Mfumu Solomo - Pabwalo

Mfumu Solomo - Pabwalo Pabwalo ili pamaikidwa zinthu zosiyanasiyana monga malo achilendo, zachilengedwe komanso nkhani zosi

30/12/2024

ZINA MWAZIFUKWA ZIMENE NDINASIYIRA KUIKA NKHANI ZA MAGANYU NDI MWAYI WA NTCHITO.

Mmiyezi ya July , August ndi September mabwana ambiri anali kufuna anthu oti aziwathandidza ntchito mmakomo, mmashop ndi mminda yawo , ena amapanga business, ena amalima January to December, ena alinso ndi zochita zawo zimene zimafunika thandizo ndi MPHAMVU za anthu ena.

Mmiyezi yokhayi ndinakwanitsa kulumikizisa anthu 19 ku mabwana 7 ndipo sindimaiwala kuti mmodzi mwa Iwo anali Mnyamata wa zaka 25 amene anandipempha kuti ndimusakire ntchito. Pa anthu amenewa anthu 9 anandilowetsa mmilandu yosiyanasiyana. Ena anabako kumene ndinawalumikizisako ndipo mnyamata amene amati anavutika kwambiri anayambanso za dama ndi mkazi waabwana ake mwezi woyamba womwewo. Zonse zikamachitika mabwanawo amabwera Kwa ine kuti ndinalakwitsa kuwapatsa anthu osalongosoka. Ena mpaka kundilipiritsa katundu amene anaberedwa.
Ena kutukwana. Kuchokera pompo chidwi mwa ine chinachoka.

Panopa ndimaponya za ntchito mwa apo ndi apo ndipo basi sindiikaponso mtima ngati kale paja. Ntchito zimene ndimaponya zimakhala zoti munthuyo safunika ineyo kuti ndimuimire ngati mboni.

Mwina mtsogolomu titha kudzayambiranso komano mu njira ina osati ineyo kukhala mkhalapakati.

28/12/2024

BODYGUARD

Mmodzi mwa anthu amene amene amapanga business yogulitsa magalimoto ndi ma spare parts mu boma la Lilongwe akufuna mnyamata waku Kasungu, kapena ku Phoka, Chitipa , Kalonga , Thyolo kapena Zomba kuti aziyenda naye maulendo ake okada katundu mu dziko la South Africa.

Akhale woti anagwirapo ntchito yachitetezo , kapena Ali ndi kuthekera kupulumutsa munthu panthawi ya mavuto.

Zaka : 28 mpaka 35.

Malo a ntchito ndi Lilongwe. Abwera ndi achibale ake , ma ID ndi zinthu zina zofotokoza za kwawo, ndipo akhale oti atha kumasuka kupita ndi abwana Kwa Mfumu imene akuchokera.

28/12/2024

Yoyamba

Ku Mzuzu, pafupi ndi Luwinga Secondary School, akufuna munthu wodziwa kuwerenga komanso waluso pa mawerengedwe a ndalama kuti azikapanga za Airtel Money ndi Mpamba. Malipiro ake ndi 25% ya ndalama zomwe zimapezeka mwezi uliwonse. Ngati muli ndi chidwi, imbani foni ku 0881 00 87 63.

Izi zikutanthauza kuti munthu amene wapanga commission ya K 200, 000 pa mwezi iye azitengapo K 50,000. Ngati wapanga K 400, 000 iye azidwapo K 100, 000 ngati salary yake.

01/12/2024

Mundipangireko post.

Ndimafuna kuti ndingolimbikitsa anthu ena pabwalo panu pano a Mfumu. Ineyo sindimabisa, ndine Anthony Kazembe mu 2025 yu ndikwanitsa zaka 41 , ndinatenga kachilombo ka HIV mu 2007 kuchokera Kwa mkazi wina amene timakhala moyandikana ku Kanengo ndimakumbukira zonse zomwe zimachitika ndipo pena ndimaziimba mlandu komano zimangofuna kuvomereza.
Ndakhala ndikumwa ma ARV Kwa zaka zingapo , sindimasiya ndipo sindizasiya. Ma ARV amadana ndi zoti munthu uziwamwa mosasata ndondomeko,

Ndili ndi thazi ndipo ndimatha kuthamanga chimtunda chachitali osatopaso . Ndilinso ndi zisulo , ndimanyamula. Moyo wanga umayenda bwino monga kale ndipo EZI si mapeto a zonse.

01/12/2024

NCHIFUKWA CHIYANI ZITHA KUKHALA ZOVUTA KUTHETSA MA ARV?

Anthu opitilira 38 miliyoni padziko lonse lapansi ali ndi kachilombo ka HIV, ndipo ambiri mwa iwo ali muno mu Africa. Ambiri mwa anthuwa ndi aphunzitsi, atsogoleri, abizinesi, ogwira ntchito m’boma, ngakhalenso madokotala omwe amagwira ntchito zofunika kwambiri zokhuzana ndi umoyo. Popanda ma ARV, ambiri mwa iwo atatha kuyamba kudwala ndipo ena athanso kutsamira mkonno, nkusiya mabanja awo, ana amasiye angachuluke, malo antchito mukhala opanda kanthu, ndipo chuma chithanso kusokonekera. Ma ARV amene akuperekedwa matsiku ano apangitsa kuti anthu omwe ali ndi kachilombo ka HIV azikhala bwinobwino, athanzi komanso kupitiliza kuthandiza mabanja awo komanso madera awo.

Chaka chilichonse, mabiliyoni a madola amagwiritsidwa ntchito polimbana ndi HIV ndi Edzi. Mu 2023, ndalama zoposa $20 biliyoni zidaperekedwa padziko lonse lapansi kuti zithandizire pa ma ARV. Mabungwe monga PEPFAR, UNAIDS, Global Fund, World Health Organization (WHO), UNICEF, ndi Médecins Sans Frontières (Doctors Without Borders) ndi ena mwa magulu ambiri omwe amatumiza ndalamazi ku Africa amafuna kuti zipatala zizitha kupedza thandizo la ma ARV nkumathandidza anthu kulandira maphunziro a momwe angapewere HIV, momwe angazisamalire ndi zina. Ndalamazi sizimangogula ma ARV — zimaperekedwanso ngati salale ya mabwana ambiri amene ali mmabungwewa. Kuphatikiza apo, mabungwe ambiri am'dera osiyanasiyana ndi apadziko lonse lapansi amadalira ndalama za ma ARV ndi zokhuzana ndi HIV kuti ntchito zawo ziziyenda bwino. Mabungwe omwe siaboma, magulu ammudzi, ndi mabungwe othandizira amadalira ndalamazi pama projekiti awo monga maphunziro, chithandizo cha chakudya, nyumba, ngakhale mapulogalamu ang'onoang'ono azachuma. Ngati kupanga ma ARV kungayimitsidwe, sizingangothera posausa miyoyo ya mamiliyoni ya anthu odwala okha komano zithanso kuwononga njira zopezera ndalama zomwe mabungwe ambiri ndi mayiko amadalira.

27/11/2024

APAPA NDATULUKIRANSO NDIPO NDILIPO.

MUKHALE NDI USIKU WOPAMBANA 🔥🙏 MAWA BASI

27/11/2024

PA NKHANI YA MA ARV

Mu zaka za mma 1960 madotolo ndi asayansi anapanga mankhwala otchedwa kuti AZT amene amafuna kuti azichiritsa Khansa, komano mankhwalawa anakanika kuthetsa khansa ndipo mu 1985 atawapima nkuwaunika bwinobwino anazindikira kuti atha kuthandiza anthu amene ali ndi HIV. Moti kempane ya GlaxoSmithKline ndi imene inatenga mbali yaikulu kuti mpaka mankhwalawa akhale gawo loyamba la ma ARV moti bungwe la The FDA (Food and Drug Administration) ku Amerika linavomereza kuti mankhwalawa aziperekedwa ku anthu. Komano anthu ambiri amawawuka, amatha kutuluka nsungu, ena amadwaladwala moti mpaka ena anatisiya chifukwa mankhwalawa analinso ndi mphamvu zobweretsa mavuto osaneneka pa thupi la odwala.

Moti mu 1991 ndi 1992 kampane ya Bristol-Myers Squibb ndi Hoffmann-La Roche inaonjedzera mankhwala ena mu ma ARV kuti asamaonenge miyoyo ya anthu, mosakhalitsa kunatulukira kampane ina yotchedwa HAART imene inaonjezeranso nzeru zina kuti munthu amene ali ndi kachilombo asamangoonda, kapena kunenepa mosakhazikika, komanso asamatuluke zilonda ndi matenda ena, moti pamene imafika 2003 kampane ina yotchuka ya Gilead Sciences inayambanso nayo kuikapo nzeru pa kapangidwe ka ma ARV. Kampane imodzi yokha sikanakwanitsa kupanga ma ARV oti atha kuthandiza ma miliyoni aanthu amene ali ndi kachilombo pa dziko lonse.

Mu 2011 mpaka 2018 kunabweranso makampane ambiri ndithu moti ingakhale India nayo imapanga nawo ma ARV. Komano Merck, GSK, Pfizer, Shionogi, ViiV Healthcare ndi makampane ambiri anayamba kupanga ma ARV amtengo wapamwamba ndipo ena mwa mitundu ya ma ARV wa ndi yodula singagawidwe mwaulele ku mayiko osauka. Ndiye mabungwe mothandidzana ndi mayiko ena osiyanasiyana amagula ma ARV amene mtengo wake uliko pabwino nkumawapereka mzipatala. Ichi chikutanthauza kuti ma ARV amene amaperekedwa ndi ama KAMPANE amene anamvetsetsa kuti azithandidza anthu pomachepetsa mitengo yogulitsira mankhwalawa.

Kukwera kwa zinthu kwapangitsa kuti makampane ena ayambe kuganiza kuti asiye kupanga ma ARV popedza sakupanga ndalama zokwanira poyerekezera ndi makobidi amene amalowa akamapanga ma ARV wo. Ndipo pakadali pano Kampane imodzi yokha ndi imene yalengeza kuti isiya kupanga ma ARV. KOMANO musaiwale kuti poyamba ndatchula kufunika kwa kampane iliyonse, palibe kampane imene ingapange zonse payokha, ndipo zimafunika kuti pakhale makampane ambiri kuti ma ARV azitha kumapezeka pa mtengo wokambika. Ngati makampane ndi ambiri, ma ARV amakhalanso ambiri. Komano izizi sizodetsa nkhawa kwambiri, chifukwa mabungwe akuluakulu oona za matenda a Ezi ndi oyimira onse odwala matendawa, ndi mayiko sanakumane ndipo sanadandaule kaye kuti penapake pali vuto.

Komano mafunso ndi ambiri, enawo ndiwayankha mu nkhani yotsatira. Komano zoti ma ARV asiyiratu kupezeka, zilibe umboni, nkhani ndi imene ndafotokoza apa, mbali inayo ndifotokoza mu POST yotsatira

24/11/2024

CHIVOMEREZI

LERO PA 24 November 2024 pamene nthawi imati 9:57 mamawa, Chivomerezi chagwededza Madera ena mmalawi muno.

Chatenga ma seconds chabe ndipo chatha kugwetsa miyala imene imaikidwa pamwamba padenga, zinthu zosalimba ndi zinthu zina. Mmalo mmene muli miyala , chamveka kugunda kanayi , mmadera ena chamveka kugunda katatu. Mmalo mmene nyumba zili pamwamba kwambiri, mmapiri Chivomerezichi chagunda kawiri.

KWANUKO BWANJI ?

PAGE ILI La Mfumu Solomo - Pabwalo tizikupatsalani nkhani zokhudzana ndi chilengedwe ndiponso zongochitika kumene. PANGANI LIKE TIZIMVERA LIMODZI.

09/11/2024

TAKWANITSA KUDUTSA MU MOZAMBIQUE NDIKULOWA MMALAWI

ZIKOMO TATE🙏

Panopa basi tiyambe kuvumbulutsa nkhani Zosiyanasiyana zimene tinazikonza kale komano pa zifukwa zina sitinaziponye Pabwalo pano .

TSIKU LANU LIKUYENDA BWANJI KOMA?

02/11/2024

Mugone bwino

31/10/2024

Ifeyo tadzuka bwino
komano

ANZATHU MWADZUKA
BWANJI KUMENEKO?

16/10/2024

Lero lomwe tere ndalandira uthenga kuchokera ku CARTHAGE PRIVATE SECONDARY SCHOOL.

Akufuna Mphunzitsi wa ma Humanities. Chonde amene amene tili ndi kuthekera ndipo tili ndi Degree kapena Diploma ya uphunzisi, tiyeni tifike ku Inbox mosachedwa. Komanso mwina tinapita ku School ya ukachenjede ( college / university) titha kuyetsera mwayi.

Amene akufunika kwambiri ndi ma Female Teacher.
School yi Ili ku Mzuzu. Kwa Sonda pafupi ndi mathanki.

Awawa Salary saphonya, amangofuna munthu wozipereka. M***a kukayamba mawa pano , ngati mungapange machawi.

Maganyu ena akubwera. Talandira maganyu odutsa 12. Iyi ndi yoyamba mu tsiku la lero

14/10/2024

MWADZUKA BWANJI PABWALO PANO?

Tikakhala ife tadzukanso bwino , Tiyamike a Dr Samson Wasayansi potithandidza kubwezeretsanso page lathuli litasokonekeranso. Sindimaziwa kuti Kodi anthu akaba ma page aanthu a Facebook pano amatani nawo komano zafika posaudzana. Lero PABWALO PAGWA NKHANI ndiponso ku INBOX tiyamba kuonako lero. Akakhala maganyu tiponyereni akuwafuna ndi ambiri.

Address

Lilongwe
MALAWIBASI

Website

Alerts

Be the first to know and let us send you an email when Mfumu Solomo - Pabwalo posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mfumu Solomo - Pabwalo:

Videos

Oyimba wa ambuye, kufalitsa uthenga mmtsika ali mu thewera

Shortcuts

Share

Category