https://youtube.com/channel/UC90NDEScib2ghtsgMnx8q2w, https://www.facebook.com/reduan.jampi83

Anak Rumah Panjai - ARP, Miri (2025)

15/12/2024

Chukup manah pun Krismas dipeda maya malam hari ba Time Square Miri.

15/12/2024

Pun krismas ba Time Square Miri.

15/12/2024

Pokok krismas ba Time Square Miri.

14/12/2024

Bihun guring aja,tu aja mih empa min,kenyang min laban tu.

12/12/2024

LANJI

Renggat 5

Maya tandan bau iya ditegu urang dia tudah Sirai nyau abis tekenyit naka iya pengesal. Nyau asai ka runtuh tudah anak ati laban dibai iya kelalu kesal.
"Sapa enda mih urang negu bau aku tu,parai ta antu,nama mih penyadi aku tu pegi,mati mih aku tu legi."pia ku Sirai bejaku dalam ati.
Penakut ukai main takut laban enda kala ngasai bakatu. Benung tudah Sirai malik kebelakang naka ulih enggau ati ti berani, dia Sirai malik belakang lubah-lubah musin ke pegu iya enggau tubuh iya mimit. Dia Sirai au tepeda ke Aki Mekung benung megai bau iya sambil tuchum semina ayan seigi-igi ba depan nya. Nya mih aki Mekung nyau rerising meda ulah Sirai.

"Uchu...ooo...uchu...nama nuan baka urang ke takut,nama utai ngasuh nuan tekenyit ngemalat nya..hahhaaaa..."pia ku aku Mekung nyau ketawa meda ulah Sirai.

"Nuan...tu tadi aki,pei...parai dayah ke nuan aki,kumbai aku sapa ke negu bau aku tadi,enti aku tu urang ke jantung enda manah,tatkala nya mih aku luput alu parai."pia ku Sirai nyau murus kening iya.

"Nai...uchu..iga nyau ngemalat nya nuan kesal uchu,iya nama utai bisi ngachau nuan pia uchu?."pia ku Aki Mekung.

"Nadai aki.. nyau enda nemu nuan datai ari belakang,ta ngenyit negu bau aku,dini enda aku tekenyit."pia ku Sirai enggau abis ati kesal.
"Enti nadai ngawa,aram mupuk tua pulai ke rumah kin,nyau petang tu,mata aku tu ukai nya lansik uchu,enti meda bala ibu baru lansik...hahahaa...wai..."ku aki Mekung nyau rerising ketawa laban nyau geli ati.

"Nemu endar ga aki tu ngelagu kediri,kada aki tu suba kala buya enggau bala ibu kini?."pia ku Sirai nyau nundi aki iya.
"Nemu endar uchu tu nundi,nuan anang baka aku uchu nyau enda bebini laban selalu buya enggau urang indu suba."pia ku aku Mekung benung entudi belakang Sirai.

"Amai setidi nuan suba ney aki,sigi urang sigat anak-anak chawuk."pia ku Sirai nyau ketawa laban nyau geli ati tudah tuai.
"Mayuh ulah ga uchu tu,mayuh utai sebut,aram laju agi bejalai,petang bilik aku din,enda alah tama bilik urang bukai legi."pia ku aki Mekung nyau nulak belakang Sirai.

"Nya ke manah aki,enti tama agai bilik Ini Sipit ngam amai nya aki,iya lama amai iya udah dara sekumbang laki iya udah nadai,bisi urang ngaru belakang nuan aki."pia ku Sirai majak nundi aki iya nyau engkakah ketawa.
"Balat udu runding nuan uchu,nyau tepawah ba dia,dini nya ka nyadi uchu,mali uchu. Enda ibuh minta garu urang belakang aku uchu,ukai nya nadai segi dinding endur aku ngasar belakang aku uchu."pia ku aki Mekung.

Nyau enda berasai seduai iya pan datai ba tengah laman sida Sirai.
"Mupuk dulu aku aki,iya jimat enggai ke salah pintu ditukang legi."pia ku Sirai nyau majak nundi aki Mekung sambil ketawa.

Tudah aku Mekung nyau enda nyaut iya laban nyau berumban pulai ke bilik iya laban nyau petang amai. Datai iya ba ruai,baik ruai urang sepiak sepiak udah nungkun api kelita,nyau bisi terang mua agai pintu iya kia. Nyamai mih aki Mekung nukang ke pintu iya.
Kitai ngenang tudah Sirai nyau enggai badu-badu iya tuchum laban agi ngenang jaku iya nundi aki Mekung tadi.

"Nama utai tuchum nuan Dom,nama bisi utai manah pia?."ku indai iya nanya meda tudah Sirai nyau lelinsum.
"Eehhh...nadai indai,maya aku pulai mandi tadi,nyau seretai enggau aki Mekung alu betundi kami duai."pia ku Sirai.
"Au pia,kumbai aku bisi nama-nama tadi."pia ku indai iya.
"Aku nadai berapi Dom,legi makai ba ruai din.Nunga urang ke nadai din."pia ku indai iya.
"Au indai,ni apai dih?."ku Sirai nanya.
"Apai nuan sigi udah dulu kin ngelawa ruai sida Sulung."pia ku indai iya.

Udah tembu sirai begari,dia Sirai alu pansut keruai sereta ngelawa ruai sida Sulung kin. Maya nya bakih iya Jakuh sida udah duduk terenah sambil nyandih dinding ruai.

"Ditu unggal,duduk ditu."pia ku Jakuh ngepai Sirai.
Sirai pan alu mansang agai Jakuh kin sereta alu duduk.
"Laun nuan pansut unggal?."pia ku Jakuh.
"Eehhh...ka enda laun aku tu,maya pulai mandi tadi nyau betangkan enggau aki Mekung,dia kami duai berandau sereta nundi pangan diri."pia ku Sirai.
"Ngenang ke aki Makung nya,enti bebuti sigi pama amai iya,nyau enda alah saut jaku iya."pia ku Jakuh.
"Sigi amai unggal."pia ku Sirai.

Baru udah tembu seduai iya berandau,dia urang nyau nyadung utai pemakai nanda maya nya ka makai. Sigi nadai lauk bukai ti ukai babi enggau daun ubi.
Nya mih seduai iya kenyang amai makai maya nya,nyema jaku tanchut nyau sendat. Seduai iya pan alu nyandih ba dinding ruai sereta berandau utai bukai.
Enda memukai sida sida serumah sama bela tekenyit ninga munyi ukui nyau merung nyalak enda temu tunga.
Aaauuuuuuuu....ooooooo...lama munyi salak ukui,ukai semina siku aja tang nyau sampai ngelima enam iku. Bisi nya munyi ba kaki lima,bisi nya ba ruai,bisi nya ba ujung setak din. Ukai main penginggar munyi salak ukui nya. Bala ke berapi ba tanah pan nyau niki ke rumah laban nyau geli ninga salak ukui.

"Nama salak ukui nya nyelainamai unggal?."pia ku Jakuh nanya Sirai.
"Ku urang tuai unggal,ukui nyalak munyi nya,ukui nya bisi meda utai."pia ku Sirai.
"Nama utai nya unggal?."pia ku Jakuh.
"Ehhh..antu unggal,kitai dini bisi meda,semina jelu aja ulih meda utai nya."pia ku Sirai.

Lebuh Sirai nyebut antu,dia mih Jakuh nyau enggai jauh duduk ari Sirai. Dia tudah tuai berupai amai takut.

"Nama nuan takut unggal?."pia ku Sirai.
"Sapa enda takut enti sebut ke antu unggal."pia ku Jakuh.

Sekali nyau ninga bala manuk nyau begau ba ujung bilik din,balat amai begau,bala sida ke anembiak sereta sida ke buyan nyau ngansak sesemak gempuru ba bala mayuh dia. Baka ke nadai mensai ba belah ruai dia laban nyau nadai engkebut sereta nadai munyi randau,urang ke nyabak ke bangkai apai Sulung pan nyau ngetu. Lebuh ke sida ninga munyi manuk begau tadi,dia empelua enggau pintu kaki lima sigi alu tutup magang. Lebuh sida nyau jenuh,enda memukai pintu ba ujung setak ili din balat amai dipandam urang. Ukai main ngemalat nya munti enda terumpang. Nya mih ngasuh sida serumah nyau balat agi takut laban enda kala meda utai nyelai nyadi bakanya. Dia Manang Kalong pan alu angkat sereta alu bejaku.

"Kitai serumah anang ragak,anang guai pulai ke bilik dulu laban aku ka meresi ai kerabun tu,utai ke balat ba setak ili din ke ngetuk pintu,nyau utai ukai manah tang antu. Tang aku enda nemu antu nama,laban aku tadi bisi ngasuh Iyang aku ngabas,Iyang aku madah enda kala meda antu bansa nya."pia ku Manang Kalong.

Lebuh sida ninga manang Kalong munyi dia,nya mih ngasuh sida serumah nyau takut agi,bisi nya nyau labuh ai mata,bisi nya beberap enggau pangan diri,bisi nya merap anak sida iya. Bisi nya nyau ngansak sesemak agai manang kia. Dia manang Kalong alu meresi ai kerabun iya agai bala mayuh kia,ngambi antu enda ulih nyium bau sereta enda ulih meda semengat sida iya dia.
Tudah Jakuh nyau bepaut pala patung laban dibai iya kelalu takut. Penakut nyau enda alah disema laban utai bakanya enda kala nyadi.
Sekali sida ninga munyi pintu dikeramak ba setak ulu din naka iya penginggar. Sida serumah nyau sama malik agai setak ulu din.

"Berasai pintu nyin terumpang lagi unggal,kini enda tu lari legi."pia ku Jakuh.
"Enda pintu nya terumpang unggal,rumah kitai tu udah dipagar Manang."pia ku Sirai.

Sekali sida ninga rengat kaki ba atas atap naka iya penginggar nya. Nyema jaku nyau ka temerak aja munyi kasau kena indik. Munyi atap kena keruas baka ke ka ngerumpang tudah atap,tang enda ga ulih. Tudah Manang Kalong bendar amai macha puchau ke muru utai jai. Enda lama udah nya sida ninga urang betabuh ba setak ulu din,tang munyi tabuh nya ta nyelai amai,enda sebaka tabuh sida maya bisi pengerami.

"Unggal!..nama aku asai kala ninga munyi tabuh nya,ba dini ney unggal?."pia ku Jakuh.
"Amai ney unggal,asai sepi aku maya tua nemuai agai Ini tuai nya,kada enda ngambi semengat niang tu kini?."pia ku Sirai.
"Amai ney unggal,baru aku ingat,parai kitai serumah tu legi enti pintu nya dirumpang sida iya,kini mih tungga kitai tu lari,aku bedau ka mati unggal."pia ku Jakuh nyau kesal tudah tuai sambil ngendas ai mata.
"Nadai ulih sida tama ke rumah kitai tu unggal,anang nuan irau unggal,rumah kitai tu udah dipagar manang."pia ku Sirai.

Makin lama makin balat agi munyi tabuh ba setak ulu din.sida ke buyan nyau abis tekemi ba tanchut,ba kain mih nya,sida ke anembik nyau abis nyabak tang ulih disaum apai indai sida iya. Malam nya endang ngasuh sida serumah balat amai takut. Dinga sida nyau chapuh sereta rami ba setak ulu din. Baka urang ke ngambi indu. Sida serumah nyau nadai tinduk nyentuk ke pagi laban takut digerau antu. Maya nyau tampak tanah,dia sida nadai ninga urang betabuh agi sereta munyi utai nyelai. Dia manang Kalong alu bejaku agai bala mayuh ke agi bisi begelumu ba dia.

"Baka ke pagitu,aku enggai enda madah ke kita,nyadi bangkai niang tu enggai enda anjung pagi maya hari nyau tampak tanah. Laban bala antu ke betabuh nya tadi nyau udah pulai. Iya anang lama kitai nganjung bangkai niang tu."pia ku Manang Kalong.

Sida ba dia pan nyau nadai mantah penemu Manang Kalong laban utai ke sebut iya nya endang sigi amai. Sida ke laki agi rumpas pan alu beradu laban deka nganjung antu agai pendam besai sida din. Niang Apai Sulung pan udah ditepu ba dalam lunggun sereta dililit enggau wie ngambi enda tebelengka ari pengesan. Sida ke nganjung antu nya pan mereka lunggun nya berapa kali ngambi semengat kering. Udah nya sida ke ngesan lunggun tadi alu niti ruai mansang agai setak ulu kin alu pansut ari pintu ruai ba pengujung ruai ba ulu dia. Iya ke dulu ngemai sepun api ambi bisi jalai dipeda,nyadi ungun api nya sigi enda tau padam sekali. Udah semua sida datai ba tanah alu ngelawa jalai pendaie kin laban sida nganjung antu ngena perau. Nyadi pendam besai sida iya tunga kulu kin, tang enda bangat jauh semina dua tanjung aja.
Tudah Sirai enggau Jakuh sigi enggau urang nganjung antu,seduai iya semina ngemai baia aja. Datai sida ba endur penyangkai perau,sida pan alu nganjak bukit katas kin laban ka ngiga endur ke manah agi. Sida ke nganjung antu sigi nadai mayuh semina dua puluh iku aja. Datai endur ke manah,dia urang ke ngepu pengawa pan alu macha puchau endur tanah ka ditumbak. Tembu sida numbak,dia lunggun pan alu ditepu ke dalam lubang nya tadi. Maya nya Jakuh teringat seduai Sirai bisi datai kia maya bai Ini Tuai ngelalu agai rumah iya. Dia Jakuh tepeda ke langkau endur seduai Sirai tama sereta ngirup ai kupi diberi Ini tuai maya malam kedudi hari nya. Dia Jakuh alu nawih lengan Sirai.

"Unggal, nama nya baka langkau endur tua nemuai malam empai lama?."pia ku Jakuh.
"Amat endar ney,iya mih nya."pia ku Sirai.
"Nama tua ulih tama agai langkau Ini tuai malam nya,uji peda nuan nya,siku aku enda mih nya chukup."pia ku Jakuh.
"Nama udah rumah antu,sigi bakanya amih iya."pia ku Sirai.
"Nyau ngelesi tubuh aku ngenang ke malam nya."pia ku Jakuh.

Enda lama udah nya,lubang pendam pan udah tembu dialit sereta langkau sekali. Sida pan alu mupuk mulai kediri. Maya nya chukup manah amai nasib laban nadai nadai ninga tauka meda utai nyelai.kebuah pia laban semua sida iya bisi ngemai selukai siti siku. Nyau abis bau selukai ba belah pendam dia. Sida pan seretai nepan perau nitih ke mansang tadi. Datai ba pendaie sida pan alu mandi sereta betuchi bekau tanah ba pendam tadi. Maya sida mansa libun sida Sirai,dia sida ninga utai bedarup labuh agai gelegar. Urang ke mansa nya sigi enda peduli laban sida ngumbai nya utai labuh ngapa. Tudah Sirai alu enda nyamai ati sereta enda nemu nama utai ba dalam langkau dia. Tudah tuai berumban nyingkang kaki laban nyau takut. Tudah Jakuh nitih ari belakang nyau tegar nitih ke Sirai. Tudah Jakuh sigi enda nemu utai nama utai dikelari tudah Sirai. Nadai ba kaki lima sida Sulang,sida sida alu ngetup duku sereta ngusut ai batu ansah kena ngeringka semengat. Pengudah sida pulai ke bilik diri empu,laban deka begari. Udah nya baru ngelawa agai ruai Sulung laban ka makai. Tembu sida makai,sida pan aku pulai agai ruai sida iya.mayuh agi sida tinduk ba ruai laban buntau malam tadi nadai meruan tinduk.

Betampung renggat 6

12/12/2024

Tibak ensera LANJI

Ka pansut pagila.

Maya tandan bau iya ditegu urang dia tudah Sirai nyau abis tekenyit naka iya pengesal. Nyau asai ka runtuh tudah anak ati laban dibai iya kelalu kesal.
"Sapa enda mih urang negu bau aku tu,parai ta antu,nama mih penyadi aku tu pegi,mati mih aku tu legi."pia ku Sirai bejaku dalam ati.
Penakut ukai main takut laban enda kala ngasai bakatu. Benung tudah Sirai malik kebelakang naka ulih enggau ati ti berani, dia Sirai malik belakang lubah-lubah musin ke pegu iya enggau tubuh iya mimit.

*nyau min ke ngelesi bulu pegu maya naip ensera tu*

10/12/2024

LANJi

Renggat 4

Pengudah seduai tembu berandau enggau apai Sulung,dia seduai alu pulai agai rumah panjai kin. Datai ba tengah laman,dia seduai
ninga urang bendar amai nyabak.

"Unggal!..sapa enda urang ke nyabak nya,bendar amai,ukai siku tang ngemayuh nya urang nyabak."pia ku Jakuh.

"Nya mih unggal,kada kitai serumah bisi rabat kini unggal."pia ku Sirai.

"Engka kini unggal,nyau bisi leka sabak nya unggal."pia ku Jakuh.

Baru ka niki pala tangga sida Sirai,dia apai iya baru pansut ke kaki lima.
"Seduai nya tadi Dom?."pia ku apai Sirai.
"Kami duai mih tu apai,sapa ke nyabak nyin apai sereta nama main?."pia ku Sirai nanya.

"Eehh...apai Sulung udah nadai pagitu tadi."pia ku Apai Sirai.

Lebuh seduai iya ninga nya ta apai Sulung ke udah parai,ke bepansa enggau seduai ba jalai pendaie tadi sapa.

"Amai nya apai,nama kami duai baru udah bepansa sereta berandau enggau apai Sulung ba jalai pendaie tadi dih apai."pia ku Sirai.

"Amai Dom,nyin bangkai iya udah ba tengah ruai din,ke betemu enggau seduai tadi,nya semengat iya nya Dom."pia ku apai iya.

"Eeee...nyau ngelesi tubuh aku lebuh aya nya madah munyi nya."pia ku Jakuh.

"Nama pemedis iya dih apai?,meda ngelamatu nadai sakit nama-nama."pia ku Sirai.

"Maya dini hari mabu tadi iya ke nadai nya,kami sebuat nyau begau ninga urang nyau manjung berapa kali. Dia aku tekenyit sereta ngesah nama utai dipanjung maya ngenumu pagi nya."pia ku apai Sirai.

"Au pia apai,kasih tudah tuai,ukai nya nemu nganu urang. Enda nyangka iya nyau nyampat nya,kasih sida sebilik ditinggal ke iya."pia ku Sirai.

"Amai munyi ku nuan nya unggal,meda ngelamatu nadai apa nama ga iya."pia ku Jakuh.

"Maya aku ke datai ba bilik sida pagi tadi,bini iya madah remban,baru pulai ari kemi sereta bedau tu lama udahnya ta remban nyau bedemuh,nya mih kami bendar amai beridup ke iya. Nyema jaku nyau ka nadai da seput tudah tuai. Mayuh macham mih penemu dikena ke bisi ba dia,nadai mih ulih."pia ku Apai Sirai.

"Au pia,nama bisi bepadah ke Manang Kalong kita tadi apai?."ku Sirai.

"Bisi madah agai iya,dia mih Manang tadi bendar iya ngubat tudah niang apai Sulung,Maya nya Manang Kalong pan nyau ka luput,maya iya tembu ngadu ke niang Apai Sulung tadi,dia iya madah bisi antu besai sereta jai gamal ngambi semengat tudah Apai Kalong tang enda ulih ambi iya pulai baru laban semengat niang nya nyau udah ditaban lari jauh,enda ulih dititih ke iya agi."pia ku apai Sirai nusi jerita.

"Antu nama nya aya ke naban semengat niang nya?."pia ku Jakuh nanya.

"Nadai ga Manang madah,laban iya pan enda kala meda antu bansa nya sekumbang iya udah nyadi manang."pia ku apai Sirai.

"Maya kami ke ngemai agai ruai tadi,dia aku bisi meda ba rekung iya menaram baka dichekak urang.nya sigi ukai utai bukai sigi cheka antu ke naban ke semengat iya.

"Nyau geli aku ninga,berasai rumah kitai tu regau antu nya baru."pia ku Jakuh.

"Enda nemu mih kitai igat,nya bepanggai agai Manang Kalong."pia ku Apai Sirai.

Tembu sida berandau,seduai iya pan alu tama agai bilik diri empu. Datai Sirai ba dapur din,dia indai iya baru udah bebela ke utai.

"Bisi bulih Dom?."pia ku indai iya nanya.
"Bisi indai,tang enda mayuh chukup lauk sekali."pia ku Sirai benung engkah ke raga iya.

Indai iya pan alu ngambi raga tadi alu nuang agai chapan,peda iya bisi ikan Baung enggau ikan Udun mesai betis. Dia indai iya pan alu ngintu ikan nya alu dilulun iya ba ruas.laban urang kelia sigi enda beleman,nama enda lulun sigi panduk terejun aja tauka dilempis pia aja. Tembu indai iya ngelulun ikan tadi,dia indai iya alu duduk nunga tudah Sirai ti benung ngirup kupi.

"Dom!,nemu apai Sulung udah nadai?."pia ku indai iya nanya.
"Nemu indai,tadi apai madah,kasih tudah apai Sulung,ukai nya bisi sakit nama-nama."pia ku Sirai.
"Ba iya Dom,aku tekenyit ninga apai nuan madah tadi,enda nyangka iya ngenyampat nya nadai."pia ku indai iya.
"Apai madah tadi iya tinduk remban digerau antu."pia ku Sirai.
"Pia mih ku apai nuan tadi Dom,kada enda angat rumah kitai tu Dom?."pia ku indai iya.
"Engka kini indai,ngasuh Manang Kalong magar rumah kitai indai."pia ku Sirai.
"Nganti Tuai rumah kitai ngatur mih Dom."pia ku indai iya.

Tudah Sirai sigi enda madah agai indai iya utai nyadi maya seduai bakih iya Jakuh dikachau utai maya ke nurun naut. Nya mih runding Sirai utai nya nyadi bepun pemarai niang Apai Sulung laban maya seduai rembus agai pendam ninga urang sebayan rami laban bisi temuai datai,kada enda apai Sulung nya ke disambut sida iya.
Diatu kitai ngenang tudah Jakuh ke baru datai ba bilik dapur din. Maya nya apai iya benung ngirup kupi.

"Bisi bulih Dom?."pia ku apai iya.
"Bisi apai,enda mayuh semina dua iku aja udah bebagi enggau unggal Sirai,ikan Baung enggau ikan keli."pia ku Jakuh.
"Bulih mih nya Dom,nama ngeluie ari nya,nama bisi belauk sekali pama mih nya Dom."pia ku apai iya.

Indai Jakuh pan alu nyingkau raga Jakuh sereta nuang agai chapan,peda iya naka mih ngemesai ikan baung enggau ikan keli. Gaga tudah indai Jakuh laban lama enda makai ikan baung.

"Ooo...apai dom,alai ngambi ruas ke disandih ba tanju dia,alu tetak ruas dua iti legi, ikan baung tu anang gulai enggau ikan keli,aku enggai makai ikan keli."pia ku indai Jakuh.

Nya mih apai Jakuh alu angkat sereta ngelawa ruas ke sandih ba dinding tanju dia,tembu iya mantap nya tadi,dia iya alu nyua agai bini iya. Udah tembu magang utai adu indai Jakuh dia sida menyana alu duduk betunga mua laban ka berandau.

"Ni endu dih indai?."pia ku Jakuh nanya adi iya.
"Eehh...enggau urang ngintu utai ba tanju sida Sulung din.
"Au pia indai,kasih tudah niang nya ney indai,nadai kala ninga iya nya sakit ngelamatu."pia ku Jakuh.
"Nya mih Dom,aku tekenyit mih ninga,laban aku ke enggau ngesah tadi,nyau sinu aku meda sida menyanak ditinggal ke apai sida iya."pia ku indai Jakuh.
"Parai tinduk niang nya,pia ku manang Kalong madah tadi."pia ku apai Jakuh.

Nyau pemuas sida ngenang tudah niang apai Sulung tadi,dia Jakuh alu mandi ba tanju sida iya dia, maya iya ke mandi tadi,iya nunga agai pun entawa ba ujung bilik sida iya,dia iya tepeda ke bisi senaya urang nyau chelum nadai peda gamal,semina chelum aja baka ke belalai ba pun entawa dia. Puas iya ngusuk mata iya,agi mih utai nya ba dia baka ke nengkila ke iya. Nya mih tudah tuai nyau ngelesi bulu pegu sereta berumban iya mandi. Ati tudah Jakuh nyau kesal serete enda kala asai tu,enda baka demalam tadi,balat agi kesal. Tembu Jakuh mandi tadi alu tama agai bilik sida iya sereta alu beradu.
Tang Jakuh enda merupai dipeda seduai apai enggau indai iya.

"Enti udah makai legi Dom,ngulu urang ke parai din legi Dom."pia ku indai iya.
"Au indai."pia ku Jakuh benung nyingkau asi ba pinggai.

Tembu iya makai,Jakuh pan alu pansut ke ruai. Maya iya pansut ke ruai,dia iya meda bakih iya sigi udah ba ruai sida Sulung din. Iya pan alu ngelawa tudah bakih iya ti benung ngirup kupi. Datai Jakuh ba dia,iya pan alu duduk berimbai enggau Sirai.

"Laun ga nuan pansut unggal?."pia ku Sirai nanya.
"Ehh..bai aku lama tadi unggal,berandau ba bilik tadi sereta mandi dulu. Udahnya alu makai tadi."pia ku Jakuh.
"Nama nuan bisi nusi utai nyadi ba tua malam tadi."pia ku Sirai.
"Nadai unggal,aku sigi enda nusi unggal."pia ku Jakuh.

Seduai iya pan sama bela ngirup ai kupi,maya nya nyau ka ngalih tengahari.dia urang pan alu berenah makai,sigi nadai lauk bukai semina babi,daun ubi enggau upa pisang. Tudah seduai iya kenyang amai makai maya nya. Tembu seduai makai,dia Jakuh alu nusi jerita maya iya mandi ba tanju tadi.

"unggal!..maya aku mandi tadi,ta bisi meda senaya chelum ba pun entawa. Engka nya salah peda enda ga unggal,ukai ga nya kitai mensia,kada nya antu dih unggal?."pia ku Jakuh.
"Dini bisi antu maya siang bakatu,kada enda salah peda nuan nya kini,dibai nuan kelalu takut."pia ku Sirai ngelaung ke jaku iya,tang Sirai nemu nya endang sigi senaya antu.
"Enda unggal,berapa kali aku ngusuk mata,agi mih bakanya."pia ku Jakuh enggai alah.
"Eh..utai bukai nya unggal,anang ngenakut kediri ney."pia ku Sirai.

Maya nya sigi nyau nadai urang enggau seduai dia laban nyau pulai agai ruai diri empu.
"Aku tu ka gali ba ruai aku din dulu,buntau amai tu."pia ku Sirai madah ke Jakuh.
"Aku ka mih,aram tinduk ba ruai kita dia."pia ku Jakuh benung ngangkat kediri.

Seduai pan seretai angkat sereta nuju ruai sida Sirai din. Datai seduai ba ruai dia,seduai iya pan alu ngali kediri.

"Nyau kasih ga meda niang nya ney unggal."pia ku Jakuh ngepun ke jaku.
"Ba iya unggal,tadi aku nengkila ke niang,amai bisi menaram ba rekung iya,baka dichekak urang."pia ku Sirai.
"Amai nuan unggal?,aku nadai meda tadi unggal."pia ku Jakuh.
"Amai unggal."pia ku Sirai.

Lama seduai enda bebunyi,sekali dinga kuruh tudah Jakuh nanda iya udah tinduk. Sirai pan alu ngeninduk kediri laban kelalu buntau. Dini enda,semalam sepagi nya seduai nadai tinduk. Nyau enda berasai seduai tinduk,dia seduai sama bela dani laban nyau silau lemai alai urang nurun mandi. Peda seduai nyau petang udah hari.

"Enda mandi ke ai kin nuan unggal?."pia ku Sirai nanya Jakuh.
"Enda aku unggal,mandi ba tanju kami dia."pia ku Jakuh.
"Enti pia aku ka mandi ke ai kin."pia ku Sirai benung ka angkat pulai ke bilik.

Seduai iya pan sama bela angkat sereta pulai agai bilik diri empu. Tudah Jakuh sigi mandi ba tanju sida iya dia,tang iya enda lama mandi laban agi teringat ke utai peda iya pagi tadi.
Tudah Sirai nyau mandi ke ai kin,maya nya mayuh ga urang nurun mandi agai pendaie kin. Maya Sirai mansa libun sida iya,dia iya bisi ninga utai bedarup baka bisi utai labuh ke gelegar. Tang iya enda peduli engka nya mayau. Iya pan alu majak bejalai agai pendaie sida kin. Datai ba pendaie din peda iya mayuh urang mandi. Sida ke tuai biak,indu laki mih nya. Nadai tu chapuh sida mandi,enti ngelamatu sigi enda alah lara sida ke anembiak. Tudah Sirai sigi enda lama mandi alu pulai.

"Enda lama nuan mandi uchu?." Pia ku aki Mekung.
"Eh...nyau chelap tu aki,nuan bedau pulai?."pia ku Sirai.
"Bedau uchu,bedau besabun tu uchu."pia ku aki Mekung.
"Dulu aku pulai aki,anang laun nuan pulai aki,enda alah tesangkut maya petang tu legi."pia ku Sirai nundi aki Mekung.
"Au..uchu.."ku aki Mekung.

Sirai pan alu ngemulai kediri,sekali iya mansa libun sida iya,dinga iya bisi munyi renjat kaki urang ba dalam libun dia. Iya pan nyau tekenyit lebuh tedinga renjat kaki urang.

"Sapa enda urang ba dalam libun kami nya,enda patut indai enggau apai,pia nadai mih utai dambi seduai iya ba dia."pia ku Sirai bejaku dalam ati.

Dia iya berunding ka ngabas utai ba dalam libun sida iya dia. Tang ati iya agi kakang dua tiga ka kia. Nyau pemuas iya berunding dia iya alu ngabas libun sida iya dia. Nya mih tudah Sirai enggau ati ti berani mansang agai libun sida iya dia. Iya pan lelubah mansang kia sambil mending utai munyi ari dalam libun dia. Datai iya ba pala tangga,baru ka niki pala tangga ,dia iya tekenyit ninga munyi utai ngemalat nya bedarup labuh agai gelegar. Nya mih tudah Sirai nyau abis ati tekenyit ninga munyi nya. Nya mih tudah tuai asai ka niki asai ke enda. Laban ati iya nyau bisi takut. Ukai semina takut aja tang bulu pegu iya nyau ngerenjang sereta bulu lengan iya nyau ngerenjat. Pala patung iya nyau lemi sereta utai ditindik iya nyau enda berasai.

"Nama aku tu nyau lain asai,baka bisi utai enda manah ba dalam libun dia."pia ku Sirai bejaku dalam ati sambil tubuh iya nyau ngeresi.

Baru ka niki tangga katas agi,enda memukai iya nyau bisi ninga munyi urang bedemuh. Nya mih ngasuh iya balat agi tekenyit asai ka labuh ari tangga.
"Hhuuhhhh....aaaaa..."utai nya bebunyi dinga iya.
Nya mih Sirai meda bulu lengan iya nyau ngerenjang sereta pala iya nyau besai sebesai ka mesai sintung.
"Nama enda utai munyi nya nih,enti pia enda berani aku ngabas kia,nyamai aku pulai."pia ku Sirai bejaku dalam ati.
Maya sirai nyau ka nguing pulai ari nya dia iya ninga munyi utai bedarup kiba kanan baka ke urang ngetuk dinding. Nya mih tudah tuai nyau berumban ngemulai kediri laban ati iya nyau majak takut. Penakut anang nyebut,sigi balat takut agi ari seduai iya demalam,nyema jaku nadai endur nyema. Nya mih tudah Sirai naka alah nyingkang kaki iya laju agi,makin laju agi kaki ka nyingkang makin kaki enggai mindah ari nya,nyau makin lubah agi sepi iya.
"Nama utai bakatu,kada enda antu ba dalam nya."pia ku iya bejaku dalam ati nyau mayuh utai sangkal iya.
Utai tindik nyau enda berasai asai ngindik tilam,baru udah jauh iya bekejang ari ari libun sida iya,dia iya nyepi bau iya ditempik urang. Nya mih tudah Sirai nyau tekenyit abis ati sereta alu ngetu bejalai,tang iya enda berani malik kebelakang laban dibai iya takut. Ati iya nyau majak kesal,jantung nyau jampat ngepam,pala nya majak besai sebesai sintung. Seput nyau laju disintak. Nadai utai ngenakut nya maya nya. Nyema jaku nyau ka tekemi ba tanchut sereta pala patung nyau begetar sereta berasai lemi,nya mih tudah Sirai nyau ka luput asai sepi iya. Nya mih iya naka berani malik ke belakang, enda memukai ...

Betampung renggat 5

10/12/2024

Tibak Ensera LANJi

Pansut pagila...

Baru ka niki pala tangga sida Sirai,dia apai iya baru pansut ke kaki lima.
"Seduai nya tadi Dom?."pia ku apai Sirai.
"Kami duai mih tu apai,sapa ke nyabak nyin apai sereta nama main?."pia ku Sirai nanya.

10/12/2024

Lebuh admin nemuai agai rumah panjai tu suba,pelaba ke min engka bisi ba ruai ditu nemu rumah panjai ditu tauka bisi ba dalam gambar tu.

10/12/2024

Maya admin bisi rembus agai menua sepiak nyin. Pelaba ke aku bisi ba ruai ditu nemu endur tu. Selamat lemai ari admin. Udah berapi tauka nyumai kita wai.

09/12/2024

Bungai kechala guring sambal.naka mih penyamai tu ney wai.

06/12/2024

Buah nanas gulai sadin Smiling Fish. Naka mih penyamai wai.

05/12/2024

Nyau begau ai liur min laban tu,meda aja udah kembai kuyu,enda pia iya wai.

03/12/2024

LANJI

Renggat 3

Naka alah mih seduai bekayuh ninggal ke tempat endur seduai iya nemuai tadi. Seduai nyau nadai ari ka berandau laban berumban bekayuh kulu kin. Dia Jakuh alu nenggau ba belah tebing sungai laban ka ngenan ke taut. Seduai iya sama bela ngemai lampu kepait diri empu. Nyau pemuas seduai iya nenggau,dia seduai iya bisi ninga urang nganggau.
"Ooiii...kini seduai?."ku urang nya nganggau seduai.
Nya mih seduai iya nyau gining-gining ngiga urang ke nganggau seduai iya. Nyau pemuas seduai nenggau,dia api kepait Sirai alu tetenggau ke ba tebing enda jauh ari seduai dia,nya Sirai meda bisi siku anak mit ti benung duduk ba batu besai enda jauh ari pun kayu.
"Unggal!. Nyin urang ke nganggau tua tadi,baka ke anak mit nyin unggal,duduk ba batu nyin."pia ku Sirai.
Nya baru Jakuh nenggau endur ke dipadah ke Sirai tadi,peda iya amai anak mit.
"Ooiii...nuan nganggau kami duai tadi?."pia ku Jakuh laban ke lanchat agi bejaku.
"Auuu....aku mih nganggau seduai tadi."pia ku anak mit kira nyau bisi tengan tujuh taun bakanya.
"Iya sapa enggau nuan tadi dih?."pia ku Jakuh nyau bekayuh semak agi.
"Aku kediri aja tadi,aku benung bemain tadi,nyau enda ingat jalai pulai."pia ku anak mit nya.
"Iya dini rumah nuan dih?."pia ku Jakuh.
"Tungga kulu kia rumah aku,ka seduai nganjung aku kin?."pia ku anak mit nya.
"Kati baka unggal,anjung tua dulu anak mit nya?."pia ku Jakuh nanya Sirai.
"Anjung iya dulu,kasih ke iya."pia ku Sirai.
Seduai iya pan nyau ngayuh agai tebing endur anak mit nya duduk. Datai ba batu besai dia,dia Jakuh alu ngasuh iya nepan perau. Bedau sempat Jakuh bejaku dia anak mit nya tadi alu engkechit agai perau nyau terengkah ba tengah perau seduai iya. Nya mih Jakuh nya abis ati tekenyit laban enda ngadang anak mit nya nyau engkechit ngilah pala iya.
Seduai iya sama bela perening pangan diri laban enda nyangka utai nya nyadi.
Meda seduai nyau enda engkebut dia anak mit nya tadi alu bejaku.
"Aram mupuk kitai kulu kin."pia ku anak mit nya.
lebuh Jakuh malik mua anak mit nya,peda iya ta lain endar,enda baka anak mit kitai mensia,nyau pemuas iya meda,nya baru iya meda anak mit nya bisi taring mua ari atas. Nya baru iya meda mua anak mit nya ta naka iya pengejai. Ati tudah Jakuh enda nemu agi asai diruntun urang. Bulu pegu nyau ngerenjang nyentuk ke buk iya ka bediri katas. Pala patung nyau begetar dibai iya takut. Nyadi Sirai tu enda nemu diri laban anak mit nya ngemelakang ke iya duduk. Nadai mih iya meda mua anak mit nya,sigi nyangka iya nya mensia mih.
Nya mih tudah Jakuh munti ka duduk ngemelakang ke anak mit nya,laban iya nangi siku nya ta nekam iya ari belakang. Ukai bula enda kesal tudah ati iya. Lebuh iya ka bekayuh dia iya ninga munyi anak mit nya batuk, ta nyelai munyi batuk anak mit nya,nyau baka batuk urang tuai. Bulu pegu makin lama makin ngerenjang sereta pala iya nyau ka mesai sintung. Nya mih tubuh tudah taui nya ngelesi.
"Jakuh!...nai bekayuh arrr...iya lapa ga nuan enda bekayuh?."pia ku Sirai.
"Ka bekayuh mih aku tu."pia ku Jakuh tang iya enda berani malik ke belakang kin.
"Parai mih aku tu legi diempa antu."pia ku Jakuh bejaku dalam ati.
"Nama utai ku nuan Akuh?."ku anak mit nya nanya.
Nya mih ngasuh ati Jakuh balat agi takut,kati tau anak mit nya nemu nyagam ati iya. Nyau asai ka kemi ba tanchut tudah tuai.
"Nadai...aku bejaku."pia ku Jakuh nyau ka begetar tudah nyawa iya.
"Hhhmmmmm...."pia ku anak mit nya.
Bedau tu lama seduai bekayuh,dia anak mit nya ngasuh seduai iya nyangkai ba tunggul kayu berawan ti udah mati kena pancar kilat.
"Dia seduai nyankai aku,ba tunggul kayu nyin."pia ku anak mit nya.
Seduai nadai tu mayuh bejaku semina nyangkai ke anak mit nya aja. Bedau sangkai luan perau seduai iya,peda anak mit nya tadi alu engkechit agai tebing. Nyau sama bela tekenyit tudah seduai iya.
"Terima kasih agai seduai laban udah nganjung aku pulai agai rumah aku ditu."pia ku anak mit nya.
Baru udah tembu bejaku anak mit nya tadi,dia seduai iya nadai meda anak mit nya agi ba dia. Palik seduai iya katas kin,peda sebaka keterubah seduai nganjung Ini tuai nya tadi. Nya mih tudah Jakuh nyau ngelesi tudah tuai sereta asai ka telentang laban enda kala meda utai nyelai bakanya. Sekali seduai iya ninga ketawa anak mit nya ba atas tinting din nyau naka iya penginggar. Nya mih ngasuh seduai iya berumban bekayuh kulu kin agi. Munyi ka nginsit perau tudah seduai iya. Nyau pemuas iya seduai bekayuh baru ulih mindah ari nya. Bedau tu lama seduai bekayuh,dia seduai sangkai ba endur ti landai sereta manah endur ngenan ke taut. Jakuh pan alu nanchang tali perau seduai iya. Seduai iya pan alu niki tebing sungai endur seduai iya ka ngaga langkau. Laban ke petang amai semina bekena ke api kepait,dia seduai iya bepantap ke kayu sereta daun kena seduai ngaga langkau endur ngenduh. Tembu seduai iya begaga ke langkau, seduai iya alu ngenan ke taut ba belah nya,tembu seduai ngenan ke taut dia seduai pulai agai langkau digaga seduai tadi.
"Unggal!,sapa enda Ini tuai enggau anak mit nya tadi unggal?."pia ku Jakuh ngepun ke randau seduai iya.
"Lembau aku ka madah ke nuan unggal,enggai ke nuan nyau takut legi."pia ku Sirai.
"Padah ke dia mih unggal,takut ke enda nya kira dudi."pia ku Jakuh ngansak tudah Sirai.
"Au mih unggal,meda nuan ka amai nemu sapa seduai imnya tadi, nyadi Ini tuai nya tadi unggal sigi ukai kitai mensia tang antu nyaru diri,endur tua dibai Ini tuai nya nemuai unggal,nya mih pendam unggal,pendam besai kitai nya unggal. Nasib ga tuai nadai apa nama maya nya,laban ke tua kia enggau ati lurus sereta nadai mayuh jaku. Anak mit ke dibai tua nya tadi,nya pan sama mega anyu nyaru diri,endur tua nyangkai tadi nya pendam anak mit,sigi enda begulai enggau pendam besai din. Sama mega laban tua enda diregau sereta dikeduan antu laban tua enggau ati ti lurus nganjung seduai iya."pia ku Sirai .
Ninga sirai madah nya ta antu,nya mih tudah Jakuh nyau ngelesi sereta nyau ngerenjat bulu lengan iya.
"Patut aku bisi nyium utai enda manah maya seduai nepan perau tua,tambah mega aku meda gamal seduai nya tadi naka pengejai amai,munti enda luput aku tadi unggal meda mua nyau ngejai nya,nama nuan nadai meda mua seduai iya pia?."ku Jakuh.
"Aku dini bisi meda mua seduai iya,laban ngemelakang ke aku."pia ku Sirai.
"Nasib ga tua enda dikeduan ke antu ney unggal?."pia ku Jakuh.
"Ba iya,munyi ku tadi,laban ati tua lurus."pia ku Sirai.
Baru tembu berandau seduai iya,dia seduai iya ninga munyi utai nyau begelumu datai ari belakang seduai iya. Nya mih seduai iya nyau tekenyit ninga utai munyi nya. Makin lama makin semak agi munyi didinga seduai iya.
"Nama utai munyi nya unggal?."pia ku Jakuh.
"Anang ragak tua unggal,diau diri aja. Nya selukai dalam raga aku nya tunu."pia ku Sirai nunjuk ke raga sepiak Jakuh.
Nya mih Jakuh alu ngambi selukai dalam raga Sirai alu dituchul iya. Nya mih asap selukai ba dalam langkau tadi nyau kepul-kepul sereta nyau penuh laban asap selukai. Dinga seduai iya makin semak agai,dia seduai iya nyau bisi ninga urang bejaku.
"Nama utai ngemau tu,nama aku tu nyau lemi tulang tesium ke bau utai tu,enda ulih sidi bau babi nya,enda ngawa kitai enda bulih bau babi dua iku nya,baik ga kitai udah bulih ngasu tadi,ba lubang batu panjai din tadi."pia ku munyi dinga seduai iya. Dinga nyau baus utai nya bebunyi sereta nyau makin jauh agi dinga seduai iya.
"Sapa enda urang bejaku nya tadi unggal?."pia ku Jakuh.
"Antu nya unggal,antu benung ngasu kitai mensia,nasib ga tua bisi ngemai selukai tadi."pia ku Sirai.
"Antu!,eeee...parai tua dayah ke antu,peda nuan jari aku tu nyau begetar,takut amai aku tu unggal,aram pulai tua unggal."pia ku Jakuh.
"Bakani tua ka pulai,ginti nya bedau diabas tua,tumu pagila tua pulai,enda ngawa nya bisi selukai."pia ku Sirai.
"Enggai aku parai empa antu unggal."pia ku Jakuh nyau takut tudah tuai.
"Anang nuan takut,nya bisi selukai,enti tua pulai,lelak amai bekayuh legi."pia ku Sirai.
Ka pan enda Jakuh semina nurut ke jaku Sira aja,laban ke Sirai tu tuai agi ari iya. Tudah Jakuh enggai jauh duduk,sigi semak Sirai dia laban iya nyau berasai takut sereta engeketung duduk laban ke balat takut amai.
Semalam..sepagi dini hari mih seduai iya nadai tinduk laban ke takut,nangi bisi utai ngachau. Tudah Jakuh bendar amai betati ke selukai nya enggai ke padam.
"Nasib nuan bisi ngemai selukai ney unggal."pia ku Jakuh.
"Nama aku nurun ke tanah sigi ngemai selukai aku unggal."pia ku Sirai.
Nyau ngalih dini hari,naka mih penyelap nya.laban ke ulu sungai ai kerangan,tang nasib maya nya nadai ujan. Nyepi nyau berasai chelap,dia Sirai alu ngiga dan kayu ke mati semak langkau seduai iya dia. Nyau mayuh dan kayu digiga iya,dia Sirai alu nungkun ke api. Peda nyau nyadi api seduai iya. Nya mih ba belah nya nyau terang laban api seduai iya. Nya mih seduai iya nyau ngansak semak agi ungun api ,ambi bisi berasai angat. Nyau enda berasai,peda nyau tampak tanah nanda hari ka tawas.
"Aram unggal ngabas ginti tua,nya selukai alu bai."pia ku Sirai.
Seduai iya pan alu ngabas ginti seduai iya. Pemayuh ginti diabas seduai iya semina dua iti aja ginti bisi bulih iya nya ikan baung bisi ngemesai betis. Tembu seduai iya ngabas ginti,seduai pan alu mulai agai langkau endur seduai ngenduh tadi. Tembu ngadu utai dia,langka pan alu direrak seduai iya.
Seduai iya pan alu ngelawa perau seduai iya. Datai ba perau,dia seduai iya alu bekayuh ngili ai sungai.
"Nasib tua bisi bulih ikan ney unggal."pia ku Jakuh.
"Nya mih unggal."ku Sirai.
Maya nya nyau tampak tanah sereta terang,maya seduai iya meda endur nyangkai ke anak mit demalam,dia seduai iya meda pendam enda jauh ari tebing nya,tang enda mayuh langkau dipeda laban nyau repa. Nya mih seduai nyau ngelesi ngenang utai nyadi demalam. Nyau enda lama seduai iya bekayuh,dia seduai meda endur nyangkai Ini tuai nya demalam,nyau tekenyit seduai meda ba endur nya ta pendam magang. Nya mih ngasuh seduai nyau geli sereta ngelesi isi laban nyau berasai takut. Tudah Jakuh nyau ngerenjang bulu pegu. Nya mih Jakuh naka alah ngayuh ke perau seduai iya. Enda lama seduai bekayuh,dia seduai alu sangkai ba pendaie sida iya. Datai ba pendaie dia,benung Jakuh nanchang tali perau,dia seduai iya bisi ninga urang nyabak ba rumah panjai sida iya.
"Bisi ninga nuan unggal,nama urang bisi nyabak ba rumah panjai kitai din."pia ku Jakuh.
"Bisi unggal,nama enda ngasuh sida nyabak ngenumu pagi bakatu tu."pia ku Sirai.
"Anang-anang kitai serumah bisi kena tuntung penusah."pia ku Jakuh.
"Engka kini unggal."pia ku Sirai.
Seduai iya pan alu ka mupuk mulai kediri,lebuh ka bejalai agai rumah sida iya,enda memukai seduai bepansa enggau apai Sulung benung mansang agai pendai.
Seduai iya pan alu ngetu sereta nanya apai Sulung.
"Nuan nya apai Sulung?,tumu nuan nurun agai pendaie,nama ka mandi pia?."pia ku Jakuh.
"Aku mih tu,angat amai tu,nya aku ka mandi."pia ku Apai Sulung.
"Apu..angat pia,kami duai tu ta naka penyelap nya."pia ku Jakuh.
"Mupuk dulu aku,ka mandi."pia ku Apai Sulung.
Nya mih seduai iya alit ati meda ulah apai Sulung laban iya madah ke diri empu angat. Dinga seduai iya nyau makin mayuh agi urang nyabak ba rumah sida iya. Seduai iya pan nyau enda ngiruh ke Apai Sulung agi,seduai iya pan enda ingat nanya nama kebuah sida serumah bisi nyabak. Seduai iya pan alu mupuk ari nya sereta ka mulai kediri.

Betampung renggat 4

Anak Rumah Panjai - ARP

15/12/2024

15/12/2024

15/12/2024

14/12/2024

12/12/2024

12/12/2024

10/12/2024

10/12/2024

10/12/2024

10/12/2024

09/12/2024

06/12/2024

05/12/2024

03/12/2024

Address

Website

Alerts

Contact The Business

Videos

Oun krismas ba Time Square miri.

Bakatu aja nyamai mih,Bihun guring

Shortcuts

Share

Category