Хэрээ ба Анааш

15/06/2024

Зуурдхан юм шиг зургаан жилийг
Зүрхэнд үлдсэн чиний дүрийг
Яаж би мартаж чадах билээ
Зүүд нь хүртэл чиний араас
Зүүгдэж хоцорсон миний царайг
Яаж чи санаж чадах билээ
Зургаан жил чамаас зугатаж чадаагүй
Намайг чи …
Таньсан ч таниагүй юм шиг өнгөрсөн
Надтай зөрсөн зургаан секунд …

15/06/2024

Анх чи бид 2 н харилцаа юун дээрээс эхэлсэнийг бодож сууна. Анх уулзсан тэр өдрийн догдлол миний сэтгэлд үүрд хадгалагдан үлджээ. 17 цагийн болзооноосоо жаахан хоцорч очоод чамаар ногоон цай авхуулаад гар салганаад зүрх хүчтэй цохилсон өдрийг хэзээ ч мартахгүй биз ♥️
Цуг байхдаа хэзээ ч дуусдаггүй ярианы сэдэвдээ би их дуртай байсан. Хэзээ ч уйдамгүй бас залхдаггүй байсан тэр ярианы сэдвүүд үргэлж санаа нийлдэг байсан тэр олон өдрүүдийг маш тод санаж байна Ццццнннццццрээн 😝

09/06/2024

Удахгүй сарын дараачаас тэдгээр өдрүүд эхлэнэ. Чи бид 2 нэгнээ олж биенээ таньж эхэлсэн өдрүүд. 2014 оны наадмын өдрүүдээс хойшхи амьдралын бүх өдрүүд чамтай холбогдож эхэлсэн байдаг.

06/06/2024

Надад үнэтэй зүйл юу гээч ? Чи чи чи чамаас өөр юу ч биш хэн ч биш. Бүх зүйлд чэн би дуртай. Миний сэтгэлд үргэлж хадаатай байдаг сайхан охин минь чамайгаа маш их санаж байна.

26/05/2024

Хааяа энд тэнд ороод суухдаа яаг тэр газар чи бас явж байгаа юм шиг санагдана.
Урьд нь би чамайг энд явжийн тэнд байна гэхээр ямар ч төвөггүй олоод ирдэг байсан юм шиг л санагдана.
Чамайг яагаад ч юм 29 нд надруу залгах юм шиг ирэх юм шиг мэдрэмж төрөөд байгаа 😊

23/05/2024

Надад нэг бодсон юм байгаа гэж хэлдэг байсан тэ ? Би хичээж байгаа шүү за ♥️
Чи минь ч гэсэн хичээгээрэй бас хурдан ирээрэй 🤗

16/05/2024

-Байна уу?

Байна...

-Сайн уу?

Сайн

-Юу хийж байна даа?

Чамайг залгахыг хүлээж байлаа

-Хэр удаан

29 сар

-Намайг санасан уу?

Маш их

-Тэгээд яагаад түрүүлээд залгаагүй юм

Чи над руу залгахгүй бол би одоохондоо чамд хэрэг болоогүй ээ гэсэн үг тийм биз
Хэрэг болох өдрөө хүртэл чимээгүй амьдрахыг л хүссэн. Одоо чи ингээд утсаа салгасан ч би ахиад л хүлээнэ...
Хэр удаан нь хамаагүйгээр...Хэрэг болох өдрөө хүртэл зүгээр л чимээгүй хүлээнэ.

15/05/2024

Чамд хайртай хүнийг таних амархан. Зүгээр л ажиглаад байхад мэдэгдэнэ. Тэр чамайг өвдөх үед чинь халамжилна, ядрахад чинь эрч хүч өгнө, чамд туслана. Хэрэг гарвал хотын нэг захаас нөгөө захруу хэдий ч хамаагүй яваад очно. Хамгийн чухал нь энэ бүхнийг хүчээр биш хүслээрээ үйлдэж байгаа нь харц, дууны өнгө, инээднээс мэдрэгдэнэ. Үргэлж чиний төлөө байж чадахгүй үе байх ч ямар ч гэсэн чамайг орхихгүй. Ийм хүнтэй учирна гэдэг нэн ховор ч сонгох эсэх нь чиний л эрх...

14/05/2024

Юу гээч ? Би байгаа шүү за ♥️
Зүгээр л миний байгаа гэдгийг сайн байгаа гэдгийг хичээж байгаа шүү гэдгийг мэдээсэй л гэсийн 🌙

12/05/2024

Оройдоо гэнэт сэтгэл санаагаар унана. Тэгээд гунигтай байгаа юм уу гээд бодохоор яг ч тийм биш. Өдөртөө бол инээд алдаад л яваад байна. Тэгвэл тэгээд жаргалтай байгаа юм уу гээд бодохоор бас л үгүй. Нэг юм л буруу яваад байгаа юм шиг, эсвэл нэг юм дутуу байгаа юм шиг. Тэгснээ яг юу юм гэдгийг нь өөрөө мэдэхгүй. Хэдий болтол ийм мэдрэмжтэй явах юм бол доо.
Чамайг санасан өдрүүд, чамайгаа хайрласан өдрүүд минь цаашаа ч явах юм шиг байна.

11/05/2024

Ярьмаар санагдвал залга. Хэзээ ч хамаагүй бич. Би утсаа авна. Залхтал минь утгагүй зүйлс ярь, хэцүү бүхнээ хэл. Хамгийн жижигхэн мэдрэмж бүхнээ хуваалц. Би үргэлж сонсох болно. Санасан гэдгээ хэл, ирээд уулз, хэцүү байвал эрхэл, гомдолло. Тэвэр. Би хэзээ ч түлхэхгүй. Намайг инээлгэ, намайг зовоо, намайг уурлуул, намайг уйлуул. Төвөгтэй санагдах вий залхаачих вий гэж битгий бод. Хүссэн бүхнээ хий. Зүгээр л чамайг миний хувьд ямар үнэ цэнэтэй хүн бэ гэдгээ мэдээсэй гэж хүссэн юм.

08/05/2024

Тэвэрч болох уу ?
Тэнхээгээ алдтал,сэтгэлээ сэмэртэл

Ганцхан удаа тэвэрье
Би хүчтэй байхыг хүсэхгүй байна
Хүүхэд шиг эрхэлж харцанд чинь хайлаад
Харанхуйгаас эмээж хагацалаас дөлж
Хамгийн хэцүү бүхнийг хамт туулмаар байна.

Тэвэрч болох уу?
Тэсгим хүйтнийг гэстэл
Тэнгэрт ахин нар мандтал
Ганцхан удаа тэвэрье.

02/05/2024

Энэ хорвоод бид бусдын өмнөөс хариуцлага үүрэх гэж, бусдын өмнөөс амьдрах гэж, бусдын хэл амнаас айх гэж ирээгүй билээ. Яаг өөрийнхөөрөө амьдарч байгаа хичнээн хүн байна. Тэр, энэ, ээж аав, хань ижил, найз нөхөд, хамаатан садан, хүмүүс юу гэж бодох бол гэсэн айдсаасаа болоод хичнээн хүн өөрийн хүссэн байдлаараа, бодлоороо амьдарч чадахгүй байна. Яагаад бид бусдын өмнө гэмтэй, үүрэгтэй, өртөй мэт амьдрах ёстой гэж.

28/04/2024

Чи хайж яваагүй мөртлөө хайгаад ч олохгүй тийм хүнийг санаж байна уу ?
Дэргэдээс нь хэдхэн алхам холдсон ч дөнгөж амьсгалсан агаараар нь дутаж эхлэдэг, тэврэхдээ үлдээж явсан үнэрийг нь хаа сайгүй үнэртдэг, өгөх хайрыг нь бодон бодон унтахдаа зүүдэндээ хүртэл харах гэж шунадаг, нар хүртэл чам руу инээж, дэлхий хүртэл чиний төлөө эргэдэг юм шиг санагдуулах хүнийг олсон цагтаа л бид нулимс дүүрэн инээж, маргааш өглөө ахиад тэр хүний төлөө сэрэх гэж яардаг болчихдог.
Хайр гэдэг ийм л байдаг 🎈

27/04/2024

"Салъя" гэж хэлчихээд, хүн харахад бүх зургаа устгаад "single" болгосон мөртлөө бүх зурагнууд нь хэвээрээ "only me" тохиргоотой байхыг

Үнэн зохилдлогогүй хувцаслаад, үс гэзэг нь дэлбэрсэн байхыг харснаа "хөөрхөн ч юм уу" гэж бодохыг

Муудчихаад залгахад нь авахгүй гүрийсээр байгаа мөртлөө "ахиад ганцхан залгачих" гэж бодохыг

Өөр охин/залуу-тай найз болж байгаа нь newsfeed дээр гарч ирэхэд тэрийг нь гэрлэж байна гэж ойлгохыг

Дэлхий дээр байж болох бүх позоор зургаа авч үзээд 8 цагийн турш аль нэгийг нь сонгоод тавьж байхад зүрх дарахгүй байхад нь хайргүй болчихож гэж бодохыг

Хардуулж харамлуулмаар байхад "итгэдэг" гээд тоохгүй үед хөлдүүг нь гайхахыг

Нас нь явцан мөртлөө нүдэнд "бацаан" шиг л харагдаад байхыг

Харах болгонд инээд хүрээд баярлаад байхыг

Харахгүй болохоороо санаад байхыг

Хамгийн сайхан хүнийг өөрийн болгосон юм шиг санагдахыг

Хамтдаа насан туршдаа хэрэлдэхдээ хэрэлдээд, инээхдээ инээгээд амьдармаар санагдахыг хайр❤️ гэдэг юм гэсэн

26/04/2024

Амьдралд минь өнгө будаг нэмж зүрхэнд минь гүн суусан шигтгээ минь чамгүйгээр өдрийн наран бүүдгэр шөнийн тэнгэр тас харанхуй байна 😞

22/04/2024

09/04/2024

Хүнээс ийм гоё хайр гарч болдог юм байх даа гэтэл хайрлаж
Хүнээс ийм гоё хайр мэдэрч болдог юм байх даа гэтэл хайрлуулж
Тэгэхээр чи бид 2 тэв тэнцүү тэгш өнцөгт
Тэврээд авахад сэтгэл дүүргэж
Тэнгэрт тултал жаргал мэдрүүлж
Бие биедээ заяасан гэмээр төгс хосууд
Бусдын харцыг татсан тийм сайхан зохицол ♥️

07/04/2024

Чамайг хайрласандаа би харамсахгүй ээ.

Гарнаас чинь чанга атгасандаа, нулимсаа үзүүлж гунигласандаа, чиний хайрыг хүртсэндээ, чиний дэргэд оршсондоо ч харамсахгүй.

Тэр нэгэн өвлийн гунигаас эхлээд өнөөх учирсан хаврын баясал хүртэл чиний намайг гэсэн бүхнээр чинь тэжээгдэж ургасан цэцэг чинь би юм.

Хамгийн хүчтэйгээс хамгийн сул дорой хүртэлх бүх дүрээ үзүүлж чиний дэргэд оршихдоо тэнхээ тасартлаа уйлж, тэнийж хэвттэлээ инээж байж билээ.

Итгэл минь, хайр минь, зүрх сэтгэл минь.
Энэ насны нандин учрал минь…

07/04/2024

Мартаж боломгүй хүмүүс:

1. Өвдсөн үед цай чанаад ирсэн хүн
2. Ядуу хоосон байхад мөнгө зээлсэн хүн
3. Зовж явахад ачааг үүрэлцэж, хамт зүтгэсэн хүн
4. Сэтгэл санаагаар унаж хэцүү байхад сэтгэлээр дэмжиж байсан хүн
5. Юу ч үгүй, хэн ч биш байхад чинь хариу нэхэлгүйгээр чамайг хайрласан хүн
6. Юу ч мэдэхгүй байхад бүхий л сэтгэл зүрхээрээ зааж сургасан хүн
Энэ бүхэнд чи орно шүү заа баярлалаа 😊♥️

06/04/2024

Ингээд хаашаа ч хамаагүй явж чадий шт ♥️

01/04/2024

Өнөөдөр чамайг зөндөө хүлээсий шүү за 🙁
Цөхрөөгүй ээ итгэдэг болхоор би хүлээнэ.

30/03/2024

Би чиний хүссэн үед хэзээ ч хаана ч ямар ч нөхцөл байдалд очихдоо үргэлж дуртай байдаг байсан. Чамруу очих зам миний хамгийн дуртай зам, чамд хэлдэг үгс минь миний хамгийн үнэн үгс, чамд гаргадаг бүхэн миний чин сэтгэлээс хязгааргүйгээр урсдаг байсан шүү ♥️

30/03/2024

2 хоногийн дараа 4 дүгээр сарын 1 н болно.
Чамайг намайг зориод хүрээд ирвэл маш их баярлана шүү.

28/03/2024

Би хэн нэгнийг зүүдлэхийг түүнийг санаж, ахин дахин хармаар санагдаж, бодолдоо дүрсэлж байнга үгүйлсээр байгаад тэр мэдээлэл нь тархинд хадгалагдаад унтах явцдаа өөрийн төсөөллийг хардаг гэж боддог. Би шинжлэх ухаанч биш л дээ, үнэн учрыг мэдэхгүй ч үүндээ итгэдэг. Тэгээд түүнийг зүүдлэхээрээ мартсан гэж зүрхээ хуурах гэж оролдож явсан тархи минь эцэст нь өөрийгөө бариад өгчихлөөдөө л гэж хардаг юм. Зүүдэнд үзэгдэх тэр царай бүдгэрэх цагт л зүрх минь ч түүнийг таних аа больж хэмээн ойлгоно.

26/03/2024

Би түүний
Хаяж чадаагүй , авч бас болоогүй
Хамгийн сайхан зовлон ...

23/03/2024

Би эрхэлдэг хүнийг хайрладаг.

Зөвхөн надад эрхлэхийн тулд яарч догдолдог. Үнссэнгүй гэж уурлаж гомдоллоод уулзаагүй удсан өдрүүдийн дараа санасандаа уйлж эрхэлдэг зөвхөн надаас сайхныг олж хардаг чиний үнэр ертөнцийн хамгийн гоё үнэр шүү миний өөрийн үнэрийг хаанаас үнэртэхээ ч мэддэг гар даараад байна дулаацуулж өг гээд хөлөө ч цуг атгуулдаг тийм гоё байдаг.
Хэзээ ч хамаагүй дууд муухай өдрийн амралт чинь би баймаар байна. Чи чинь миний бэлэг байхгүй юу заа Ч… 🥰

09/03/2024

Би ямар нэгэн хэцүү өдрийн дараа гэрийнхээ хивсэн дээр тааз ширтэн хэвтээд орчлонд орь ганцаар хаягдчихсан ч “юм шиг” санагдахдаа хэзээ ч энэ ганцаардлыг хэн нэгний сэтгэлээр нөхөхийг хүсдэггүйдээ өөртөө талархдаг. Учир нь сэтгэл гэдэг хүний хамгийн нандин, хөндөж, тоглож болохгүй хэсэг шиг мэдрэгддэг юм. Тийм болохоор ч тэр үү, алдааг минь уучилж, ирээдүйд минь сайн сайхныг ерөөж чаддаг нар шиг сэтгэлтэй хүмүүст асар ихээр талархдаг.

07/03/2024

Би нь байж л байгаа шүү за 😊 Надад гоё хоол аваад нэг өдөр хүрээд ирээрэй за. Чи миний хаана байгааг мэдэж байгаа 🤭
Чамайгаа би цаг мөч хором бүр хүлээдэг.