Agriforum Namibian Agriculture Magazine

17/12/2024

16/12/2024

𝗠𝗢𝗧𝗜𝗩𝗔𝗧𝗜𝗢𝗡 𝗠𝗢𝗡𝗗𝗔𝗬

14/12/2024

𝗕𝗢𝗘𝗥𝗘𝗧𝗥𝗢𝗢𝗦

'n Grap is 'n grap, maar ...
Jy speel nie in pienk rugby nie, jy sit nie 'n hospitaal se krag af nie en jy vra nie jou baas by 'n jaareindgeselligheid in watter afdeling hy werk nie.

13/12/2024

In die volgende Agriforum kuier ons by die jong Simmentaler-teler Theuns Muller - 'n beskeie teler, maar iemand met van die beste syfers in die bedryf en ook uitstekende vrugbaarheid in sy koeikudde.
Feedmaster Namibia se Markus du Plessis gesels met hom.

13/12/2024

𝗙𝗨𝗡 𝗙𝗔𝗖𝗧 𝗙𝗥𝗜𝗗𝗔𝗬

Did you know a lobster's blood is colourless but turns blue when exposed to oxygen? This fascinating phenomenon occurs due to hemocyanin, a copper-based molecule that lobsters use to transport oxygen through their bodies. When hemocyanin binds with oxygen, it changes colour, resulting in a blue hue. This unique adaptation is found in many arthropods and molluscs, showcasing the incredible diversity of biological mechanisms in the animal kingdom. (www.themazesolution.com)

11/12/2024

𝗕𝗲𝗼𝗼𝗿𝗱𝗲𝗹𝗮𝗮𝗿𝘀𝗶𝗻𝗱𝗿𝘂𝗸𝗸𝗲 𝘃𝗮𝗻 𝘃𝗲𝗲𝗯𝗼𝗲𝗿𝗸𝗼𝗺𝗽𝗲𝘁𝗶𝘀𝗶𝗲

Heelwat lesse was te leer uit die terugvoer van dr Louis du Pisani, onafhanklike landboukonsultant van Suid-Afrika, oor besoeke aan die agt finaliste in die veeboer van die jaar-kompetisie. Dr Louis is 'n kundige op die gebied van vee-, veld- en geldbestuur en 'n gewilde spreker op boeresaamtrekke, ook in Namibië.

Op die prysoorhandigingsgeleentheid van die Namibië Landbou Unie (NLU) en Lewendehawe Produsente Organisasie (LPO) in November het hy as lid van die beoordelaarspan op 'n positiewe noot op die sterk punte gefokus van die beste kandidate onder die 18 inskrywings vir dié gewilde LPO-kompetisie. "Al agt hierdie boere kan saampraat met die bestes ter wêreld ongeag min reën en ver afstande van markte. Ek het die hoogste agting vir hulle." Tog het dr Louis ook nie nagelaat om te wys op leemtes waar boere kan verbeter nie.

10/12/2024

𝗡𝗟𝗨-𝘃𝗲𝗲𝗯𝗼𝗲𝗿𝗸𝗼𝗺𝗽𝗲𝘁𝗶𝘀𝗶𝗲 𝘀𝗲 𝗻𝗮𝗮𝘀𝘄𝗲𝗻𝗻𝗲𝗿𝘀

09/12/2024

𝗚𝗿𝗼𝗼𝘁 𝗽𝗿𝘆𝘀𝗲 𝗴𝗲𝗲 𝘃𝗲𝗲𝗯𝗼𝗲𝗿𝗸𝗼𝗺𝗽𝗲𝘁𝗶𝘀𝗶𝗲 '𝗻 𝗵𝘂𝗽𝘀𝘁𝗼𝗼𝘁
Vir die eerste keer was 'n bielie van 'n prys op die spel - 'n enkelkajuit Toyota Hilux GD-6 die LPO se veeboer van die jaar. Dié reuse-belegging van SA Toyota en Pupkewitz Toyota in ons land se landbou het gewis bygedra tot 'n rekordgetal van 18 inskrywings waaruit 8 finaliste aangewys is. Daarby het die wenner N$30 000 en 'n trofee van Feedmaster ontvang.

Die ruim borgskappe, ook van ander ondernemings, het 'n opwindende nuwe formaat en 'n glansdinee moontlik gemaak. Anders as in die verlede is die kompetisie nou oop vir bees- en kleinveeprodusente wat in die verlede afsonderlik beoordeel is om al om die die ander jaar 'n wenner aan te wys.

Etienne Steenkamp, handelsdirekteur van Pupkewitz Toyota, het in sy kort borgtoespraak gefokus op veerkragtigheid. "Boere weet wat dit beteken om te volhard en nie tou op te gooi nie. Dit was daarom nie moeilik om Toyota SA te oorreed om betrokke te raak nie." Hy glo die draaipunt in 'n moeilike ekonomiese siklus het aangebreek. "Ek is positief oor die toekoms. Uit interaksie met eknome is dit duidelik dat olie, groenwaterstof en hidrotegnologie groot belofte vir die land inhou, maar verder in die toekoms. Dis 'n veranderende wêreld waarby ons sal moet aanpas. Tog, as jy deur die land ry, sien jy reeds hoe ontwikkeling gebeur en nuwe paaie gebou word."

FOTO: Etienne Steenkamp van Pupkewitz Toyota oorhandig die sleutels van 'n splinternuwe enkelkajuit Hilux-bakkie aan Hella en Streicher Coetzee van Hochfeld - die wenner van vanjaar se LPO-veeboerkompetisie.

08/12/2024

𝗥𝗘𝗖𝗜𝗣𝗘 𝗦𝗨𝗡𝗗𝗔𝗬

𝑻𝒉𝒆 𝑵𝒆𝒘 𝑭𝒓𝒐𝒔𝒆
𝗜𝗻𝗴𝗿𝗲𝗱𝗶𝗲𝗻𝘁𝘀
One 750 ml bottle of rose wine, chilled
2 cups strawberries, hulled and halved, plus extra for garnish
1/2 cup superfine sugar
1/3 cup lemon juice (from about 3 lemons)

𝗠𝗲𝘁𝗵𝗼𝗱: Puree (blend) the rose, strawberries, sugar and lemon juice until smooth. Pour into an ice cream maker and churn on the coldest setting until thick and slushy, 45 minutes to 1 hour. Pour into wine glasses and garnish with strawberries. (www.foodnetwork.com)

07/12/2024

𝗕𝗢𝗘𝗥𝗘𝗧𝗥𝗢𝗢𝗦

Oog op appels
Kinders tree aan vir middagete by 'n Katolieke skool. Op die kop van die tafel staan 'n groot bak vol appels. Die non sê: "Vat elkeen net een. God kyk." Namate die ry aanbeweeg na die ander punt van die tafel wag 'n groot hoop sjokoladesplinterkoekies. Een van die seuns skryf 'n nota: "Vat soveel soos wat julle wil, want God het sy oë net op die appels."

06/12/2024

𝗙𝗨𝗡 𝗙𝗔𝗖𝗧 𝗙𝗥𝗜𝗗𝗔𝗬

The oldest recorded recipe is over 4 000 years old. This recipe for hearty beer, found on a clay tablet, dates back to ancient Sumeria. It describes how to brew beer using barley, honey and emmer wheat.

05/12/2024

𝗔 𝗳𝗶𝗿𝘀𝘁 𝗳𝗼𝗿 𝗡𝗮𝗺𝗶𝗯𝗶𝗮: 𝗙𝗮𝗿𝗺𝗲𝗿𝘀 𝘂𝗻𝗶𝗼𝗻𝘀, 𝗴𝗼𝘃𝗲𝗿𝗻𝗺𝗲𝗻𝘁,
𝗸𝗲𝘆 𝘀𝘁𝗮𝗸𝗲𝗵𝗼𝗹𝗱𝗲𝗿𝘀 𝘀𝗶𝗴𝗻 𝘀𝘁𝗿𝗮𝘁𝗲𝗴𝘆 𝗳𝗼𝗿 𝘁𝗿𝗮𝗻𝘀𝗳𝗼𝗿𝗺𝗮𝘁𝗶𝗼𝗻
As a historic first, Namibia's four farmers unions, key stakeholders and the ministry of agriculture jointly signed a strategy on 4 November, aimed at transforming the country's agricultural sector into a modern, sustainable agri-food system that ensures food security, equitable economic growth and resilience to future challenges.

The signing of STAS (Strategy for the Transformation of the Agri-Food Sector 2025-26 to 2030-31) is seen as a significant milestone, marking increased collaboration between the various local farmers unions across multiple sectors. This collaboration has led to the co-signing of several policy documents in recent years, negotiated with the relevant institutions and authorities.

"This is not merely a symbolic gesture; it represents a fundamental shift in how Namibia's farmers unions approach the challenges and opportunities in our sector," said NNFU president Adolf Muremi who spoke on behalf of all the unions at the opening event. He referred to hte Namibia National Farmers Union (NNFU), Namibia Emerging Commercial Farmers Union (NECFU), Namibia Agriculture Union (NAU) and the Previously Disadvantaged Namibia Farmers Union (PDNFU).

During the event, agricultural minister Calle Schlettwein explained that STAS will address key priorities including integrating climate-smart agricultural practices, tailoring activities to agro-ecological zones based on regional needs, and positioning the private sector as a market driver with the government as an enabler, while supporting regional market integration. Obeth Kandjoze, director general of national planning, delivered the minister's speech on his behalf.

STAS was developed in alignment with CAADP commitments and the Malabo Declaration, drawing on the African Union's comprehensive Africa agriculture development programme (CAADP), said Ndiyakupi Nghituwamata, executive director of the ministry. She added that the strategy aligns with national, regiona, continental and global policies, including Vision 2030, national development plans (NDPs), Harambee Prosperity Plan II and Namibia's agriculture policy.

PHOTO: Key stakeholders during the opening ceremony for the signing of a strategy for the transformation of the agri-food sector, known by the acronym STAS.

03/12/2024

𝗞𝗮𝗺𝗮𝗻𝗷𝗮𝗯 𝗕𝗩 𝘃𝗶𝗲𝗿 𝘀𝗲𝘄𝗲𝗻𝘁𝗶𝗴 𝗷𝗮𝗮𝗿
Wat ‘n spoggerige, deftige 70ste bestaansjaarviering! Lede van die Kamanjab-boerevereniging het Saterdag (30 November) omtrent uitgehaal en gewys. Die NLU is verteenwoordig deur sy president, Thinus Pretorius, en oud-president Pieter Gouws. Afgesien van sy sterk boodskap aan die geharde boere van die verre noordweste, het Thinus ook die gedenksteen onthul. Saam met hom verskyn lede van die boerevereniging in die eerste videogreep. Pieter, ‘n liefhebber van Kamanjab en sy mense, het weer in sy openingstoespraak teruggestap op ou spore. Prof Helmke von Bach, ‘n Kamanjabber in murg en been, het ongelooflike moeite gedoen om die geskiedenis van die gemeenskap neer te pen en dit met die gehoor te deel – sover terug as 1885. Tydens sy verwelkoming het boerevereniging-voorsitter Danie Robbertse, ook lid van die NLU se uitvoerende raad vir die Outjo-streek, interessante hoogtepunte uitgelig. Op sy b***t het Arnold Klein, besturende direkteur van Agra, gepas ‘n motiveringsboodskap gelewer waarin saamstaan, hoop, geloof en liefde die botoon gevoer het.

Elsebé Robbertse, sekretaresse van die Kamanjab-boerevereniging, stel die oudste lede bekend op die laaste videogreep.

03/12/2024

𝗥𝗠𝗣 𝗴𝗲𝗿𝗮𝘁 𝘃𝗶𝗿 𝗲𝗲𝗿𝘀𝘁𝗲 𝘂𝗶𝘁𝘃𝗼𝗲𝗿 𝗶𝗻 𝗻𝘂𝘄𝗲 𝗷𝗮𝗮𝗿
Die verwagting is dat Rehoboth Meat Processors (RMP) se eerste uitvoerbesending van beesvleis in die eerste kwartaal van die nuwe jaar uit die Walvisbaai-hawe na oorsese markte gaan vertrek. Markte is reeds in 'n gevorderde stadium van onderhandeling terwyl reëlings vir die lewering van slagdiere agtermekaar is. Opgradering, modernisering en aanbouings by RMP is reeds in 'n geruime tyd afgehandel om aan wêreldklas-standaarde te voldoen.

By navraag het Sarel du Toit, direksievoorsitter van RMP, gesê verpligte sertifisering vir internasionale voedselveiligheidstandaarde, bekend as Hazard Analysis and Critical Control Points (HACCP), is einde Oktober afgehandel. RMP het hierdie oudit met vlieënde vaandels geslaag. Teen einde November volg sertifisering by die Namibiese direktoraat veeartsenydienste. "Intussen is ons ook besig met nie-verpligte FSSC-sertifisering indien kliënte dit sou vereis. Dit is 'n risiko-gebaseerde stelsel om veilige produkte aan verbruikers te verseker in 'n dinamiese reguleringsomgewing."

RMP se eerste vraghouers met versnitte beesvleis, wat Wagyu insluit, sal na verwagting teen die einde van die eerste kwartaal volgende jaar na hul oorsese markbestemmings vertrek, sê Sarel.

FOTO: Sarel du Toit, RMP-direksievoorsitter

02/12/2024

𝗩𝗼𝗼𝗿𝗴𝗲𝘀𝘁𝗲𝗹𝗱𝗲 𝗴𝗿𝗼𝗻𝗱𝗵𝗲𝗿𝘃𝗼𝗿𝗺𝗶𝗻𝗴𝘀𝘄𝗲𝘁 𝗼𝗽 𝗽𝗮𝗱 𝗽𝗮𝗿𝗹𝗲𝗺𝗲𝗻𝘁 𝘁𝗼𝗲
Die wetsontwerp op kommersiële landbougrond en kommunale grondhervorming is nou as 'n eenheid gekonsolideer en gereed om in 2025 tydens die eerste parlementsitting ter tafel gelê te word.

Minister Calle Schleitwein het op 'n slypskool op 3 November waartydens die hersiene hervestigingskriteria finaliseer is, gesê dit is die finale stap nadat die kriteria aan die advieskommissie oor grondhervorming (LRAC) voorgelê is vir wysigings, streke gekonsulteer is en die kriteria deur die Nasionale Vergadering (NV) goedgekeur is.

"Die slypskool sluit nou die konsultasieproses oor die kriteria met noodsaaklike rolspelers af. Genoeg tyd is hieraan bestee. Sodra die kriteria geïmplementeer word, sal die ministerie voortgaan met die toekenning van hervestigingsgrond volgens drie voorgestelde modelle," het hy gesê. Die kriteria moet uiteindelik deel vorm van die oorhoofse beleid vir nasionale hervestiging en is die uitvloeisel van die tweede nasionale grondkonferensie wat in Oktober 2018 in die hoofstad aangebied is.

'n Hoë ekonomiese waardemodel is ontwerp vir grootskaalse hervestigingsboerderye, terwyl 'n medium en lae weergawe ontwikkel is om kleiner hervestigingsboerderye te akkommodeer. Kriteria is ook ontwerp om gemeenskappe wat grond verloor het, voorkeur te gee volgens 'n 70:30 verhouding. "Dit beteken 70% van die mense wat deur hervestiging in 'n gegewe gebied bevoordeel word, moet van die gebied afkomstig wees. Slegs 30% van die grond sal beskikbaar wees vir voorheen benadeelde Namibiërs van elders."

FOTO: Minister Calle Schleitwein