Fillisiteerd! Vandaag is het Europese dag van de taolen. En daor heurt het Drèents vanzölf ok bij!
Zu'n 300 vrijwilligers hebt in meert (en april) op de basisschoelen veurlezen. En niet allent de vrijwilligers van het Huus van de Taol, maor ok gasten of eigen leerkrachten hebt in het Drents an kinder veurlezen. Daor biw wies met! Stief bedankt veur jullie inzet!
Volle bak bij de Drèentse middag in Theaterschuur Linde gistermiddag! Met optredens van Marga Kool, Egbert Hovenkamp II , Charles Lagendijk, Jan Germs en Egbert Meyers. Het videofragment is een live-uutvoering van een stukkie uut Gerrit Boer zien boek 'Diggels' (over dementie).
𝗚𝗲𝗲𝗳 𝗷𝗲 𝗼𝗽 𝘃𝗲𝘂𝗿 𝗟𝗢𝗢𝗦!
In meert kuj bij RTV Drenthe weer kieken 📺 naor LOOS. Wij hebt alle taolvraogen 📃 al anleverd, nou biw nog op zuuk naor dielnimmers. Lek het je wal wat um an dizze jubileumeditie met te doen? Geef je dan nou op!
Oet naam van bestuur & metwarkers wèenst wij elkenien prettige feestdagen 🎄 en veul geluk in het neie jaor.
PS: Het Huus is van 25 december t/m 5 jannewaori op slöt 🔑. Tot volgend jaor 👋!
𝗡𝗲𝗶𝗲 𝗱𝗶𝗰𝗵𝘁𝗯𝘂𝗻𝗱𝗲𝗹 📖 𝗖𝗵𝗿𝗶𝘀 𝗖𝗮𝗻𝘁𝗲𝗿 𝘇𝗮𝗼𝘁𝗲𝗿𝗱𝗮𝗴 𝗶𝗻 𝗕𝗲𝗶𝗹𝗲𝗻 𝗽𝗿𝗶𝘀𝘀𝗲𝗻𝘁𝗲𝗲𝗿𝗱
Hie woont al jaoren in Spanje, maor schrieven 🖋 döt e in de taol van de streek waor e opgruid is. Schriever Chris Canter hef met 'Hieltied onbekender' een prachtige dichtbundel maakt, die zaoterdag bij oes in Beilen prissenteerd is. Het eerste exemplaar kreeg zien kammeraod Louis, waornao Chris zölf nog een koppel gedichten uut 'Hieltied onbekender' veurdragen hef. Een dichtbundel die volgens Chris niet bedoeld is as zomaor een culturele uting, maor waor e zien ziel en zaligheid in legd hef!
De muzikale umliesting 🎶 weur zaoterdag verzörgd deur Martijje, die niet allent mooie Drèentse liedties hef, maor ok nog ies goed uut de voeten bleek te kunnen met het Spaanstaolige 'Bésame mucho'.
'Hieltied onbekender' is vanof nou te koop in oeze winkel, oeze webshop en bij aandere boekhandels in Drenthe.
Groep 3 van de Lindelaar zingt de Meertmaond lös
Wat hadden ze goed oefend, én ok hadden ze knuffeldieren uut het lied bij heur! Dank veur de gastvrijheid @IKC de Lindelaar in Börk.
Tweide diel literaire wandelroute Underweg (tiedens Peter van der Velde-Lezing) in Rowol onthuld
Zundagmiddag 8 jannewaori was het slim drok in café Het Rode Hert in Rowol. Zu’n 40 manlu en vrouwlu luusterden naor sprekers en meziek tiedens de Peter van der Velde-lezing.
Peter van der Velde (1918-2004) was heufdmeester en schriever. Ien van zien bekendste gedichten is Winter op de Paaizermao. Dizze middag stun dat gedicht centraal. Schriever Martin Koster vertelde over zien herinnerings an Peter. Der was meziek van Jolien Wonink-Dijkstra. En zeun Willem van der Velde gung met de bezukers deur het dörp en naor de Paaizermao. Daor las e het gedicht van zien pap veur.
Dizze middag was ok de geboorte van Underweg 2, een neie digitale literaire wandelserie. Underweg is in oktober van start gaon met een diel over Klaas Kleine en Diever. Nummer twei giet over Peter van der Velde en zien Rowol. De schrievers van de Underweg-serie, Gerrit Boer en Henk Berghuis, zult um de maond een diel onthullen. Bij Het Drentse Boek bint ze dan veur € 5,- te downlaoden (veur op de tablet, de computer of op de mobiel). Kiek op https://huusvandetaol.nl/product-categorie/boeken/.
