Pengawa bebangun,bepalu ngena upih pinang,diperasap ngena serat tepus ke udah rangkai.
Maia tu meh sida ke luput tadi,enti bidik tau bulih batu ti diberi petara kena nulung kitai mensia ngicha gerai ari penyakit.
Urang ke bebangun nyadi manang tu,ukai ari di tunjuk pia aja tang ari dipadah ke petara ngasuh ia ngerai ke mensia.
Ba kenang manang ke tuai tuai,terubah manang niri ke pelian ia alu nyuman ke mensia diak berupah ke senduk,gari selap periuk tauka penyepit wie nya tadi alu sebilah duku kena ngering ke semengat ia tadi.Pengudah betaun ia belian baru ia tau berupah ke duit,tau ngemai jaguk tau mai manuk tau mai duku latuk duku kabukai mega nitih peminta ari manang nya tadi ari iyang manang ia tadi.Ukai nyamai nyadi manang au.Pengelelak buntau semalam malam nguan ke tiang pelian.Dani tumu ga,laban ka numbang tiang pelian sebedau kerebak tawas ari.
Lebuh manang niri ke pelian diak ia ka ngalu ke semengat iyang manang dulu,diak manang tadi ngasuh ia ke ngempu bilik nya tadi mantai ke tuak segelas alu rendai sekempuk kena ia ngalu ke iyang manang ia tadi nyeretai ia datai tama kebilik ia diperubat ia tadi.
