05/04/2024
ÌRÒNÚ AKÉWÌ
Ọ̀RỌ̀ ṢÙNÙNKÙN
MO ṢE BÍ Ọ̀RỌ̀ ṢÙNÙNKÙN
OJÚ ṢÙNÙNKÙN L'WỌN ÀGBÀ
FI N WÒÓ LÁYÉ IJÓHUN ÀNÁ RÍ?
ÈYÍ TÍ ÀWỌN ÀGBÀÀGBÀ MÁ N PÉ
BÍRÍ-KÓTÓ PÉ BÌRÌ-KÒTÒ LÉ LÓRÍ.
Ó WÁ DÀ BÌ ẸNI PÉ LÓDE TÒNÍ
Ọ̀RỌ̀ ṢÙNÙNKÙN OJÚ GÀN-ÌN-GÀN-ÌN
LA FI N WÒÓ LÓ FI JẸ́ KÍ ÀWỌN
ABẸ́RANJẸ̀ MÁA MÚ WA GÙN LỌ́DẸ̀DẸ̀.
ÀWỌN ABẸ́RANJẸ̀ TÍ N JÍ WA GBÉ
ÀWỌN ABẸ́RANJẸ̀ TÍ N PA WÁ
ÀWỌN ABẸ́RANJẸ̀ TÍ WỌN N MÚ
DÚKÌÁ TI WỌN BA DÚKÌÁ T'ÀGBẸ̀ JẸ́.
ÀWỌN AGBÈFỌ̀BA WÁ TI ÀWỌN
ODẸ ABẸ́RANJẸ̀ SÍWÁJÚ WÍ PÉ
KI WỌN O MÁA MÚ ÀGBẸ̀ TẸ́ KA Ẹ̀SÙN
AWÚRÚJU SÍ L'Ẹ́SẸ̀ LÁÀLÀ.
ÀWỌN AGBÈFỌ́BA WÁ MÚ ÌRÙ ẸKÙN
WỌ́N FI L'ÁJÁ LỌ́WỌ́ NÍNÚ OKO,
ÀWỌN AGBÈFỌ́BA WÁ N RÁN INÁ
N'ÍSẸ́ LỌ WÒÓ WÁ SÍ Ẹ̀TÙ L'Ọ̀SÁN GANGAN,
ṢÉ OHUN TÓ DÁA NI?
BẸ́Ẹ̀ Ẹ Ẹ̀ SÌ ṢALÁÌ MỌ LÀKÁÁDÍ
TÍ N BẸ NÍLẸ̀ TÍ N GBÓNÁ YORUKU LALA
Ọ̀RẸ́ ARÁ ÌLÚ L'ÈMI GBỌ́ PÉ WỌN N PÈ YÍN,
A MỌ́ ṢÁ ÈMI MỌ̀ PÉ ẸNU TI JẸ DODO PỌ̀JÙ
L'Ọ́DỌ̀Ọ ÀWỌN ABẸ́RANJẸ̀ N NI ÒDODO
FI D'OHUN ÀÌ LEÈ SỌ FUN WON MỌ́
HUMMM.. ṢÉ NÍTORÍ OHUN TẸ́NU ŃJẸ
HÀÁÀ! ṢÉ NÍTORÍ PÉ O FẸ́ JẸ́ ÈNÌYÀN
NÍTORÍ KÒO LE R'ÓWÓ GBŌ BÙKÀTÀ
N'IWỌ AGBÈFỌ́BA ṢE N DORÍ ÒFIN K'ODÒ
BẸ́Ẹ̀ NI ÀTÚNBỌ̀TÁN TI PARẸ́ LÓÓKAN ÀYÀ WỌN PÁTÁ PÁTÁ PORONGODO.
ÌYÁ N JẸ WÀ LÓDE Ẹ̀KẸ́Ẹ̀, Ọ̀RỌ̀ ṢÙNÙNKÙN!
ÀBÙKÙN TÍ N KÀN WÀ PỌ̀
NÍ ÌLÚ ÀSÁLÀ YII, Ọ̀RỌ̀ ṢÙNÙNKÙN
Ó TI N KỌJÁ OHUN ÀFẸNUSỌ,
OHUN TÀWỌN AGBÈFỌ́BA Ó JẸ LO JẸ WỌ́N LÓGÚN KÌÍ ṢE WÀHÁLÀ TÁ N KOJÚ NÍLẸ̀ YÌÍ.
Ẹ̀YIN ÀGBÀÀGBÀ TI N BẸ
LÓDE Ẹ̀KẸ́Ẹ̀ YÌÍ {IWERE ILE} NI KO FI OJÚ
ṢÙNÙNKÙN WO Ọ̀RỌ̀ ṢÙNÙNKÙN
TÍ N JÀ RÀN-ÌN-RÀN-ÌN NÍLẸ̀ YÌÍ,
LÁÌ NÍ ỌWỌ́ AGBÈFỌ́BA KAN NÍNÚ.
TẸ BÁ SI FẸ KÍ A FI ÌLÚ WÁ SILẸ FUN
ÀWỌN ABẸ́RANJẸ̀ NI, KẸẸ F'Ọ̀RỌ̀ YÍ SILẸ
LÁÌ MÓJÚ TÓ, KI KÓÓWÀ O KÚKÚ
GBA IBI TÓ BÁ RÍ LỌ.
KÁ KÚKÚ FÍ ÌLÚ SILẸ
FÚN ÀWỌN ABẸ́RANJẸ̀ ÀTI
ÀWỌN AGBÈFỌ́BA
Ọ̀RỌ̀ ṢÙNÙNKÙN NÁÀ RÈÉ O, ẸNI TÓ BÁ YÉ
Ẹ JẸ́ KÍ GBOGBO WA Ó TIIRI SI
NI ÌMỌ̀RÀN TI N BẸ LẸ́NU SIMÁDÉRÓ AKÉWÌ.
