Həsən Dəmirçinin vəfatından 6 il ötür
Təbrizdə tanınmış musiqiçi, Güney Azərbaycan Milli Hərəkatının fəalı Həsən Dəmirçinin vəfatının altıncı ildönümü münasibətilə bağlı mərasim keçirilib.
Tədbir mərhumun ailə üzvləri, yaxınları və Güney Azərbaycan Milli Hərəkatı fəallarının iştirakı ilə Təbrizin Vadi Rəhməti qəbiristanlığında, onun məzarı başında baş tutub.
Həsən Dəmirçi 1941-ci ildə Təbriz şəhərində anadan olub. O, 1981-ci ildə Təbrizdə küçələrdə ana dili ilə bağlı şüarlar yazdığına görə həbs olunub. 2006-cı ildə isə Xordad hadisələri zamanı Təbrizdəki etirazçılara 30 nəfərlik orkestri ilə konsert verdiyinə görə, eləcə də etirazlara qoşulduğuna görə musiqi məktəbi və orkestri ləğv edilmişdi.
Dəmirçi İran İnqilab məhkəməsinin hökmü ilə bir il həbs cəzasına məhkum olunaraq Təbriz Mərkəzi Həbsxanasına salınıb. Daha sonra vəkil Nağı Mahmudi ona qarşı verilmiş hökmdən şikayətçi olduqdan sonra Həsən müəllim bəraət qazanmış və 6 aydan sonra azadlığa buraxılmışdı. Azadlığa çıxdıqdan sonra dəfələrlə təzyiqlərə və təqiblərə məruz qalıb.
2009-cu ildə rəhbərlik etdiyi “Azərbaycan Musiqi Məktəbi” ETTELAAT əməkdaşları tərəfindən bağlanmışdı. Nəticədə 11 musiqi müəllimi işsiz, 200 tələbə isə təhsilsiz qalmışdı.
2015-ci ilin dekabr ayında İranda və Güney Azərbaycanda yaşayan 1046 türk fəalı Suriya türkmənlərinin qırğınına qarşı çıxaraq onlara dəstək bəyanatı imzalayıblar. Bəyanatı imzalayanlar arasında Həsən Dəmirçi də olub.
Dəmirçi 2015-ci ildə Bakıda “Borçalı” cəmiyyəti tərəfindən verilmiş “Türklüyə Xidmət Mükafatı”na görə təzyiqlərə məruz qalıb.
“Azərbaycanın tarixi kompleksi məhv edilir”- Güneyli rejissor video yaydı
Güney azərbaycanlı ekofəal, tanınmış rejissor Məhəmməd Əlimuradi Azərbaycan mədəniyyəti və tarixi irsinə qarşı laqeydlik və düşmən münasibət sərgiləndiyini bildirib.
O, bu barədə özünün sosial media hesabında video yayıb.
Rejissor Azərbaycanın Dəmir dövrü sivilizasiya mərkəzlərindən biri olan və Qərbi Azərbaycan əyalətinin Tikantəpə (Tikab) ərazisində yerləşən tarixi “Suğurluq” kompleksi barədə hazırladığı qısa sənədli filmdə kompleksin acınacaqlı durumu barədə danışıb.
Əlimuradi İranda adı təhrif edilərək “Təxti Süleyman” adlandırılan kompleksin tarixinin də dəyişdirildiyini, Azərbaycan və türk kimliyinə məxsusluğunun aradan qaldırılmasına çalışıldığını deyib.
O, Əhmənilərdən də əvvəlki dövrə aid olan tarixi abidənin farslaşdırılaraq Sasani sülaləsi dövrünün abidəsi və “Atəşgah” kimi qələmə verilməsinin əsassız olduğunu bildirib:
“Suğurluq kompleksində Dəmir dövrünün müqəddəs ocaqları istisna olmaqla, Atəşgah və Zərdüştdən, Sasanilər sülaləsindən əsər-əlamət yoxdur”.
Azərbaycanlı rejissor kompleksin tarixi və təyinatının saxtalaşdırılmasına etiraz edib, bunu “fars kimliyi və tarixi yaratmaq layihəsi”nin tərkib hissəsi adlandırıb:
“Fars-ari tarixi yaratmaq layihəsi çərçivəsində dilimizi və kimliyimizi öz adlarına sənədləşdirdilər, indi də tarixi abidələrimizi özününküləşdirirlər”.
Güneyli sənətçi sonda “Suğurluq” kompleksinin tarixi və təyinatı barədə mənbələrə istinadən açıqlamalar verərək, farsların kompleks barədə iddialarının əsassız olduğunu sübut edir.
Son vaxtlar İranda “Hamster Combat” Telegram oyunu gündəmdədir
Bu ilin aprelində təqdim edilən oyun qısa müddətdə istifadəçilərin diqqətini çəkib və hazırda virtual məkanda, hətta ictimai dairələrdə ən çox müzakirə olunan mövzulardan birinə çevrilib.
Baxdığınız hər yerdə – metrolardan, avtobuslardan tutmuş iş yerlərinə qədər insanlar mobil telefonlarında bu oyunu oynayırlar.
İstifadəçilərin telefonlarının ekranına toxunaraq “Hamster Coin” adlı virtual sikkələr qazandıqları bu sadə oyun “Nat Coin”in mübadilələrdə uğur qazanmasından sonra virtual sikkələri real pula çevirmək ümidlərini artırıb.
Oyunu ən çox Kirmanşah, Şərqi Azərbaycan və Qərbi Azərbaycan vilayətlərində oynayırlar.
Hamster_Combat
Azərbaycanlı repçi Milad Cəlili həbs cəzasını çəkmək üçün Təbriz həbsxanasına gedib
Azərbaycanlı sənətçi Milad Cəlili (İlşən) bu gün İnstagram səhifəsində video yayımlayaraq, “yalnız siyasi rep ifasına görə həbs olunduğunu” və 8 aylıq həbs cəzasını çəkmək üçün Təbriz zindanına getdiyini açıqlayıb.
O, Təbriz İnqilab Məhkəməsinin ikinci şöbəsində “Pantürk separatçı məhkumların xeyrinə siyasi rep musiqisi ifa etməklə İran İslam Respublikası əleyhinə təbliğat fəaliyyəti” ittihamı ilə 8 ay müddətinə azadlıqdan məhrum edilib.
Bu azərbaycanlı repçi bu ilin yanvar ayında təhlükəsizlik qüvvələri tərəfindən həbs edilmiş və məhkəmə prosesinin sonuna qədər 300 milyon tümənlik (~5 min 500 ABŞ dollar) girov qoyaraq 30 dekabr tarixində Təbriz mərkəzi zindanından azad edilmişdir.
Güney Azərbaycanda Azərbaycanlılığın Gücləndirilməsinin Yolları.
Dilsəl özgürlük və inteqrasiya !
Giriş:
İran coğrafyasında yerləşən Güney Azərbaycan Türkləri əhəmiyyətli mədəni və dil problemləri ilə üzləşirlər. Onların ana dilində danışmasına baxmayaraq, azərbaycanca yazı və oxumaq imkanları məhduddur. Bu, onların dil və mədəni hüquqlarının daha çox qorunduğu Quzey Azərbaycan azərbaycanlılarından tamamilə fərqlidir. Güney Azərbaycanda yaşayan və İranda fars aparteid sistemi altında yaşayanların azərbaycanlı kimliyini və hüquqlarını gücləndirmək üçün çoxşaxəli yanaşma tələb olunur. Bu məqsədə kömək edə biləcək bəzi vacib addımlar bunlardır.
Mədəni və linqvistik (dilsəl )muxtariyyət:
Dil tədrisi.
Azərbaycan dilinin tədrisini təşviq etmək vacibdir. Azərbaycan türkcəsində dil kurslarının olmasına icazə verilmədiyi üçün insanlar dili bacardıqları qədər öyrənməlidirlər. Özəl məktəblər, qeyri-rəsmi təhsil mərkəzləri, axşam dərsləri və onlayn təhsil dil bacarıqlarını yaymaq üçün təsirli yol ola bilər. İcma tərəfindən idarə olunan təşəbbüslər vasitəsilə biz formal təhsil sisteminin məhdudiyyətlərini dəf edə bilərik.
Latın əlifbası.
Güney Azərbaycandakı Azərbaycan türklərinin latın əlifbasından istifadə etməyi öyrənmələri çox vacibdir. Bu, onların həm Azərbaycan, həm də Türkiyə mediasını oxuyub başa düşməsini asanlaşdıracaq, həmçinin övladlarının Azərbaycan və Türkiyə universitetlərində təhsil almasını asanlaşdıracaq. Latın əlifbasını mənimsəməklə onlar Şimali Azərbaycan və Türkiyədəki mədəni və dil yaxınları ilə daha yaxşı inteqrasiya edə bilərlər. Güney Azərbaycanda yaşayanlar ərəb əlifbası ilə yazır ki, bu da düzgün tələffüz etməyi qeyri-mümkün edir və digər türk ölkələri ilə ticarət üçün dü
İranda polis küçədə gənc qadını vəhşicəsinə döyüb
İranda məcburi hicab qaydalarını pozan qadın küçədə döyülüb. Sözügedən halı sübut edən videogörüntülər tez bir zamanda sosial şəbəkələrdə yayılıb. Vətəndaşların qəzəbinə tuş gələn sözügedən məsələ polis əməkdaşının tutulması ilə davam edib.
İranın Polis Məlumat Mərkəzi sözügedən məsələ ilə bağlı açıqlama verib: “Təqsirkar şəxsin qeyri-qanuni və qeyri-etik davranışını əks etdirən videonun yayımlanmasından sonra sözügedən əməkdaş müvafiq əyalətin polis rəisinin əmri ilə həbs edilib və müvafiq tədbirlərin görülməsi üçün istintaqa cəlb edilərək xidmətdən kənarlaşdırılıb”.
Təbrizin El Gölünün “quş baxışı” görüntüsü
El Gölü və ya Şah Gölü Təbriz şəhərində tarixi milli park və parkın adını daşıdıyan böyük süni göldür.
Bu parkın əsas diqqətçəkən xüsusiyyəti mərkəzində yerləşən sahəsi 210 kv.metr olan süni göldür. Gölün üzərində qayıqlı gəzintilər aparılır. Ətrafında mehmanxana, kafelər və aktiv turizm mərkəzləri inşa edilmişdir. Parkın sahəsi təxminən 137 ha-dır.
Parkın salınma tarixi XVIII əsrə, Səfəvilər dövrünə təsadüf edir. Lakin bəzi tarixçilər onun daha əvvəl, təxminən XIV əsrdə hələ Qaraqoyunlu dövründə inşa olunduğunu bildirirlər. Bir başqa fikrə görə, park Səfəvilər dövründə Hindistanla olan dostluq əlaqələrinin nümunəsi olaraq inşa edilib.
Qacarların hakimiyyəti illərində park Qacar şahzadəsi Qəhraman Mirzə tərəfindən yenidən bərpa edilmiş və bura yeni geniş saray əlavə edilmişdi. Günümüzdə restoran kimi fəaliyyət göstərən bu bina gölün mərkəzində yerləşir və quru ilə uzun bir torpaq yolla bağlıdır.
Urmu gölü ətrafında daha bir ekoloji problem – Yolqun ağacları məhv edilib
Urmu gölü su hövzəsində ekoloji fəlakətin davam etdməsi və dərinləşməsi ilə eyni vaxtda bölgədə, gölətrafında daha bir ekoloji problem baş verməkdədir.
Bu barədə güneyli ekofəall Behzad Nəbi Qədim məlumat yayıb.
O, Urmu gölü ətraf bölgələrində yayğın olan minlərlə yulqun ağacının kəsildiyini və bölgənin yaşıllıq zolağının məhv edildiyini bildirib.
“Bu ağaclar susuzluğa davamlıdır, onların kökü torpağın dərinliklərində su qaynaqlarına qədər uzanır, bununlada torpaq erroziyasının, habelə Urmu gölünün qurumuş yatağından qalxan duz fırtınalarının daha geniş ərazilərə yayılmasınınqarşısını almaqda əhəmiyyətli rol oynayır”,- ekofall deyib.
Bu ağacları duz fırtınalarının qarşısında bölgənin yeganə müdafiə silahı adlandıran Behzad Nəbi Qədim, son vaxtlar həmin bitgi növünün sürətlə məhv edildiyini söyləyib.
O, yerli və əlaqədar dövlət qurumlarının ağacların məhv edilməsi, kəsilərək başqa sahələrdə istifadəsi ilə bağlı laqeyd münasibətlərinin anlaşılmaz olduğunu deyib.
Qeyd edək ki, duz fırtınaları kənd təsərrüfatlarını məhv etməklə yanaşı, insanların sağlamlığını təhdid edir.
Son illər Urmu gölü ətrafındakı bölgələrdə tənəffüs xəstəlikləri geniş yayılıb, ağciyər xərçəngi səbəbindən ölənlərin sayı kəskin artıb.
Azərbaycanlı sənətkarın evində QANUNSUZ AXTARIŞ APARILIB
“Aşkın” ləqəbi ilə tanınan güney azərbaycanlı bəstəkar və müğənni Ruqiyə Emami hökumətin təzyiqi ilə üzləşib. Bu barədə məlumat insan haqları və müxalif yönümlü medialar vasitəsilə ictimaiyyətin diqqətinə çatdırılıb.
Polislər Emaminin evinə basqın ediblər. Onun bəzi şəxsi əşyaları, eləcə də mobil telefonu müsadirə edilib. Polisin davranışı Emaminin oğlunu qorxuya salıb.
Sözügedən tədbirlər müvafiq məhkəmə qərarı və ya bildiriş təqdim edilmədən həyata keçirilib. Azərbaycanlı sənətçi yaxın günlərdə dindirilmək və fəaliyyəti ilə bağlı izahat vermək üçün Kəşfiyyat İdarəsinə çağırılıb.
Azərbaycan dilində mahnı yazıçısı və ifaçısı Aşkın dinləyiciləri üçün Azərbaycan türkcəsi dərsləri keçir. Onun bu yaxınlarda Təbrizin “Traktor” komandasının oyunu zamanı oxuduğu “Sən Yaşa, Azərbaycan” mahnısı sosial şəbəkələrdə çoxlu sayda soydaşlarımız tərəfindən baxış yığıb. Bundan başqa, sənətçi bir müddət öncə Urmiya gölünə həsr etdiyi mahnı da ifa edib.
Yürüş Mehrəlibəylinin Tomac Salehinin edam hökmü ilə bağlı iran rejiminə xəbərdarlığı
Azərbaycan Milli Hərəkatının tanınmış fəalı Yürüş Mehrəlibəylinin Tomac Salehinin edam hökmü ilə bağlı iran fars molla rejiminə xəbərdarlığ etdı
Elə düşünməyin ki, Azərbaycanlıları aldadacağıq. O bir Türk deyil vəya Türklər üçün mübarizə aparmayıb! Onu bilin ki, Azərbaycanlılar özəlliklə Azərbaycan Milli hərəkatı təkcə öz ideaları üçün mübarizə aparan insanlarin deyil dinindən, əqidəsindən milliyyətindən aslı olmayaraq özəlliklə Azadlıq sevərlərin bəşər müdafiəçisidir.
Azərbaycan Mərkəz Partiyasının lideri Saleh Kamraninin İran rejimi və İsrail arasında yaşanan gərginliklə bağlı ARB TV-yə müsahibəsi:
“İran və İsrail birgə döyüş şousu təşkil ediblərmi?
Təbrizdə Nissan sürücülərinin etiraz aksiyası və tətili
Təbrizdə Nissan furqon sürücüləri və avtomobil nəqliyyatı parkı tətil mitinqində yüksək komissiya haqqı və avtomobillərin köhnəlməsi ilə müqayisədə gediş haqqının aşağı olmasına etiraz olaraq dünən fəaliyyətini dayandırıb.
İranlı idmançı yarışda qızı təhqir etdiyinə görə cəzalandırıldı
Rusiyanın "Hardcor" təşkilatının təşkil etdiyi qarışıq döyüş növləri (MMA) turnirində iranlı döyüşçü Əli Heybatini “ring girl”ı təpikləyib.
Bu barədə Rusiyanın idman mediası məlumat yayıb.
İranlı idmançı bu hərəkətinə görə cəzalandırılıb və ömürlük diskvalifikasiya edilib.
Məlumatda bildirilib ki, əlavə cəza olaraq İran idmançılarının bütün qonorarları qıza veriləcək.
Qeyd edək ki, İranın Çaharmahal Bəxtiyari əyalətindən olan Əli Heybəti bundan əvvəl 2022 və 2023-cü illərdə də oxşar hərəkətlər edib.
O, Rusiya idmançıları ilə qeyri-etik davarndığına, onları söydüyünə görə bir neçə dəfə döyülüb.
İranın bir sıra idman mediası isə Əli Heybətinin idmana yaraşmayan hərəkətlərini təqdir edib
Tatarların “Tərcüman” televiziyası fəaliyyətə başlayıb
Tatarların “Tərcüman” televiziyası fəaliyyətə başlayıb. “Tərcüman” televiziyası Krım türkləri, Rusiya daxilində yaşayan türklər və Türküstan (Orta Asiya) məsələlərinə diqqət yetirəcək.
Bu televiziya Krım türkləri tərəfindən Mustafa Əbdülcəmil Kırımoğlunun rəhbərliyi ilə yaradılıb.
Qeyd edək ki, “Tərcüman” 19-cu əsrdə Krımın Bağçasaray şəhərində İsmayıl Qaspıralı tərəfindən nəşr olunan jurnalın adı idi. Türk-Turançılığın tarixi axını bu nəşrlə başlayıb, Krımdan Azərbaycan və Türküstana, daha sonra isə Osmanlı İmperiyasına yayılıb.
Türk-Turançılıq hərəkatının strateji şüarına çevrilən bu nəşrin məşhur “Dildə, Fikirdə, İşdə Birlik” şüarı var idi.
Azərbaycanlı idmançıya bıçaqla hücum edən kürd əsilli şəxs saxlanılıb
Urmiya şəhərində keçirilən Ramazan Kuboku futzal turnirinin bağlanış mərasimi zamanı güneyli idmançı Ehsan Moumeni "Yaşasın Azərbaycan" şüarını səsləndirdiyi üçün ona hücum edən şəxs həbs olunub.
Onun kürd millətindən olduğu məlum olum.
17 aprel tarixində futzal matçında “Yaşasın Azerbaycan, Yaşasın Urmiya” şüarından sonra naməlum bir şəxs idmançıya hücum edərək, onu bıçaqlamağa çalışıb.
Torpaq iddiaları, siyasi qruplar arasındakı gərginliklər qarşısında qalan Güney Azərbaycan xalqı PKK və PJAK kimi kürd terror təşkilatlarının terror və dağıdıcı hücumlarına məruz qalır.
İraqdan İrana köç edən kürdlər bütöv Qərbi Azərbaycana iddia edirlər, bu separatçı iddialar Qərbi Azərbaycan vilayətinin paytaxtı Urmiya, Salmas, Xoy, Soyuqbulaq (Mahabad), Qoşaçay (Miyandoab) və digər bölgələrini əhatə edir.
Əli Xamenei: İsrail cəzalandırılmalıdır
İranın ali dini lideri Əli Xamenei bir daha İsrailə hücum etməklə hədələyib: “Sionistlər konsulluğumuza hücum etdilər, yəni torpaqlarımıza hücum etdilər. İsrail cəzalandırılmalıdır və cəzalandırılacaq”.
O, çərşənbə günü Tehran məscidində Fitr bayramı xütbələrində İslam Respublikasının cavab hücumlarının miqyası və tərzindən bəhs etməyib və sadəcə, bununla bağlı digər hökumət rəsmilərinin dedikləri ümumi sözləri təkrarlayıb.
Təbriz Saat Qülləsi
Təbriz Bələdiyyəsinin binası kimi də tanınan Saat Qülləsi Təbriz şəhər bələdiyyəsinin əsas mərkəzi binasıdır.
Saat Qülləsi və ya sadəcə, Saat böyük zalı olan binadan, saatı olan qüllədən və cənub-qərb tərəfində yerləşən kiçik bağdan ibarətdir. Bağın ortasında fəvvarəsi olan dairəvi hovuz yerləşir.
Təbriz bələdiyyəsinin saat qülləsi 1934-cü ildə alman mühəndislərinin nəzarəti altında alman binaları üslubunda tikilib.
Tikildiyi dövrdən şəhər bələdiyyəsinin mərkəzi kimi fəaliyyət göstərən bina II Dünya müharibəsindən sonra Azərbaycan Milli Hökumətinin mərkəzi binasına çevrilmişdi.
Azərbaycan Milli Hökuməti İran qoşunları tərəfindən devrildikdən sonra bina yenidən şəhər bələdiyyəsinin mərkəzi ofisi kimi fəaliyyət göstərməyə başladı. Hal-hazırda da bina bələdiyyənin mərkəzi binasıdır.
Cəfər Pişəvəri dövründə binanın qarşısında Bağır Xanın heykəli qoyulmuşdur. Pişəvəri süqut etdikdən sonra orada Məhəmməd Rza şahın heykəli qoyulmuşdur.
#GuneyAzerbaycan
Yürüş Bəy Mehrəlibəyli, Qoşaçayda, Milli Fəallarla Bayram görüşü zamanı çıxış edıb
"Biz Heç zaman Azərbaycan Milli Hərəkatında ixtilaf Mənşəyi olmadıq"
Azərbaycan Milli Hərəkatının tanınmış Fəalı Yürüş Bəy Mehrəlibəyli, Qoşaçayda, Milli Fəallarla Bayram görüşü zamanı çıxışında: Həbsdə olan Milli fəalları xatırlayaraq, qeyd etdi ki Azadlıq Ədalət əsasında qurulacaq olan Milli Hökümətimizdə heç kəs Əqidəsinə görə zindan çəkməsin.
Sözlərinin davamında Azərbaycan Milli Hərəkatının bu zamanda ən çox ehtiyacı olan birliyə yönəlik “Biz Heç zaman Azərbaycan Milli Hərəkatında ixtilaf Mənşəyi olmadıq” deyərək fikirini Milli fəallara çatdırmışdır.
İran rejiminin ömürlük diktatoru Əli Xamenei: “Fars dilini təmizlə ki, pak dil olsun”
İran İslam Respublikasının diktatoru son vaxtlar fars dilinin zəifləməsindən narahatlığını bildirib.
Bu dilə əcnəbi sözlərin daxil olmasının qarşısının alınmasını vurğuladı və fars dilinin əcnəbi sözlərdən təmizlənməsini tələb etdi.
PN: İranda yaşayan bütün millətlər vergi və gəlirlərindən yalnız bir dil [fars dili] üçün böyük büdcələr xərcləməyə razıdırlarmı?
SEPAH-ın Bəluçistanın cənub-şərqindəki Qüds düşərgəsinin keçmiş komandiri olan qubernatorun əmri ilə yerli olmayanların istirahəti üçün Bəlucistanda Novruzi qırğını.
Beləki Bəluçıztan xalqının böyük əksəriyyəti fars rejimi tərəfindən işə götürülməməsi və işlə xalqın təmin edilməməsi nəticəsində xalq işsizlikdən məcburi şəkildə yanacaq qaçaqçılığı ilə məşğundurlar bunada (yanacaq daşıyanlar) deyilir.
Fars rejiminin SEPAH qüvvələri Novruz bayramı ərəfəsində heç bir xəbərdarlıq etmədən, həmin o bəluçları silahlı hədəfə alıb, deyilənə görə 14 nəfər ölüb 10 nəfər isə yaralıdır.
Qeyd edək ki iran adlanan zindanda Bəluç xalqının böyük əksəriyyətinə dövlət tərəfindən doğum haqqında şəhadətnamə və pasport belə verilməyibdir.
İran qeyri fars millətlərin zindanıdır.
Bəluçistan
