Advertise Nigeria

04/07/2023

This EU people should go and focus on their problems. Leave Nigeria alone.

TINUBU DON REJECT THE REPORT WEY EU BRING FOR 2023 ELECTION

Nigerian Presido - Asiwaju Bola Ahmed Tinubu on Sunday say him dey reject the report sey the European Union Electoral Observer Mission don arrange after the 2023 presidential election. Him con talk say na cabu cabu report wey just small group of people siddon do.

The statement according to wetin Mr. Dele Alake wey be the Special Adviser to Tinubu on Special Duties, Communications and Strategy, say the “jaundiced” report no get weight as the EU no even reach 50, say dem no cover all the states, talk less of all the wards and polling units wey dey Nigeria.

Tinubu say around May, this year, dem raise alarm give Nigerians concerning the plan of some Oyibo people from different countries wey dia plan na to come “discredit” the presidential election wey the Independent National Electoral Committee (INEC) don conduct. Him say “that time we bin no mention diabname but we make am open-dential say dis Oyibo people no wan stop to dey put fire for our electoral process as if our country no dey sovereign enough or get power to organise oursef. Dia major target na the candidate of the APC.

“E dey burst our head say for this generation, oyibo people go dey still dey come tell us wetin we go dey use dey measure our election and say if we no use the one dem talk, then our own no clear”. No be juju be that? “We dey knack our chest to talk again say the last presidential election for Nigeria wey Asiwaju win, na’im be the most credible, peaceful, free and the best election wey Nigerians don organize by dem self since 1999”.

Make we remember say top top organisations like the Nigerian Bar Association (NBA) some religious organizations both Muslims and Christians and even most African countries don commend the outcome of the election.

04/07/2023

Tambuwal no try at all.

04/07/2023

My condolences to the departed souls.

04/07/2023

Thank God ooo. At least, fuel go plenty

FUEL CONTAINERS GO LAND NIGERIAN FROM NEXT WEEK - NNPCL, IPMAN

Plenty Containers of fuel go land for Nigeria from next week and because the fuel plenty, the price of fuel fit still reduce.

ToriPost.ng hear say because Nigeria don unify dia exchange rate, people wey dey refine the crude oil don dey release petroleum products on credit to Nigerian marketers. The exchange unification wey dem do under dis Tinubu government don really give the marketers dem morale.

Our tory person hear dis news as IPMAN say dem go drag the petrol market with NNPCL and MOMAN. Dem say if dem get dia fuel wey dey road, the fuel price for Nigeria go come down.

Before Tinubu Our President, remove the fuel subsidy, na only NNPCL na’im bin dey import fuel come Nigeria because other marketers no dey fit access dollar.

As Buhari government dey comot so, na only NNPCL dey fit see dollar buy for price wey cheap since dem dey collect from CBN, and the thing bin dey suffocate the marketers because dem no dey fit buy the fuel for the high dollar rate.

This one na another place wey Wonders of Tinubu do already show na na na. Remember say President Tinubu talk say Fuel scarcity no go dey for im administration.

04/07/2023

Now, we can sleep with our 2 eyes closed.

NIGERIAN SECURITY GBESE NA CHAISE - RIBADU

The National Security Adviser to President Tinubu don talk yesterday say all di security pipo wey dey Nigeria go put body together mek peace dey di Nigeria.

Nuhu Ribadu bin dey respond to wetin Tinubu tell dem as dem bin get mitin wit am because of di plenty security gbege wey Nigeria dey face.

Dis miting wey dem get na to see how dem go tek stop the kidnapping, insurgency, banditry and the di small small casala wey dey threaten di unity wey Nigeria get.

Wen Ribadu dey ansa tori people for government house after dia first mitin wit di president since president give dem office, him say “di president don put am for our body to work together see say we go achieve di security wey him promise our pipo. We com here to tell our president thank you for di opportunity wey him don give all of us to serve for im government and serve Nigeria too.

“Our mind strong say him don make di right choice, because all of us wey him appoint know wetin be di problem of Nigeria and wetin we suppose do to get wetin we want.

“We go dey work from morning till night to ensure say we go secure Nigeria, bring peace, see say everywhere don stabilize and say Nigerians go fit dey sleep wit dia two eyes close for night”.

The NSA still talk say “Oga Presido don giv us assurance say him dey wit us hundred percent and him go giv us everything wey we need to ensure say everybody wey dey Nigeria go get di peace wey dem deserve.

“As una dey see, di plenty plenty evil things wey bin dey happen for Nigeria don dey reduce because of the quality of people wey Presido don bring to dey in charge of security for Nigeria.

Apart from di NSA, oda people wey come the mitin na Major-General Christopher Musa, Chief of Defence Staff; Major-General Taoreed Lagbaja, Chief of Army Staff; Real Admiral Emmanuel Ogalla, Chief of Naval Staff; Air Vice Marshal Hassan Abubakar; and IGP Kayode Egbetokun, Acting Inspector General of Police.

Mek una remember say for di mitin Oga Tinubu don warn dem to work wit one mind unlike how people wey bin don occupy dis position dem before go leave to fight criminals, kidnappers and terrorists con dey fight against demsefs. Say if dem go win dis war, mek dem put dia house in order.

Tori Noble