Гүйдэг Моги

15/12/2024

ЭРЧ ХҮЧТЭЙ БАЙХ ГЭЖ ГҮЙДЭГ Alimaa Togtokhdorj

Ковидын үеэр гэртээ сууж байлаа. Тэгтэл нэг өдөр Active Running Community-н админ Baaska Urtnasan харанхуйд гүйсэн зургаа пост оруулдаг юм байна.

Тэрийг нь хараад л шууд гүймээр санагдсан. Анх тэгж л гүйж эхэлсэн дээ.

Гүйхгүй байх шалтаг олон. Гүйх шалтгаан ч олон. Сонголт бидний гарт.

15/12/2024

Гүйж суръя. Өвөл гүйж болдог. 🏃🏃‍♀️🇲🇳
#гүйдэгмоги

14/12/2024

ОЮУНЫ АЖИЛТАЙ, ОНОЛЫН ГҮЙГЧ Tsogoo Dash

Програм хангамж хөгжүүлэгч мэргэжилтэй, байнга суугаа, оюуны ажил хийдэг болохоор хөдөлгөөнөө нөхье, толгойгоо амраая гэсэн сэдлээр анх гүйж эхэлсэн.

2018-2022 онуудад Achilles International Mongolia байгууллагад сайн дурын хөтөч гүйгч хийсэн. Энэ хугацаандаа гүйлтийн спорт хүнд хэрхэн эерэг нөлөөлдөг, гүйлт асуудал бэрхшээлийг давах чадварыг өгдөг, гүйлт зөвхөн гүйх биш, цаашилбал хүний амьдралыг эрс өөрчилдөг болохыг ойлгосон юм.

Гүйлтийн сайхныг мэдрэх тусам гүйлтэд шимтэн 2022 оноос Elite Runners Club-д орсноор тогтмол, системтэй бэлтгэл сургуулилалт хийдэг болсон.

Миний хувьд өөрөө гүйхийн зэрэгцээ хөнгөн атлетикийн тэмцээн уралдаан, дэлхийн шилдэг тамирчид, түүх, онол практик, сургалт дасгалжуулалт, хүний бие гүйхэд хэрхэн "ажилладаг", гүйлтийн суурь техник гээд гүйлтийг улам гүнзгийрүүлэн судлахыг хичээж байна.

Гүйхээр бодож байгаа, гүйе гэж бодсоор олон жил болж байгаа хүмүүст хандахад “Гүйх нь чанга, хэцүү. Гэхдээ хэцүүг давбал гүйлтийн сайн сайхныг та бүрэн мэдрэх болно. Нэг удаагийн гүйлт таны өдрийг өөрчилнө. Олон удаагийн гүйлт таны амьдралыг өөрчилнө гэдгийг баттай хэлье.”

За ингээд Хэт холын марафон гүйлтийн спортын дэд мастер, хөтөч гүйгч Д.Цогбадрахын гүйлтийн амжилтаас сонирхуулъя:
2024 БНСУ, Чэжү, 50км зай төрөлд Хэт холын марафон гүйлтийн дэд мастерын болзол хангасан
2024 Манзушир, Эрчимт алхалтын УАШТ 22км багаараа алтан медаль
2024 Мастеруудын УАШТ 3 5000м хүрэл (35-39 насны ангилалд) алтан медаль
2024 УБ хагас марафонд 21км 9-р байр (35-54 насны ангилалд)
2023 Манзушир, Эрчимт алхалтын УАШТ 17км багаараа мөнгөн медаль
2023 Мастеруудын УАШТ 3000м хүрэл (35-39 насны ангилалд), 4×400м багаараа мөнгөн медаль
2023 Токио марафонд 42 км хөтөч гүйгч
2022 УБ хагас марафонд 21км 5-р байр (35-54 насны ангилалд)
2022 Багахангай УАШТ, 5×10км багаараа алт медаль
2021 Берлин марафонд 42км хөтөч гүйгч
2018 Нью-Йорк марафонд 42км хөтөч гүйгч

14/12/2024

Үндэсний цэцэрлэгт хүрээлэнгийн 3 зам

13/12/2024

24 ЖИЛ ТАМХИ ТАТСАН

Багаасаа л их хөдөлгөөнтэй хүүхэд байлаа. Олон ч жил буруу, зөрүү явж байжээ.

24 жил тамхи татахаас гадна нэлээдгүй хэдэн жилийг бас спирттэй нөхөрлөж өнгөрөөжээ. Одоо бодоход хайран залуу нас минь…

Гэхдээ хүн хичээж чадваас боломж, аз (цаг нь) ирдэг. Спортоор хичээллэхэд оройтдоггүй. Миний оргил жин 2015 онд 80кг, одоо 63кг. Gantulga Tamir

Гүйлт сонирхогч та бүхэндээ Дугуйн спортын 1-р зэрэгтэй, Mongolian Elite Runners Club-ийн тамирчин, Хэт холын марафон гүйлтийн спортын ОУХМ Г.Тамирын спортоор хичээллэсэн 7 жилийн хугацаанд оролцсон зарим тэмцээн уралдааны амжилтаас хуваалцъя. Хасаад байхад л нэлээн урт жагсаалт гарч байна даа.

2024 Итгэл найдвар боломж марафон 21км 40-49 нас 2-р байр
2024 УБ марафон 21км 35-54 нас 2-р байр
2024 Багахангай марафон 5x10км 35-49 нас 1-р байр
2024 Сэлэнгэ марафон 21км 45-54 нас 1-р байр
2023 6/12/24 цагийн гүйлтийн УАШТ 35-49 нас 3-р байр
2023 Итгэл Найдвар Боломж марафон 42км 40-49 нас 1-р байр
2023 Эрчимт алхалтын УАШТ багаараа 1-р байр
2023 УБ марафон 21км 35-54нас 2-р байр
2023 Сэлэнгэ марафон 21км 35-49 нас 3-р байр
2022 12цагийн гүйлтийн УАШТ 128.017 км 35-49 нас 1-р байр (ОУХМ)
2022 Уулын эрчимт алхалтын УАШТ 3-р байр
2022 МХХМГХ Ахмад мастеруудын УАШТ 3000 метр 3-р байр
2022 Багахангай марафон УАШТ 50км 2-р байр (Спортын мастер)
2021 6 цагийн гүйлтийн УАШТ 65.6км гүйж МХХГүйлтийн 3-р зэрэг
2019 Итгэл найдвар боломж марафон 40-49 нас 2-р байр (10км)
2019 Эв нэгдэл дуатлон 40-49нас 3-р байр
2019 Богдхан Уулын трейл тэмцээн 35-49нас 3-р байр
2018 Триатлоны УАШТ 35-44 нас 3-р байр
2018 Эв нэгдэл дуатлон 35-44 нас 3-р байр
2018 Итгэл Найдвар Боломж 40-49 нас 2-р байр (10км)

13/12/2024

Та бүртгүүлснээр манай клубээс зохион байгуулах дараа дараагийн эвентүүд, сургалтын талаар мэдээ, мэдээллийг цаг алдалгүй авч байх боломжтой.

12/12/2024

Жишээ нь алкохол хүртэх маш амархан. Тэр тусмаа 12-р сард. Энэ сар тэсчихвэл. Сэтгэл зүйн хувьд өөрийгөө ялагч гэсэн дархлаа суучихдаг. Бусад сарууд юу ч биш. Гүйх юу ч биш. 😄

11/12/2024

UTMB ГЭЖ ЮУ ВЭ?

Уулын жимийн гүйлтийн олимп гэгдэх UTMB Mont-Blanc тэмцээнд орж мөрөөдлөө биелүүлсэндээ талархаж явна. Sogi Jrs

Хорин нас гараад л хичээл, ажлынхаа хажуугаар фитнес, иог зэрэг хөнгөхөн дасгал хийдэг хэвшилтэй болсон. Одоо ч энэ хэвшил хэвээр.

2017 онд ХАЙРХАН аялагч клуб (Khairkhan Hiking Club) -т нэгдэж өндөр ууланд явах сонирхолтой боллоо. Байгалийн сүр хүч, үзэсгэлэнг бишрэн аялдаг байлаа. Гэсэн ч нэг зүйлийг хайсаар л байсан.

Хайрхан аялагч клубийнхээ тэмцээнд орох гэж бэлдэхдээ анх удаа Үндэсний цэцэрлэгт хүрээлэнд гүйж үзлээ. “Уулын эрчимт алхалтын УАШТ”-дээ шилдэг гүйгчидтэй баг болж оролцоод 1 алт, 2 мөнгөн медаль хүртсэн маань их урам зориг өгч цаашид Уулын гүйлтээр хичээллэх сонирхлыг минь өдөөж эхэлсэн юм.

Бага багаар замаа ахиулсаар Ультра буюу 50км-с дээш Уулын жимийн хэт холын гүйлтийг илүү сонирхон 2021 оноос хичээллэж эхэлсэн.

UTMB Mont-Blanc тэмцээнд оролцохыг мөрөөддөг боллоо. 2024 онд тэр мөрөөдлөө биелүүлэн UTMB Mont-Blanc 58км OCC уралдаанд орж амжилттай замаа дуусган Монгол Улсынхаа нэрийг дуудуулсан UTMB-д оролцон гүйсэн анхны эмэгтэй тамирчин болсондоо маш их талархаж байгаа.

Өөрийн мэдэрсэн энэ сайхан мэдрэмжийг бусдад ч бас ойлгуулан таниулах зорилгоор Mongolian Eco Runners клубд нэгдэн жилийн 4 улиралд тогтмол идэвхтэй бэлтгэл хийж, дараа дараагийн хүсэл мөрөөдлөө биелүүлэн гүйцэхээр хичээж явна.

Сүүлийн хорин гаруй жил ер нь хамрын ханиад ч хүрээгүй. Энэ бол хөдөлж байсны ач гэж боддог. Одоо бол жаахан ядарвал сайхан хөлөртөл гүйж ирээд, шөл хийж уугаад л унтчихдаг. Гүйдэг хүнд эм тарианы хэрэг гардаггүй. Спортоор хичээллэх нь тууштай хичээнгүй гол нь өөртөө үнэнч байх дадал хэвшил суулгаж амьдралд өнгө нэмдэг сайхан зүйл гэж боддог.

Жич:
UTMB нь Ultra-Trail du Mont-Blanc гэдэг үгний товчлол юм. Уулын жимийн гүйлтийн олимп гэгдэх Итали, Франц, Швейцар гурван улсын хил дамнан Альпийн нуруунд зохион байгуулагддаг дэлхийн өнцөг булан бүрээс гүйгчид зорин очиж уралддаг том марафон юм.

11/12/2024

Гүйдэг Моги номоо бусад олон гоё номтой хамтад нь хөнгөлөлттэй аваад, сонсох боломж он дуустал гарлаа. 🏃🏃‍♀️🇲🇳

2024 оны "АМЬДРАЛЫН ХЭВ МАЯГ" - БЕСТСЕЛЛЕР сонсдог номууд 🎧

Шинэ он ойртож 2024 оноо дүгнэж хамгийн олон борлуулагдсан номуудыг та бүхэнд хүргэж байна. Бестселлер номуудыг Mbook аппликейшны Шинэ жилийн хэсгээс багцаар нь хямдралтай авах боломжтой.
📚АМЬДРАЛЫН ХЭВ МАЯГ - БЕСТСЕЛЛЕР багц
https://www.m-book.mn/bundle/amidraliin-hev-mayg-bestseller

🗓️Үргэлжлэх хугацаа:
2024 оны 12-р сарын 31-г дуустал

🌐АПП татах: https://onelink.to/j6heq2
👉Бестселлерийн дараалал хамаарахгүй.
👉Гадаад байгаа хэрэглэгчид вэбсайтаас хямдралын мэдээллийг харна уу.
#НОМ #ном #сонсдогном

10/12/2024

ЭРҮҮЛ МЭНДИЙН ҮНЭ ЦЭНИЙГ ХАРЬЦУУЛШГҮЙ Munkhbayar Donjoo

Амьдралын эргүүлэгт эргэсээр, 40 нас гарахад бараг 100кг жинтэй, түүнээсээ үүдэлтэй өвчин зовлон ярьдаг болчихсон байсан. 180см өндөртэй хүн 20кг илүү ачаатай яваад байхаар аргагүй. Тэгээд л өөртөө анхаарал тавихаар эрс шийдсэн.

Ах нь Металлургийн инженер мэргэжилтэй Монгол улсын зөвлөх инженер хүн л дээ. 12 жил гүйж байна. 2013 оноос бага, багаар гүйж эхэлсэн. Эргээд санахад анх 1км газар шогших гэж дунд нь аахилж амьсгаадан алхаж, мөлхөх шахуу л юм болсон. Гэхдээ л эхлэл тавих нь чухал юм билээ.

Улаанбаатар марафон 2014 онд анх удаа болоход 5км-т гүйж маш их урам зориг авсан. Ямар нэгэн гүйлтийн тэмцээн, уралдаанд оролцох зорилго тавих нь цаашид гүйлтээр тогтвортой хичээллэхэд их түлхэц болдог юм билээ.

Тэр ч утгаараа байнгын бэлтгэлтэй байх сэдэл төрж түүнээс хойш хагас, бүтэн марафон, Багахангай 50км марафон, 6 цагийн гүйлтийн УАШТ зэрэгт өөрийгөө дахин дахин сорьсоор л явна.

2018 оны Улаанбаатар марафонд анхны 42км зайд оролцож байхдаа, “Хамтдаа гүйцгээе” клуб байдгийг мэдэж тэдэнтэй нэгдсэн. Тэгээд л анхны гадаад марафон буюу Байгаль нуурын эргээр гүйх тэмцээнд оролцоод их баярлаж билээ.

Тэр цагаас “Хамтдаа гүйцгээе” клубийнхээ гүйгчидтэйгээ гүйлтийн сайхныг мэдэрч явна даа. Клуб маань байгуулагдаад 10 жил болж буй гүйлтийн ууган клуб юм. Манай клубээс Хэт холын марафон гүйлтийн ОУХМ, СМ, СДМ, 1-3 зэргийн, мөн хөнгөн атлетикийн СДМ, 1-р зэргийн тамирчид төрөн гарсан нь бас бидний бахархал юм.

LET'S RUN Mongolia CLUB-ээс жил бүрийн 3-р сарын 8-нд “Үзэсгэлэнт гүйлт” арга хэмжээ, оны анхны челленж гүйлт зохион байгуулдаг уламжлалтай, гүйгчид олноороо оролцдог.

Гүйлт надад олон өөрчлөлтүүд авчирсан. Өөртөө итгэх байдал нэмэгдэж, гадаад төрхдөө сэтгэл хангалуун, эрч хүчтэй болсон. Ажлын гүйцэтгэл сайжирч, төлөвлөгөөтэй, сахилга баттай, шударга байх зарчмыг эрхэмлэхийг хичээж, эерэг орчинд амьдрах нөхцөл бүрдсэн. Гүйж эхлэхээр янз бүрийн согтууруулах ундаа, шоу цэнгээнээс өөрийн эрхгүй холддог шүү.

12 жилийн турш гүйж явсаар 2024 онд Багахангай марафоны 50км-ийн зайд амжилттай гүйж Хэт холын гүйлтийн спортын мастерын болзол хангасан.

Янз бүрийн пост, мэдээлэл авч гүйх сонирхол төрсөн хэр нь нэг л болж өгөхгүй байгаа дүү нартаа, ажил, бизнес хийгээд завгүй яваа залуустаа захихад “Хүмүүс бидний байгалийн төрөлх өгөгдөл бол хөдөлгөөнтэй байх. Ажил бизнесийн үнэ цэн эрүүл мэндийн үнэ цэнд хүрэхгүй ч байхыг үгүйсгэхгүй. Эхний ээлжид багахан хугацааг гүйлтэд зарцуулаад эхлээрэй, хичээл зүтгэлтэй тогтвортой байх ёстой. Бага, багаар ахицтай байхад болно.”

10/12/2024

Гүйж суръя. Олуулаа болъё 🏃🏃‍♀️🇲🇳
#гүйдэгмоги

09/12/2024

ХҮҮДЭЭ ҮЛГЭРЛЭХ ГЭЖ ГҮЙСЭН Bat Tsengel Tumurbaatar

Өсвөр насны хүүдээ үлгэрлэж, урам өгөх гэж анх гүйсэн. Хүү маань одоо нас биед хүрсэн том эр болсон. Харин би гүйлтдээ гүнзгий үлдсэн дээ.

Эхэндээ бол ганцаараа л гүйдэг байсан. Гэрээсээ шууд Цэцээ гүн оргил руу гүйж гарчихаад буцаад гүйгээд ирдэг гэх мэт. Тэгж байгаад клубд орсон.

2021 оны сүүлээс Mongolian Elite Runners Club-ийг үүсгэлцэж, мэргэжлийн дасгалжуулагчийн удирдлагад хичээллээд спортын амжилтууд гаргаж эхэлсэн.

Зураг дардаг хобби-гоо гүйлттэйгээ холбосноор сүүлийн 5 жилийн хугацааны гүйлтийн ихэнх тэмцээнд оролцсон гүйгчдийн ховорхон мөчүүдийг гэрэл зурагт буулгаж өгсөн дөө.

Гүйхээр сонирхож байгаа хүмүүст хандаад “Гүйлтийн ач тусыг нэрлээд дуусахгүй. Гол нь гүйгээд эхэл. Эхэндээ шантрах үе гардаг. Тийм үед л яагаад эхэлснээ сана. Тууштай хэсэг гүйчихэд чи эргэлт буцалтгүй насан туршийн гүйгч болно. Амжилт хүсье” гэж хэлье.

Хэт холын марафон гүйлтийн спортын ОУХМ Т.Батцэнгэл ахын тэмцээн, уралдааны амжилтаас та бүхэндээ сонирхуулбал:
2022 Сэлэнгэ Марафон 21км-т 4 байр
2022 Дархан Марафон 21км-т 2 байр
2022 Булган Марафон 21км-т 2 байр
2022 6 цагийн гүйлтийн УАШТ-нд Спортын Дэд Мастер болзол хангасан
2023 УБ марафон 21км-т 4-р байр
2023 Булган Марафон 21км-т 1-р байр
2023 Багахангай 50км-т 6 байр Спортын Мастер болзол хангасан
2023 Мастеруудын УАШТ 800м 1 байр, буухиа 3 байр
2023 Уулын эрчимт алхалтын УАШТ 1-р байр багаараа
2023 12 цагийн гүйлтийн УАШТ 3-р байр
2024 УБ марафон 21км-т 5 байр
2024 Сэлэнгэ Марафон 21км-т 3 байр
2024 Зуунмод Марафон 21км-т 2 байр
2024 Gumi Ultra Marathon(Солонгос) 6 цагийн гүйлт 3 байр
2024 Мастеруудын УАШТ 1500м 1 байр, 3000м 1 байр, 800м 2 байр (насны ангилал), буухиа 2 байр
2024 Jeju Ultra Marathon (Солонгос) 50км-т 2 байр эзэлж Хэт холын марафон гүйлтийн спортын ОУХМ болзол хангасан.