, som han omtalar som «både alvorstung og skamløst kødden» 🥕

«Anno asen er blant de beste skandinaviske samtidslitterære bøkene jeg har lest om kapitalistisk utbytting og politisk makt og avmakt. Samtidig er det selvsagt ikke det venstreradikale tankeuniverset i seg selv som gjør boken god, den slags har man internett og Sally Rooney-karakterer til. Med sin idérikdom og språklige tilgjengelighet minner Anno asen meg på en sannhet som gjelder for poesien så vel som politikken: ting kan være komplisert og enkelt på en og samme tid.»

Gratulerer, Athena og Ida! ❤️

16/01/2025

No er me spente! 🤭

16/01/2025

🗣️«Det året eg vakna» har kome frå trykkeriet🗣️

Sigri Sandberg signerer rykande ferske eksemplar og ladar opp til lansering om ei veke! Velkomen til samtale mellom Sandberg og Dag O. Hessen på Norli Universitetsgata klokka 17.30 torsdag 23. januar.

Som Hessen sjølv seier: «vi trenger slike personlige, under-huden-vitnemål om naturtap og klima» 🌍

Me gler oss til at de skal lese denne fine og viktige boka 🥰

15/01/2025

I Anno asen vender Athena Farrokhzad tilbake til sentrale tema i forfattarskapen sin, denne gongen via eselet. Denne dyreverdas proletar som vi har fordumma for å kunne utnytte, denne migranten som aldri får lagt frå seg børa si. Dikta rører seg frå forteljarens kvardag til ville fantasiar om eselets ulike ansikt og lengtande songar om eit fjernt opprør. Arbeidskritikken fell saman med skildringar av døden i diasporaen, og morskapen dukkar opp i eit nytt lys under eselhoppas antropomorfe natt.Farrokhzad sluttar seg til ein litterær tradisjon som går frå Mulla Nasreddin til Ramón Jiménez, der Tussi har blitt med i RAF og alle år er eselets. Gjendikta av Ida Hove Solberg.

https://samlaget.no/products/anno-asen-gjendikting-ved-ida-hove-solberg

Adresse

Mariboes Gate 13
Oslo
0506

Telefon

+4722707800

Nettsted

http://samlaget.no/

Varslinger

Vær den første som vet og la oss sende deg en e-post når Det Norske Samlaget legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Videoer

Sputnik «intervjuar» Jon Fosse 🤭 Henta frå Rikets røst på TV 2, 18. oktober 2007.

Snarveier

Del

Type

Utgiver

Our Story

Samlaget er eit kulturforlag som i 150 år har fremja nynorsk språk og litteratur. Engasjerte forfattarar og tilsette i forlaget bidreg til eit stort mangfald av utgivingar av høg kvalitet. Barn og ungdom er ei viktig målgruppe for forlaget.