21/12/2023
Remix, Bootleg, Flip တွေ က ဘယ်လိုကွာခြားကျလဲ?
ကျွန်တော်တို့တွေ Original Mix မဟုတ်ဘဲ တစ်ခြား DJ/Music Producer တွေ တစ်မျိုးပြန်လည်ဖန်တီး တီးခတ်ထားတဲ့ သီချင်းတွေ ရှာတဲ့အခါကျရင် တစ်ချို့ကျ Remix, တစ်ချို့ကျတော့ Flip အပြင် နောက်တစ်မျိုး Bootleg Remix အစရှိတာတွေ မြင်မိကျမှာပေါ့။
အဲလိုအခေါ်အဝေါ် သုံးမျိုးလုံးက Original သီချင်းကို ယူပြီး အစအဆုံး ပြန်လည် ဆန်းသစ် တီးခတ်ထားတာမှန်ပေးမယ့် အဲသုံးမျိုးလုံးက ပုံစံမတူညီ တဲ့ အချက်အလက်တွေ နည်းနည်းစီကွဲပြားပါတယ်ဗျ။
Remix
Remix ဆိုတဲ့ အတိုင်းဘဲ Original Mix သီချင်းပုံစံနဲ့မတူညီကွဲပြားတဲ့ ပုံစံအသစ်တစ်မျိုးကို ကြားရမယ်ဆိုတာ တော်တော်များများသိပါတယ်။ ဒါပေမယ့် Remix ဆိုပြီး ခေါင်းစဉ်တက်လို့ ရလောက်တဲ့အထိတော့ မဖြစ်ဘူးဗျ။ အဲဒါက ဘာလဲဆိုတော့ Remix ဆိုပြီးခေါင်းစဉ်တပ်ဖို့အတွက်က Original Artist ကနေပြီး သူ့တေးသီချင်းရဲ့ Stems လိုင်းတွေကို တရားဝင် ထုတ်ပေးထားတာမျိုး ယူသုံးပြီး ပြန်လည်ဖန်တီး တီးခတ်မှ တပ်လို့ရတာမျိုးဗျ။ တစ်ချို့ Artist တွေဆို သူတို့ တေးသီချင်း ရဲ့ Remix EP ထုတ်ပေးဖို့အတွက် Stems လိုင်းတွေ ဖြန့်ပေးတာမျိုး တွေရှိသလို တစ်ချို့ကျတော့လဲ Third-Party နဲ့ပေါင်းပြီး Stems လိုင်းတွေ ဖြန့်ပေးတာမျိုးရှိတယ်။ တစ်နည်းအားဖြင့်တော့ Original Artist ကိုယ်တိုင်က Remix လုပ်ဖို့ တရားဝင် ခွင့်ပြုထားပေးတာမျိုးဆိုတော့ Official Remix လို့လဲပြောလို့ရတာပေါ့။
Bootleg or Bootleg Remix
ဒါကျတော့ရှင်းတယ် ခုနဟာရဲ့ပြောင်းပြန်ဘဲ။ Original Artist ကနေပြီး တရားဝင် Remix လုပ်ဖို့ ခွင့်ပြုချက်မပေးထားဘူး Stems လိုင်းတွေ မဖြန်ပေးထားဘူးပေါ့။ ဒါပေမယ့်လဲ Remix လုပ်လို့မရဘူးလားဆိုတော့ မဟုတ်ဘူး လုပ်ပိုင်ခွင့်ရှိတယ် ဒါပေမယ့် Official Remix မဟုတ်တဲ့ အတွက် Remix လို့ ပြောပိုင်ခွင့်မရှိတော့တဲ့အတွက်ကြောင့် Bootleg or Bootleg Remix လို့ သတ်မှတ်ချက်တစ်ခု ချထားလိုက်ရတာမျိူးပေါ့ဗျ။
Flip
Flip ကျ နည်းနည်း ပုံစံပြောင်းသွားတယ်။ သူလဲ Remix ဘဲဗျ။ Remix ဆိုတဲ့ စကားလုံးနေရာမှာ Flip ဆိုတဲ့ စကားလုံးလေးဘဲ ပြောင်းလိုက်တာမျိုး။ ဒါပေမယ့် Flip ကျတော့ Music Producer အတွက် လုပ်ရတာ မြန်ဆန်မှုရှိတာမျိုးတွေရှိတယ်။ ဘယ်လိုလဲဆိုတော့ Flip ဆိုတဲ့ စကားလုံးအတိုင်းဘဲ Drop ကို ချိန်းချလိုက်တာ လောက်ဘဲ လုပ်လိုက်တော့တယ်။ မြင်အောင်ပြောရမယ်ဆို သီချင်းတစ်ပုဒ်လုံးကိုမှ Drop အပိုဒ်ကိုဘဲ Music Producer ကနေပြီး အသစ် အစအဆုံးပြန်လည် တီးခတ်ပြီး တစ်ခြားအပိုင်းတွေကိုတော့ သူယူထားတဲ့ မူရင်းတေးသီချင်း အတိုင်းဘဲ ထားထားတာမျိုးဗျ။
ကဲဒါဆို ဒီသုံးမျိုး က ဘယ်လို နည်းနည်းစီကွာခြားသွားလဲဆိုတာ သဘောပေါက်မယ်လို့ ထင်ပါတယ်ဗျ။
🔺 RAVE DJ & Music Production Class 🔺
📍လိပ်စာ - အမှတ် (၆)၊ မြေညီထပ်၊ မြောင်းမြလမ်း၊ စမ်းချောင်းမြို့နယ်၊ ရန်ကုန်မြို့။
☎️ ဖုန်း - 09425292710