Agriforum Namibian Agriculture Magazine

𝗗𝗲𝗲𝗹 𝗶𝗻 𝘄𝗮𝘁𝗲𝗿𝘃𝗿𝗲𝘂𝗴𝗱𝗲! Die kol-kol reënpatroon het hopelik nou plek gemaak vir meer wydverspeide en goeie reënbuie. Die lyk darem of ‘n mate van uitkoms ook wag op die sentraal-ooste wat grootliks nog droog is. Reënstorms, soos gister op Tsumeb, begin ook nou kop uitsteek. Uit Koës se wêreld laat weet Anette Steyn 7 Februarie 2025 sal by hulle onthou word as die dag waarop hulle die meeste reën sedert 2012 binne 24 uur gekry het. Hulle het tussen 19 mm en 60 mm reën op die kalkgrond ontvang. Gieliam Botma, 40 km noordwes van Aronos, sê gister se 21 mm was die eerste ordentlike reën in twee jaar by hulle. Selfs die waterarm Usakos is mildelik geseën. Die Kahn-rivier by die dorp het ook begin loop. Mense vertel hulle het lanklaas soveel water tussen Karibib en Usakos gesien. Sabine Fischer sê 39 mm reën is tussen Dinsdag tot Vrydag op Omaruru ontvang. Dele van die Otavi-vallei trek al by die 500 mm vir die seisoen terwyl ‘n hewige haelstorm gister op Tsumeb die JP Ratledge-sportstadion by die Etosha Hoërskool se dak afgewaai het en talle bome op die dorp platgetrek het. Inwoners van die dorp het tussen 18 mm tot 48 mm gemeet. Uit die ooste, waar reën tot dusver skraps was, laat weet Susan Horn hulle plaas by Gobabis het gister 38 mm ontvang. Die toergids Toni Hart het gister op ‘n reëngroep op Facebook gewaarsku sterk riviere loop oor die D1275-roete op pad na die C14-pad in die Spreetshoogte-omgewing en sal na verwagting groot skade aanrig. Björn Basler sê dit is die tweede keer in een week dat die Konkiep- en Helme-riviere in volle vloed naby die Helmeringhausen Hotel afkom – altwee op pad na die Visrivier. 𝗔𝗚𝗥𝗜𝗙𝗢𝗥𝗨𝗠 𝗟𝗔𝗡𝗗𝗕𝗢𝗨𝗧𝗬𝗗𝗦𝗞𝗥𝗜𝗙 𝗡𝗔𝗠𝗜𝗕𝗜𝗔

Vreugde ná heerlike reën gister op die plaas Bag Bag, net buite Erindi se Okahandja-hek. Die reënvideo word wyd op sosiale media versprei. Reën dit by jou?

Vreugde ná heerlike reën gister op die plaas Bag Bag, net buite Erindi se Okahandja-hek. Die reënvideo word wyd op sosiale media versprei. Reën dit by jou?

Soos gebruiklik is Agriforum se span op hul jaarlikse vakansie. Ons is op Maandag 13 Januarie 2025 terug in die tuig om landbou saam met boere, die NLU en ander rolspelers in die nuwe jaar te dien.

In die volgende Agriforum kuier ons by die jong Simmentaler-teler Theuns Muller - 'n beskeie teler, maar iemand met van die beste syfers in die bedryf en ook uitstekende vrugbaarheid in sy koeikudde. Feedmaster Namibia se Markus du Plessis gesels met hom.

𝗪𝗶𝗻𝗱𝗵𝗼𝗲𝗸 𝗷𝘂𝗶𝗴 𝗼𝗼𝗿 𝗷𝗮𝗮𝗿 𝘀𝗲 𝗲𝗲𝗿𝘀𝘁𝗲 𝘀𝘁𝗼𝗿𝘁𝗯𝘂𝗶 Windhoekers het pas in etensuur uitgelate gejuig oor die eerste sterk reënbui vir die seisoen – eintlik ‘n haelstorm in die sentrale en noordelike dele van die stad. Plek-plek was motorryers se sig so beperk dat hulle vir veiligheid hul noodligte moes aanskakel. In die videogreep skop NLU-personeel die skoene uit om uitbundig die lafenis van genadewater te geniet. 'n Rowwe skatting is dat die blitsbui tussen 15 en 20 mm kan wees. Nou skyn die son al weer, maar donderslae word nog veraf gehoor. Ons hoop vir nog … en dat boere ook van die massas water beleef het of gou gaan beleef.

𝗞𝗬𝗞: 𝗥𝗲ë𝗻𝘃𝗲𝗿𝘀𝗹𝗮𝗴 𝗲𝗻 𝘃𝗼𝗼𝗿𝘀𝗽𝗲𝗹𝗹𝗶𝗻𝗴 𝘃𝗶𝗿 𝗱𝗶𝗲 𝗻𝗮𝘄𝗲𝗲𝗸 Agriforum doen verslag oor die jongste reënsyfers en daarna gee die weerkantoor se Odillo Kgobetsi 'n vooruitskouing van die reën wat oor die naweek verwag word. Foto's en video's: Facebook

𝗟𝗮𝗻𝗱𝗯𝗼𝘂𝘃𝗿𝗼𝘂 𝘃𝗮𝗻 𝗱𝗶𝗲 𝗝𝗮𝗮𝗿 𝗮𝗮𝗻 𝗱𝗶𝗲 𝘄𝗼𝗼𝗿𝗱 Annette Kotze is vir haar dryfkrag agter die Okahandja Boerevereniging se ongelooflike gemeenskapswerk bekroon as die NLU-Old Mutual Landbouvrou van die Jaar. Luister na dié ystervrou se kortlikse terugvoer oor wat reeds vermag is – gewis ‘n navolgenswaardige voorbeeld vir ander boereverenigings.