CYA .St Marry Saalzaang

16/08/2024

A Lianbel Siampipa Pope Francis in Kawlgam aa Ding Thu Ngetsak (15.8.2024)
*****
Tonu Vantungah A kilaktohna Pawi Ni Angelus Thungetna ah a lianbel Siampipa Pope Francis in Gal hang tawh buaina a thuak Middle East, Ukraine, Sudan leh Myanmargam te aa dingin Kilemna Kumpinu Tonu Maria belin thu ngetsakna nei hi.

16/08/2024

🙏

15/08/2024

U Khual Pau deih khual 💏 vung khawm Nuam.

Siang tho ki tên na - 17-8-2024 ciang in
Yangon ah pum khat suak na ang nei ding uh a hi man in
A MUN: St. Augustine Church (Innya Road, No-64), Kamaryut Tsp., Yangon.

I khua khang no min tawh lung dam pih na photo

Ei khang no a Cian lai te zg siang thơ ki tên na te mAH i thu pi sak ding ki deih sak I hia

✍️Stephen Suum Mung

11/08/2024

30/07/2024

30/07/2024

17/07/2024

Nu leh Pa te tavuan leh vaipuak
*****
Nu leh Pa te in tu leh ta te ii a masa pen sia te ahi uh hi. (Pau 22: 6)

Nu leh Pa te aw, na ta te uh adingin a ettehhuai lamlak te na hi un.
“A innkuan sung hoih takin uk zo-a, na khempeuh ah a tate in a thu mangin a zahtak mi hi ding hi. Nu leh Pa te in tu leh tate pen thuman thutak tawh pilna gamh a piak ding banah, vantung gam lampi zong a lak ding uh hi. (1 Tim 3: 4) Bang hang hiam cih leh ta te in Nu leh Pa te adingin Pasian piak a lian pen letsong hi.” (Ps 123: 3)

Nu leh Pa te ii tavuan leh vaipuakin lungsim siangtho, kisuanna om het lo leh thuman upna taktak pan a hong piang ki-itna ding deihna tawh ta te kep ding, makaih ding ahi hi. (1 Tim 1: 5) Ta te in gamlak aom paak te bang hi a, amaute pen thuman thutak te pia in a tawntung in thu hilh ding ahi hi. Bang hang hiam cih leh tanu tapa te in nu leh pa te adingin Pasian hong piak “gamh” te ahi uh hi. (Ps 127: 3)

Ta te thuhilhna ii thaman in a sih dongin lam khialh na tawh ki pelh ding hi. (Pau 22:6) Hun la-in ta te thu hilh ding ahi hi. Thu hilhna, lam lahna om lo-in mihoih ki suak lo hi.

Thu hilhna ah a thanem nu leh pa cih te in ta te a it lo te ahi uh hi. (Pau 13: 24) Thu na hilh ciangin ki neihkhemna om sak kei-in. Khaici hoih te hong po khia ding hi. (Rome 12:9)

Lametna om ahih manin na ta te thu hilh in. (Pau 19: 18) Thu hilhna a ngah te in mi dangte zahtak uh hi. Tua banah a mah leh amah a ki muang nuapangte nungsangah a thupi nu leh pa te ki mu ding hi.
Nu leh Pa te in ta te tawh kikhatin om ding hi. (Col 3: 21) “Sagih vei a tuuk zongin tho kik ding hi. (Pil 24: 16)

Naupangte itna a sin sak zo pen te in nu leh pa te ahihna thu phawkin kem un. (Jn 14: 15) “Na sep na khempeuh ah na ma pai ding hi.” (Pil 14: 23)

Tate in Pasian hong piak letsong/thupha ahi hi. (Ps 127: 3) Gamtat hoih ding hanciam in. Gamtat hoih nading hilhna in a mailam ading a kip khuampi phuhsakna ahi hi.

Nang thupha hong pia te, thupha ka pia ding hi. Nang tungtawnin minam khempeuh in thupha a ngah ding uh hi. (Gen 12: 3)

# # # #
Nitak na lup ma-in na tu na ta te thupha pia in. Amaute tungtawnin minam khempeuhin thupha a ngah ding uh hi, T**a in ci hi.

Tate adingin thunget sak ding thu te

Na tate in Pasian tawh a ki zop theih nadingin thu ngetsak in. Pasian tawh ki zopna in a picing nuntakna ngahna hi. Pasian tawh ki zopna sangin a lian zaw ki zopna hi leitungah omlo hi.

Na ta te un Pasian a zahtak nading in thungetsak un. “Ei te in na khempeuh apiangsak vanglian Pasian a up na dingun ih ta te ih hilh ding hi.”

“Zahtakna leh upna ah thu ngetsakna in na khempeuh te sangin thupi zaw hi.”

Pasian a zahtak naupang te in amaute a piangsak Pasian nasepna sungah ki hel ding thalawp zaw uh hi.

Eite in ta te tawh ih ki ho dan mah bangin Pasian tawh thungetna hangin ih ki zom ding hi. A nunung ciangin tua in na ta te Pasian tawh a ki zop nading lamlak khat hong suak ding hi.

# # #
Ta te in Nu leh Pa te adingin hih leitungah bek tham lo, vantunggam nuampi dongah Pasian piak a manpha mahmah gamh hi.

# # #
Tua ahih manin July 26 ni, Nu leh Pa te pawini in a lamdang deuhin ta te thupha piak ding, ni thupi khat ahi hi.

Hi ni-in Pasian hong piak ni hi a, Nu leh Pa te khempeuh cidam, lung nuam in ta te khempeuh tungah Misiangtho Joachim leh Anna te thupha hong tung ta hen.

, , , , ,

04/07/2024

T**a - pau

Dam.siang tho na ang ngak kia.na ding thu nget na tawh phawk ciat vai .

Malaysia pan pek khat pek ni i huh na te zg I T**a ki kep na ding a hi ciang in pia ciat vai 🙏

CYA .St Marry Saalzaang
Stephen Suum

04/07/2024

Misiangtho Kammal
*****
“Na mailam ading in na ki ginkholhna khempeuh Pasian khut sungah muanna tak tawh ap in. Pasian’ hong lamlahna pen naupang khat bangin sansiam in.”
(St. Theresa Benedicta of the cross)

02/07/2024

Misiangtho Kammal
*****
“Hangsan in, na thanemna te hangin lau kei-in. Bang hang hiam cih leh singlamteh tungah sihna a thuak Jesu T**a hangin nangin na khempeuh na hih zo hi.”
(St. Catherine of Siena)

27/06/2024

Kawl pi a teng Nu cing ta nu -

Ei nau pang te tel thei pak ding in U Go pi nau nu

U cing in ei nua sia ta ei RIP

T**a in a dah. Akap mi mal Kim Thu pha ei huấn ta lên
CYA SZ khang no te zg inn kuan pi te tawh ki bg in ka dah mAH mah uh hi 😥

23/06/2024

10/06/2024

Catholic Nisim Lai Siangtho:
HUN NAUTAANG-NIPI KAAL (10) NA
NI NIH NI (Tuesday)
11, June 2024 ( B-KUM )

St. Barnabas, Apostle.

Lai Siangtho Masa:
Nungzuipite' nasepte (sawltak) sungpan simna ahi hi. (Sawl 11:21-26, 13:1-3)

T**a in amaute a khutin panpih a, mi tampitak in umin, T**a’ lamah hong kihei uh hi.
Hih thu Jerusalem khua a pawlpi in a zak ciangin, nungzuipite in Antioch khua ah Barnabas a sawl uh hi.
Amah va tunga Pasian’ hehpihna thupha a muh ciangin a nuam mahmah hi. Tua ciangin amah in amaute khempeuh tungah a lungsim uh kipin Pasian’ tungah a muanhuai tawntungna dingun a hanthawn hi.
Bang hang hiam cih leh, Barnabas in mi lungsim hoih hi a, Kha Siangtho le upna tawh a kidim hi. Mi tampi T**a’ kiangah a tun hi.
Tua khit ciangin Saul a zong dingin Tarsus khua ah Barnabas a pai hi.
Amah a muh ciangin Antioch khua ah a paipih hi. Tua hi-a Barnabas le Saul tua lai-a pawlpi tawh k*m khat sung vilvel kikhawl uh a, mi tampitak thu a hilh uh hi. Antioch khua ah nungzuite Christiante kici masa hi.
Tu-in Antioch khua pawlpi’ sungah kamsangte le thuhilhte a om uh hi. Tuate in Barnabas, Niger kici Simeon, Cyrene mi Lucius, Herod tawh a khangkhawm Manaen le Saul-te ahi uh hi.
Amaute in T**a bia uh a, an a tan’ laitakun Kha Siangtho in, “Barnabas le Saul keima na a sem dingin hong sehkhiatsak un,” a ci hi.
Tua ciangin an tangin thu a nget khit uh ciangin, a tungah a khut uh nga uh a, a sawlkhia uh hi.

Hih in Pasian' Kammal ahi hi.

Salaan La kidawnna: (La 98:1-6)

Dawngtawina:
T**a in ama gupkhiatna minamte' tungah kilangsak khinzo hi.

1. Amah in na lamdangte bawl khin ahih manin T**A’ tungah la thak khat sa un! Ama khut taklam le ama khut siangthote in amahgualzosak hi.

2. T**A in ama hotkhiatna kilang khia- sak a, amah in minamte muhna ah ama thumanna a lakkhia hi. Amah in Israel mite’ tunga ama itna kip le cihtakna a phawk hi.

3. Leitung mi khempeuh in i Pasian’ gualzawhna mu khin uh hi. Leitung mi khempeuh aw, T**A tungah lungdamin la sa un; lungdamin awng khia unla phatna la sa un!

4. Harp tumging tawh T**A’ tungah phatna late sa unla, lyre tumging le la ngaih tawh phat un! Peengkulte le sa-kii awging tawh Kumpipa’ mai-ah lungdamna gingsak un!

Pahtawina:
Alleluia, Alleluia:
Note pai unla, minam khempeuh keima nungzuite na suaksak un. Keimah in leitung a bei dongin note tawh kong omkhawm tawntung ding hi.
Alleluia.

Lungdamna Lai Siangtho:
Matthew gelh Lungdamna Lai Siangtho sung pan simna ahi hi. (Mt 5:33-37)

Tua banah, khanglui mite’ kiangah, ‘Zuauthu tawh na kiciam kei un, T**a’ tungah na kiciamnate(e) ciampel kei unla, ama tungah na kiciam bangun tangtun un,’ a kici thu na za khin uh hi.
Ahi zongin keimah in note’ tungah kong genin ah na kiciam peuhmah kei un. Vantung tawh na kiciam kei un, bang hang hiam cih leh vantung in Pasian’ tokhom ahi hi;
Leitung tawh na kiciam kei un, bang hang hiam cih leh leitung in Pasian’ khe ngakna ahi hi; Jerusalem khuapi tawh na kiciam kei un, bang hang hiam cih leh Kumpi lianpa’ khuapi ahi hi.
Na lutang uh tawh zong na kiciam kei un, bang hang hiam cih leh na samzang khat a kang a vom dingin na bawl thei kei uh hi.
Na gen thute peuhmah uh ah a hite, ‘Hi mah,’ ci unla, a hilote, ‘Hi lo,’ ci un. Hih sangin tamzaw leh hoih lohna panin hong pai ahi hi.

Hih in T**a' Lungdamna Lai Siangtho ahi hi.