Stichting Stellingwarver Schrieversronte

24/01/2025

Stellingwarver vertaeling van Le petit prince.

Et is op de Biebel nao et vaekst vertaelde boek op de wereld; Le petit prince van de Fraanse schriever en piloot Antoine de Saint-Exupéry, veur et eerst publiceerd in 1943. Schriefster Christine Mulder uut Wolvege het now zorgd veur een prachtige Stellingwarfse vertaeling mit de titel De kleine preens. Et boek is uutgeven deur de Stellingwarver Schrieversronte in saemenwarking mit Verlag Edition Tintenfaß.

Christine Mulder vertelt over de vertaeling in de uutzending Underweis van Omrop Fryslan op 15 jannewaori. Op 1.42 kuj’ et vienen: https://www.omropfryslan.nl/nl/radio/aflevering/underweis/1269053

Et boek es now ok te koop bi'j oons https://stellingwarfs.nl/product/de-kleine-preens/

18/01/2025

Mooie uutleg van de over de geschiedenis van de Nedersaksen.

In bijgaande video laat Hendrik Jan Bökkers je kennismaken met de bijzondere geschiedenis van de Nedersaksische taal en cultuur, die ouder is dan het

19/12/2024

Disse weke praoten we in Huus en Hiem mit twie manluden van Vesuvius club Elsloo. Veurzitter Sil van der Berg en vice veurzitter Tom Lighthart. We praoten of in et kefee in Else.

De manluden vertellen over et ontstaon van de Vesivius Club, over wat ze organiseren in et dörp en wat et zo mooi maekt om bi’j de club te heuren.

Over oldjaorsdag kunnen ze nog niet zovule vertellen, mar dat begriepen we ok wel.

Veur now is dit de leste uutzending van Huus en Hiem in 2024.

https://creators.spotify.com/pod/show/stellingwarfs/episodes/Huus-en-Hiem-30-e2shqud

Huus en Hiem is elke zundagmorgen om 11.00 ure te beluusteren bi’j Odrie.
De uutzending wod op vrijdag om 16.00 ure herhaeld.

Via de ether is Odrie te heuren op 106.9 FM.
Digitaal kuj’ luusteren via Ziggo 923 | KPN 1196 | Delta 800 | Kabelnoord 814
As podcast kuj’ de uutzending luusteren via de bekende podcast kanalen.

13/12/2024

Disse weke praoten we in Huus en Hiem mit Hester van der Werff
Hester is de initiatief neemster van De kleine boerderij, een gruuntetuun veur meensken mit een smalle beurs. Zi’j is de tuun in Oosterwolde begonnen en sund 2 jaor het zi’j 1ha laand op De Fochtel. Et idee achter Hester heur gruuntetuun is dat de meensken mit een smalle beurs gezond en onbewarkt eten kunnen kriegen. In de uutzendig vertelt Hester over heur eigen tuun en over De Kleine Boerderij.

https://creators.spotify.com/pod/show/stellingwarfs/episodes/Huus-en-Hiem-29-e2s9p59

Huus en Hiem is elke zundagmorgen om 11.00 ure te beluusteren bi’j Odrie. De uutzending wod op vrijdag om 16.00 ure herhaeld.

Via de ether is Odrie te heuren op 106.9 FM.
Digitaal kuj’ luusteren via Ziggo 923 | KPN 1196 | Delta 800 | Kabelnoord 814
As podcast kuj’ de uutzending luusteren via de bekende podcast kanalen.

03/12/2024

Disse weke praoten we in Huus en Hiem mit Sietske Bloemhoff
Sietske is stark mit et Stellingwarfs verbunden. Zi’j is as muziekaant altied doende west mit meziek maeken. Waoronder ok in et Stellingwarfs.

Zi’j is bij de Schrieversronte kommen te warken en kreeg onderwies af heur warkgebied. Sietske is jaoren doende west mit et maeken van heemkunde materiaolen en prejekten. Laeter is zi’j direkteur van de Schrieversronte wodden. Nao 35 jaor jaor bi’j de Schrieversronte warkzem te wezen is ze mit pensioen gaon.

Now is ze drok doende mit et samenstellen van een peer boeken die volgend jaor uutbrocht gaon wodden.

Huus en Hiem is elke zundagmorgen om 11.00 ure te beluusteren bi’j Odrie. De uutzending wod op vrijdag om 16.00 ure herhaeld.

https://creators.spotify.com/pod/show/stellingwarfs/episodes/Huus-en-Hiem-28-e2rqv61

20/11/2024

Disse weke praoten we in Huus en Hiem mit Roely Bakker uut Makkinge.

Roely is niet in de Stellingwarven opgruiid en het op laetere leeftied de tael leert. Doe had ze de smaek zo te pakken dat ze ok in et Stellingwarfs is gaon schrieven. En dat gong niet onverdienstelik. Roely schrieft kotte verhaelen en gedichten. Het twie boeken uutbrocht en mit heur kleindochter de Stellingwarver Schrieveri’je Pries kregen.

Roely vertelt in de uutzending over heur schriefwark en mit welke projekten zi’j nog doende is.

Huus en Hiem is elke zundagmorgen om 11.00 ure te beluusteren bi’j Odrie. De uutzending wod op vrijdag om 16.00 ure herhaeld.

https://creators.spotify.com/pod/show/stellingwarfs/episodes/Huus-en-Hiem-26-e2r8mns

14/11/2024

Huus en Hiem
Disse weke praoten we in Huus en Hiem mit Frank Spijkers uut Buil. Frank staot in de regio ok wel bekend as de histotolk. Mar hi’j is ok striptekener, dichter en prissentaoter van ‘de smachtwacht’ een pergramme op RTV NOF.
Kotleden het Frank een stripboek uutbrocht: Een honneleven.
We praoten over zien interesses en de Stellingwarver tael.

Huus en Hiem is elke zundagmorgen om 11.00 ure te beluusteren bi’j Odrie. De uutzending wod op vrijdag om 16.00 ure herhaeld.

Via de ether is Odrie te heuren op 106.9 FM.
Digitaal kuj’ luusteren via Ziggo 923 | KPN 1196 | Delta 800 | Kabelnoord 814
As podcast kuj’ de uutzending luusteren via Spotify.
https://creators.spotify.com/pod/show/stellingwarfs/episodes/Huus-en-Hiem-25-e2qvbh4

30/10/2024

In de 23e uutzending van Huus en Hiem praoten we mit Daniel Oostra , zanger uut Zaandhuuzen.
Daniël zingt al van jongs of an en treed ok hiel geregeld op in de regio. Hi’j zingt meziek van aanderen mar het ok eigen meziek uutbrocht. Deur ziekte is Daniël een tied niet mit meziek bezig west. Mar gelokkig het hi’j et zingen weer oppakt en het hi’j kot leden een ni’je singel uutbrocht.

In de uutzending vertelt Daniël over zien wark en ziekte en kuwwe naor zien meziek luusteren.

https://podcasters.spotify.com/pod/show/stellingwarfs/episodes/Huus-en-Hiem-23-e2qb6io

Huus en Hiem is elke zundagmorgen om 11.00 ure te beluusteren bi’j Odrie. De uutzending wod op vrijdag om 16.00 ure herhaeld.

Via de ether is Odrie te heuren op 106.9 FM.
Digitaal kuj’ luusteren via Ziggo 923 | KPN 1196 | Delta 800 | Kabelnoord 814
As podcast kuj’ de uutzending luusteren via de bekende podcast kanalen.

17/10/2024

De Klebienders in Huus en Hiem

In de 22e uutzending van Huus en Hiem praoten we mit meziek groep De Klebienders.
Dit trio manluden bestaont uut Johnny Mulder, Bauke Modderman en Jan Oosterhof uut Wolvege , zingt veurnaemelik acapella.
Ze bewarken bestaonde meziek, mar schrieven zels ok nommers.

In de uutzending kuj’ de mannen live zingen heuren.

https://podcasters.spotify.com/pod/show/stellingwarfs/episodes/Huus-en-Hiem-22-e2ppmla

14/10/2024

Eupening en Eupen Huus ni’je gebouw Schrieversronte

Et bestuur van de Stichting Stellingwarver Schrieversronte neudigt jim van hatte uut veur et eupen huus van et ni’je gebouw van de Schrieversronte op zaoterdagmiddag 19 oktober 2024 om 15.00 uur an de Willinge Prinsstraote 20.

Tussen 14.00 uur en 15.00 uur is de officiele eupening veur geneudigden. Van 15.00 uur is d’r veur elkeniene gelegenhied om te kommen kieken.

Wi’j hebben van 15.00 uur of een prachtig Stellingwarfs programma saemensteld mit veurdrachten, meziek en een warkwinkel striptekenen, en vanzels kan iederiene et gebouw bekieken.

09/10/2024

De podcast opnaemes bin weer van start gaon! Een ni'je is vanof vandaege weer te beluusteren. Jan Koops is in de studio daelestreken om te vertellen over zien interesses.
Jan is veurganger in PKN karken in et noorden van Nederlaand, is arg interesseert in de historie van de Stellingwarven, doet graeg onderzuuk over alderhaande zaeken en schrift hier ok over.
Wekeliks is d’r een kollum van Jan op omrop Fryslân te beluusteren.

De podcast is hier te beluusteren.
https://podcasters.spotify.com/pod/show/stellingwarfs/episodes/Huus-en-Hiem-aflevering-21-e2pe3s5

25/07/2024

Wie bedaenkt ni´je Stellingwarver naeme veur gebouw?

Disse zoemer zal de Stellingwarver Schrieversronte verhuzen van Willinge Prinsstraote 10 naor Willinge Prinsstraote 20.

Op nommer 20 bin ze op dit stuit drok an de gang om een diel van et gebouw klaor te maeken veur et wark van de Schrieversronte. Et wodt een medern gebouw mit uutstraoling,. Op zaoterdagmiddag 19 oktober gao’we et gebouw officieel eupenen mit een mooi feest! Zet die daotum mar vast in de agenda! Jim bin allemaole hattelik welkom.

D’r hangt now nog mit grote letters Business Centre Bercoop an de butermure, mar de eigener het zegd dawwe as Schrieversronte best een mooie Stellingwarver naeme bedaenken meugen veur et gebouw. Die ni’je naeme moet wel de verbiening mit de regio dudelik maeken en een vremde moet de naeme ok begriepen kunnen.

Dat, laot jim Stellingwarver hassens es even kraeken en stuur veur half september een mooie naeme in naor [email protected] . Bedaenk wel dat wi’j niet de ienige orgenisaosie binnen die d’r onderdak het.

17/07/2024

In de twintigste uutzending van Huus en Hiem praoten we mit Jelke Nijboer. Jelke is wethoolder in Ooststellingwarf en verantwoordelik veur sport, onderwies en wonen.

We praoten over et wark van een wethoolder. Wat doej’ zo op een dag, in een weke. En waoromme hi’j keuzen het veur de PVDA as zien perti’je.

Jelke vertelt waor as de gemiente doende mit is op et gebied van onderwies, wonen en sport.
Hi’j vient et hiel belangriek dat de jeugd him bi’j een woningstichting inschrieft, omredens ie de jeugd zo in een dörp holden kunnen.

We praoten ok over et geld dat vanuut de perveensie an et Stellingwarfs spendeerd wod. Neffens Jelke en vule aanderen et gebrek an geld, aj’ de ni’je taelnota 2025-2028 lezen. Et leste woord is hier dan ok nog niet over vallen as et an Jelke ligt.

https://podcasters.spotify.com/pod/show/stellingwarfs/episodes/Huus-en-Hiem-aflevering-20-e2m4hc9

25/06/2024

In de negentiende uutzending van Huus en Hiem praoten we mit
Ruurd-Jelle van der Leij. Ruurd-Jelle is ecoloog, filmmaeker en netuur fotograaf.

In Holtpae het hi’j en stok gröslaand ommezet naor netuur. Binnen een mum van tied kwam dit gebied weer tot leven mit tal van beesten die in de omgeving niet meer te vienen waren. Hier is ommeraek vule media aandacht veur west.

Daornaost het Ruurd-Jelle tegere mit Ruben Hein de stichting Aanpoten opzet. Zi’j plaanten struken en bomen an om de netuur te herstellen. Sinds kot is de stichting uutbreid mit Grenzeloos Aanpoten. Netuur in Estlaand wod ankocht en beholden.

In de uutzending praoten we over disse projekten en ere projekten die Ruurd-Jelle daon het en nog doende mit is.

https://aanpoten.nu/

https://podcasters.spotify.com/pod/show/stellingwarfs/episodes/Huus-en-Hiem-aflevering-19-e2luiuv

AANPOTEN is een idee van de vrienden Ruurd Jelle van der Leij en Ruben Hein om op een zo simpel mogelijke manier de biodiversiteit in Nederland te helpen herstellen.

20/06/2024

Sutel mit in september!

In september gaon de vri’jwilligers van de Schrieversronte weer de diek uut te boeken verkopen. De sutelaksie zal uut aende gaon op maendag 9 september. Dan gaon de sutelders mit de krojen naor tal van dörpen in West-Stellingwarf, en dat gelt ok veur woensdag 11 en maendag 16 september. Op woensdag 18, maendag 23 en woensdag 25 september is de sutelaktie in Oost-Stellingwarf te vienen.

In 2023 hawwe een goeie opbrengst en wi’j hopen dawwe die in 2024 ok weer hebben. Dat kan as jim allemaole mithelpen.

Jow opgeven kan tillefonisch deur even te bellen mit et kantoor. Et nommer is 0516-451108. Opgeven via de mail kan vanzels ok, oons mailadres is [email protected]

Daoromme: doe mit en geef je op! Graeg tot kiek es op maendag 2 september!

In september 2023 sutelde burgemeester Jack Werkman van Ooststellingwarf mit in Berkoop. Foto: Lenus van der Broek

13/06/2024

In de achtiende uutzending van Huus en Hiem praoten we mit Thomas Rovers. Thomas maekt mit zien bedrief Story Driven films en dokementaires. Veur de Schrieversronte het Thomas et kienderboek ‘Daor klept de klokke weer’ verfilmd. Een histories verhael over de Stellingwarven in de middelieuwen. Over et Fochtelervene het Thomas een dokementaire maekt ‘van iestied naor wieshies’. In de uutzending praoten we over disse projekten en ere projekten die Thomas daon het en nog doende mit is.

Film: https://www.youtube.com/watch?v=mPs1aUv1WX0
Dokementaire: https://www.youtube.com/watch?v=TXekDsSrYFc

07/06/2024

In de zeuventiende uutzending van Huus en Hiem praoten we mit Peter Hiemstra. Peter is keunstener en veurzitter van keunstroute Eupen Stal in Berkoop.
Eupen Stal is de ooldste keunstroute van Nederlaand en bestied al 53 jaor. Peter nimt oons mit in et onstaon van de route en verteld wat d’r dit jaor op et pergramme staot.

Et thema van 2024 is Droomland. Eupen Stal is te daegeliks te bezuuken van 27 juli tot en met 25 augustus tussen 13.00 en 18.00 ure.

Huus en Hiem is elke zundagmorgen om 11.00 ure te beluusteren bi’j Odrie. De uutzending wod op vrijdag om 16.00 ure herhaeld.

As podcast kuj’ de uutzending luusteren via de bekende podcast kanalen.