29/03/2023
-ХЭДЭН ТЭРБУМЫН ЗАРЛАГАТАЙ СУМЪЯАБАЗАРЫН ХЭВЛЭЛҮҮД БУСДЫН МЭДЭЭГ ХУУЛБАРЛАХААС ХЭТРЭХГҮЙ ШИВШГЭЭ ТАРЬЖ БАЙНА-
Сошиал хуудас утгаа алдаж жирийн нэгний тархи толгойг угааж, хүссэн мэдээллээрээ бөмбөгдөгч зэвсэг болоод удаж байна.
Үүнд худалдагдсан сэтгүүл зүй маш их буруутай. Сүүлийн үед Хотын дарга Д.Сумъяабазар болоод түүний хэвлэл мэдээллийг хариуцдаг Хонгорзул нар хэвлэлийнхэнд тэрбум гаруй төгрөг тараасан гэх мэдээлэл яваад байгаа. Д.Сумъяабазар хэвлэлийнхэнд яах гэж энэ их мөнгө тарааж байна вэ?
1. Мэдээж өөрийн үйл ажиллагааг олон нийтэд сурталчлах
2. Өөрийгөө хамгаалуулах (улс төрчдөд учиргүй олон дайсан байх учраас тэднээс хамгаалуулахын тулд татвар төлөгчдийн мөнгийг хэвлэлийнхэнд тарааж л дээ)
3. Өрсөлдөгч, дайсан, ер нь өөрт таалагдахгүй бүхнээ намнуулах
4. Өөрийгөө хэзээ ч муулуулахгүй байх…
За ингээд тоочоод байвал дарга нарын хэвлэлийн зардал гэх татвар төлөгчдийн мөнгө юунд зарцуулагдаж дуусдаг талаар өчнөөн хуудас зүйл бичих шаардлага тулгарч мэднэ. Ерөнхий дөө л хаалтын гэрээ хийгддэг гээд л ойлгочих. Тэгвэл Д.Сумъяабазарын тэрбум гаруй төгрөг зарлагадсан хаалтын гэрээтэй хэвлэлүүд яг одоо ид шидээ үзүүлцгээж байна.
Д.Сумъяабазар ойрд ажилдаа ирэхгүй байгаа. Байсгээд л япон явчихдаг болсныг Хангарьд ордныхон бүгд л ярьж байна. Мөн хэвлэлийн албаны Хонгорзулынх нь сошиол хуудаснаа нийтэлж буй элдэв зурагнаас нь харж бас болохоор байна. Харин түүний талаар ганц нэг сошиал хэрэглэгч л муу үг унагахаас биш фейсбүүк орчинд ерөнхий дөө таг. Хаалтын гэрээ чинь ийм л ид шидтэй.
Гэтэл сүүлийн үед хэсэг хэвлэл Шадар сайд С.Амарсайханыг хотын дарга байхдаа… гэж ирээд л мэдээлж байна. Мэдээллийг судалвал их эртнийх юм. Хотын дарга байтугай улс төрд орж ирэхээс ч өмнө бизнесийн салбарт байхдаа амжилттай удирдан авч явсан групп компанийнх нь үйл ажиллагаатай түүнийг их холбож муучлахыг оролдсон харагдана. Компанийнх үйл ажиллагааг харахаар муулах бус харин ч магтан сайшаамаар...
Даанч захиалга авчихсан шантаажчид ядмагхан, утга алгуулга давтагдсан, нэг команд, нэг чиглэлээр бичигдсэн зохиолуудаар сошиал хуудсанд хөглөрүүлсээр байна.
Тэдний бичвэр дундаас гогдвол С.Амарсайханы ах нарын бизнесийг их өөтөглөсөн байх. Ер нь С.Амарсайханаас бусад нь ахгүй. С.Амарсайханы ах нараас бусад нь бизнес хийдэггүй ч юм шиг…
Иймэрхүү зохиолыг нэр бүхий хэдэн сэтгүүлч хэдэн сайт л үе үе давтамжтайгаар бичдэг нь илэрхий болоод байна. Үүний цаана худалдагдсан сэтгүүл зүйг худалдаж аваад юу дуртайгаа хийлгэж болдог бохир технологи л яваад байгаа юм.
Хотын төвийн бүх газрыг хувьчлаад авчихсан байсныг С.Амарсайхан хотын дарга байхдаа зогсоож, олон нийтийн өмчид буцаан авчирч усан оргилуур бүхий цэцэрлэгт хүрээлэн барьж өгсөн нь нэгхэн жишээ. Мөн улсын өмчийн эмнэлгийн эрх ашгийн зөрчилтэй нөхдүүд нийлж байгаад хууль бусаар хувьчлаад авчихсан байсныг С.Амарсайхан буцаан авч ирсэн.
Хөтөлийн цемент шохойн үйлдвэр, Дарханы төмөрлөгийн үйлдвэр гээд улсад үр ашгаа өгч байх ёстой томоохон үйлдвэрүүд бүгд сахал Эрдэнэбилэг гэх нэг хүний эзэмшилд оччихсон байсныг С.Амарсайхан буцаан авчирсан нь нууц биш.
Ингэж ажилласныхаа төлөө тэр өөртөө л асар их дайсан бэлдсэн нь ч бас нууц биш.
Хотын төвд байшин бариад зарах гэж байсныг нь нийслэл эргүүлэн авч усан оргилуур бүхий цэцэрлэгт хүрээлэн барьчихаар хөрөнгөө алдчихсан хулгайч нар боож үхнэ биз дээ. Ямар сайндаа л зөөврийн устай усан оргилуур гэж иргэдэд итгэтэл нь сошиал хуудсаар нүдэж байна. Гэвч үнэн хэзээд үнэн л байдаг.
Мөн тэр олон үйлдвэрээ алдсан хүмүүс юу гэж л чимээ аниргүй суух вэ дээ. Одоо сошиал хуудсаар явж буй бүхий л мэдээллүүдийг тухай үед ч бас цацаж л байлаа. Гэвч үнэн бол хэзээ л үнэн байдаг учраас хулгай луйврын аргаар олсон мөнгөө тэд С.Амарсайханыг муулахад зарлагадаад ч амжилт олоогүй.
Тэгвэл саяхнаас С.Амарсайханыг муулах давалгаа дахин өрнөөд байна. Ер нь Л.Оюун-Эрдэнийн Засгийн газрыг муухай харагдуулах улс төр байнга хийгдэж байгаа бөгөөд амжилт олж чаддаггүй сэдэв нь С.Амарсайхан байсаар байна.
Тэрээр бизнес хийхээ болж, улс төрд орсон ч бизнесийн салбарт ажиллаж байхдаа тун амжилттай байсан. Ах дүү нар нь ч бизнесээ амжилттай авч явж байгаа бүгд мэддэг шүү дээ. Атаархан, муулагдчид нь ч адил...
Ямар сайндаа л С.Амарсайханы ах нараас өөр амжилттай бизнес хийдэг хүмүүс Монголд байдаггүй юм уу ч гэж бодогдтол мэдээлж байна шүү дээ.
Үе үе С.Амарсайханыг чиглэсэн компанит ажлууд дандаа л зорилготой байсныг тухайн үед түүний хийж хэрэгжүүлсэн төрийн томоохон ажлуудтай нь шууд холбогддог. Тэгвэл одоогийн дайралтыг Улаанбаатар хотын дарга Д.Сумъяабазар төсвийн мөнгөөр санхүүжүүлээд сууж байна.
Д.Сумъяабазарын хэвлэлийн Хонгорзул гэх эмэгтэй болоод хэсэг сэтгүүлчдийг нэгтгэсэн групп чат гэгч байх бөгөөд энэ чатад Хонгорзулаас сэтгүүлчдэд хандаж “Амарсайхантай холбоотой сөрөг мэдээлэл цац” гэх тушаал буулгасан гэх. Мөн хоттой гэрээтэй гэгдэх хэвлэлүүдэд "Амарсайханыг муулсан мэдээлэл өгсөн" гэх... ЯАХ ГЭЖ ТЭР ВЭ ?
Тэрбумыг цацчихсан. Түүнээс нь найр тавьж хувь хүртсэн хэвлэлийнхэн дуртай, дургүй ажилдаа орсон бөгөөд хийж байгаа ажлуудынх нь зах зух бидэнд сошиалоор харагдаж байгаа нь тэр л дээ. Нөгөө усгүй усан оргилуур, сургалтын төлбөр, ах нарынх нь эрхэлдэг бизнес, байр байшин... гээд сүрхий мэдээллүүд явж байгаа ч үүнээс өөр зүйл үнэндээ алга. Тэд өөр мэдээлэл олсонгүй. Олдох ч үгүй биз.
Ер нь энэ муулаад байгаа С.Амарсайхан нь өөрөө улс төрчийн хувьд алдаа гаргадаггүй юм уу? Амжилттай бизнес эрхэлж байсан нь, сайн сайхан амьдарч байгаа нь түүний АЛДАА юм уу?
Гэтэл, С.Амарсайханыг муул гэж захиалга өгч, төсвийн мөнгөөр угжиж байгаа Д.Сумъяабазарыг ухвал харин ч их факт гарч ирж байна.
Тэрээр уул уурхайн сайд байхдаа Эрдэнэс таван толгойн хамаг мөнгийг өөрийн банканд байршуулаад дүүтэйгээ нийлж байгаад залгичихсан. Эрүүл мэндийн даатгалын сан, Эрдэнэт үйлдвэрийн мөнгийг ч бас залгичихсан. Ингээд банк нь дампуурчих гээд чичигнэж эхлэх үед эрх мэдлээ урвуулан ашиглаж байгаад Монгол банкнаас мөнгө зээлж амь тариа хийсэн. Эдгээрээс одоо нэг нь ч төлөгдөөгүй. Тиймээс л хаанаас хэнээс яаж мөнгө олох вэ гэж толгойгоо гашилгаж байгаа хүн бол Д.Сумъяабазар юм.
Мөн улсын циркийг юу болгоод хаячихсан байна вэ гэдгийг бид бүгдээрээ харж байна. Хотод хэрэгжих төсөл хөтөлбөрүүдийг зүгээр сошиал алиалагчид өгч өөрийгөө л магтуулсан, сайд байхдаа дүүгийнхээ компанид давуу эрх олгож төсөл өгчихсөн гээд бичээд байвал Д.Сумъяабазарт наалдах муу муухай мундахгүй.
Гэвч тэр муулахгүйн тулд татвар төлөгчдийн мөнгөнөөс тэрбумыг зарлагадан хэвлэлүүдийг угжсан. Түүнд угжуулсан ихэнх хэвлэл таг дуугүй болж ёс зүйгээ уландаа гишгиж мөнгөнөөс өөр зүйл бодохгүй болчихсон хэдэн шантаажчингаар ёстой юу хүссэнээ хийлгэж байна. Харсан уу тэр Будрагчаа, Анхзул, Шинэбаяр нарыг... Харж байна уу тэр цахиур, нууц, дэнс, isee, ergelt, нэгүүн зэрэг сайтуудыг... Тэд яаж шантааж хийж байгааг. Тэд сэтгүүл зүйг яаж шавар шавхайтай хутгаж байгааг.
ГЭВЧ ТЭД ИЙМ ИХ МӨНГӨ ЗАРЛАГАДАЖ, ИЙМ СҮРТЭЙ АЖИЛ БОЛГОСОН Ч С.АМАРСАЙХАНЫ ТАЛААР ГАНЦ Ч ШИНЭ МЭДЭЭЛЭЛ ЦАЦАЖ ЧАДСАНГҮЙ. ӨМНӨ НЬ ХЭВЛЭЛД БААХАН МӨНГӨ ТӨЛЖ ЦАЦУУЛСАН НӨГӨӨ Л МЭДЭЭЛЛИЙГ СУМЪЯАБАЗАРЫН ХОНГОРЗУЛЫН удирддаг ХЭВЛЭЛҮҮД ХУУЛБАРЛАХААС ХЭТЭРСЭНГҮЙ…
Хуулбарласан мэдээллээр нь С.Амарсайхан маш муухай харагдаж ёстой. Гэвч тэдний маш муухай харагдуулахыг оролдон цацаж буй мэдээллүүдээс С.Амарсайхан нь бизнес хийвэл орд харшид амьдрах хэмжээнд тултал маш сайн хийдэг хүн юм байна. Гэр бүл, ах дүүс нь ч бизнест амжилттай яваа, үлгэр жишээ авмаар хүмүүс юм гэж ойлгогдож байна... Үнэхээр атаархагчдын шээс гойжмоор амьдарч байна шүү дээ...
Ер нь биеэ засаад, гэрээ зас. Гэрээ засаад төрөө зас гэж үг бий. С.Амарсайханы хувьд гэрээ засчихаад улс төрд орсон хүн. Энэ нь улс төрд орчихоод өөрийнхөө дампуурах гэж байгаа банкыг төрийн мөнгөөр угжаад сууж байгаа хүнээс шал өөр асуудал л даа.
За тэгээд захиалсан, захиалуулсан хэдийн явуургүй шантааж, учир мэдэхгүй түмний шейрлэх хэмжээнээс хэтрэхгүй сарниж байгааг та нарт ойлгуулах гэж та нарын бичвэрээр л хариулт болгон өгүүллээ...