Quel est le site Web ?

https://www.facebook.com/106717501107269/

Muryar Nijar, Zinder, Zinder (2024)

20/11/2023

Rasha, ta sake aika "Tan 27" na taimakon jinƙai ga al'ummar Gaza.

Wani jirgi ɗauke "Tan 27, ya tashi daga Rasha zuwa Masar, inda wakilan ƙungiyar agajin Masar, za su tura kayan agajin zuwa Gaza, " in ji rahoton da Sputnik France ya wallafa a shafinsa na Fezbuk, ranar Litinin 20 ga Nuwamban, 2023.

19/11/2023

Shugaban Hukumar Ecowas ko Cedeao, Dakta. Omar Alieu Touray, ya taya murna ga zaɓaɓɓen Shugaban Liberiya.

"Cikin sanarwar da ya fitar ranar 18 ga Nuwamba, Shugaban Hukumar Ecowas ko Cedeao, Dakta. Omar Alieu Touray, ya taya Joseph Nyuma Boakai murnar, bayan zaɓensa a matsayin Shugaban Ƙasar Liberiya".

"Shugaba Touray, ya tabbatar wa sabon zaɓaɓɓen Shugaban Liberiya, cewa Ecowas ko Cedeao, za ta ci gaba da taimaka wa "mutanen Liberiya" wajen inganta zaman lafiya, da tsaro, da demokaraɗiyya da ƙarfafa ci gaban tattalin arziki da zamantakewa a ƙasar, " in ji sanarwar da aka wallafa ranar 18 ga Nuwamba, a shafin Facebook na Ecowas/Cedeao.

Sak**akon, da Hukumar Zaɓen Ƙasar, ta wallafa ranar juma'a, bayan karɓar kuru'un rumfunan zaɓen fiye da 99%, ya nuna cewa, ɗan takarar jam'iyyar adawa ta Unity Party, Joseph Nyuma Boakai, mai shekaru (78), ya samu kaso 50,89%, yayin da Shugaban ƙasa, George Weah, da ke neman wa'adi na 2, ya samu ƙashi 49,11%.

Ɗan adawar, ya bai wa ɗan takarar -jam'iyyar CDC mai mulki, George Weah, ratar kuri'a 28.000, bayan tattara kuri'u Miliyan 1,6 na zaɓen shugaban ƙasar zagaye na 2, da aka yi ranar 14 ga Nuwamban, 2023.

Shugaba Weah, ya amince da shan ƙayi, inda ya ƙira abokin ƙarawarsa, Joseph Boakai, ta wayar tarho domin taya shi murnar, bayan zaɓensa a matsayin sabon shugaban ƙasar Liberiya.

M. Joseph Boakai, ya riƙe muk**ai da dama cikin har da na mataimakin shugaban ƙasa, ƙarƙashin mulkin tsohuwar shugabar Liberiya, Ellen Johnson Sirleaf, daga (2005 zuwa 2017.

19/11/2023

Jaridar LSi Africa, ta ruwaito ranar 17 ga Nuwamba cewa Rasha ta fara bayar da ƙyautar hatsin da Vladimir Putin, ya yi alƙawari ga ƙasashen Afrika. "Jirgin ruwa 2 ɗauke da tan 25.000 kowannensu, sun bar tashar jirgin ruwan Rasha, zuwa (Solamiya da Burkina Faso) kuma za su isa a ƙarshen Nuwamba da kuma farawa Disamba, a cewar Ministan Noman Rasha, Dmitri Patrouchev.

"Za a aika jirage ɗauke da alƙama zuwa Afrika-ta-Tsakiya, da Zimbabwe, da Mali, da Eritrea, nan ba da jima wa ba, kafin ƙarshen shekara, " in ji Ministan Noman, wanda ya ce, (Mascou), ta yi alƙawarin aika tan 200.000 na alƙamar Rasha ga ƙasashen Afrika nan da sabuwar shekara.

Shugaban ƙasar Rasha ne, Vladimir Putin, ya tabbatar cikin watan octoba cewa Rasha, na da hatsin fitar wa duk da takunkumai da ƙasashen Turai, s**a ƙaƙaba wa ƙasar, bayan ta kai hari kan (Ukraine) a Fabrairun, 2022.

Ya sanar cewa, Rasha za ta bayar da hatsin ƙyauta ga waɗannan ƙasashe 6 (Mali, da Burkina Faso, da Afrika-ta-Tsakiya, da Eritrea, da Zimbabwe, da Somaliya), yayin da Mascou ke neman faɗaɗa tasirinta a Afirka, inda ta zaman katanga da ke ƙare ƙasashen Afrika daga mulkin mallakar Turawa, " in ji rahoton da LSi Africa ta wallafa a shafin Facebook.

18/11/2023

"Rasha, na sa ran haramta ƙungiyar 'yan maɗigo da luwaɗi, domin "tsattsauran ra'ayinsu".

"Ma'aikatar Shari'a ta Rasha, a wannan juma'a 17 ga Nuwamba, ta ajiye kara a (Kotun koli) inda ta bukaci a ayyana ƙungiyar 'yan maɗigo da luwaɗi (LGBT), a matsayin ta masu tsattsauran ra'ayi, da kuma haramta ayyukanta a Rasha, k**ar yadda ma'aikatar ta bayyana cikin sanarwa, sannan ta ƙara da cewa za a yi shari'ar, ranar 30 ga Nuwamban, 2023.

-Majiya LSi Africa.

15/11/2023

Arrivé à Niamey le 11 Novembre, L'ancien Premier ministre et ex-président de l'Assemblée Nationale de Côtè d'Ivoire, M. Guillaume Kigbafori Soro, a été reçu en audience le Lundi 13 Novembre, 2023, par le Président de la Transition du Niger, le général de brigade, Abdourahamane Tchiani, au palais de la présidence de la République.

A l'issue de cette audience, Guillaume Soro, a tweeté sur sa page "X" en écrivant, j'ai eu l'honneur d'être reçu en audience par le Président de la Transition du Niger, Chef de l'État, le général Abdourahamane Tchiani, accompagné de Salifou Mody, Ministre de Défense, et du Mohamed Toumba, Ministre de l'intérieur.
L' entretien qui a duré plus d'une heure et demi a été exceptionnel par la qualité et la profondeur des échanges.

14/11/2023

"Ministan tsaron ƙasa, Janar Salifou Mody, ya karɓi baƙuncin Daraktan dabarun aiki a Ma'aikatar Tsaron Tarayyar Jamus, Janar Gunter Schneider.

Sun gana game da ƙarƙafa haɗin kan soji tsakanin (Niger da Jamhuriyyar Tarayyar Jamus), k**ar yadda aka rubuta ranar 14 ga Nuwamba, a shafin Facebook na Ma'aikatar Tsaron Ƙasa.

12/11/2023

Ministan Tsaron Ƙasa, Janar Salifou Mody, ya gana ranar Lahadi 12 ga Nuwamba, da tawagar Turkiyya ƙarƙashin jagorancin Mataimakin Ministan Harkokin Wajen Turkiyya, Ahmet Yildiz da jakadan Turkiyya a Niger, Özgür Çinar.

An yi ganawar tare da Ministan Shari'a, Alio Daouda.

"Tattaunawar, ta shafi ƙarƙafa haɗin kan soji, da ilmi da samar da kayayyakin soji da kuma fannin likitanci, k**ar yadda aka rubuta a shafin Facebook na Ma'aikatar Tsaron Ƙasa, ranar 12 ga Nuwamban, 2023.

12/11/2023

"Shugaban Iran, Ebrahim Raisi da Yariman Saudiyya Muhammad Bin Salman, sun gana, a karon farko, tun da (Teheran da Riyad) s**a mai da dangantakarsu, " in ji rahoton da Press TV Français ta rubuta a shafinta na Facebook, jiya Asabar 11 ga Nuwamban, 2023.

10/11/2023

Shugabannin jam'iyyar MNSD Nassara ta Tandja, sun haɗu a wurin aure, ranar 10 juma'a ga Nuwamba.

Hotunan wannan rana, Hama Amadou, da Seyni Oumarou, da Albade Abouba, a wajen biƙin auren 'yar ɗan uwa Hama Amadou, k**ar yadda wani makusancin Hama Amadou ya wallafa, sannan Le Miroir de l'Ader ta wallafa a shafinta na Facebook ranar juma'a 10 ga Nuwamban, 2023.

10/11/2023

Shugaban ƙasar Rasha, Vladimir Putin, ya ziyarci hedkwatar sojin Rostov-sur-le-Don da ke yanƙin kudancin ƙasar, ranar juma'a 10 ga Nuwamba.

"Shugaba Putin, na tare da rakiyar da Ministan Tsaron Rasha, Serguei Choigou, da babban hafsan Ma'aikatar Tsaro, Valery Guerassimov, da wasu kwamandojin sojin Rasha, " in ji Sputnik France wanda ya rubuta labarin, a shafinsa na Facebook ranar juma'a 10 ga Nuwamban, 2023.

09/11/2023

Ministan ƙasa, Ministan Harkokin Wajen Chadi, Mahamat Saleh Annadif, wanda ya isa Riyad, jiya Laraba 08 ga Nuwamba, ya halarci buɗe taron tattalin arzikin Saudiyya da Afrika, ranar 09 ga Nuwamba, a Riyad, babban birnin Saudi Arabiyya.

"Yayin wannan taron, an sanya sa-hannu kan ɗumbin yarjeniyoyin haɗin kai da ƙawance, abin da ke tabbatar da muhimmancin ƙarƙafa hulɗa tsakanin Chadi da Saudiyya, " in ji sanawar da aka rubuta, ranar Alhamis 09 ga Nuwamba, a shafin Facebook na Ma'aikatar Harkokin Wajen Chadi.

09/11/2023

"Firaministan Niger, Ali Mahaman Lamine Zeine, ya isa Riyadh, ranar Alhamis 09 ga Nuwamba, inda zai halarci taron Saudiyya da Afrika".

"Firaministan, wanda ke tare da rakiyar muhimmiyar tawagar ministoci", zai wakilci Niger a wannan taron da ake yi, da nufin ƙarƙafa haɗin kai tsakanin Saudiyya da nahiyar Afrika, k**ar yadda aka sanar ranar Alhamis 09 ga Nuwamba, a shafin Facebook na (CNSP).

Jamhuriyyar Niger, na halartar taron, domin haska rawar da ƙasar ke taka wa a diflomasiyyar ƙasa da ƙasa.

"Taron Saudiyya da Afrika, na nuna kusancin da ke tsakanin Saudiyya da Afrika, da kuma samar da riba ga ɓangarorin biyu, k**ar yadda aka rubuta a sanarwar ta ranar Alhamis 09 ga Nuwamban, 2023.

08/11/2023

Shugaban ƙasar Burkina Faso, Kyaftin Ibrahim Traore, ya jagoranci "Taron Majalisar Ministoci" ranar Laraba 8 ga Nuwamba, a fadar Kossyam da ke Ouagadougou, babban birnin ƙasar, " in ji saƙo da aka wallafa a shafin Facebook na fadar Shugaban ƙasar Burkina Faso.

06/11/2023

"Chadi ta janye muƙaddashin jakadanta daga Isra'ila".

"Ma'aikatar Harkokin Wajen Chadi, ta sanar da janye muƙaddashin jakadanta daga Tel-Aviv, babban birnin Isra'ila".

Sanarwar da Kakakin Ma'aikatar Harkokin Wajen Ƙasar, Ibrahim Adam Mahamat ya fitar, ranar Asabar 4 ga Nuwamba, ta ce, Chadi ta damu da halin da ake ciki a Gabas ta Tsakiya, musamman cin zarafi da kashe-kashen da ake yi a Zirin-Gaza.

"Chadi, ta yi Allah-wadai da asarar rayukan mutanen da ba su ji ba su gani ba, kuma tana ƙiran a tsagaita-wuta domin samar da mafita mai karƙo game da batun Palasɗinu, " in ji sanarwar da aka wallafa a shafukan (X) da Facebook na Ma'aikatar Harkokin Wajen Chadi, ranar 4 ga Nuwamban, 2023.

05/11/2023

"Rasha ta aika tan 60 na kayan agaji ga al'ummar Zirin-Gaza".

Ma'aikatar Jin-kai ta Rasha, ta ce, "jirage biyu ɗauke da abinci da kayan tsafta da ƙatifu, sun tafi Masar" ranar Lahadi, inda za a mika kayan ga Ƙungiyar Agaji Masar, wadda za ta bai wa 'yan Gaza, k**ar yadda Sputnik France ya rubuta a shafinsa na Facebook ranar Lahadi 5 ga Nuwamba.

02/11/2023

Ƙungiyar Agajin Palasɗinu, ta ce, ta karɓi manyan motocin agaji 102 daga ƙungiyar agajin Masar, ta mashigar Rafah.

"Manyan motocin, na ɗauke da abinci da ruwan sha, da magunguna, da kayayyakin likita, " in ji wani saƙo da ƙungiyar agajin Palasɗinu, ta wallafa ranar Alhamis a shafinta na Facebook.

Kawo yanzu, adadin tirelolin da aka karɓa ya kai 374, inda aka hana shigar da fetur, a cewar saƙon ƙungiyar agajin ta Palasɗinu.

02/11/2023

Shugaban Equatorial Guinea, Teodoro Obiang Nguema Mbasogo, ya isa Mascou, inda zai "gana da Shugaban Rasha, Vladimir Putin, " in ji Sputnik Africa, wanda ya wallafa labarin a wannan Alhamis 02 ga Nuwamban, 2023.

01/11/2023

Ƙungiyar Agajin Palasɗinu (Palastine Red-Crescent Society ko Croissant-Rouge Palastienne), ta karɓi manyan motoci (55) ɗauke da agaji daga Ƙungiyar Agajin Masar (Egyptian Red Crescent), ta mashigar Rafah.

Manyan motocin" na ɗauke da abinci da ruwan sha, da magunguna da kayayyakin likita, k**ar yadda Ƙungiyar Agajin Palasɗinu, ta wallafa a shafinta na Facebook ranar 01 ga Nuwamban, 2023.

Kawo yanzu, adadin motocin da aka karɓa ya kai 272, inda ba a ba da izinin shigar da fetur ba.

01/11/2023

Ƴan ta-adda 5 sun tsere daga kurkuku a Tunisiya.

Wasu 'yan ta'adda 5 sun tsere daga kurkukun Tunisiya, k**ar yadda Ma'aikatar Cikin Gidan Ƙasar ta bayyana cikin wata sanarwar manema labarai ranar Talata, wadda Sputnik Africa ya wallafa a shafinsa na Facebook ranar Laraba 01 ga Nuwanba.

Ma'aikatar, ta ayyana waɗanda s**a tsere a matsayin 'yan ta'adda masu haɗari da s**a kashe 'yan siyasa 2 da 'yan sandan Tunisiya, " in ji rahotan Sputnik Africa.

29/10/2023

Ƙungiyar agaji ta Falasɗinu, ta bayyana cewa ta karɓi manyan motoci 24 ɗauke da abinci da magunguna, daga ƙungiyar agajin Masar, (Croissant-Rouge Égyptien), waɗanda s**a "shiga" ta (Rafah) da ke Masar, in ji saƙon da ta wallafa a shafinta na Facebook ranar Asabar 29 ga Octoba, 2023.

Ƙungiyar agaji ta Palasɗinun, ta ce adadin motocin da aka karɓa ya kai 118, yayin da aka hana shigo da man fetur.

Tun farko, ƙungiyar agajin ta Falasɗinu, ta bayyana cewa adadin manyan motocin, ya kai (94), bayan karɓar wasu manyan motoci (10) ɗauke da abinci da magunguna daga ƙungiyar agajin Masar (Croissant-Rouge Egyptien) waɗanda s**a shiga ta (Rafah) da ke Masar da maraicen wannan ranar ta Asabar.

Allah Ya kawo karshen wannan yaƙi da ake yi tsakanin Isra'ila da Falasɗinu.

29/10/2023

Ƙungiyar agaji ta Falasɗinu (Patestine Red Crescent Society), ta samu barazanar daga hukumomin mamaya na Isra'ila cewa su gaggauta fita daga asibitin (Al-Quds) da ke Zirin-Gaza, saboda za a kai masa hari. Tun da wannan safiya, an kai hari a mita 50 da asibitin na (Al-Quds), " in ji wani saƙo da aka wallafa ranar Lahadi 29 ga Octoba, a shafin Fezbuk na Ƙungiyar Agaji ta Falasɗinu.

Allah Ya kawo karshen wannan rikici da ake yi tsakanin Isra'ila da Falasɗinawa.

28/10/2023

Tashoshin Nukiliya A Afrika.

A duk ƙasashen nahiyar Afirka, Afrika ta Kudu ce kaɗai ke da tashar nukiliya da ke aiki a yanzu, yayin da Masar ke gina tashar nukiliya da tallafin Rasha, " in ji rahoton da aka wallafa ranar Asabar 28 ga Octoba, a shafin Facebook na Rediyon Sputnik France mallakin ƙasar Rasha.

A cewar rahoton Sputnik French, akwai wasu ƙasashen Afrika k**ar Aljeriya, da Maroko da s**a bayyana aniyyar kafa tashoshin nukiliya cikin watan Octoba, kuma rukunin kamfanin "Rosatom" na Rasha ya ba da shawarar gina tashoshin nukiliya na teku a Afrika.

Shafin Facebook na Sputnik, ya gabatar da bayanin ci gaban da ake samu yanzu da kuma abin da ake hange nan gaba a masana'antun nukiliyar nahiyar Afirka.

27/10/2023

Shugaban Turkiyya, Recep Tayyip Erdogan, ya ce, Isra'ila na mayar da martani k**ar wata ƙungiyar 'yan ta-adda kuma tana aikata laifukan cin zarafin ɗan adam.

Shugaba Erdogan, ya ce Netanyahu ya yaudari ƙyaƙƙyawar niyyar Turkiyya, kuma Erdogan, ya sanar da soke ziyartar ƙasar Isra'ila.

Erdogan, ya tabbatar da cewa Isra'ila ba za ta samu komai ba, yayin da take ruwan bama-bamai a kan kananan yara, duk da cewa Amurka tana goyan bayan ta ko akasin haka, " in ji rahoton da jaridar LSi Africa ta wallafa ranar 26 ga Octoba, a shafinta na "X da aka fi sani da Twitter.

27/10/2023

Wazirin Jamus, Olaf Scholz, zai kasance a Najeriya.

Wazirin Jamus, Olaf Scholz, zai ziyarci Najeriya nan gaba, inda zai tattauna yiwuwar shigo da Gaz, daga "Najeriya zuwa Jamus", in ji rahoton da LSi Africa ta wallafa a shafinta na (X) da aka fi sani da Twitter, bayan samun bayani daga wani wakilin gwamnatin Jamus.

25/10/2023

Firaministan Rasha, Mikhaïl Michoustine, ya halarci "Taron Majalisar Shugabanni da Gwamnatocin Ƙungiyar Ƙasashen (CEI) da na Ƙungiyar Hadin Kan Shanghaï ta (OCS), ranar 25 ga watan Octoba, a Bichkek, babban birnin Kirghizistan, k**ar yadda Rediyon Sputnik France na Rasha ya wallafa a shafinsa na Facebook.

25/10/2023

Ministan Harkokin Wajen Rasha, Sergueï Lavrov, wanda ya isa "Teheran" ranar 22 ga watan Octoba, domin halartar Taron Ƙasashen Yanƙin "Caucase", ya gana da Shugaban Ƙasar Iran, Ebrahim Raissi, ranar Litinin 23 ga Octoba, "in ji rahoton da Sputnik France na ƙasar Rasha ya wallafa a shafinsa na Facebook ranar Litinin 23 ga Octoban 2023.

25/10/2023

Gwamnatin Niger Ta Karyata jita-jitar cewa an yi yunƙurin kai hari ga Firaministan Ƙasar, Ali Mahamane Lamine Zaine.

Ma'aikatar Tattalin Arziki da Kuɗi, ta fitar da sanarwa ranar Litinin 23 ga watan Octoba, inda ta tabbatar wa al'umma da ƙasashen duniya cewa ba a yi yunkurin kai hari Ofishin Firaministan, wanda shi ne, Ministan Tattalin Arziki da Kuɗi na Jamhuriyyar Niger.

Sanarwar, ta ƙara da cewa wannan jita-jita marasa tushe na da alaƙa da k**a wani babban jami'in ma'aikatar da aka yi, a makon da ya wuce, wanda kuma an sake shi, " in ji sanawar mai ɗauke da sa-hannun Sakatare-janar na Ma'aikatar Tattalin Arziki da Ƙudi ta Niger.

25/10/2023

Burkina Faso.

Shugaban Ƙasar Burkina Faso, Kyaftin Ibrahim Traore, ya jagoranci "Taron Majalisar Ministoci" wanda ake yi kowacce Laraba, a Fadar (Ƙossyam) da ke Ouagadougou, babban birnin ƙasar ta Burkina Faso.

.

23/10/2023

Shugaban Türkiyya, Recep Tayyip Erdogan, ya gana da Firaministan Malaishiya, Anwar Ibrahim, ranar Lahadi 22 ga watan Octoba, a Santambul da ke Türkiyya.

.

22/10/2023

Shugaban Türkiyya, Recep Tayyip Erdogan, ya karɓi baƙuncin Firaministan Libiya, Abdul Hamid Dbeibeh, jiya Asabar 21 ga watan octoba, a Manoir Vahdettin da ke Santambul a Türkiyya.

.

19/10/2023

Ministan Harkokin Wajen Rasha, Sergueï Lavrov, na ziyara a Koriya ta Arewa.

Ministan Harkokin Wajen Rasha, Sergueï Lavrov, ya gana da Shugaban Koriya ta Arewa, Kim Jong-ug, da kuma Ministar Harkokin Wajen ƙasar, Choe Son-hui, ranar Alhamis 19 ga Octoba, a Pyongyang, babban birnin ƙasar.

Minista Sergueï Lavrov, ya ajiye furanni a bisa ƙabarin dakarun sojin Tarayyar Soviyatte, waɗanda s**a mutu a yanƙi wajen 'yantar da Koriya ta Arewa da Japan ta mamaye a (1905).

Sputnik France.

18/10/2023

Shugaban ƙasar Chadi, Janar Mahamat Idris Deby Itno, ya isa Paris, babban birnin Faransa, jiya Talata 17 ga watan Octoba, inda ya samu tarbe daga jakadan Chadi a Faransa da tawagar 'yan Chadi da ke zaune a Faransa, waɗanda s**a kasance a filin jirgen saman Paris domin tarbar Shugaban Ƙasa, Janar Mahamat Idris Deby Itno.

Shugaban na Chadi, ya fara ziyarar aikin ne, jiya Talata 17 ga watan Octoba, bayan da ya samu gayyata daga Shugaban Faransa, Emmanuel Macron.

Shugaban Ƙasa, Mahamat Idris Deby Itno, zai gana keke-da-keke da takwaransa na Faransa, Emmanuel Macron, kuma ana sa-ran ya haɗu da shugabannin kamfanonin Faransa, masu sha'awar zuɓa jari a ƙasar Chadi.

.

18/10/2023

An kashe mutum (1) a wani harin 'yan bindiga, " in ji Air Info Agadez.

Jaridar Air Info Agadez, ta ruwaito jiya Talata 17 ga watan Octoba, cewa ta samu labarin rasuwar, Badamassi Mahamadou, mai kula da wurin abincin makaranta a Tchirezorine, bayan harin 'yan bindiga tsakanin Agadez da Tchirezorine.

Sai dai, babu wani ƙarin bayani da jaridar ta yi a kan waɗanda s**a ji rauni da kuma asarar dukiya da aka yi, bayan wannan harin na 'yan bindiga.

.

17/10/2023

An k**a wasu 'yan bindiga (3), "in ji Air Info Agadez.

Jaridar Aïr-Info Agadez ta ce, ta samu labari daga majiyar tsaro cewa ranar 15 ga watan Octoban 2023, an k**a wasu 'yan bindiga (3), waɗanda ake nema a yankin Agadez, bayan fada mai tsanani da s**a yi da jami'an 'yan sandan Arlit.

Ana zargin mutanen da aka k**a da laifin sata da fashi-da-makami a yankin na Agadez.

.

16/10/2023

Mun samu labari daga Rediyo Amfani Zander cewa wasu 'yan kasuwar Maraɗi masu ƙishin ƙasa, sun tara kuɗi CFA Miliyan ɗari biyu da jika ɗari biyar (200,500,000), wanda s**a bai wa gwamnatin Niger, domin ta ci gaba da ayyuka da kuma tunƙarar taƙunƙunman, da Ƙungiyar Haɓaka Tattalin Arzikin Ƙasashen Afirka ta Yamma da Ƙungiyar UEMOA, s**a ƙaƙabawa ƙasar, bayan juyin mulkin da aka yi ranar 26 ga watan Yulin 2023, a jamhuriyyar Niger.

.
.

15/10/2023

An k**a kwaya mai yawa a Yankin Zander.

Ofishin 'yan sandan PJ da ke Zander, ya gabatar da kwaya mai yawa, ranar 12 ga watan octoban 2023, wadda aka k**a a cikin yankin Zander.

An gabatar da ƙunshin (75) na tabar wiwi wanda aka raba k**ar haka.

'Yan sandan Hukumar Yaƙi da Sha da Hana Safarar Kwaya, reshen yankin Zander, sun k**a ƙunshin (60) da ke cikin ɗilar ɓosho a shingen Magaria.

'Yan sandan ofishin ɗa'ira ta 2 sun k**a ƙunshin (13,5) na ɓusasshiyar tabar wiwi a cikin birnin Zander da kuma ƙunshin (1,5) wanda Hukumar Yaƙi da Sha da Hana Safarar Kwaya ta k**a a kasuwar Droum.

Gwamnan yankin Zander, Kanal Issoufou Labo, da tawagar da ke masa rakiya, sun kasance a wurin don ganin ƙoƙarin da rundunar 'yan sandan kasa ke yi musamman a Zander.

Daraktan 'Yan Sandan Zander, Kwamishina Amadou Mossi, wanda ya gabatar da kwayar, ya taya su murna da kuma karfafa gwiwar jami'an tsaro, da ke yaƙi da safarar kwayoyi da haramtattun kayayyaki, sannan ya yi bayani kan nauyin kwayar da aka k**a domin nuna yanayin da ake ciki, kuma ya yi kira ga al'umma ta shigo domin kawar ko rage wannan bala'in daga Niger.

Gwamnan Yankin Zander, Kanal Issoufou Labo, da Alƙalin Kotun Zander, Moussa Tinaou, kowanensu ya yi magana, inda s**a taya su murna da kuma karfafa gwiwar jami'an tsaro, musamman Rundunar 'Yan Sandan Ƙasar Niger.

Alƙalin Kotun Zander, Moussa Tinaou, ya tabbatar wa hukumomi da al'umma cewa waɗanda s**a aikata waɗannan laifukan za su fuskanci hukuncin da doka ta tanada.

.
.

14/10/2023

Musulman Kamaru na alhinin rasuwar, Alhaji Moɗibbo Halidou Ibrahim, Limamin Masallacin unguwar Essos, wanda ya rasu, jiya juma'a 13 ga watan octoban 2023, a Yaounde, babban birnin Kamaru.

Alhaji Moɗibbo Halidou Ibrahim, wanda Limamin babban Masallacin Essos ne, kuma ɗaya daga cikin waɗanda s**a kafa Majalisar Limamai da Malaman Musulunci a Kamaru, ya rasu jiya a Yaounde, bayan ya yi rashin lafiya.

Malam Moɗibbo Halidou Ibrahim, ya yi shekara 20 a matsayin Limamin babban masallacin Essos, kuma an binne shi jiya a maƙabartar Musulmai ta Soa da ke Yaounde, babban birnin ƙasar Kamaru.

.

14/10/2023

Rangaɗin Gwamnan Zander.

Gwamnan Zander, Kanal Issoufou Labo, da ke jagorantar wata tawaga, da ta haɗa Shugaban Majalisar Yanki, da Sarkin Zander, da wakilan jami'an tsaro, da daraktocin ma'aikatu, sun kasance a wannan Asabar 14 ga watan octoban 2023, a ƙaramar hukumar Kantche (Kance) da ke Damagaram.

Gwamna da tawaga da ke masa rakiya, sun samu tarbe daga Kantoman Kantche Hambali Oumarou, da ke tare da Sarkin Kantche da Sarkin Fulanin Kawuri, da wakilan jami'an tsaro a ƙauyen (Faroun Tsoho), daga nan s**a wuce zuwa Matameye, inda dubban al'umma suke jiran su a cikin ma'aikatar Kantoman Kantche.

Bayan jawabin Magajin Garin Matameye, Kantoman Kantche, Hambali Oumarou, ya bayyana wa al'umma manufar ziyararsu a karamar hukumar ta Kantche.

Da yake jawabinsa, Gwaman Zander Kanar Issoufou Labo, ya yi bayani kan muhimmancin tsaro da zaman lafiya da zamantakewa, sannan ya bayyana tasirin salloli da addu'o'i wajen magance matsalar ake fuskanta yanzu a ƙasar Niger.
A karshe, Gwamna Issoufou Labo, ya mika saƙon Shugaban Mulkin Sojin Niger, Janar Abdourahamane Tchiani, wanda ya buƙaci al'umma ta haɗa kai da kuma tashi tsaye don hana duk wani ƙutse a cikin ƙasa.

A ɓangare ɗaya kuma, Daraktan Lafiya ya yi bayani game da muhimmancin riga-kafi da awan-ciki da kuma illar auren wuri da ake yi wa yara mata.

.
.

13/10/2023

Ministan tsaron ƙasa, Janar Salifou Mody, ya karɓi baƙuncin mai kula da harkokin ofishin jakadancin Indiya a Niger, Hansraj Chhillver, jiya Alhamis 12 ga watan Octoban 2023, wanda s**a tattauna game da inganta haɗin gwiwar soji tsakanin Niger da Indiya.

Ƙasar Niger da Indiya suna da muhimmiyar alaƙar diflomasiyya, wacce majalisar sojin ƙasa ta CNSP take niyyar karfafawa.

.

12/10/2023

Shugaban ƙasar Chadi, Janar Mahamat Idris Deby Itno, ya karɓi baƙuncin jakadan Masarautar Saudiyyaa, Amer Ben Ali Alshehry, ranar Alhamis 12 ga watan octoban 2023, a fadar shugaban ƙasa da ke N'Djamena.

Jami'in diflomasiyyar na Saudiyya, ya mika saƙon Sarkin Saudiyya, Salman Bin Abdelaziz Al Saoud, ga shugaban ƙasar Chadi, Mahamat Idris Deby Itno, da aka gayyaci shi wajen taron Afirka-da-Saudiyya da za a yi cikin watan Nuwanba mai zuwa a Riyad, babban birnin Saudi Arabiyya.

20/11/2023

19/11/2023

19/11/2023

18/11/2023

15/11/2023

14/11/2023

12/11/2023

12/11/2023

10/11/2023

10/11/2023

09/11/2023

09/11/2023

08/11/2023

06/11/2023

05/11/2023

02/11/2023

02/11/2023

01/11/2023

01/11/2023

29/10/2023

29/10/2023

28/10/2023

27/10/2023

27/10/2023

25/10/2023

25/10/2023

25/10/2023

25/10/2023

23/10/2023

22/10/2023

19/10/2023

18/10/2023

18/10/2023

17/10/2023

16/10/2023

15/10/2023

14/10/2023

14/10/2023

13/10/2023

12/10/2023

Adresse

Téléphone

Site Web

Notifications

Contacter L'entreprise

Raccourcis

Partager

Type

Entreprises De Médias á proximité

Autres Site web d’actualités à Zinder

Tu pourrais aussi aimer